Month: January 2024

Reshjet e borës rikthehen në julglindje të vendit. Gjatë natës ka pasur reshje me intensitet mesatar në zonën e Dardhës ku trashësia e saj i ka kaluar 5cm.

Në terren prej orëve të para të mëngjesit po punohet për pastrimin e aksit rrugor.Aktualisht këshillohet që qarkullimi të bëhet me goma dimërore dhe shpejtësi të reduktuar.

Në terren krahas mjeteve borëpastruese janë edhe patrullat e policisë rrugore që bëjnë këshillimin e drejtuesve të mjeteve.

Klodjan Meaj, Azem Dervishi dhe Doris Kopaçi janë tre shqiptarët e dhunuar barbarisht sot në Malin e Zi, një grup personash, që dyshohet se janë serbë të Bosnje Hercegovinës.

Në lidhje me ngjarjen e rëndë, policia malazeze ka identifikuar tre autorët e dyshuar, të cilët dhunuan tre shtetasit shqiptarë në rrugën kryesore të qytetit të Zelenikës. Lajmi konfirmohet për BalkanWeb nga gazetari Igli Çelmeta.

Ngjarja ka ndodhur dje rreth orës 14:00, në vendin e quajtur Zelenika në afërsi të qytetit të Herceg Novit. Tre shqiptarët ndodheshin në një makinë me targa gjermane, në momentin kur janë sulmuar nga një persona pa asnjë shkak.

Ata kanë goditur fillimisht makinën dhe pas daljes se dy shtetasve shqiptarë nga mjeti, janë sulmuar fizikisht edhe këta shtetas, duke ju shkaktuar plagë në pjesë të ndryshme të trupit.

Tre të rinjtë janë paraqitur në policinë lokale për ndihmë dhe janë trajtuar fillimisht nga ana e mjekut ligjorë, ku janë konstatuar dëmtime të kategorizuar ‘rrahje’.

DASHI

Planetët do i keni në krah gjatë kësaj dite dhe në përgjithësi gjithçka do ju ecë më së miri. Reflektimi para veprimit gjithashtu do jetë diçka e zgjuar. Klima në jetën tuaj në çift do ngrohet mjaft. Pranë partnerit do ndiheni më të dashuruar se kurrë më parë. Ju beqarët do preferoni të qëndroni vetëm edhe për disa kohë dhe do prisni që gjithçka të ndodhe atëherë kur të jetë programuar. Në punë mund të ketë edhe momente disi stresuese megjithatë me durim dhe mbështetje nga kolegët keni për t’ia dalë mbanë. Me financat mundohuni të tregoheni sa më të arsyeshëm që të mundeni. Vetëm kështu nuk do keni tronditje.

DEMI

Organizimi do jetë sfida juaj më e vështirë gjatë kësaj dite. Do mundoheni gjithë kohës të vendosni rregull në idetë tuaja dhe në çështjet më të rëndësishme. Jeta juaj ne çift do jete plotësisht e qete dhe pa asnjë lloj shqetësimi sot. Do jeni bashkëpunues dhe te logjikshëm ne çdo çast. Beqaret do kenë plot mundësi për aventura, por do i refuzojnë dhe do preferojnë te presin për historitë serioze. Në punë do jetë ditë paksa delikatë, megjithatë me më shumë përpjekje mund të arrini ta stabilizoni situatën. Ne planin financiar do keni goxha probleme dhe mund te gjendeni ne situata te vështira. Për fat miqtë dhe familjarët nuk do ju lënë në baltë.

BINJAKËT

Sot do keni vërtet shumë nevojë për qetësi. Qëndroni më shumë me personat e dashur dhe thjesht flisni me ta dhe përqafojini. Ngrohtësinë e tyre nuk mund t’ua falë askush tjetër. Venusi do e privilegjoje jetën tuaj ne çift gjate kësaj dite dhe ne çdo moment do përjetoni vetëm emocione pozitive. Ata qe kane kohe qe po mendojnë për një fëmijë me ne fund do marrin lajmin e gëzuar. Beqaret do jene shume te kujdesshëm për pamjen e jashtme dhe do marrin plot ftesa. Në punë do i merrni gjërat shtruar dhe nuk do nxitoheni të hidhni hapa për gjëra që nuk jeni shumë të bindur. Te ardhurat do kenë disa përmirësime te vogla, megjithatë jo aq sa për te kryer investime ekstravagante.

