Month: October 2023

Një djalë thotë se sapo i ka dhënë fund fejesës me vajzën që dashuron, pasi kjo e fundit ka patur një histori të me armikun e tij më të madh. Kjo është historia e habitshme e rrëfyer.

“Më në fund u fejova me vajzën që doja me gjithë shpirt. Por gjërat nuk shkuan mirë.

Them më në fund, pasi familja e saj nuk ishte dakord, sepse donin që ajo të përfundonte universitetin një herë dhe pastaj të krijonte familje.

Vajzën në fjalë e njoha në Facebook, u takuam, dolëm, u lidhëm dhe pas 1 vite lidhje vendosëm t’i bënim gjërat zyrtare.

Por kot nuk thonë gënjeshtra i ka këmbët e shkurtra.

Edhe pse jam kuksian unë e tolerova që ajo kishte patur një histori para meje. Ama nuk më kishte thënë kush ishte ky person.

Marr vesh nga njerëzit që ajo ka qenë e lidhur disa muaj me armikun tim. Them armik sepse ai tipi dikur ka plagosur me thikë kushëririn tim për një sherr ordiner.

Ne hak nuk kemi marrë, ama nuk e durova dot faktin që ai ka prekur të fejuarën time.

Kështu që edhe pse e desha shumë atë vajzë e ndava. Ajo më lutet, por unë e kam ndarë mendjen.

Sepse e njoh veten dhe kurrë nuk do ta kaloj dot këtë situatë.

Zemra më dhemb për të, por mori fund. Më paragjykoni sa të doni, por ajo e dinte historinë e familjes time dhe rrinte nuk bënte zë.

Unë edhe me fëmijë do ta ndaja kur ta mësoja të vërtetën. Tung”, shkruan ai.

Do të martohej po atë datë. Por një 17 vjeçare nga Gjilani nuk deshi të martohej me personin që ishte e fejuar, dhe kishte vendosur që të b raktisë familjen e të largohej me të dashurin e saj në mesnatën e 23 shkurtit.

Pasi prindi i saj kishte la;jmëruar rastin në PoIicinë Rajonale të Gjilanit, më 24 shkurt i njëjti raportoi se e bija ishte kthyer.

E me gjasë rrugëtimi i saj kishte qenë mjaft i vështirë.

Bazuar në dës;hminë që ajo ka dhënë në PoIicinë e Kosovës , e mitura ishte detyruar që të kr;yejë ma rrëdhënie se ksuaIe me shokët e të dashurit të saj.

Ma ltretimi ndaj saj kishte vazhduar edhe gjatë rrugës për në shtëpi.

Nga katër të dyshuarit, tre prej tyre janë a rrestuar.

Të njëjtit kanë treguar versionin e tyre.

E Prokuroria Themelore në Gjilan ka kërkuar caktimin e masës së parab urgimit ndaj të dyshuarve S.I, A.A dhe S.L pasi dyshohet se janë të përfshirë në veprën p enale “Dh unimi”.

Dashi

Kjo e diel do të nisë me disa dyshime për shkak të kundërshtimit të Venusit. Sot dashuria nuk është në atë mënyrë që ju do e dëshironit dhe një diskutim familjar mund të degjenerojë në debate. Beqarët do të ndjehen nervoz për shkak të një çështje të pazgjidhur. Në punë mundohuni t’i analizoni me kujdes projektet tuaja.

Demi

Fillim i mbarë i kësaj të diele për ju. Venusi do të jetë një mbështetës i madh për dashurinë tuaj në çift, por kini kujdes sepse mund të lindin edhe disa vështirësi në marrëdhënien tuaj për shkak të keqkuptimeve. Nëse jeni vetëm do të ndjeni nevojën për t’u argëtuar dhe të mos mbylleni në shtëpi. Financat do jenë të mira.

Binjakët

Gjatë kësaj të diele për ju të shenjës së Binjakëve mund të lindin disa tensione në jetën tuaj në çift. Nëse keni pasur probleme, përpiquni t’i zgjidhni ato dhe të shmangni keqkuptimet. Zemrat e vetmuara nuk duhet të nënvlerësojnë të njohurit e rastësishëm, mes tyre mund të jetë dashuria e jetës. Sfera e punës ju jep kënaqësi të mëdha, sot ju mund të rikuperoni negociatat që dukeshin të paqarta.

Gaforrja

Sot gjithçka duket se ju peshon më shumë se zakonisht. Gjendja juaj jo e mirë shpirtërore mund të krijojë probleme edhe në marrëdhëniet më të qëndrueshme. Debate mund të ketë edhe në sferën e familjes. Beqarët do të duhet t’i kushtojnë rëndësi ftesave për takime nëse nuk duan të rrinë vetëm. Në planin financiar do keni një punë të rëndësishme, e cila do rrisë të ardhurat.

