Zbardhen detaje në lidhje me ngjarjen e rëndë që tronditi mbrëmë Korçën, ku Ilo Lluka vrau Emiliano Pine allias Jorgo Priftin dhe më pas u vetëvra. Gazetarja Lorena Kodra raporton për BalkanWeb se konflikti mes palëve ka nisur për çështje prone.
Mësohet se nëna e Emiljano Pines bashkëjetonte me babain e Ilo Llukës ky i fundit jetonte jashtë vendit. Sipas informacioneve babai i Llukës kishte vendosur t’i linte në trashëgimi shtëpinë djalit të bashkëjetesës, Emiliano Pines. Kjo duket qe nuk është pranuar nga i biri, i cili ka vendosur të vijë në Korçë dhe të vendosë vetë “fatin” e tij.
60-vjeçari ka shkuar në kafen ku ishte 40-vjeçari në lokalin e lagjes dhe pasi i ka kërkuar që të dalë jashtë e ka qëlluar 4 herë duke e lënë të plagosur rëndë. Më pas ka ndërruar jetë në spital. Fill pas ngjarjes, autori ka qëlluar edhe veten duke mbetur viktima e dytë e kësaj ngjarjeje të rëndë.
“Në lidhje me ngjarjen e ndodhur mbrëmjen e sotme, në lagjen nr. 18, Korçë, ju informojmë se grupi hetimor pas veprimeve të kryera me qëllim zbardhjen e rrethanave të saj, ka bërë të mundur identifikimin e autorit të dyshuar të ngjarjes, që qëlloi me armë zjarri 40-vjeçarin E. P., i cili humbi jetën dhe më pas vrau edhe veten me armën e krimit. Konkretisht autori është shtetasi I. Ll., 61 vjeç, banues në Korçë. Grupi hetimor nën drejtimin e Prokurorisë Korçë, vijon veprimet për zbardhjen e motiveve dhe shkaqeve të kësaj ngjarjeje.”, thuhet në njoftimin e policisë. (BalkanWeb)
Do të përfshiheni në një projekt të ri, i cili do ju lejojë që të merri një rol më të madh. Jini të gatshëm për t’u përballuar me vështirësitë, pasi nuk do e keni të lehtë të gjeni dakordësinë me bashkëpunëtorët tuaj.
Demi
Kjo fazë është interesante në pikëpamje të ndryshme. Do të përfshiheni në eksperienca dhe takime të reja, por pavarësisht kësaj ndjeni se ju mungon diçka, gjë që ju bën të pakënaqur. Mos e lini pas dore fushën e ndjenjave.
Binjakët
Mundohuni të dëgjoni me më shumë vëmendje, sugjerimet e familjes ose të bashkëpunëtorëve tuaj, pasi do ju lejojnë që të merrni rezultate më të mira në vendin e punës. Gjatë kësaj dite do të jeni mjaft kokëfortë në dashuri.
Gaforrja
Kjo është një periudhë stresuese, por mundohuni që të mos përfshiheni nga paniku dhe ankthi, për shkak se duhet të nxirrni anën tuaj më pozitive. Në dashuri do të keni përplasje, për shkak se ka disa çështje që duhen riparë. Flisni hapur me partnerin.
Luani
Kjo ditë premton të jetë shumë e mirë sa i takon pikëpamjes emocionale. Jini më të sigurtë në veten tuaj dhe mos u druani përballë disa qortimeve më shumë në vendin e punës.
Virgjëresha
Do të jetë një ditë vendimtare për të dalë nga situatat e përpëlitjeve, ku jeni përfshirë së fundmi. Gjithsesi ka disa ndryshime që do të jenë të pashmangshme, ndaj jini të gatshëm të përshtateni, sidomos në sferën profesionale.
Peshorja
Ka disa transformime që ju bëjnë më të vetëdijshëm dhe të sigurtë në objektivat e rinj që doni të arrini, brenda fundit të vitit. Disa të papritura që do ju dalin, duhen përballuar me qetësinë dhe racionalitetin më të madh.
