Lajme Flesh

Agron Llakaj, në emisionin “Top Story”, u përlot ndërsa foli për aksidentin tragjik në Durrës, ku humbën jetën dy të mitur dhe një tjetër mbeti i plagosur rëndë.

Ai e përshkroi ngjarjen si një “klithmë për shoqërinë”, duke shprehur ngushëllime për familjet dhe duke theksuar se dhimbja e tillë të trondit vetëm kur e përjeton nga afër. Sipas tij, shoqëria shqiptare po përballet me një krizë të thellë vlerash, ku “të fortët sundojnë” dhe mungon respekti për jetën.

Llakaj tha se jemi kthyer në një shoqëri të paedukuar dhe të dhunshme, ku harrohen shpejt tragjeditë dhe reagimet mbeten sipërfaqësore. Ai kritikoi edhe ndikimin e rrjeteve sociale, duke thënë se po rrisim një brez që ndjek modele të gabuara dhe ku mungon empatia mes njerëzve.

Duke folur me emocione të forta, ai shtoi se ndjen përgjegjësi morale si prind dhe gjysh, dhe se mungesa e dashurisë për njeriun po e rëndon edhe më shumë shoqërinë.

Joana Qeleshi, kryetare e Shoqatës së Avokatëve Penalistë, gjatë një interviste për Euronews Albania tha se ligji ka ndryshuar brenda natës për fëmijën e një deputeti.

“Prej djalit të një deputeti “ndryshoi” ligjin, drejtuesi i mjetit zgjedh të paguaje dyfishin e gjobës dhe nuk i pezullohet patente”- tha ajo

Referuar ngjarjes së rëndë të ndodhur në Durrës, ku autori i ngjarjes së rëndë pas testimeve ishte 0.7, ajo tha se kjo vlerë është shumë e lartë.

 “0.7 është shumë, zotëria rrezikon 20 vite burg, plus që ka edhe rrethana të tjera rënduese sim largimi nga vendi i aksidentit dhe drejtimi i automjetit ne gjendje te dehur”- shtoi Qeleshi

Kryetarja e Shoqatës së Avokatëve Penalistë u ndal edhe te mënyra se si merren patentat.

“Në vendin tonë ky është një problem shumë i madh, edhe autoshkollat, në Shqipëri është ende mentaliteti që të marrin patentën me para, ka rrezik për veten dhe për të tjerët, autoshkollat janë pothuajse të pakontrolluara”-tha ajo.

“Të gjithë personat që jetojnë jashtë kanë probleme qarkullimin, kur vijnë këtu sepse thonë se këtu nuk i  zbatojnë rregullat e qarkullimit rrugor. Nëse je një person është  i alkoolizuar i duhet hequr patenta.”-shtoi Qeleshi.

Një lajm i publikuar për sekuestrimin e disa sendeve të ndaluara në burgun e grave në Pogradec ka shkaktuar debat në rrjet, veçanërisht pas reagimit të Elena Kocaqit.

Sipas raportimeve, gjatë kontrolleve rutinë të zhvilluara në institucionin penitenciar të grave në fshatin Pojskë, pranë Pogradecit, janë konstatuar dhe sekuestruar disa sende të palejuara. Mes tyre, sipas burimeve të cituara, kanë qenë edhe vibratorë.

Lajmi është shpërndarë gjerësìsht në rrjetet sociale, ndërsa nuk ka munguar reagimi i Elena Kocaqit, e cila e ka komentuar rastin duke e cilësuar si diskriminim ndaj grave.

“Burrave u fusni brenda lloj-lloj femrash, ndërsa grave u hiqni dhe vibratorët. Kjo është shkelje shumë e rëndë se femrat diskriminohen prej kohësh në këtë drejtim”, ka shkruar ajo në reagimin e saj.

Komenti i Kocaqit ka marrë menjëherë vëmendje, duke ndezur diskutime të shumta në rrjet. Disa e kanë parë reagimin si ironi ndaj mënyrës se si trajtohen gratë në sistemin penitenciar, ndërsa të tjerë e kanë komentuar si një qëndrim të pazakontë për një çështje që lidhet me rregullat e brendshme të burgjeve.