GAFORRJA

Asgjë nuk do jetë e thjeshtë për ju gjatë kësaj dite madje në shumë raste do gjendeni përballë zgjedhjesh goxha të vështira. Zemra juaj nuk do ndihet shume mire sot. Partneri do ju beje disa kritika qe nuk do ju pëlqejnë dhe do trishtoheni. Me vone keni për ta kuptuar se gjithçka është bere për te mirën tuaj. Beqaret do presin ende pak kohe para se te hedhin hapa, pasi tani për tani nuk ndihen gati. Në punë do jetë ditë paksa e lodhshme. Pranojeni mbështetjen që do iu japin disa kolegë sepse do e keni me të vërtetë të nevojshme. Financat nuk do jene aspak te mira kështu qe as mos mendoni te kryeni njëherë për njëherë shpenzime te mëdha.

LUANI

Falë Diellit sot do keni një jetë shumë të lumtur. Do ndiheni aq mirë saqë ndonjëherë nuk do e besoni dot se jeni në realitet. Falë ndikimit te Hënës sot nuk do keni asnjë lloj problemi ne jetën tuaj ne çift. Nga ana tjetër dita nuk ka për te qene aspak rutine pasi te dy palët do mendoni te bëni diçka ndryshe. Beqaret do kenë shume ngarkese ne pune dhe duke u marre me te nuk do e kenë mendjen aspak tek jeta sentimentale. Në punë përveç ideve të mira nuk do ju mungojë as fati. Përfitoni sa më shumë sepse rralle mund të vijnë ditë të tilla. Çështjet financiare do favorizohen tej mase. Do ndiheni mire kur situata te përmirësohet.

VIRGJËRESHA

Situata në të cilën do ndodheni gjatë kësaj dite do kërkojë realizëm. Mos u ndikoni nga emocionet sepse do gaboni. Mos ushtroni asnjë lloj presioni tek jeta juaj ne çift gjate kësaj dite sepse mund te keni probleme dhe debate me pas. Secili ka të drejtën të veproje sipas mënyrës se vet dhe me detyrim nuk mund te behet asgjë. Beqaret do kenë me shume se kurrë nevoje te ndihen te dëshiruar dhe te marrin komplimente. Yjet do ua plotësojnë dëshirat. Në punë vërtet do jeni goxha të ngarkuar, por kjo nuk do ju trembë aspak. Përkundrazi kjo situatë do ju shtyjë të bëni akoma më shumë përpjekje. Ne planin financiar do reflektoni disa here para se te hidhni hapa dhe nuk do keni probleme.

PESHORJA

Jeta juaj në çift do jetë shumë intensive sot. Hëna do ju Plutoni do ju bëjnë edhe më të ndjeshëm dhe do mendoni gjithë kohës si ta bëni çdo moment sa më të veçantë. Nëse keni një lidhje gjeni disa orë kohë, qëndroni pranë partnerit në vende të qeta dhe flisni për të kaluarën. Në këtë mënyrë do njiheni edhe më mirë dhe do afroheni më tepër. Nëse jeni beqarë do përjetoni ndjesi shumë të forta pas një takimi të ndodhur si me magji. Miqtë kanë gisht në çdo gjë. Çështjet profesionale do ndjekin rrjedhën e duhur dhe nuk do përbëjnë më asnjë lloj problemi. Sipas Horoskopi.vip gjendja financiare do përmirësohet në mënyrë të jashtëzakonshme.

AKREPI

Ka rrezik që rutina ta pushtojë jetën tuaj gjatë kësaj dite dhe ajo do rëndojë pafundësisht tek ju. Shpesh do ndiheni edhe pa rrugëdalje. Çdo gjë do ece mire sot ne jetën tuaj ne çift. edhe ne rast debatesh te vogla do dini si te dilni gjithmonë nga situata dhe do ruani qetësinë. Beqaret do kenë një dite te mbushur me mundësi për aventura te jashtëzakonshme, por do jete ne dorën e tyre sesa do duan te përfitojnë. Në punë duhet të bëni pak kujdes sepse vetëm ashtu do e ndërtoni rrugën e duhur nga e cila mund të arrini shumë lart. Buxheti nuk do jete ne gjendjen me te mire te mundshme kështu qe kujdes me çdo lloj shpenzimi.

