Lajme Flesh

Biznesmeni i basteve dhe një ndër personat e kërkuar nga drejtësia shqiptare, Ervis Martinaj është planifikuar, mes të tjerash, të vritet nga Fatmir Hyseni (Doqja) dhe “Klani Duka” në mes të sezonit veror, në zonën e Dhërmiut. Ai u ka shpëtuar disa atentateve dhe planeve të rivalëve, por siç del në dosjen e SPAK, në ditët e fundit të Korrikut 2020 e ka shpëtuar vetëm fati.

Newsbomb.al mëson se Leonard Duka kishte siguruar një informacion që Ervis Martinaj mund të ishte në plazh me një femër në Dhërmi tek një vend i njohur si “Vin Bakalli”, Hotel Jaht ose Splendor dhe këtë ia ka bërë me dije Fatmiri Hysenit. Sapo ka marrë informatat, “Doqja” është vënë në lëvizje.

Ai ka dërguar një person që i drejtohet me emrin “nipçe” për të shkuar në atë zonë që të verifikonte këtë informacion. Gjithashtu edhe në datat 28-29 dhe 30 Korrik 2020, Leonard Duka dhe Fatmir Hyseni kanë angazhuar persona për monitoruar zonën e plazhit Dhërmi-Himarë me qëllim konstatimin e shtetasit Ervis Martinaj, raporton newsbomb.al.

Njëkohësisht janë angazhuar duke siguruar logjistikën, armë, automjete dhe banesa në atë zonë me qëllim realizimin e vrasjes.

Një nga personat e angazhuar për lokalizimin e Ervis Martinaj në zonën e Dhërmi-Himarë ka qenë dhe shtetasi Drianto Bardhi, i cili ka udhëtuar drejt asaj zonë bashkë me një person tjetër ende të pa identifikuar dhe atje janë takuar edhe me personin që Fatmir Hyseni i drejtohet me emrin “nipçe”.

Megjithatë, është e paqartë se çfarë ka ndodhur që ky plan ka dështuar, por referuar dosjes hetimore nuk ka vazhdimësi të këtij plani. Si për koinçidencë, Ervis Martinaj u zhduk dy vite më pas, në të njëjtën periudhë të vitit, por në 2022.

Edhe sot e kësaj dite, biznesmeni i basteve dhe një ndër njerëzit më të fuqishëm të kumarit në vend, rezulton i zhdukur pa gjurmë. Për zhdukjen e tij janë hedhur shumë hipoteza, nga aleanca e grupeve kriminale për ta hequr qafe, e deri te mundësia që ai të jetë tërhequr vetë nga aktiviteti, për shkak të ofensivës së madhe të rivalëve.

Këtë të enjte, datë 5 Nëntor 2026, SPAK ka shpallur pretencën për tentativën e vrasjes ndaj biznesmenit të basteve Ervis Martinaj, duke akuzuar ish-ortakun e tij, kreun e Klanit Duka, Leonard Duka dhe shtetasin Drianto Bardhi.

Qeveria shqiptare ka shpërndarë 446 milionë lekë të reja (rreth 4.5 milionë euro) në formë shpërblimesh speciale për punonjësit e Policisë së Shtetit të angazhuar gjatë protestave të fundit.

Vendimi mbështetet në Vendimin e Këshillit të Ministrave (VKM) nr. 787, të datës 19 tetor 2026.

Sipas transaksioneve të gjurmuara nga Spending Data Albania, e gjithë shuma prej 4.5 milionë eurosh nga Thesari i Shtetit është ekzekutuar në vetëm dy data të ndara: më 23 tetor dhe më 29 tetor 2026.

Përfitues të këtyre shpërblimeve financiare speciale janë struktura të ndryshme operative dhe menaxhuese të Policisë së Shtetit, ku përfshihen:

* Drejtoria Vendore e Policisë Tiranë

* Reparti Special RENEA

* Qendra e Furnizimit Materialo-Teknik (QFMT) – struktura përgjegjëse për furnizimin logjistik, përfshirë mjetet dhe pajisjet për përdorimin e gazit lotsjellës

* Drejtoria e Përgjithshme për Krimin e Organizuar dhe Krimet e Rënda, Tiranë

* Drejtoria e Forcës së Posaçme Operacionale

* Drejtoria e Antiterrorit

* Komisariati i Policisë, Njësia e Sigurisë Shkodër

* Komisariati i Policisë Berat

Të dhënat mbi transaksionet dhe përshkrimet përkatëse financiare për çdo institucion përfitues janë të publikuara dhe mund të verifikohen lirisht në databazën e hapur të organizatës AIS.

Ardit Gjebrea është paraqitur ditën e sotme në Prokurorinë e Posaçme ku ka qëndruar për rreth tre orë dhe është marrë në pyetje nga prokurët.

Nuk ka ende një reagim zyrtar, lidhur me arsyet e thirrjes së tij në SPAK, apo se për çfarë është pyetur nga prokurorët e posaçëm.

