Month: September 2023

DASHI 

Gjatë kësaj dite do të korrni ato që keni mbjellë. Mundohuni të tregoheni sa më të kujdesshëm që mos vuani më vonë. Ju që jeni në një lidhje do bëni mirë të mos ndërmerrni shumë rreziqe sepse partneri nuk do jetë në humor dhe mund të keni probleme të njëpasnjëshme. Ju beqarët nuk do jeni me fat në dashuri dhe do vazhdoni të mbeteni me të njëjtin status si më parë. Për sa i përket punës, Mërkuri do krijojë klimën e duhur. Portat në të cilat do të trokisni do të hapen menjëherë, por vetëm nëse dini të trokisni si duhet. Financat do dini si t’i menaxhoni dhe gjendja do mbetet e qëndrueshme. Vështirësi nuk do keni aspak.

DEMI 

Venusi do të largohet nga qielli juaj, por përsëri jeta juaj nuk do jetë plotësisht e stabilizuar. Nëse keni një lidhje mund të rikthehet paksa besimi tek njëri-tjetri. Dozat e harmonisë do shtohen dhe emocionet në çift do jenë më të mëdha. Çdo çast do jetë më i veçantë se tjetri. Ju beqarët do merrni bekimin e yjeve dhe do realizoni takimin më të bukur të jetës tuaj. Gjithçka ka për të ndryshuar për ju. Për jetën profesionale do jeni më të shqetësuar. E dini shumë mirë se kurajoja, ndershmëria dhe mirësia janë armë të forta për të arritur majat e suksesit. Do keni mjetet e duhura për të marrë atë që dëshironi. Sipas Horoskopit vip, në planin financiar do dini mirë si t’i bëni llogaritë dhe nuk do keni as problemin më të vogël.

BINJAKËT 

Nuk do e keni të vështirë të vendosni gjatë kësaj dite dhe do keni periudha reflektimi. Ju të dashuruarit do ndiheni disi më mirë. Ndryshe nga disa kohë më parë do i shihni gjërat me një sy tjetër. Do jeni më tolerantë dhe më të kuptueshëm. Ju beqarët do ndiheni mirë edhe me statusin që keni prandaj nuk do e kërkoni me ngulm ndryshimin e tij. Në punë do doni të ecni para dhe të zbuloni gjëra të reja. Shefi juaj do e kuptojë këtë dëshirë dhe mund t’iu besojë diçka të rëndësishme. Gjendja e financave do lerë për të dëshiruar. Mundohuni t’i menaxhoni me kujdes ato para që do ju mbeten sepse në të kundërt do keni probleme.

GAFORRJA 

Gjatë gjithë kësaj dite do keni nevojë për ndryshime në jetën tuaj. Mërkuri do krijojë kushtet e duhura për të realizuar projektet e duhura. Për ju që keni një lidhje adrenalina do shtohet dhe kënaqësitë do jenë më të mëdha se kurrë më parë. Shfrytëzojeni çdo sekonde sikur të ishte e fundit. Ju beqarët do përzgjidhni gjatë gjithë kohës dhe do humbisni disa mundësi të shkëlqyera. Në punë do keni mjaft takime e mbledhje. Idetë tuaja do jenë origjinale dhe disa takime do iu ndihmojnë të realizoni projekte të mëdha. Mos pranoni të bëni bashkëpunime sepse nuk do jetë e nevojshme. Në planin financiar do jeni gjithë kohës me fat dhe gjendja do mbetet e mirë pavarësisht se do kryeni edhe shpenzime.

