Month: February 2024

“Stop” ishte në lagjen “Visarjon Xhuvani” Elbasan, në familjen Buda. Grigor Buda, është gjyshi i 18-vjeçarit, Nino Buda që është i paralizuar.

Prej 4 vitesh të riut i janë ndarë prindërit, të cilët kanë krijuar familje të reja, duke e lënë Ninon te gjyshërit.

“E kanë braktisur, secili ka krijuar familjen e vet. Unë jam gjyshi nga ana e mamit.Me gjyq fëmijën ia dhanë të ëmës që quhet Klodiana Buda, ndërsa babai, Saimir Ashiku. Babai ka familje tjetër, kjo familje tjetër. Të dy janë me familje të rregullt dhe është braktisur fëmija e kanë lënë tek ne”, tha ai.

Gjyshi tregon ndër të tjera se herë pas here Ninon e takon i ati, ndërsa vajza së fundmi nuk vjen më ta shikojë pasi nuk është në gjendje që ta mbajë djalin.

Grigori thotë se Nino ka një vit pa u larë, pasi ai dhe e shoqja janë të vjetër e nuk e ngrenë dot.

Advertisements

“E mori në fillim fëmijën dhe filloi fëmija që të rrijë atje bashkë me ata. Atje ishte në kat të 6, këta vuanin për ta ngritur e për ta çuar. Ngaqë e trajtonin keq fëmijën, e rrihte e bënte ky mori të atin në telefon. I tha bab mos më le më këtu se unë këtu po vdes. E mori i ati. Nuk e mbante dot se nuk e donte ajo tjetra. Thoshte ku e ka nënën e vet, pse ta mbaj unë”, tha gjyshi.

“Mua nuk më do nëna ime”, tha 18-vjeçari.

18-vjeçari merr 250 mijë Lekë Kemp dhe 150 mijë Lekë i merr gjyshi për kujdestarinë. Grigori tregon, se Ninon e kanë operuar nga sytë, ai ka probleme me mushkërinë, dhëmbët, por për të nuk kujdeset askush.

“Të ardhurat tona si familje janë pensioni i çunit, Kempi, 400 mijë lekë. Nino thotë mushkëritë më dhembin, gjoksi më dhemb, e kam çuar atje. Ja tani sa mbaroi ca gjilpëra me 5 mijë e ca lekë copën. 10 copë gjilpëra. Ca i mori infermierja që erdhi këtu që ia bëri. Sytë i ka operuar nga 1 milion e gjysmë, pampersa e të gjithë gjërat që do. Kështu që… Të ardhurat e tjera janë 200 mijë pensioni im dhe 95 mijë që merr ime shoqe. Nuk kemi probleme me ujë e me drita që të jemi familje që nuk i kemi paguar”, tha gjyshi.

Advertisements

Vetë 18-vjeçari kërkonte të rrijë me të ëmën, por kur ishte me të iku për pak ditë pasi ajo i vuri dorë. Më pas shkoi te babai, gruaja e të cilit nuk pranoi ta mbante, ndaj përfundoi te gjyshërit.

Nino: Nuk më mbajnë dot gjyshërit. Unë i du shumë, e ata më duan shumë, por nuk më mbajnë dot. Kam 1 vit pa u larë. Me napë, me peshqir. Nuk kanë fuqi. Dhëmbët i kam copë. Nuk haj dot bukë. Nuk më merr njeri përsipër. Nga mushkëritë nuk marr dot frymë. Dua të sistemohem te mami im.

Gazetarja: Unë si Stop do ta bëj përpjekjen, por nëse është e pamundur kjo pjesë, ku mund ta sistemojmë Ninon?

Nino: Ku të jetë më e mira për mua, me ndonjë qendër.

Gjyshi tregon se Ninos kanë nisur t’i prishen dhëmbët, por dentistët në Elbasan nuk e kanë marrë përsipër.

Për çështjen e 18-vjeçarit të braktisur nga prindërit, Nino Buda, “Stop” takoi të ëmën e Ninos, Klodiana Buda me bashkëshortin e saj të ri.

Ajo thotë, se nuk është e aftë ta mbajë djalin pasi ka probleme të shëndetit mendor dhe mund t’i bëjë keq. Sipas saj, i biri duhet të shkojë në një qendër rezidenciale.

Klodiana Buda: Fëmijën e ruaj nga vetja ime.

Gazetarja: Pse? Sepse më thanë që e ke dhunuar?

