/E bujshme/ Edi Rama vë bast: Nëse nuk marr 71 mandate, largohem! Nuk rri nga halli…

E bujshme/ Edi Rama vë bast: Nëse nuk marr 71 mandate, largohem! Nuk rri nga halli…

Kryeministri Edi Rama, ka deklaruar se do të largohet nga politika, nëse Partia Socialiste nuk merr mandatet e nevojshme për të qeverisur, pra 71 mandate.

Rama tha se nuk do të qëndrojë në politikë “nga halli”.

“Nëse PS nuk merr shumicën (71 mandate) që mua bashkë me shqiptarët më duhet për ta çuar Shqipërinë në majën ku mund të ngjitet,

por s’i ka mandatet për të qeverisur dhe duhet që të fillojë të bëjë një proces nga halli, hallin do ia delegoj dikujt tjetër.

PS nuk do mbarojë nëse mbaron karriera ime. PS do të vazhdojë. Bashkëpunim nga halli unë s’jam më i gatshëm të bëj.

Me shqiptarët bashkëpunoj nga pasioni, majën që e kam parë me sy hapur, e kam ëndërruar kur kam hyrë në këtë rrugë, do ta arrijmë.

Unë besoj shumë tek ëndrrat me sy hapur. Por duan forcë karakteri dhe që ta ndash mendjen se mes të parës dhe të bërës është det i tërë në mes.

Kjo është arsyeja sepse jam këtu. Mandati i tretë është për të çuar para këto punë. Për të vijuar këtë cikël” – tha Rama në News24.

Kujtojmë se lidhur me këtë çështje, është pyetur edhe kreu i opozitës në emisionin

“Të Paekspozuarit”, nëse do të largohet nga PD në rast humbje, por nuk dha një përgjigje, duke deklarur se ai “do të fiojë zgjedhjet në 25 prill”.