LUANI 

Gjate kësaj dite Marsi do të sjellë tension në familje dhe në profesion kështu që duhet të tregoheni të Nëse keni një lidhje nuk do ju ndodhë asgjë e keqe. Merrini gjërat si t’iu vijnë dhe shprehini sa të mundeni ndjenjat. Ju beqarët do mendoni për një dashuri të humbur dhe as që do e keni mendjen për të parë dikë tjetër. Duhet të ndryshoni në fakt sepse po vazhduat kështu do vuani tej mase. Në punë nuk do merreni me gjëra të kota dhe pa interes të madh, por me thelbin. Edhe pse do keni konkurrencë të fortë do mund të arrini objektivat tuaja. Buxheti do jetë gjithë kohës i qëndrueshëm. Do i shlyeni edhe disa borxhe.

VIRGJËRESHA 

Neptuni, planeti më i favorshëm për shenjën tuaj do të rikthehet tek ju. Ai do iu frymëzojë dhe do iu bëjë më intuitivë. Ju të dashuruarit do merreni vesh më së miri me atë që keni në krah dhe do i kuptoni gabimet që keni bërë. Gjithçka ka për të ndryshuar. Ju beqarët duhet ta lini veten të lirë dhe t’i merrni gjërat sa më shtruar. Në këtë mënyrë do e gjeni personin më të përshtatshëm. Në punë, edhe pse jeni shumë të aftë, do ketë pak tension. Mos u alarmoni, por merreni çdo gjë me qetësi. Përqendrohuni tek objektivi. Me financat nuk do i keni punët mirë. Do kryeni shpenzime të tejskajshme dhe gjendja do përkeqësohet.

PESHORJA 

Edhe pse presioni në çdo fushë do jetë i madh gjatë kësaj dite ju do mund t’i bëni ballë dhe do arrini objektivat tuaja. Ju të dashuruarit nuk do keni për çfarë të qaheni sepse çdo gjë do ju ecë për mrekulli në marrëdhënien që keni krijuar. Ju beqarët do ndiheni më të kënaqur se kurrë më parë dhe do i pranoni ftesat e disa personave. Shumë shpejt gjërat kanë për të ndryshuar për ju. Në punë do jeni shumë energjikë, por nuk do arrini shumë lart. Do iu dalin pengesa dhe promovimi do të vihet në pikëpyetje. Sipas Horoskopit, gjendja e financave do mbetet goxha delikate. Mundohuni që njëherë për njëherë të mos shpenzoni shuma të mëdha.

AKREPI 

Gjatë kësaj dite do jeni dinamikë dhe kurajozë. Nuk do i lini asgjë rastësisë dhe kjo do shmangë të gjitha problemet. Për ju të dashuruarit do ketë ndryshime rrënjësore. Do jeni më të hapur e më tolerante me partnerin dhe të gatshëm të bëni çdo gjë që marrëdhënia mes jush të mbetet e qëndrueshme. Në mbrëmje do ketë edhe surpriza. Ju beqarët do realizoni takime pafund, por pa asnjë të ardhme. Në punë duhet të tregoheni më të disponueshem kur t’iu kërkojnë shefat dhe mos bëni asgjë sipas mendjes suaj. Në planin financiar do kryeni shpenzime të pamenduara, të cilat do e turbullojnë situatën.

SHIGJETARI 

Gjatë kësaj dite do jeni mjaft të vendosur dhe kurajoze. As optimizmi nuk do iu mungojë, por duhet të bëni kujdes nga siguria e tepërt në vetvete. Për ju të dashuruarit do jetë ditë e kënaqshme dhe e mbushur me emocione. Kënaqësitë dhe emocionet do jenë si kurrë më parë prandaj duhet ta shfrytëzoni çdo sekondë. Ju beqarët do dashuroheni kokë e këmbë me dikë, por do druheni t’i shprehin ndjenjat ashtu si do i ndieni. Në punë do jeni tepër intuitivë dhe do i kapni gjërat në ajër. Do i arrini objektivat tuaja edhe pse me pak përpjekje. Nëse jeni në kërkim të një punë do e gjeni. Gjendja e financave do jetë e shkëlqyer kështu që mund t’ia lejoni vetes edhe ndonjë shpenzim më tepër nga zakonisht.

