Month: October 2023

Pas 53 vitesh, amaneti i nënës së dy motrave dhe një vëllai është dërguar në vend. “Ka Një Mesazh Për Ty”, rubrika nga “E Diela Shqiptare” në Tv Klan arriti të gjejë vëllain e madh të dy motrave, ekzistencën e të cilit e mësuan vetëm 8 vite më parë.

Babai u zbuloi amanetin e nënës së tyre të ndjerë dhe iu kërkoi që të mos reshtnin për të gjetur një djalë të lindur rreth viteve ’70 me emrin Fitim ose Kujtim. Rubrika e programit ra në gjurmët e Fitim Zakollit, i cili ndodhet i pranishëm.

Njësoj si motrat e tij, Fitimi e ka mësuar para 8 vitesh se është i birësuar dhe prej atëherë ka dëshiruar të takojë familjen biologjike. Ai u gjend përpara imazhit të nënës së tij biologjike dhe shprehu keqardhje që nuk mundi ta njohë.

Njëkohësisht, sapo mësoi se janë dy motrat që e kanë kërkuar për të çuar në vend jo vetëm amanetin, por edhe për të qenë bashkë, 53-vjeçari nuk e fshehu lumturinë.

Fitim: Unë ndiej gëzim të madh për dy motrat e mia. Një gëzim që pas 53 vjetësh unë arrita t’i njoh më në fund. Kam qenë i vetëm.

Ardit Gjebrea: Fitim, deri më tani të kanë dëgjuar ty motrat e tua. Je kurioz të dëgjosh zërin e tyre?

Fitim: Po, shumë kurioz.

Fjorinda: Përshëndetje vëllai jonë!

Fitim: Përshëndetje!

Fjorinda: Sot është dita, një nga ditët më të lumtura për ne që me falenderimin e Arditit, stafit arritëm pas shumë vitesh të të shihnim dhe tani, të të takojmë. Ne jemi motra, jemi rritur bashkë pothuajse. Nëna jonë ndërroi kur unë isha vetëm 10 vjeçe dhe ajo ka qenë një nënë e mrekullueshme, një nënë e dedikuar për ne. Fati donte që atë ta merrte nga kjo ejtë se ne ishim të sigurta se ajo po të kishte jetuar, ne do të të kishim kërkuar shumë më parë por ne vetëm nga 8 vite edhe ne, morëm vesh ekzistencën që kishim një vëlla, në vitin 2016 dhe nga ajo ditë nuk kemi reshtur së kërkuari ty vëllai jonë. Mezi pres të të përqafoj.

53 vite më vonë, ndodh përqafimi i parë mes vëllait dhe motrave të tij./tvklan.al

Të paktën 10 persona kanë humbur jetën dhe 25 janë plagosur në një aksident treni në shtetin jugor të Indisë, Andhra Pradesh, tha një zyrtar i lartë i qeverisë lokale.

Aksidenti ndodhi kur dy trena u përplasën me njëri-tjetrin, sipas një zyrtari hekurudhor.

Ekipet e shpëtimit kanë shkuar në vendngjarje, pranë Vizianagaram.

Më herët, kryeministri i shtetit raportoi se një tren që shkonte nga Rayagada në Vizianagaram doli nga shinat dhe uebsajti i lajmeve NDTV raportoi tre vdekje.

Kryeministri i Andhra Pradesh, Ish Jagan Mohan Reddy, ka kërkuar që të dërgohen sa më shumë ambulanca nga Visakhapatnam dhe Anakapalli, dy rrethet më të afërta me Vizianagaram.

Ai urdhëroi gjithashtu që të koordinohen operacionet e qeverisë në mënyrë që të ndërmerren hapa të menjëhershëm për shpëtimin dhe trajtimin e të plagosurve.

Një ngjarje shumë e rëndë ka ndodhur në mbrëmjen e djeshme në kampionatin britanik të hokej, Amerikani 29-vjeçar Adam Xhonson, ka humbur jetën pas një incidenti të tmerrshëm gjatë sfidës.