Në fakt, Ardit Gjebrea është marrë në pyetje për dosjen e kryebashkiakut të arrestuar të Tiranës, Erion Veliajt.

Sipas informacioneve që ka mundur të verifikojë CNA, nëpërmjet burimeve zyrtare nga bashkia e Tiranës dhe transfertat e bëra nga ky institucion, konfirmohet se shuma që bashkia e Tiranës i ka dhënë Ardit Gjebreas për eventet dhe aktivitetet e tij, nga dita që ka marrë detyrën Veliaj, është rreth 600 milionë lekë.Këto para janë paguar për evente, aktivitete të ndryshme kulturore e sociale të organizuara dhe zhvilluara nga Ardit Gjebrea. Nuk dihet nëse prokurorët po hetojnë dhe këtë pistë.

Shuma në fjalë është një shumë kolosale e paguar nga bashkia e Tiranës, çfarë do të thotë që në 10 vitet e fundit, çdo vit shuma e dhëna për eventet dhe aktivitetet e organizuara nga Ardit Gjebrea mund të variojnë nga 50-80 milionë lekë.

Miliona të tjera i janë dhënë Ardit Gjebreas edhe nga Arbër Veliaj, vëllai i kryebashkiakut, nëpërmjet kompanive që reklamohen në eventet e tij, por këto janë pjesë tjetër e shumës marramendëse që Gjebrea ka mund të marrë nga bashkëpunimi me vëllezërit Veliaj.

Pas daljes nga SPAK-u, Gjebrea u shpreh për gazetarët se është thirrur si person në dijeni, por nuk mund të zbulonte më shumë se kaq për shkak të sekretit hetimor.

Ai tha se ishte hera e parë që shkonte në SPAK dhe prokurorët ishin shumë miqësorë. Gjebrea u shpreh se ata e ftuan në SPAK, ndërsa ai i ka ftuar në programin e tij “E diela Shqiptare”.

Ndërkohë, prokurorët e SPAK-ut duket se i kanë hyrë në themel çështjes së kryebashkiakut të Tiranës, Erion Veliaj, dhe po zbërthejnë skemat e financimeve që bëheshin në bashki për eventet dhe aktivitetet e ndryshme. /CNA

Dashi

Nuk duhet ëndërroni me shume nga sa duhet sot ju te dashuruarit sepse situata mund t’iu dale tërësisht jashtë kontrollit ne një moment. Beqaret gjithashtu duhet t’i marrin gjerat sa me shtruar nëse nuk duan te përballen me zhgënjime. Gjithçka duhet te ndodhe ne momentin e duhur. Gjendja e financave do ketë here pas here disa tronditje. Mos shpenzoni shume marramendëse.

Demi

Si ju ashtu edhe ai qe keni ne krah do jeni ëndërrimtare gjate kësaj dite dhe do kërkoni te përjetoni emocione te reja. Për këtë arsye do ndiheni gati edhe për ndonjë çmenduri te vogël. beqaret nuk duhet ta privojnë veten nga asgjë sepse vetëm ne këtë mënyrë do marrin atë qe kane dëshiruar. Ne planin financiar do jeni shume te kujdesshëm dhe do i hidhni me kujdes hapat.

Binjaket

Jeta juaj ne çift do jete shume e emocionuese gjate gjithë kësaj dite. Gjerat do ju ecin ashtu si keni dashur dhe do ndiheni gati për te hedhur çdo lloj hapi. Beqaret nuk do kenë aspak një dite te favorshme për te hedhur hapa me tej. Ne planin financiar do i zgjidhni një nga një te gjitha problemet qe keni pasur dhe do i riorganizoni edhe njëherë te ardhurat tuaja.

Gaforrja

Dielli do e ngrohe jetën tuaj ne çift. Sot nuk do jeni me egoiste dhe nuk do mendoni vetëm për te mirën vetjake. Qe tani e tutje gjithçka ka për te ecur si keni dëshiruar. Beqaret do kenë një dite te favorshme dhe te mbushur me njohje te reja. Shfrytëzojeni çdo mundësi. Me financat tregohuni sa me te arsyeshëm qe te mos keni probleme e vështirësi.

Luani

Dite tejet e shpërqendruar kjo e sotmja për te gjithë ata qe janë ne një lidhje. Nuk do merreni vesh aspak me atë qe keni ne krah dhe do kërkoni gjithmonë te behet si thoni ju. Beqaret do kenë disa takime interesante, por duhet te mendohen mire ne mënyrë qe te bëjnë zgjedhjen e duhur. Te ardhurat do kenë goxha përmirësime fale një plani strikt qe do ndiqni.

Virgjeresha

Jeta juaj ne çift do jete një prioritet për ju sot. Do lini çdo gjë pas dore vetëm qe te qëndroni me tepër kohe me partnerin dhe t’iu shprehni atij ato qe do ndjeni. Beqaret do jene te turpshëm dhe nuk do përfitojnë sa duhet nga ftesat qe do ju bëhen. Ne planin financiar, mungesa e maturisë do ju kushtoje me shtrenjtë se kurrë me pare. Gjendja do kenë vështirësi pa fund.