Luani

Nëse keni pasur një zhgënjim në dashuri dhe po përpiqeni ta harroni atë është një kohë e mirë për ta kthyer faqen. Kapni gjërat e bukura që keni sot! Beqarët mund të jetojnë momente të mbushura me shqetësim gjatë kësaj të diele për shkak të keqkuptimeve, por fatmirësisht në mbrëmje gjithçka do jetë e qetë. Mundësi të shkëlqyera për të zgjidhur situatën e punës dhe atë ekonomike.

Virgjëresha

Një ditë shumë interesante, dashuria do të ecë pa probleme dhe ju mund t’i kushtoni vëmendjen e duhur dhe ngrohtësi partnerit/es tuaj. Do të arrini të merreni vesh shumë mirë duke marrë edhe vendime të rëndësishme për të ardhmen. Edhe për beqarët do ketë raste shumë të mira, ku shumë prej jush do të takohen me personin e zemrës! Sot mund të ketë një thirrje stimuluese për punë.

Peshorja

Nuk ka shumë siguri në dashurinë tuaj dhe disa mendime ka shumë të ngjarë që t’ju ngatërrojnë. Nëse jeni çift, mos jepni një imazh të gabuar për veten tuaj. Ndërsa ata që janë vetëm do të realizojnë takime interesante që do të hapin horizonte të reja. Nëse keni një profesion të pakënaqshëm pune mund të keni mundësi të reja për të ndryshuar, por jini të kujdesshëm.

Akrepi

Ditë e mahnitshme kjo e sotmja për jetën në çift, erosi në qiellin tuaj do të bëjë që çdo keqkuptim me partnerin/en të zhduket. Mes puthjeve dhe përkëdheljeve ju do të jeni në gjendje të zhdukni disa nga gabimet tuaja! Për beqarët do të jetë një ditë e mbushur me lajme dhe takime të këndshme. Mbrëmje në shoqëri të mirë. Mundësi të mira për të rritur të ardhurat, por duhet të keni më shumë besim në aftësitë tuaja.

Shigjetari

Falë kalimit të Mërkurit në shenjën tuaj do të ketë kënaqësi të mëdha në jetën tuaj dashurore për ju Shigjetar. Dashuria po lulëzon! Ditë me fat edhe për ata që janë vetëm. Sot ju do të jeni në qendër të vëmendjes dhe askush nuk do t’ju rezistojë! Në punë, vendosmëria juaj do të jetë vendimtare për të rritur të ardhurat.

Bricjapi

Fillon një fazë e rëndësishme për çiftet, shumë prej jush mund të realizojnë projekte si martesa, të tjerë bashkëjetesë. Sidoqoftë, dashuria fiton mbi gjithçka! Për beqarët mund të ndodhë diçka e veçantë. Dashuria do të rezervojë takime të reja! Nëse jeni duke planifikuar të hapni ndonjë biznes, sot dita ju favorizon për projektet tuaja.

Ujori

Ditë e rëndësishme për të dashuruarit, për të cilët janë rezervuar momente të mbushura me lumturi në prani të njeriut të tyre të zemrës. Gjithçka do të jetë e qartë në marrëdhënien e tyre. Beqarët sot do të kërkojnë flirtime të reja dhe do të zgjojnë emocionet. Dita do të provojë të jetë e rëndësishme në një nivel financiar, sot do të keni përfitime të mëdha.

Peshqit

Sot ju të shenjës së peshqve do të jeni të mbushur me një energji pozitive dhe do keni dëshirën e madhe për t’i dhënë më shumë emocione jetës në çift. Gjithashtu nuk do ju mungojnë edhe planet për projekte afatgjata në marrëdhënien tuaj. Beqarët duhet të jenë më të qartë dhe konkretë dhe të bëjnë të qarta se çfarë duan nga jeta. Përsa i përket punës është koha që të lësh mënjanë përtacinë ose frikën se mos gaboni.

Artan Hoxha është përballur disa vite më parë me një lidhje LIVE me Sali Berishen me akuza të forta ndaj njeri-tjetrit. Në atë debat, Hoxha i tha Berishës se “do të shkonte në gjykatë me barrel si Pinocheti”.

Sot, SPAK lëshoi dy urdhër arreste per Jamarbër Malltezin dhe Fatmir Bektashin dhe një “detyrim paraqitje” për Berishën duke bërë që Hoxha t’i rikthehej deklaratës së tij për ish-kryeministrin dhe Pinochetin.