Lojtari i Notingam Panters u përplas me një kundërshtar të Shefilld Stilers dhe menjëherë ra në tokë, pasi u godit në fyt nga pjesa e mprehtë e patinës.

Situata u duk menjëherë alarmante dhe atij iu dha ndihma e parë, ndërsa rrethohej nga të gjithë lojtarët e tjerë të dëshpëruar.

Ai u dërgua më pas në spital me urgjencë, ndeshja u braktis dhe 8 mijë tifozët e pranishëm u larguan nga salla duke shpresuar për lajme të mira.

Por më pas u bë e ditur nga vetë klubi i Notingam se Xhonson, ish-lojtar edhe në NHL në SHBA, ishte ndarë nga jeta pasi nuk i kishte mbijetuar plagës që kishte pësuar.

Futbollisti kolumbian, Luiz Diaz, ka kaluar orë makthi pasi persona të armatosur i rrëmbyen prindërit e tij në Barrancas, La Guajira.

Prindërit e sulmuesit të Liverpool po udhëtonin me një automjet kur grupi i armatosur i ndoqi me motoçikleta.

Pak orë pasi lajmi u bë publik, nëna e futbollistit, e quajtur Cilenis, u lirua nga rrëmbyesit, ndërsa bashkëshorti i saj, Luis Manuel u mbajt sërish peng.

Por tani sulmuesi mund të marrë frymë lirisht pasi i ati është shpëtuar nga duart e pengmarrësve nga policia kolumbiane.

Sipas mediave lokale, ka pasur një shkëmbim zjarri në një zonë pranë kufirit me Venezuelën, pasi ata po mundoheshin të kalonin kufirin bashkë me pengun.

Gjatë këtij shkëmbimi zjarri raportohet se kanë mbetur të vdekur dy nga rrëmbyesit, por gjithçka pritet të konfirmohet se shpejti nga komunikata zyrtare të forcave të rendit kolumbiane të cilat u mobilizuan masivisht sapo u mor vesh ngjarja e rrëmbimit të Luis Manuel Diaz dhe Cilenis Marulanda.

https://twitter.com/everstrongever?ref_src=twsrc%5Etfw%7Ctwcamp%5Etweetembed%7Ctwterm%5E1718418156480283097%7Ctwgr%5E52d9597508e1582ec911281359194421f2b0830b%7Ctwcon%5Es1_&ref_url=https%3A%2F%2Fshqiperia-ime.com%2Fpersonat-e-armatosur-i-ndjekin-me-motociklete-momentet-para-rrembimit-te-prinderve-te-futbollistit-te-famshem-po-udhetonin-me-makine-kur-video%2F

Ish-presidenti dhe kryetari i Partisë së Lirisë, Ilir Meta, pas një zhurme të madhe mediatike se është larguar nga vendi prej më shumë se 10 ditësh, është shfaqur në Tiranë.

Është siguruar një fotografi ku ai këtë të diel është futur për tu qethur në një berberanë te Pazari i ri ndërkohë që jashtë e priste vetëm shoferi dhe një nga shoqëruesit.

Pas rreth një ore Meta i veshur sportiv, (Këmishë gri të zbërthyer, bluz të bardhë dhe pantallona blu), ka dalë nga berberana dhe është larguar me mjetin e tij.

Kujtojmë se këto ditë menjëherë pas arrestimit të Jamarbër Malltezit dhe nisjes së procedimit penal ndaj aleatit të tij, Sali Berisha, Meta nuk është shfaqur asnjë sekondë në publik duke shtuar edhe më shumë spekulimet mediatike se ai së bashku me bashkëshorten Monika Kryemadhi ishin “arratisur” jashtë vendit, njësoj si Arben Ahmetaj.

