Month: January 2024

Chelsea fitoi 1-0 ndaj Fulhamit në Premier League, por ajo që tërhoqi vëmendjen në ‘Stamford Bridge” ishte këngëtarja shqiptare, Dua Lipa.

Chelsea fitoi 1-0 ndaj Fulhamit në Premier League, por ajo që tërhoqi vëmendjen në ‘Stamford Bridge” ishte këngëtarja shqiptare, Dua Lipa. Kjo e fundit ishte në tribunën e stadiumit dhe besohet se prania e saj lidhej me promovimin e filmit “Argylle”, ku është protagoniste bashkë me Henry Cavill dhe Bryce Dallas Houard.

Bashkë me të ishin edhe një grup personash, që besohet se janë kast i filmit dhe ishin pozicionuar mbrapa pankinës së Chelseat, teksa rreth minutës së 20 ata u ngritën të gjithë duke lexuar libër, për të tërhequr vëmendjen.

Veprime të tjera ishin edhe parja e orës në të njëjtën kohë, apo imitimi i procesit të larjes së dhëmbëve. Natyrisht këto skena nuk i shpëtuan tifozerisë, por edhe regjisë së Premier League, teksa edhe trajneri Pochettino kishte një logo “Argylle” në xhupin e tij gjatë derbit me Fulhamin.

Mediat britanike bëjnë me dije se filmi prodhohet nga një kompani në pronësinë e Tod Boehly, i njëjti që ka edhe pronësinë e Chelseat, ndaj edhe Dua Lipa ishte në stadiumin “Stamford Bridge” mesditën e të shtunës, aty ku dy shqiptarë të suksesshëm u bënë bashkë.

Emisioni “Money” u fokusua këtë të shtunë në prodhimin e naftës nga shteti shqiptar ndër vite.

Statistikat tregojnë se në 45 vitet e regjimit të drejtuar nga Enver Hoxha, janë prodhuar 49.7 mln tonë naftë. E konvertuar në barrela ose fuci, gjatë periudhës komuniste u mbushën 885 mln të tilla. Pra, vendi ynë prodhoi mesatarisht cdo ditë rreth 54 mijë fuci.

“Inxhineriët shqiptarë treguan që me aftësitë e tyre, lehtësisht të krahasushme me inxhinierët më të mirë të huaj të asaj kohe treguan që në Shqipëri ka vendburime të tjera nafte dhe arriti që të kishte një kapaciitet nxjerrjeje dhe përpunimi që plotësonte lehtësisht nevojat vendase të asaj periudhe kishte edhe një reserve”, deklaron studiuesi Enriko Ceko.

Nevojat vendase asokohe ishin për 300 mijë tonë naftë në vit, sasi kjo që mbulohej lehtësisht në popullatë, ndërsa produkti që nxirrej ishte kryesisht i rëndë dhe rafinohej në uzinat e kohës për t’u përdorur në industrinë vendase ose për t’u dhënë me klering jashtë vendit në këmbim të pajsjeve motorike a materialeve të tjera.

“Kryesisht në vendin tonë, në vendburimet e zbuluara deri më sot kemi naftë të tipeve të ndryshme, por mbizotëron zakonisht nafta e rëndë. Ndërsa nafta e lehtë gjendet në struktura të thella. Nga kjo pikëpamje, ne kemi të gjitha llojet e naftave, nga ato më të lehta tek ato më të rënda.

Nga pikëpamja ekonomike, secila naftë ka rëndësinë e vet. Naftat e lehtat kanë përqindje të lartë oktani që përdoren për karburantet, ndërsa naftat e rënda kanë elementë të tjerë që përdoren gjerësisht në industrinë e naftës dhe petrokimike”, tha pedagogu Luan Nikolla.

Shqipëria ndërtoi 4 uzina për përpunimin e naftës bruto. E para ishte në Kuçovë, qytet i cili nuk mund të identifikohej pa naftën që nga koha e mbretit Zog. Pas saj në vitin 1956 filloi nga puna edhe rafineria e Cerrikut, dhe brenda të njëjtit koncept u ndërtuan uzinat e përpunimit në Fier (1968) dhe në Ballsh (1978).