Postimi i Artan Hoxhës

“Ishte vjeshta, e vitit 1998.

Muaji tetor, si tani.

Plot, 25 vite më parë, më datë 16 tetor,

ish-diktatori kilian, gjenerali dhe senatori i perjetshem Augusto Pinochet-Ugarte, u arrestua në bazë të një urdhër-arresti spanjoll, në ambientet e një klinike private në Londër….

Edhe pse, në moshën 84-vjeçare, ish-diktatori Pinochet, u shoqerua në ambientet e izolimit me një karrocë me rrota..”

“Ishte zënë me bashkëshortin”, ishte kjo deklarata e gruas me të cilën po udhëtonte Merushe Gjuzi e cila i dha fund jetës ditën e djeshme, pas u hodh nga furgoni.

Sipas saj Merushja, dukej në gjendje jo të mirë psikologjike, ishte grindur me bashkëshortin: “Gjithmonë rrinim të ulura në vendin e parë të furgonit”, ka deklaruar shoqja e saj.

Burime për VoxNews thanë se Merushe Gjuzi nga Rrogozhina ishte e “vdekur” për së gjalli, ajo kishte një histori trishtuese e cila po e brente cdo dite dhe më shumë.

Në vitin 2013 vajza e saj humbi kontaktet me familjen, kjo e shkatërroi Merushe Gjuzin e cila e kërkonte vajzën e saj me lot në sy në polici dhe në televizione.

Kjo histori e shkatërroi Merushen por nuk mjaftoi me kaq, pasi edhe dhëndri i saj, humbi jetën 6 muaj pas zhdukjes së vajzës së saj.

Pas zhdukjes së vajzës në 2013 në familjen e Merushes vinin shpesh telefonata anonim, por kurrë asnjë gjë nuk u dëgjohej pas tyre.

Djali i vajzës së 55-vjeçares, vuante nga një sëmundje dhe e vetmja që kujdesej për të ishte Merushe Gjuzi e cila i dha fund jetës ditën e djeshme.

VoxNews zbuloi se disa vite më vonë vajza e Merushes bëhet e gjallë dhe ndodhej në Angli dhe nuk donte të komunikonte me familjen duke ‘shpikur’ historinë se ishte rrëmbyer.

Kjo brengë e madhe e rëndonte, Merushe Gjuzin, kjo histori i solli konflikte me burrrin e saj dhe nisën konfliktet dhe problemet familjare.

Ditën e sotme policia njofton se ka arrestuar bashkëshortin e saj, ndaj 68-vjeçarit, Mahmut Gjuzi, rëndojnë dy akuza “Dhuna në familje” dhe “Shkaktimi i vetëvrasjes“.

Dhuna psikologjike që 68-vjeçari, ka ushtruar ndaj bashkëshortes së tij dyshohet të jetë shkaku i kësaj ngjarje të rëndë.

Në kushtet e një gjendje të rënduar psikologjike dhe pas një sherri me burrin, 55-vjeçarja dyshohet se është hedhur nga furgoni me të cilin po udhëtonte drejt Funarit bashkë me miken e saj.

Ministria e Shëndetësisë në Gaza, e drejtuar nga Hamasi thotë se të paktën 4,385 njerëz janë vrarë në Rrip që nga 7 tetori kur nisi konflikti Izrael-Palestinë.

Tragj është fakti që 1756 të vrarë janë fëmijë.

Sakaq, imazhet e publikuara nga BBC tregojnë ndikimin e sulmeve ajtore në lagjen Al Zahra të Gazës, të enjten mbrëma.

Një sipërfaqe e madhe e lagjes, e përbërë nga rreth 25 kulla banimi, është shkatërruar.

Izraeli u tha të gjithë civilëve që jetonin në veri të luginës së lumit Ëadi në Gaza të evakuoheshin brenda 24 orësh një javë më parë.

Banorët e Al Zahra, e cila ndodhet në jug të qytetit të Gazës, “zbatuan” urdhrin, dhe qindra mijëra njerëz u larguan drejt qyteteve jugore si Khan Younis.

Ata që mbetën në Al Zahra morën mesazhe paralajmëruese izraelite përpara sulmeve, raporton agjencia e lajmeve Reuters.

BBC ka konfirmuar se këto fotografi janë bërë në lagjen Al Zahra duke krahasuar paraqitjen e ndërtesave me imazhet satelitore të mëparshme.

Fotot satelitore të marra të enjten tregojnë gjithashtu këto kulla në këmbë, duke konfirmuar se ato u shkatërruan midis të enjtes mbrëma dhe mëngjesit të së premtes.

