Month: February 2024

Dashi

Mos u fiksoni marrëzisht në mungesën e perfeksionit të një projekti tuaj apo të një personi. Nuk do ju çojë askund, sidomos nëse në dashuri jeni në kërkim të strategjive të reja për të rizgjuar ndjenjat.

Demi

Për të lindurit e kësaj shenje do të hapet një fazë ku do të zgjohen pasione tuaja të vjetra, apo do të nisni një karrierë të cilën e keni ëndërruar prej kohësh. Në dashuri, mos u tregoni shumë grindavec.

Binjakët

Do të jetë një ditë mjaft e rëndë për ata që kanë ndërmend që të nisin projekte të reja. Jini të gatshëm të diskutoni me bashkëpunëtorët tuaj, për çështje të ndryshme që kanë mbetur pezull. Parashikohen tensione në familje.

Gaforrja

Ka disa çështje burokratike, të cilat duhet ti shihni sa më parë. Jini gjithmonë të sjellshëm dhe të gatshëm në vendin e punës, pasi mund ta gjeni veten të detyruar në menaxhimin e situatave të vështira. Në dashuri, lidhja do të jetë harmonike.

Luani

Një harresë e vogël, mund të çojë në një vonesë shumë të rëndë. Megjithatë mos u dekurajoni, pasi parashikohet një javë e cila do ju lejojë që të forconi të gjitha aleancat tuaja, por duhet të jeni të gatshëm që të pranoni edhe ndonjë kompromis të vogël.

Virgjëresha

Bërja e ndonjë sakrifice të vogël do ju lejojë që të fitoni më shumë kohë dhe të vini në linjë të gjitha prioritetet e punës suaj. Gjatë kësaj dite duhet të jeni më të drejtpërdrejtë dhe karizmatikë.

Peshorja

Dëgjoni me vëmendje më të madhe të gjitha këshillat e miqve dhe kolegëve tuaj, pasi mund të merrni sugjerime të vlefshme për të kaluar një fazë në rënie. Do të arrini të kuptoni se si duhet të veproni për t’ia dalë mbanë.

Akrepi

Kjo ditë kërkon që të jeni më aktivë dhe dinamikë, sidomos lidhur me takime të reja interesante. Në vendin e punës do të merrni një konfirmim që do të forcojë pozitën tuaj.

Shigjetari

Mos u druani që ta lini veten të lirë në dashuri, pasi kjo është periudha më e duhur për të rizgjuar ndjenjat dhe për të nisur histori të reja. Por disa vendime në punë, mund t’iu vënë nën presion. Jini të qetë dhe mos u ndikoni nga nxitimi i personave të tjerë.

Bricjapi

Pikërisht për shkak të zgjuarsisë tuaj do të jeni të kërkuar nga të gjithë personat që ju duan dhe vlerësojnë. Sugjerimet tuaja do të jenë më se të vlerësuara dhe për rrjedhojë do të ndiheni mjaftë krenar. Mbrëmja parashikohet t’iu gjejë në romanticitet të plotë.

Ujori

Po merrni pjesë në projekte mjaft krijues, të cilat gjithsesi do ju vendosin në vështirësi. Puna në grup ju vendosë disi në siklet, ndaj duhet të përvishni mëngët për t’ia dalë mbanë. Në dashuri, partneri/ja kërkon që t’iu shohë më të vendosur.

Peshqit

Gjatë kësaj dite duhet të mundoheni të rikuperoni energjinë tuaj dhe të jeni gati për aventura të reja. Kjo ditë parashikohet të jetë perfekte për të kënaqur disa nevoja të partnerit/es tuaj.

Gazetari Artan Hoxha ka dhënë të tjera detaje në lidhje me arrestimin e Denis Brajoviç alias Bajri në Dubai, i cili ishte shpallur në kërkim në megaoperacionin “Metamorfoza” për ekzekutimin e Gjin Boriçit në Vau Dejës më 9 gusht 2020.