Stavri Dhima, ekspert për menaxhimin e energjisë deklaron: “Dy të parat janë shkatërruar më shpejt. Së fundi është cmontuar kombinati i Ballshit dhe sot është në punë rafineria e Fierit e cila ka një kapacitet rreth 500 mijë tonë në vit, por përpunon rreth 100 mijë tonë në vit, i cili ka qëllim prodhimin e bitumit, që përdoret qoftë brenda vendin, ashtu edhe për eksport. Pjesa e fraksioneve të lehta, eksportohet si produkt për t’u përpunuar më thellë”.

Epoka e tretë e menaxhimit të naftës nis në vitet 1988-1990 me nevojën për të sjellë në vend kompani të huaja. Edhe pse në një klimë të vështirë besimi, raundi i parë ngjalli interesin e 105 kompanive, 5 prej të cilave morën blloqet detare për eksplorim. Kërkimet në det kushtuan 147 mln dollarë, pa rezultat në prodhim, por me prespektivë për të ardhmen. Pas vitit 1992, u dhanë licenca për dhjetra kompani të huaja, me kontrata koncesionare që mbuluan fillimisht disa blloqe në perëndim, e më pas gjithë territorin e vendit. Megjithatë, në shifra, zbulimi dhe prodhimi tregojnë se lavdia e viteve 70’ nuk është arritur në asnjërin prej viteve të demokracisë.

“Duke bërë një krahasim se si është shfrytëzuar nafta nga viti 1991 deri në 2023 dhe në periudhën 70-90, unë do të thosha që raporti i nxjerrjes është 1 me 3 në favorë të periudhës para viteve 90”, deklaron Enriko Ceko.

Në vitet e para të tranzicionit, industria shqiptare thuajse preku fundin dhe nëse shohim linjat e prodhimit, nga 1 janari 1991 deri në 1 janar 2023 janë prodhuar 315 mln fuci, me një mesatare të përgjithshme ditore për të gjitha vitet, që arrin në 27 mijë fuci. Sot norma e prodhimit është stabilizuar në 20 mijë fuçi.

“Viti më i mirë i 5 viteve të fundit ka qenë gati 1 milion tonë naftë dhe këtu mund të diskutojmë për cilësinë e naftës. Në ato vite me ato rafineri që kishim nxirreshin me dhjetra fraksione të naftës”, shton Ceko.

Muzeu britanik ka korrigjuar gabimin e tij ku e cilësonte Butrintin si pjesë të Greqisë.

Bëhet fjalë për një koleksion të vjetër monedhash nga “Buthrotum” (Butrint) që deri dje për britanikët konsiderohej si pjesë e Greqisë dhe sot është korrigjuar.

Anëtari i këshillit shkencor të UNESCO-s, Auron Tare thotë se i ka dërguar një letër Muzeut britanik lidhur me koleksionin e vjetër të monedhave nga “Buthrotum” (Butrinti), ku i kishte shkruar se Butrinti është pjesë Parkut Antik në Shqipërinë Moderne (Buthrotum Epirus Vlorë/Albania) dhe jo në Greqi si Buthrotum Epirus Greece.

“Jam i lumtur të njoftoj vendimin e sotëm të Muzeut Britanik për të ndryshuar emrin e vendndodhjes së Butrintit nga Buthrotum Epirus Greece në Buthrotum Epirus Albania.

Muzeu Britanik reagoi shpejt pas një letre që i dërgova Drejtorit të Përgjithshëm mbi saktësinë e terminologjisë së përdorur për të përshkruar Butrintin si qytet grek”, informon Tare.

Reagimi erdhi nga kuratori i Departamentit të Monedhave dhe Medaljeve në Muzeun Britanik, Tom Hockenhull. Ai iu përgjigj me një term të saktë duke e vendosur saktë origjinën e koleksionit të monedhave që vinte nga Butrinti si Buthrotum nga Epiri, ose Shqipëria moderne”, shkruan Tare.

Muzeu Britanik është krijuar në 1753 dhe është një muze publik kushtuar historisë njerëzore, artit dhe kulturës, i vendosur në Londër.

Muzeu u hap për herë të parë për publikun në 1759 dhe ishte muzeu i parë publik kombëtar që mbulonte të gjitha fushat e dijes.

Në koleksionin e saj përshihen 8 milionë vepra ku dokumentohet historia e kulturës njerëzore nga fillimet e saj deri në kohët e sotme moderne.

