Author: admin

Gjatë kësaj jave priten që të përjetohen stinët e pranverës, dimrit dhe verës.

Me temperatura maksimale 29 gradë Celsius dhe me ato minimale deri në -1 gradë Celsius në zonat malore.

Metorologoia Lajda Porja thotë se dita e martë e mërkurë do të jetë e shoqëruar me reshje shiu, ndërsa dita e enjte dhe premte do të pasojë me reshje dëbore në zonat malore.

“Një javë shumë dinamike kjo. Sot do të mbetemi n kushtet e motit tipit të verës, me temperatura deri në 29 gradë Celsius. Dita e martë dhe e mërkurë do të sjellë tipare të pranverës, do të kemi vranësira rrebeshe shiu, rënie të temperaturave deri në 25 ose 26 gradë Celsius. Do të kemi një ndryshim total të motit, ku dita e enjte dhe e premte do të ketë tipare dimri. Rikthen reshjet e dëborës në zonat malore, kryesisht në verilindje. Ulen ndejshëm temperaturat me 4-5 gradë Celsius, duke bërë që temperatura minimale të shkojë në -1 gradë Celsius në zonat malore, ndërkohë temperaturat maksimale nuk do të shkojnë më shumë se 21 gradë Celsius. Pra kjo javë do i ketë të gjitha stinët bashkë, pranverë, dimër dhe verë”, tha Porja.

Kushte të ngjashme atmosferike pritn te jëne edhe në Kosovë e Maqedoninë e Veriut. Po ashtu problem do të jenë parametrat e erës, ku në Kosovë pritet që era të shkojë në 55 kilometra në orë.

“Për sa i përket Kosovës dhe Maqedonisë së Veriut, do të jenë në ndikimin e alternimeve, kthjellimeve dhe vranësirave të shpeshta. Dita e martë dhe e mërkurë do të sjellë reshje shiu, ndërsa dita e enjte dhe e premte do të sjellë reshje dëbore në pjesën më të madhe të territorit të Kosovës dhe në zonat e izoluara të Maqedonisë së Veriut. Temperaturat e larta do jenë prezente vetëm ditën e sotme. Nga dita e martë e deri në të premte, do të ketë ulje të temperaturave, duke bërë gjë që temperatura maksimale pritet të shkojë në 18 gradë Celsius. Për sa i përket parametrave të erës, në Shqipëri pritet të arrihet në 70 km/h, ndërsa në Kosovë 55 km/h, por edhe në Maqedoninë e Veriut pritet që të ketë erë relativisht të fortë.”, përfundoi Porja.

Ish-konkurrentja e “Për’puthen” Enisa, ishte e ftuar në “Mos i bjer me top” tek E Diell, ka treguar se u largua nga “Për’puthen” për shkak të shëndetit të nënës së saj, e cila kërkonte shumë përkushtim dhe kujdes.

E pyetur nëse do rikthehet sërish në “Për’puthen”, pas përmirësimit të nënës së saj, Enisa shprehet se e ka mbyllur atë kapitull.

Ronaldo Sharka: Do kthehesh në “Për’puthen”?

Enisa: “Nuk e besoj sepse është mbyllur si kapitull për mua. Përderisa nuk e gjeta dashurinë për 6 muaj, nuk e besoj se do e gjej për… Ndoshta tashme e kam gjetur”.

Ronaldo Sharka: Me vërtet? Çfarë po ndodh me jetën tënde jashtë “Për’puthen” nga ana personale?

Enisa: “Jam në një njohje. Është 25 vjeç por nuk rri në Shqipëri”.

Ronaldo Sharka: Me çfarë merret?

Enisa: “London Boy”, (çun Londre)”.

Ronaldo Sharka: Paske goditur në shenjë. Ku e njohe?

Enisa: “Ndërkohë që unë isha në Itali tek mami dhe po kujdesesha për të, edhe ai kishte të njëjtin rast dhe kështu ndodhi. Ai jeton në Londër dhe vazhdojmë kontaktin. Më kishte ndjekur në “Për’puthen” dhe më tha “pse vetëm qaje”.

Ditën e djeshme, rreth orës 20:19, Raportohet një përleshje me armë mes bandave në Gjakovë. Policia e Kosovës, ka njoftuar për një përleshje me armë mes dy grupeve në qytetin e Gjakovës.

“Raportohet se pas një mosmarrëveshje ne mes te dy grupeve të njëjtit janë gjuajtur me armë ndërmjet vete. Në vendin e ngjarjes janë gjetur dhe sekuestruar gjashtë gëzhoja, një fishek dhe një predhë”, bënë të ditur policia.

Përveç dëmeve të shkaktuara nga arma e zjarrit në dy vetura që ishin të parkuara, nuk raportohet për të lënduar.

Pas hetimeve të zhvilluara është identifikuar një mashkull kosovar, si i përfshirë në incident i cili ndodhet ne kërkim policor.

