Month: April 2024

Videoja e Eglës në një dhomë të bardhë që mendohet se është pjesë e shtëpisë së “Big Brother Vip” po qarkullon kudo dhe pikëpyetjet janë pafund.

Disa aludojnë se aktorja nuk është skualifikuar nga loja dhe është mbajtur në këtë dhomë që nga dita e djeshme, ndërsa disa të tjerë besojnë se e gjitha është një gënjeshtër e produksionit për 1 Prillin.

Megjithatë dyshimeve ju shtua edhe një deklaratë e bërë gjithashtu nga një tjetër ish-konkurrente e cila pretendon se e ka takuar më herët aktoren pas daljes nga shtëpia.

Ledjona Xheladinaj ka reaguar sërish duke i bërë thirrje personit që e ka filmuar të nxjerrë videon e tyre.

“U takuam apo s’u takuam. Kjo është çështja. Dikush që ka videon ta nxjerrë tani ose të heshtë përgjithmonë. Nejse më mirë po citoj Galileon: “E megjithatë rrotullohet”, shkruan ajo.

Aktorja Egla Ceno, e cila u skualifikua nga BBV, është filmuar duke ecur rrugëve të Tiranës në shoqërinë e disa personave të tjerë, edhe pse në promo-n e “Big Brother” tregohej e izoluar në një dhomë.

Sipas një videoje të publikuar në rrjete sociale, Egla Ceno shfaqet duke ecur qetësisht rrugës në shoqërinë e një djali dhe një vajze, edhe pse rrjeti po “zjen” prej orësh për një rikthim të saj në “Big Brother Vip”.

Siç shihet edhe në pamje, ish-banorja është parë me kapele dhe rroba të zakonshme, të cilat po ashtu i kishte të veshura në videon ku ajo dukej në dhomën e izolimit.

Nuk dihet ende si cili do të jetë fati i Eglës, a do të kthehet apo jo në shtëpi, edhe pse aludimet kanë qenë të shumta.

Një deklaratë e ish-banores Ledjona Xheladinaj ka ngritur të tjera dyshime mbi izolimin e Eglës, e cila e ftuar në Fun Club ditën e përjashtimit të aktores, tha se e kishte takuar këtë të fundit pasi kishte dalë nga shtëpia, në ambientet e televizionit.

“Nuk më ka ardhur mirë që doli. Madje kam qenë personi i parë që e kam takuar kur ka dalë nga shtëpia. E kuptoj se sa e lumtur ndjehej që doli nga shtëpia. Nuk ishte e mërzitur, ishte e lumtur që po shihte njerëz”, tha Ledjona.

SHIKO VIDEON KËTU

https://vm.tiktok.com/ZMMamdhSk/

Në tregun e këmbimit valutor shqiptar sot një dollar amerikan do blihet me 95 lekë dhe do shitet me 95.9 lekë.

Euro do blihet me 102.2 lekë dhe do shitet me 102.9 lekë, ndërsa franga zvicerane do blihet me 104.6 lekë dhe do shitet me 105.5 lekë.

Ndërkohë paundi britanik do blihet me 119.1 lekë dhe do shitet 120.1 lekë.

Një ngjarje e rëndë është regjistruar mesditën e sotme (2 prill) në Gjirokastër.

Një shtetas ka qëlluar me armë gjahu, drejt banesës ku ishin familjarët e tij.

Policia ka arrestuar 47-vjeçarin dhe ka sekuestruar armën e gjahut.

Si pasojë e të shtënave, për fat të mirë nuk ka pasur të lënduar.

Zbardhen të tjera detaje nga aksidenti tragjik sot në Këlcyrë. Ngjarja ndodhi rreth orës 04:00, në aksin rrugor Këlcyrë-Përmet në afërsi të fshatit Kuqar.

Gazetarja Brikena Metaj raporton për BalkanWeb se mjeti ku udhëtonin 7 emigrantë, ka dalë nga rruga në rrethana ende të paqarta dhe ka përfunduar në shtratin e lumit Vjosë dhe për pasojë 8 persona kanë humbur jetën, përfshi dhe shoferin.

Mësohet se 6 trupa të pajetë u nxorën nga mjeti, ndërsa 2 kanë ngelur ende brenda ‘Benz’-it. Sakaq, dyshohet se automjeti është marrë me qira, ndërsa priten të tjera verifikime nga ana e policisë.