Ish-presidenti i cili ndryshe nga Berisha dhe Kryemadhi aktualisht nuk ka imunitet, po hetohet nga SPAK për dy çështje: Burimin e shumave të mëdha që janë përdorur nga LSI për lobim dhe veçanërisht për aferën CEZ-DIA.

Ish Presidenti i vendit është zhdukur prej disa ditësh.

I pari që ngriti dyshimet për një arratisje të mundshme ishte Sali Berisha, i cili tha se nuk ka komunikuar me të prej kohësh.

Edhe avokati i tij më pas tha se nuk e di vendodhjen e kreut të PL-së.

Dyshimet shtohen kur, Ilir Meta edhe pse po përflitet arratisja e tij, ende nuk është bërë i gjallë.

Situata ka frymëzuar “meme-bërësit” në vend, të cilët kanë sjell me humor zhdukjen e ish -Presidentit.

https://vm.tiktok.com/ZMjsxGkHq/

Video Player

Një nga dy burrat e zhdukur në det për gati dy javë u gjet i gjallë të enjten nga një varkë peshkimi kanadeze në një gomone shpëtimi në ujërat kanadeze, afërsisht 70 milje në veriperëndim të Cape Flattery, Uashington, sipas zëdhënësit të Gardës Bregdetare të SHBA.

“Fakti që ai ishte në këtë gomone shpëtimi për shumë ditë, dhe ende ruante shpresën, dhe përfundimisht u gjet nga një varkë peshkimi pak a shumë e rastësishme ishte e pabesueshme dhe thjesht një gjë e mrekullueshme”, tha Steve Strohmaier për CNN me telefon.

“Oqeani është një vend shumë i gjerë. Ai po lundronte në mes të askundit. Shumë herë, është shumë e rrallë të kesh një anije që kalon pranë”, shtoi ai.Të dielën pasdite, roja bregdetare u njoftua për një anije peshkimi të zhdukur që ishte nisur nga bregu i Uashingtonit më 12 tetor dhe do të kthehej më 15 tetor.
Burri u gjet nga një varkë kanadeze peshkimi “në ujërat kanadeze, dhe nga kjo, anija e mirë samaritane i dërgoi radio rojës bregdetare kanadeze. Kështu, ata dolën … dhe e çuan përsëri në breg ku më pas mund të shkonte në spital. Kur shkoi në spital, u raportua se ishte në gjendje të qëndrueshme.”

Në këtë moment, një person tjetër mbetet i zhdukur dhe ngjarja mbetet nën hetim, sipas Rojës Bregdetare të SHBA.

Kur u pyet nëse Roja Bregdetare e SHBA do të rifillonte kërkimin për marinarin e zhdukur, Strohmaier tha, “Ne presim të dëgjojmë më shumë informacion për të mbledhur së bashku rrëfimet dhe deklaratat e dëshmitarëve okularë nga ai (personi i gjetur) për të përcaktuar se çfarë veprimi mund të ndërmarrim në të ardhmen. ose Roja Bregdetare Kanadeze mund të marrë.”

Të martën, Roja Bregdetare e SHBA postoi në lidhje me kërkimin për anijen e zhdukur në X, duke thënë , “USCG po kërkonte për anijen 43-këmbëshe Evening me 2 persona në bord, e cila u nis nga Grays Harbor më 12 tetor dhe thuhet se synonte të kthehej më 15 tetor.”

Të mërkurën, shërbimi tha se kishte pezulluar kërkimin “në pritje të zhvillimit të informacionit të ri” pasi “ekuipazhet kontrolluan mbi 14,000 milje katrore për më shumë se 8 orë”.
“Ata u larguan nga Westport, Uashington,” tha Strohmaier. “Ata duhej të ktheheshin në datën 15 dhe një javë më vonë, roja bregdetare u njoftua.”

Këngëtarja kosovare me famë botërore, Rita Ora, duket se zgjodhi të ndjekë nga afër një ndeshje ragbi, në prani të një tenisti serb.

Ajo është parë e shoqëruar ndërsa ishte ulur pranë me tenistin Novak Djokoviç.