Peshorja

Dite harmonike dhe mjaft e këndshme kjo e sotmja për ata qe janë ne një lidhje. Mundohuni ta shfrytëzoni sa me shume qe te mundeni nëse doni te përjetoni kënaqësi pa limit. Beqaret duhet ta shfrytëzojnë ne maksimum ditën sepse mundësitë për takime te rëndësishme do jene te mëdha. Ne planin financiar do keni goxha vështirësi. Kujdes me çdo lloj hapi.

Akrepi

Do acaroheni shpesh me partnerin tuaj gjate gjithë kësaj dite dhe do keni debate te njëpasnjëshme me te. Asgjë nuk do jete ashtu si e keni ëndërruar. Beqaret do kenë një dite te zakonshme dhe pa ndonjë takim mbresëlënës. Beni akoma me shume durim. Me financat tregohuni te kujdesshëm te paktën derisa gjendja te stabilizohet disi.

Shigjetari

Nuk do keni asgjë për çfarë te qaheni sot ju te dashuruarit. Partneri do ju mbaje ne pëllëmbe te dorës dhe do ju beje te ndiheni si mbi re. Beqaret do kenë probleme serioze nëse tregohen impulsive. Merrini gjerat sa me shtruar qe te mundeni. ne planin financiar do jeni me shume fat dhe do e stabilizoni situatën me shpejt nga sa keni menduar.

Bricjapi

Jeta juaj ne çift do jete me te vërtetë mjaft pasionante sot. Do merreni vesh për çdo gjë me personin qe keni ne krah dhe do i harroni te gjitha problemet e se shkuarës. Beqaret do jene ëndërrimtare me shume nga sa duhet dhe realiteti do ju duket me i dhimbshëm. Ne planin financiar do përballeni me vështirësi megjithatë nuk duhet te mendoni se ky është fundi.

Ujori

Do mendoni te pajtoheni sot me personin qe keni ne krah dhe do i harroni te gjitha problemet e se shkuarën. Ne fund te fundit edhe ju keni pasur gabimet tuaja. Beqaret do jene te paduruar dhe do pranojnë ftesën e pare qe do ju behet. Kujdes sepse mund te lëndohen mjaft. Gjendja e financave nuk do jete aspak e keqe, megjithatë mire është qe çdo shpenzim ta kryeni te mirëmenduar.

Peshqit

Do i zgjidhni një e nga një sot te gjitha problemet qe keni pasur ne jetën tuaj ne çift dhe do ndiheni me te qete. Mbrëmja do jete edhe me e këndshme. Beqaret nuk duhet te bëjnë çmenduri vetëm për ta bere për vete një person qe pëlqejnë sepse mund te lëndojnë veten e tyre. Ne planin financiar gjerat duhet se po përmirësohen. Vazhdoni te tregoheni te matur.

Një kuzhinier italian në Australi ka humbur vendin e punës pasi refuzoi të përgatiste pica me ananas, duke e konsideruar këtë një fyerje ndaj kulturës së tij.

Davide Tamburella u pushua nga puna në maj, nga restoranti La Costa në Brisbane, pasi kishte refuzuar disa herë kërkesat e drejtuesve për të përgatitur pica me proshutë dhe ananas për klientët. Sipas tij, udhëzimet që binin ndesh me kulturën italiane nuk duhej të zbatoheshin. Madje, kuzhinieri kishte kërkuar më herët nga shefi i tij që të kuptonte sesa e rëndësishme ishte për italianët të mos vendosnin ananas në picë.

Çështja përfundoi në Komisionin Australian për Marrëdhëniet e Punës, ku Tamburella pretendoi se ishte pushuar padrejtësisht. Në vendimin e publikuar të martën, komisioni vuri në dukje se kjo ishte hera e tretë brenda katër viteve që kuzhinieri kishte refuzuar të përdorte ananasin në pica. Megjithatë, ai humbi betejën e tij, për shkak se ankesa ishte paraqitur jashtë afatit ligjor.

Por refuzimi për të përdorur frutin nuk ishte e vetmja arsye e shqetësimeve të drejtuesve të restorantit. Ata kishin ngritur pretendime edhe për përdorimin e gjuhës fyese, mënyrën e komunikimit dhe përshkallëzimin e tensioneve në vendin e punës. Në prill, Tamburella kishte thyer edhe kockat e dorës së djathtë, pasi kishte goditur një parmak metalik.

Kuzhinieri shpresonte që restoranti t’i mundësonte një vizë pune për të qëndruar përgjithmonë në Australi, por pas shkarkimit, kjo procedurë u ndërpre. Drejtori menaxhues i restorantit deklaroi për mediat se “kjo histori ka më shumë sesa një çështje pice”.

Ndërkohë, Tamburella rezulton se punon tashmë në një tjetër restorant në Brisbane, ku, sipas një verifikimi të BBC-së, ananasi nuk figuron në menunë e tij.