BRICJAPI 

Nëse Saturni gjatë kësaj dite do e zbutë presionin, tornadoja e Uranit do iu elektrizojë. Do keni ide të mira në çdo fushë. Ju të dashuruarit do merreni vesh me atë që keni në krah dhe më në fund do i zgjidhni dyshimet që keni pasur. Marrëdhënia në çift do jetë e ngrohtë. Ju beqarët do jeni gjithë ditën në kërkim të princit te kaltër, por me shumë gjasë nuk do e gjeni dot atë. Në punë duhet të jeni tejet të vëmendshëm në mënyrë që të përfitoni nga të gjitha mundësitë që do iu jepen. Për financat do jetë një ditë e favorshme. Do arrini të kryeni edhe shpenzimet e domosdoshme edhe do hiqni disa para mënjanë.

UJORI 

Gjatë kësaj dite do keni shumë nevojë për gjithçka, por më tepër për para. Do mendoheni gjatë për të gjetur zgjidhje dhe për të përmbushur të gjitha nevojat. Ju të dashuruarit do kaloni momente mjaft pasionante dhe do ndiheni pafundësisht mirë. Do ndiheni mirë në krahët e partnerit dhe gati për të marrë edhe disa vendime. Ju beqarët duhet të bëni kujdes me mënyrën sesi do i joshni të tjerët sepse mund t’i ulni pikë vetes. Në punë do iu kërkohet të merreni edhe me gjëra të parëndësishme dhe do largoheni nga ato që keni më tepër rëndësi. Financat nuk do jenë aq të mira sa ju do kishit dëshiruar. Kujdes me çdo lloj shpenzimi që do kryeni.

PESHQIT 

Mërkuri do iu bëjë pak të nxituar këtë muaj, por Marsi nga ana tjetër do iu vërë fre. Që në fillim, bëni një listë me gjërat më prioritare. Ju të dashuruarit do jeni mjaft sensualë dhe do e surprizoni në çdo moment personin që keni në krah. Do ndiheni vërtet mjaft mirë. Ju beqarët do realizoni takime interesante, por do keni frikë të hidhni hapa më tej. Në fakt po pritët shumë keni për t’u penduar. Intuita do iu bëjë të kaloni pengesat në punë, por gjithsesi kontrolloni dhe verifikoni çdo gjë në mënyrë që mos ju dalin të papritura. Në planin financiar do kaloni goxha vështirësi dhe vetëm me ndihmën e familjareve do mund të mos mbeteni pa para.

Moderatorja e famshme, Luana Vjollca ka reaguar ashpër pas aludimeve për një video me përmbajtje intime që po qarkullon në rrjetet sociale së fundmi.

Prezantuesja ka hedhur poshtë pretendimet në një postim në InstaStory, ku shkruan se është “e turpshme të hidhni baltë mbi jetën e një vajze“.

“S‘kam tatuazh“, shkruan Luana Vjollca krahas një foto të saj ku tregon pjesën e dekoltesë.

“E turpshme të hidhni baltë mbi jetën e një vajze që për gjithçka ka sot ka vendosur të zgjedhë rrugë tjetër në këtë jetë për t‘ia dalë, rrugën e punës”, shtoi aj0.

Reagimi i moderatores erdhi pas një deklarate të ekspertit të kriminalistikës, Ervin Karamuço, i cili u shpreh se po qarkullojnë disa video gjysmë erotike të 2 vajzave të njohura të showbizz-it shqiptar që janë gjetur në telefonin e një personazhi në kërkim.

Ervin Karamuço theksoi se njëra prej këtyre vajzave, është ndër më të bukurat e ekranit dhe personazh i dashur për publikun, duke shtuar se video është filmuar nga poseduesi i telefonit.

Karamuço tregoi se në këtë celular del gjithashtu edhe një personazh tjetër që porosit femra shqiptare për llogari të bandave të Dubait, “dhe i pyet, si i do bionde, brune, çmimet etj bën ndërmjetësuesin”.