Klodiana Buda: Po. Nuk e kam dhunuar unë. Më ka dhunuar ai mua. Më ka kafshuar. Më ka thënë lloj-lloj llafesh. Kam hequr situatë të keqe. Kam qenë e sëmurë. Pija ilaçe me grushte dhe tani kështu jam.

Gazetarja: Me vendim gjykate e ke ti fëmijën në kujdestari.

Klodiana Buda: Fëmija është 18 vjeç, mbush 19 në Shtator. Nuk kam ku ta çoj. Kam krijuar jetën time.

Gazetarja: Nuk e mban dot tek familja e re që je?

Klodiana Buda: Vetë nuk e mbaj dot. Nuk jam e aftë.

Gazetarja: Nuk do bashkëshorti?

Klodiana Buda: Nuk do. Dhe unë nuk jam e aftë. Fëmija do yzmet, unë nuk jam e aftë për veten time. Nuk jam sepse kam kaluar shumë keq dhe jam me depresion dhe me ilaçe. Nuk mundem dot sepse nëse ndodh diçka tjetër kush e merr përsipër. E kupton që e ruaj nga vetja. Unë që kam arritur deri këtu e mbroj nga vetja ime në radhë të parë. Pse të arrij unë deri atje ta kem peng. Unë, ose ai mua.

Gazetarja: Prindërit e tu janë të pafuqishëm. Ke informacion që Nino ka 1 vit pa u larë?

Klodiana Buda: Unë kam vajtur sa herë më kanë kërkuar. Mua më përzejnë, sillen keq.

Gazetarja: Keni mundësi ta mbani apo jo se ai do të rrijë me ju.

Bashkëshorti: Jo nuk ka mundësi.

“Stop” u interesua në Bashkinë e Elbasanit, ku drejtoresha Eltiona Kolla tha se Elbasani nuk ka qendra rezidenciale, por ajo do të interesohet që ta sistemojë me Shërbimin social sa më afër.

“Qyteti ynë nuk ka qendër rezidenciale. Nuk është i vetmi Elbasani. Ne jemi duke lobuar dhe duke e diskutuar dhe ngritur këtë çështje edhe më lart si në ministrinë përkatëse. Ne do marrim masa të menjëhershme që të lidhemi me Shërbimin Social Shtetëror Rajonal Elbasan për ta akomoduar në një qendër përkujdesjeje rezidenciale në një nga qytetet që ne do gjejmë hapësira dhe do ketë vend për ta akomoduar”, tha ajo.

Me 5 punonjës të Bashkisë Elbasan, “Stop” shkoi në shtëpinë e Ninos, ku gjyshërit plotësojnë dokumentacionin dhe pranojnë, që nipi të sistemohet në një qendër rezidenciale në Tiranë.

Marrë nga Tv Klan

Gazetarja Glidona Daci deklaroi në “Top Story” se fëmijët që vranë babin Pëllumb Meta janë rritur me urrejtje nga nëna e tyre Blerina Meta, për viktimën.

Ajo deklaroi se vajza e madhe e ka përshkruar si një njeri autoritar Pëllumb Metën, ndërsa për sa i përket martesës së saj, ka deklaruar në polici se nuk është detyruar nga babi.

“Nuk e perceptoja dot që vajzë të kishte vrarë të atin, pasi zakonisht e kanë idhull. Vajza e madhe deklaroi se Pëllumbi, Hygertën donte më tepër nga të gjithë fëmijët, pasi ishte edhe më e vogla. Për pjesën e martesës së saj ajo është shprehur se i ka njohur i ati me mblesëri por ka qenë ajo që e ka njohur dhe ka dhënë vendimin për tu martuar. Ajo e ka treguar thjesht si një njeri autoritar. Personat në lagje e përshkruajnë si një person autoritar në famile madje dhe të dhunshëm, ndërsa me të tjerët sillej shumë mirë.

Kur Hygerta ka treguar se ku e ka çuar babain, policia nuk besonte, pasi kur është hapur gropa kanë menduar se po i çonte në drejtimin e gabuar. Reagimi i saj tregonte… Hygerta ka qenë shumë e qetë, nuk e di si është rritur. Reagimi i tyre është shumë i qetë. Unë e kuptoj që Pëllumb Meta po të ishte një baba autoritar nuk do të bënte kaq shumë për fëmijët. Ai djalin e madhe e ka dërguar jashtë shtetit deri në Britani. Këta fëmijë janë rritur nga nëna e tyre duke i mbushur me urrejtje ndaj babait. Nuk dua ta justifikoj Blerinën për të shkuarën e saj”, tha gazetarja.

Të tjera detaje tronditëse janë rrëfyer sonte në studion e Top Story lidhur me ngjarjen e rëndë dhe të mistershme në Durrës, ku tre fëmijët dyshohet se vranë dhe groposën babanë e tyre Pëllumb Metën.

Gazetarja Glidona Daci mori një mesazh ‘live’ në studio kur persona nga afër familjes Meta treguan se ajo familje ka shumë vrasje mbi kurriz ndër vite, qoftë brenda familjes, fisit dhe vrasje për hakmarrje
Në studio u tregua se ata njiheshin edhe si fisi “Methhajdari”, ndërsa Curri tha se stërgjyshi i Pëllumbit ka vrarë 100 burrë.

Gazetarja Dorjana Bezat tregoi nga ana tjetër se gjatë marrjes në pyetje të nënës së Blerinës, ajo ka treguar gjëra të rënda dhe të pazakonta.

Advertisements

Daci: Po më shkruajnë që familja e Pllumbit ka shumë vrasje mbi kurriz, qoftë brenda fisit, qoftë në shenjë hakmarrjeje, Familja e Blerinës edhe familjarë të tjerë të tyre e kanë të trashëguar ftohtësinë e vrasjeve. Djali me motrën dhe nënë e kanë bërë historinë si aksidentale. Kanë lidhje farefisnore.

Bezat: Njihen që kanë histori vrasjeje brenda familjeve.

Daci: Janë ndër vite, por në zonë njihen si familje “Methhajdari”, xhaxhai i Pëllumbit ka vrarë djalin, por edhe në shenjë hakmarrje. Pllumbi dikur dhunonte prindërit dhe kanë jetuar me vëllain tjetër.

Curri: Stërgjyshi i pëllumb Metës ka vrarë 100 burra në atë zonë

Bezat: Mamaja e Blerinës fliste për vrasje fëmijësh, makrabitete, ngjarje të viteve 80’, pretendonte që kunatat i kishin vrarë dy vajza, që vjehrra i hante fëmijët sapo i lindte. Burri i saj ishte 80 vjeç dhe thoshte se e tradhtonte. Këto karakteristika i kishte edhe Blernia, edhe pretendonte se Pllumbi e tradhtonte”./TCH

/5pyetjet.al

Gazetarja Dorjana Bezat ka rrëfyer mbrëmjen e sotme në ‘Top Story’ detaje të reja për ngjarjen e ndodhur pak ditë më parë në Durrës, ku tre fëmijët dyshohet se vranë babanë e tyre Pëllumb Metën.

Bezat tha se kjo ngjarje ka ndikuar edhe në marrëdhënien familjare të vajzës së madhe, partneri i së cilës i ka kërkuar të distancohet nga familja e saj duke e quajtur ‘vrasëse’.

Vajza nuk ka pranuar dhe i ka shkuar pranë nënës së saj Blerinës, që ka sjellë krizë në marrëdhënien e tyre dhe më pas është larguar nga shtëpia e burrit.

Nga vizita në familjen Meta ku intervistoi nënë e Blerinës, Bezat ka dhënë detaje tronditëse.

“Shkova për të takuar Blerinën pastaj dhe njerëzit e saj për ta pyetur më imtësisht a ka përjetuar dhunë. Ajo ndodhej në ambientet e paraburgimit për të çuar veshje dhe ushqim fëmijët, dhe në shtëpi ishte vetëm nëna e saj. Kishte kushte nën minimale jetese, fshati i kishte braktisur. Porta me ngjyrë të zezë i kishte shënuar edhe fatin e tyre, banorët më tregonin historitë e tyre ndër vite.

Advertisements

Vajza e madhe po përballet me shkatërrimin e familjes së saj. Nuk flitej për vdekjen e vjehrrës, nuk kishte pendesë. Nuk kishte as pendesë për vrasjen e Pëllumbit. Ajo jetë ishte harruar, nuk ekzistonte. Në atë ambient jetojnë sot Blerina dhe e bija e Blerinës, sepse bashkëshorti po e gjykon për historinë e gjyshes dhe nënës. Ju jeni gra që vrisni dhe nuk mund të jeni në familje. Vajza i ka folur nënës, bashkëshorti ishte kundër.