Lidhur me rastin është njoftuar edhe prokurori, i cili ka urdhëruar fillimin e hetimeve.

Mesdita e 9 prillit do të rezultonte tragjike për një familje 6 anëtarëshe në aksin rrugor Prrenjas-Qafë Thanë, pasi u përplasën nga një automjet që lëvizte me shpejtësi.

Për pasojë, 24-vjeçarja Eneida Pishkashi u plagos rëndë dhe përfundoi në koma. Pas 5 ditësh te spitali i Traumës në Tiranë ajo ndërroi jetë.

Shoferi i dehur, Jetmir Daci, që shkaktoi edhe aksidentin e rëndë, u arrestua vetëm pasi e reja humbi jetën pasi 5 ditëve në koma dhe jo në momentin kur ndodhi ngjarja.

Sipas policisë, ai ka qenë duke drejtuar mjetin në gjendje të dehur, kur më 9 prill ka përplasur në aksin Prrenjas-Qafë Thanë të renë së bashku me 4 persona të tjerë. Në testin e bërë nga policia ditën e ngjarjes rezultoi se 44-vjeçari ka qenë i dehur në timon në nivelin 0.40 mg/l të alkoolit në momentin që ka përplasur familjen Pishkashi.

Ata po qëndronin në këmbë para një servisi dhe po prisnin që makina e tyre të riparohej kur u goditën nga një automjet “Passat” me drejtues Dacin i cili i mori përpara.

Kryefamiljari i cili gjithashtu mbeti i plagosur, ishte emigrant në Greqi dhe në vendlindje ishte kthyer për arsye familjare.

Një aksident i rëndë trafiku, ku vdiqën vëlla (21) dhe motër (19) në zonën e Ratacit në Kroaci, është mbajtur i fshehtë nga një shtetase shqiptare.

Media kroate Dubrovnik INsider raporton se bëhet fjalë për Klevisa Ymeri.

Dy ditë më parë, një shtetase shqiptare 29-vjeçare është dënuar me masën e paraburgimit një muaj për shkaktim të aksidentit me pasoja fatale. Aksidenti ka ndodhur të martën rreth orës 20:30 në rrugën D-8, në zonën e Ratacit afër Sllanos.

Advertisements

Aksidenti rrugor ka ndodhur kur 29-vjeçarja shqiptare, e cila drejtonte një veturë me targa sllovake, ka filluar të parakalojë në mënyrë të paligjshme mjetin përballë saj, gjë që ka sjellë përplasjen kokë më kokë me një makinë me targa Makarska, i drejtuar nga ana e kundërt nga një shtetas kroat 21-vjeçar.

Dubrovnik INsider thekson se Ymeri ishte duke vozitur një fuoristradë BMW dhe jo zyrtarisht ka marrë vesh se në një moment ajo po udhëtonte me shpejtësi gati 170 km në orë.

Viktor Xherek, vëllai i Stjepanit dhe Katarinës, të cilët humbën jetën një këtë aksident, ka treguar se si ndihet pas tragjedisë.

Sipas mediumit kroat, Klevisa Ymeri u bë e njohur për publikun dy vjet më parë kur ajo vendosi të surprizonte një shok që ndodhej në burg në Trento të Italisë.

Ajo së bashku me shoqet i është afruar burgut dhe ka ndezur altoparlantët dhe fishekzjarrë.

Ymeri ka profile në një sërë rrjetesh sociale, ku jep këshilla për grimin. Ajo ka 33 mijë ndjekës në TikTok dhe pothuajse 14 mijë në Instagram, por profilet e saj aktualisht janë të mbyllura./Telegrafi

Ledjona Xheladinaj ka vendosur që të bëjë një ndryshim të papritur në imazhin e saj.

Ish-banorja e Big Brother Vip 3, ka ndryshuar ngjyrën e flokëve, si dhe ka shtuar gjatësinë, duke marrë një pamje krejt të re.

Pas postimit në rrjetet sociale, duket se fansat e saj e kanë pëlqyer shumë këtë ndryshim, duke i lënë komente pozitive

“Big Love” është rikthyer edhe këtë edicion të “Big Brother Vip”, duke ju mundësuar t’i dërgoni dhurata dhe mesazhe banorëve tuaj të preferuar.

Banorët brenda shtëpisë kanë mundur të lexojnë disa nga këto mesazhe ditën e sotme, dhe një prej tyre, që ra më në sy, ishte mesazhi që Ilnisa i kishte dërguar Meritonit.

“Këto ditë po fle pak. Por dua të dish që jam aty dhe ti je me mua. Edhe parfumin tënd e kam me vete. Më përqafohesh e më puthesh, aq sa dhe shumë më mungon. Mos harro se loja e shahut nuk do lëvizje spontane. Anaisi sot ka ditëlindjen, mbush 11 vjeç.”– ishte mesazhi i Ilnisës.