“Për njërën prej personazheve më të bukura në Shqipëri paguhen deri 100 mijë euro në ditë për të kaluar 1 javë, ose 3-4 ditë diku në një vend tjetër, jo në Shqipëri, në një vend ekzotik. Më së shumti në Dubai”, deklaroi eksperti i kriminalistikës.

Ervin Karamuço: Unë e kam parë vetë në një celular. Para disa ditësh u dorëzuan disa kode, password, celularë në SPAK nga ana e familjarëve të një personazhi. Kanë dalë disa video gjysmë erotike, kanë filluar të shpërndahen në celularët e disa personave, kanë filluar po vijnë edhe tek ne.

Dy personazhe të showbizzit, madje njëra është shumë e dashur për teleshikuesit ka dalë aty. Është filmuar nga celulari i këtij personazhi. Emrin s’mund ta them, ne presim hetime nga ky celular dhe na dalin këto video.

Janë dy vajza nga showbizz, por njëra është që njihet shumë. Është një video që e fimon poseduesi i këtij celulari që është një person ende në kërkim nga drejtësia shqiptare.

Në këtë celular del edhe një personazh tjetër që porosit femra shqiptare për llogari të bandave të Dubait, dhe i pyet, si i do bionde, brune, çmimet etj bën ndërmjetësuesin. Do dalin çudira, tmerrueshme për disa. Do përfshijë listë pagesa, kë kanë paguar për t’i mbrojtur, policë, prokurorë.

Është prostitucion, korrupsion, krime, indicie. Janë pjesë kronologjie të jetës së një personi që është marrë me shumë gjëra të pista në këtë vend.

Policia e Kosovës ka gjetur sërish armë, municion dhe pajisje të ndryshme ushtarake gjatë një kontrolli më 30 shtator në veri të vendit, rreth një javë pasi u sulmua nga një grup i armatosur.

“Sot është bërë kontrolli i terrenit që përfshin fshatin Brezne – Zveçan, pjesën malore të cilën e kanë shfrytëzuar sulmuesit, i cili ka rezultuar me gjetjen dhe sekuestrimin e një sasie të konsiderueshme të armëve të rënda, municionit e pajisjeve të ndryshme ushtarake”, thuhet në njoftimin e Policisë në Facebook.

Në mesin e armatimit të gjetur sot gjatë ditës kishte edhe raketahedhës (zolla), armë të gjata dhe pajisje të tjera ushtarake, si jetek anti-plumb.

https://www.facebook.com/KosovoPolice/posts/617763677230561?ref=embed_post

Një ngjarje e pazakontë ka ndodhur në Sllovaki, ku polica ka gjobitur një pronar makine, qeni i të cilit ishte në timon. Fotoja e postuar në Facebook tregon qenin “e qeshur” në sediljen e një Skoda.

Pronari i makinës këmbënguli që kafsha e tij, një qen gjuetie i kishte kërcyer papritur në prehër. Por oficerët në fshatin Sterusy, në veri-lindje të kryeqytetit, Bratislavë, thanë se pamjet tregojnë se ngjarja nuk ndodhi kështu.

Nuk është e qartë nëse gjoba e lëshuar për pronarin, në vend të qenit, ishte për shpejtësinë ose për faktin se në timon ishte një kafshë shtëpiake. Policia u ka bërë apel shoferave që të sigurojnë kafshët e tyre të gjatë vozitjes.

“Edhe një kafshë e vogël mund të rrezikojë jetën dhe shëndetin tuaj gjatë vozitjes”, paralajmëroi policia.

/abcnews.al

Një kambist ka rënë sot pre e grabitjes në Sarandë. Ngjarja u regjistrua në mesditën e kësaj të shtune pranë Parkut ‘Miqësia’ në qendër të qyteti. Mësohet se një i ri nga Pakistani, i rrëmbeu çantën me para kambistit, ndërsa më pas u largu me vrap.

