/Zgjedhjet në Austri/ Tre gra me origjinë shqiptare kandidojnë për deputete të dieIën

Zgjedhjet në Austri/ Tre gra me origjinë shqiptare kandidojnë për deputete të dieIën

Tre gra me oringjinë shqiptare po kandidojnë për t’u bërë deputete në Parlamentin e Austrisë.

Shqiptaret synojnë të fitojnë mandatin e deputetes në zgjedhjet e parakohshme të së dielës, më 29 shtator, ku kanë të drejtë të votojnë të gjithë shqiptarët me nënshtetësi austriake.

Drita Cacaj dhe Ina Rexhepi nga ÖVP (Partia Popullore e Austrisë) si edhe Serafina Demaku nga partia SPÖ (Partia Socialdemokrate e Austrisë) kandidojnë për të zënë 3 nga 183 vendet në Parlamentin austriak.

Drita Cacaj ftoi shqiptarët të marrin pjesë në votime, ndërsa i kërkoi të mos ankohen nëse nuk shprehin të drejtën e tyre të votës.

“Shqiptarët në Austri fatk.eqësisht janë komuniteti që më së paku dalin në zgjedhje. Ne duhet të jemi të integruar në secilën sferë të jetës në Austri dhe duhet të jemi faktorë edhe në jetën politike të Austrisë. Në rast se ne nuk përkrahim njëri–tjetrin nuk mund të forcohemi si komunitet. Ne ankohemi tërë kohën kurse nuk jemi në gjendje një ditë të dalim dhe të votojmë për të ndryshuar gjendjen dhe për të kërkuar të drejtat që na takojnë”, tha ajo për albinfo.ch.

“Vota juaj do të jetë përgjegjësi për mua që të ju përfaqësoj në mënyrën më të denjë njerëzore dhe profesionale. Si shqiptarë që jetojmë në Austri duhet të jemi të përfaqësuar dhe të integruar si të gjitha nacio.nalitetet tjera pa dallim”, theksoi Drita Cacaj, e cila ka si prioritet integrimin e gruas shqiptare në jetën sociale në Austri.

Ndërkohë në listat e partisë së kandidatit për kancelar Sebastian Kurz është edhe 36- vjeçarja Ina Rexhepi nga Prizreni, që jeton me bashkëshortin dhe dy fëmijët jeton në Ëels të Austrisë.

“Pas relativisht pak kohësh që u bëra pjesë e partisë, u njoha me Sebastian Kurz. Ai më emëroi si ambasadore të integrimit për projektin “Zusammen Österreich” kështu që u bëra më aktive në politikë”, tregon Ina për “albinfo.ch”, ndërsa deklaroi se partia e saj i trajton më së miri shqiptarët, sipas saj për shkak të raporteve të mira.

“Për Partinë Popullore në Austri vlerësohet suksesi dhe jo origjina. ÖVP si prioritete i ka temat si: dixhitalizimi, ndryshimi i Klimës, forcimi i Evropës, pra, janë të gjitha tema që ndikojnë gjithashtu në gjeneratën tonë të ardhshme”, tha ajo.

“Secili kërkon një jetë më të mirë për vete, për familjen dhe fëmijët e tij. Nëse dëshirojmë të bëjmë ndryshim, atëherë duhet të votojmë, sepse vetëm duke votuar mund të bëhemi pjesë e ndryshimit”, u shpreh Ina.

Kandidatja e tretë është 23-vjeçarja Serafina Demaku, e cila ka lindur në Baden të Austrisë dhe me prejardhje është nga Arbria e Drenicës.

Demaku është angazhuar në në organizata joqeveritare për çështjen e migracionit, ndërkohë ka mbajtur edhe pozitën e Sekretares së të Rinjve Socialistë të Austrisë

Ajo liston në një postim në Facebook edhe arsyet pse duhet ta votojnë.

“Unë kandidoj për zgjedhjet parlamentare 2019 për një politikë që e merr seriozisht mbrojtjen e klimës dhe angazhohet për një transport publik falas. Një politikë që angazhohet për një sistem ekonomik, ku njerëzit dhe mjedisi vlejnë më shumë se paratë dhe përfitimet. Për një politikë që krijon strehim të përballueshëm për të gjithë”, shkruan ajo.

Ndërkohë kujtojmë se Austria po zhvillon zgjedhje të parakohshme pas publikimit të skandalit, ku zëvendëskancelari i Austrisë, Heinz Christian Strache përfshihej në një inçizim teksa i ofronte kontrata qeveritare një nënkontraktore ruse duke i kërkuar në këmbim donacione politike.