Forcat e Mbrojtjes të Izraelit thanë të premten se kishin sulmuar “mbi 100 objektiva operacionale të organizatave terroriste në Rripin e Gazës” gjatë natës së të enjtes, 19 tetor.

BBC i ka kërkuar IDF-së koment mbi atë që ishte shënjestruar konkretisht në Al Zahra, por ende nuk ka marrë një përgjigje./Albeu.com

Sfida e parë e javës së 9 të Kategorisë Superiore ka rezultuar të jetë tejet e “nxehtë”, jo vetëm në fushën e blertë, ku në fundin e pjesës së parë erdhi dhe kartoni i kuq i Prençit, por edhe në tribunën VIP të stadiumit “Skënderbeu”, aty ku në minutat e para të sfidës ka ndodhur një ngjarje e papranueshme në arenën sportive.

Sipas raportimeve më të fundit të gazetarit të ABC News, Roland Beqiraj, babi i lojtarit të Skënderbeut, Leo Zguri, në gjendje të dehur, i ka kërkuar Presidentit të klubit, Ardjan Takaj, të aktivizojë të birin dhe më pas sherri ka degraduar deri në përdorimin e dhunës, ku i prekur ka mbetur Presidenti i klubit.

Megjithatë të pranishëm në tribunën VIP ishin dhe forcat e Policisë, të cilat ndërhynë mënjeherë për të mos lejuar përshkallëzimin e këtij incidenti goxha të pakëndshëm, sidomos në arenën sportive. /i.m /abcnews.al

GJKKO ka dhënë disa masa sigurie gjatë pasdites së sotme, të cilat prekin Sali Berishën dhe familjen e tij.

AlbEu raportoi ekskluzivisht se GJKKO kishte dhënë masën e sigurisë “detyrim paraqitje” për ish-kryeministrin Berisha, ndërsa ishte arrestuar më herët në Rinas dhëndri i tij, Jamarbër Malltezi.

Ish-kryeministri Sali Berisha, akuzohet për Korrupsion pasiv, parashikuar në neni 260 i kodit penal.

Krahas Malltezit është arrestuar edhe administrator i kompanisë “Kontakt”, Fatmir Bektashi. Ky i fundit ka qenë ortak i Malltezit në ndërtimin e 19 pallateve në kompleksin “Partizani” disa vite më parë, një aferë që duket se ka shërbyer për GJKKO për të dhënë vendimet e sotme.

Ndërkohë, pak para shpalljes së këtyre vendimeve, ish-kryeministri Berisha ka njoftuar një konferencë urgjente për shtyp.

Çështja“Partizani”

Privatizimi i terreneve të klubit Partizani u konsiderua një procedurë antiligjore që në gjenezë. Ish-pronarëve, u është kthyer një truall për të cilin janë dëmshpërblyer njëherë që në vitin 1940.

Pas pushtimit, italianët ndërtuan aeroportin e Tiranës pikërisht në atë truall. Përmes dekreteve të mbretit Italian Viktor Emanuel dhe mëkëmbësve të tij, u bë shpronësimi ndaj familjeve shqiptare që posedonin truall në “Fushën e Shëngjinit”, siç quhej në atë kohë.

Në dekretin e firmosur më datë 9 nëntor të vitit 1940, kryeministri i kohës Shefqet Vërlaci, ka urdhëruar kryerjen e pagesës ndaj familjeve pronare. Në planin e zgjerimit të aeroportit, mes pronarëve që prekeshin nga shpronësimi rezultojnë Mahmud dhe Xhemal Begeja, paraardhësit e Jamarbër Malltezit. Në fletoren zyrtare të 15 Majit të vitit 1942, sërish emrat e familjes Begeja shfaqen krah personave të tjerë që shpronësoheshin.

Në një dokument të firmosur në 12 Maj të vitit 1994, ish drejtori I arkivës Luan Malltezi, babai I Jamarbërit, informon bashkinë dhe gjykatën mbi statusin e truallit te fusha e aviacionit. Qartësisht ai sqaron se janë disa dekrete që vërtetojnë shpronësimin dhe dëmshpërblimin e pronarëve.

Pra, familjet pronare që dikur posedonin “Fushën e Shëngjinit” ku u ngrit kompleksi Partizani, nuk mund të trajtoheshin më me ligjin e kthim-kompensimit. Ata janë dëmshpërblyer njëherë që në vitet ’40-të. Pavarësisht ndryshimit të sistemit dhe rendit kushtetues, nuk mund të njihen sërish pronarë për sa kohë janë paguar për shpronësimin.