Një postim i moderatorit Ledion Liço në rrjetet sociale, me fjalinë “Thonë se ju ka marrë malli”, ka mjaftuar për të ndezur edhe më shumë kureshtjen e fansave rreth edicionit të ri të Big Brother VIP Albania.

Mesazhi është interpretuar si një sinjal se përgatitjet për sezonin e ri mund të jenë duke marrë formë, megjithatë ende nuk ka një datë zyrtare të konfirmuar për nisjen e spektaklit.

Për këtë temë u diskutua edhe në në pjesën e dytë të emisionit “Ftesë në 5”, me moderatoren Bieta Sulo, ku të ftuarit ndanë pritshmëritë e tyre, hamendësimet për emrat që mund të bëhen pjesë e shtëpisë dhe disa ide për mënyrën se si mund të vijë ky edicion.

Mes diskutimeve, Ardi Borova hodhi një ide interesante për mënyrën se si spektakli mund të ndërveprojë këtë sezon me publikun.

“Do më pëlqente fakti se si sivjet mënyra e të qenurit nga televizioni brenda familjes ndoshta mund të qaset në një mënyrë tjetër, jo vetëm me personazhe, por edhe me ndonjë surprise. Je duke parë Bigun, të bie dera, hapet dera, të vjen kamera e Topit dhe të thotë: Çfarë je tu pa Bigun?”, u shpreh Ardi.

Një ide që shkaktoi të qeshura në studio, ndërsa u diskutua edhe mundësia që surprizat të shtrihen në ambiente publike, si restorantet, ku njerëzit mund të përjetojnë një moment të papritur të lidhur me spektaklin.

Në studio u komentua gjithashtu mundësia e rikthimit të Arbër Hajdarit në rolin e opinionistit. Madje, gjatë bisedës u përmend edhe fakti se ai është ngacmuar nga vetë Ledioni për këtë çështje.

“Kam dëgjuar një thashethem që po më thonë se mund të jem edhe unë pjesë e Big Brother”, u shpreh njëri prej të pranishmëve, duke treguar se zërat për pjesëmarrësit dhe bashkëpunëtorët e këtij edicioni kanë nisur të qarkullojnë.

Megjithatë, diskutimi në studio u përqendrua te fakti se Arbër Hajdari duket se është një nga figurat që publiku do të dëshironte ta shihte sërish në karrigen e opinionistit.

Pjesa më interesante e bisedës erdhi kur në studio u prezantua një listë me emra që kanë qarkulluar në rrjetet sociale si kandidatë të mundshëm për t’u bërë pjesë e shtëpisë.

Në listën e përmendur ishin: Bujar Qamili, Mira Konçi, Robert Berisha, Viola Spiro, Deta Kokomani, Fero.

E pyetur se cilët prej tyre do të ishin më interesantë për këtë format, Desjana Rapaj veçoi dy emra.

“Më interesantë për mendimin tim do të ishin Fero dhe Bujari. Bujar Qamili po dhe po, por dhe Fero do ishte një prurje e mirë.”, u shpreh ajo.

Një nga momentet më pikante të diskutimit ishte ai për Robert Berishën.

“Te Roberti nuk po futem shumë, se Roberti është vetëm si të bëj si i bukur ashtu. Hajde, mirupafshim!”, u shpreh Desjana.

Biseda vijoi me komente për pamjen e jashtme të këngëtarit, duke sjellë edhe një batutë që shkaktoi të qeshura:

“Gjyshja ime më ka thënë: Bashkëshorti duhet të jetë pak më i bukur se majmuni”.

Një prej opinioneve më të forta në studio ishte ai se pjesa më e madhe e personazheve të përmendur mund të mos arrijnë të rezistojnë gjatë në shtëpinë e Big Brother.

“Unë do të thoja kështu: 80% prej atyre dalin javën e parë, maksimumi të dytën, mos më bëj të vendos gishtat. Bujari nuk e mban atë izolimin. Kur hyn brenda ka një tjetër atmosferë aty.”, u shpreh Ardi.

Ndërsa për Mira Konçin u diskutua se mosha dhe angazhimet familjare mund ta bënin më të vështirë përballimin e një eksperience të tillë.

Megjithatë, ky mendim u kundërshtua nga të tjerë në studio, të cilët theksuan se mosha nuk duhet të jetë domosdoshmërish një pengesë për të qenë pjesë e formatit.

“Po pse moshën e shihni? Mund të varet nga aftësia, nga ambicia, nga tipi, çfarë karakteri ke?”, ishte kundërargumenti nga Oksana.

Dy emra të tjerë që u komentuan ishin Viola Spiro dhe Deta Kokomani.

Për to u diskutua kryesisht dinamika që mund të krijohej nëse dy personazhe me profile të ndryshme do të përballeshin me të njëjtën eksperiencë.

Nga ana tjetër, u theksua se pjesëmarrja në Big Brother është një eksperiencë e veçantë televizive, që mund të sjellë mundësi të reja për personazhet që vendosin të bëhen pjesë e saj.

