Month: October 2023

Një aksident i rëndë trafiku ka ndodhur mbrëmë në “Rrugën e Kombit”, në tunelin e Kalimashit, ku humbën jetën dy persona dhe 3 të tjerë kanë mbetur të lënduar.

Viktimat janë shtetas kosovarë, vëllezërit Sadik Osmani dhe Nesret Osmani.

Lajmin e ka konfirmuar edhe i biri i Sadikut, i cili ka thënë se informacione mbi varrimin e viktimave do të ndahen më vonë.

Në anën tjetër, të lënduarit janë dërguar në spital për të marrë ndihmën mjekësore.

Një krim në familje ka ndodhur në zonën e kombinatit, ku bashkëjetuesja ka qëlluar me thikën e bukës bashkëjetuesin e saj shtetasin Erald Tosku pas një konflikti në banesë.

Gazetari Igli Çelmeta raporton për BalkanWeb se fillimisht gruaja është konfliktuar me burrin për motive të dobëta dhe më pas e ka qëlluar me thikën e bukës burrin, ky i fundit është transportuar në spital dhe pas ndihmës mjekësore ndodhet jashtë rrezikut.

Ndërsa policia ka shoqëruar në komisariatin nr.6 autoren e krimit ku edhe i ka marrë deklaratën, por nuk e kanë arrestuar sepse kishte fëmijën 1 vjeç dhe ishte edhe shtatzënë 6 muajshe dhe prokurori për këto arsye nuk ka pranuar ta arrestojnë, por të procedohet në gjendje të lirë.

Dashi

Zemra për të dashuruarit është e mbushur me emocione dhe do të jetë e vështirë për të folur me ta. Mundohuni të mos e largoni partnerin/en nga ky gëzimi juaj. Shumë heshtje nuk është e mirë për dashurinë. Beqarët do të jetë në kërkim të miqësive të reja, por do të jetë më mirë që më parë të shmangni pasiguritë. Një rezultat i mirë në punë do t’ju pëlqejë. Angazhimi dhe këmbëngulja, por edhe aftësia janë letrat tuaja fituese.

Demi

Megjithë Hënën në kundërshtim me shenjën tuaj, emocionet do jenë të mira. Në frontin privat pranoni me entuziazëm propozimet e partnerit/es, pasi kjo do e bëjë atë të lumtur. Beqarët do të duhet të lënë pas të kaluarën dhe të vlerësojnë të tashmen. Vetëm në këtë mënyrë mund të jenë objektivë. Edhe sot mendja gjen hapësirën e duhur, po vijnë ide të reja. Zotoni veten për të zgjeruar gamën tuaj të veprimit.

Binjakët

Do të jesh plot energji, gati për të dhënë maksimumin në jetën tuaj në çift. Trajtojeni veten me një mbrëmje relaksuese me partnerin/en. Hëna është me ju! Ditë e bukur edhe për beqarët që mund të gjejnë dashurinë. Ju do të jeni të ëmbël dhe romantik si kurrë më parë! Do të keni ide më të qarta se si të lëvizni për të arritur qëllimet tuaja dhe për të forcuar pozicionin tuaj profesional.

Gaforrja

Një punë e paparashikuar do të minojë qetësinë e brendshme, por me ndihmën e Hënës në Akrep, do të jeni të qetë dhe do të relaksoheni me të dashurin/ën tuaj. Beqarët mund të kalojnë një mbrëmje të mirë në shoqërinë e miqve. Në punë pavarësisht gjithçkaje qëndroni konçiz në atë që kërkoni dhe propozoni.

Luani

Një ditë e vështirë për jetën tuaj private. Ju gjithashtu do të duhet të merreni me një çështje të vogël familjare, të përdorni kontaktin dhe të kuptuarit në mënyrë që të mos lëndoni të tjerët. Nëse jeni vetëm mund të njihni miq të rinj në rrjetet sociale, por bëni kujdes nga mashtrimet. Nëse punoni në varësi të të tjerëve, mund të keni konflikte me një epror, veproni me diplomaci.

