Month: January 2024

Një 25-vjeçare rrëfen për “Dear Deidre”, rubrikën e “The Sun”, vështirësitë me të cilat u përball bashkë me bashkëshortin pas pandemisë, si dhe zbulon varësinë ndaj seksit, i cili po “i nxjerr” nga situata.

“Jemi ngushtë nga paratë, sepse bashkëshorti im humbi punën për shkak të pandemisë. Kështu, unë sugjerova që të bëja seks me pronarin e shtëpisë ku po qëndrojmë, në vend që të paguajmë qiranë.

Për habinë time, bashkëshorti pranoi. Pasi diskutova me të ndihesha shumë e emocionuar.

Unë jam 25 vjeç dhe jam e varur ndaj seksit. Kam pasur shumë partnerë në të shkuarën, ndërsa bashkëshorti im 30 vjeç, ka kryer marrëdhënie vetëm me një vajzë: me MUA.

Të nesërmen shkova në zyrën e pronarit dhe nuk humba kohë për ta vënë në punë ofertën time. Ai ishte shumë i lumtur dhe ra dakord menjëherë.

Në përfunduam duke bërë seks në dhomën e tij dhe të jem e sinqertë, ishte seksi më i mirë që kam pasur ndonjëherë.

Kur u ktheva në shtëpi, bashkëshorti e dinte ç’kishte ndodhur, por nuk më pyeti e as më kërkoi detaje dhe unë nuk thash gjë.

Nga njëra anë, gjërat nuk mund të kishin shkuar më mirë, pasi qiraja paguhet dhe unë me bashkëshortin jemi të lumtur.

Por kam filluar të shqetësohem se nuk mjaftohem nga bashkëshorti im. Prandaj, do të doja që t’i çoja gjërat në një tjetër nivel duke i sugjeruar që të kishim një martesë të hapur.

Jam e shqetësuar se nëse ai thotë ‘jo’ unë do të mërzitem. Po nëse ai thotë po, a do të prishet raporti mes nesh?”

“Dear Deidre” është përgjigjur:

“Kjo situatë mund t’ju shkëpusë lehtësisht nga partneri juaj, pavarësisht se tani për tani ndiheni mirë me njëri-tjetrin.

Nëse ai mendon se nuk është i mjaftueshëm për ju, kjo mund të shkatërrojë vetëvlerësimin e tij, i cili tashmë mund të jetë i brishtë për shkak se ka humbur punën.

Tani dinamika në marrëdhënien tuaj ka ndryshuar, ju duhet të uleni dhe të flisni sinqerisht me të.

Nëse keni mendime të ndryshme seksuale, duhet t’ia tregoni njëri-tjetrit dhe të arrini të bëni një kompromis.

Ndoshta në vend që të bëni seks me njerëz të tjerë, ju mund të ndani fantazitë tuaja me bashkëshortin për të kuptuar jetën tuaj seksuale.

Por, duke bërë seks me dikë tjetër rrezikoni të përhapni edhe koronavirusin. Bëni kujdes, sepse nëse do të donit të paguanit sërish qiranë me para, mbase pronari nuk do të pranojë, prandaj mendojini mirë gjërat”.

Në Dragot të Tepelenës jeton në kushte të mjerueshme, invalidi Kalo Kalaj me bashkëshorten. Janë të dy pa punë dhe pa shtëpi. 58-vjeçari tregon se pensioni prej 7 mijë lekësh në muaj nuk i mjafton as për ilaçe

Çifti Kalaj jeton në qiell të hapur për shkak të pamundësisë për të siguruar një strehë.

58-vjeçari Kalo Kalaj banor i fshatit Dragot në Tepelenë është i paaftë për punë ndaj trajtohet me pension invaliditeti prej 7 mijë lekësh në muaj.

Jeton në këtë ngrehinë, me katër mure pa çati mbi krye. Kishte nisur ta ndërtonte shtëpinë e re para disa vitesh, por një aksident rrugor i ndërpreu ëndrrën për të punuar e gëzuar një shtëpi të re.

“Jam invalid, kam protezë në këmbë. Skam të ardhura. 7 mijë lek marr KEMP. Jetoj në qiell të hapur! Kam pasur shtëpi të vjetër dhe është shembur nga koha dhe nuk kemi më mundësi t’i ndërtojmë me 7 mijë lek.’- thotë ai.