Burgu i grave në Pojskë është një strukturë relativisht e re, e hapur në vitin 2024, në kuadër të përpjekjeve për modernizimin e sistemit penitenciar në vend. Në këtë institucion janë transferuar gra të dënuara dhe të paraburgosura që më parë qëndronin në burgun “Ali Demi” në Tiranë.

Aktualisht, në këtë burg ndodhen më pak se 100 gra. Objekti konsiderohet i sigurisë së zakonshme dhe ofron kushte më të përmirësuara për trajtimin dhe akomodimin e të dënuarave.

Pas kontrolleve, sendet e gjetura janë sekuestruar, ndërsa pritet që administrata e institucionit të vijojë me procedurat përkatëse sipas rregullores së brendshme.

Familja pukjane Nikolli që prej kohësh banon në Durrës, ka hapur sot dyert e mortit për vogëlushin e tyre Klesi i cili u nda nga jeta ditën e djeshme në mënyrë tragjike pasi makina me drejtues Nikoll Radaçin e mori përpara duke i shkaktuar atij dhe shokut të tij Enea Muçaj, vdekjen e menjëhershme.

Ndërsa sot newsbomb.al ka pikasùr lëvizjen më të fundit të bababit të 9-vjeçarit, Petrti Nikolli i cili ditën e djeshme vetëm pak orë para tragjedisë që i copëtoi zemrën, ndryshoi foton e profilit në Facebook duke e zëvendësuar atë një fotografi ku ai shfaqet teksa Klesi i vogël i dhuron një përqafim të ngrohtë.

Pa e ditur se bbrenda pak orësh ai do ndahej përgjithmonë nga i biri, duket se Petritit ia ka ndjerë zemra humbjen e djalit të tij.

Në 8 të mëngjesit Petriti ndryshoi profilin e tij duke vendosur foton ku ai shfaqet me Klesin. Ndërsa, pas 8 orësh nga veprimi i tij, baba Petriti përballet me lajmin më të keq të jetës së tij: Djali Klesi nuk jeton më!

Postimi i babait të Klesit, Petrit Nikolli:

Me dhimbje të madhe në zemër, familja Nikolli dhe Muçaj kanë hapur dyert e mortit për të përcjellë në banesën e fundit dy engjëjt e tyre, Klesin 9-vjeç dhe Enean 12-vjeç, të cilëve iu ndërpre jeta në fillimin e tyre padrejtësisht.

Sakaq, autori i tragjedisë që pasditen e djeshme tronditi jo vetëm Durrësin por mbarë Shqipërinë, shoferi 57-vjeçar Nikoll Radaçi është vënë në pranga për aksidentit e rëndë që ai shkaktoi në gjendje të alkoolizuar. Një aksident që nga durrsakët, qytetarë të tjerë e politikanë është cilësuar si vrasje.

Për rrjedhojë të ngjarjes së rëndë, ditën e sotme në Policinë e Durrësit u bënë disa pezullime, që nga drejtori dhe zëvendësdrejtori i bluve, Amir Tafa dhe Zija Sulaj te shefi i Policisë Rrugore Kreshnik Skëndo.

Po ashtu raportohet se përkohësisht në krye të Policisë së Durrësit do të jetë Ervin Hodaj.

Sakaq, kryepolici Skënder Hita së bashku me një grup hetimor të ngritur po vijojnë hetimet në lidhje me zbardhjen e plotë të rastit.

Nje situate aspak e bukur ka ndodhur mbremjen e sotme ne Ferma VIP.

VIDEO KETU

Një situatë e tensionuar është regjistruar mbrëmjen e sotme në spektaklin Ferma VIP, duke shkaktuar reagime të forta mes konkurrentëve.

Sipas zhvillimeve të fundit, Fabjola i është drejtuar me një fyerje të rëndë moderatores Arbana Osmani, duke e quajtur atë “kuçkë”. Ky moment ka ardhur në një klimë të tensionuar pas eliminimit të Adion nga gara.

Eliminimi i tij erdhi pas një televotimi kokë më kokë me Mimoza Ahmeti, e cila arriti të qëndrojë në lojë. Pas këtij rezultati, reagimet në fermë janë ashpërsuar.