(BalkanWeb)

Aksidenti i rëndë në Këlcyrë/Informacion paraprak

Rreth orës 04:00, në aksin rrugor Këlcyrë- Përmet, në afërsi të fshatit Kuqar, dyshohet se si pasojë e humbjes së kontrollit mbi drejtimin e automjetit nga drejtuesi, automjeti tip Benz ka dalë nga rruga dhe ka rënë në anë të lumit Vjosë.

Si pasojë e daljes nga rruga kanë humbur jetën 8 shtetas.( 7 shtetas dyshohet se janë nga vendet e treta dhe drejtuesi i automjetit nga Shkodra)

Në vendngjarje ndodhet grupi hetimor i cili nën drejtimin e Prokurorit punon për sqarimin e rrethanave dhe shkakut të aksidentit.

Gjithashtu në vendngjarje ndodhen Drejtori Vendor i Policisë, Drejtori i Departamentit për Kufirin, Drejtori i Policisë Rrugore dhe Drejtori i Rendit Publik.

Po në vendngjarje ndodhen dhe dy grupe të Forcës Kombëtare të Sigurisë.

Në përfundim të veprimeve të para do ketë njoftim më të detajuar.

Dashi

Kjo ditë ju sheh disi dembelë dhe të tërhequr. Megjithatë mundohuni të mos i lini pas dore gjërat tuaja më urgjente. Këshillohet që të përvishni mëngët, si mënyra e vetme për të arritur rezultate të vlefshme.

Demi

Duhet të merrni vendime të rëndësishme, të cilat iu fusin disi në krizë. Vlerësoni me qetësi çdo propozim që keni marrë së fundmi dhe më tej ndiqni instinktin tuaj. Në dashuri, nuk duhet të jeni xheloz.

Binjakët

Në dashuri do të shfaqni anën tuaj karizmatike dhe tërheqëse dhe kjo në sajë të grintës tuaj, e cila ju lejon që të nxirrni në pah gjithë sensualitetin. Në vendin e punës ka disa mosmarrëveshje që duhen riparë.

Gaforrja

Më në fund do të keni mundësinë për të ndryshuar rrënjësisht rutinën tuaj profesionale, duke u përfshirë në nisma të reja ose duke marrë një rol më të rëndësishëm. Këshillohet që të mos jeni shumë tekanjozë.

Luani

Mundohuni ti kanalizoni siç duhen angazhimet tuaja, pasi së fundmi jeni shumë të stresuar dhe kjo për shkak të stilit të jetës shumë intensiv dhe të lodhshëm. Kjo është një ditë e rëndësishme për dashurinë, ndaj jini më kurajoz në raport me një person që pëlqeni.

Virgjëresha

Do të keni mundësi të mëdha për të rindezur ndjenjat dhe për të rigjetur paqen dhe harmoninë në raportet profesionale. Jini të gatshëm të dëgjoni të tjerët, pasi kjo ditë do të jetë e mbushur me takime shumë interesante.

Peshorja

Kjo do të jetë një ditë disi e rëndë nga pikëpamja profesionale dhe për këtë shkak ju do të jeni të lodhur dhe të ngarkuar. Megjithatë mundohuni që të mos përfshiheni nga ankthi dhe zhgënjimet në dashuri. Kjo e martë do të jetë interesante për të mbyllur çështje të rëndësishme.

Akrepi

Mundohuni që të jeni sa më pak agresiv edhe në momentet në të cilat keni të gjitha arsyet për t’iu përgjigjur provokimeve të të tjerëve. Vetëm me anë të diplomacisë do të arrini të fitoni betejat tuaja. Në dashuri parashikohen të reja interesante.

Shigjetari

Shmangni përfshirjen në aktivitete të reja, nëse nuk jeni totalisht të sigurtë për interesin tuaj. Kjo është një ditë e rëndësishme, për t’iu dhënë drejtimin e duhur disa raporteve ndërpersonale.

Bricjapi

Këshillohet që të jeni më të matur me shpenzimet, sidomos nëse jeni duke nisur projekte të reja të kushtueshme. Në dashuri, mundohuni që të shmangni polemikat.

Ujori

Kjo do të jetë një ditë e rëndësishme, gjatë së cilës do të kaloni kohë cilësore bashkë me familjen ose partnerin/en. Së fundmi keni qenë shumë të angazhuar në punë, aq sa keni lënë pas dore fushën e ndjenjave. Është një ditë mjaft e favorshme për të mbyllur çështje të rëndësishme.

