Month: October 2023

Lajmi për zbulimin e trupit të pajetë të 18-vjeçarit Alvaro Prieto, i cili ishte zhdukur ditët e fundit, ka përhapur trishtim në futbollin spanjoll.

Lojtari që lunate në Korodoba, ishte zhdukur që nga e enjtja dhe trupi i tij u gjet mëngjesin e së hënës mes dy vagonave të një treni.

Sipas informacioneve, Prieto ishte nisur të mërkurën mbrëma për të shkuar në Sevilla, për të kaluar kohë me miqtë e tij.

Sipas policisë, vdekja e tij mund të ketë ardhur si pasojë ne një goditje elektrike teksa po lëvizte mes vagonëve të trenit./abcnews.al

https://twitter.com/elmundoes?ref_src=twsrc%5Etfw%7Ctwcamp%5Etweetembed%7Ctwterm%5E1713889281981264156%7Ctwgr%5E1ae02d3ed66ee07ffb330e5076e061ba3e2bd00c%7Ctwcon%5Es1_&ref_url=https%3A%2F%2Fshqiperia-ime.com%2Flajm-i-trishte-per-futbollin-gjendet-i-vdekur-lojtari-18-vjecar%2F

Nga Lutfi Dervishi

Habere të reja nga Kiko: Quo vadis Shqipëri?
Teksa po mbllaçiste bananen e fundit për vaktin e drekës, majmunit Kiko i bëri shumë përshtypje titulli me shkronja kapitale i një artikulli që i referohej burimit zyrtar të statistikave: INSTAT.

Vetëm gjatë mandatit të dytë të qeverisë aktuale numri i gjedhëve u ul me 200 mijë krerë, numri i të imtave me 800 mijë dhe ai i shpendëve me 1.5 milionë?! Ç’bëhet në këtë vend?! Mirë njerëzit që po ikin ditën, por edhe kafshët po na ikin natën? Në fillim Kiko fajësoi instinktin e gazetarëve që fokusohen vetëm të anët negative.
“Pse nuk i është dhënë me shumë hapësirë faktit që numri i gomerëve është rritur?”,- pyeti Kiko me një shprehje të stampuar mbi fytyrë thua se sapo kishte parë një elefant duke fluturuar.

Megjithatë, i mësuar që të mos bëjë si njerëzit të cilët nxitojnë të thonë fjalën e fundit qysh në fillim, Kiko ju drejtua Chat-GPT për të kuptuar më qartësisht se pse Shqipëria po vuan nga emigrimi i trefishtë: I njerëzve, i kafshëve dhe i shpendëve.

Kiko kërkoi 10 arsyet e dramës dhe brenda një minutës mori përgjigjen:
“Ka shumë arsye për “largimin e trurit” nga Shqipëria. Duhet kuptuar që në një ekonomi tregu, është raporti kërkesë ofertë që përcakton shumë gjëra:

Ja edhe 10 arsyet:

1. Çobanët po i merr Greqia; pavarësisht ngritjes së Akademisë së barinjve.
2. Mjekët dhe infermierët po i josh Gjermania;
3. Kuzhinierët po i gllabëron Italia;
4. Kamionistët i tërheq Franca.

5. Modelet i thith Dubai;
6. Kujdestarët e hashashit i kërkon Spanja;
7. Picierët po i fton Kroacia;

8. Kuksianët po i tundon Londra;
9. Korçarët kanë lindur për Amerikën;
10. Politikanët po i thërret SPAK-u;

Kiko kroi kafkën e vogël dhe pyeti Chat-GPT nëse kishte ndonjë kategori që nuk do të lëvizte nga vendi i shqiponjave, por kur lexoi përgjigjen u bë pishman për pyetjen.

“Gjithologët do të qëndrojnë, nuk ka asnjë tundim që i tund nga studiot televizive!”
“-O Zot!” -klithi Kiko, “a ka ku shkon më keq se kaq?”.

Në momentin që mendoi më të keqen Kiko mbylli gojën me të dy putrat dhe u lebetit nga ideja se një ditë ajo që mendoi mund të bëhej realitet:
“Po sikur NATO të marrë Edi Ramën ku do të mbytemi vallë pastaj?!”.

Dielli i qershorit i ra Kikos mbi krye: e përvëloi, por edhe e zgjoi nga mendimet egoiste.
“Shqipëria është e vogël, bota është e madhe! Nevoja ndërkombëtare për lider të vërtetë si ai duhet të kapërcejë nevojat tona banale lokale!

Njerëzimi ka nevojë për të, sot, nesër do të jetë vonë!”

E bujshme! “Lamtumirë” vulave në pasaporta, shumë shpejt rregulla të reja për të hyrë në zonën Shengen
Në zonën Shengen shumë shpejt udhhëtarët do t’iu thonë “lamtumirë” vulave në pasaportë pasi regjistrimi do të bëhet në mënyrë dixhitale.

