Një ngjarje e rëndë është regjistruar pasditen e sotme në Kavajë ku 4 të mitur kanë rrezikuar të mbyten.
Uniformat blu bëjnë me dije se 4 të mitur, të moshave 11,12 dhe dy nga 13 vjeç, teksa kanë qenë duke notuar në Vilë Bashtovë, kanë rrezikuar të mbyten.
Stafi i urgjencës mjekësore të Kavajës i ka transportuar 4 të miturit në spitalin e Durrësit, dhe ndodhen nën kujdesin e mjekëve, fatmirësisht jashtë rrezikut për jetën.
Ndërkohë, grupi hetimor po punon për sqarimin e rrethanave të ngjarjes.
Njoftimi i plotë:
Kavajë/Informacion paraprak
Më datë 03.07.2022, janë paraqitur në urgjencën e Kavajës, 4 shtetas të mitur, të moshave 11, 12 dhe dy nga 13 vjeç, të cilët duke notuar në Vilë Bashtovë, kanë rrezikuar të mbyten.
Stafi i urgjencës mjekësore të Kavajës i ka transportuar 4 të miturit në spitalin e Durrësit, dhe ndodhen nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes.