Month: April 2024

Eklipsi i pritur diellor nga data 8 prill në Shtetet e Bashkuara ka vënë në lëvizje makinerinë e parashikimeve dhe teorive të frikshme të astrologëve të rrjetit, të cilët paralajmërojnë se eventi qiellor mund të shoqërohet me ngjarje nga me të përgjakshmet.

Në eklipsin e pritur total solar, një errësirë e plotë do të bjerë në SHBA, Kanada e Meksikë, teksa NASA ka dhënë këshilla duke thënë se “ekslipsi duhet parë me mbrojtje të veçantë të syve”.

Zyrtarët qeveritare kanë paralajmëruar për bllokime të mundshme të trafikut teksa njerëzit mund të nxitojnë të gjejnë pikat e preferuara për ta parë.

Por paralajmërimeve zyrtare i shtohet dhe teoritë e të ashtuquajtura konspiracioniste dhe besimet se eklipsi mund të jetë një shenjë e diçaje më të madhe, të kombinuar me evente të tjera dhe me shkronjën ‘X’, sipas hartës së vendndodhjeve nga ku ai mund të shihet në SHBA.

Përdoruesi i rrjetit Reddit, u/wefellinloveinnyc shpjegonte se “në kohën e eklipsit është parashikuar një event masiv sakrifikimi njerëzor”.

Ai shtonte se vendndodhjet nga ku mund të shihet eklipsi i 8 prillit dhe linja e vendndodhjeve të eklipsit solar të 2017 në SHBA, formojnë gërmën “X” dhe mund të trondisin linjat sizmike duke shkaktuar tërmete.

Megjithëse tërmetet nuk kanë lidhje me eklipset diellore, përdoruesit thonin se një tërmet në linjën sizmike ‘New Madrid Fault Line’ në SHBA, do të ishte 20 herë më i fortë se tërmeti me epiqendër në zonën sizmike të Jugut të Kalifornisë.

Përdoruesi shkonte dhe më tej duke shtuar se kryqi ‘X’ i krijuar diku në Texas, është pranë një fabrike gjigante të grupit Tesla.

Ata shpjegonin: “Meqë po flasim për gërmën X, Elon Musk ndryshoi emrin e rrjetit Twitter në X. Ndërkohë nëna e fëmijës së tij, Grimes, ka postuar më parë një imazh të çuditshëm në Instagram ku paralajmëronte ardhjen e covid dhe diku poshtë saj tregohej dhe një eklips diellor.”

Konspiracionisti shtonte se këto ishin tepër koincidenca për t’u konsideruar rastësi, prandaj sipas tyre “një sakrificë masive njerëzore mund të jetë duke u përgatitur”.

Pëdoruesi vazhdonte më tej në postim: “Nuk jam vetëm paranoiak por dihet sa agresive është simbolika që ata përdorin, nxit të gjithë të mbrohen më 8 prill pasi nuk kam besim te këta psikopatë”.

Postimi kishte tërhequr vëmendje të madhe dhe kryesisht miratim nga përdoruesit e rrjetit.

Përdoruesi U/momsister5throwaway shkruante: “E drejtë, besoj se diçka do të ndodhë sepse ndjehet”.

Ilnisa dhe Meritoni janë një nga çiftet e këtij sezoni të Big Brother VIP.

Tashmë të izoluar në një dhomë me Eglën pas s‘kualifikimit, dyshja ka kaluar disa çaste romantike së bashku.

Por duket se fansat kanë kapur një detaj interesant, ku Ilnisa shfaqet duke i futur dorën poshtë pantallonave Meritonit.

Dyshja janë parë të afërt me njëri-tjetrin që në ditët e para të fillimit të show-t. Si Ilnisa ashtu dhe Meritoni janë nominim së bashku me aktoren Egla Ceno.

Njëri prej të treve do të largohet ditën e shtunë nga shtëpia e Big Brother Vip.

https://www.instagram.com/reel/C5WIMGPtgRJ/?igsh=MW10emQ1YWkyOTF5aQ==

Video Player

Greqia zbutet ndaj Tiranës zyrtare.