Akrepi
Parashikohen të reja të rëndësishme në sferën profesional, gjatë të cilave do të jeni protagonistë në një nismë të re stimuluese. Mos e lini pas dore trupin tuaj, sidomos nëse së fundmi keni qenë të tensionuar.
Shigjetari
Duhet të përkushtoheni më shumë në punë, sidomos nëse dikush po mundohet t’iu vendosë shkopinjtë në rrota. Në dashuri duhet të jeni më të guximshëm dhe kurajozë. Kjo e enjte, do të jetë mjaft e rëndësishme, për të shfaqur hapur ndjenjat tuaja.
Bricjapi
Mund të bëni intervista shumë interesante lidhur me vendin e punës. Këto testime do ju lejojnë që të mësoni strategji të reja, për t’u përdorur për projektet tuaja të ardhshme. Duhet të kërkoni zgjidhje alternative për të gjetur bashkëpunimin në dashuri.
Ujori
Do të arrini të përfundoni me sukses të madh, një projekt që ju ka vendosur prej kohësh në vështirësi. Do të ndiheni të kënaqur dhe të vlerësuar për gjithë sakrificat që keni bërë. Gjithsesi në dashuri, partneri/ja juaj mund t’iu akuzojë se e keni lënë pas dore. Mos e humbni durimin.
Peshqit
Kjo ditë do të jetë mjaft e qetë dhe relaksuese, kështu që mos e kini problem që të planifikoni aktivitete të reja. Jini më të gatshëm në dashuri, pasi ky është një moment i mirë për të organizuar edhe një arratisje të këndshme romantike.
Ende nuk dihet saktësisht motivi i vrasjes që u regjistrua mbrëmjen e sotme në qytetin e Korçës ku mbeti i vrarë Emiliano Pine allias Jorgo Prifti, ndërsa autori i ngjarjes, shtetasi, Ilo Lluka më pas kreu vetëvrasjes.
Policia po heton në pistën e vrasjes për shkak të marrëdhënieve familjare pasi viktimat njiheshin me njeri tjetrin.
Në vendin e ngjarjes sipas burimeve nga policia janë gjetur 4 gëzhoja dhe dyshohet se viktima mund te jetë qëlluar rreth 4 herë duke e lënë të plagosur rëndë si fillim dhe me pas për shkak të plagëve të rënda ka ndërruar jetë në spital.
Pianistja nga Kosova, Anila Aliu i ka bërë krenarë të gjithë shqiptarët, pasi ka fituar çmime shumë të rëndësishme në të gjithë botën.
Vetëm 23-vjeçe, ajo është rreshtuar mes emrave të njohur ndërkombëtarë të muzikës klasike. Së fundmi, ka fituar çmimin kryesor në një konkurs në Tailandë. Në një lidhje me Skype për “ABC e Mëngjesit”, Anila ka treguar se për të arritur deri këtu i është dashur të kalojë raunde të ndryshme për disa vite me radhë dhe padyshim shumë punë.
“Unë tani sapo u ktheva nga Tailanda, ka qene një nga eksperiencat më të bukura për gjatë karrierës sime. Një garë e një niveli jashtëzakonisht profesional, pasi kishte përfaqësues nga e gjithë bota. Unë përfaqësova Kosovën dhe pata nderin dhe kënaqësinë të prezantoj muzikën klasike të shtetit tonë dhe nivelit ku ne jemi. Për këtë garë, jam përgatitur për vite me radhë, ka pasur disa raunde nëpër të cilat më është dashur të kalojë. Raundi i pari ka qene në vitin 2020-2021, ku fitova një çmim, që më mundësoi të kalojë në raundit tjetër. Në secilin raund konkurenca sa vinte e rritej, sepse shtetet vetëm zvogëloheshin. Tani arrita të jem pjesë e shteteve finalistë, të cilët morën pjesë dhe performuan në BangKok të Tailandës tani në fund të muajit prill. Ka qene një organizim fantastik në të gjitha detajet, shumë profesional, konkurentët kanë qene të jashtëzakonshëm. Kemi pasur nga moshat më të ndryshme, deri në kategorinë e moshës pa limit, mund ta merrni me mend se çfarë niveli dhe konkurence ka qene. Mirëpo, fal punës së madhe, arrita të triumfoj”, tha ajo.
