Month: February 2024

Një 24-vjeçar në Elbasan është arrestuar pasi ka ushtruar dhunë ndaj bashkëshortes së tij.

24-vjeçari me iniciale E. A., banues në fshatin Kuturman, u arrestua pasi në bashkëpunim me nënën e tij, ka dhunuar bashkëshorten.

Përveç arrestimit të të riut, Policia ka nisur procedimi në gjendje të lirë për nënën e tij, shtetasen L. A., 52 vjeçe pasi edhe ajo ka ushtruar dhunë ndaj bashkëshortes së djalit 24-vjeçarit.

Ishte prova gjenerale në skenën e Teatrit të Korçës, dhe fill pas kësaj do të vinte premiera. Me lojën e tij mjeshtërore deri në gjysmën e shfaqjes i fali publikut mjaft të qeshura. Por, rreth orës 19:30, është rrëzuar në mes të skenës. Të gjithë kanë kujtuar se ishte pjesë e rolit të tij, një improvizim i çastit. Por Aleko Prodani ka rënë për të mos u ngritur më

Nga Leonard Veizi

2 maji që mori Aleko Prodanin, ishte disi i shkëputur. Por ka qenë fort i trishtuar fillimi i vitit 2006 për botën e artit. Ata që e mbajnë mend, mund të kujtojnë fare mirë se u deshën vetëm 45 ditë për të pasur 7 vdekje të njëpasnjëshme.

Të gjithë njerëz të një race tjetër, asaj të forcës së krijimit, të ndjenjës së saj. Janar dhe shkurt, asgjë nuk mund të thoshte më shumë se kaq, dhe pastaj homazhe e kortezhe të përmortshme. Ishte një ndjesi e errët, e mbushur me një emocion të dhimbshëm, pastaj krejt i zbrazët.

Ndërsa “lajmëtarja e vdekjeve” nxitonte nëpër rrugët e akullta për të sjellë të vetmin lajm të zi. Kështu u ndanë nga jeta korifenjtë e artit dhe të letrave shqipe Niko Nikolla, Ibrahim Rugova, Vath Koreshi, Ibrahim Kodra, Dionis Bubani, Frederik Rreshpja dhe Kel Kodeli. Ajo që ndodhi me artistët shqiptarë ishte gati-gati… e kobshme.

Vargani i vdekjeve të paparalajmëruara nisi që në fillim të janarit të ftohtë për të mbërritur po aq i egër e inatçor edhe në pranverën e lagësht të majit.

Të larguar njëri pas tjetrit, ata lanë një boshllëk që nuk ishte fort e lehtë për t’u mbushur nga pasardhësit. Ishin pikërisht ata aktorë, shkrimtarë piktorë, apo thënë shkurt njerëz të artit, të cilët për vite e vite pune kishin krijuar rreth vetes galerinë e çmuar të karaktereve, gjë që i çonte drejt përjetësisë. Prandaj ngushëllimi është sërish aty, në pjesën më të padukshme të tyre, tek ajo që jeton gjithmonë.

Artistët e kanë këtë fat…
…A është fitore të plotësosh një ëndërr jete? Si në rastin e vdekjes në skenën ku ke interpretuar për vite me radhë. Sa aktorë e dëshirojnë një gjë tillë? Në mënyrë absolute thuajse të gjithë, përveç aktorëve të paaftë që magjia e skenës u është kthyer në makth. Sa prej tyre kanë vdekur në skenë duke interpretuar dhe jo se janë ndodhur aty për nga rastësia? Mbase mungojnë statistikat, por me siguri shumë pak. Aleko Prodani ishte njëri prej tyre. I lindur për të qenë pjesë organike e skenës, vdiq po aty, me rolin e tij të fundit.