Në studio u shpreh dëshira për të parë një grua me eksperiencë jetësore, të realizuar dhe me një histori që mund të shërbejë si frymëzim për të tjerat.

“Do të doja që të ishte ndonjë femër që të tregojë, të motivojë, të ketë një eksperiencë në jetë pozitive për të motivuar sa më shumë femrat”, u shpreh një prej të ftuarave.

Ajo shtoi se shumë gra kanë nevojë për mbështetje emocionale dhe mesazhe pozitive, sidomos në një kohë kur rrjetet sociale krijojnë shpesh pritshmëri të larta dhe jo gjithmonë realiste për jetën e përditshme.

Ndërsa emrat vazhdojnë të përfliten dhe rrjetet sociale janë kthyer në një hapësirë spekulimesh, mbetet për t’u parë se cilat nga këto hamendësime do të rezultojnë të vërteta.

Fitorja e Jon Ossoff në zgjedhjet e mesmandatit në SHBA, më 3 nëntor 2026, është një nga zhvillimet më të rëndësishme politike të këtij cikli zgjedhor. Senatori demokrat i Georgias arriti të mposhtë republikanin Mike Collins, kandidatin e mbështetur nga Donald Trump, duke siguruar një mandat të dytë në Senatin amerikan.

Por, përtej përballjes tradicionale mes demokratëve dhe republikanëve, fushata e Ossoff pati një veçori që e bëri atë të spikaste edhe përtej kufijve amerikanë: Shqipëria dhe projekti i Jared Kushner për ishullin e Sazanit u shndërruan në pjesë të argumentit të tij politik kundër familjes Trump.

Dhe kjo nuk ishte një referencë e rastësishme gjeografike. Ishte një zgjedhje politike e menduar: të merrej një çështje konkrete, me emra, interesa financiare, vendimmarrje qeveritare dhe pasoja mjedisore, për ta kthyer në ilustrimin e një problemi shumë më të madh amerikan – marrëdhënien mes pushtetit politik dhe interesave private.

Më 27 qershor 2026, në një tubim elektoral në Savannah, Georgia, Ossoff i kushtoi një pjesë të fjalimit të tij pikërisht projektit të Sazanit. Transkripti i publikuar nga vetë fushata e tij konfirmon se ai e përdori çështjen në mënyrë të drejtpërdrejtë për të sulmuar Donald Trumpin dhe dhëndrin e tij, Jared Kushner.

Sazani si simbol i konfliktit të interesit në familjen Trump

Për të kuptuar rëndësinë politike të kësaj historie, duhet parë fillimisht çfarë përfaqëson projekti shqiptar.

Në janar 2025, qeveria shqiptare i dha statusin e investitorit strategjik kompanisë Atlantic Incubation Partners LLC, të lidhur me Jared Kushner, për një projekt turistik në ishullin e Sazanit. Investimi i parashikuar ishte rreth 1.4 miliardë euro dhe projekti parashikonte ndërhyrje në një sipërfaqe prej 45 hektarësh. Vendimi për statusin strategjik ishte marrë nga Komiteti i Investimeve Strategjike, i drejtuar nga kryeministri Edi Rama.

Për Ossoff, ky ishte një rast politikisht shumë i favorshëm.

Kushner nuk ishte thjesht një investitor amerikan. Ai ishte dhëndri i presidentit të Shteteve të Bashkuara dhe një figurë që kishte pasur rol në diplomacinë amerikane në Lindjen e Mesme. Kompania e tij e investimeve, Affinity Partners, kishte marrë një investim prej 2 miliardë dollarësh nga fondi sovran saudit, i drejtuar nga princi i kurorës Mohammed bin Salman.

Kështu, senatori demokrat ndërtoi një argument që shkonte përtej Shqipërisë: Ndërsa familja Trump pretendonte se përfaqësonte interesat e amerikanëve të zakonshëm, anëtarët e saj kishin mundësi të përfitonin nga marrëdhëniet e krijuara përmes pushtetit presidencial.

Në fjalimin e tij në Savannah, Ossoff e quajti Kushnerin në mënyrë ironike “Prince Jared” dhe e vendosi projektin e Sazanit në të njëjtën linjë me marrëdhëniet financiare të familjes Trump me investitorë të huaj.

Mesazhi ishte i qartë: A do të kishte Jared Kushner të njëjtat mundësi për të marrë status të privilegjuar investimi në një vend të huaj nëse nuk do të ishte dhëndri i presidentit amerikan?

Kjo pyetje kishte një vlerë të veçantë për elektoratin amerikan, sepse nuk kërkonte që votuesit të njihnin politikën shqiptare. Mjaftonte të kuptonin lidhjen familjare, interesin financiar dhe vendimmarrjen e një qeverie të huaj.

Nga një projekt turistik në një çështje ndërkombëtare

Historia e Sazanit mori një dimension edhe më të madh në pranverën dhe verën e vitit 2026.

