Lajmet e Fundit
Gjashtë banorë janë në televotim, që do të zgjasë deri të shtunën.
Në televotim, me votat e tyre (dy emra dy arsye) do të shkojnë Liam, Roza, Françeska, Heidi, Romeo dhe Erjola.
Njëri prej tyre do të lërë përfundimisht shtëpinë më të famshme në Shqipëri, shumë pranë finales.
Përfitues i amnistisë penale që nis të zbatohet këtë të mërkurë është edhe ish-kryebashkiaku i Lezhës, Fran Frrokaj.
Përfiton nga amnistia penale, kush është ish-kryebashkiaku
Frrokaj u dënua në muajin tetor të vitit 2022 me 3 vite burg për veprën penale shpërdorim detyre, për tjetërsim pronash tek “Rana e Hedhun” në Shëngjin.
Frrokaj pritet që të lërë sot ambientet e burgut të Reçit në Shkodër ku qëndron që prej momentit ku vendimi mori formën e prerë.
Këtë të mërkurë më 24 prill 2024, dollari amerikan blihet me 93.9 lekë dhe shitet me 95 lekë.
Euro blihet me 100.6 lekë dhe shitet 101.3 lekë.
Franga zvicerane këmbehet në blerje me 103 lekë, ndërsa në shitje me 104 lekë.
Ndërsa Paundi britanik blihet me 116.4 lekë dhe shitet me 117.4 lekë.
Dollari kanadez sot në blerje këmbehet me 68.5 lekë, ndërsa në shitje me 69.8 lekë.
‘Vëllai i Madh’ surprizoi çiftin Heidi-Romeo në ‘Prime-n’ e djeshëm.
Ai e dërgoi çiftin në një suitë ku mund të kalonin çaste të bukura dhe romantike me njëri-tjetrin larg banorëve të tjerë të shtëpisë.
I pyetur rreth surprizës, Juli u shpreh me nota ironie se:
“Kam një hall tjetër, çdo bëjë Meritoni pa Romeon.”
Sakaq, çifti nëse do të kishte dëshirë mund të lejonte banorët e tjerë që të hynin në dhomën e tyre, e me ta për pak çaste u bashkua dhe Egla, Graciano dhe Juli teksa zhvilluan biseda të ndryshme.
DASHI
Në dashuri, mësoni të shkoni përtej kufijve dhe mos u zemëroni nëse diçka nuk ju shkon ashtu siç dëshironi. Duhet të guxoni më shumë, sepse kohët e fundit jeni mbyllur shumë në vetvete. Në punë jepni maksimumin për të arritur qëllimet tuaja.
DEMI
Sipas horoskopit të Paolo Fox (e mërkurë 24 prill 2024), është një periudhë komplekse në dashuri, por duroni dhe bëni pak më shumë durim, sepse lajmet e mira janë afër. Mund të keni takime të shkëlqyera. Megjithatë, në punë gjërat po përmirësohen me kalimin e kohës.
BINJAKËT
Ju presin ditë plot emocione të forta. Bëjini fasulet tuaja gati sepse lotët do të bien me përrenj. Dyshimet tuaja do të zgjidhen. Në punë është një periudhë stresuese por do të sjellë shumë kënaqësi. Ju mund t’i tregoni të gjithëve karakterin dhe cila është vlera juaj.
GAFORRJA
Emocionet e mëdha vijnë shpejt në dashuri. Do të përjetoni lumturi vërtet të papritura dhe shumë kënaqësi të mrekullueshme. Në punë do keni disa probleme, por në parim mund të zgjidhen. Në fund të fundit, diplomacia është arma juaj më e mirë.
LUANI
Sipas horoskopit të Paolo Fox (e mërkurë 24 prill 2024), këto janë ditë të komplikuara në dashuri, por jeni të ashpër dhe do të arrini të kapërceni të gjitha vështirësitë. Asgjë dhe askush nuk mund t’ju rrëzojë. Në punë, besoni instinkteve tuaja dhe ndiqni ato.
VIRGJËRESHA
Në dashuri është koha për të ndërtuar diçka më solide dhe konkrete. Sidomos nëse jeni bashkë për një kohë të gjatë, është koha ta kapni demin nga brirët. Angazhohuni për martesë, ose të paktën për bashkëjetesë. Dhe pse jo, planifikoni edhe fëmijët. Çfarë kuptimi ka ndryshe? Keni ndërtuar shumë në punë, tani duhet t’i mbani ato.
PESHORJA
Gjërat mund të ishin më mirë në dashuri, por tani për tani sigurisht që nuk mund të ankohesh. Disa situata nuk janë shumë të qeta dhe nuk po shkojnë ashtu siç do të kishit dashur, por shfrytëzoni më të mirën nga një situatë e keqe. Në fakt, ka ende shumë situata të vështira. Puna bëhet gjithnjë e më e mirë.