Kalo me bashkëshorten flenë në dysheme, ndërsa me bukë i mbajnë të afërmit. 58-vjecari ka pësuar aksident para tre viteve, duke mbetur sakat. Edhe e shoqja është e papunë. Të ardhurat e kësaj familje janë 10 mijë lek në muaj, 7 mijë pension invaliditeti dhe 3 mijë asistencë sociale.

“Edhe me bukë më mbajnë shoqëria e miqësia. Edhe gruaja është pa punë… me 7 mijë lekë të pensionit tim jetojmë të dy. Ne bukë thatë hamë, me të falur. Edhe për Vit të Ri dy kofsha pule. Ç’na ka dhënë shoqëria jo se kemi mundësi të blejmë”.- thotë ai.

Një copë llamarine e mbron nga shiu, ndërsa plastmaset për t’u mbrojtur nga era pasi fshati Dragot ndodhet nën rrymën e Grykës së Këlcyrës.

Çfarë kërkon?

‘Shtëpi kërkoj se me 7 mijë lek nuk kam ça bëj. Ça shteti kemi ne? Po të isha i saktë, nuk i doja ato lek, por jam sakat. Kërkoj një strehe dhe një pension invaliditeti më të lartë. Në prill duhet të shkoj tek KEMPI EPROR në Tiranë për të bërë dokumentet. Më shkojnë 1 milionë e gjysmë lek për të bërë dokumentet e për ta marrë përsëri në prill se mund të ma heqin dhe atë.’- tha ai.

Edhe pse ka kërkuar ndihmë, bashkia e Tepelenës nuk i ka siguruar banesë, por vetëm asistencën. Përmes Report TV invalidi Kalo Kalaj apelon për ndihmë.

“Shteti të vërë dorën në zemër se jemi njerëz!”.- u shpreh ai.

SPAK ka njoftuar Jamarbër Malltezin dhe Sali Berishën për ti marrë nesër në pyetje si persona nën hetim për çështjen “Partizani”.

Ndërkohë avokatët e tyre, përmes një shkrese publike kanë renditur arsyet se Malltezi dhe Berisha nuk do të mund të marrin pjesë në seancë.

Sipas tyre:

Si mbrojtes  i Zotit Sali Berisha ne procesin penal ndaj ti dhe shtetasit Jamarber Malltezi gjithashtu ju vë me dijeni si me poshte!

– Zoti Jamarber Malltezi eshte njoftuar dje me date 15.01.2024 me “Ftesen per paraqitje” nr 287. Date 11.01.2024 me ane te ciles ftohet per tu pyetur ne SPAK me date 17.01.2024, dite e merkure, ora 10.00 tek Prokuroret Enkeleda Millonai dhe Arben Kraja! Kjo ftese eshte nenshkruar rregullisht nga shtetasi Jamarber Malltezi per marrjen dijeni!

– Zoti Sali Berisha eshte njoftuar dje me date 15.01.2024 me “Ftesen per paraqitje” ne 287, date 11.01.2024 me ane te se ciles ftohet per tu pyetur ne SPAK me daten 18.01.2024, dite e enjte, ora 10.00 tek Prokuroret Enkeleda Millonai dhe Arben Kraja! Kjo ftese eshte nenshkruar rregullisht nga Zoti Sali Berisha per marrjen dijeni!

Duke qene se mbrojtesit si te zotit Sali Berisha ashtu edhe te Zotit Jamarber Malltezi e kane te pamundur pjesemarrjen ne te dyja seancat e pyetjeve per shkaqe objektive pune dhe familjare dhe duke konsideruar se kjo pjesemarrje eshte e domosdoshme ata (avokatet) i jane drejtuar SPAK me kerkese per shtyrjen e pyetjes se shtetasve te mesiperm per javen ne vijim ne nje nga ditet qe ata do ta çmojne te pershtatshme!

Me respekt Avokatet e Zotit Sali Berisha dhe Jamarber Malltezi!

Gëzim Rizani është i riu që humbi jetën në aksidentin tragjik që ndodhi mëngjesin e djeshëm te Kthesa e Rinasit.