SHIGJETARI

Dielli, Saturni dhe Urani do ndikojnë më së shumti gjatë kësaj dite dhe do përmirësojnë veçanërisht financat dhe jetën profesionale. Nëse jeni në një lidhje mund t’iu dalë edhe ndonjë problem i vogël, por pa pasoja shumë të mëdha. Mundohuni të kaloni sa më shumë kohë me partnerin dhe të dashuroheni pa dorashka me të. Ju beqaret do dëgjoni vetëm zemrën dhe do bëni çdo gjë që ajo do ju thotë. Do ndiheni mjaft mirë. Në punë do jetë ditë plot të reja dhe lajme të mira. Çdo gjë do ecë ashtu si e keni ëndërruar gjithmonë. Në planin financiar, pasi disa vështirësive çdo gjë ka për të ndryshuar.

BRICJAPI

Gjatë kësaj dite, nën ndikimin e Marsit do ktheni disa faqe të librit të jetës dhe do hapni disa të tjera. Do mendoni përherë përpara me optimizëm. Nëse keni një lidhje, gjithçka do shkojë më mirë sesa e prisnit. Do komunikoni më tepër me partnerin dhe do kaloni edhe momente pasionante. Mos e lini asnjë sekondë t’iu ikë dëm. Nëse jeni vetëm do keni ndryshime dhe surpriza. Duket se takimi i shumëpritur do të ndodhe sot. Në punë ka mundësi të ndërprisni çdo marrëdhënie me një koleg të vjetër dhe kjo gjë do ua vështirësojë pak gjërat në projektin që keni nisur. Marsi do iu mbrojë në planin financiar dhe ju mund të përfitoni të bëni edhe ndonjë shpenzim më shumë.

UJORI

Hëna sot do ndikojë pozitivisht në jetën tuaj dhe sidomos në atë sentimentalen. Do jeni edhe më socialë dhe më të ndjeshëm. Marrëdhënia me partnerin do jetë harmonike dhe do iu duket sikur jeni mbi re. Mund të flisni edhe për projekte afatgjata. Ju beqarët do keni një ditë të mbushur me emocione. Pritet që të filloni një lidhje të qëndrueshme dhe serioze më parë nga sa kishit menduar. Në punë do jeni edhe më të kujdesshëm dhe më të organizuar. Gjërat do iu ecin më së miri sot. Në sektorin financiar do keni probleme goxha të mëdha. Me pak fjalë do korrni atë që keni mbjellë. Tregohuni më të matur me shpenzimet sepse pasojat do i ndieni gjatë.

PESHQIT

Përmirësimi i marrëdhënies me ata që doni më shumë do jetë prioriteti juaj sot. Yjet në fakt do i keni mbështetje dhe nuk do ju ndodhin aspak probleme. Për ju që keni një lidhje do jetë një ditë shumë e rëndësishme. Mërkuri do iu krijojë një situate harmonike dhe gjithë kohës do përjetoni më shumë emocione. Do keni edhe një surprizë që do ju bëjë të ëndërroni më tepër. Ju beqarët mund të keni një takim shumë të veçantë i cili do iu lërë shumë mbresa. Përfitoni nga kjo mundësi që po iu jepet. Në punë do iu jepet mundësia të rregulloni çdo gjë. Marrëdhënia me kolegët do jetë më e mirë dhe do mbështesni njëri-tjetrin. Financat nuk do kenë probleme të mëdha falë maturisë suaj.

Alketës i është propozuar nga një prej ndjekësve të saj, që të realizojë një podcast me Arbanën, gjë për të cilën u duk se nuk ishte aspak kundër.

“Arbanën e duam në një podcast me ty dy (mbretëreshat) e ekraneve shqipfolëse“- i shkroi një ndjekës, ndërsa Alketa u shpreh e gatshme.

