Djali që shikoni në këtë video ka ndërmarrë një mision vërtet të rrezikshëm.

Pasi ka bërë vëzhgimet ai ka marrë një kamera dhe ka dalë në terren në rrugët e Pragës ku edhe denoncon persona të ndryshëm që në mënyrë të jashtëligjshme këmbejnë valutën duke përdorur para fallco.

Këta persona në mënyrë ilegale këmbejnë valutën në rrugët e Pragës duke mashtruar turistat.

Djali që bën denoncimin në video (i cili është çek) ka filmuar të paktën 4 persona dhe njëri prej tyre shoqërohet në burg nga policia.

Pas arrestimit të njërit prej mashtruesve djali kthehet përsëri në të njëjtën rrugë dhe aty gjen ende shokët e personit të ndaluar.

Këtë rradhë bëhet fjalë për një shqiptar i cili po ashtu bën këmbim valuator me para fallco në Pragë në sheshin, Franz Kafka.

Ky shqiptar duket shumë i bezdisur nga kamera dhe në shumë raste e shtyn me duar kameramanin për të mbuluar identitetitn e tij.

Një moment (minuti 3.15 në video) kur pyetet nga cili qytet vjen ai përgjigjet se është nga Shqipëria.

Më tej djali që bën filmimin i thotë se do jetë vetë ai që do e denoncojë në polici:

Emri im është problemi yt!
Pas kësaj fraze ai ka kërkuar publikisht nga të gjithë që të kenë kujdes dhe mos bëjnë kurrë këmbimin e valutës në rrugë nga njerëz që tentojnë të mashtrojnë duke shkelur ligjin.

https://www.facebook.com/plugins/video.php?href=https%3A%2F%2Fwww.facebook.com%2FUNILADAdventure%2Fvideos%2F846623805693531%2F&show_text=0&width=476