Gazetari tha se ai është arrestuar në Dubai bashkë me dy persona të tjerë, por pritet të dalë shumë shpejt sipas rregullave atje. Ai tha se Shqipëria e ka të vështirë të marrë të shumëkërkuarit që ndodhen në Dubari, pavarësisht përpjekjeve për marrëveshje.

“Emri i vërtetë është Denis Vaso. Djali ish-futbolistit të famshëm të Vllanisës dhe Kombëtares Millan Vaso, një futbollist shumë i mirë prandaj si gazetar sporti e mbaj mend. Më mbrapa e ka bërë mbiemrin Brajoviç. Është shpallur në kërkim nga operacioni ‘Metamorfoza’. Është kapur në zonën e Xhamllikut nga Renea bashkë me Safet Bajrin. Njeriu më besnik i Behaj Bajrit, si njeriu që ka kryer ekzekutimin e Gjin Ndojit dhe nga ai moment është shpallur në kërkim.

Një pjesë të kohës ishte në Shqipëri, pastaj është larguar nga vendi, është ndaluar nga bashkëpunimi me Interpol Abu Dabin. Gjatë operacionit për kapjen e Denisit janë kapur edhe dy shtetas të tjerë, njëri nga Dibra, njëri nga Lezha. Personi i kërkuar nga SPAK me vendim të Gjykatës Speciale është i arrestuar, po Shqipëria nuk ka ekstraduar asnjë nga Emiratet Arabe. Do mbahet aty, do dalë në gjykatë. Ka pasur raste që dalin edhe për 40 ditë. Në rastin konkret Denisi ka për të qëndruar derisa Gjykata të vendosë që ky lirohet nga burgu, do jetë gjithmonë në mbikëqyrje. Tentativa që po bën Shqipëria është përpjekje, por asnjë vend i botës nuk ka marrëveshje ekstradimi, prandaj është kthyer në parajsë penale dhe fiskale. Shqiptarët janë vetëm sa një pikë uji atje. Nuk kam parë ndonjë bos të krimit kolumbian të dalë në TikTok”-tha Hoxha në Top Talk.

I ati i Blerina Metës, e cila dyshohet si e përfshirë në vrasjen e bashkëshortit, është shfaqur në gjendje të rënduar emocionale pas ngjarjes.

Ai kërkon zbardhjen e plotë të ngjarjes, ndërsa tregon se vajza nuk është në gjendje të flasë.

“Ne jemi bërë me lujt mendsh. Unë nuk e di si jam gjallë. Veç një fjalë kam thënë, të zbardhet e vërteta e kësaj ngjarje. Nuk kërkojmë asgjë. Ato le të rrinë në burg të përjetshëm nëse e meritojnë. Nëse nuk e meritojnë, ta vendosin organet kompetente. Unë nuk e di si jam gjallë. Unë e kam kaluar një situatë të vështirë. Tani është më e rëndë. Unë as vajza nuk jemi në gjendje të flasim”– tha ai.

Hetimet për vrasjen e Pëllumb Metës:

Nga veprimet proceduriale të deritanishme, rezulton se vrasësi i dyshuar është Hysen Meta, djali i madh i Pëllumbit. E vetmja gjë ende e paqartë për grupin hetimor mbetet motivi kryesor i krimit. Gjithsesi dhuna në familje, qoftë dhe vetëm ajo psikologjike, e shoqëruar me episode dhune fizike të herëpashershme ndaj nënës, siç dëshmohet vetëm nga Blerina dhe vajza e saj e arrestuar, konsiderohet motiv që ka nxitur frymën e urrejtjes ndaj babait duke çuar në planifikimin e vrasjes së tij.

Pesha e përgjegjësisë nga dëshmitë dhe provat e deritanishme bie mbi Hysen Metën dhe motrën e tij Hygerta. Të dy kanë qenë të pranishëm në krim, por roli i nënës së tyre Blerina Metës, konsiderohet kyç në këtë ngjarje kriminale.

