Doktoret e operojne breshken,tmerrohen nga ajo qe gjejne ne barkun e saj

    0
    475

    Çfarë do të ishit të gatshëm për të bërë për të tërhequr fat të mirë? Çdo kulturë ka besimet e veta popullore se si të tërheqë fat të mirë dhe të largojë syrin e keq. Disa njerëz mendojnë se hedhja e një sasie të vogël kripe në qoshet e shtëpisë shmang shpirtrat e ligj dhe shumë besojnë se macja e zezë sjell fat të keq.

    Autoritetet e qytetit tajlandez të Chonburi-t filluan të investonin në zhvillimin e rajonit dhe për këtë arsye hoqën disa kafshë të egra nga “shtëpitë” e tyre. Disa vullnetarë sollën në Qendrën e Mbrojtjes së Breshkave të Detit në Tajlandë disa mostra që ishin kërcënuese për jetën. Midis tyre ishte një breshkë që jetonte në një nga pellgjet më të vizituara.

    Pas analizave të ndryshme ata vunë re diçka të çuditshme, shkruan ShkodraNews. Kafsha, rreth 25 vjeçe, kishte një cen në stomak dhe diçka po dëmtonte trupin e saj, çka e bënte të lëvizte me vështirësi dhe ishte shumë e rëndë për madhësinë e saj. Kjo është arsyeja pse veterinerët ishin të shqetësuar dhe mendonin menjëherë për më të keqen.

    Pas analizave, ata arritën në përfundimin se ajo kishte një tumor dhe vendosën të vepronin mbi të menjëherë.

    Ata i bënë narkozë breshkës së gjorë dhe ajo u zhvendos me kujdes në një sale operacioni për t’ju nënshtruar kirurgjisë. Ata duhej të ishin shumë të kujdesshëm, sepse breshka merrte frymë me vështirësi dhe për shkak se nuk dihej saktësisht madhësia e kancerit të dyshuar. Por ata u shokuan kur hapën stomakun e breshkës.

    Në zorrë panë se kjo nuk ishte një tumor, por breshka kishte brenda 915 monedha, të cilat ishin hedhur në pellg nga turistët dhe vendasit, në mënyrë që të kishin fat. “Është e vështirë të imagjinohet se si mund të kishte gëlltitur kaq shumë monedha”, thotë një veteriner.

    “Është e pabesueshme se si një traditë e tillë qesharake mund të rrezikojë natyrën. Më duket skandaloze”, tha një anëtar tjetër i ekipit mjekësor.

    Pas 4 orësh, ndërhyrja në breshkë përfundoi; në fund ajo ishte jashtë rrezikut. Me dashuri ata vendosën ta quanin “Moneybox”.

    Pas dy javësh, breshka filloi të merrte frymë, por nuk lëvizte dhe dukej se ishte shumë e lodhur. Ajo nuk donte të hante dhe mjekët ishin të shqetësuar. Ata i bënë rreze X dhe analiza e re nxorri se breshka ishte e lodhur për shkak të akumulimit të gazit në zorrët.

    Ajo duhej t’i nënshtrohej një operacioni të dytë, por tashmë ishte shumë e dobët, shkruan ShkodraNews. Zorra ishte e dëmtuar dhe madje edhe në qoftë se ata bënë çdo gjë të mundshme për ta shpëtuar atë përsëri, breshka nuk do mund të rezistonte.

    Pas disa orësh të operacionit, joi hyri në koma dhe vdiq pak pas kësaj. Ishte një goditje e jashtëzakonshme për të gjithë njerëzit që u kujdesën për të në ditët e fundit. Mbështetja nga rrjetet sociale dhe pakënaqësia e njerëzve mbi mungesën e ndërgjegjes ndaj kafshëve shpërthyen kudo.

    Miliona përdorues treguan mirënjohjen e tyre për veterinarët të cilët bënë gjithçka që mundën për ta shpëtuar.

    Sa shumë kafshë do të duhet të jenë viktima të ndjeshmërisë së vogël të qenieve njerëzore? Shpresojmë se historia e “Moneybox” mund të bëjë sa më shumë njerëz të vetëdijshëm të jetë e mundur. Ne duhet të kuptojmë se një gjest i thjeshtë dhe i pastër, si hedhja e një monedhe ose objekti tjetër në një pellg, mund të ketë pasoja alarmante.

    Çfarë mendoni për këtë histori? Lini një koment dhe mos harroni të ndani me miqtë tuaj në Facebook. /Përshtati: ShkodraNews