Kambisti ka bërtitur dhe është dëgjuar edhe nga punonjësit e Policisë Bashkiake që ndodheshin për normalizimin e trafikut rrugor te kryqëzimi afër vendit të ngjarjes, të cilët i’u  vunë pas grabitësit.

Pas një ndjekjeje nëpër rrugica, hajduti është kapur nga punonjësit e Policisë Bashkiake dhe i është dorëzuar forcave të Policisë së Rendit në Sarandë, të cilët po hetojnë për ngjarjen. /abcnews.al

Një 35-vjeçare shqiptare në Greqi, ka rënë pre e mashtrimit nga një person ende i paidentifikuar. Ai e ka telefonuar dhe i është prezantuar si kontabilist, por përmes mashtrimit ka arritur që t’i marrë 9 mijë euro nga llogaria bankare, sipas mediave greke.

35-vjeçarja, e cila jeton në Rodos prej disa vitesh ra pre e mashtrimit nga një i panjohur, i cili e telefonoi nga një numër grek.

Sipas dëshmisë së gruas, personi në fjalë i është prezantuar si kontabilist. Ai e ka bindur shqiptaren se i takonte kompensim por për pagesën duhej të ndiqte një procedurë me të cilën do të merrej ai.

Pa dyshuar se kishte të bënte më një mashtrues, 35-vjeçarja ndoqi udhëzimet e tij dhe pa dashur i dha akses në llogarinë bankare. Më vonë, shqiptarja zbuloi se tre transferta të shumave prej  2998, 2990 dhe 2980 euro i kishte bërë në të njëjtin numër llogarie në një bankë tjetër.

Tafani dëshmon se ka qenë vetë prezent në vrasjen e Alban Semakut i njohur edhe si Elton Mermali, të cilin para ekzekutimit e kanë drejtuar tek disa ferra, duke e gënjyer se aty ndodhej heroina.

TIRANË- I penduari i drejtësisë, 39-vjecari Artan Tafani,i clili me deklarimet e tij çoi policinë në zbardhjen e 18 ngjarjeve kriminale dhe lëshimin e 16 urdhërarresteve, është marrë serish një pyetje nga hetuesit. Tafani së fundmi pretendon se Haxhiu është porositës i 6 vrasjeve, 2 nga të cilat në Greqi. Ndër ekzekutimet e rrëfyera, ku vetë Artan Tafani ka marrë pjesë është dhe ajo e Alban Semakut ndodhur në Tetor të 2021 në Peqin.

Tv Klan ka siguruar një pjesë të dëshmisë së 39-vjeçarit, ku ai tregon se si u krye vrasja e Semakut i njohur edhe si Elton Mermali.

Pjesë nga dëshmia:

Mermalin e njihja herët dhe ai ishte përdorues i heroinës. Duke pasur informacion që ai kërkonte të pinte heroinë, e kam gënjyer duke i thënë se në një vend kam fshehur heroinë, të shkojmë ta marrim dhe ta pimë. Mermali ka pranuar. Atë mbrëmje kam shkuar me makinë tek lagjja e tij për ta marrë. Kemi shkuar në Peqin, dhe buzë një muri jemi drejtuar tek disa ferra, duke e gënjyer Mermalin se aty ndodhej heroina. Në kërkime për të gjetur heroinën, është përfshirë dhe vetë Mermali, i cili sapo ka ulur kokën për të parë nëse kishte heroinë, e kemi qëlluar me plumb pas koke. Një plumb në kokë dhe dy në trup, për t’u siguruar që kishte vdekur.

Deri tani me rrëfimet e tij në pranga janë vunë 12 persona ndërsa 4 të tjerë u shpallën në kërkim. Mes personave që ai akuzon se organizator dhe pjesëmarrës është Laert Haxhiu, i cili aktualisht ndodhet në burg në Greqi.