Vrasja e Pëllumb Metës ka ndodhur në datën 10 shkurt, dhe djali i madh Hyseni, pas tre ditësh ka bërë denoncimin për zhdukjen e tij. Pëllumbi u vra në një dhomë të shtëpisë, e më pas u gropos në kasollen e lopës që ndodhej ngjitur me shtëpinë.

Një ngjarje e rëndë ka ndodhur ditën e djeshme në Itali, ku ka ndërruar jetë papritur një i ri shqiptar.

Sipas medieve italiane 38-vjeçari shqiptar Ledian Sharka ka thënë “nuk ndihem mirë” dhe një koleg e ka shoqëruar në spital.

38-vjeçari ishte i martuar dhe baba i një vajze 5-vjeçare.

Sipas dëshmisë punëtori shqiptar, banues në Castel Del Monte, së bashku me një koleg ishin duke punuar në një shtëpi private kur papritur nuk u ndje mirë.

38-vjeçari u shoqërua drejt spitalit nga kolegu i punës por ndërkohë që po i shpjegonte mjekut arsyen pe ndodhej në spital, papritur u rrëzua përtokë.

Prokurori Fabio Picuti, ka urdhëruar transferimin e trupit në morgun e spitalit, ku pritet të kryhet autopsia për përcaktimin e shkakut të vdekjes.

Shumë shpejt, duket se do të kemi arrestime të tjera në lidhje me vrasjen e Pëllumb Metës. Policia e Durrësit po vijon me intesitet hetimet në lidhje me zbardhjen dhe dokumentimin e plotë të ngjarjes së ndodhur më datë 10 shkurt.

Burime nga grupi hetimor pohojnë se ka dyshime të forta që bashkëshortja e Pëllumb Metës dhe njëkohësisht nëna e tre fëmijëve të arrestuar të jetë iniciatorja kryesore në vrasjen e 50 vjeçarit dhe asgjësimin e kufomës.

Blerina Meta është lënë qëllimisht e lirë nga policia për të zbuluar detaje të tjera që grupit të hetimit i nevojiten për të zbuluar të vërtetën. Hetuesit po mbajnë në survejim me metoda speciale Blerina Metën.

“Nuk e besojmë që shkak për vrasjen të ketë qenë historia e fejesës.

Ne mendojmë se diçka tjetër fshihet. Ata sakrifikuan kryefamiljarin që mos të dilte ai sekret nga gjiri i familjes.

Po punojmë me intesitet, me metoda aktive dhe proaktive.

Kemi dyshime të forta se iniciatorja kryesore e kësaj ngjarjeje të jetë Blerina Meta”,- thanë burime nga grupi hetimit për ABC News.

Edmond Mustafa, shqiptari që u vra mëngjesin e sotëm në qendër të Tivarit, është përmendur në përgjimet e aplikacionit “Sky” gjatë vitit 2020 nga lideri i klanit të Kavaçki, Radoje Zviter dhe oficerët e policisë që ishin pjesë e klanit. Në mesazhet e shkëmbyera mes tyre thuhet se shqiptari është në rrezik nga “të tijët” për shkak të blogeres malazeze Vasilisa Nurković.

Mustafa, i cili dyshohet se ishte anëtar i bandës kriminale “Skaljar’, u gjend në qendër të një loje të rrezikshme që përfshin klanin Kavaçki, agjencitë e zbatimit të ligjit dhe marrëdhënien e tij romantike me blogeren e Vasilisa Nurković.

Mesazhet e përgjuara në Sky, të shkëmbyera midis liderit të klanit Kavaçki, Radoje Zvicer, dhe oficerëve të policisë të përfshirë zbulojnë një komplot rrëqethës për rrëmbimin e Mustafait. Mesazhet sugjerojnë se Mustafa ishte nën presion për t’u bërë “dëshmitar bashkëpunëtor” dhe për të zbuluar informacione për të paktën 20 vrasje. Mirëpo, Mustafa nuk kishte pranuar.