Virgjëresha

Dashuria dhe seksi sot ecin krah për krah dhe do ju japin emocione intensive. Nëse bëni premtime, përpiquni t’i mbani ato. Shumë beqarë do të duhet të marrin një vendim të rëndësishëm, të dëgjojnë ndjenjat e tyre. Në punë do të shkëlqeni për iniciativë dhe shkathtësi dhe do të merrni rezultate të shkëlqyera.

Peshorja

Mërkuri dhe Saturni sot janë në kundërshti me shenjën tuaj, por do të përballeni me çdo problem, duke luftuar për të pushtuar zemrën e partnerit/es. Beqarët do të ndjehen të paduruar, do të bëjnë një përpjekje të vogël për të kuptuar të tjerët! Në punë do të jeni më të vendosur se kurrë dhe nuk do të ktheheni nga vendimi juaj.

Akrepi

Sot do të keni një ngarkesë të madhe të entuziazmit dhe euforisë, gjithçka do të jetë e mrekullueshme. Ju jeni gati për të planifikuar të ardhmen me partnerin/en tuaj! Beqarët do të jenë optimistë dhe të gatshëm për t’u argëtuar në takime. Kjo ditë hap perspektiva të reja në lidhje me jetën tuaj profesionale, shfrytëzojeni!

Shigjetari

Ndiq instinktet tuaja dhe zbukuro historinë tënde të dashurisë. Ju jeni intrigues dhe interesantë, partneri/ja nuk do t’ju rezistojë dhe do të bjerë në këmbët tuaja. Beqarët sot do të jenë shumë të sinqertë në çdo hap. Në punë vendos përqendrimin në plan të parë. Ju do të jeni të përpiktë dhe të rregullt për të shmangur rrezikun e shpërqëndrimeve dhe gabimeve.

Bricjapi

Qetësia juaj është sa e dukshme dhe e fshehur nën një dëshirë të madhe. Partneri/ja nuk do të vlerësojë disponimin tuaj, dhe kjo nuk do ju pëlqejë aspak. Sot, beqarët do të jenë në gjendje të zgjidhin një çështje delikate dhe do të jenë në gjendje të përmirësojnë një miqësi të vjetër. Në punë do të jesh i/e pamposhtur!

Ujori

Sot ju do të keni mbrojtjen totale të yjeve në marrëdhënien tuaj të dashurisë. Ju do të pushtoni partnerin/en tuaj dhe do të përjetoni emocione të pabesueshme. Beqarët do të marrin lajme të mira dhe mund të kalojnë një mbrëmje të lumtur në shoqërinë e miqve të besuar. Financat do të jenë të mira, por bëni një shqyrtim të kujdesshëm të llogarive.

Peshqit

Planetët në qiell janë në anën tuaj dhe ju sigurojnë momente të lumtura: një ditë me të vërtetë pozitive dhe e dobishme ju pret. Gëzim i madh në dashuri edhe për beqarët: sot ju mund të takoni personin e ëndrrave. Sot është një ditë e mrekullueshme edhe për punën, do të ofrohen mundësi të mira, nuk do të shmangen ato më të mirat.

Shqipëria po arrin rezultate shumë të mira nën drejtimin e Silvinjos, duke iu dhënë një ‘dozë’ të madhe euforie tifozëve. Jemi në kushtet që sipas llogarive kërkohet edhe një pikë në ndeshjet kundër Moldavisë dhe Ishujve Faroe. Ndërkohë që komentatori në Poloni, Sebastian Chabiniak i ka surprizuar të gjithë me komentin që ka bërë.

Pavarësisht se të gjithë polakët kanë shpresa për kualifikimin, Sebastian deklaroi se nëse do të ishte në zgjedhjen e tij, në grupin tonë, do të jepte vetëm një biletë për kalimin më tej dhe ajo do t’i shkonte Shqipërisë.

“Shqipëria është i vetmi ekip në grupin tonë që e meriton kualifikimin në grupet e Europianit të Gjermanisë. Polonia, Cekia dhe Moldavia janë Kombëtare të cilat unë nuk do t’ia jepja një biletë për të shkuar në fazën e grupeve, pavarësisht rezultateve që ato do të marrin deri në fund”, u shpreh Sebastian Chabiniak.