Revolta e Oles lidhet edhe me një situatë të mëparshme, ku sipas saj, Mimoza e kishte ofenduar modelen në të njëjtën mënyrë, por kjo ishte toleruar nga të tjerët, duke krijuar ndjenjë padrejtësie dhe standardesh të dyfishta.

Ngjarja ka ndezur diskutime të shumta në rrjetet sociale, ku ndjekësit e programit po reagojnë për gjuhën e përdorur dhe mënyrën se si po menaxhohen konfliktet brenda spektaklit.

VIDEO

Prime i mbrëmjes së djeshme në Ferma VIP është fokusuar në zhvillimet më të fundit mes pjesëmarrësve të programit, duke sjellë në vëmendje tensionet dhe debatet që kanë karakterizuar dinamikën e tyre.

Gjatë transmetimit të drejtpërdrejtë janë diskutuar disa situata të nxehta, por duket se ngjarjet nuk kanë përfunduar aty.

Një tjetër moment tensioni është regjistruar gjatë ndërprerjes publìcitare, ku kamerat kanë kapur një përplasje të fortë mes Adionit dhe Mimoza Ahmetit.

Sipas pamjeve të publikuara, Adioni ka vijuar debatin duke përdorur gjuhë denigruese dhe fyese ndaj saj, çka ka shkaktuar reagime dhe shqetësim tek publiku.

Në video ai dëgjohet duke i drejtuar fjalë të rënda, duke e përshkallëzuar më tej situatën. Ky incident ka ngritur pikëpyetje mbi etikën dhe kufijtë e sjelljes në program. Tashmë mbetet për t’u parë nëse produksioni do të ndërmarrë masa disiplinore ndaj tij për këtë sjellje.

VIDEO

Nëna e njërit prej fëmijëve që humbën jetën në aksidentin e rëndë në Durrës ka rrëfyer momentet e fundit para tragjedisë që tronditi qytetin dhe opinionin publik.

Në një lidhje televizive për emisionin Now, nëna ka treguar se kishte kaluar ditën me djalin e saj, fillimisht në kishë dhe më pas në shtëpi, para se ai të dilte për të luajtur me shokët.

Sipas saj, i mituri kishte kërkuar të dilte për të ngrënë një akullore dhe për të qëndruar për pak kohë me miqtë pranë banesës, në zonën ku më pas ndodhi edhe aksidenti fatal.

Ajo ka shprehur dhimbjen e thellë për humbjen e djalit dhe ka kërkuar që autori i ngjarjes të marrë dënimin maksimal, duke theksuar se persona të tillë nuk duhet të jenë të lirë në shoqëri.

Si ndodhi ngjarja

Aksidenti i rëndë ndodhi më 3 maj në zonën e ish-Kënetës në Durrës, kur një automjet tip “Mercedes-Benz ML”, i drejtuar nga Nikoll Radaçi, përplasi tre fëmijë të moshave 8, 10 dhe 12 vjeç që ndodheshin në trotuar.

Dy prej tyre humbën jetën në vendngjarje, ndërsa 8-vjeçari u transportua në gjendje të rëndë në spital. Sipas autoriteteve, drejtuesi i mjetit rezultoi në gjendje të dehur në momentin e aksidentit dhe më pas u largua nga vendi i ngjarjes.

Hetimet kanë zbuluar gjithashtu se 57-vjeçari kishte precedentë të mëparshëm për shkelje të rregullave të qarkullimit rrugor, përfshirë pezullim të lejes së drejtimit në vitet e kaluara.

Ngjarja ka shkaktuar reagime të forta publike dhe thirrje për masa më të ashpra ndaj drejtuesve të mjeteve që shkelin ligjin dhe rrezikojnë jetën e qytetarëve.

Dashi

Do mërziteni shume gjate gjithë kësaj dite ne krahët e partnerit tuaj dhe do debatoni fort me te ne disa momente. Beqaret do kenë plot mundësi për takime, por nuk do ja dalin dot ta fillojnë një lidhje. Do kenë frike ta ndryshojnë statusin.. Ne planin financiar do merrni vendime te rëndësishme dhe do e ndryshoni me shpejt sesa mendonit situatën.