Eksperti i sigurisë, Ilir Kulla, ishte i ftuar këtë të shtunë në emisionin Revieë në Euroneës Albania ku foli në lidhje me situatën në veri të Kosovës.

Kulla tha se shtimi i forcave të ushtrisë serbe në kufi me Kosovën, është thjesht një shoë, pasi Serbia e ka provuar disa herë luftën dhe ka humbur.

Sipas tij nëse Serbia sulmon Kosovën, atëherë ajo do të ndahet akoma më shumë në territore më të vogla.

“Pas kësaj që pësuan para një java ata nuk çojnë dot rininë e tyre në luftë. Rinia e sotme e Serbisë nuk është më ajo e përpara 25 viteve, nuk mund të përfundojë më si rinia e 25 viteve më parë. Serbia nuk mund të kthehet aty ku ishte para 25 viteve. E ka pravuar luftën, ishin në Bosnje dhe Bosnja është aty. E provuan në Kroaci dhe ikën serbët nga Kroacia, e pastruan nga serbët. Në 95-ën ka qenë një shqiptar ai që kryesonte aksionin, Bekim Berisha.

E provuan në Mal të Zi dhe Mali i Zi u bë shteti pavarur. E provuan në Kosovë dhe Kosova është aty.

Ta provojnë prapë! Nëse duan që Serbia të ndahet në territore më të vogla le ta fillojnë luftën.

Ti kujton se serbët janë si rusët. Janë shëmbëllyrë e tyre. Por ata nuk kanë asnjë lloj lidhje. Madje dhe në Luftën e Dytë Botërore erdhën rusët i çliruan. Ata nuk bëjnë dot luftë”, tha Kulla.

Qeveria e Kosovës përmes një komunikate, të shtunën, ka treguar se lëvizjet e ushtrisë serbe në drejtim të Kosovës janë bërë në tri drejtime, një në pjesën e kufirit verior të Kosovës, e dy të tjera në atë lindor. Më herët aleatët perëndimore të Kosovës kanë ngritur alarmin për këto lëvizje.

Në komunikate thuhet se kjo lëvizje paraqet kërcënim për integritetin territorial të Kosovës.

”Qeveria e Republikës së Kosovës me vëmendje dhe vigjilencë është duke ndjekur zhvillimet e fundit sa i përket lëvizjes së njësive ushtarake të Forcave të Armatosura të Serbisë në drejtim të vijës kufitare me Republikën e Kosovës. Lëvizjet e ushtrisë serbe janë bërë nga tre drejtime të ndryshme; njësitet e Brigadës së dytë të ushtrisë serbe kanë lëvizur nga drejtimi i Rashkës në drejtim të kufirit verior të vendit tonë; njësitë e Brigadës së Tretë të ushtrisë serbe kanë lëvizur nga Regjioni i Nishit në drejtim të kufirit veri-lindor të vendit tonë dhe njësitë e Brigadës së katërt kanë lëvizur nga Regjioni i Vranjës në drejtim të kufirit lindor të Republikës së Kosovës“, thuhet në njoftim.

Më tej theksohet se përreth territorit të Kosovës ka 48 baza operacionale. Në deklaratë theksohet se për këtë janë lajmëruar vazhdimisht partnerët ndërkombëtarë.

”Njësitë ushtarake të ushtrisë së Serbisë gjatë ditës së djeshme kanë vendosur kapacitetet e tyre ushtarake dhe të xhandarmërisë nëpër 48 bazat e përparme operacionale, që janë të shtrira përgjatë vijës kufitare me Republikën e Kosovës, pak kilometra në thellësi të territorit të Serbisë. Në këtë vendosje përfshihen edhe vendosja e sistemeve kundër-ajrore dhe artilerisë së rëndë. Shumë herë kemi ngritur shqetësimin për ekzistencën e këtyre 48 bazave të përparme të ushtrisë dhe xhandarmërisë serbe dhe kemi theksuar faktin, tashmë të vërtetuar që këto baza shërbejnë për mbështetje të agresionit të mundshëm ushtarak kundër Republikës së Kosovës”, thuhet në njoftim.