Një qytetar ka shkruar pranë redaksisë së JOQ ALBANIA ditën e sotme dhe shprehet se ka gjetur në rrugë telefonin e këngëtares Eneda Tarifa.

Ai e ka zbuluar që është telefoni i saj përmes të dhënave në “Medical ID”, ku duket emri dhe mosha e saj.

JOQ Albania gjithmonë ka qenë e angazhuar për të gjetur sende të humbura të qytetarëve dhe zakonisht kur ata i humbin na drejtohen përmes një mesazhi.

Megjithatë, deri më tani nuk kemi marrë një mesazh nga Eneda, e ndoshta, sepse një telefon për të është shumë pak.

Angazhimet e saj në politikë krah kryebashkiakut të Tiranës, por edhe muzika, ndoshta i japin një dorë të mirë për ta zëvendësuar shpejt këtë humbje. Stafi i JOQ, por edhe qytetari që e ka gjetur, janë të gatshëm të ndihmojnë këngëtaren për t’i rikthyer telefonin.

Në Turqi është zbuluar një familje që ecën me të katër gjymtyrët, një tipar që nuk është parë më parë tek njerëzit modernë, duke i shtyrë shkencëtarët të hetojnë lidhjen mes këtij fenomeni dhe teorisë së evolucionit njerëzor.

Familja Ulas, me disa anëtarë që kishin këtë karakteristikë, u kthye në kryefjalën e shkencëtarëve dhe u realizua dhe një dokumentar i BBC-së ‘The Walking Family’. Zbulimi ka hutuar plotësisht komunitetin shkencor, raporton Mirror.

Profesor Nicholas Humphrey, një psikolog evolucionar në Shkollën Ekonomike të Londrës, zbuloi se gjashtë nga 18 fëmijë në familje kishin lindur me këtë tipar të pazakontë. Njëri nga këta gjashtë persona ndërroi jetë.

Profesor Humphrey shprehu habinë e tij në një intervistë: “Nuk e prisja kurrë që, edhe në fantazinë më të jashtëzakonshme shkencore, qeniet njerëzore moderne mund të ktheheshin në një gjendje shtazore.

Ajo që na dallon nga pjesa tjetër e botës shtazore është fakti se ne jemi një specie që ecim me dy këmbë dhe e mban kokën lart në ajër… natyrisht që na dallon edhe gjuha dhe gjëra të tjera, por kjo është jashtëzakonisht e rëndësishme për ndjenjën tonë për të qenë të ndryshëm nga të tjerët në mbretërinë e kafshëve. Këta njerëz e kalojnë atë kufi”.

Fëmijët që ishin fokusi i këtij studimi u zbulua se kishin një tru të vogël të tkurrur, një gjendje që zakonisht nuk ndikon në bipedalizmin te njerëzit e tjerë. Megjithatë, këta skelete fëmijësh ishin më shumë si majmun sesa njerëzor, sipas studiuesve nga Universiteti i Liverpool-it, shkruan abcnews.al.

Pavarësisht nga këto ngjashmëri, është thelbësore të theksohet se lëvizja e tyre ndryshon nga majmunët; ata nuk ecnin në kyçet e tyre, por në vend të kësaj përdornin pëllëmbët e shtrira.

Profesor Humphrey ofroi një perspektivë alternative për BBC: “Unë mendoj se është e mundur që ajo që ne po shohim në këtë familje është diçka që mund të lidhet me një kohë kur ne nuk ecnim si shimpanzetë, por ishim në një fazë evolucioni midis duke zbritur nga pemët dhe duke ecur drejt“.

Ai sugjeroi gjithashtu se zhvillimi i fëmijëve mund të jetë ndikuar nga mungesa e inkurajimit për të qëndruar në këmbë pas moshës nëntë muajsh./abcnews.al

Kambanat e alarmit kanë kohë që kanë rënë për shpopullimin e Shqipërisë, por tashmë ka ardhur koha për një lëvizje intelektuale patriotike e cila do nxjerrë në pah shkaktarët e vërtetë të kësaj drame shqiptare.