Demi

Dite mjaft e animuar kjo e sotmja për ata qe janë ne një lidhje. Do përjetoni emocione dhe kënaqësi te papërshkrueshme. Beqaret do ndihen mire edhe ashtu si janë prandaj nuk do kërkojnë me ngulm ta ndryshojnë statusin. Me financat do tregoheni shume te kujdesshëm dhe te matur. Situata nuk do ketë as problemin me te vogël kështu qe qetësohuni.

Binjaket

Do ndërmerrni shume rreziqe gjate kësaj dite ne jetën tuaj ne çift vetëm qe gjendja te filloje te përmirësohet dhe te përjetoni sa me shume emocione. Beqaret do jene te pavëmendshëm dhe nuk do përfitojnë nga mundësitë qe do iu jepen për takime. Ne planin financiar gjendja do jete delikate. Kujdes me çdo shpenzim qe do kryeni.

Gaforrja

Jeta ne çift do jete e qete dhe pa asgjë te veçante gjate kësaj dite. Do ndiheni mire pranë partnerit dhe nuk do keni as mosmarrëveshjen me te vogël. Beqaret do jene më me fat dhe do përjetojnë emocione te forta. Personi qe keni ëndërruar prej kohesh do behet pjese e jetës suaj. Ne planin financiar duhet te bëni shume kujdes. Mbrojuni edhe nga hajdutet qe do jene te shumte.

Luani

Do i jepni shume prioritet jetës suaj ne çift gjate kësaj dite dhe do ndiheni shume me mire se kohet e fundit. Shfrytëzoni çdo sekonde. Beqaret do jene te papërqendruar dhe nuk do përfitojnë nga mundësitë qe do iu jepen. Ekuilibri financiar nuk do preket aspak nga planetët. Do kryeni shpenzime te konsiderueshme dhe gjendja serish do ngelet e mire.

Virgjeresha

Te dashuruarit do kalojnë një dite mjaft pozitive sot. Do thurin edhe plane me personin qe kane ne krah dhe do provojnë eksperienca te reja. Beqaret do ndihen mire pranë disa personave qe do takojnë dhe do fillojnë histori dashurie afatgjata. Financat do jene te begata. Do shpenzoni pa frike për gjerat me te domosdoshme.

Peshorja

Çdo gjë qe dëshironi do ju plotësohet gjate kësaj dite. Do ndiheni me se miri dhe gati edhe për ndonjë çmenduri te vogël. Beqaret nuk do ndihen te zotet te joshin personin qe do pëlqejnë dhe do ndihen keq. Ne planin financiar gjendja do mbetet delikate. Duhet te shpenzoni me shume kursim sepse situata mund te behet me delikate nga sa mendonit.

Akrepi

Kokëfortësia juaj ne jetën ne çift mund te sjelle probleme serioze me atë qe keni ne krah. Toleranca është një virtyt shume i vlerësuar, kështu qe mundohuni edhe ju te tregoheni te tille. Beqaret do njihen me shume persona. Shikojeni me kujdes secilin sepse ndërmjet tyre fshihet gjysma juaj. Fale ndihmës se Neptunit situata financiar do filloje te përmirësohet.

Shigjetari

Ne parim nuk do keni probleme me partnerin tuaj. Yjet do iu nxitin te tregoheni me te hapur dhe me tolerante ne çift për këtë arsye gjerat do shkojnë me se miri. Edhe beqaret do kenë një dite te favorshme dhe te mbushur me takime emocionuese. Përfitoni sa te mundni! Ekuilibri financiar do jete i mire. Mundohuni ta ruani atë për një kohe sa me te gjate qe te jeni te qete ne këtë plan.

Bricjapi

Gjerat do shkojnë me se miri sot ne jetën tuaj sentimentale. Do bënit mire te mos flisnit aspak për çështje lekësh qe ta ruanit sa me shume këtë atmosfere. Për sa iu përket beqareve ata do e kenë serish te vështirë ta gjejnë personin qe po kërkojnë. Saturni do iu ndihmoje ta stabilizoni situatën financiare. Do merreni me tepër me to dhe çdo gjë do shkoje si e kishit menduar.