Protestat kundër projektit dhe kundër zhvillimeve të tjera turistike në zonën e mbrojtur të Nartës u kthyen në një pjesë të lëvizjes më të gjerë kundër qeverisë shqiptare. Reuters raportoi më 3 qershor për mijëra protestues në Tiranë, të cilët kundërshtonin projektin e lidhur me Kushner për shkak të ndikimit të mundshëm në një prej zonave më të ndjeshme ekologjike të Adriatikut.

Edhe organizatat mjedisore ndërkombëtare u përfshinë në debat. Në janar 2026, 41 organizata nga 28 vende kërkuan pezullimin e projektit të Sazanit, duke ngritur shqetësime për biodiversitetin, habitatet detare dhe mbrojtjen e fokës mesdhetare.

Një tjetër zhvillim i rëndësishëm ishte përfshirja e SPAK-ut. Më 2 qershor 2026, Prokuroria e Posaçme ndërmori veprime për ngrirjen e llogarive bankare të një kompanie të lidhur me biznesmenët Moutaz dhe Ramez Al-Khayyat, të cilët ishin përfshirë në financimin dhe zhvillimin e projektit. Hetimi lidhej me dyshime për falsifikim dokumentesh pronësie dhe transaksione të paligjshme mbi tokën.

Është e rëndësishme të bëhet një dallim: hetimi nuk përbënte akuzë penale ndaj Kushnerit dhe as provë se ai kishte dijeni për veprimtarinë e dyshuar të personave të përfshirë në transaksionet e pronës.

Megjithatë, për Ossoff, zhvillimet shqiptare krijonin një mundësi të jashtëzakonshme komunikimi politik. Ai mund të paraqiste para publikut amerikan një rast konkret, ku përplaseshin pushteti, kapitali ndërkombëtar, privilegjet e investitorëve dhe interesat publike.

Dhe pikërisht këtu qëndronte forca e historisë: Shqipëria nuk ishte më thjesht një vend i vogël në hartën e Ballkanit. Ajo ishte kthyer në një shembull të prekshëm të pretendimeve që Ossoff ngrinte kundër familjes presidenciale.

Pse kjo çështje funksiononte në politikën amerikane?

Ossoff nuk kishte nevojë ta kthente Shqipërinë në temën kryesore të fushatës së tij. Ai kishte nevojë ta përdorte atë si një ilustrim të fortë të një problemi që votuesit amerikanë mund ta identifikonin menjëherë.

Strategjia kishte të paktën tri përparësi.

Së pari, e konkretizonte akuzën për konflikt interesi.

Të flasësh në mënyrë abstrakte për korrupsionin në administratën Trump mund të tingëllojë si një tjetër përplasje partiake në Washington. Por të tregosh një ishull konkret, një kompani të lidhur me dhëndrin e presidentit, një vendim të kryeministrit të një shteti të huaj dhe një investim prej 1.4 miliardë eurosh e bën argumentin shumë më të kuptueshëm.

Së dyti, e ndërkombëtarizonte debatin.

Çështja nuk kufizohej te politika e brendshme amerikane. Ajo përfshinte Arabinë Saudite, Katarin, Shqipërinë dhe marrëdhëniet e familjes Trump me investitorë ndërkombëtarë. Ossoff mund ta paraqiste këtë si një model ku interesat private të rrethit presidencial ndërthureshin me marrëdhëniet ndërkombëtare të Shteteve të Bashkuara.

Së treti, i jepte fushatës një dimension moral dhe mjedisor.

Sazani dhe bregdeti shqiptar përfaqësojnë një çështje që mund të kuptohet edhe pa qenë pjesë e debatit tradicional demokratë-republikan. Mbrojtja e natyrës, transparenca dhe barazia para ligjit janë tema që mund të rezonojnë me votues të ndryshëm politikisht.

Në këtë mënyrë, Ossoff e shndërroi një histori shqiptare në një argument amerikan për llogaridhënien e pushtetit.

Fushata që e çoi Ossoff drejt fitores

Megjithatë, do të ishte e pasaktë të thuhej se çështja e Sazanit, e vetme, i siguroi fitoren Ossoffit. Ajo ishte pjesë e një strategjie shumë më të gjerë elektorale, e cila ndërthurte sulmet ndaj administratës Trump me shqetësimet ekonomike të amerikanëve.

Fushata e tij u përqendrua në disa shtylla kryesore:

-Korrupsioni dhe konflikti i interesit: lidhjet financiare të familjes Trump me investitorë të huaj dhe përdorimi i pushtetit presidencial.

-Kostoja e jetesës: rritja e çmimeve, sigurimet shëndetësore dhe vështirësitë ekonomike të familjeve amerikane.

-Lufta dhe politika e jashtme: kundërshtimi i luftës me Iranin dhe kritikimi i politikave të administratës Trump.