“…Iku dhe Aleko Prodani…”
Jemi në ditët kur artistët po iknin njëri pas tjetrit si në një hemorragji të pakuptimtë. Fraza ishte e thatë, por e thënë mes një dhimbjeje të heshtur. Për në strehën e fundit kishte ikur edhe ai, sigurisht. Por fare papritur. Madje, duke u përgatitur për një vënie të re në skenë. Dhe të mendosh se ishte në kulmin e pjekurisë së tij profesionale. Plot energji dhe ndoshta me shumë ambicie të pashprehura që s’mund ta linin asnjëherë në heshtje një aktor si ai.

Ndodhej në skenë. Dhe frymën e fundit e dha pikërisht aty, në atë vend të shenjtë, ku shumë nga aktorët tanë të mëdhenj kishin ëndërruar të vdisnin realisht dhe aspak në shtretër spitalesh, të munduar nga vitet e rënda të jetës dhe sëmundjeve ndjellakeqe. Në eterin kozmik e të pakapshëm, por dhe në shiritat magnetikë tokësorë, ruajtur në bobinat e studiove televizive, janë regjistruar shprehjet e të mëdhenjve, si Kadri Roshi, Violeta Manushi e Tinka Kutri të cilët kanë thënë se vdekja e një artisti në skenë do të ishte një vdekje e artë dhe e çmueshme, sigurisht. Të vdesësh në atë vend të cilit i ke kushtuar jetën është sikur t’i blatosh atij edhe vdekjen, pra gjithçka.

Në këto kushte a mund të thuash se Aleko Prodani e kishte një fat të tillë, kaq shumë të kërkuar?
Regjisori i pjesës, Adonis Filipi, i kishte besuar rolin e bojaxhiut Aldo, një personazh i krijuar nga Dario Fo për komedinë “Tre burra për një grua”. Ishte prova gjenerale në skenën e Teatrit të Korçës, dhe fill pas kësaj do të vinte premiera. Me lojën e tij mjeshtërore deri në gjysmën e shfaqjes i fali publikut mjaft të qeshura. Por, rreth orës 19:30 është rrëzuar në mes të skenës. Të gjithë kanë kujtuar se ishte pjesë e rolit të tij, një improvizim i çastit. Por Aleko Prodani ka rënë për të mos u ngritur më.

Vetëm pak ditë pas kësaj ngjarjeje të hidhur regjisori Adonis Filipi, gjatë një interviste që më ka dhënë enkas për këtë rast, ka rrëfyer bashkëpunimin e tij të fundit me Aleko Prodanin “Tani duket shumë dramatike, por do të kalojnë ditë dhe kohë e do të kuptohet që çdo artist i madh i rangut të tij apo i kalibrit botëror, do ta kishte zili, sepse, si të thuash, vallëzoi, fluturoi dhe vdiq në skenë, atje ku jeta e tij kishte marrë kuptim”. Po çfarë aktori ishte Aleko Prodani për një regjisor: “Ishte një aktor shumë evropian, me plastikë fine. Tek ai ishin të gërshetuara temperamenti artistik, kultura e shijes dhe qëndrimi kritik karshi asaj që bënte. Shumë e rrallë që këto të tria të unifikoheshin” është shprehur Adonis Filipi në intervistën e 14 viteve më parë.

Ai nuk e kishte ende atë moshën e njerëzve që presin vdekjen t’u vijë dita-ditës. Ishte vetëm 64 vjeç. Kishte pasur ca probleme me zemrën, por kjo nuk donte të thoshte asgjë, përderisa ky organ i rëndësishëm i trupit human, edhe pse shumë i fuqishëm, sërish mundon shumicën dërrmuese të njerëzve.

Por mjekët të thonë pa frikë se edhe terapitë janë fort të përparuara, ndaj zemra mund të vazhdojë të punojë pa ndërprerje, edhe kur merr ndonjë goditje të rastësishme. Por atë që nuk mund të durojë dot një zemër është pikërisht ajo që bënte Aleko Prodani. Energji e tepruar dhe shumë emocione për të pasur një rol perfekt. Për të qenë në unisonin e pagabueshëm ai dhe një tjetër bashkë me të. Për më tepër kur ke të bësh me një spektator sqimatar, siç është ai i teatrit, i cili nuk duhet të kuptojë asnjëherë se ku ndahet personazhi nga aktori.
Por në 2 majin e vitit 2006 Aleko Prodani nuk mundi t’ia dilte.