Në vitet 1995-1999, familjet Begeja, Llagami, Alimehmeti, Vaqarri dhe Saliaga morën në dorë vendimet e para pozitive nga AKKP. Por, ligji e ndalonte privatizimin e pronave që zotëroheshin nga Minsitria e Mbrojtjes. Pas vitit 2005, nisi finalizimi i planit të mirëmenduar prej vitesh. Fillimisht nisën sulmet brenda klubit Partizani që kishte varësi nga Ministria e Mbrojtjes.

Disa muaj pas spastrimeve në klubin e kuq, Jamarbër Malltezi shfaqet hapur në këtë aferë. Në fillim të vitit 2006, ai nënshkruan një sërë prokurash përfaqësimi me 5 familjet që pretendonin pronën.

Malltezi emërohet përfaqësues i përgjithshëm dhe merr në dorë gjithçka. Përmes këtyre prokurave, ai u dha një mesazh të qartë ministrave: kishin të bënin me dhëndrin e kryeministrit. Plani i asaj që luhej ishte i qartë. Zona kishte një vlerë mjaft të madhe për vetë pozitën gjeografike ku ndodhej, shumë pranë qendrës së qytetit.

Familjet pretenduese i jepnin të drejtë Jamarbër Malltezit deri për negocimin e kontratave të shkëmbimit, pra, kontrata me firmat e ndërtimit për ngritjen e kullave, siç edhe ndodhi më pas. Të gjithë këtë shërbim të vyer sigurisht që Jamarbër Malltezi nuk e bënte falas. Ai kishte synime dhe ide të qarta mbi ato që donte të përfitonte. Fillimisht, ai futet në lojë me një kapital deri në 5 % të pasurisë së paluajtshme që do të përfitonte si shpërblim. Gjatë rrugës Malltezi shndërrohet në përfituesin kryesor, siç do të zbulohet vite më vonë.

Pas vendimeve të viteve 1995-1999, 5 familjet pretenduese aplikojnë sërish në Agjencinë e Pronës. Veprimet e institucioneve dukeshin të koordinuara në favor të tyre. Në kohë rekord, brenda 6 ditësh, Komisioni i Kthimit të Pronave merr 4 vendime pozitive.

Konkretisht vendimet numër 6 dhe 7 të datës 21 Mars 2007, vendimi numër 8 i datës 23 mars dhe vendimi numër 9 I datës 26 mars 2007. Vendimi numër 6, I 21 marsit të vitit 2007 I përket kthimit të pronës për familjen Begeja, ku rezulton pjesëtar Jamarbër Malltezi. Firmosja e kthimit të pronës për familjen Begeja në vitin 2007 kishte si referencë një tjetër vendim të AKKP të 25 Prillit të vitit1996. Por, aty ka një problem.

Prona rezulton e hipotekuar në regjistrin numër 299 datë 11 prill 1935. Në fakt, siç vërtetuam përmes dokumenteve, në vitin 1940 është bërë shpronësimi i familjeve për ndërtimin e aeroportit të Tiranës. Këto dokumente nuk janë administruar në dosjen e privatizimit të klubit Partizani.Dyshohet se ato janë zhdukur.

Pra, Jamarbër Malltezi ka përdorur dokumente të falsifikuara për përfitimin e pronës. Drejtuesit e kohës në Agjencinë e Pronave në rastin më të mirë kanë vepruar me sy mbyllur, dhe në rastin më të keq kanë shkelur ligjin me vetëdije pas presioneve.

Katër vendimet në favor të Malltezit dhe familjeve të tjera në vitin 2007 mbajnë firmën e drejtoreshës së Agjencisë në atë kohë Dhurata Hoxha. Hoxha mbahet mend për një padi ndaj saj nga disa familje që u nxorrën në rrugë në vitin 2013. Godina ku ata banonin në rrugën “Margarita Tutulani” në Tiranë iu kthye një personi që pretendonte se ishte pronar. Por, familjet e dëmtuara e paditën Hoxhën për falsifikim dokumentesh pasi përfituesi ishte pronar vetëm I një pjese të pronës siç u zbulua më pas. Me firmën e Hoxhës iu kthye e gjitha, duke nxjerrë në rrugë 13 familje.

Pavarësisht vendimeve pozitive ndaj pretenduesve, trualli i Partizanit kishte interes publik dhe nuk mund të kthehej. Në lojë vihet vetë kryeministri Sali Berisha. Në mbledhjen e qeverisë së datës 21 nëntor 2007, merret vendimi me numër 794 “Për kriteret e vlerësimit të pronës shtetërore që privatizohet apo transferohet dhe për procedurën e shitjes”. Ky vendim, vjen në harmoni të plotë me aktet e tjera që favorizonin Malltezin.

