Profesori i vetshpallur politikan, Pëllumb Pilinçi vijoi takimet e tij si pjesë e një turi politik nëpër qytetet e vendit.
Pilinçi bëri ndalesën e radhës në qytetin e Korçës.
Takimi u zhvillua në sheshin e Katedrales në Korçë, i drejtuar nga vetë kryetari i Partisë Shpresa Demokrate, profesor Pëllumb Pilinçi.
Pilinçi ka sfiduar edhe mazhorancën, duke u shprehur se lëre çfarë thonë, ai është qeveria dhe po e thotë edhe nga Korça ku familjet e këtij qyteti kanë bërë kapelet e republikës dhe kostumet për të dalë në Paris.
“Korçarë more ku jeni, nuk e dija që qënkeni kaq frikacakë. Bjerë shi që ti zjosh korçarë nga gjumi”, shprehet Pilinçi.
Kujtojmë se Pilinçi ka zhvilluar një sërë aktivitetesh me partinë e tij. Pak javë më parë, Pilinçi shpalli Qeverinë e tij në Vlorë dhe prezantoi 13 ministra.