Në Ny Ansalt të Groenlandës është ndërtuar burgu më luksoz në botë.

Ai ndodhet në anë të malit Sermitisiaq dhe nuk ngjan fare me një vend ku vuajnë dënimin kriminelë të rrezikshëm, pasi qelitë e tij nuk kanë hekura në dritare, por xhama të zakonshëm.

Arkitekti Thomas Tuus Christensen dhe drejtoresha e projektit Jette Birkeskov Mogenson thanë se objektivi i këtij burgu është që të jetë një “vend më njerëzor”.

40 qeli janë të rezervuara vetëm për kriminelët shumë të rrezikshëm, ndërkohë që 36 të tjerat janë për të burgosurit që gjatë ditës dalin për të punuar në qytetin Nuuk, ndërsa natën rikthehen sërish në qeli.