Media e Athinës “Antinews” njoftoi ditën e sotme se qeveria greke ra dakord të nisë procesin për nënshkrimin e Marrëveshjes së Mbrojtjes dhe Sigurisë ndërmjet BE-së dhe Tiranës bazuar në projekt-marrëveshjet specifike me Shqipërinë dhe vendet e tjera kandidate të Ballkanit Perëndimor.

Qeveria greke, pavarësisht deklaratave publike të një qëndrimi të palëkundur ndaj kryeministrit Edi Rama dhe mes thashethemeve për përfshirjen e kryetarit të burgosur të Bashkisë së Himarrës Fredi Beleris, në listën për kandidatët e Demokracisë së Re për PE, ra dakord të nisë procesin për nënshkrimin e një Marrëveshja e Mbrojtjes dhe Sigurisë ndërmjet Bashkimit Evropian dhe Shqipërisë.

Diskutimet e brendshme të ndërlidhura, mes organeve bashkëkompetente të BE-së, kishin nisur që në janar të këtij viti, por pak ditë më parë u propozuan draftet specifike të një marrëveshjeje me Shqipërinë dhe vendet e tjera kandidate të Ballkanit Perëndimor.

Burime të besueshme theksojnë se draftet fillestare përfshijnë veçanërisht Shqipërinë në objektivat më të gjera të “Busullës Strategjike” të BE-së me miratimin e pjesëmarrjes së ardhshme të Tiranës edhe në Misionet Politike dhe Operacionet Ushtarake të Politikës së Përbashkët të Sigurisë dhe Mbrojtjes.

“Veçanërisht i rëndësishëm është edhe suksesi i Shqipërisë në nisjen e bashkëpunimit në çështjet e mbrojtjes kibernetike dhe përballjes së kërcënimeve hibride, pasi këto janë fusha me një marrëdhënie të privilegjuar të Tiranës, deri tani, vetëm me Shtetet e Bashkuara të Amerikës. Me fjalë të tjera, vërehet fenomeni që Uashingtoni e trajton me dyshim “Busullën Strategjike” dhe në përgjithësi autonominë strategjike të BE-së, por zoti Rama arrin të diskutojë të njëjtat çështje dhe të pranohet nga të dyja anët e Atlantikut -shkruan artikulli.

Kur në fazën fillestare të krizës së Belerit qeveria greke kërkoi një ndërhyrje amerikane, u konstatua se kryeministri shqiptar kishte forcuar pozicionin e tij në Shtëpinë e Bardhë dhe Departamentin e Shtetit. Sepse, në një kohë të shkrutër, zoti Rama kishte projektuar me sukses imazhin e të qenit mburoja e ndikimit rus në Ballkanin Perëndimor dhe viktimë e sulmeve hibride nga organizatat terroriste iraniane dhe të tjera.

Në të njëjtën kohë, në muajt e fundit, kryeministri shqiptar ka forcuar edhe terrenin e tij në Bruksel, ose Athina beson – gabimisht dhe me frikë – se kjo ka ndodhur në një masë të madhe- vazhdon artikulli. Sepse nuk mund të shpjegohet ndryshe se, si në planin politik, ashtu edhe në atë diplomatik, pala greke herë nuk e ngre fare çështjen e Belerit dhe herë mjaftohet me një informim lakonik, pa kërkuar ndihmë të drejtpërdrejtë.

Imazhi, i cili tashmë po konsolidohet tek zyrtarët e BE-së dhe përfaqësuesve të 26 vendeve anëtare të mbetura, është se çështja Beleri është ngritur thjesht për t’u regjistruar në procesverbal. Ndër të tjera, është hequr dorë nga paralajmërimi grek i përsëritur muaj më parë- se “kjo është një çështje serioze që mund të ndikojë në marrëdhëniet dypalëshe dhe në kursin europian të Tiranës”. Tani vetëm thuhet se Shqipëria duhet të respektojë parimet e shtetit ligjor gjatë gjykimit të z. Beleris në shkallë të dytë.

Në të njëjtën kohë, element i ri në zhvillimet ballkanike është propozimi i ish-ministres së Jashtme Doras Bakojanis për anëtarësimin e Kosovës në Këshillin e Evropës. Edhe pse tradicionalisht dëgjohen shumë ekzagjerime për miqësinë greko-serbe, sot është e justifikuar të habitemi për motivet dhe qëllimet e goditjes së fortë që Athina i dha Beogradit.