Më tej, lidhur me çmimin e fituar në Beograd, Anila u shpreh se është shumë krenare, pasi në botën e muzikës klasike nuk ka rëndësi se nga vjen, por talenti që ke.
“Më bën krenare dhe shumë të lumtur, fakti që në botën e muzikës klasike nuk ka rëndësi se nga vjen dhe çmohesh dhe vlerësohesh për atë që ti dhuron në skenë. Është diçka që e sheh dhe e ndjek një audiencë, një publik i tërë, një juri shumë profesionale me prejardhje nga shtete të ndryshme të botës. Kështu që ti aty vlerësohesh vetëm për atë ç’ka ti ofron në skenë. Mund të jesh e një niveli të jashtëzakonshëm, mirëpo gjatë atyre pak minutash performancë në skenë, ndoshta nuk është dita jote dhe nuk arrin të shpalosësh ato ç’ka ti ke punuar me vite e vite”, tregoi pianistja.
Karl Gega, prej vitit 1836 deri më 1840 ishte udhëheqës i ndërtimit për pjesën e rrugës hekurudhore “Kaiser-Ferdinand-Nordbahn” prej Ludenburg deri në Brünn (Brno). Gjatë kësaj kohe (1836 – 1837) studioi shkencat hekurudhore në Angli dhe në shtete të tjera evropiane.
Karl Gega lindi më 10 janar të vitit 1802 në Venedik, vdiq më 14 mars të vitit 1860 në Vjenë. Ishte inxhinier me origjinë shqiptare, ndërtues i hekurudhës së Semmering-ut prej Gloggnitz deri në Mürzzuschlag në Austri.
Ai studioi në Padova (Itali), ku ai në moshën 17 vjeçare e mori titullin Doktor i shkencave matematikore dhe inxhinierike. Karrierën si inxhinier e filloi me ndërtime rrugësh dhe ujësjellës në Venedik.
Ndër të tjera ndihmoi në ndërtimin e rrugës “Strada d’alemagna”, rrugës nga Treviso për në Cortina d’Ampezzo. Prej vitit 1836 deri më 1840 ishte udhëheqës i ndërtimit për pjesën e rrugës hekurudhore “Kaiser-Ferdinand-Nordbahn” prej Ludenburg deri në Brünn (Brno).
Gjatë kësaj kohe (1836 – 1837) studioi shkencat hekurudhore në Angli dhe në shtete të tjera evropiane.Në vitin 1842 Gega u emërua udhëheqës planifikimi për të gjithë Jugun e shtetit Austro-hungarez dhe për këtë arsye ndërmori një udhëtim studiues në Amerikë.
Njohuritë nga kjo ekspeditë Gega nuk i përdori vetëm për planifikimin e hekurudhës së Semmering-ut, por i publikoi edhe në dy vepra. Gega publikoi shumicën e shkrimeve të tij jo vetëm në gjuhën gjermane por në të njëjtën kohë edhe në italisht dhe frëngjisht.
Hekurudha filloi më 1848 të ndërtohet. Para mbarimit të saj më 1854 ai e fitoi titullin “Ritter” (Kalorës) (1851). Në vitet 1853/1854 Gega planifikoi tërë rrjetën e hekurudhave të të gjithë monarkisë Habsburgase.
Gega vdiq më 14 mars 1860 në Vjenë nga pasojat e sëmundjes së tuberkulozit. Ceremonia fetare është zhvilluar në Katedralen kryesore të Vjenës, Shën-Stefan, kurse trupi u varros në varrezat e Währinger-it ne Vjenë.