Ujori

Marrëdhënia juaj me partnerin do filloje te behet me serioze gjate kësaj dite. Do mendoni për një te ardhme se bashku dhe kjo do iu mbushe me optimizëm. Edhe beqaret do jene te favorizuar ne dashuri. Një person interesant do iu beje propozimin me te bukur qe mund te kishit menduar. Financat do jene te mira. Beni shpenzimet qe kishit menduar.

Peshqit

Pas një periudhe me debate dhe tension ne jetën ne çift, sot do qeni qetësinë e shumëkërkuar. Është Venusi ai qe do iu japë mundësinë te sqaroni çdo mosmarrëveshje. Beqaret do jene me te privilegjuarit ne dashuri. Jo vetëm qe do kenë takime, por mund te ndodhin edhe dashuri me shikim te pare. Ekuilibri financiar do mbetet i qëndrueshëm, mos u shqetësoni aspak.

Një influencuese simpatike e MAGA-s, e cila mblodhi miliona fansa në Instagram, është demaskuar – si një mashkull indian që u diplomua në shkollën e mjekësisë me të ardhurat.

“Sam”, një kirurg ortoped 22-vjeçar në trajnim, i tha WIRED se i lindi ideja për të shitur imazhe të gjeneruara nga AI të një gruaje të re me bikini, ndërsa kërkonte para – dhe përpiqej të kursente mjaftueshëm për të emigruar në SHBA pas diplomimit.

Ai iu drejtua Gemini AI të Google për këshilla dhe vendosi të krijonte një “vajzë tërheqëse” të krijuar posaçërisht për lëvizjen “MAGA/konservatore”, pasi software-i i tha se “audienca konservatore (veçanërisht burrat e moshuar në SHBA) shpesh ka të ardhura më të larta të disponueshme dhe është më besnike”, sipas WIRED.

Sipas profilit të saj, ajo ishte një infermiere e regjistruar me pamjen e Jennifer Lawrence, e cila u ofronte postime provokuese burrave të vetmuar konservatorë në internet.

Një postim e tregonte atë duke qëlluar me pushkë me mbishkrimin: “Nëse doni një arsye për të mos e ndjekur më: Krishti është mbret, aborti është vrasje dhe të gjithë emigrantët e paligjshëm duhet të deportohen”.

Semi i tha revistës: “Çdo ditë shkruaja diçka pro-kristiane, pro-Amendamentit të Dytë, pro-jetës, kundër abortit, kundër emigracionit.”

Llogaria “shpërtheu” dhe Emily Hart pati 10 mijë ndjekës brenda një muaji.

Çdo video që ai postonte grumbullonte miliona shikime dhe i sillte më shumë ndjekës.

Më pas ai përfitoi nga joshja e modelit të inteligjencës artificiale — duke shitur bluza me temë MAGA dhe duke krijuar një llogari në konkurrentin e OnlyFans, Fanvue, ku abonentët me pagesë mund të kishin akses në përmbajtje të pahijshme të gjeneruar nga inteligjenca artificiale.

Fanvue është diferencuar nga OnlyFans duke lejuar përmbajtje të gjeneruar nga inteligjenca artificiale në platformën e saj, tha media.

Ky veprim e bëri atë një sukses të madh — dhe Sam shpejt po fitonte mijëra dollarë në muaj.

“Kaloja ndoshta 30 deri në 50 minuta të ditës sime dhe fitoja para të mira për një student mjekësie”, kujtoi ai.

“Në Indi, edhe në punët profesionale, nuk mund të fitosh kaq shumë para. Nuk kam parë ndonjë mënyrë më të lehtë për të fituar para në internet.”

Valerie Wirtschafter, një bashkëpunëtore në Institutin Brookings që studion teknologjinë dhe demokracinë në zhvillim, i tha medias se “AI i ka bërë ato [profilet e rreme] më të besueshme dhe ndoshta ka pasur një amplifikim të kësaj.”

