Month: May 2024

Mëngjesi sotëm, ka qenë i trishtë në shkollën 9-vjeçare “Ndre Mjeda” në Shkodër. Nxënës, me lule në duar i janë drejtuar sot shkollës për të kujtuar dy bashkëmoshatarët e tyre, Ergesa dhe Greis Arrazi, 9 dhe 8-vjeç që humbën jetën tragjikisht.

Shkolla ku mësonin dy vajzat e familjes Arrazi, është pushtuar nga dhimbja. Dy motrat 8 dhe 9- vjeçe, humbën jetën bashkë me nënën dhe vëllain e vogël në ujërat e lumit Buna.

Mungesa Ergesës dhe Gresës në klasën e dytë, ka lënë një dhimbje të madhe. Shokët e shoqet e klasës bashkë me prindërit e tyre, u shfaqën të pikëlluar e me lot në sy.

Librat e dy motrave 9 dhe 8-vjeç, u zëvendësuan në bankat e shkollës me lulet e bashkëmoshatarëve të tyre.

Samra Mishaj, është një prej prindërve e cila ka vajzën në të njëjtën klasë ku mësonin dy viktimat e mitura dhe që njihte edhe Alma Arrazin.

Mishaj ashtu si prindërit e tjerë, tregojnë se e kishin tejet të vështirë t’ua shpjegojnë fëmijëve të tyre mungesën e Ergesës dhe Gresës.

Ajo tha se e njihte Almën dhe nuk kishte kuptuar që kjo e fundi të kishte ndonjë shqetësim. Disa prindër të tjerë e kishin të pamundur, për shkak të ngjarjes të rëndë të flasin për humbjen tragjike të jetës të tre fëmijëve dhe Alma Arrazit.

Një grup mësuesish bashkë me psikologët dhe drejtoren e shkollës 9-vjeçare “Ndre Mjeda” në Shkodër dhe ndihmën e prindërve, po mundohen që të gjejnë formën e duhur për të folur me nxënësit e klasës së dytë, ku bënin mësim edhe dy vajzat Ergesa dhe Gresa Arrazi, 9 dhe 8-vjeç.

Kujtojmë se në lumin Buna, vijojnë kërkimet për gjetjen e trupit të nënës, Alma Arrazi dhe djalit të saj 3-vjeçar.

Sakaq, Ergys Arrazi ndodhet pas hekurave, nën akuzën e shtyrjes drejt vetëvrasjes së familjes së tij.

Sot, më 07 maj 2024, dollari amerikan, blihet me 93 lekë dhe shitet me 93.9 lekë.

Euro, blihet me 100.1 lekë dhe shitet 100.8 lekë.

Franga zvicerane, këmbehet në blerje me 102.3 lekë, ndërsa në shitje me 103.2 lekë.

Paundi britanik, blihet me 116.4 lekë dhe shitet me 117.4 lekë.

Dollari kanadez, sot në blerje këmbehet me 67.7 lekë, ndërsa në shitje me 69.2 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Mbrëmjen e sotme nis spektakli i “Eurovision 2024” i cili mbledh të gjithë artistët nga shtetet evropiane.

Konkursi këtë vit do të zhvillohet në Malmo të Suedisë me dy gjysmëfinale në datat 7 dhe 9 maj.

Shqipëria do të performojë në natën e dytë të gjysmëfinales ku do të jetë në radhë e 6-ta në 9 maj.

Besa Kokëdhima do të na përfaqësojë këtë vit me këngën “Titan”.

Eurovision 2024 do të transmetohet drejtpërdrejtë ne RTSH 1, RTSH muzike dhe Radio Tirana 1. Vetëm 16 shtete do të zgjidhen nga dy gjysmëfinalet për të vijuar më pas në finalen e madhe që do të zhvillohet më 11 maj, të cilat do t’u bashkohen 5 shteteve të përhershme finaliste.

Dashi

Ata qe janë ne një lidhje do e përmirësojnë jetën e tyre sentimentale dhe do ndihen me se miri sot. Te dy do tregoheni me te kuptueshëm dhe tolerante. Dielli do jete ai qe do i ndihmoje beqaret te gjejnë princin e tyre te kaltër. Ata do ndihen me te plotësuar tashme. Ne planin financiar duhet te tregoheni me te arsyeshëm nëse nuk doni te përballeni me te papritura.