Në fakt, janë të paktën 213 prona të ushtrisë për të cilat janë shfaqur pretendime nga ish-pronarët e para regjimit. Në asnjë rast nuk është marrë vendim për kthimin e tyre, thuhet në padinë e depozituar në SPAK nga kreu i grupit socialist Taulant Balla.

Pas miratimit të VKM-së numër 794 që i hap rrugë privatizimit, pa humbur kohë ndërmerret një tjetër akt. Me shkresën që mban numrin 9508, datë 18 dhjetor 2007, Ministri i Ekonomisë së kohës Genc Ruli urdhëron ngritjen e Komisionit të Vlerësimit të Objektit me qëllim privatizimi.

Vlerësimi mban firmën e kontabilistëve Elvira Aliaj dhe Sali Preçi. Vlera totale e përllogaritur është 720 milionë lekë të reja, ose, 7.2 milionë dollarë. (13) Prona shtrihet në një hapësirë totale prej 26.524 metrash katrorë. 775 metër katrorë ishin nën ndërtim.

Trualli vlerësohet 7.1 milionë dollarë. Ndërtimet civile dhe fushat 100 mijë dollarë. Aty përfshihen një hotel me 4 kate, dhomat e dusheve dhe garderobës së sportistëve, objekti njëkatësh I dhomave të zhveshjes, 3 fusha futbolli dhe rrethimi. Pra, të gjitha këto asete janë vlerësuar për një shumë qesharake prej 100 mijë dollarësh.

Sipërfaqja totale e ndërtimeve civile të kompleksit në të gjitha katet ishte 1 mijë e 613 metër katror. Nëse llogarisim koston minimale të ndërtimit 40 mijë lekë për metër katror, atëherë godinat kapin një vlerë prej 64.5 milionë lekësh.

Thënë ndryshe, rreth 600 mijë dollarë. Nëse llogarisim edhe 3 fushat e sportit vlera shkon rreth 900 mijë dollar. Pra, 9 herë më shumë se vlera që nxorën ekspertët e Ministrisë së Ekonomisë në atë kohë. Në raport, ata pranojnë mangësitë e vlerësimit:

Ekspertët pranojnë se në raport nuk janë respektuar kriteret e VKM-së numër 794 datë 21 nëntor 2007 që përcakton se vlerësimi duhet bërë sipas vlerës reale të tregut. Kontabilistët Aliaj dhe Preçi justifikohen duke nënvizuar se kanë ndjekur standartet evropiane të vlerësimit dhe nuk kanë asnjë rast të ngjashëm krahasimor.

Pra, vlerësuesit e Ministrisë së Ekonomisë që drejtohej nga Genc Ruli, i trembeshin botimit të këtij ekspertimi problematik. Privatizimi i terreneve të klubit Partizani lidhej me një plan të qartë, të mirëmenduar prej kohësh për ta kthyer truallin në një kompleks të madh pallatesh. Për të shmangur çdo pengesë gjatë rrugës, Jamarbër Malltezi I bashkon të gjitha familjet pronare në një marrëveshje të nënshkruar në 29 shtator të vitit 2008.

Shuma që do të duhej të paguanin ishte e papërfillshme në raport me vlerën reale të aseteve, siç argumentuam në pjesën e dytë të emisionit. Referuar raportit të kontabilistëve ish-pronarët do të paguanin 10,1 milionë lekë, ose 100 mijë dollarë për asetet që vlenin rreth 900 mijë dollarë.

Ata nuk do të paguanin asnjë lekë për truallin që vlente plot 7.1 milionë dollarë, pasi trajtoheshin në këtë privatizim si pronarë, pavarësisht se në vitin 1940, paraardhësit e tyre ishin dëmshpërblyer për të njëjtën pronë.

Ministri i Financave Ridvan Bode, një prej njerëzve më të afërt të Sali Berishës hedh një tjetër hap për ti dorëzuar pronën Jamarbër Malltezit. Përmes dokumentit që mban datën 26 janar 2009, Drejtoria e Administrimit dhe Shitjes së Pronave Publike, nën varësinë e Ministrisë së Financave lëshon autorizimin për kalim pronësie.

Tashmë topi kalon në anën e ministrit të Mbrojtjes Arben Imami. Në datën 15 tetor 2009 ai firmos një autorizim duke i deleguar gjeneralit Xhemal Gjunkshi kompetencën për shitjen e pronës.