Gjatë ndeshjes, kamera ishte e fokusuar për një moment tek ata dhe reagimi i dy personazheve pasi e vunë re këtë gjë, nuk duhet humbur.

Fëmijët me kancer në Palestinë nuk po bëjnë kimioterapi. Shërbimi mjekësor jetëshpëtues për t’a nuk mund të ofrohet më, pasi Izraeli ka arritur deri në pikën që nuk di se çfarë ka përtej kufirit të tyre, por vetëm bombardojnë.

E izoluar nga toka, deti dhe ajri, Gaza ka marrë pamjen e një laboratori ku bëhen eksperimente me jetët e njerëzve. Pa ujë, pa ushqime, pa drita dhe pa karburant, palestinezët janl kthyer në periudhën e mesjetës. Në një luftë, e cilanuk dihet kur përfundon, fëmijët janë ata të cilët po vuajnë më shumë se kushdo tjetër.

Në mes të këtij kaosi fëmijët në Departamentin e Kancerit Pediatrik në Gaza po tregojnë qëndrueshmëri, edhe pse të sëmurë e me dhimbje. Në pamundësi për të marrë kimioterapi për shkak të luftes, ata e kanë e kalojnë kohën e tyre duke pikturuar e duke krijuar mesazhe shprese për botën.

Pavarësisht errësirës ku i kanë zhytur, ​​vizatimet e tyre tregojnë shumë dhe shpresojnë që të jetojnë në paqe. Çdo ditë dhjetra fëmijë vriten nga bombardimet, e shumë të tjerë plagosen. Ndërsa fëmijët me kancer po vdesin çdo ditë ngadalë, me dhimbje, dhe pa e kuptuar se cila bombë do t’u marr jetën, ajo e Izraelit apo ajo e sëmundjes.

Dje Erdogan i dha fund procesit të rivendosjes së marrëdhënieve të Turqisë me Izraelin, ndërkohë që hapi “llogari” të reja në një delir antiperëndimor, teksa duke folur para qindra mijëra ndjekësve të tij arriti në pikën që jo vetëm të kujtonte “ kufijtë e zemrës”, por edhe të kërcënonte Izraelin se “mund të vijë papritur një natë…”. Turma iu përgjigjur liderit turk në mënyrë ritmike “dërgo ushtrinë turke…”.

Ai madje paralajmëroi Perëndimin se nëse kërkon një konflikt të ri Kryqtar-Gjysmëhënës, Turqia do të qëndrojë e vendosur.

Këto deklarata ai i bëri dje në prag të 100-vjetorit të krijimit të Shtetit modern Turk, duke dhënë shenjën e kthesës së përgjithshme që po tenton lideri turk duke braktisur përfundimisht kemalizmin laik dhe orientimin perëndimor.

Reagimi i parë i Izraelit erdhi me njoftimin e Ministrit të Jashtëm E. Cohen për një tërheqje të menjëhershme të të gjithë personelit diplomatik nga Turqia për të “rivlerësuar” marrëdhëniet Turqi-Izrael dhe është e qartë se do të kalojë një kohë shumë e gjatë para se të bëhet e mundur rivendosja, madje edhe komunikimi mes dy qeverive.

Ambasadori i Izraelit në Kombet e Bashkuara akuzoi Erdoganin për antisemitizëm dhe theksoi se “gjarpëri mund të mbetet vetëm një gjarpër”, ndërsa ministri i Energjisë i Izraelit tha se Erdogan “tregoi fytyrën e tij të vërtetë si përfaqësues i Vëllazërisë Myslimane që mbështet terrorizmin e Hamasit”.

Prej ditëve të mëparshme T. Erdogan ishte ftuar të merrte pjesë në mitingun e madh të organizuar nga partia e tij në Stamboll për mbështetje në Gaza, i cili natyrisht u kthye në një tubim masiv kundër Izraelit dhe Perëndimit.