32-vjeçari po udhëtonte me një mjet tip “Skoda” kur u përplas me një kamion dhe një mjet tip “Benz” te Kthesa e Rinasit në drejtim të Fushë-Krujës.

Ka dyshime se shkak për aksidentin tragjik ku humbi jetën 32-vjeçari është bërë një parakalim i gabuar prej tij.

Ai po udhëtonte bashkë me 3 pasagjerë, që mbetën të plagosur nga aksidenti tragjik dhe ndodhen në spital. 32-vjeçari Gëzim Rizani ishte nga komuna e Lipjanit, Kosovë.

https://web.facebook.com/petrit.gashi.ks/posts/1443969102882915?ref=embed_post

Dalin pamjet e momentit kur forcat e FNSH dhe RENA ushtruan kontrollin në shtëpinë e vëllait të Ejlon Hatos.

Siç shihet në video, forcat e policisë mbërrijnë në një fshat të Shkodrës me furgona dhe rrethojnë banesën e Elkier Hatos në orët e para të mëngjesit të sotëm (16 Janar).

Një prej efektivëve të FNSH-së ngjitet mbi avlli dhe pret telat me gjemba nga të cilat rrethohet shtëpia.

Sipas vëllait të shumëkërkuarit kanë qenë mbi 50 forca policie që kanë kryer kontroll të befasishëm në banesën e tij, teksa tregoi se kanë qëlluar edhe mbi qentë që ndodheshin brenda rrethimit të shtëpisë, duke vrarë një prej tyre.

Uniformat blu raportohet se kanë zhvilluar operacionin pasi kishin informacion se miku i Ervis Martinaj ditën e fundit ndodhej në banesë. Por, sipas tyre, në operacionin e monitoruar nga SPAK, kur mbërritën në shtëpinë e të shumëkërkuarit janë ndeshur me 2 qen të rracës kangal, të cilët kanë qenë të zgjidhur.

Fillimisht efektivët kanë futur brenda banesës qentë e tyre, të cilët u kacafytën me qentë e banesës duke u bërë rrezik për njerëzit, ndaj neutralizimi i tyre ishte opsioni i vetëm.

Policia ka gjetur prova që ngjallin dyshime se Eljon Hato ka qenë në banesë dhe është larguar para mbërritjes së policisë duke i lënë qentë e lëshuar.

Vëllai i Eljon Hatos, Elkier Hato është shprehur se ndihen të terrorizuar dhe se i vëllai i tij nuk ndodhej në banesë.

“Rreth orës 5:30 kanë ardhur gjashtë mikrobuza policie. Kanë hypur në majë të murit dhe kanë qëlluar me armë qentë. Njërin e kanë vrarë dhe tjetrin e kanë plagosur. është e disata herë që vijnë këtu dhe unë nuk e di arsyen përse vijnë në këtë vend. Sa herë që kanë ardhur këtu nuk e kanë gjetur Eljonin. Unë i kam thënë se ku jeton Eljoni dhe nuk shkojnë atje ku ka shtëpinë e tij por vijnë direkt këtu”, tha ai.

Elkier Hato ka hedhur akuza ndaj shefit të komisariatit të policisë së Shkodrës, Idriz Daulle .

“Mendoj se është e qëllimshme se me informacionet që kam di se është duke e bërë shefi i komisariatit gjithë këtë gjurolldi. A është paguar prej kujt apo e bën për miqësi të ndokujt këtë nuk e di. Jam i bindur 1 mijë përqind se këtu ka dorë dikush”, shprehet 39-vjeçari.

“Po bërtisja sepse më përdhunoi fëmijën dhe ai po tallej me mua. Po e futa në shtëpinë time, po e ndihmoja financiarisht dhe ai më shkatërroi fëmijën dhe jetën tonë”.

Me këto fjalë, 50-vjeçari që vrau kunatin dhe përdhunuesin e vajzës së tij 18-vjeçare, ka dëshmuar në gjykatë. 50-vjeçari, i cili u lirua përkohësisht përshkroi të gjithë “makthin” e nisur më 7 janar, kur u informua nga pronarja e vajzës së tij se qiraja e banesës në qytetin ku ajo studionte nuk ishte paguar.