Për të gjithë ata që duan të ndërtojnë emrin e tyre përmes emrit tim, të cilët thonë se janë përgjegjës për suksesin tim:

Siç e dini tashmë, asnjë organizatë, asnjë parti politike, asnjë shtet nuk më qëndron pas, më qëndroj unë vet me guximin dhe kokëfortësinë time, si dhe disa njerëz që kanë qenë me mua që në fillim.

Gjithçka e kam ndërtuar vetë me punën, mundin dhe dashurinë e pastër për kombin.

Personalisht unë jam përgjegjës për çdo sukses timin, sepse kam qenë e vetmja nga Sanxhaku që kam ngritur zërin kundër asimilimit, kam qenë e vetmja nga Sanxhaku që kam kthyer kombin shqiptar në Sanxhak.

Isha e ekspozuar ndaj torturave të ndryshme, kurtheve të ndryshme,por me ndihmen e Zotit dola me fytyre te paster me shpresen se nje dite do te arrij gjithcka çka kam sot.

Guximi dhe dashuria për mëmëdheun është dhuratë nga Zoti, nuk ma keni dhënë ju, me të kam lindur.Është e lehtë të jesh shqiptar në Kosovë dhe të flasësh për Sanxhakun, por eja në Sanxhak, trego çfarë kam thënë unë 11 vjet më parë dhe do të shohësh se çfarë lloj torturash kam mbijetuar.

I falënderoj të gjithë për mbështetjen virtuale dhe dashurinë që më jepni. Ju dua!

Shkruar nga Amina Nuraj: *Autorja është koordinatore e zyrës së Këshillit Kombëtar Shqiptar në Novi Pazar.

Ish-banori i “BBV2” Luiz Ejlli përmes një video në Instastory” ka treguar një pishman të madh.

Ai shprehet se brenda shtëpisë më të famshme në Shqipëri ka qenë gabim që ka marrë inat Eni Taren dhe e ktheu në armik.

Me Enin ai ka bërë debat të vazhdueshme, por mesa duket tashmë janë bërë miq të mirë.

Ai në video i kërkon falje publikisht ku shprehet:

Dy gabime që nuk ia fal vetes kurrë që kam bërë në “BBV” një gabim me Kiarën që e kam mërzitur dhe e bëra të qajë dhe e dyta ka të bëjë me një banor që e mora inat apo e bëra armik kot dhe jam penduar shumë.

Dhe ky i dyti është ky që kam në makinë këtu Eni Tare, e mbani mend. Është super djalë dhe nuk di domethënë, po ta them publikisht, po të kërkoj falje, ti e di që ishte gjithçka në kuadër të lojës.

Dy gabime që nuk ia fal vetes kurrë që kam bërë në “BBV” një gabim me Kiarën që e kam mërzitur dhe e bëra të qajë dhe e dyta ka të bëjë me një banor që e mora inat apo e bëra armik kot dhe jam penduar shumë.

Dhe ky i dyti është ky që kam në makinë këtu Eni Tare, e mbani mend. Është super djalë dhe nuk di domethënë, po ta them publikisht, po të kërkoj falje, ti e di që ishte gjithçka në kuadër të lojës.

Një grua, është arrestuar nën akuzën për mashtrim, pasi për vite me radhë ka pretenduar se vajza e saj e vogël vuante nga kanceri.

Pamela Reid, 41 vjeç, dyshohet se gënjeu për vite familjen dhe miqtë për shëndetin e vajzës së saj 7-vjeçare, duke e portretizuar atë në internet si një fëmijë të verbër dhe të sëmurë që vuante nga leuçemia akute mieloide dhe sëmundje të tjera dhe kishte konvulsione të shpeshta.

Sipas New York Post, Reed pranoi se madje shkoi aq larg sa të rruante kokën e vogëlushes për ta bërë historinë e saj më bindëse.

Banorët e zonës ku jetonin nëna dhe vajza amerikane, mësohet se kanë marrë pjesë bujarisht në përpjekjet për mbledhjen e fondeve dhe janë bërë donacione për të ndihmuar familjen të përballojë shpenzimet e supozuara mjekësore.

Sipas dokumenteve të gjykatës, keqardhja e nënës doli në dritë javën e kaluar kur infermierja e shkollës fillore ku ishte regjistruar vajza, zbuloi se 7-vjeçarja nuk ishte e verbër në syrin e djathtë, siç pretendonte nëna e saj.

Reed i kishte thënë më parë infermieres se vajza e saj do t’i nënshtrohej një operacioni për të futur një kateter venoz qendror për trajtimet e saj të kancerit.