Disa diplomatë të huaj vlerësojnë se “ish-ministrja nuk mund të bënte një propozim kaq të rëndësishëm pa dijeninë e kryeministrit”. Gjithashtu, ata vënë në pikëpyetje nëse qëndrimi i zonjës Bakojanis është, së pari, pjesë e një hapjeje diplomatike ndaj faktorit shqiptar (pavarësisht mosmarrëveshjeve të shumta mes zotit Rama dhe homologut të tij kosovar Albin Kurti) dhe së dyti, një pararendës i një ndryshimi në politikën greke në favor të njohjes së plotë dhe zyrtare të Kosovës.

Për momentin, qëndrimi grek nuk ka ndryshuar dhe jepen garanci se “marrëdhëniet shumëvjeçare bashkëpunuese” të njohura publikisht, me Prishtinën në çështjet ekonomike dhe tregtare vazhdojnë. Sigurisht, dikush do të thoshte se tani Kosova është ndoshta më pak e interesuar për njohjen formale nga Greqia dhe më shumë për iniciativa të ngjashme me znj. Bakojanis, pasi ato i sjellin një përfitim më të gjerë.

Alexandros Tarka

Autori është redaktor i revistës “Defense & Diplomacy” dhe konsulent i kompanive të huaja për studimin e riskut të biznesit për Evropën Juglindore

Ky është momenti befasues kur një makinë në Tajvan u përplas nga një gur i madh, teksa shoferët u larguan në mënyrë dramatike ndërsa para tyre rrëshqiste dheu. Rrëshqitja ndodhi pas një tërmeti me magnitudë 7.4 që tronditi vendin ishull të mërkurën. Kamera e shoferit kapi tmerrin teksa peizazhi filloi të dridhej në një rrugë në veri të provincës Hualien më 3 prill, duke bërë që copa të mëdha shkëmbi të rrëzoheshin nga një mal.

Në klip, makinat ndalojnë shpejt dhe fillojnë të kthehen prapa, ndërsa tërmeti në mënyrë të dukshme fillon të tundë kamerën, por një automjet goditet nga një gur i madh, shumë më i madh se ai dhe përplaset pas një muri.Që nga tërmeti, Tajvani është goditur nga më shumë se 300 pasgoditje ‘të tmerrshme’, duke lënë rreth 700 njerëz ose të bllokuar ose të zhdukur ndërsa ekipet e shpëtimit vazhdojnë përpjekjet e dëshpëruara për të siguruar njerëzit e bllokuar në tunelet e autostradës.

https://twitter.com/cutea6386?ref_src=twsrc%5Etfw%7Ctwcamp%5Etweetembed%7Ctwterm%5E1775739803960811646%7Ctwgr%5Ee22b3eef77d7666dd21d7b54be8fe4254da846f8%7Ctwcon%5Es1_&ref_url=https%3A%2F%2Fshqiperia-ime.com%2Ftermeti-ne-tajvan-momenti-kur-shkembi-gjigand-shkeputet-nga-mali-dhe-ze-poshte-makinen%2F

https://twitter.com/cutea6386/status/1775739803960811646/video/1

Izolimi i Eglës vazhdon ende të përflitet nëpër rrjetet sociale e kjo për faktin se mbrëmjen e djeshme u injorua fakti që Egla ishte fotografuar jashtë BBV duke ecur rrugëve të Tiranës.

Moderatori Ledion Liço u shpreh se Egla ka qëndruar e izoluar 48 orët e fundit, duke treguar edhe pamjet nga izolimi i saj, ama pamjet që qarkulluan në rrjet nuk u përmendën.

Për këtë ka reaguar dhe vëllai i Jul Dedës, Mario Deda, me anë të një story në Instagram ku shkruan se 48-orëshi i Eglës në dhomën e bardhë është mashtrim, teksa publikon një foto tjetër të Eglës duke hipur në një makinë.