Frika e Mustafës për jetën e tij ishte evidente në komunikimet e përgjuara. Ai shprehte shqetësim jo vetëm për klanin e Kavaçit, por edhe për bashkëpunëtorët e tij “Skaljar”. Zbulimi i marrëdhënies së tij romantike me Vasilisa Nurković e bëri edhe më komplekse situatën, pasi duket se Mustafa i frikësohej jo vetëm hakmarrjes së fraksioneve rivale kriminale, por edhe “të tijëve”.

Historia tragjike e bashkëshortit të Vasilisë, Zijad Nurkoviq, i cili ishte i lidhur ngushtë me klanin e Alen Kožar, shtoi frikën te shqiptari. Ai dyshohet se inatosi bashkëpunëtorët e tij “Skaljar” pasi pas vrasjes së bashkëpunëtorit të tyre Zijan Nurkoviq më 20 prill 2019 në Spanjë, ka hyrë në lidhje me të venë e tij, Vasilisa.

Më 1 gusht 2020, shqiptarin e rrëmbyen dhe e mbajtën në një banesë në lagjen e qytetit të Podgoricës dhe i kërkuan që ta detyronte të rrëfente 20 vrasje. Ai u rrëmbye nga policët e Kavaçit, Ljubo Miloviq dhe Petar Lazoviq. Madje Miloviq kishte sugjeruar hedhjen e një bombe në shtëpinë e shqiptarit, për ta hequr qafe sa më shpejt.

Mustafa vitin e kaluar ishte ndaluar për drejtim mjeti nën ndikimin e lëndëve narkotike.

Një tjetër rast i dhunës në familje është shfaqur në fshatin Qatrom të qytetit të Korçës, ku një 67 vjeçar dyshohet se ka ushtruar dhunë ndaj vajzës së tij 35 vjeç.

Babi është arrestuar dhe po ndiqet penalisht pasi përveç përplasjes fizike ai ka ushtruar dhr dhunë psikologjike.

Njoftimi i policisë;

DVP Korçë/Vihet në pranga 1 shtetas për veprën penale të dhunës

-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin S. D., 67 vjeç, banues në fshatin Qatrom, Korçë, pasi dyshohet se ka ushtruar dhunë ndaj vajzës së tij 35-vjeçare dhe e ka kanosur atë, me mjet prerës (thikë). 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Autoritetet në Turqi jetojnë prej muajsh nën kërcënimin e një tërmeti të madh në Stamboll, i cili pritet të ketë efekte shkatërruese të një tërmeti të tillë si cunami.

Në këtë kontekst, prej disa muajsh në disa pjesë të Stambollit janë vendosur tabela të përhershme paralajmëruese për cunami, duke u bërë thirrje njerëzve të lëvizin në pjesët më të larta të qytetit larg brigjeve të Bosforit. Shenjat e para u vendosën në Büyükçekmece, një lagje në anën evropiane të qytetit që është shtëpia e një bregdeti të gjatë ku ka zona me popullsi të dendur të ndara nga deti vetëm nga plazhet dhe një shëtitore e gjatë në zonën më të madhe metropolitane të Stambollit.

Por në të njëjtën kohë, tabela të tilla janë vendosur edhe në pjesët më qendrore të Stambollit, si në Fanari. Shenja të lidhura ka edhe jashtë Patriarkanës Ekumenike në lagjen historike.

Lidhur me këtë shqetësim Efthymios Lekkas, profesor i Gjeologjisë së Aplikuar të Tektonikës Dinamike dhe Menaxhimit të Fatkeqësive Natyrore në Greqi, paralajmëroi edhe një herë për një tërmet të madh në Stamboll. Ai vuri në dukje se sizmologët kanë bërë vlerësime të ngjashme nga e gjithë bota.

“Rajoni i Anadollit të Veriut që fillon nga Kaspiku dhe përfundon në Egje me një gjatësi prej 1300 kilometrash, ka vetëm një pjesë që nuk është thyer dhe nuk ka shkaktuar ndonjë tërmet të madh dhe është ajo që ndodhet në zonën nënujore në jug të Stamboll”, tha ai lidhur me vlerësimet se në Stamboll pritet një tërmet i fortë deri në 7.5 Rihter.