Më bëri përshtypje kur nëna e Blerinës relativizonte vdekjen, Pëllumbi nuk ka vdekur thoshte, nuk pranonte të kishte vdekur dhe vjehrra e saj. Nxori vetëm disa pika gjak tha dhe hiqej sikur kishte vdekur. Gjyshi thoshte nëse janë autorë, gjykata t’i ndëshkojë. Fliste vrasje fëmijësh, makrabitete, ngjarje të viteve 80’, pretendonte që kunatat i kishin vrarë dy vajza, që vjehrra i hante fëmijët sapo i lindte. Burri i saj ishte 80 vjeç dhe thoshte se e tradhtonte. Këto karakteristika i kishte edhe Blerina, edhe pretendonte se Pëllumbi e tradhtonte”, tregoi gazetarja Bezat.

Analisti Baton Haxhiu është larguar nga studiu e emisionit “Opinion”, teksa po diskutohej lidhur me arrestimin e Fredi Belerit dhe tensionimin e marrëdhënieve Shqipëri-Greqi.

Teksa të ftuarit ishin duke diskutuar njëkohësisht në studio, Haxhiu ngrihet nga karrigia e tij dhe largohet.

Analisti tha se po largohet pasi në studio kishte shumë zhurmë. Pavarësisht thirrjes së moderatorit Blendi Fevziu që të kthehej, Haxhiu e braktisi studion.

Baton: Ka zhurmë…

Fevziu: Do kesh punë se s’ka mundësi. O Baton ktheu, mos ik…

Çështja e hershmërisë së shqiptarëve në Greqi ende nuk është zbardhur përfundimisht.

Mes hipotezave të shumta, më e cituara është ajo që thotë se shkulmet e mëdha të shqiptarëve zunë vend në shekujt XIV-XV, si pasojë e ftesës së bërë nga perandorët bizantinë, katalanë apo fiorentinë për t’u vendosur në tokat e pabanuara, shkruan Konica.al.

Por, në historiografinë shqiptare të viteve 60’ është përqafuar mendimi që valët e shtegtimit arbëror në drejtim të jugut ishin shumë më të hershme.

Në këto linja qëndron edhe sociolinguisti britanik, Peter Trugdill, që i ka kushtuar një sërë zhbirilimesh të mbrehta të folemeve arvanite.

Sipas tij, migrimet e para të shqiptarëve të krishterë në drejtim të territorit të sotëm grek zanafillojnë qysh në shekujt XI-XII.

Në një nga studimet e tij të shumta, akademiku britanik sjell një të dhënë të habitshme për gjithështrirjen të elementit albanofon në Greqi.

“Disa kanë vlerësuar se kur osmanët pushtuan krejt territorin grek në shekullin XV, diku rreth 45% e tij banohej prej shqiptarësh”, shkruan Trudgill.

Përndryshe, Peter Trudgill (i lindur në vitin 1943), është sociolinguist i shquar, anëtar i Akademisë së Shkencave të Norvegjisë si dhe Akademisë Britanike.

Agim Bacelli

Panteoni i bukurisë femërore të shekullit XX nxori në pah disa gra të bukura që asnjë shekull pasardhës nuk ka për ta zbehur bukurinë e tyre. Ato janë bërë simbol i bukurisë femërore dhe emrat e tyre qëndrojnë më lart se bukuroshet e shpallura nëpër sallone bukurie dhe konkurse kombëtare dhe ndërkombëtare. Nuk ka pasur mashkull që i ka parë e të mos ketë ëndërruar për gra të tilla si: Ava Gardner, Grace Kelly, Elizabeth Taylor, Greta Gabro, etj.. Por nga të gjithë gratë e bukura të botës në shekullin XX, thuhej se njëra ka qenë më e bukura, e cila nuk ishte aktore hollivudiane, vajzë modelesh, apo një grua publike e njohur nga e gjithë bota. Ajo ishte një princeshë dhe njëkohësisht një mbretëreshë fanatike që do ta kishte për turp ta shpallnin gruan më të bukur në botë. Emri i saj është Faëzia (Fevzia) Fuat Ali ose e njohur ndryshe edhe si Fevzia Fuat Shirin.

Princeshë Fevzia ishte bija më e madhe e Mbretit Fuat të Egjiptit, i pari mbret egjiptian i kohëve moderne, ajo është e njohur edhe si motra më e madhe e fatkeqit mbretit Faruk, të cilin shqiptarët e kanë dëgjuar më të shumti, pasi ai i dha strehë mbretit Zog të Shqipërisë pas arratisjes së tij nga Shqipëria në prill të ’39. Para se të flasim për Fevzien, le te themi dy fjalë për familjen e saj mbretërore dhe origjinën e tyre të pamohueshme shqiptare.