“Blutë” e Tiranës kanë reaguar pas videos të publikuar në rrjetet sociale, ku një person i raportuar si hajdut, shihet duke “u arratisur” nga dritarja e një autobusi. Sipas policisë në lidhje me rastin është shoqëruar shtetasi P.Zh, 51-vjeç dhe ende nuk ka asnjë kallëzues që të vërtetojë se kemi të bëjmë me një vjedhje.

Tiranë Në lidhje me një video të publikuar në rrjete sociale, në të cilën shfaqet një shtetas duke dalë nga dritarja e një autobusi, ju informojmë se: Sot, rreth orës 10:30, është marrë njoftim se në një autobus që lëvizte në rrugën “Panorama”, një shtetas kishte tentuar të vidhte një shtetase.

Shërbimet e Policisë kanë kaluar menjëherë në adresën e dhënë dhe kanë shoqëruar në Komisariat, shtetasin P. Zh., 51 vjeç, banues në Kashar, për veprime të mëtejshme. Në lidhje me këtë rast, deri tani nuk ka asnjë kallëzues. Po punohet për dokumentimin e plotë ligjor të këtij rasti.

SHIKO VIDEON KËTU

HMD mund të prezantojë një version të ri të telefonit Nokia 3210 në muajin maj.

Prodhuesi finlandez i celularëve njoftoi se një telefon i ri Nokia do të arrinte në muajin maj në Kongresin Botëror të Celularëve muajin e kaluar.

Marka ndau gjithashtu një imazh me piksel të një telefoni Nokia në një nuancë të verdhë me etiketën “Një ikonë kthehet këtë maj”.

Meqenëse postimi X u publikua në ditëlindjen e 25-të të Nokia 3210, ky model mendohet se do të rikthehet përsëri në treg.

An icon returns this May. #Nokiaphones

Be first to hear more: https://t.co/2P7IwyjzpA pic.twitter.com/lIRBu9YF7v

— HMD (@HMDdevices) March 18, 2024

Ditën e djeshme, një tërmet me magnitudë 4.7 të shkallës Rihter, goditi Malin e Zi. Epiqendra e tërmetit ishte në veri-perëndim të vendit, ndërkohë që u ndje edhe në Bosnje si edhe veri të Shqipërisë.

Një një intervistë në emisionin e “7pa5”, sizmiologu Edmond Dushi, ka komentuar së pari tërmetin 7.4 Rihter që goditi Tajvanin dy ditë më parë.

Por sipas sizmiologut, që e vetmja mbrojte sot ndaj dukurive sizmike, është të ndërtojmë shumë mirë, sepse nuk kemi një qëndrueshmmëri 100%, por minimizojmë humbjet dhe rëniet e ndërtesave.

Gjithashtu, Dushi shprehet se; “Gjithmonë duhet të priremi drejt studimit të dukurisë dhe të marrim masa”.

Dushi: “Tërmeti në Tajvan është konfirmim i një zone me potencial shumë të lartë sizmik. Duket qartë që ata janë shumë të përgatitur për tërmete të këtyre përmasave. Tërmete mbi 7 ballë të shkallës Rihter mund të shkaktojnë një paralizim të jetës për njëfarë kohe, paralizojnë linjat kryesore. Impakt ka në linjat elektrike, në linjat e transportit, etj. Ata që ndodhen në atë rajon e njohin shumë mirë tërmetin. E vetmja mbrojte sot ndaj dukurive sizmike ëhstë të ndërtojmë shumë mirë. Nuk kemi një qëndrueshmmëri 100%, por minimizojmë humbjet dhe rëniet e ndërtesave. Projektimi i këtyre strukturave bëhet në atë që quhet studimi i rrezikut sizmik. Gjithmonë duhet të priremi drejt studimit të dukurisë dhe të marrim masa”.

Sa i përket tërmetit në Mal të Zi, zoti Dushi tha se ndodhemi në një rajon me aktivitet të lartë sizmik.