Aktivisti patriot Aulon Kalaja ka njoftuar fillimin e një lëvizje në të gjithë Shqipërinë kundër këtij plani ogurzi të gatuar në kuzhinat antishqiptare dhe i mbështetur nga një kryeministër shipfolës, që ka për qëllim të përzejë shqiptarët.

Në njoftimin e tij në Facebook, Kalaja thekson se kjo lëvizje do të fillojë ditën e nesërme në Lushnjë duke zhvilluar një tryezë diskutimi me qytetarët dhe do të shtrihet në të gjitha qytetet e Shqipërisë, me temë “Shqipëria kundër shpopullimit”.

‘Tragjedia më e madhe që po i ndodh atdheut tonë është braktisja e vendit. Nuk kemi të bëjmë me lëvizje të lirë, por me axhendë të shpopullimit të Shqipërisë. Kjo e vërtetë e madhe nuk i thuhet shqiptarëve, por manipulohet dhe zbukurohet nga politikanët dhe studiot televizve’, shkruan Kalaja.

Postimi i plotë:

Tragjedia më e madhe që po i ndodh atdheut tonë është braktisja e vendit. Nuk kemi të bëjmë me lëvizje të lirë, por me axhendë të shpopullimit të Shqipërisë. Kjo e vërtetë e madhe nuk i thuhet shqiptarëve, por manipulohet dhe zbukurohet nga politikanët dhe studiot televizve. Ky plan ogurzi i gatuar në kuzhinat antishqiptare dhe i mbështetur nga një kryeministër shipfolës, ka për qëllim të përzejë shqiptarët. Ikja nga dheu yt shkatërron familjen dhe shkatërrimi i familjes, shkatërron kombin. Ata duan që të jemi sa më pak, që të na blejnë votën dhe të na sundojnë duke na nxirë jetën dhe që ne të dorëzohemi dhe të ikim nga sytë këmbët.

Prandaj një grup intelektualësh që vendosin Shqipërinë para partisë, po organizohen dhe do zhvillojnë tryeza diskutimi me qytetarët në të gjitha qytetet e Shqipërisë me temën:

“Shqipëria kundër shpopullimit”.

Lëvizja e parë fillon në Lushnje, me 19 tetor, ora 18:00, tek “Eldon Park”.

Ne nuk marim fonde, nuk mbështetmi nga askush, i kërkojmë ndihmë vetëm atyre që janë si ne.

Takimet do jenë të hapura, mikrofoni do jetë i hapur dhe hapsira më e madhe është për qytetarët që tregojnë dramat e tyre në familje.

Kush dëshiron të bashkohet është i mirëpritur, pa dallim.

Me Zotin përpara dhe 🇦🇱.”shkruan ai.

Komisionet në sigurimin e makinave kushtojnë më lirë. Sipas Agjencisë së Mbikëqyrjes Financiare, ato janë ulur me 10%, pas ndryshimeve ligjore në vitin 2021.

Vendosja e një tavani për komisionet e ndërmjetësimit në sigurimet e detyrueshme motorike ka sjellë një ulje të ndjeshme të tyre me rreth 10 pikë përqindje. Pas hyrjes në fuqi të ligjit në vitin 2021, komisionet janë reduktuar, nga 27%, në mesatarisht 17%.

Në konferencën për zhvillimin e sektorit të sigurimeve, Drejtoresha Ekzekutive e AMF, Mimoza Kaçi, tha se sektori i transportit ka përjetuar ndryshime pozitive në skemën e sigurimit.

Tregu shqiptar i sigurimeve ka pasur nivele shumë të larta të komisioneve të ndërmjetësimit në raport me tregjet e tjera në Europë. Madje, në shumicën e rasteve shpenzimet e marrjes në sigurim tejkalonin shpenzimet neto për dëme të paguara.

Italia po vendos kontrolle kufitare në kufirin me Slloveninë dhe Sllovenia tani duhet të vendosë të njëjtën masë në kufijtë me Kroacinë dhe Hungarinë.

Kështu bëjnë të ditur mediat sllovene, duke iu referuar burimeve jozyrtare nga qeveria.