“Më shumë se e mirëpritur. Besoj do kishim shumë për të thënë, një brez, një fillesë, një pasion, bashkëkohëse të pandara që 14 vjec në media. Gjithmonë kam dashur të bëjmë diçka bashkë, e ftova dhe në Festival në 2020 por su bë dot e mundur. Duhet në fakt te dyja ta kemi një moment televiziv. Ta ideoj Arbana, unë e ndjek“- u shpreh Alketa.

Një 32-vjeçar me origjinë shqiptare ka humbur jetën pas një aksidenti të rëndë rrugor të ndodhur në orët e vona të pasdites në zonën Selva Piana të Mosciano Sant’Angelo, Itali.

Sipas mediave italiane, rreth orës 18:00, makina Fiat Punto me të cilën po udhëtonte 32-vjeçari, në një kryqëzim, për arsye ende nën hetim, u përplas me një Audi A3 që drejtohej nga një djalë 25-vjeçar.

Me sinjalizimin e alarmit, Forcat e Zjarrfikësve nga Komanda Teramo kanë ndërhyrë dhe kanë bashkëpunuar me personelin mjekësor për t’i dhënë ndihmë drejtuesit të mjetit Fiat Punto: i riu, pavarësisht masave reanimuese të marra, ka ndërruar jetë.

Nga ana tjetër, 25-vjeçari ka mbetur i plagosur dhe është transportuar në spital.

Për sa i përket fqinjit tonë Ballkanik, është më se e njohur dhe për këtë dëshmojnë arkivat e Ministrisë së Jashtme, se marrëdhëniet Shqipëri-Greqi arritën gati-gati nivelin e një konfederate, më 1925 dhe 1926.

Që nga koha e Esat Pashës dhe Ahmet Zogut, miku më i përzemërt i Shqipërisë jam unë.

Që nga mosha e foshnjërisë flas gjuhën shqipe, pse e ndjera nëna ime, që më rriti, nuk dinte greqisht. Ajo ishte vajza e më të madhit pasanik të Megaridës, Andon Birbilit, në shtëpinë e të cilit në Salaminë, la frymën e fundit mareshali i paharruar Gjergj Karaiskaqi.

Rrjedhimisht, gjysma e gjakut tim është shqiptar dhe jam krenar për këtë. Admiral Kundurioti, tre Nikolaidhët, gjyshi biri dhe nipi, gjeneral Konduli, admiral Saqellariu, heroi i nëndetëses “L.Kconi” V.Lasko dhe shumë grekë të tjerë të përzgjedhur, janë që të gjithë me origjinë shqiptare dhe janë të njohura shërbimet që ata i bënë atdheut.

Paparigopulos shkruan se nga të gjitha racat që erdhën në Greqi, përzierja me gjakun shqiptar prodhoi amalgamën e shkëlqyer. Hidriotët, Speciotët, Miaulët, Sahturi dhe mijërat e luftëtarëve të 1821-shit e deri më sot, dëshmojnë vërtetësinë e mendimit të Paparigopulit.

Më 1914, me fillimin e Luftës se parë Botërore, u ktheva në Greqi nga Franca ku kreva studimet dhe iu paraqita Eleftherios Venizellos, atëherë kryeministër dhe ministër i Ushtrisë, i cili më emëroi përgjegjës të shtabit në Divizionin e 8-të të Prevezës.

Venizellos më tha në mirëbesim se ka vendosur të pushtojë befasisht Epirin e Veriut (Gjirokastrën, Sarandën, Himarën, Vlorën, shënim i A. Llalla). “Kam bindjen se do t’ia dalësh mbanë, pse flet edhe gjuhën e shqiptarëve”, shtoi. Atëherë isha major, shkova në Prevezë dhe pas pak ditësh mora një urdhër sekret, ku divizioni urdhërohej të pushtonte Epirin e Veriut, duke zbarkuar në portin e Sarandës. Politikani i madh, theksonte në veçanti nevojën e mbajtjes rreptësisht sekretet nga italianët.

Operacioni u krye me rregull të plotë dhe u pushtua vija e vjetër në veri të Gjirokastrës. Kur pas pak ditësh shkova në Athinë, kisha natyrisht një kuvend të gjatë me kryeministrin dhe mbeta i befasuar se ky politikan demonik, që kishte vetëm tre vjet në Greqi, kishte kuptuar plotësisht rëndësinë jetike që kishte për Greqinë Çështja e Shqipërisë.