-Mobilizimi elektoral: afrimi me votuesit afroamerikanë, progresistët dhe votuesit e pavarur, si dhe ndërtimi i një koalicioni më të gjerë demokratik

Sipas një analize të Atlanta Journal-Constitution, Ossoff kishte nisur përgatitjet për betejën elektorale shumë përpara se republikanët të zgjidhnin kandidatin e tyre. Ai ndërtoi një makineri të fuqishme financiare dhe organizative, duke e vendosur Mike Collins në pozita mbrojtëse përballë një serie polemikash rreth historikut dhe rrethit të tij politik.

Diferenca financiare ishte jashtëzakonisht e madhe. Sipas të dhënave të raportuara për ciklin zgjedhor, Ossoff kishte siguruar rreth 115.9 milionë dollarë në fondet e fushatës, kundrejt rreth 10.7 milionë dollarëve të Collins.

Më 3 nëntor 2026, rezultati i dha të drejtë strategjisë së tij. Ossoff fitoi ndaj kandidatit republikan Mike Collins me një diferencë shumë të konsiderueshme. Sipas rezultateve të raportuara nga mediat amerikane, ai siguroi rreth 59% të votave, kundrejt 41% të kundërshtarit.

Fitorja ishte veçanërisht e rëndësishme sepse Georgia ishte një prej shteteve më të vështira për demokratët. Donald Trump e kishte fituar këtë shtet në zgjedhjet presidenciale të vitit 2024 me një diferencë prej rreth dy pikësh përqindjeje.

Ossoff jo vetëm që mbrojti mandatin, por arriti ta kthente një garë që republikanët e konsideronin mundësi të rëndësishme për të marrë një vend në Senat në një fitore të thellë për demokratët.

Shqipëria dhe Edi Rama në llogaritë e politikës amerikane

Për Shqipërinë, kjo histori ka një dimension që shkon përtej vetë projektit të Sazanit.

Për herë të rrallë, një çështje që lidhet drejtpërdrejt me vendimmarrjen e qeverisë shqiptare është përdorur nga një senator amerikan në një fushatë me rëndësi kombëtare. Dhe nuk bëhet fjalë për një senator periferik, por për një politikan që sot konsiderohet ndër emrat më të rëndësishëm të Partisë Demokratike.

Edi Rama, përmes vendimeve të qeverisë së tij dhe marrëdhënieve me investitorët e lidhur me familjen Trump, u bë pjesë e një debati politik që zhvillohej mijëra kilometra larg Tiranës.

Për më tepër, kjo çështje nuk mbeti vetëm në fjalimet e Ossoffit. Associated Press, Reuters, CBS dhe media të tjera amerikane i kushtuan vëmendje projektit, protestave dhe hetimeve në Shqipëri.

Vetë kryeministri Rama u përpoq t’u përgjigjej kritikave. Në një deklaratë zyrtare të 15 qershorit 2026, ai këmbënguli se Sazani nuk ishte shitur dhe se negociatat për projektin vazhdonin. Ai argumentoi se shteti shqiptar do të ruante pronësinë dhe do të merrte pjesë në investim. Sipas të njëjtit njoftim, ende nuk ishte paraqitur projekti përfundimtar arkitekturor dhe po kërkohej një vlerësim i thelluar i ndikimit në mjedis.

Kjo është një pikë e rëndësishme: deklaratat politike të Ossoffit duhen dalluar nga faktet juridike dhe nga pretendimet e palëve. Sazani nuk ishte shitur, ndërsa projekti nuk kishte marrë ende lejen përfundimtare të ndërtimit. Por vendimi për statusin strategjik, shqetësimet mjedisore dhe hetimet për transaksionet e pronës ishin zhvillime reale.

Pikërisht ky kombinim i dha çështjes peshë ndërkombëtare.

Dhe Ossoff-it, një “as nën” mëngë, që mund ta shtyjë drejt primareve presidenciale demokrate.

Çështja e pensioneve të emigrantëve shqiptarë në Greqi ka rikthyer debatin mbi ligjin që u kërkon 40 vite qëndrim të ligjshëm dhe të përhershëm në vend për të përfituar të plotë pensionin kombëtar.

Gazetari grek Christos Avramidis ka vënë përballë përgjegjësisë qeverinë greke, duke kërkuar ndryshimin e legjislacionit që penalizon mijëra emigrantë shqiptarë, të cilët kanë punuar për dekada në ekonominë greke.

Gazetari i ka drejtuar katër herë pyetje zëdhënësit të qeverisë, Pavlos Marinakis, duke kërkuar të dijë nëse ekzekutivi do të ndryshojë ligjin që lidh masën e pensionit kombëtar me vitet e qëndrimit në Greqi.

Avramidis ka theksuar se shqiptarët dhe emigrantët e tjerë kanë kontribuar për dekada në ndërtimin dhe zhvillimin e Greqisë, përfshirë ndërtimin e objekteve olimpike për Lojërat e Athinës në vitin 2004.

Shumë prej tyre kanë punuar në kushte të vështira, ndërsa disa kanë humbur jetën në aksidente në kantieret e ndërtimit.

Megjithatë, sipas gazetarit, sot këta punëtorë përballen me kufizime në pensione, pasi shteti grek u kërkon të provojnë 40 vite qëndrim të ligjshëm për të marrë shumën e plotë të pensionit kombëtar.

