Month: February 2024

Dashi

Nuk do të mungojnë kënaqësitë në punë si dhe mundësitë për të përmirësuar situatën aktuale. Sigurisht të qenit pozitiv ndaj botës së jashtme dhe punës suaj, do ju ndihmojë që të arrini objektivat tuaja, pa hasur në vështirësi.

Demi

Përqendrohuni në dhuratat që duhet të bëni ndaj njerëzve tuaj të dashur, pasi keni disa për të bërë. Sharmi juaj gjatë kësaj dite do të jetë i paparë, duke tërhequr shumë njerëz drejt vetes.

Binjakët

Hijeshia juaj do të shtohet ditë pas dite. Në sferën e ndjenjave do të shijoni një situatë më se të favorshme, ku nuk do të mungojnë mundësitë e mira dhe atmosfera e këndshme.

Gaforrja

Gjatë kësaj dite nuk do ti keni shumë nën kontroll situatat tuaja në punë. Vetëbesimi i tepruar mund t’iu prishë punë.

Luani

Nëse dikush ju jep ndihmë, pranojeni pasi nuk do ju bëjë keq. Do të jeni të prirur që gjatë kësaj dite t’u kushtoni më shumë vëmendje çështjeve sentimentale. Por bëni mirë të mos përhumbeni plotësisht pas tyre, pasi mund t’iu dalin nga kontrolli situata të tjera.

Virgjëresha

Do të ekzistojë mundësia për të patur takime të kënaqshme në fushën e ndjenjave. Në dashuri do të dini si të bëni për vete të tjerët dhe sharmi juaj do të jetë i paparë. Nuk mund të thuhet e njëjta gjë për sferën profesionale.

Peshorja

Situatat përreth jush, do të ndryshojnë drejtim krejt papritur, gjë që mund të çojë në humbjen e ndonjë projekti. Do të pësoni një lloj ngadalësimi, por për të shmangur keqkuptimet, mundohuni të mos hutoheni, duke çuar deri në fund objektivin tuaj.

Akrepi

Mos u shqetësoni për keqkuptime të mundshme në dashuri, nëse keni lindur në ditët e fundit të muajit. Si në sferën sentimentale, sociale dhe profesionale, nuk do ju duhet të prisni shumë për arritjen e synimeve tuaja.

Shigjetari

Mërkuri do të jetë i pranishëm në shenjën tuaj. Thithet një ajër i ri në sferën profesionale për gjithë të lindurit e kësaj shenje. Pritet rritje e mëtejshme përgjegjësie.

Bricjapi

Gjatë kësaj dite ndjenjat tuaja, ndonëse të fshehura mirë, do të dalin hapur. Sidomos gjatë një eventi kur do të dalë në dritë, mënyra se si ju jeni në të vërtetë. Në dashuri do të jetoni momente mbresëlënëse, por vetëm nëse do e lini veten të lirë.

Ujori

Nëse i kushtoni shumë vëmendje anës ekonomike gjatë kësaj dite, nuk do të sajoni asgjë të mirë. Fshijeni ankthin dhe frikën tuaj, pasi në të kundërt mund të humbni forcën dhe kapacitetin që keni.

Peshqit

Ju leverdis të shtyni aktivitete të rëndësishme dhe të pushoni më gjatë. Rrezikoni të merrni vendime të parakohshme dhe do jeni të detyruar që të ktheheni mbas, sidomos nëse keni lindur në ditët e fundit të kësaj shenje.

Policia ka reaguar lidhur me ngjarjen e rëndë të ndodhur në lagjen 17 në Korçë, ku nënë e bijë janë gjetur të pajetë brenda banesës së tyre.

Sipas Policisë, këto shtetase nuk u ishin përgjigjur telefonatave të familjarëve të tyre prej disa ditësh.

Mësohet se viktima kanë qenë Eleni dhe Ornela Vangjeli, përkatësisht 74 dhe 54-vjeç.

Mësohet paraprakisht se dera e banesës ka qenë e mbyllur, ndërsa ka qenë zjarrfikësja që ka hapur derën duke gjetur të vdekura të dyja shtetaset në banesë.