Qeveria e Kosovës thotë se ka mbajtur kontakte të vazhdueshme me ShBA-të dhe vendet e BE-së në lidhje me këtë kërcënim serioz nga Serbia dhe reagimi i ShBA-ve ndaj kësaj qasje agresive të Serbisë ka qenë i menjëhershëm dhe i drejtpërdrejtë.

”I bëjmë thirrje Presidentit Vuçiç dhe institucioneve të Serbisë që menjëherë të tërheqin të gjitha trupat ushtarake nga vija kufitare me Kosovën dhe të mbyllin dhe demilitarizojnë 28 bazat e përparme ushtarake dhe 20 bazat e xhandarmërisë që për vendin tonë paraqesin kërcënim të përhershëm”, vazhdon njoftimi.

Eksperti i kriminalistikës, Ervin Karamuço ka deklaruar se po qarkullojnë disa video gjysmë erotike të 2 vajzave të njohura të showbizz-it shqiptar që janë gjetur në telefonin e një personazhi në kërkim.

Ervin Karamuço theksoi se njëra prej këtyre vajzave, është ndër më të bukurat e ekranit dhe personazh i dashur për publikun, duke shtuar se video është filmuar nga poseduesi i telefonit.

Karamuço tregoi se në këtë celular del gjithashtu edhe një personazh tjetër që porosit femra shqiptare për llogari të bandave të Dubait, “dhe i pyet, si i do bionde, brune, çmimet etj bën ndërmjetësuesin”.

“Për njërën prej personazheve më të bukura në Shqipëri paguhen deri 100 mijë euro në ditë për të kaluar 1 javë, ose 3-4 ditë diku në një vend tjetër, jo në Shqipëri, në një vend ekzotik. Më së shumti në Dubai”, deklaroi eksperti i kriminalistikës.

Ervin Karamuço: “Unë e kam parë vetë në një celular. Para disa ditësh u dorëzuan disa kode, password, celularë në SPAK nga ana e familjarëve të një personazhi. Kanë dalë disa video gjysmë erotike, kanë filluar të shpërndahen në celularët e disa personave, kanë filluar po vijnë edhe tek ne.

Dy personazhe të showbizzit, madje njëra është shumë e dashur për teleshikuesit ka dalë aty. Është filmuar nga celulari i këtij personazhi. Emrin s’mund ta them, ne presim hetime nga ky celular dhe na dalin këto video.

Janë dy vajza nga showbizz, por njëra është që njihet shumë. Është një video që e fimon poseduesi i këtij celulari që është një person ende në kërkim nga drejtësia shqiptare.

Në këtë celular del edhe një personazh tjetër që porosit femra shqiptare për llogari të bandave të Dubait, dhe i pyet, si i do bionde, brune, çmimet etj bën ndërmjetësuesin. Do dalin çudira, tmerrueshme për disa. Do përfshijë listë pagesa, kë kanë paguar për t’i mbrojtur, policë, prokurorë.

Është prostitucion, korrupsion, krime, indicie. Janë pjesë kronologjie të jetës së një personi që është marrë me shumë gjëra të pista në këtë vend.

Të bie perdja e madhe dhe të kuptojmë kush janë disa prej zyrtarëve, ka policë, gjyqtarë, prokurorë, nivel i lartë.

Këto vajza dihen se kush janë, marrin 100 mijë euro në ditë, është e shënuar në celular. Për njërën prej personazheve më të bukura në Shqipëri paguhen deri 100 mijë euro në ditë për të kaluar 1 javë, ose 3-4 ditë diku në një vend tjetër jo në Shqipëri, në një vend ekzotik. Më së shumti në Dubai.”