“Urime Anaisit, edhe 100! Ishallah jemi të gjithë bashkë. Ti je njeriu më i rëndësishëm për mua, më ka marrë malli shumë, për erën të nde që të puth, je fryma ime! Faleminderit!”– u përgjigj Meritoni.

https://www.instagram.com/_u/bigbrotheralb_vip/?utm_source=ig_embed&ig_rid=56307b92-0f0f-47ad-afea-882fb18551f5&ig_mid=2F837451-4A76-4A7A-A205-AD2D3C60DE9D

Ish-banorja e “Big Brother Vip 3”, Meri Shehu, teksa ishte e ftuar në “Trotuar” tek E Diell, ka zbuluar se cili nga banorët e “BBV3” ka flirtuar me të kur ajo ka qenë brenda në shtëpi

Meri nuk ngurroi të përgjigjej, duke thënë emrin e Julit. Ajo shprehet se Juli ka flirtuar me të, e ka ngacmuar dhe se ajo është tunduar nga ai.

Ed Manushi: Më pyet një komshija ime që të ka idhull. Ajo vdes për ty, më thotë “aman pyete një herë Merin kur të vijë në Top Channel, kush ka flirtuar me të brenda shtëpisë së Big Brother”. E do me emër, mbiemër nga ty para kamerës që të mos më shqetësojë më.

Meri Shehu: “Unë e them, por ju nuk e patë kush flirtoi me mua”?

Ed Manushi: Nuk është e sigurt!

Meri Shehu: “I pari ka qenë Juli një herë. Donte të fitonte lojën si duket. Madje i thashë asaj që komunikonim në veçanti tek dhoma e rrëfimit, po fitova unë betejën me këtë mënyrë të flirtuar të këtij, unë fitoj menjëherë Big Brother.

Unë sa fitova betejën më nxorën nga “Big Brotheri”. Pata tundime, është e vërtetë. Mua Juli nuk më ka pëlqyer asnjëherë jashtë, por më tundoi”.

Ed Manushi: Po çfarë sinjalesh kishte nga Juli, se është risi kjo për ne?

Meri Shehu: “Shikonte në një mënyrë… Juli bënte tamam kavalierin. Juli mund të flirtojë me çdo femër me atë që kam parë dhe unë nuk besoja se Juli ishte mashkull që mund të arrinte të të tundonte, para se të futej. Ndoshta mbyllja bën të vetën, por është i fitueshëm. Që nuk ngelesh në tundimin e tij, po të duash e lufton dhe është i fitueshëm, pra e kapërcen tundimin e Julit”.

Granit Xhaka ishte protagonist absolut te fitimi i titullit historik nga Bajern Leverkusen. Ylli shqiptar ka qene sonte duke festuar me familjen e tij. Graniti ishte i rrethuar nga nëna, babai, gruaja dhe vajzat e tij, pas përfundimit të ndeshjes mes Bajern Leverkusenit dhe Verder Bremenit në kuadër të javës së 29-të në Bundesligë.

Ndeshja përfundoi 5-0 për skuadrën e Xhakës, i cili arriti të realizonte edhe një supergol, ndërkohë që edhe arritën të kurorëzohen kampion pesë xhiro më herët se përfundimi i këtij sezonit.

Pas ndeshjes, Xhaka është takuar me familjen e tij, ndërsa babai i tij, Ragip Xhaka pati edhe një mesazh për Çabi Alonson.

“Çabi Alonso në histori të futbollit!”, ka shkruar babai i Granitit në rrjetet sociale. Ky është titulli i parë në historin e Leverkusenit në Bundesligë në 120 vjet themelimi si klub.

Një takim i parë që supozohej të ishte romantik, ka rezultuar fundi tragjik për një 19-vjeçare.

Sipas CNN, Sade Robinson kishte lënë takim me një djalë që e kishte njohur rishtas, në një restorant në SHBA. Ndërsa u kishte treguar miqve të saj që mezi priste ta takonte 33-vjeçarin që kishte njohur, prej 2 prillit ajo nuk kishte pasur më kontakt me askënd nga familjarët dhe miqtë.

Pas kërkimeve të policisë, është zbuluar dhe ngjarja tronditëse, ku në një zonë është gjetur makina e saj e djegur, e brenda në të, pjesë të trupit të të resë.

E sikur të mos mjaftonte me kaq, ekspertët janë përballur me pamje horror, kur pranë makinës, kanë gjetur këmbën e saj të sharruar.

Për këtë krim është arrestuar 33-vjeçari, si i dyshuar kryesor, por vetë ai thotë se është i pafajshëm.

Ngjarja ka shkaktuar shumë reagime në Wisconsin, ndërsa policia po heton edhe për raste të tjera të vajzave që janë zhdukur.