Nga informacionet bëhet me dije se nëna ka qenë e paralizuar dhe dyshohet se vajza ka ndërruar jetë para saj, e më pas ka ndërruar jetë edhe nëna.

Nuk dihen ende rrethanat e ngjarjes, nuk ka dyshime për ngjarje kriminale pasi nuk janë konstatuar shenja dhune apo shenja të tjera. Pritet të bëhet ekspertiza mjeko ligjore për të zbardhur plotësisht rrethanat.

Reagimi i Policisë:

Korçë/Informacion paraprak

Më datë 01.02.2024, rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune shtetaset E. V., 75 vjeçe dhe vajza e saj O. V., 54 vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh.

Dera e banesës së tyre është hapur nga shërbimet e zjarrfikësve, pasi ishte e kyçur nga brenda. Paraprakisht dyshohet se këto dy shtetase mund të kenë humbur jetë për shkaqe natyrale.

Grupi hetimor po punon për përcaktimin e shkaqeve të humbjes së jetës së këtyre shtetaseve dhe sqarimin e rrethanave të ngjarjes.

Një 51-vjeçar ka ndërruar jetë mbrëmjen e së mërkurës në banesën e tij në fshatin Sulzotaj në Fier. Dyshohet se ai është mbytur duke ngrënë ushqim, ndërsa pritet t’i bëhet ekspertiza.

“Mbrëmjen e së mërkurës, në fshatin Sulzotaj, dyshohet se është mbytur duke ngrënë ushqim, shtetasi 51 vjeç. Trupi i 51-vjeçarit është në IML, me qëllim kryerjen e ekspertizës”, thuhet në njoftimin e policisë.

Ndërkohë, grupe të posaçme hetimore po punojnë për të dokumentuar me prova ligjore, rrethanat e rastit.

Pas ngjarjes së rëndë në Korçë, ku nëna dhe bija, Eleni dhe Ornela Vangjeli, 74 dhe 54 vjeç u gjetën të vdekur në banesë, fqinja e tyre tregon për kontaktin e fundit me to. Ajo rrëfen se ka folur me 54-vjeçaren të shtunën, kur ajo i ka thënë se ka shtruar nënën në spital për probleme me frymëmarrjen.

Fqinja shprehet se ka vizituar banesën e tyre gjatë ditëve të kaluara, por dera nuk është hapur. Madje, edhe kolegët e 54-vjeçares kanë shkuar atje, por dera ishte e mbyllur. Djali i të moshuarës, që kthehej nga Greqia, ka tentuar të hyjë në banesë, por dera ishte e mbyllur nga brenda. Pas kësaj, është thirrur zjarrfikësja dhe policia.

Me Ornelën kam komunikuar të shtunën, ajo më tha që kishte shtruar nënën e saj në spital sepse kishte vështirësi në frymëmarrje. Ornela më kërkoi të shihja nëse e kishte mbyllur derën e banesës së saj apo e kishte lënë hapur. Unë shkova kontrollova derën e shtëpisë së saj dhe i thashë që derën e ke të mbyllur. Gjatë këtyre ditëve kur kam dalë nga shtëpia kam trokitur tek dera e Ornelës por nuk më është përgjigjur njeri edhe pse kur kam parë derën nga afër më është dukur sikur brenda kishte çelës. U shqetësova sepse me Ornelën nuk po kontaktoja më. Ornela ishte edukatore në Vithkuq, dhe sot erdhën kolegët e punës për ta kërkuar, trokitën edhe ata por dera nuk u hap. Unë mora në tel edhe mbesën e tyre, por as ajo nuk dinte gjë. Sot erdhi djali nga Greqia, tentoi të hapte derën por dera ishte e mbyllur nga brenda. Më pas me ndihmën e zjarrfikëses dhe policisë dera u hap por i gjetën të pajeta”.

Qindra studentë janë mbledhur sot në qendër të Athinës për të shprehur kundërshtimin e tyre ndaj privatizimit të universiteteve.

