Çfarë po ndodh? Lëvizja Vetëvendosje hedh ‘rrënjët’ e saj në Shqipëri

    0
    233

    Lëvizja Vetëvendosje zyrtarisht do ta ketë qendrën e saj edhe në Shqipëri.

    Bojken Abazi nga kjo parti ka bërë të ditur se Vetëvendosja me datën 11 mars 2019, ka dorëzuar pranë Gjykatës së Rrethit Gjyqësor Tiranë dokumentacionin dhe kërkesën për regjistrimin e Qendrës “Lëvizja VETËVENDOSJE! në Shqipëri”.

    “Qendra do të punojë në rritjen e vetëdijes se bashkimi kombëtar dhe integrimi i Shqipërisë, dhe më gjerë i shqiptarëve, në strukturat Euro-Atlantike (si Bashkimi Evropian dhe NATO) janë procese që duhen realizuar paralelisht dhe e plotësojnë njëri-tjetrin.

    Ajo ka për qëllim rritjen e ndërgjegjësimit dhe aktivizmit qytetar në Republikën e Shqipërisë mbi problematikat e shqiptarëve që jetojnë në treva autoktone shqiptare jashtë territorit të Republikës së Shqipërisë, dhe anasjelltas”, ka shkruar Abazi.

    Ky i fundit do të jetë drejtor ekzekutiv në këtë institucion.

    Në datën 11 mars 2019 kemi dorëzuar pranë Gjykatës së Rrethit Gjyqësor Tiranë dokumentacionin dhe kërkesën për…

    Posted by Boiken Abazi on 2019 m. balandžio 8 d., pirmadienis