Sistemi i ri i automatizuar i hyrjes/daljes (EES), që do të nisë më 1 nëntor 2023, do të regjistrojë vizitorët jo-BE në mënyrë dixhitale, duke hequr nevojën për pulla fizike në pasaporta. Në një deklaratë nga Departamenti i Migracionit dhe Çështjeve të Brendshme të Komisionit Evropian thuhet:

EES do të zëvendësojë sistemin aktual të vulosjes manuale të pasaportave, i cili kërkon shumë kohë, nuk ofron të dhëna të besueshme për kalimet kufitare dhe nuk lejon zbulimin sistematik të atyre që kanë kaluar qëndrimin.

Çfarë është sistemi i hyrjes/daljes nga BE (EES)?

EES do të jetë një sistem i automatizuar i teknologjisë së informacionit për regjistrimin e udhëtarëve nga vendet e treta që janë të përjashtuar nga viza ose kanë viza për qëndrim të shkurtër . Sa herë që një person kalon një kufi të jashtëm të BE-së, sistemi do të regjistrojë emrin e tij, llojin e dokumentit të udhëtimit, të dhënat biometrike (gjurmët e gishtërinjve dhe imazhet e fytyrës) dhe datën dhe vendin e hyrjes dhe daljes. Do të regjistrojë gjithashtu refuzimet e hyrjes.

Ka shrpresa se kontrollet e automatizuara të kontrollit kufitar dhe sistemet e vetë-shërbimit do të përmirësojnë sigurinë në BE dhe do të jenë më të shpejta për udhëtarët. Megjithatë, industria e linjave ajrore dhe vende të ndryshme kanë thënë se mungesa e përgatitjes mund të shkaktojë probleme kur të futet sistemi. Fillimisht kjo lloj procedure duhej të lansohej në vitin 2022, por u shty deri në maj 2023 dhe përsëri deri në nëntor.

Sipas sistemit të ri, udhëtarëve me akses pa viza në Zonën Shengen do t’u kërkohet të marrin autorizimin e udhëtimit në internet përmes Sistemit Evropian të Informacionit dhe Autorizimit të Udhëtimit (ETIAS). Kjo do të nisë në faza sapo EES të jetë funksionale.m ETIAS do të kushtojë vetëm 7 € për çdo aplikim.

Tarifat zbatohen për të rriturit nga mosha 18 deri në 70 vjeç. Të miturit dhe udhëtarët e moshuar (70+) nuk do të duhet të paguajnë asnjë tarifë. Menjëherë pasi të keni përfunduar pagesën, autorizimi ETIAS do të fillojë të përpunohet. Tarifa e vizës ETIAS mund të paguhet online nëpërmjet një karte krediti ose debiti të vlefshme.

Ju duhet të paguani vetëm për ETIAS kur plotësoni aplikacionin. Pasi ETIAS-i juaj të miratohet, ai do të jetë i vlefshëm për 3 vjet ose deri në fund të vlefshmërisë së dokumentit tuaj të udhëtimit. Prandaj, nuk do t’ju duhet të paguani asgjë brenda tre viteve të ardhshme nga pagesa juaj e parë.

Vulat e pasaportave janë ende të nevojshme përpara se të nisë zbatimi i regjistrimit në EES.

KOSOVE

Mozzik shpesh është në qendër të vëmendjes për projektet muzikore, e herë të tjera për historitë e dashurisë. Por këtë herë nuk është as njëra, as tjetra arsyeja që ai ka reaguar në rrjetet sociale.

Bëhet fjalë për një çështje delikate, si ajo e vjedhjes së shtëpisë së tij. Përmes një statusi në rrjetet sociale ai ka bërë të ditur se i kanë grabitur shtëpinë dhe konkretikisht kanë marrë 100 mijë euro kesh, bizhuteri me vlerë monetare më shumë se 100 mijë euro, 15-16 armë me leje, etj. Ai nuk lë pa falënderuar Policinë e Kosovës për gatishmërinë, duke theksuar edhe faktin se është tatimpagues i rregullt.