Mendimet dhe këndvështrimi i Venizellosit, qenë bazat kryesore, ku mbështeta politikën që zbatova më 1925, e cila veç të tjerash kishte si rezultat të dërgoheshin djelmosha shqiptarë në Athinë për të studiuar në shkollën e kadetëve dhe atë të marinës.

Në fillim të korrikut 1925, marrëdhëniet me Shqipërinë u gjendën para krizës, për shkak të Çështjes së Çamërisë. Përfaqësuesi i Shqipërisë erdhi në zyrën time dhe më njoftoi se autoritetet greke në mënyrë të dhunshme, dhe pa marrë parasysh marrëveshjen, dëbojnë banorët shqiptarë të asaj zone (Çamërisë shënim A. Llalla) dhe nëpërmjet detit i dërgojnë në Azinë e Vogël dhe kundërshtimeve të tyre u përgjigjen duke u thënë se ata janë të shkëmbyeshëm.

Shqyrtova dokumentet përkatëse dhe u binda që deklarimi i ministrisë së jashtme greke nuk qëndronte, pasi Marrëveshja e Lozanës përcaktonte prerë se shqiptarët muhamedanë të Epirit konsideroheshin minoritet dhe jo të shkëmbyeshëm, si turqit e Thrakës, e të tjerë. Për sqarim më të plotë të çështjes, i telefonova ambasadorit tonë në Londër, Kaklamonos, i cili kishte përfaqësuar Greqinë gjatë hartimit të Marrëveshjes së Lozanës dhe ai m’u përgjigj pa ngurrim se çamët nuk janë të shkëmbyeshëm dhe rrjedhimisht vendimi i ministrisë së jashtme nuk qëndronte.

Thirra me një herë drejtorin përkatës dhe ai tha diçka që më la me gojë hapur:

“Formalisht shqiptarët kanë të drejtë, mirëpo arsyet emergjence dhe qëllimi kombëtar na detyrojnë të dëbojmë shqiptarët për t’u zbrazur fshatrat e tyre dhe për t’u vendosur refugjatët tanë homogjenë që kanë ardhur nga Azia e Vogël. Nuk ia vlen të merremi me 5-6 mijë palo shqiptarë (“shqiptarë të këqinj” shënim i. A. Llalla) zoti Kryetar.”

Mezi e mbajta veten dhe nuk e nxora përjashta me shkelma diplomatin. Ndërkaq, sipas raporteve të autoriteteve policore në Epir po luhej një dramë e vërtetë; fshatarët duke qarë ndaheshin nga shtëpitë e tyre, ku kishin lindur dhe jetuar ndër shekuj dhe hipnin në anijet që do t’i shpinin në Azinë e Vogël. Dhashë urdhër të zbriten dhe të kthehen të lirë në fshatrat e tyre.

Shqiptarët, ashtu si gjithë popujt e pazhvilluar, kanë dobësi serioze, por kanë edhe virtyte të shkëlqyera. Ky fakt ishte shkaku që ndërmjet dy vendeve tona u vendosën marrëdhëniet kaq të përzemërta, të cilat morën, siç do shohim, pothuaj trajtën e një konfederate. Mbreti Ahmet Zogu, nëpërmjet një letre të ngrohtë, më shprehte mirënjohjen, që siç thoshte, nuk do ta harronte kurrë.

Dhe vërtetë, deri në ditën e largimit të tij nga froni, sa herë që vinte ndonjë përfaqësues shqiptar në Greqi, me porosi të Zogut, vinte dhe në shtëpinë time dhe më sillte përshëndetjet e Mbretit, duke më thënë në shqip “Vëlla i madh”. Dhe unë atëherëë nuk isha veç një gjeneral i çmobilizuar. Kjo është ajo që në shqipe quhet “Besa”.

Po t’i hedhim një vështrim të shpejtë në hartën e Ballkanit, mjafton për të kuptuar rëndësinë strategjike të Shqipërisë.

Për Greqinë, një Shqipëri mike dhe aleate përbënë një mburojë natyrore të madhe, kundër çdo sulmi nga Veriu.