Në bisedën mes babait dhe vajzës, nga 18-vjeçarja u zbulua se paratë ia kishte marrë një person që e kishte abuzuar dhe përdhunuar seksualisht në të kaluarën dhe tani e kërcënonte se nëse nuk ia jepte paratë do t’i zbulonte familjes dhe gjithë botës foto që kishte në posedim. Pa i zbuluar personin që e ka dhunuar dhe shantazhuar, 50-vjeçari ka mbështetur vajzën e tij dhe i ka qëndruar në krah. Ai nuk e mendoi për asnjë moment mjedisin e mbyllur shoqëror ku jetonin dhe i kërkoi të bënte padi, ndërkohë që i kërkoi një psikolog.

Ai fajësoi veten për faktin se nuk e kishte kuptuar se çfarë kishte ndodhur dhe çfarë po përjetonte fëmija i tij për kaq shumë vite. Ai u fiksua për të zbuluar se kush kishte abuzuar seksualisht dhe përdhunuar vajzën e tij. Mëngjesin e së martës së kaluar, 18-vjeçarja më në fund zbuloi identitetin e përdhunuesit të saj.

“E kam mbështetur, e kam ndihmuar financiarisht, e kam futur në shtëpinë time dhe më ka dhunuar fëmijën. Gjendjes sime të rëndë mendore iu shtua ndjenja e tradhtisë”.

Ai vendosi t’i kërkonte shpjegim kunatit por duke ditur të kaluarën e tij të dhunshme, ai mori me vete edhe pushkën që posedon ligjërisht. Ai nuk e telefonoi vetë 33-vjeçarin pasi nuk kanë pasur shumë kontakte, por ka njoftuar gruan e tij dhe i ka kërkuar që ta ndihmojë të ndryshojë gomën e makinës pranë hyrjes së Volos. 33-vjeçari ka parkuar makinën në krahun e kundërt të rrugës, e ka kaluar dhe është nisur drejt 50-vjeçarit që ndodhej në anën e kundërt të rrugës. 50-vjeçari kur e pa i bërtiti:

“Pse më përdhunove dhe ma shkatërrove vajzën”.

Viktima pavarësisht se e ka parë armën që ka mbajtur kunati i tij, jo vetëm që nuk ka dhënë asnjë shpjegim, por përkundrazi ka buzëqeshur me hidhërim dhe duke vrapuar, duke ndryshuar vazhdimisht drejtime, ka tentuar ta sulmojë dhe t’i rrëmbejë armën.

Një operacion policor për kapjen e të kërkuarit Eljo Hato, i organizuar nga Drejtoria e Policisë Shkodër dhe Forcat e Ndërhyrjes së Shpejtë, ka sjellë një ngjarje të rëndë brenda ambienteve të banesës së tij, që ndodhet në fshatin Grude e Re në Shkodër.

Në momentin e zbatimit të këtij aksioni nuk ka pasur asnjë person në shtëpi, por policia ka kapërcyer tek muret duke u ndeshur në një rezistencë të paprecedentë.

Gjatë aksionit për kapjen e Hatos, policia ka hyrë në ambientet e oborrit dhe shtëpisë, por është përballur me qëndresën besnike të dy qenve që ndodheshin në shtëpi, shkruan Ora News.

Policia nuk ka pritur të vinin të zotët e shtëpisë dhe të lidhnin qentë, por ka hyrë duke përdor armët.

Dy qentë kanë bërë rezistencë duke mos lejuar policët të hynë në banesë.

Disa nga policët e FNSH kanë hapur zjarr me automatik, duke sjellë vrasjen e menjëhershme të njërit prej qenve.

Ndërsa qeni tjetër është plagosur, duke pësuar gjakderdhje të madhe.

Pamjet filmike, tregojnë pamje dramatike dhe shumë të rënda nga ajo që ka ndodhur në banesën e Eljo Hatos në Grudë të re.

Kjo është një pamje e shkaktuar pas largimit të policëve nga shtëpia, të cilët nuk gjetën asnjë send të paligjshëm dhe aq më tepër nuk arrestuan Eljo Haton.

Njëri nga qentë është plagosur rëndë dhe pas largimit të policëve, ka hyrë në ambientet e shtëpisë duke përgjakur të gjitha mobiliet, orenditë dhe ambientet e brendshme të shtëpisë.

Qeni që i shpëtoi plumbave të policisë, tashmë është dërguar në një veteriner për kurim.