“Parmbrëmë paska qenë shtëpia ime epiqendra e hajnave ( hajduqëve). Dëmi ka qenë shumë i madh duke u bazuar që hajnat kan hyrë brenda dhe kan thyer kasafortën fillimisht dhe kan marrë 100k ( njëqindmijë euro cash ) para nga kursimet e mia qe i bëj besoj qe 6/7 vite .
Nuk paskan lënë orë , unaza , zingjira , ari pa marrë edhe këto që tejkalojnë shumat e lartëcekura .
Rreth 15/16 armë me leje të gjitha i kan vjedhë.
Dmth i kan vjedhur të gjitha armët në shtëpi ( me leje të gjitha)
Dhe kan vjedhur komplet sistemin e dvr ( camera)
Falenderoj Policinë e Kosovës për angazhimin dhe zhvillimin që po e bëjnë qe kjo veper penale të zbardhet .
Unë jam tatim paguesi më i madh nga gjithë artistat në trojet shqipëtare është e njoftuar Administrata Tatimore , Ministria e Financave ( nëse vec iu intereson mediave)
Na marrshin t’ligat po u dashtë me lyp bre nëse ju kan vytë se kurrë deri sot s’kom ditë me kthy dikan..sa kan vjedhë kta hajna unë në vjet i shpërndaj napër njerëz pasha të madhin Zot .
Shnet Paçi !”-shkruan reperi nga Kosova.

Tunele të panumërta kalojnë poshtë Gazës, të njohura për faktin se përdoren për kontrabandë mallrash nga Egjipti e për të ndërmarrë sulme në Izrael.

Por ekziston megjithatë edhe një rrjet i dytë nëntokësor, thotë CNN, të cilit forcat izraelite të mbrojtjes, IDF, i referohen si “metroja e Gazës”. Bëhet fjalë për një labirint të vërtetë kalimesh nëntokësore, disa prej të cilave mbërrijnë në disa kilometra nën tokë, që përdoren për të transportuar njerëz dhe mallra; për të ruajtur raketat dhe rezervat e municioneve; dhe për të strehuar qendrat e komandës dhe kontrollit të Hamasit, të gjitha këto larg “larg syve” të avionëve dhe dronëve të vëzhgimit të IDF-së.

Në 2021-shin, Hamasi mburrej se kishte ndërtuar poshtë Gazës tunele në gjatësi prej 500 kilometrash, edhe pse është e paqarte nëse shifra në fjalë është e vërtetë. Në qoftë kështu, tunelet nëntokësore të Hamasit do të ishin vetëm pothuajse sa gjysma e gjatësisë së sistemit të metrosë së qytetit të Nju Jorkut.

“Është një rrjet shumë i ndërlikuar dhe shumë i madh tunelesh në një pjesë mjaft të vogël territori”, thotë Daphne Richemond-Barak, një profesoreshë në Universitetin Reichman të Izraelit dhe eksperte e luftërave nëntokësore. Nuk dihet po kështu sesa i ka kushtuar ky rrjet tunelesh Hamasit që qeveris territorin e varfër bregdetar.

Megjithatë, shifra ka të ngjarë të jetë e rëndësishme, si për sa i përket fuqisë punëtore ashtu edhe kapitalit. Gaza ka qenë nën një bllokadë tokësore, detare dhe ajrore nga Izraeli, si dhe një bllokadë tokësore nga Egjipti, që nga viti 2007 dhe nuk besohet të ketë llojin e makinerive masive që përdoren zakonisht për të ndërtuar tunele thellë nën tokë. Kritikët e grupit thonë se në vend që t`i shpenzonte paratë për tunele, ai mund të kishte ndërtuar vendstrehime ku civilët të mbroheshin nga bombardimet.

“Jemi me dy këmbë në Evropian”, u shpreh presidenti Duka pas suksesit kundër Çekisë. Nuk ishte një deklaratë në të nxehtë, por një ndjesi e fortë duke parë atë që dhuruan kuqezinjtë, por sigurisht një parashikim i orientuar nga shifrat dhe përballjet në vijim.

Në një kohë kur Shqipëria po shijonte pak nga suksesi i tyre kundër Çekisë, duke përgatitur me qetësi miqësoren kundër Bullgarisë, Polonia ngeci në një barazim 1-1 përballë Moldavisë. Me një kombinim me më pak fat, Shqipëria do të festonte që të dielën në mbrëmje zyrtarisht kualifikimin për në “Euro2024”, nëse Çekia nuk do të mposhte Ishujt Faroe me një penallti të konvertuar në gol në minutën e 76-të.

Pavarësisht këtij fakti, është thjeshtë çështje kohe dhe shifrash që të sigurojmë një biletë për në Gjermani. Ky kualifikim mund të vijë që në 17 nëntor, në transfertën kundër Moldavisë, ku djemve të Sylvinhos i duhet vetëm një pikë, mjafton të mos humbasin përballë Moldavisë për të festuar kualifikimin për herë të dytë në Evropian. Shqipëria mund të kualifikohet dhe duke marrë zero pikë në dy ndeshjet e mbetura. Mjafton që në sfidën me Moldavinë të humbasë me një gol diferencë dhe sfidat Poloni-Çeki, Çeki-Moldavi të dalin barazim. Në çdo rast, nëse Shqipëria del me pikë të barbara me të gjithë rivalët, do të kalonte më tej, pasi ka shifra më të mira në përballjet direkte.