Studentët u përleshën me forcat e policisë dhe ndaj tyre u hodh gaz lotjsellës dhe tymuese.

Gjatë kësaj proteste të studentëve ka patur edhe përleshje me policinë pasi ata kanë tentuar t’i afrohen parlamentit.

Pavarësisht përleshjeve me policinë, protestuesit vazhduan marshimin e tyre.

Studentët kërkojnë që sistemi universitar dhe ai pasuniversitar të mbeten shtetëror, pasi sipas tyre hapja e degëve të universiteteve private do të krijojë një sistem arsimor me kohë të ndryshme dhe jo unik. Sipas tyre të pasurit do të kenë mundësi të paguajnë dhe të diplomohen më lehtë por më keq se në universitetet shtetërore.

Ata kanë kërkuar shtim të fondeve për arsimin dhe hapjen e programeve arsimore shtesë në sistemin shtetëror.

Imazhi që u shfaq sot në sytë e banorëve ishte surreal

Një grabitje e pazakontë me eskavator është regjistruar në një provincë të Foxhias në Itali. Pre e grabitjes ka rënë një zyrë postare në San Marco në Lamis, gjatë natës mes të mërkurës dhe të enjtes, teksa grabitësit kanë përdorur mjetin e ndërtimit për të shkulur bankomatin e postës.

Dyshohet se kanë qenë pesë persona të përfshirë në grabitje, teksa kanë marrë kasafortën në të cilën ndodheshin 325 mijë euro. Mediat vendase raportojnë se e njëjta bandë grabitësish, i kishte vënë zjarrin edhe tre makinave përgjatë rrugës shtetërore 272, që lidh San Marco në Lamis me San Giovanni Rotondo, për të parandaluar mbërritjen e policisë.

Imazhi që u shfaq sot në sytë e banorëve ishte surreal: eskavatori i vendosur në qendër të Piazza Europa, pjesë e zyrës postare të gërmuar dhe padyshim, tashmë e papërdorshme.

“Kjo është një ngjarje e tmerrshme. Dëmi është i madh. Posta, e vetmja e pranishme në qytet, mund të mbetet e papërdorshme për muaj të tërë. Sot ishte dita e grumbullimit. të pensioneve. Ne jemi veçanërisht të shqetësuar për popullatën e moshuar.” – tha për Ansa kryebashkiaku i San Marco në Lamis, Michele Merla.

Policia ka nisur hetimet, teksa po kontrollojnë kamerat e sigurisë së zyrës postare dhe zonës përreth.po heton.

Të ndarë në grupe me nga 3 persona, banorët e shtëpisë së “Big Brother VIP 3” kishin mbrëmë mundësinë që të ndanin me njëri-tjetrin dhe publikun detaje nga jeta e tyre.

Vëllai i Madh kishte përgatitur pyetje të ndryshme, të cilave banorët iu përgjigjën me radhë.

Pyetjes se “cili është vendi më i bukur dhe më i çuditshëm ku kanë bërë dashuri”, Ilnisa Agolli u shpreh se ajo “nuk shquhet për ekstravagancë”.

Ndërsa Julian Deda si vendin më të çuditshëm përmend gardërobën e shtëpisë. Nga ana tjetër Fation Kuqari thotë se kur ishte adoleshent ka bërë dashuri në një dhomë pallati ku kishte tela korrenti.

Ilnisa: Nuk shquhem për ekstravaganca. Kur do dike të duket çdo vend i bukur. Nuk kam një vend të çuditshëm, unë jam një natyre le ta quaj diplomate. Nuk kam një vend të çuditshëm se po ta doja do ta thoja.

Julian: Në krevat në mes të Parisit, vend të bukur domethënë. Ndërsa vend të çuditshëm të gardëroba e shtëpisë

Ilnisa: Po në një sobë të ndezur e kë bërë? Mendo ca situata

Julian: Ti shpik? Kjo është vendi më i çuditshëm që thashë.