Sot, vite më pas, teksa e kujtojmë këtë mjeshtër të skenës mes imazhesh filmike dhe përdorim batutat e tij për t’i dhënë vetes pak më shumë optimizëm, themi me plot gojën: Aleko Prodani ishte me fat, vdiq në skenë…

Jetëshkrim i shkurtër

Në vitin 1961 u bë bashkëthemelues i Estradës së Ushtarit, ku edhe u formua si aktor, gjatë një stazhi 6-vjeçar. Interpreton në rreth 60 premiera të Estradës së Korçës, ku shquhet për aftësi të rralla në të gjitha zhanret.

Është autor i libreteve, regjisor dhe aktor kryesor në 30 premiera, e dhjetëra skeçe e komedi me një akt që shfaqen edhe në TVSH, në programet e Vitit të Ri. Cilësitë e tij të rralla bëhen të kërkuara edhe në Teatrin “A. Z. Çajupi”, ku interpreton rreth 20 role në komedi. Pas sukseseve në teatër, arrin të tjera në kinematografi. Këto arritje i japin, më 1992, titullin “Artist i Merituar”. Ka fituar tri herë rresht, në tri pjesëmarrje, çmimin për aktorin joprotagonist në Festivalin e Aktrimit në Fier, në edicionet 2003, 2004 e 2005.

Filmografia

Kronikë provinciale (2009) i xhiruar më 2005 para se të vdiste
Borxhliu – (1999) (TV)
Dashuri në krisma – (1997)
Zëvendësi i grave – (1987) … shoku Miti
Dy herë mat – (1986)………. shoku Kopi.

Një grua nga Ballshi është vënë nën hetim nga policia e Mallakastrës pasi akuzohet për dhunë.

Gruaja me iniciale M. F., 57 vjeç, banuese në Ballsh, dyshohet se për motive të dobëta ka goditur me sende të forta vëllain e burrit të saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme

Një ngjarje e pazakontë ka ndodhur sot në futbollin kosovar me protagonist ish-sulmuesin e Partizanit

Një ngjarje e pazakontë ka ndodhur sot në futbollin kosovar me protagonist ish-sulmuesin e Partizanit, Theofilus Solomon.

Sipas mediave vendase, lojtarit i janë vënë prangat nga policia gjatë ndeshjes që skuadra e tij, Dukagjini, po zhvillonte ndaj Dinamos së Ferizajt. Kur lojtari po bëhej gati të hynte në fushën e lojës për skuadrën e Dukagjinit në pjesën e dytë, forcat e policisë kanë ndërhyrë dhe e kanë arrestuar brenda ambienteve të stadiumit.

Solomon është arrestuar edhe më parë nga policia me akuzën e dhunës ndaj ish-të dashurës së tij, në periudhën kur ishte pjesë e të kuqve në kampionatin shqiptar.

Që atëherë, ai kishte detyrim paraqitje në polici, por me sa duket ka shkelur këtë vendim të gjykatës dhe kjo ka çuar në arrestimin e tij të sotëm.

Pasditen e së premtes, një e burgosur 19-vjeçare në burgun e grave të Tebës në Greqi, denoncoi se ishte viktimë e sulmit dhe neglizhencës nga tre të burgosura.

Sipas denoncimit, 19-vjeçarja, e cila është e burgosur për vrasje, është dhunuar nga dy të burgosurat që kishte në qeli.

Gjatë denoncimit, një e burgosur e tretë e sulmoi me brisk dhe e preu në dorën e majtë.

Pas padisë së 19-vjeçares nga spitali i Thivasit ku ishte dërguar për ndihmën e parë, për tre të burgosurat janë marrë masa.