Sipas informacioneve jozyrtare, qeveria sllovene nesër do të vendosë që Sllovenia të vendosë kontrolle kufitare me Kroacinë dhe Hungarinë dhe për këtë do të informojë Komisionin Evropian.

Arsyet, siç u tha, janë parandalimi i terrorizmit dhe krimit të organizuar dhe ndryshimi i kushteve të sigurisë në Evropë dhe Lindjen e Mesme.

Sipas mediave sllovene, masat duhet të zgjasin të paktën dy muaj.

Siç bëhet e ditur më tej, Italia po prezanton të njëjtat masa për Slloveninë.

Ministri i Brendshëm italian Matteo Piantedosi ka njoftuar ministrin e Brendshëm slloven Boshtjan Poklukar për pezullimin e përkohshëm të Shengenit dhe vendosjen e kontrolleve kufitare.

Sipas deklaratave të tyre, ministrat e Sllovenisë dhe Italisë ranë dakord se rruga e Ballkanit Perëndimor, e cila monitorohet nga afër nga shërbimet e sigurisë sllovene dhe italiane, mund të jetë një korridor tërheqës për radikalizimin e mundshëm.

“Ministri Boshtjan Poklukar theksoi domosdoshmërinë e natyrës së përkohshme dhe proporcionalitetit të kësaj mase. Ai i bëri thirrje kolegut të tij italian Piantedosi që masat të jenë proporcionale dhe miqësore ndaj qytetarëve tanë që të mos prishen lidhjet kulturore, miqësore dhe familjare të njerëzve që jetojnë përgjatë kufirit”, shtoi MPB e Sllovenisë.

Të dy ministrat kanë rënë dakord që së shpejti të takohen drejtorët e policisë dhe të merren vesh se si do të zbatohet saktësisht masa dhe më pas masa të njëjta apo të ngjashme të zbatohen në kufirin e Sllovenisë dhe Kroacisë.

Ndërkohë shtojnë mediat rajonale, nga sot edhe Austria ka ndryshuar kontrollin dhe atë në kufirin me Çekinë. Ajo vendosi ta bëjë këtë pasi Gjermania vendosi kontrolle kufitare me Republikën Çeke, Poloninë dhe Zvicrën për shkak të migrimit të paligjshëm.

Vdekja e 3 vjeçarin Braian Spahiu pak ditë më parë në Tiranë, në klinikën e mjekut Roland Xhaxho, bëri që Prokuroria e Tiranës të hapë hetimet. Por, mediat kanë zbuluar një rast të mëparshëm, që tregon se mjeku Roland Xhaxho ka qenë edhe më parë në dyert e akuzës.

Bëhet fjalë për një rast të vjedhjes së shtëpisë së çiftit Xhaxho, nga pastruesja që ata kishin punësuar për t’u kujdesur për një familjare të moshuar dhe për të pastruar, një herë në javë.

Portali “WebLajm” ka publikuar një dokument që tregon se bashkëshortja dhe mjeku Roland Xhaxho kanë kallëzuar pastruesen e tyre me iniciale A.XH për grabitjen e rreth 50 milionë lekëve. Paratë kanë qenë shumica në valutë, 45.900 euro dhe 280.000 lekë (të reja).

Këto para sipas denoncimit të familjes së Roland Xhaxho dhe bashkëshortes së tij ishin kursime të nënës së gruas së doktorit, kursime të mbledhura në 30 vite pension dhe ata e kanë kostatuar vjedhjen vetëm pasi nëna (vjehrra e doktorit) kishte ndërruar jetë.

Pastruesja e cila është vënë nën akuzë rezulton se nuk ka vjedhur para vetëm në banesën e doktorit Roland Xhaho, por po ashtu dyshohet se ka vjedhur sende me vlerë edhe në banesën e vajzës së tij doktoreshës Ina Xhaxho.

Pas denoncimit të familjes Xhaxho, Policia dhe Prokuroria kanë hetuar ngjarjen dhe është bërë i mundur dënimi i pastrueses me 2 vite e 8 muaj burg.