Këto janë thjeshte projeksione, pasi askush në radhët e kuqezinjve nuk futet në fushë me laps e letër, por në dy sfidat e fundit kërkojnë 6 pikë të plota, për t’u kualifikuar si të parët në Grupin E dhe për të thyer rekordin e pikëve të grumbulluara në një kualifikuese. Për momentin ndodhemi në krye me 13 pikë në 6 ndeshje.

Njerëzit e qytetit të Be’er Shevës kanë përjetuar momente të frikshme kur filloi të binte alarmi disa minuta më parë, që paralajmëronte sulm me raketa nga Hamasi.

Gazetari i Top Channel që po raporton në Izrael, ka qenë prezent në këtë moment dhe ka filmuar kur qytetarët janë larguar të gjithë nga makinat e tyre, për t’u strehuar.

Një një video, shihet edhe një grua shtatzënë, e cila pasi ka dalë nga makina ka pësuar shok, nga frika se raketa mund të bjerë mbi ta.

“Një alarm tjetër sapo ka rënë, qytetarët po largohen. Duhet të braktisim makinën tonë. Raketat! Një grua e tmerruar! Është një grua shtatzënë e cila u tmerrua, pësoi një krizë”, thotë gazetari Artur Bibe./ Top Channel

Humb jetën pas problemeve kardiake, ish-futbollisti i njohur i Skënderbeut i viteve 1975-1985, Daniel Xhemo.

Korçari i njohur që në moshë të re luajti futboll që nga klasat sportive të shkollës “Stavri Themeli” e me pas me gjitha ekipet zinxhir të Skënderbeut deri te vishte fanellën e rëndësishme bardhëekuq.

Pasi mbaroi studimet për inxhinieri-mekanike, u rikthye përsëri te Skënderbeu, lojë të cilën e ka lënë në fund të vitit në 1990, për t’u përkushtuar profesionit të tij të inxhinierit në drejtorinë e kontrollit të automjeteve, aty ku punoi deri ditën e sotme.

Madje, Daniel Xhemo sot ka qenë në punë por për fatin e keq ka rezultuar dita e tij e fundit pasi ka gjetur vdekjen e menjëhershme nga probleme kardiake.

Me humbjen e Xhemos futbolli korçar ka humbur një pjesë të historisë së Skënderbeut ashtu si dhe shokët që humbën kolegun e tyre profesionist. Ndërkohë familjarët kanë humbur njeriun e tyre të mirë.

Sabina Mete është një nga moderatoret më të njohura sportive në vendin tonë, teksa rrjetet e saj sociale numërojnë një numër të madh ndjekësish. Gjithashtu ajo konsiderohet si një nga vajzat më seksi në showbizin shqiptar.

Gjatë ditës së djeshme, ajo ka postuar një video në rrjetin social Instagram, ku padyshim viheshin në pah format e saj, që nuk janë lënë pa komentuar nga ndjekësit e saj ku nuk munguan as komentet negative.

Një komentues i shkruan moderatores që “Mos e nxjerr shumë b*thën”, ndërsa duket se Sabina nuk i ka përtypur mirë këtë fjali. Ajo i është kthyer keq me fjalët “eee po me qan hallin ti, po ik o Rushan shiko gruan aty lëri b*thët e ig ose mos komento hiç”.

Po ashtu ajo ka shpërthyer ndaj një tjetër komentuesi.

Marina turke do të zhvillojë një stërvitje të madhe gjatë 16-20 tetorit në Mesdheun Lindor.

Baza në Antalja publikoi dje një NAVTEX duke njoftuar të gjitha anijet që kalojnë në zonë se gjatë ditëve të mësipërme, marina turke do të stërvitet duke përdorur zjarr të vërtetë artilerie në det.

Zona ku do të zhvillohet stërvitja është përballë Sirisë dhe Izraelit, shumë pranë aeroplanmbajtëses amerikane si edhe grupit të anijeve që e shoqërojnë atë.

Në zonë gjenden edhe anije dhe nëndetëse britanike dhe duket se Mesdheu Lindor është nxehur tashmë për shkak të përplasjes mes qeverisë së ekstremit të djathtë të Netanyahut dhe terroristëve të Hamasit, e cila ka shkaktuar gati 3 mijë të vdekur nga të dyja palët.

Lajmi është shoqëruar me bujë në Turqi, ku në shumë qytete gjatë ditëve të mëparshme pati thirrje për dërgimin e ushtarisë turke në Gaza për të mbrojtur palestinezët. Duhet theksuar se liderët e Hamasit jetojnë mes Turqisë dhe Katarit, ku një pjesë e tyre kanë edhe shtetësi turke.