Duket sikur po i afrohemi gjithnjë e më shumë Luftës së Tretë Botërore, pasi NATO njofton planet për të thirrur 90,000 trupa në një nga stërvitjet e saj më të mëdha ushtarake që nga Lufta e Ftohtë.

Rreth 20,000 trupa britanike do i bashkohen thirrjes, ndërsa NATO fillon të testojë aftësinë e secilit shtet anëtar për t’u përfshirë në konflikt. Është thirrja më e madhe që nga përfundimi i Luftës së Ftohtë, 33 vjet më parë. Stërvitja, e quajtur Steadfast Defender, do të fillojë javën e ardhshme dhe do të zgjasë deri në fund të majit, sipas Metro.uk.co.

Të 31 anëtarët e NATO-s do të përfshihen në stërvitje, plus Suedia anëtarësimi i së cilës është duke u ratifikuar.

“Aleanca do të demonstrojë aftësinë e saj për të përforcuar zonën euro-atlantike me një lëvizje transatlantike të forcave nga Amerika e Veriut“, tha për gazetarët në Bruksel, gjenerali amerikan Christopher Cavoli, Komandanti Suprem i Aleatëve të NATO-s në Evropë.

Sekretari i Mbrojtjes Grant Shapps njoftoi të hënën vendosjen e të gjithë ushtrisë, marinës dhe RAF. Marina Mbretërore do të dërgojë dy aeroplanmbajtëse të reja dhe tetë anije luftarake. Avionët e sulmit rrufe F-35 të RAF gjithashtu do të dërgohen dhe testohen në skenarët e konfliktit.

Stërvitja e NATO-s po përgatitet kryesisht për agresion të mundshëm nga Rusia. Gjermania do të dërgojë gjithashtu 12,000 ushtarë, sipas gazetës kombëtare Bild.

Ata thanë se stërvitja do të simulojë një sulm rus në territorin e NATO-s, i cili do të nxiste nenin 5 të traktatit, që do të thotë se të gjitha shtetet e tjera anëtare duhet të mobilizohen për ta mbrojtur atë. Stërvitja më e madhe më parë e NATO-s u zhvillua në 2018, me 51,000 trupa që morën pjesë në ‘Trident Kryqëzim 2018’.

Në një fjalim rrëqethës muajin e kaluar, Z. Shapps deklaroi se marrëdhëniet ndërkombëtare kanë hyrë në “një epokë të re”.

“Ne duhet të jemi të përgatitur për të penguar armiqtë tanë, të përgatitur për të udhëhequr aleatët tanë dhe të përgatitur për të mbrojtur kombin tonë sa herë që vjen thirrja,” tha ai.

Shapps tha se Rusia, Kina dhe Irani përbënin kërcënime serioze, duke i quajtur ato “të paqëndrueshme” dhe “irracionale”.

Një ngjarje brutale ndodhi mbrëmjen e 30 janarit në një nga kopshtet publike më të famshme në Catania, Villa Bellini e shekullit të tetëmbëdhjetë, në rrugën kryesore të qytetit, e cila ishte ruajtur nga policia për ditë të tëra për festën e shenjt mbrojtës Sant’Agata.

Shtatë persona të gjithë shumë të rinj dhe me origjinë egjiptiane, kanë ndjekur një 13-vjeçare me të dashurin e saj 17 vjeç teksa afroheshin në tualetet publike, ku pritën derisa të mos kishte njeri përreth dhe më pas i detyruan të futeshin në tualet.

Brenda banjës të rinjtë përdhunuan vajzën, ku disa prej tyre shikoni nga muri ndarës i tualetit. E reja përjetoi 30 minuta terror. Ajo u përpoq në çdo mënyrë të mbrohej dhe vazhdimisht thërriste “të lutem, të lutem, mos më lëndo, më lër të shkoj…”.