Problemi lidhet me faktin se mijëra shqiptarë që mbërritën në Greqi gjatë viteve 1990 nuk mundën të pajiseshin menjëherë me dokumente të rregullta qëndrimi.

Për rrjedhojë, edhe pse kanë jetuar dhe punuar për dekada në Greqi, një pjesë e këtyre viteve nuk u njihet në përllogaritjen e pensionit kombëtar.

Sipas legjislacionit grek, për çdo vit që mungon nga kufiri prej 40 vitesh, pensioni kombëtar reduktohet me 1/40 e shumës së plotë, ose 2.5%.

Gazetari ka kërkuar nga qeveria të sqarojë nëse do ta ndryshojë këtë dispozitë, të cilën ai e ka cilësuar diskriminuese ndaj emigrantëve.

Zëdhënësi Pavlos Marinakis ka pranuar kontributin e emigrantëve në ekonominë dhe shoqërinë greke, duke deklaruar se do të kërkonte informacion nga Ministria e Punës.

Por, sipas gazetarit, përgjigjja nuk ka ardhur menjëherë dhe ai është detyruar ta përsërisë pyetjen në katër konferenca për shtyp.

Në përgjigjen e përcjellë më pas, Ministria e Punës ka shpjeguar legjislacionin ekzistues dhe ndryshimet e miratuara në vitin 2022 për kategori të caktuara të emigrantëve të kategorizuar me origjinë greke.

Për këtë kategori, ku përfshihen edhe pjesëtarë të minoritetit grek nga Shqipëria, periudha e kërkuar e qëndrimit u ul fillimisht në 30 vite, me rritje graduale deri në 40 vite në vitin 2032.

Ndërkohë, për emigrantët e tjerë shqiptarë vazhdon të zbatohet rregulli i përgjithshëm i 40 viteve.

Avramidis ka kërkuar të dijë përse qeveria nuk zbaton një trajtim të ngjashëm edhe për emigrantët që kanë punuar dhe paguar kontribute për dekada në Greqi.

Megjithatë, sipas tij, edhe pas katër ndërhyrjeve, qeveria greke nuk ka dhënë një përgjigje të qartë nëse do të ndryshojë ligjin.

Ndërkohë, Nisma e Emigrantëve Shqiptarë dhe Solidarëve ka nisur mbledhjen e firmave për ndryshimin e legjislacionit të pensioneve.

Kërkesa kryesore është që masa e pensionit kombëtar të mos varet nga vitet e qëndrimit në vend, ndërsa periudhat e sigurimit në vendet e origjinës të përllogariten në mënyrë më të drejtë.

Çështja mbetet e hapur, ndërsa mijëra shqiptarë që kanë kaluar pjesën më të madhe të jetës duke punuar në Greqi presin një zgjidhje për të drejtat e tyre të pensionit. /skyweb.al

Jo vetëm në golìn e shënuar, por edhe në mbulim, mbrojtësi i Shqipërisë, Stavro Pilo, tregoi nivel tepër të lartë te AEK ndaj Real Madrid, pavarësisht humbjes 2 – 3.

Lojtari shqiptar ishte mjaft i “zhdërvjellët” në linjën e majtë të prapavijës, me inkursione, dëshirë për të shtytur përpara dhe krijimin e një “muri” kur topin e kishte ekipi mik.

Në minutën e 75-të, Pilo befasoi Realin, duke shënuar golin e epërisisë momental te AEK, 2 – 1. Por festa te skuadra greke zgjati vetëm 3 minuta, pasi Mbappe barazojë 2 – 2, e ku Valverde në fund i dha triumfin me përmbysje “Galaktikëve”.

Në momentin që Mbappe shënoi, është kapur reagimi i Pilo, teksa u shfry me fazën në gjuhën shqipe: “Q***** motrën”, adresuar yllit të Real Madrid. Mediat greke, krahas videos, në trajtë ironike, pyesin nëse Mbappe ka motër apo jo.

VIDEO

Alexandër Soros, djali i filantropit George Soros dhe një nga financuesit e mbështetësit më të rëndësìshëm të Partisë Demokratike në SHBA, ka bërë një reagim entuziast për fitoren që korrën të majtët në zgjedhjet e mesmandatit.

“Bota ndryshoi dje. Kjo nuk ishte thjesht një palë zgjedhje të ndërmjetme apo një “valë blu”. Ishte diçka që ky vend nuk e ka parë kurrë më parë.

Brenda një nate, Amerika ndryshoi për brezat që do të vijnë. Fitorja më e madhe që kam parë ndonjëherë”, shkruan Alexander Soros, djali i manjatit dhe filantropit George Soros.

Në zgjedhjet afatmesme të nëntorit 2026, George dhe Alex Soros ishin ndër financuesit më të mëdhenj të krahut demokrat, duke derdhur mbi 103 milionë dollarë për të ndihmuar kandidatët demokratë të fitonin kontrollin e Kongresit.