Kur u vendosën marrëdhëniet miqësore dërgova si ambasador të Greqisë në Tiranë gjeneralin Aleksandro Konduli, bashkëqytetar i imi që dinte shkëlqyeshëm jo vetëm shqipen tonë, atë të Shqipërisë së Jugut, por edhe idiomat e gegëve. Brenda një kohe të shkurtër Konduli arriti të fitojë miqësinë e mbretit shqiptar, Ahmet Zogut, shkruante gazeta “Akropolis”, në gusht të vitit 1949, transmeton 27.al.

Brenda vitit u nënshkruan katër marrëveshje ndërmjet të dy vendeve; ajo konsullore, nënshtetësisë, bashkëpunimi tregtar dhe detar, për dërgimin e kriminelëve e të tjera. Përveç këtyre marrëveshjeve, kishin përparuar shumë bisedimet e fshehta.

Kufiri në mes të dy vendeve, në të vërtetë ishte hequr dhe djemtë shqiptarë siç e thashë dhe më sipër, u dërguan për studime në shkollën e kadetëve dhe atë detare. Në korrik 1926, pas bisedimesh të gjata, gjenerali Konduli arriti në marrëveshjen përfundimtare për çështjen e Bankës së Shqipërisë, Mbreti Zog pranoi si aksionere Bankën e Greqisë me 25% të aksioneve.

E kuptoni rëndësinë e madhe të këtij fakti. Nuk diskutohet fare se, po të ndiqej një politikë e studiuar dhe e qëndrueshme ndaj Shqipërisë, Shqipëria do të ishte jo armike, por do mund të ishte mikja më e mirë, më e çmuar dhe e vetmja besnike e Greqisë në Ballkan. Nga pikëpamja racore shqiptarët nuk janë as mongolë, as sllavë, as turq. Është historikisht e vërtetuar se ata janë ilirë, pasardhës të pellazgëve.

Shqiptarët nuk kanë asgjë të përbashkët me italianët, me serbët, bullgarët, por përkundrazi, gjaku, traditat dhe zakonet, i ndërlidhin ngushtë me popullin grek.

Miauli, Kundurioti, Sahturi, Odiseas Andruços dhe mijëra grekë të tjerë me origjinë shqiptare luftuan me heroizëm për pavarësinë e Greqisë në kryengritjen e 1821.

Profesori i Universitetit të Mynihut, historiani Hertzbert, në librin e tij mbi historinë e kryengritjes, shkruan ndër të tjera: “Pak ditë pas ngritje së flamurit të kryengritjes, në prill 1821, 1.500 shqiptarë të krishterë, banorë të fshatrave të Dervenit, u mobilizuan nënkomandën e Haxhi Meletit në Korinth kundër Qamil Beut të tmerrshëm”.

Nuk qenë shqiptarë ushtarët që përmend Hertzberti, por ishin shqipfolësit gjyshërit e stërgjyshërit tanë që banonin në Vila, Kindira, Mandra, Elefsina. Qenë gjyshërit e gjeneralëve Nikolaidhit, Kondulit, Roka, të autorit të këtyre rreshtave, të admiralit Sakelariut, të heroit kombëtar Laska, dhe kaq e kaq grekëve të zgjedhur, me origjinë shqiptare.

A nuk kisha të drejtë, kur dëgjova drejtorin e përgjithshëm të thoshte, “paloallvani” (“shqiptar i keq”, shënim i A. Llalla) të thosha dhe unë se ministria e jashtme ishte një çmendinë? Kur fliste kështu drejtori i përgjithshëm, e marrë me mend se si qenë vartësitë e tij të afërt. Askush nuk e di se çfarë të papriturash na ruan e ardhmja.

E gjykova si detyrë të bëja përshkrimet e mësipërme, që të mësojë populli grek pamjen e përgjithshme të problemit. Nuk jam dakord me atë pjesë të shtypit, që shan dhe përbuz popullin shqiptar. Kam bindjen e patundur se shumica dërrmuese e popullit shqiptar nuk mban asnjë lloj përgjegjësie për prirjen kundër greke të qeverisë komuniste.

Jam i sigurt se shumica dërrmuese e shqiptarëve nuk i dinë as si emra Marksin, Leninin, Stalinin e të tjerët.