Më pas, me dhimbje dhe tronditje, duke përfituar nga një moment shpërqendrimi nga sulmuesit, me forcën e dëshpërimit, ajo arriti të çlirohej dhe të arratisej me të dashurin e saj në rrugën kryesore të Katanias, nëpërmjet Etneas. Disa kalimtarë e kanë ndihmuar dhe kanë lajmëruar policinë. 13-vjeçarja u dërgua në spitalin Cannizzaro dhe u ekzaminua. Shenjat e dhunës ishin të dukshme. Djali që ishte me të u ngurtësua nga frika dhe tronditja.

Edhe pse ishte e tronditur dhe e tmerruar, viktima e cilësuar nga hetuesit si një adoleshente e guximshme dhe shumë e vendosur, nuk hezitoi dhe zgjodhi të raportonte, duke i treguar ushtarakëve me detaje se çfarë i kishte ndodhur hap pas hapi. Çifti përshkroi sulmuesit, por kamerat që monitoruan kopshtin komunal dhanë një kontribut themelor në identifikimin e të shtatë personave.

Nga pamjet u kuptua menjëherë se ata ishin djem shumë të vegjël dhe se të gjithë ishin të huaj. Në atë moment hetimet u zhvendosën në qendrat e qytetit për të miturit e pashoqëruar. Brenda pak orësh u identifikuan autorët e moshës 15-19 vjeç. Njëri është njohur edhe nga viktima.

Dyshimet e policisë më pas u vërtetuan nga hetimet shkencore. Personeli i specializuar i Komandës Provinciale të Katanias arriti të identifikojë lëngun e pështymës dhe spermës në rrobat e 13-vjeçares në më pak se 24 orë, gjurmë të analizuara më pas nga RIS Messina.

ADN-ja e nxjerrë korrespondonte me atë të një prej të miturve të akuzuar nga vajza. Një prej të arrestuarve më pas ka rrëfyer dhe konfirmuar historinë e vajzës, duke i dhënë hetuesve elementë të dobishëm për të inkuadruar bashkëpunëtorët.

Të shtatë egjiptianët mbërritën ilegalisht në Itali vite më parë dhe duke qenë se ishin të gjithë të mitur të pashoqëruar, iu besuan komuniteteve rezidenciale që u kujdesën për studimin e tyre dhe për t’i gjetur punë.

Mëngjesin e djeshëm zv/prokurori i Prokurorisë Publike të Katanias Sebastiano Ardita dhe Prokuroria për të Mitur urdhëruan arrestimin e të gjithëve. Gjashtë u gjurmuan pas disa orësh, i fundit u bllokua në komunitet ndërsa po përpiqej të mblidhte gjërat për të shpëtuar.

Një ngjarje e rëndë është zbuluar në Greqi, ku dyshohet se një 78-vjeçar ngacmonte seksualisht mbesën e tij, që në moshën 9-vjeçare.

Fëmija kishte pranuar në heshtje veprimet e sëmura të gjyshit të saj që nga viti 2017, por vitin e kaluar ajo vendosi të fliste me një shoqe dhe kështu u zbulua veprimi i të moshuarit.

Nëna e vajzës, tashmë 15-vjeçare, flet për protothema.gr dhe tregon se si e ka marrë vesh atë që babai i saj i ka bërë fëmijës së saj.

Siç thotë nëna, as ajo dhe as e ëma e saj nuk e dinin se çfarë po ndodhte sa herë që 78-vjeçari ishte vetëm me vajzën.

“Ne si prindër nuk dinim asgjë. Vajza ime ua zbuloi këtë shoqeve të saj një vit më parë. Kështu e morëm vesh. Vitin e kaluar e dërguam fëmijën në fshat me babanë tim. Ai po e pyeste “a doni të vini me mua në fshat se do të jem vetëm?” dhe fëmija tha “mami nuk dua të vijë gjyshi””, thotë fillimisht nëna e vajzës.

“Nuk kishte kuptim për mua. Por mendova se ishte fëmijë dhe nuk dëshironte të qëndronte vetëm në dhomë”, thotë nëna e të miturës, ndërsa shpjegon se 15-vjeçarja vendosi të thyejë heshtjen pasi i është bërë presion nga shoqja.