Peshqit

Gjatë gjysmës së parë të së martës pritet të ketë risi interesante dhe transaksione të cilat duhen menaxhuar me kujdes. Këshillohet që në raportin në çift të mos jeni shumë impulsiv.

Elisa Doka është 20-vjeçarja shqiptare që humbi jetën në aksidentin tragjik të ndodhur mëngjesin e sotëm në Patrida Veria, Greqi.

E reja me origjinë nga Lushnja, ishte duke pritur autobusin në stacion kur u përplas nga një automjet që humbi kontrollin. Bashkë me shqiptaren, në stacion ndodhej edhe një 68-vjeçare që po ashtu humbi jetën.

Elisa nuk jetonte në Veria, por kishte shkuar në fshatin Patrida për të takuar tezen e saj pasi do t’i nënshtrohej një operimi ditën e sotme. Bashkëshorti i tezes së saj duke folur për mediat greke ka treguar se vajza ishte nisur për në spital, por aksidenti i mori jetën.

“Une nuk di asgjë. Ajo nuk jetonte këtu. Unë qëndroj këtu dhe ajo erdhi për të parë tezen e saj, gruan time. Gruaja ime do të operohej në 8 të mëngjesit dhe unë u ngrita në 6 dhe u nisa me kunatën time dhe e lamë në shtëpi sepse kam dy djem”.

Ai tha se 20-vjeçarja do shkonte me të spital që herët në mëngjes, por ajo nuk kishte pranuar pasi donte të përcillte kushërinjtë në shkollë.

“Më tha: ‘Shko ti më mirë, unë do të vij me autobus që fëmijët të shkojnë në shkollë’. Dhe ndodhi ajo që ndodhi. Të gjithë jemi të tronditur. Ajo do vinte me autobus në spitalin ku isha unë me gruan time”.

Vajza shqiptare studionte për infermieri dhe te tezja kishte shkuar për t’u kujdesur për të pas operimit.

Shoferi 64-vjeçar i cili dyshohet se nuk ishte mirë kur shkaktoi aksidentin është arrestuar. Njëkohësisht, 64-vjeçari pritet t’i nënshtrohet ekspertizave dhe analizave të gjakut për të zbuluar përqindjen e alkoolit në organizëm.

Studiuesit shikuan se cilat zakone të përditshme mund të përmirësojnë kujtesën tonë dhe dolën me një shumë të thjeshtë dhe të lehtë. Përveç fjalëkryqeve dhe lojërave të kujtesës, ka gjëra shumë më të thjeshta që mund të bëjmë.

Një prej tyre është inhalimi, sipas ekspertëve. Frymëmarrja e mirë, sidomos përmes hundës, “freskon” trurin, duke përmirësuar kujtesën. Përveç kësaj, thithja më shumë se nxjerrja, aktivizon zonën e trurit që kontrollon kujtesën dhe disponimin.

Një karakteristikë e hulumtimit thekson: Gjatë eksperimentit pjesëmarrësve iu kërkua të mbanin mend shprehjen e fytyrave që kishin parë. Ata që morën frymë thellë kur panë për herë të parë imazhet kishin kujtesën më të mirë. Dikush e njohu saktë një fytyrë mesatarisht dy sekonda më shpejt kur e pa gjatë frymëmarrjes sesa kur nxirrte frymën.

Mehmet Palaz është një nga turqit e lënduar i cili u shtrua në spital, pasi u shemb ballkoni i ndërtesës së qarkut të CHP-së në Tavas, gjatë zgjedhjeve lokale të 31 marsit.

Por, mjekët tashmë kanë thënë se Palaz ka ndërruar jetë, pasi nuk i ka mbijetuar dot plagëve që ka marrë gjatë rrëzimit. Me shpalljen e rezultateve të zgjedhjeve lokale të 31 marsit, ballkoni i ndërtesës së Partisë Popullore Republikane (CHP) në lagjen Tavas të Denizlit u shemb.

Në këtë ngjarje mbetën të plagosur 8 anëtarë të partisë, ku 3 prej tyre janë në gjendje të rëndë. Disa nga të plagosurit janë dërguar në Spitalin Shtetëror në Tavas, teksa të tjerët janë dërguar në spitale në Denizl.

Lajmi për vdekjen e Tavaslı Mehmet Palaz trishtoi qarkun ku ai vepronte. Kadir Tatık, i cili u zgjodh kryebashkiaku i Tavas, deklaroi se ndodhej në spital dhe se ishte shumë i pikëlluar pas lajmit për vdekjen e tij.

(Balkanweb)