Familja Mbretërore

Tashmë është e njohur që Familja Mbretërore Egjiptiane ishte një familje shqiptare e mbetur atje që nga koha e themeluesit të Egjiptit modern nga gjenerali shqiptar, i madhi Mehmet Ali me origjinë nga Zëmblaku i Korçës (jo nga Pojani siç flitet), i dërguar në Egjipt nga Sulltani turk për të shtypur rebelimin Mamluk (Mamluk në arabisht do të thotë, i huaj ose edhe i bardhë) pas tërheqjes së ushtrisë së Napoleon Buonopartit. Mehmet Ali shkoi në Egjipt në vitin 1805 në krye të një ushtrie turke të udhëhequr nga një bërthamë ushtarësh shqiptarë prej 6000 trupash, të përzgjedhur nga vetë Mehmet Ali. Ai i nënshtroi mamlukët me luftë e me dredhi dhe vendosi në Egjipt dinastinë e tij.

Dinastia

Sundimi i Mehmet Ali Shqiptarit në Egjipt pasqyrohet me hollësi sipas dokumenteve të shumta të lëna nga personalitete të ndryshme botërore të asaj kohe. Por merita me madhe për trashëgimin e emrit shqiptar është e vetë Mehmet Aliut, i cili nuk dinte të fliste asnjë gjuhë tjetër përveç shqipes dhe që shpesh thoshte me mburrje se ishte një shqiptar e bir shqiptari e që mundohej të bëhej një egjiptian (arab) i mirë. Ai filloi të mësojë turqisht dhe arabisht në moshën 45 vjeçe, po në këtë moshë filloi të mësojë edhe të shkruante për herë të parë në jetën e tij, pasi shqipja nuk ishte gjuhë e shkruar. Duhet përmendur këtu që Mehmet Ali nuk e orientoi Egjiptin drejt Lindjes dhe Portës së Lartë, nga e cila varej, por drejt Perëndimit dhe, veçanërisht drejt Francës dhe Anglisë ku edhe i shkolloi fëmijët e tij. Fevzia ishte stërmbesa e tij, vajza e Fuatit, i cili ishte bir i Ismailit, djalë i Ibrahim Pashës. Gjyshi i saj, Ismaili në vitin 1867 vendosi titullin e lartë Khedive në mbretërinë egjiptiane, titull që ngeli deri në vitin 1914 kur i biri i tij dhe babai i Fevzies e shpalli veten mbret dhe shkëputi të gjitha lidhjet me Perandorinë Turke tashmë të shkatërruar. Pas 1917 do të quhej sulltan dhe pas vitit 1923, ai do të shpallej përsëri mbret.

Ndërtimi i Egjiptit modern

Egjipti, me ndërtesa të bukura e infrastrukturë moderne është vepër kryesisht e Ismailit, po ashtu edhe me hedhjen e bazës për ndërtimin e Kanalit të Suezit, që do ta përfundonte i biri Fuat së bashku me vëllanë Said, emrin e të cilit do të merrte dhe Porti Said. Një nga veprat e tij më të bukura është shndërrimi i ishullit të shkretë në derdhje të lumit Nil, në një Parajsë Tokësore. Sot atje është qendra më e madhe kulturore dhe artistike e Egjiptit dhe mban një emër shqiptar.

Do të ishte Mbreti Ismail ai, që do ta transformonte Egjiptin në një nga vendet më kozmopolite e do të hapte rrugën e modernizimit. I edukuar në Paris dhe Vjenë, njohës i shkëlqyer i një numër gjuhësh evropiane, megjithëse në kokë mbante fesin tradicional turk, ai admironte Evropën. Dhe u përpoq që, gjatë sundimit të tij, Egjipti të rivalizonte oborret mbretërore më të fuqishme të Evropës. Gjatë regjimit të tij, kolonia e shqiptarëve në Egjipt, apo siç njihej, “Shqiptarët e Misirit”, njohu një rritje të madhe. Shqiptarët ishin vendosur kryesisht në Kajro e Aleksandri dhe zinin poste kyçe në administratën dhe ushtrinë egjiptiane. Kjo dinasti qeverisi në Egjipt për 147 vjet, deri në vitin 1952 kur Mbreti Faruk u përzu nga Egjipti nëpërmjet një puçi ushtarak, udhëhequr nga gjeneralët Muhammad Naguib dhe Jamal Abd An-Nasser, të cilët instaluan me dhunë qeveritë e tyre në Egjipt që nga 18 qershori i vitit 1953. Këtu përfundoi përgjithmonë Dinastia Shqiptare e Egjiptit. Pasardhësit e kësaj Dinastie sot jetojnë në Zvicër.