Ne vitin 1877 – 1878 ushtria serbe nderrmori nje sulm frontal e te ashper mbi Sanxhakun e Nishit…

Asokohe e gjithë kjo zone sot ne Serbi, jetohej nga shqiptaret….

Nena, baballare gjysher, femije fare te vegjel u detyruan te lene shtepite e tyre….

Mese 740 fshatra dokumentohet te jene boshatisur nga banoret e tyre autoktone shqiptare.

Sot ne kete hapsire disa mijera kilometra katrore zyrtarisht nuk ka me shqiptare, madje askush nuk lejon qe te flitet per ta dhe historine e dikurshme

Cfare ndodhi me shqiptaret e Sanxhakut te Nishit dhe cilat jane gjurmet qe nuk jane shuar ende edhe sot….

Një hulumtim i fortë, per te zbuluar te vertetat e kesaj zone… Ku shkuan shqiptaret ? Cfare ka mbetur pas ? Perse strukturat perkatese u shqetesuan nga kerkimet tona ?

Një djalë nëntë vjeçar është gjetur i mbyllur në një dhomë të errët prej dy metrash katrorë. Ngjarja ka ndodhur në Belgjikë, dhe sipas dyshimeve thuhet se i mituri mund të ketë qëndruar në këtë ambient për disa muaj.

Sipas asaj që shkruajnë mediat e huaja, nga hetimet e policisë, dyshohet se fëmija është mbyllur nga nëna e tij dhe njerku.

“Ishte në një hapësirë ​​shumë të vogël, dy metra katrorë. Ishte mbyllur atje, në errësirë ​​për javë, madje edhe muaj. Fëmija lejohej të dilte vetëm për të ngrënë. Nuk janë shfaqur shenja të kequshqyerjes apo dëmtime fizike. Do të kryhen teste më gjithëpërfshirëse për të vlerësuar në thellësi gjendjen e tij shëndetësore”, komentoi zyra e prokurorit të Charleroi.

Nëna dhe njerku i fëmijës që u arrestuan, akuzohen për rrëmbim, privim nga ushqimi, dhunë dhe trajtim çnjerëzor dhe poshtërues.

Policia e Tiranes ofroi 5 mije euro shperblim per qytetaret qe ndihmojne identifikimin e ketyre personave.

Ditën e sotme, më datë 06.01.2024, jemi njoftuar për një vjedhje, të mbetur në tentativë, gjatë orëve të para të mëngjesit, në zonën e shërbimit 24/7 të klientëve, në një institucion financiar në kryeqytet.

Nga veprimet e para hetimore të kryera në vendngjarje, janë sekuestruar pamjet filmike me fotot e autorëve të dyshuar.

DVP Tiranë fton qytetarët që të japin informacion për autorët e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorëve.

Drejtoria Vendore e Policisë Tiranë vendos në dispozicion të qytetarëve, numrat e telefonit +355 69 41 55 554, dhe +355 69 41 12 208 duke garantuar anonimatin e plotë të çdo telefonuesi.

Dy të rinj nga Kosova, të nisur nga Gjermania drejt vendlindjes, humbën jetën në një aksident të rëndë në Hungari.

28-vjeçari Kushtrim Hoxha nga Prizreni dhe bashkëshorti i motrës së tij, Jetmir Rexhepi rreth 30 vjeç, u kishin shkruar të afërmve të tyre vetëm 20 minuta përpara ngjarjes tragjike, për t’u thënë se ishin mirë.

Xhaxhai i njërës prej viktimave u tha mediave në Prishtinë tregoi mesazhin e 28-vjeçarit: Mos flini, se unë po arrij. Ai shpjegoi se pas aksidentit, Kushtrimi është dërguar me urgjencë në spital por nuk ka arritur t’i mbijetojë plagëve të rënda. Ndërsa për Jetmirin, nuk mund të bëhej më asgjë, pasi trupi i tij është djegur bashkë me mjetin e përfshirë nga flakët pas përplasjes.

Failjarëve do t’u duhet të shkojnë në Hungari për të marrë trupat, u shpreh xhaxhai, duke shtuar se Kushtrimi la pas një vajzë vetëm 4-muajshe, ndërsa Jetmiri djalin një vjeçar. Të afërmit e viktimave pohojnë se ende nuk janë sqaruar mbi rrethanat e aksidentit