Shqiptari i Cosa Nostra-s… Trafikant dhe “agjent i INTERPOL”

    0
    331

    Hetimet nisën që në dhjetor të vitit 2016. Qindra përgjime telefonike dhe mjedisore. Mes të arrestuarve të policisë në Firence, është dhe shqiptari Pavlin Delia.

    Arrestimi i tij do të kishte kaluar “lehtë” nëse nuk do të ishte pjesë e një grupi kriminal, ku pjesëtarë do të ishin dhe anëtarë të Cosa Nostra-s.

    Kështu në një operacion të policisë në Fierence, veç shqiptarit u arrestuan dy vëllezërit Giovanni e Renato Sutera si dhe Ruben Crespo Guerra.

    Më i rrezikshmi është Giovanni Sutera, i cili ka vrarë dy persona. Në vitin 1985 ai ka vrarë dhe 17-vjeçaren Graziella Campagna. Ai ishte liruar me kusht, për sjellje të mirë.

    Graziella Campagna
    Graziella Campagna

     

    Por të 4 të arrestuarit kishin ndërtuar një mekanizëm të “suksesshëm”. Mbillnin kanabis në Spanjë dhe më pas e fusnin në territorin italian. Kishin marrë një lokal në qendër të Firences, që e përdornin për të shpërndarë drogë.

    Nga hetimet e policisë rezultoi se droga pasi vinte nga Spanja në Itali, përfundonte në duart e shqiptarit Pavlin Delia i cili merrej me magazinimin dhe shpërndarjen.

    Por Pavlin Delia nuk është një emër i panjohur. Në vitin 2015 ai ishte pjesë e një hetimi, për mashtrim. Sipas organit të akuzës, Pavlin Delia në bashkëpunim me Irme Musaraj i kanë marrë nëpërmjet mashtrimit një sasi lekësh mjekut Emil Kalimeri.

    Po këto akuza nuk u vërtetuan nga Gjykata e Apelit dhe mjeku nga ana tjetër u shpall fajtor për përndjekjen e Irme Musarajt. Po ajo që është interesante është fakti se Pavlin Delia hiqej si “agjent i INTERPOL”. (Kliko Këtu)

    Po ashtu disa muaj më vonë Pavlin Delia do të arrestohej pasi shkakoi një aksident.

    Interesante është dhe fakti se Pavlin Delia ka qenë një frekuentues i rregullt i ambienteve me muzikë tallava.