Dushi: “Është situatë e përsëritur. Dukuria e aktivitetit sizmik në rajonin e Mesdheut, aty ku bëjmë pjesë dhe ne, Greqia dhe Mali i Zi, është një rajon tepër aktiv sa i përket aktivitetit sizmik. Gjeometria e pllakës së Adriatikut është e tillë që favorizon këtë gjë. Duke qenë se këto janë rajone që njihen për aktivitetin sizmik disa zona spikasin. Zona në Malin e Zi është aktive prej gati tre javësh tashmë, kemi disa tërmete të tillë të modeuar. Mund të kemi një tërmet me një magnitudë më të moderuar, por asnjëherë nuk e dimë për sa kohë nuk e parashikojmë dot dukurinë. Për këtë arsye jemi të detyruar ta monitorojmë atë”.

A është kjo zonë e përgatitur?

Dushi: “Natyrisht që ka shumë për të bërë. Janë bërë progrese, ka pasur disa projekte të financuara për të krijuar një harmonizim. Tërmeti nuk njeh kufij. Përpjekjet e fundit janë që të harmonizohen zonat, të kemi një studim gjithëpërfshirës. Ka disa harta të rrezikut sizmik që reflektojnë një qasje më të mirë. Këto harta përkthehen dhe në harta lokale ose kombëtare më të mira, por nuk janë në ato nivele që mund të jetë Tajvani apo vende të tjera që janë shumë të përgatitura për këtë dukuri. Shqipëria ka një peshë 1% të të gjitha dëmeve që janë regjistuar, qoftë në jetë njerëzish, qoftë dëme materiale. Kjo nuk na bën më të sigurt, por kemi një evolucion në këtë aspect”.

A jemi të përgatitur mjaftueshëm për çdo lëvizje sizmike?

Dushi: “Nuk mund t’i jap një përgjigje të plotë kësaj pyetjete, por ka një lëvizje përmirësuse qoftë në masat e marra nga qeveria, qofë në atë që kanë bërë ndërtuesit. Në aspektin e politikave kanë dalë disa vendime të Këshillit të Ministrave që detyrojnë të bëhen studime, ndërkohë që më parë u neglizhuan fare studimet. Tërmeti i Durrësit e tregoi këtë gjë, që ka ndërtues seriozë. Por ka dhe nga ata që kanë qenë abuzues. Duhet të reflektojmë seriozisht për këtë gjë”.

Një mësuese ka ndërruar jetë pak metra larg banesës, teksa po përpiqej të shpëtonte macen e saj nga një ndërtesë që u shemb në Hualien, Tajvan pas tërmetit 7.2 ballë të mërkurën.

Gruaja u bllokua nga një pasgoditje tërmeti pasi ajo u kthye në bllokun tetëkatësh në rrugën Xuanyuan, tha Departamenti i Zjarrfikësve të Qarkut Hualien. Trupi i 33-vjeçares, me mbiemrin Kang (康), u gjet e mbërthyer nën një kolonë pa shenja jete rreth orës 14:00.

Kang, një mësuese e shkollës së mesme, u pa për herë të fundit duke u thënë fqinjëve se po kthehej në ndërtesë për të shpëtuar macen e saj. Gjithsej 24 të tjerë u shpëtuan nga ndërtesa 38-vjeçare, katër prej të cilëve kërkonin shtrimin në spital.

Mbrëmjen e djeshme, një ngjarje e rëndë ka ndodhur në Afrikën e Jugut, ku futbollisti i Luke Fleurs, është qëlluar për vdekje.

Sipas “BBC”, të shtënat ndodhën në një pikë karburanti, në periferi të Floridës të Johanesburgut.

Futbollisti 24-vjeçar, i cili përfaqësoi Afrikën e Jugut në Lojërat Olimpike të Tokios, ku po priste t’i shërbenin kur iu afruan persona të armatosur të panjohur, të cilët e urdhëruan të dilte nga automjeti.

Një nga të dyshuarit u largua nga vendi i ngjarjes me veturën e Fleurs pas të shtënave.

“Të dyshuarit i drejtuan një armë zjarri dhe e nxorrën nga automjeti i tij, më pas e qëlluan një herë në pjesën e sipërme të trupit”, tha për mediat lokale zëdhënësi i polisicës Gauteng, Mavela Masondo.

Policia po merret me rastin dhe detaje të tjera do të jepen në orët në vijim.

Mbrojtësi 24-vjeçar, iu bashkua Kaizer Chiefs vitin e kaluar.

Ai më parë ka luajtur për SuperSport United.