Fuati I, Babai i Fevzijes

Nga martesa e dytë e Sulltan Fuatit, (më 1917 e shpalli veten sulltan të Egjiptit), me zonjën Nazli Sabri (1894-1978) në 26 maj 1919 në Bostan Sarai, do të lindte vajza më e bukur e Egjiptit dhe e botës, Fevzia, (kjo sipas thënieve të gjithë atyre që e kishin parë). E ëma e Fevzijes ishte bijë e Abdu’r-Rahim Pasha Sabri, ish-Ministër i Bujqësisë dhe kryebashkiak i Kajros me origjinë po shqiptare. Gruaja e tij quhej Tefika Kahnum, mbesë e ish- ministrit të Jashtëm të Egjiptit, i cili rridhte nga një familje me gjak franko-shqiptar.

(Mbesë e Sulejman Pashës, një oficer i lartë francez i Napoleon Bonopartit që ishte konvertuar në mysliman) Fuati do të kishte pesë fëmijë; princeshë Fajzen, princeshë Fevzien, Faiken, Fatijen dhe një djalë, mbretin e ardhshëm Faruk. Fuati vdiq në Kaba Sarai në Kajro dhe u varros në Khedival Mauzoleum në xhaminë ar-Rifai po në Kajro. Khedive Ismaili (gjyshi i Fevzies) dhe i ati i Fuatit nuk ishte një njeri i kufizuar nga politika. Ai kishte një pasion të zjarrtë për ndërtime dhe rregullime në mënyrën më moderne të kohës në Egjiptin e qeverisur nga shqiptarët. Infrastruktura moderne e Egjiptit është vepër e tij, po ashtu baza industriale për ndërtimin e Kanalit të Suezit është po vepër e tij. Tre djem të tij dhe një nip iu bashkuan mbretërimit të Dinastisë Shqiptare në Egjipt të trashëguar nga Mehmet Aliu. I ati i Fevzies, Fuati ishte djali i dymbëdhjetë dhe më i vogli i Ismailit. Ky do të ishte dhe një nga mbretërit më antiotomanë që iu kundërvu Perandorisë Otomane me kulturën e tij perëndimore. Ishte kjo kohë kur Egjipti u vu nën influencën e Britanisë së Madhe. Për t’u mbrojtur nga sulmet ruso-turko-franke, Egjipti u vu nën protektoratin anglez dhe mbretërinë e shpallën sulltanat. Fatkeqësisht Egjipti nuk qe një shtet i pavarur në të vërtetë. Gjatë kësaj periudhe, nën mbështetjen e Anglisë, Fuati u shndërrua nga një princ në Sulltan i Egjiptit e më pas në mbret duke u bërë kështu mbreti i parë i Dinastisë Shqiptare të Egjiptit, në 1923.

Anglezët zgjodhën Fuatin, pasi ai ishte tërësisht i orientuar pro anglez, me shpirt, zemër dhe mendje evropiane dhe aspak arabe apo turke. Një arsye tjetër ishte, sepse Fuati fliste shqip, anglisht dhe frëngjisht dhe nuk dinte të fliste turqisht. Kurrë s’fliste arabisht. Për të ishte e pazakontë t’iu drejtohej arabëve në gjuhën e tyre. E shoqja e Fuatit ishte Nazlia (gruaja e dytë) që ishte edukuar në Paris dhe fliste rrjedhshëm frëngjishten njëlloj si Fuati, duke bërë kështu që familja e tyre të ishte një familje frankofone. I ati i saj ishte Ministër i Bujqësisë. Ata u martuan në një festë familjare, në 24 maj 1919 dhe pas 9 muajsh lindën fëmijën e parë që ishte djalë dhe që u quajt Faruk, i cili njihet pak a shumë nga shqiptarët si pritës i Mbretit Zog në emigrim pas pushtimit italian të Shqipërisë. Pas Farukut ata lindën 4 vajza, të cilat morën emra që fillonin me germën “F” gjë e cila sipas besimit arabo-shqiptar sjell fat dhe pasuri. Njëra nga ato qe Fevzia, e cila lindi pikërisht, në 5 nëntor 1921, dy vjet para se i ati të shpallej mbret. Fevzia do të bëhej motra dhe shoqja më besnike e të vëllait e do ndikonte shumë në jetën e tij derisa ai të bëhej mbret, pasardhës i të atit. Faruku qe shumë i pashëm, por i dhënë pas qejfit e bixhozit, ndaj dhe mbretëria në kohën e tij mori tatëpjetën, gjë që do të kishte një ndikim shumë të madh në përgatitjen e një puçi ushtarak që do ta rrëzonte nga froni dhe më pas do emërohej pa fat mbreti i vogël Fuat i II 6 muajsh.