Gjatë fjalës së tij, lideri turk, duke dashur të shpjegojë interesimin e tij për Gazën, kujtoi teorinë e “kufijve të zemrës”, në të cilën u sigurua të përfshinte… Selanikun.

“Ne mbrojmë Gazën, siç kemi bërë në të kaluarën në Traki, në Ballkan, në Kaukaz, në çdo cep të brigjeve të Mesdheut Lindor, në Azinë Qendrore, në Azinë Jugore, në të gjithë Afrikën, me pak fjalë, kudo ku arrinin horizontet tona… . Sot, disa njerëz e shohin Gazën si një vend të largët, një vend që nuk ka të bëjë fare me ne. Megjithatë, një shekull më parë, për këtë komb, për këtë vend, Gaza nuk ndryshonte nga Adana. Ashtu si Edirne nuk ndryshonte nga Shkupi, Kirklareli nuk ndryshonte nga Selaniku, Mardini nuk ndryshonte nga Mosuli, Gaziantepi nuk ndryshonte nga Alepo, Gaza ishte pjesë përbërëse e atdheut tonë… Ne ishim të ndarë nga të gjitha këto vende që ata janë po aq tonat sa gjaku ynë, jeta dhe dashuria jonë…”

Teksa sot Turqia feston 100 vjetorin e krijimit të shtetit turk, T. Erdogan donte t’i jepte një dimension tjetër mbështetjes që i ofron Gazës (dhe Hamasit) duke e lidhur atë me “luftën çlirimtare”: “Ne jemi duke u përballur me ambiciet e prishura të atyre që gjatë pushtimit të Kostandinopojës vepruan për t’u hakmarrë për pushtimin e vitit 1453. Jemi përballë versioneve moderne të atyre që u përpoqën të shkatërronin kombin tonë duke provokuar armenët në Anadollin Lindor dhe Juglindor dhe grekët në rajonet e Egjeut, Marmaras dhe Detit të Zi.

Nën sloganin se ajo që po ndodh nuk është e pavarur nga komplotet kundër Turqisë, Erdogan theksoi se dënimi i masakrës në Gaza është gjithashtu një luftë “për të mbrojtur pavarësinë dhe të ardhmen tonë”.

Përveç sulmit të ashpër ndaj Izraelit, T. Erdo?an megjithatë e quajti Perëndimin tërësisht përgjegjës për situatën në Gaza dhe duke përmendur poetin Mehmet Akif (i cili shkroi tekstin e himnit kombëtar turk) i cili e kishte përshkruar Perëndimin si një “përbindësh pa dhëmbë”. , T .Erdo?an deklaroi se “Amerika dhe Evropa janë përgjegjëse për gjithçka dhe për të gjitha pengjet që përdorin…”. Madje, ai i bëri një referencë të veçantë ndihmës që Izraeli merr nga SHBA-të, duke thënë se nuk mund të zgjaste as tre ditë para se të shembet pa këtë mbështetje, ndërsa sulmoi sërish ata që tha se mbështesin terrorizmin në Siri, ndërsa tha se “ne i dimë mirë makinacionet kundër Turqisë në lobet e evropianëve dhe qeverisë amerikane…”.

Në fund të fjalës së tij, presidenti turk propozoi thirrjen e një konference ndërkombëtare paqeje për çështjen palestineze me pjesëmarrjen e vendeve që kontribuojnë pozitivisht në këtë çështje dhe me një sistem garancish. Ai u bëri thirrje gjithashtu vendeve jashtë rajonit që të mos i hedhin më benzinë ??zjarrit, kërkoi një armëpushim të menjëhershëm humanitar dhe marrjen e shpejtë të masave të nevojshme për lirimin e pengjeve.

Në fjalën e tij, pa iu referuar Hamasit, ai dënoi sulmet kundër civilëve edhe në Izrael, por duke vënë në pikëpyetje numrin e viktimave të sulmit të 7 tetorit.