AKREPI
Sipas horoskopit të Paolo Fox (e mërkurë 24 prill 2024), do t’ju duhet gjithnjë e më shumë të keni dikë pranë. Në fakt, nëse jeni vetëm prej kohësh, dashuria ju mungon tmerrësisht. Do ketë disa shqetësime për punën, sepse jo gjithçka po shkon sipas planit.
SHIGJETARI
Në dashuri marrëdhëniet tuaja nuk po shkojnë ashtu siç do të kishit dashur, në fakt thjesht nuk mund ta kuptoni se si është e mundur që ato të mos zgjasin kurrë më shumë se një periudhë të shkurtër. Në punë duhet të jeni të përqendruar sepse është një periudhë e ndërlikuar. Keni shumë angazhime. Jepini vetes prioritete dhe mos u shqetësoni.
BRICJAPI
Jeni të kënaqur në dashuri, por ndonjëherë keni ndjenjën se kjo nuk mjafton kurrë. Sikur diçka të mbante më shumë se ç’duhej. Gjithmonë provoni, veçanërisht nëse keni qenë vetëm për një kohë. Në punë është e rëndësishme të besoni në atë që bëni. Nëse ju nuk besoni në aftësitë tuaja, si mund të besojnë të tjerët?
UJORI
Sipas horoskopit të Paolo Fox (e mërkurë 24 prill 2024), mendoni shumë në dashuri dhe kjo nuk është gjë e mirë. Duhet ta lini veten të çliroheni më shumë dhe të dëgjoni zemrën tuaj, duke qenë gjithmonë i qartë se në cilën rrugë po shkoni. Këmbëngulja juaj do t’ju shpërblejë në punë.
PESHQIT
Disa marrëdhënie nuk po shkojnë mirë dhe ndoshta do të ishte më mirë t’i mbyllni ato përgjithmonë. Nuk ka kuptim t’i zvarritni dhe t’i çoni përpara nëse nuk japin rezultatet e dëshiruara. Në punë mundohuni të jepni më të mirën dhe do të shihni, që do të shpërbleheni. Do të jetë gjëja më e mirë për të bërë.
Kryetari i Partisë së Lirisë Ilir Meta ka qenë në Bubq të Fushë Krujës, ku ka takuar Ijen, të cilën e ka uruar për ditëlindje.
Meta shprehet se Ija nuk është vetëm e Bes Kallakut, por e të gjithëve.
“Edhe 100 pranvera të reja për Ijen, jo vetëm të Bes Kallakut, por të gjithëve ne. Lumturi, shëndet dhe jetë të gjatë”, shkruan Meta.
Kreu i PL i ka dhuruar gjithashtu një tufe me lule Ijes.
(Balkanweb)
Nje person ka mbetur i vdekur pasi ka rënë në kontakt me energjine elektrike pranë një biznesi në autostradën Lezhë-Tiranë.
Gazetari i Report Tv Elvis Hila raporton se këmbësori Vladimir Muhja ka qenë duke lëvizur në anë të autostradës pranë biznesit dhe përcjellësit e energjisë kanë qenë në tokë.
Për ngjarjen ka pasur një reagim nga OSHEE.
“Njësia e OSHEE Lezhë bën me dije se rasti në fjalë nuk ka lidhje me këtë institucion, pasi në vendin e ngjarjes nuk ka linja të tensionit të lartë as të ulët. Por ka qenë përcjellësi i ndriçuesit të biznesit, i cili siç duket ka qenë i zhveshur”, thuhet në reagimin e OSHEE.
Policia ka nisur verifikimet ne lidhje me rastin.
Lajmi në përditësim
Avokati Leonard Karaj, i ftuar në një studio televizive, deklaroi se problem i Metës është Amerika që është pas SPAK-ut, duke shtuar më tej se organi i anti-korrupsionit është sulmuar edhe nga Rama e Berisha.
“Meta nuk ka frikë nga SPAK. E di mirë që ëhstë organ i përbërë nga shqi[ptar, të manipulueshëm. Problem i madh i Metës është Amerika, është mbrojtësi kryesor i SPAK, nuk jemi të verbër të themi që Dumani dhe ata të tjerët janë aq të fortë sa të mos hanë presion. Meta e ka problemin me Amerikën.
E ka kaluar edhe pëtej asaj të zotit Berisha që thotë SKAP. SPAK në raport me çështjet në hetim sheh ecurinë e hetimeve të veta dhe sheh afatetet ligjore. Metodat speciale të SPAK kanë për qëllim zhbërjen e kësaj klase politike.