Fevzia – gruaja me bukuri të rrallë

Fevzia do të lindte nga martesa e dytë e Sulltanit (më vonë mbretit) të Egjiptit, Fuati I me Nazlie Sabri siç e thamë më lart, në pallatin mbretëror Ras al-Tine Palace në Aleksandri, dhe qe vajza më e madhe e Fuatit. Fevzia ishte mbesë (nga nëna) e Sulejman Pashës, ish-oficer i lartë i Napoleon Bonopartit, i konvertuar në fenë islame dhe i inkuadruar në ushtrinë egjiptiane. Tre motrat e tjera të saj ishin, Fejza, Faika dhe Fatija. E hollë, e bukur, me një figurë elegante të paparë ndonjëherë, pleksur tërë magjia e bukurisë femërore. Vëllai i vetëm i saj ishte Faruku. Ajo pati dhe dy gjysmë vëllezër nga martesa e parë e Mbretit Fuat me Princeshë Shivakiar Khanum Effendi, me të cilët ajo nuk pati marrëdhënie. Kjo qe pak a shumë historia e familjes së Fevzies. Kjo grua është përshkruar në të shumtën e rasteve si një “Bukuri Shokuese,” si “Shkatërruese Zemrash,” si “Princesha me e bukur e botës,” si “Grua që të rrëzon me një shikim,” etj. Disa gazeta të kohës e cilësuan; “Gruan më të bukur të botës”. Në atë kohë në Amerikë flitej për të sikur të qe Ylli i Hollivudit. Fotografi i Mbretërisë Kinematografike Sir Cecil Beaton do të shkruante këto fjalë për Fevzien: “Në qoftë se Botiçeli do të mishëronte në penelin e tij një Afërditë Aziatike, Fevzia do të qe subjekti i duhur. Vetëm pasqyrimi i shpirtit dhe fytyrës së saj engjëllore prej perëndeshe do të na jepte në përjetësi një bukuri magjepse të paparë ndonjëherë me sytë e saj blu dhe buzët e saj si tul qershie, nën kurorën e flokëve gështenjë të errët, do të bënte që burrat e tërë botës të humbnin mendjen.”

Në një intervistë ekskluzive në ‘Ftesë në 5’, Ermal Hadribeaj, i cili mbrojti titullin ‘ËBC Internacional’ në Uzbekistan ka treguar gjithë përjetimet e ndeshjes dhe se çfarë mendon Mike Tyson për shqiptarët, pas simbolit të shqiponjës të bërë prej tij.

Ermali ka treguar se e ka pasur idhull Tyson dhe se ka komunikuar me të, e ka shtuar se ky i fundit ka shumë respekt për shqiptarët dhe gëzon mendimin se shqiptarët janë shumë të fortë.

“O shqiptarët janë të fortë! Ka një respekt! Ka parë ndeshjen live dhe në fund është afruar te komentatorët. Ishte rasti më i bukur që mund të kishte ndodhur ndonjëherë aty”, tregoi Hadribeaj.

The Journal Junior – Minneapolis më datën 31 gusht 1901 raportoi se një mësues, në fshatin e Salesit zbuloi që nxënësit e tij nuk kuptonin asnjë fjalë të vetme në greqisht.
Ka ndodhur në vitin 1901, kur një media e rëndësishme në SHBA, raportonte se në një zonë vetëm 12 milje (19.31 km) larg Athinës, askush nuk dinte asnjë fjalë greqisht.

Në këtë shkrim korrospodenti i The Journal Junior – Minneapolis, raporton se në fshatin Salesi, askush nga nxënësit e fshatit nuk dinte asnjë fjalë greqisht, ata flisnin vetëm shqip. Banorët e këtij fshati, e konsideronin greqishten si gjuhë të huaj. Ky ishte raliteti, në shumë zona të Greqisë, në vitin 1900.

Është shumë e çuditshme se si serbët kanë fakte dhe kanë guxim të shkruajnë ato gjëra historike, që ne as që kemi guxuar t`i përmendim deri më sot. Ne, jo vetëm që nuk kemi guxim por e dhe nuk dimë , edhe nuk na intereson që të zbardhim atë që për ne është thelbësore. Njohja e së kaluarës e forcon të tanishmen dhe e përgatitë si duhet t`ardhmen, por ne nuk ndajmë këtë mendim dhe atëherë vjen pyetja se si do të jetojmë shqip apo e ardhmja e jonë a do të jetë shqip dhe në cilet kurfinj të historisë.