Në të njëjtën kohë, ai sqaroi se nuk bëhet fjalë për një thyerje të re, por për një strukturë të madhe tektonike që është një degë e thyerjes së Anadollit të Veriut. Një degë e dytë është ajo e Nikomedias që kalon nga Bursa dhe divergjohet në dy degë, 50 kilometra më në jug.

“Vlerësimet nuk janë vetëm nga sizmologët turq, por korrespondojnë me vlerësimet e grupeve nga e gjithë bota. Prandaj, aktualisht është e ditur se ne presim një tërmet të madh në Stamboll”, tha Lekkas.

“Vetë presidenti Erdogan po bën fushatë në bazë të tërmetit dhe thotë se kandidati i tij është më i aftë të përballojë një fatkeqësi të mundshme të tërmetit në Stamboll. Pra, ju e kuptoni se në Stamboll, sepse është një qytet me 20 milionë banorë, ka një ekspozim shumë të madh të popullsisë”, shtoi ai.

Rrezik i madh për Stambollin

Ai dha alarmin për Stambollin, duke thënë se mendon se ekspozimi për shkak të akumulimit dhe dendësisë së popullsisë është shumë i madh.

“Një e treta e shtëpive në Stamboll janë ndërtime të vjetra para çdo rregullimi të tërmeteve. Një e treta janë ndërtime moderne me masa antisizmike”, shtoi ai.

Lajmi i divorcit të Besit dhe Xhnesilës është një nga lajme më të përfolur këto ditë.
Së fundmi avokatja Nexhi Beqiri, ka deklaruar se Besi dhe Xhensila në fakt janë nën një hetim pasurie dhe çështja e divorcit është thjesht një manovër për të shpëtuar pasurinë e tyre.

Lidhur me këtë deklaratë, ditën e sotme, ish-ministri i Drejtësisë, Ylli Manjanit, ka bërë një reagim në profilin e tij në “Facebook”, përmes të cilit e ka konsideruar totalisht “idiote”, deklaratën e avokates, duke sqaruar se Bes Kallaku nuk ka asnjë detyre publike, që të jetë nën hetim.

“Le pastaj teoria krejt idiote, por idiote fare që divorci na qenka i sajuar se po i bëhet hetim pasuror!!! Në RTSH madje kishte dalë të fliste me kompetencë edhe një avokate për këtë gjë!!! O zot, a je kund?!

Po si ka mundësi që një helm dashakeqës i psikopatisë port’halore bëhet çështje kaq e debatueshme në media kombëtare madje?! Po ç’hetim pasuror mo?! Jeni apo bëni vetë?! Pini more ilaçet, lëreni kamomilin! Po pse mo hetimi pasuror ka dalë në pazar dhe bëhet me çmim shumice?! Ç’detyrë publike mban Bes Kallaku?! Meqë flisni me siguri, në kuadër të cilit procedim bëhet hetimi?!

Ja ta zëmë se i qenka hapur hetim pasuror, për qejf të helmit mediatik, si e shpëton divorci pasurinë?! Ua ua ua ua çfarë helmi!? Çfarë llogjike?! Biles edhe me shërbim avokatie, media është gati për gjyq popullor! Ptu!” thotë Manjani në reagim.

E elemimuara e natës së shtunë pas Albit ishte Arta dhe më të lënduarat ishin shoqet e saj,Rike dhe Vesa.

Arta pasi mori kohën e saj, shkroi në Instagram një mesazh të gjatë falenderimi dhe itinerari duke zbuluar planet e saj.
Ata që janë brenda në shtëpi,supozohet se nuk dinë asgjë çfarë ndodh me banorët që eleminohen.Apo jo..?

Një video e Vesës po bën xhiron e rrjetit ku ajo duke folur me Sara.K thotë:”Po,ajo deri dje ka qënë në Tiranë edhe tani është në Kosovë,po e shijon.I ka falenderuar krejt fansat përmes rrjeteve sociale që e kanë ndjekur,që e kanë suportuar..”

https://vm.tiktok.com/ZMM8ALdh9/