Ndërsa policia u tërhoq nga ambientet e shtëpisë pa një rezultat pozitiv, por vetëm me 1 qen të vrarë dhe 1 të plagosur.

Mësohet se vëllai i Eljo Hatos, është paraqitur ditën e sotme në Agjencinë e Mbikëqyrjes Policore në Shkodër, duke kallëzuar veprimet e policisë dhe FNSH, për vrasjen e njërit qen, plagosur qenin tjetër dhe shkatërruar shtëpinë.

Eljo Hato, rezulton i shpallur në kërkim ndërkombëtar nga SPAK, qysh në muajin Korrik 2023, gjatë operacionit “Metamorfoza”.

Eljo Hato, akuzohet për ngjarjen e vitit 2019, për tentativën e vrasjes së Taulant Pepaj në Shkodër.

Hato është mik i ngushtë i biznesmenit të lojërave të fatit Ervis Martinaj, për të cilin prej më shumë se një vit nuk dihet asgjë rreth fatit të tij.

Sot më 16 janar 2024, dollari amerikan blihet me 94.4 lekë dhe shitet me 95.3 lekë.

Euro blihet me 103.5 lekë dhe shitet 104.3 lekë.

Paundi britanik sot blihet me 119.8 lekë dhe shitet me 121 lekë.

Franga zvicerane këmbehet sot në blerje me 110.1 lekë, ndërsa në shitje me 111.1 lekë.

Dollari kanadez sot në blerje këmbehet me 70 lekë dhe në shitje me 71 lekë.

Ende pa kaluar 72 orë nga nisja e spektaklit më të ndjekur Big Brother Vip 3, në shtëpinë më të famshme kanë nisur intrigat, debatet dhe aleancat mes banorëve.

‘Prime’ i ditës së nesërme premton spektakël. Ashtu sikurse u paralajmërua natën e parë, nesër shtëpisë do t’i shtohen 6 banorë të rinj, personazhe VIP nga fusha të ndryshme.

Aktualisht në BBV3 janë 18 banorë të cilët kanë ndezur debate ende pa u njohur me njëri-tjetrin. Rikja është përplasur me Julin dhe Gazin, Roza Lati me Ledjonën, Egla me Ilnisën, por jo vetëm.

Big Brother Vip Albania nuk është thjesht një reality show televiziv i zakonshëm. Në Shqipëri ky program është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse.

Jeta e personazheve VIP mbahet nën vëzhgim nga 100 kamera dhe shumë mikrofona që ndodhen të të gjitha ambientet.

Big Brother Vip vjen nën moderimin e Ledion Liços, shoqëruar nga dy opinionistët zyrtarë Arbër Hajdari dhe Ori Nebiaj, netët e spektaklit premtojnë të jenë të gjata dhe plot surpriza.

Dashi

Dita nis mirë, planetët e dashurisë duan të lënë shenjën e tyre dhe t’ju mbushin me emocione. Mbrëmje magjike për çiftet. Ndikimet pozitive yjore shpalosin lajme të habitshme edhe për beqarët, po vijnë takime dhe histori të reja premtuese. Ju keni çdo mundësi për të filluar një karrierë profesionale. Yjet ju mbështesin.

Demi

Pasiguritë në fushën e dashurisë janë shpesh rezultat i imagjinatës suaj dhe ndoshta partneri/ja nuk ka faj. Beqarët do të jenë në gjendje të ndërmarrin iniciativën për një njohje të re me një person. Puna është shumë e ngarkuar dhe do t’ju duhet të shkarkoni tensione të grumbulluara. Merrni një pushim.

Binjakët

Nëse jeni çift dhe keni një situatë të jashtëzakonshme që duhet të ndërmerrni një hap të rëndësishëm që nuk mund të bëni për shkak të pasigurisë, do të keni një ditë të favorshme për paqe. Kush është i vetmuar nuk do të mendohet gjatë për takime, të cilat do jenë interesante dhe të papritura. Situata në punë paraqitet e qetë, nuk ka lajme të mrekullueshme, por një rutinë që nuk ju intereson.