“Fëmija im po qante. Një shoqe po e pyeste se çfarë nuk shkonte dhe ajo po i thoshte se nuk donte të fliste. Por më pas ajo i tha shoqes së saj dhe ajo i tha të mos e mbante sekret. E kanë thirrur kushërirën dhe vajza i ka treguar të gjitha”, shton nëna.

Pasi u zbulua gjithçka, nëna filloi të kujtonte reagimet e “çuditshme” të vajzës që tregonte se nuk donte të qëndronte me gjyshin.

Siç thotë ajo, babai i saj ka tentuar të përdhunojë vajzën e saj të mitur, por fëmija ka shpëtuar.

“Kjo është bërë që kur fëmija ishte 8-9 -vjeç. E shihja që ajo nuk e shmangte, por shpeshherë e kundërshtonte që të shkonte në shtëpinë e gjyshërve. Nëna ime nuk dinte asgjë. Sikur ta dinte do ta vriste. Nga sa tha fëmija nuk ka abuzuar me të. E përkëdheli me duar në vende të veçanta. Nëse do ta kishte përdhunuar do të isha në burg tani”, është shprehur nëna.

Këngëtari Endrik Beba do të jetë banori më i ri i “Big Brother VIP 3”, që do të hyjë në shtëpi të martën.

Artisti u prezantua sot në “Fan Club” duke zbuluar se me një nga banoret, Sara Gjordeni, ka pasur një histori dashurie në vitin 2015. Megjithatë, ia theksoi se çdo gjë ka mbaruar dhe tashmë është një raport me një vajzë tjetër.

Mbetet të shohim momentin kur Beba do të hapë derën e shtëpisë më të famshme dhe reagimin e Sarës, e cila ka nisur një njohje me Bardhin.

Ish-peshëngritësi i njohur Pirro Dimas dhe Afërdita Skafida janë martuar ditën e shtunë në një ceremoni, ku ishin vetëm familjarët dhe rrethi i ngushtë në kishën e Agios Georgios në Kavouri.

Çifti është duke pritur fëmijët e tyre të parë, ndërkohë që Pirro Dhima ka katër fëmijë të tjerë nga martesa e tij e parë. Lajmi për martesën e tyre u bë e ditur nga postimet në rrjetet sociale që bënë miqtë e çiftit.

“Afërdita më bëri të buzëqesh sërish. Ajo është një person shumë i ngrohtë, shumë i ëmbël, ka shumë dashuri në vete. Nuk është e lehtë të gjesh një burrë që të kupton dhe ti e kupton. Jam i lumtur, më bën të lumtur. Po thosha se nuk mund të gjej dikë që të më kuptojë se si ndihem. Nuk është aspak e lehtë të gjesh njeriun tënd”, ka theksuar në një intervistë të fundit Pirro Dhima.

Pirro Dhima është ish-peshëngritësi i cili ka bërë bujë me deklaratat për origjinën e tij. Në një intervistë të mëhershme shkaktoi reagime të shumta nga të dyja anët e kufirit. “Unë jam një grek i lindur në Shqipëri”. Ishte kjo përgjigja që Pirro Dhima i dha gazetares greke Elena Akrita, e cila e cilësonte me origjinë shqiptare.

Për të sqaruar debatin, por edhe periudhën që kaloi në Shqipëri derisa u largua për në Greqi, Pirro Dhima foli në një intervistë të gjatë për një nga mediat e vendit fqinj.

“Unë jam grek i lindur në Shqipëri, në Himarë nga gjyshi te gjyshi nga nëna dhe babai“, sqaron ai. “Kjo është nderi im dhe krenaria ime” vijoi më tej ai duke u ndaluar më pas te intervista që bëri bujë.

“Zonja Akrita shkroi një artikull në favorin tim dhe e falënderoj për fjalët e saj të mira. Por jo me origjinë shqiptare! Unë jam grek nga gjyshi te gjyshi. Unë nuk kam asnjë lidhje me shqiptarët”, u shpreh ai në atë kohë.