Eksperti i teknologjisë shtoi se gratë e reja të MAGA-s janë “më tërheqëse për vëmendje” pasi shumica e grave të moshës 18 deri në 29 vjeç janë liberale.

Pavarësisht se fansat e MAGA-s e bëjnë të pasur, ai ende i sheh me përçmim, duke i quajtur “super budallenj”.

Ai tha se gjithashtu u përpoq të krijonte një homologe liberale për Hart në Instagram, por “Demokratët e dinë se është një mashtrim i AI, kështu që nuk angazhohen aq shumë”, tha ai.

“Turma e MAGA-s përbëhet nga njerëz budallenj – si, njerëz super budallenj. Dhe ata bien pre e saj”, tha Sam.

Sam përdori Grok AI për të gjeneruar foto nudo të Hart dhe i ngarkoi ato në Fanvue, ku fansat i dërgonin para për përmbajtje dhe mesazhe ekskluzive.

“Në thelb nuk po bëja asgjë”, tha ai. “Dhe gjithçka ishte e mbushur me para”.

Profili i Hart në Instagram — i cili kërkon që krijuesit të zbulojnë nëse përmbajtja e tyre është e gjeneruar nga inteligjenca artificiale — u hoq nga platforma në shkurt për aktivitet mashtrues, tha media.

Një llogari në Facebook që sipas WIRED mbeti online është mbyllur që kur u botua artikulli rreth skemës së Sam.

Studenti i mjekësisë shtoi se do të kishte ndaluar së postuari përmbajtje të Hart gjithsesi.

“Nuk mendoj se po mashtroja njerëz,” tha Sam.

Në vend të kësaj, ai shpreson të përqendrohet në studimet e tij në shkollën e mjekësisë.

Një studente e mjekësisë thuhet se është vrarë nga ish-i dashuri i saj duke përdorur një palë gërshërë thonjsh. Julia Vitoria Sobierai Cardoso u gjet e vdekur në apartamentin e saj më 24 prill, nga shojqa e saj e banesës, e cila menjëherë njoftoi autoritetet përkatëse.

Një autopsi ka dalë në përfundimin se 22-vjeçarja është therur 67 herë. Besohet se sulmi ndodhi afërsisht 5-6 orë para se të gjendej trupi i saj i pajetë.

Specialistët mjeko-ligjorë deklaruan se 60 nga plagët e Julias ishin shkaktuar me gërshërë kutikulash, ndërsa pjesa tjetër ishin shkaktuar nga një thikë.

Thuhet se dy nga plagët e thikës ishin në qafën e saj, dhe lëndime të tjera në të njëjtën zonë sugjerojnë se ajo mund të jetë mbytur gjithashtu. Të dy armët u gjetën në vendin e krimit në Ciudad del Este, Paraguai, siç raportohet nga “NeedToKnow”.

Ndërkohë i dyshuari kryesor është aktualisht në arrati dhe dyshohet se është kthyer në vendin e tij të lindjes, Brazil. 27-vjeçari, i cili është gjithashtu student mjekësie dhe ish-i dashuri i Julias, është akuzuar në mungesë për vrasjen e saj.

Me origjinë nga Chapeco, Brazil, 22-vjeçarja kishte jetuar për shumë vite në Navegantes me familjen e saj. Që nga viti 2025, ajo kishte jetuar në Paraguai, ku studionte për mjekësi.

Mikja e saj, Sara Cazarotto, i tha shtypit lokal se Julia kishte aspiruar të bëhej pediatre që nga vitet e adoleshencës.

“Ajo ishte shumë punëtore dhe e zellshme – ishte ëndrra e saj ta bënte këtë premtim realitet. Ajo i donte fëmijët. Gjithmonë donte të ndërtonte familjen e saj dhe një ditë të bëhej nënë, dhe ai ia mori të gjitha këto”, tha Sara.

Julia dhe ish-i i saj u ndanë katër muaj para incidentit tragjik.

Prokurori Osvaldo Zaracho deklaroi: “Ky burrë ndoshta nuk e kishte pranuar fundin e marrëdhënies dhe ishte përpjekur të afrohej përsëri me të si mik. Të preten, ai shkoi në apartamentin ku ajo jetonte, gjoja për të folur”.