Më 1887, kur këto varreza u shpërngulën, sarkofagu me eshtrat e Gegës u vendos në panteonin e njerëzve më te shquar të Austrisë, pranë Mozart-it, Beethoven-it, Schubert-it, Strauss-it, Brahms-it dhe Alois Negrell-it (projektuesit të kanalit të Suezit).
Pinjolli i fisit të Kelmendit, Gjergj Pjetri, udhëhoqi kryengritjen e të krishterëve kundër Perandorisë Osmane në territorin e sotëm të Serbisë. Për ta ndëshkuar kryeneçësinë e tij, pushtuesit turq bënë hakmarrje të tmerrshme kundër shqiptarëve ortodoks (vranë mijëra shqiptarë të ritit bizantin,
me 952 kafka të tyre ndërtuan Çele-Kullën, në Nish), ndërsa bajraktari serb, Millosh Obrenoviç, një fshatar i pagdhendur, që u pasurua në kohën e Turqisë, u lidh me turqit dhe ua ofroi kokën e Gjergj Pjetrit, për ta qetësuar zemërimin e Perandorisë Osmane. Millosh Obrenoviç vrau në pabesi pinjollin e fisit të Kelmendit, kokën e të cilit ua dorëzoi turqve.
Bashkëshorti i balerinës së njohur shqiptare Hueyda El Saied, Thierry Grosjean i është përkushtuar në maksimum zotimit të bërë artistes së ndjerë, aq te dashur për publikun shqiptar: përkujdesjes ndaj djalit të saj, Gabrielit, të cilin e ka adoptuar tashmë.
Së fundm ai ka ndarë një video të Gabrielit i cili duket se ka trashëguar nga talenti i nënës së tij. Vogëlushi shihet aty duke performuar LIVE në një lokal dhe talenti i tij është surprizues.
Hueyda El Saied humbi betejën me jetën për shkak të kancerit të gjirit rreth dy vite më parë. Por ajo u largua në paqe me bindjen se të birin e ka lënë në duar të sigurta.
Thierry tregon qarte se ka nje kujdes te jashtëzakonshëm për të.
Thikëza mahjere ku je? jam aprapa kucarit. Kucari ku ë? e dogji zjarri. Zjarri ku ë? e shuaiti lumi. Lumi ku ë? e pitin qetë. Qetë ku vanë? Vanë e shitin melët.
Melët ku ë? E hëngri zogu. Zogu ku ë? është mbi ferrit. Ferri ku ë? E hëngri dhia. Dhia ku ë? E hëngri ulku. Ulku ku vate? Vate mbë qishë dualli pa këmishë, vate mbë krua çoi një grua, ç’e rrëmbei me një thua e, e shtu ndë një përrua…. Nga Shpetim Çela
Në këtë foto kur ora shënon 13:51, shfaqen imazhet e jashtme të godinës B të burgut. Kamera është e pozicionuar larg dhe pamja nuk është e qartë. Në fushat e ajrimit konstatohen disa të burgosur.
Në fashën kohore nga ora 13:51 e 39 sekonda deri në 13:52 e 13 sekonda në disa imazhe hap pas hapi të shkëputura nga kamera, konstatohet se të burgosurit që ishin në ajrim, hedhin vështrimin drejt godinës B, dhe afrohen për të parë çfarë po ndodhte. Këto, janë momentet kur kanë ndodhur të shtënat pranë dritares së qelisë numër 12, në sektorin 2, katin e parë, godina B.
Saktësisht në orën 13:52 e 15 sekonda, nga kqyrja e kësaj kamere grupi hetimor ka konstatuar se në largësi shfaqet përballë i dënuari Sokol Mjacaj. Ai sapo ka kryer krimin duke ekzekutuar Arben Lleshin dhe plagosur aksidentalisht Indrit Shaqjan. Pamja është e paqartë për shkak të rrjetës me tela dhe një tende metalike. Ai konstatohet sipër vendshërbimit dhe po drejtohet për nga sektori i takimeve.