Në atë kohë, Gjunkshi ishte komandant i Komandës Mbështetëse. Më pas ai do të shpërblehej duke u emëruar Shef i Shtabit të Përgjithshëm. Në vitin 2017 Gjunkshi përfshihet në listat e kandidatëve të Partisë Demokratike duke u zgjedhur deputet.

Pa humbur kohë, të nesërmen e prokurës që u firmos nga Imami, Xhemal Gjunkshi i dorëzon pronën Jamarbër Malltezit dhe përfaqësuesve të tjerë të familjeve. Akti i dorëzimit mban datën 16 tetor 2009. Këtu kemi një tjetër shkelje të rëndë.

Prona është dorëzuar para se të nënshkruhet kontrata e shitjes. Duket se institucionet kanë vepruar me sy mbyllur, nën presionin e dhëndrit të kryeministrit. Akti I shitjes mban datën 21 Tetor 2009. Pra, kontrata është firmosur një javë pasi dorëzimi i pronës te Malltezi ishte bërë fakt.

Vlera e kontratës ishte 10 milionë e 109 mijë lekë. Në valutë u shlyen vetëm 2 milionë e 21 mijë e 800 lekë. Biznesmeni Fatmir Bektashi, del garant për shlyerjen e kësaj shume. Pjesa tjetër u mbulua me bono privatizimi.

Në funksion të planit të shndërrimit të fushave në kompleks pallatesh shumëkatëshe, më 19 Maj të vitit 2008 themelohet kompania “HOMEPLAN”. Aksioneri i vetëm është Fatmir Bektashi, i njëjti që doli garant për shlyerjen e parave për blerjen e terreneve të klubit përmes kompanisë tjetër të tij “Kontakt” SHPK.

Shuma në fjalë është shlyer nga kompania “Kontakt” më 4 Shkurt të vitit 2009. Ndërkohë, diferenca e mbetur prej 8 milionë e 200 mijë lekësh është shlyer përmes bonove të privatizimit nga Xhimi Begeja, një tjetër person që më vonë do të shfaqej si aksioner në kompaninë ndërtuese të pallateve “Homeplan” me 25 % të kuotave.

Në fakt, pas kompanisë “Homeplan” qëndronte vetë Jamarbër Malltezi. Veprimtaria e kompanisë kontrollohej nga Malltezi përmes shtetases Joana Qeleshi. Në 28 maj të vitit 2008, Fatmir Bektashi ka firmosur këtë prokurë që I jep të drejtë Qeleshit të drejtojë subjektin ndërtues “Homeplan”.

Në kohën që është nënshkruar kjo prokurë, Joana Qeleshi ka qenë e punësuar në zyrën ligjore të vajzës së kryeministrit Berisha, Argita Malltezi dhe ortakes së saj Flutura Kola.

Mes tyre jepen të dhëna për pagesën e Joana Qeleshit si e punësuar të paktën deri në tetor të vitit 2010. Pra, Qeleshi paguhej nga familja Malltezi në kohën kur i besohet drejtimi i kompanisë “Homeplan”.

Gjatë qeverisjes së djathtë, ajo u komandua si kryetare e Gjykatës së Durrësit. Kompania “Homeplan” e kontrolluar nga Jamarbër Malltezi siguron lejen e ndërtimit nga Bashkia e Tiranës për 17 kulla. Dokumenti i firmosur nga kryebashkiaku i kohës Lulzim Basha mban datën 18 Gusht 2013.

6 muaj pas zbardhjes së lejes së ndërtimit, në 23 Janar të vitit 2014 Jamarbër Malltezi shtohet aksioner me 35 % në kompaninë ndërtuese “Homeplan”. Ishte periudha kur nisi ndërtimi I kompleksit dhe u shfaq hapur si pronar. Ai pagoi një shumë qesharake për aksionet prej 35 mijë lekësh të reja. Kontrata e blerjes së aksioneve mban datën 21 Janar 2014 ndërkohë ajo u depozitua në QKB vetëm në 27 Dhjetor të vitit 2018. Pra, pikërisht kur përfundoi ndërtimi i kompleksit të pallateve dhe fillon vjelja e parave nga shitjet.

Malltezi, bleu për 35 mijë lekë aksionet e një kompanie që sot zotëron një kompleks pallatesh me vlerë 150 milionë euro. Kjo, nuk ka asnjë llogjikë ekonomike. Mbajtja e fshehtë e aksioneve që I zotëron qysh kur nisi ndërtimi I pallateve e ka një shpjegim.

E gjitha është bërë për të fshehur burimin e të ardhurave në këtë investim kolosal. Në fakt, Malltezi ishte njeriu që kontrollonte kompaninë edhe pse zyrtarisht zotëron vetëm 35 % të aksioneve.