SPAK ka mbrojtjen e amerikës. Është sulmuar edhe nga Edi Rama, Sali Berisha dhe tani Meta. Përveç Lulit. Përderisa e sulmojnë të gjithë këta, e kanë me ata përtej oqeanit”, thekson avokati.
Kryeministri Edi Rama sulmoi sot ashpër emisionin investigativ “Report” të RAI 3 ku trajtohej marrëveshja mes Shqipërisë dhe Italisë.
Ndër të tjera, Rama tha se nga ky emision u prodhua “shpifja më skandaloze për Shqipërinë”.
Në një intervistë për TCH, Rama u ankua se emisioni “Report” kishte censuruar sekretarin e tij të përgjithshëm Engjëll Agaçi duke mos publikuar përgjigjet e tij të dërguara me shkrim për gazetarin italian Giorgio Mottola.
Këtyre akuzave të Ramës u është përgjigjur drejtuesi i emisionit Report, Sigfrido Ranucci.
Në një reagim në profilin e tij në Facebook ai thotë se të dielën e ardhshme do të ketë sërish vëmendje për Shqipërinë.
Ranucci thotë se në këtë puntatë do të transmetohen edhe përgjigjet e Agaçit që sipas tij konfirmojnë se ka qenë avokat i narkotrafikantëvem ndërsa thekson emisioni do t’i kthehet sërish çështjes së emigrantëve të dielën e ardhshme.
“Report përgjigjet se Agaçi në përgjigjet e tij me shkrim për korrespondentin tonë Giorgio Mottola, të cilat do të publikohen në profilin e Report, ka konfirmuar se ka qenë avokat i disa trafikantëve të drogës dhe se ka bashkëpunuar në hartimin e protokollit ndërmjet Shqipërisë dhe Italisë. I detyrohesha shumë në emër të së vërtetës. Ne do t’i kthehemi çështjes së emigrantëve të dielën e ardhshme. Emisioni transmetohet çdo të diel në Rai3 në orën 20:55”, shkruan gazetari italian.
https://web.facebook.com/SigfridoRanucciRai/posts/975589527456101?ref=embed_post
https://www.facebook.com/plugins/post.php?href=https%3A%2F%2Fwww.facebook.com%2FSigfridoRanucciRai%2Fposts%2Fpfbid0Ld6XkLdLu2tD9K4jhRTjb4mmCE6jZFXV6MhRxcVqj5992HBM9vGcXFVsm7oTQpXtl&show_text=true&width=500&is_preview=true
Në një intervistë në televizonin grek “Open”, Pirro Dhima ka rrëfyer se është bullizuar shpesh, madje ende vazhdojnë sharjet dhe fyerjet ndaj tij duke e quajtur ‘shqiptar’.
Por Dhima tha se nuk shqetësohet nga kjo, edhe pse nuk ndjehet se është shqiptar. Ai ka thënë se është rritur me shqiptarët dhe i ka quajtur ata vëllezër.
Dhima tha se minoritarët grekë që jetojnë në Shqipëri dhe emigrantët shqiptarë në Greqi janë dhe duhet të jenë urë lidhëse për miqësinë mes dy vendeve, fakt ky që është pohuar edhe nga vetë Mitsotakis në prani të Edi Ramës në Derviçan të Shqipërisë.
Teksa u pyet nga gazetarja se “a ka ndjerë racizëm në Greqi, apo je bullizuar?”, Dhima u përgjigj “po”.
“Poooo, çdo ditë, çdo ditë. Nga mëngjesi në darkë më shajnë. Për shumë vite ndodh kjo gjë. Ende edhe sot disa trollë shkruajnë nga mëngjesi në darkë, më shajnë, më fyejnë. Më quajnë shqiptar. Unë nuk ndjehem shqiptar, s’jam ndjerë ndonjëherë shqiptar, nuk jam shqiptar”, tha ai.
“I respektoj shqiptarët, kam shokë, kam vëllezër shqiptarë. Jam rritur me ta. Flas çdo ditë me ta në telefon. Këtu në Greqi kemi shumë shqiptarë, njerëz të nderuar, familjarë që rrisin fëmijët e tyre me ndershmëri. Kanë mundur të bëjnë pasuri këtu, kanë hapur punët e tyre janë nikoqirë të nderuar. Janë punonjës të shkëlqyer. Unë dua të përmend fjalën e kryeministrit tonë (Mitsotakis) që tha në Derviçan në prani të kryeministrit shqiptar Rama: Minoriteti grek në Shqipëri, në voriepir dhe emigrantët shqiptarë që kanë ardhur në Greqi duhet te jenë urë miqësie, zhvillimi dhe mirëqenie për të dy vendet”, shtoi ai.