Infermierja thirri mjekun e shkollës më pas, i cili konfirmoi dyshimet e saj se vogëlushja nuk ka dhe nuk ka pasur kurrë kancer apo leuçemi. Dokumentet e shumta që Reed i kishte dhënë shkollës në lidhje me kancerin e supozuar të ishin të gjitha false, pohoi doktori.

Reed më vonë pranoi se falsifikonte dokumente, të tilla si recetat, për të pasqyruar diagnozën që dëshironte dhe për t’i dhënë vajzës së saj ilaçe kundër konfiskimeve që nuk i nevojiteshin.

Gjatë marrjes në pyetje nga autoritetet, 41-vjeçarja fillimisht u përpoq të gënjejë, përpara se përfundimisht të pranonte se ajo filloi dhe vazhdoi mashtrimin sepse “i pëlqente mbështetja që po merrte”.

Reed postoi sistematikisht informacion të rremë për shëndetin vajzës së saj në një faqe që ajo krijoi në internet në tetor 2017, kur vajza ishte vetëm 20 muajshe. Në atë kohë Reed pohoi se e bija vuante nga anemia e rëndë aplastike, një çrregullim i rrallë i palcës kockore.

Me kalimin e viteve, 41-vjeçarja kishte arritur të grumbullonte përmes fondeve online mijëra dollarë, të cilat sigurisht i futi në xhepat e saj. Një organizatë raportoi se i dha familjes Reed rreth 8,000 dollarë për të ndihmuar në pagimin e trajtimeve të kancerit, thanë oficerët.

Vetëm dy ditë para arrestimit të saj, Reid pohoi në Facebook se shëndeti i vajzës së saj të mitur po përkeqësohej.

“Kur na thanë se kjo do të ishte beteja më e madhe deri më tani, ne menduam se ishim të përgatitur, por asgjë nuk e përgatit një prind për diçka të tillë… Zemrat tona thyhen me çdo trajtim, çdo lot dhe çdo natë duhet t’i shpjegojmë asaj pse kjo po i ndodh asaj… Ne nuk e dimë përgjigjen”, shkroi Reed, duke pretenduar se vajza e saj po fillonte trajtime intensive të kancerit që do të zgjasin 10 javë.

Mashtrimi ishte planifikua aq mirë sa edhe vajza tjetër e Reid mendoi se motra e saj kishte kancer dhe ishte e sëmurë rëndë, tregojnë të dhënat.

Është e paqartë nëse burri i Reid e dinte të vërtetën, por ai mungonte në shtëpi në momentin e arrestimit të 41-vjeçares, ndërsa dy fëmijët tani janë nën kujdestarinë e shtetit.

Dua Lipa, këngëtarja shqiptare me famë botërore ka thyer një rekord të ri në karrierën e saj muzikore. Sapo është shpallur artistja e parë dhe e vetme në botë, që në tre këngët e saj të publikuara në Spotify ka marrë nga dy miliardë klikime.

Lajmin e ka bërë të ditur vetë shtëpia e saj diaskografike, Warner Records, përmes një postimi në rrjetin social Instagram.

“Urime për Dua Lipën e cila bëhet artistja e parë femër me nga dy miliardë dëgjime në Spotify në tri këngë të saj”, ka shkruar Warner Records në Instagram

Dj Dagz ka qenë së fundmi i ftuar në një intervistë ku foli për karrierën e tij, por edhe jetën personale.

Mirëpo Dagz foli edhe për Luiz Ejllin, fituesin e Big Brother VIP Albania 2, ku habiti me deklaratën.

Ai tregoi se nëpërmjet një postimi kohë më parë, Luizi është tallur me shtatzëninë e partneres së tij, Einxhel Shkirës.

Deklarata e Dagz është bërë virale menjëherë në rrjet.

Video Player

Dy shqiptarët u goditën me thika dhe me karrige në pjesë të ndryshme të turpit

Numri i personave të arrestuar për plagosjen e dy shqiptarëve në prag të Krishtlindjeve të vitit të kaluar, në Santa Maria Capua Vetere në Itali ka shkuar në gjashtë.

Sipas mediave italiane, policia arrestoi edhe 5 persona të tjerë, veç 19-vjeçarit i cili u arrestua pak ditë pas sherrit. Ata dyshohet se janë përfshirë në sulmin e dhunshëm ndaj dy shqiptarëve, njëri prej të cilëve ishte 16 vjeç.