Ai ishte njeriu që udhëhoqi dhe arriti të privatizojë terrenet sportive duke përdorur influencën te qeveria e drejtuar nga vjehrri I tij Sali Berisha.

Malltezi ishte njeriu që siguroi lejen e ndërtimit, e po ashtu, ishte njeriu që orientonte veprimtarinë e kompanisë “Homeplan” përmes Joana Qeleshit fillimisht, dhe si aksioner më pas. Në kompani, në të njëjtën ditë me Malltezin u bë aksioner me 25 % edhe Xhimi Begeja.

Shuma ishte sërish qesharake, vetëm 25 mijë lekë. Kujtojmë se edhe Jamarbër Malltezi u përfshi në këtë aferë si pasardhës i familjes Begeja. Pra, të gjitha faktet të orientojnë qartazi në një drejtim: Dhëndri i ish kryeministrit Sali Berisha kontrollon kompaninë që ka ndërtuar pallate me vlerë 150 milionë euro.

Në Qendrën Kombëtare të Biznesit për kompanitë e Jamarbër Malltezit, shohim se ai është pronar edhe i subjektit “Magnet IMO” me adresë në rrugën “Frosina Plaku”, pikërisht në kompleksin me të njëjtin emër të ndërtuar nga Malltezi.

Shoqëria “Magnet IMO” është themeluar për administrimin e 17 pallateve. Pra, Malltezi vjel nga banorët e kompleksit edhe paratë e mirëmbajtjes së hapësirave të jashtme, lulishteve, ambjentet e përbashkëta, ashensorit etj. Me sa duket, ai i ka marrë masat që kompleksi të jetë një minierë parash për familjen edhe pasi të ketë shitur apartamentet dhjetëra milionë euro. Dhëndri i ish kryeministrit figuron pronar edhe i kompanisë tjetër “Magnet GYM & FIT”. Në kompleks Malltezi ka hapur një palestër.

Ai zotëron 60 % të aksioneve ndërsa pjesa tjetër ka pronar shtetasin Ervin Kalemi. Palestra ndodhet në katin e dytë të pallatit më luksoz të kompleksit. Gjithçka aty monitorohet nga kamerat e sigurisë. Pas Mediut dhe shumë zyrtarëve të tjerë, a ka ardhur radha që në oborret e SPAK të shohim, dhëndrin e ish-kryeministrit Berisha, Jamarbër Malltezi të tregojë të vërtetën e tij.

SPAK lëshoi sot dy urdhër arrested he një masë sigurie “detyrim paraqitje” duke u futur në familjen Berisha për çështjen e kompleksit “Partizani”.

Të arrestuar janë Jamarbër Malltezi, dhëndri i Berishës dhe ndërtuesi Fatmir Bektashi, që ndërtoi në tokën e kompleksit “Partizani”. Ndërkohë, për Berishën është dhënë masa e sigurisë “detyrim paraqitje” në pamundësi për të dhënë një masë më të rëndë për shkak të moshës.

Ish-kryeministri Sali Berisha është marrë i pandehur për veprën penale të korrupsionit pasiv të zyrtarëve të lartë nga Prokuroria e Posaçme, një akuzë që mbart dënim nga 4 deri në 12 vjet burg.

Jamarbër Malltezi, bashkëshorti i vajzës së ish-kryeministrit është akuzuar për veprën penale të korrupsionit dhe pastrimit të parave, një vepër penale që parashikon dënime nga 5 deri në 15 vjet.

Akuzat lidhjen me dosjen e privatizimit të kompleksit “Partizani” mbi truallin e së cilit u ndërtuan 17 kulla nga Malltezi dhe biznesmeni Fatmir Bekteshi.

Një lajm i mirë pushtoi dje të gjitha mediat botërore, dhe ishte pikërisht ai i lirimit të dy prej pengjeve të marra dy javë më parë nga terroristët e Hamasit.

18-vjeçarja Natalie Raanan dhe nënës së saj Judith, u lanë më në fund të lira. Në video, nënë dhe vaza re saj duken të lodhura, por shumë të lumtura që më në fund arritën të dilnin shëndoshë e mirë nga ai ‘ferr’.

Ato shihen të rrethuar nga njerëz të armatosur me jelek antiplumb dhe më pas duke u futur në një makinë të Kryqit të Kuq Ndërkombëtar.

Dy gratë amerikane të liruara nga Hamasi u ribashkuan me familjen e tyre në Izrael dje, pasi iu dorëzuan forcave izraelite në kufirin me Rripin e Gazës.