Indrit Dubali: “Në ato momente pashë që u kthye mbrapsh i burgosuri Sokol Mjacaj me një armë në dorë dhe ma drejtoi drejt meje për të më gjuajtur. Pasi më drejtoi armën më tha: “Hap derën kryesore të ajrimit, se përndryshe do të vras”. Nën kërcënimin e armës u detyrova hapa derën, pasi u tremba dhe u hutova. Në momentin që hapa derën ai vrapoi rreth vendit ku bëhen takimet dhe kuzhina. Vrapova mbas tij me 2 të burgosur të tjerë për ta ndaluar, konkretisht me shtetasit Indrit Shaqja i cili ishte i plagosur gjatë ndjekjes dhe Tomorr Çaushi.”
Çaushi, një i dënuar përjetë për vrasje të dyfishtë gjatë një grabitjeje, ishte mik i viktimës Arben Lleshi. Ai u vu në ndjekje të Mjacajt për tu hakmarrë aty për aty. Qelia ku ndodhi vrasja ishte e Shaqjas dhe Ilir Xhakjas, i njohur si i forti i Shijakut. Ai, është i dënuar për vrasjen e kryekomisarit Adem Tahiraj në krye të detyrës. Qelia e Arben Lleshit ishte në të njëjtin korridor, përballë asaj ku ndodhi vrasja ku vuanin dënimin Ilir Xhakja dhe Indrit Shaqja.
Shaqja: “O indrit, më njofto pak Ben Lleshin të dalë në dritare te zgara se kam për ti thënë dicka, ku jam kthyer dhe kam parë në corridor të sektorit Arben Lleshin, e kam thirrur se të kërkon Sokol Mjacaj në dritare për të thënë dicka. Aty është futur Arben Lleshi te dritarja dhe kam dëgjuar krisma”.
Mjacaj qëlloi të 5-të plumbat që kishte pistoleta. Plumbi që e preku në qafë rezultoi vdekjeprurës. Ndërkohë, plagosja e Indrit Shaqjas mendohet se ka qenë aksidentale. Ai është dëmtuar lehtë por nuk ka pasur plumb në trup. Shaqja, ka qenë shok me Sokol Mjacajn siç zbulohet edhe në dëshmi. Kjo, ka bërë që grupi hetimor të vlerësojë me kujdes dëshmitë e tij. Miqësia mes Mjacajt, Shaqajt dhe kapobandës së Shijakut Ilir Xhakja, konstatohet edhe në dëshminë e autorit të vrasjes. Madje, ai thekson se arsyeja pse këmbëngulte të afrohej në sektorin e Arben Lleshit, ishte shoqëria me Xhakjan dhe Shaqjan, në dhomën e të cilëve ndodhi vrasja. Ai thotë se viktima Lleshi, e pengonte për transferimin duke hapur fjalë se kërkonte ti bënte keq dikujt.
Mjacaj: “Arben Lleshi këto fjalë i hapi nga hiçi sepse unë nuk kisha asnjë plan për ti bërë keq dikujt. Nuk e di përse e bëri por arsyeja që unë doja të shkoja në një nga ato sektorë është pasi unë aty kisha disa të njohur si shtetasit Ilir Xhakja dhe Indrit Shaqja të cilët i kam njohur në IEVP FUSHË-KRUJË Me Indrit Shaqja kam qëndruar 8 muaj në një dhomë atje dhe kam pasur raporte të mira”.
“Personazhe të cilët thuajse janë ambientuar me jetën në burg, e vështirë që organi procedues të përdorë mekanizma si pendimi për më shumë të dhëna a shkohet te roganizatorët, e vështirë”– u shpreh ish-prokurori, Eugen Beci. “Rregulli dhe ligji disiplinojnë rapotin e dënuarve me botën e jashtme por jo marrëdhëniet mes tyre, këto rregullohen me rregullat e burgut që të dënuarit vendosin për të krijuar raporte mes tyre. |Padiskutim që këto vende të vuajtjes dënimit kanë dhe hierarki të komandimit ose organizimit”- u shpreh Kreshnik Hajdari, pedagog.