Dy shqiptarët u goditën me thika dhe me karrige në pjesë të ndryshme të turpit. Mësohet se njëri prej të rinjve shqiptarë, 16 vjeçari, ndodhet ende në spital në gjendje të rëndë, pasi goditjet me thikë i kanë prekur rëndë mushkërinë. Ndërsa vëllai i tij më i madh, i cili mori një goditje të lehtë ka dalë nga spitali.

Pesë të arrestuarit janë nga 19 deri në 24 vjeç, të gjithë me precedentë të mëparshëm penal.

Prokuroria e Tiranës ka caktuar ekspertë të huaj për të përcaktuar shkakun e vdekjes së 3-vjeçarit, Brian Spahiu, pasi sipas saj ekspertiza e parë mjekoligjore ishte e paplotë.

I mituri ndërroi jetë pas ndërhyrjes dentare në klinikën private të mjekut Roland Xhaxho disa muaj më parë.

News24 pasi u vu në dijeni të këtij fakti, iu drejtua me shkresë zyrtare Prokurorisë së Tiranës, e cila ia konfirmoi një gjë të tillë dhe shpjegoi arsyet se përse ishte marrë një vendim i tillë.

Sipas prokurorëve, akti i parë i ekspertizës ishte i paplotë dhe konkluzioni i pasaktë, ndërkohë që mungojnë ekspertët e fushës për të dhënë përgjigje për të gjitha pyetjet.

Po ashtu sqarohet se mjekët specialistë në vendin tonë, janë në konflikt interesi me personat në hetim, përfshirë edhe mjekun Roland Xhaxho.

“Nga ana e prokurores së çështjes është vendosur kryerja e riekspertimit mjekoligjor dhe ekspertimit mjekoligjor shtesë, duke caktuar një grup ekspertësh të huaj, për shkaqet e mëposhtme:

1-Akti i ekspertimit mjekoligjor i kryer nga ekspertet e IML-së eshte i paplotë, i paarsyetuar dhe ka mangësi të theksuara në konkluzionet e arritura lidhur me shkakun e vdekjes së të miturit B.S;

2- Nga hetimet dhe pyetja e eksperteve që e kanë marrë përsipër dhe e kanë kryer këtë akt ka rezultuar se ata nuk janë të specializuar dhe nuk kanë njohuri të posacme në fushat objekt të ekspertimit, dhe në arritjen e konkluzionit që kanë paraqitur në aktin e ekspertimit nuk kanë kryer konsultat me mjekë të tjerë specializuar në këto fusha.
3- Kryerja e riekspertimit mjekoligjor që përcakton shkakun e vdekjes është kusht i domosdoshëm edhe për kryerjen e ekspertimit mjekoligjor shtesë, për të përcaktuar nëse ka shkelje të rregullave të protokollit dhe deontologjisë mjekësore nga të gjithë mjekët dhe stafi mjekësor (stomatolog, anestezist etj.) që kanë kryer ndërhyrjet përkatëse, mjekuar dhe trajtuar të miturin B.S .

4- Për vërtetimin e rrethanave të kryerjes së veprës penale dhe individualizimin e përgjegjësive penale konkrete dhe nisur nga fakti që në rastin konkret kërkimet dhe vlerësimet janë shumë komplekse dhe kërkojnë njohuri të ndryshme në disa degë të mjekësisë lind e domosdoshme caktimi i disa ekspertëve për kryerjen e riekspertimit mjekoligjor dhe ekspertimit shtesë.

5- Instituti i Mjekësisë Ligjore nuk ka ekspertë të specializuar në të gjitha fushat objekt të ekspertimit të sipërpërmendur.

6- Mjeket e tjerë që janë të specializuar në këto fusha në Shqipëri , janë në një numër të kufizuar dhe ushtrojnë funksionin e mjekut në institucione mjekësore, ku kanë punuar me mjekët e përfshire ne hetim dhe kanë njohje me ta , duke ndikuar në këtë mënyrë në paanësinë dhe objektivitetin e kryerjes se ekspertimit prej tyre.

Aktualisht , jemi në pritje te kryerjes se procedurave ligjore për dërgimin e vendimit me letërporosi autoriteteve juridike të huaja”, thuhet në përgjigjen për News24.