Gaforrja

Të reja në sektorin privat, sot dashuria ju rezervon disa surpriza të bukura dhe më në fund do të kurorëzoni një ëndërr që keni dëshiruar gjatë. Projektet e dasmës ose një fëmijë janë në vendin e parë! Hëna favorizon beqarët që duan të ndryshojnë status, mos humbisni marrëveshjet e mira. Në punë ju do të keni për të industrializuar veten nëse doni të arrini një buxhet të mirë, shumë mundësi do të vijnë para jush.

Luani

Së fundi një panoramë mjaft e favorshme astrale: sot do të jetë një ditë e veçantë, marrëveshja me të dashurin/ën do të jetë në krye dhe do të ndiheni në qiellin e shtatë! Për beqarët, janë parashikuar shumë takime interesante të cilat synojnë ndryshimin e së ardhmes. Sot ju do të ndiheni të ngarkuar, do të vini në punë të gjithë forcën tuaj.

Virgjëresha

Nga sot një valë e re pasioni do të investojë te ju dhe do të jeni në gjendje të tërhiqni me vete edhe partnerin/en tuaj. Kur doni ju me të vërtetë, mund të bëni gjithçka! Zemrat e vetmuara do të synojnë tërheqjen e vëmendjes së dikujt që kohët e fundit ka ngjallur kuriozitetin e tyre. Është ende herët për vendime të rëndësishme në biznes, merrni kohën tuaj, mendoni përpara se të vendosni.

Peshorja

Dashuria është në qiellin e shtatë për ata që janë në një marrëdhënie. Nëse keni një histori dashurie klandestine, kushtojini vëmendje vështirësive të turpshme. Mbrëmje harmonike për çiftet e testuara mirë tashmë. Beqarët do të jenë të tërhequr për risitë dhe situatat e pazakonta, favorizohen takime me njerëz të rinj. Jini pozitiv dhe përballoni të ardhmen me qetësi. Së shpejti do të keni interesa të reja për t’u kujdesur në punë dhe do të jeni shumë të zënë.

Akrepi

Kujdes nga zilia e disa njerëzve të afërt. Komunikoni më shumë me partnerin/en tuaj për të rikthyer jetën e mirë si çift dhe për të rivendosur harmoninë. Beqarët sot duhet të jenë të kujdesshëm për të mos marrë vendime, mund të bien në situata të paqarta dhe s’do dinë si të veprojnë. Përpiquni të bëheni më shumë praktik dhe mos të përqendroheni në projekte të paarritshme. Shikoni realitetin.

Shigjetari

Dashuria do të jetë e guximshme, aventureske dhe argëtuese. Do të jeni në harmoni të plotë me partnerin/en, edhe pse ndonjëherë do ndjeheni si të pakënaqur dhe do t’ju duhet të ankoheni. Beqarët do të kërkojnë aventura të reja, por do t’ju duhet të presin për të gjetur shpirtin binjak. Sot do të keni një mijë mundësi për të kërkuar më shumë për veten tuaj dhe për të kultivuar ide dhe projekte të reja.

Bricjapi

Jeni akoma në kohë nëse dëshironi të rikuperoni atë që është në zemrën tuaj, ju mund të krijoni strategji më të mira për t’u shfaqur përsëri intrigues në sytë e të dashurit/ës. Beqarët sot mund të organizojnë një takim me miqtë për të shkëputur veten nga rutina. Do të keni shumë kënaqësi dhe do të jeni gati për t’u përballur me një test të ri. Jini të vendosur dhe kujdesuni për çdo detaj.

Ujori

Sot do të jetë një ditë e mbushur me surpriza të këndshme, marrëdhënia vazhdon me hapa të mëdhenj dhe do të ndjeheni të lumtur më në fund! Beqarët do të jenë në gjendje të mendojnë për fillimin e një historie të re me një person që kanë njohur kohët e fundit. Ofertat e punës nuk do të mungojnë dhe do të keni më shumë se një mundësi për të zgjedhur. Qëllime të reja në horizont.

Peshqit

Tensionet dhe disponimi i keq mund të karakterizojnë jetën e një çifti. Jini pajtues nëse doni ta ruani marrëdhënien tuaj, nganjëherë një sqarim i papritur mund të ndryshojë gjithçka. Beqarët sot do të jenë tmerrësisht romantikë dhe do të jenë në gjendje të jetojnë përvoja shumë intensive. Mundësi të mira pune, por jini të kujdesshëm në vendimet që duhet të bëni.