Fation: Unë kam shumë vende të çuditshme, por po them një. Unë jam tip i çuditshëm kur bëhet fjalë për dashuri. Nuk më pëlqejnë gjerat normale, në krevat për shembull.

Fation: Ka qenë një moment, isha adoleshent kam qenë më çapkën. Ishim në lokal me shoqërinë. Duke u puthur nuk dinim ku të shkonim. Janë këto pallatet e Enverit që kanë një dhomë të vogël që janë këto telat e korrentit. Zbritëm aty poshtë dhe ishte momenti që nuk duhej humbur. Unë nuk e kam parë ca ka pasur aty brenda. Kur mbaroi gjithçka pashë që po mbahesha te tubat e korrentit. Ndërsa vende të bukur kur kam qenë në Brezovicë në borë. Kam qenë me shoqen time dhe kemi kaluar bukur aty në oxhak.

Një 28-vjeçare ka ndërruar jetë pas një ndërhyrje kirurgjikale në një spital privat. E reja iu nënshtrua një procedure estetike të liposucionit (heqje dhjami) ditën e hënë, ndërsa të martën pësoi trompozë dhe ndërroi jetë.

Aktualisht trupi i të resë ndodhet në morg ku po i bëhet autopsia, ndërsa familja ka kallëzuar rastin në komisariatin nr. 4 për mjekim të pakujdesshëm.

Sipas familjarëve, 28-vjeçarja Irida Hasalla vuante dhe nga tumori në mitër për të cilin kurohej në Belgjikë por mjekët i thanë që kjo ndërhyrje nuk do të ndikonte në gjendjen e saj.

Ndërkohë Arenc Hasalla, vëllai i viktimës në një lidhje të drejtpërdrejt për emisionin “Good Morning Albanians” në Euronews Albania, tha se motra nuk duhet të bënte operacion për 7 vite.

Ai theksoi se 28-vjeçarja ishte në vitin e dytë të kurimit për kancerin në mitër.

“Kur një njeri kurohet për kancer, për 7 vite nuk duhet të bëjë asnjë lloj ndërhyrje. Motra ishte në vitin e dytë që kurohej nga kanceri. Sëmundja nuk kishte shërim. Një njeri me kancer nuk pranon narkozë. Kur është zgjuar në mëngjes, i ka thënë infermieres dua të shkojë në banjo, ajo ka thënë shko vetë, dhe në momentin që është ngritur i ka ra trompozë.

Dyshja Meriton Mjekiqi dhe Ilnisa Agolli, janë treguar të papërmbajtshëm para kamerave. Moderatori e prek gazetaren në vende intime, pa u shqetësuar për praninë e kamerave, teksa të dy qëndronin në dhomën e gjumit duke biseduar.

Meriton Mjekiqi, shihet teksa i kap të pasmet Ilnisës dhe e puth e përkëdhel pa u shqetësuar aspak.

Ndërsa në momentin që u shtrinë në krevat, dyshja u mbuluan me çarçaf dhe shkëmbyen puthje.

“Larg nga unë, t’i nuk ke limite”, i drejtohet Ilnisa në një moment, më pas i kërkon: “Shko më merr një kos frutash, dua të ha një gjë të ëmbël. (Qesh)”.

https://www.instagram.com/_u/bigbrotheralb_vip/?utm_source=ig_embed&ig_rid=fe522a0d-aec8-473e-a34c-fde25397c6f0&ig_mid=2FB00470-EDD4-4655-983E-1FC5DAE3DAB4

Makina luksoze e cila iu sekuestrua Arjan Kamamit ditën e sotme në Elbasan do të përdoret nga Policia e Rrugore.

Arjan Kamami ishte dënuar në Belgjikë për shfrytëzim prostitucioni dhe gjithashtu iu sekuestrua edhe hoteli.

Po ashtu u sekuestruan pasuritë edhe të shtetasit Uard Kaloti, edhe ky nën akuzë për Veprat Penale “Shfrytëzim Prostitucioni” dhe ‘Pastrim të produkteve të veprës penale ose veprimtarisë kriminale’.