Ja pra, shkencëtari serb e gjejnë me fakte dhe në mënyrë shumë bindëse e spjegon që Troja e vërtetë është në Shkoder dhe se Troja e Shlimanit është falsifikim. Ka shumë zëra që Shlimani ka gabuar shumë rëndë kur e thoshte që Troja është ai vendi që ai e zbuloi në bregdetin e Turqisë së sotme (Heinrich Schliemann Discovers the Ancient City of Troy (1871 – 1873).

Fjalën e kam për autorin serb Milutin Jaćimović-in, që me punën e tij ‘Troja në Shkodër’, vepër e cila u lexua në kongresin e historianëve në Shën Petersburg, u shpall anëtar me korespondencë i Akademisë Ruse të Shkencave ne Shën Petersburg. Pra, veper e madhe historike dhe vlerësim i madh nga ana e Akademisë.

( Shumë e vështirë është të zbulohen të vërtetat e pa ditura , por edhe shumë më vështirë është që ato të pranohen.E di një gjë që është njerzore , më lehtë i besohet një gënjeshtreje të dëgjuar mijëra herë se sa një risie me një të vërtetë faktike )

Në librin e tij “ Troja… “ e botuar serbisht dhe rusisht, autori Milutin Jovanoviq tregon me fakte që Lufta e trojes eshte kënduar edhe në “Iliaden “ dhe “Odisenë “ e Homerit dhe se ishte luftë shtetesh të vogla në Mesdhe dhe thellë në Ballkan. Me bindje të madhe e hodhi poshtë teorinë e Shlimanit kur thotë se Troja dhe deti mund të shiheshin nga maja e maleve thrakase të Sharit. Nga malet e Sharrit, nga Korabi mund të shihen edhe Bjeshkët e namura. Për “Trojen” e Shlimanit ai thotë që aty nuk është as një lumë i cili derdhet në det. Ai e shpjegon se afër lumit të madh, qe e cekë edhe Homeri rrjedh edhe një lumë më i vogël, pra Drini dhe Buna.

Drini dhe Buna lidhen në një rrjedhë, të cilat përmenden edhe në Iliadën e Homerit. Edhe një shpjegim për lumenjtë rreth Trojës; “ Dihet që ngjalat e detit, kur i hedhin vezët , atë e bëjnë edhe në Mesdhe, dhe në Bunë.

Edhe lumi Zeta përmendet në “Iliadë “ që sipas tij dikur quhej Esepi dhe liguna ku rrjedhë Zeta sot, quhej Zelija. Nëse në “Iliadë” përmendet njolla e zezë e lumit, autori e shpjegon që këto janë algat, për shkak të rrjedhës së ngadalshme të lumit.

“ Nëse Pajonët jetonin rreth Vardarit, pra është e vërtetë në veriperëndim ku është Shkodra, një lloj ashtu si e këndon Homeri “ Burri i botës, Jovanoviçi na bindë që edhe Dardania, nuk përkon me gjetjen e Shlimanit, sepse Dardania ka dalje në Adriatik.

Pra, ja ky ishte shpjegimi i gjetjes së Jovanoviqit. Por e vërteta e tij ka ngjyrë serbe edhe titulli i livbrit është: “Prava Troja je Srpska prestonica Skadar, Šlimanova Troja u Turskoj je falsifikat” . E kuptuat, Troja e vërtetë ishte kryeqyteti i Serbisë, Shkodra “.

Edhe pak nga origjinali në serbisht :” Jaćimović je opovrgao oba krivotvorenja Bečko-berlinske istorijske škole. U svojoj nevelikoj knjizi: „Troja, srpska prestonica Skadar“, objavljena na srpskom i ruskom jeziku, uverljivo dokazuje da je Trojanski rat, opevan u Homerovoj „Ilijadi“ i „Odiseji“, bio obračun srpskih državica niklih na morskim obalama Sredozemlja i u dubini Balkana. On upućuje čitaoca, da nije moguće pronaći planinu u Hisarliku (gde je Šlimanova Troja), koja bi se mogla videti – zajedno s Trojom i morskom obalom, kako je to sve posmatrao, s Tračkog vrha (na Šar planini), Bog Posejdon “

Ne shqiptarët rrimë duarkryq, e presim ndonjë donaciaon të huaj që ta shkruajmë historinë serbe në tokat tona. Turp!

Fahri Xharra – Gjakovë