Demi

Kushtojini me tepër vëmendje sot atij qe keni ne krah sepse ai do ketë me te vërtetë shume nevoje për ju. Dita do jete me e qëndrueshme dhe e ngrohte ne mbrëmje. Beqaret me mire te qëndrojnë vetëm sepse përndryshe do përballen me zhgënjime te mëdha. Ekuilibri financiar do jene i patundshëm, kështu qe mund te kryeni edhe ndonjë shpenzim me tepër.

Binjaket

Dite e mbushur me momente te lumtura kjo e sotmja për te dashuruarit. Partneri do mundohet t’ua plotësojë dëshirat me çdo kusht ne mënyrë qe ju te ndiheni sa me mire. Beqaret do kenë një dite te mbushur me takime emocionuese. Do e keni ju mundësinë te zgjidhni personin e duhur. Ne planin financiar mire është te mos shpenzoni kuturu.

Gaforrja

Lidhja juaj do jete me e qëndrueshme gjate kësaj dite dhe do keni mundësi te flisni hapur për gjithçka qe ju ka shqetësuar deri me sot. Beqaret do kenë mundësi vetëm për aventura kalimtare dhe asgjë me tepër sesa aq. Megjithatë emocionet do jene te mëdha. Ne planin financiar fati do jete ne anën tuaj. Do mund te kryeni te gjitha transaksionet e mundshme.

Luani

Nëse keni pasur mosmarrëveshje te mëdha ne jetën tuaj ne çift sot është koha e duhur për t’i zgjidhur një nga një. Yjet do ua qartësojnë mendimet. Beqaret do kenë gjithë mundësitë për te krijuar lidhjen qe aq shume kane ëndërruar. Jeta e tyre do marre një tjetër drejtim. Financat do jene te qëndrueshme dhe për disa do ketë përmirësime.

Virgjeresha

Sot nuk do i duroni dot gjerat e zakonshme dhe rutinën, por do kërkoni ne çdo moment te përjetoni ndjesi te reja. Flisni hapur me partnerin për këtë dhe te sy se bashku mundohuni ta ndryshoni situatën. Beqaret do kenë një dite te këndshme edhe pse nuk do e gjejnë dashurinë e madhe. Ne planin financiar do realizoni transaksione te rëndësishme.

Peshorja

Nëse jeni ne çift duhet t’i kushtoni me tepër rëndësi jetën suaj intime gjate kësaj dite sepse keni kohe qe e keni lënë pas dore. Edhe ajo është një nga pjesët me re rëndësishme te një lidhjeje. Beqaret do jene te papërqendruar dhe nuk do e kenë mendjen për te kërkuar dashurinë. Financat do jene mjaft te favorshme edhe për te kryer transaksionet e dëshiruara.

Akrepi

Fale mbështetjes qe do ju japë Jupiteri, marrëdhënia ne çift do filloje dalëngadalë te përmirësohet. Mundohuni te mos e idealizoni me shume sesa duhet atë qe keni ne krah, por te tregoheni realiste. Beqaret nuk do joshen aspak nga aventurat kalimtare kështu qe do qëndrojnë serish vetëm. Ne planin financiar duhet te vendosni pak rregull.

Shigjetari

Divergjencat ne çift do jene shume te mëdha gjate kësaj dite. Tregohuni me diplomate dhe mundohuni te zgjidhni gjithçka me kujdes dhe maturi. Beqaret do kenë disa takime, por jo te gjithëve do ju përshtaten me se miri personat qe do kenë pranë. Ne planin financiar do ketë disa probleme te vogla, por jo dhe aq shqetësuese sa mendohej.

Bricjapi

Ata qe janë ne një lidhje do kenë një nga ditët me te qeta dhe te ngrohta te vitin. Ndonjëherë duhet shume pak mund për te arritur kënaqësinë. Për beqaret priten takime mjaft te rëndësishme dhe qe do ua ndryshojnë tërësisht jetën gjate kësaj dite. Shfrytëzojeni sa te mundni. financat do varet nga sjellja juaj. Po e tepruat me shpenzimet do keni surpriza te këqija.

Ujori

Ambienti ne çift do jete shume i ngrohte sot. Do kuptoheni me se miri me atë qe keni ne krah dhe do zgjidhni edhe disa hatërmbetje qe keni pasur. Beqaret jo vetëm qe do kenë takime, por mund te mendojnë seriozisht për një lidhje. Personi qe do takoni do jete i mrekullueshëm. Financat do jene goxha te konsoliduara, mos u shqetësoni.

Peshqit

Do e përforconi marrëdhënien ne çift gjate kësaj dite dhe do e mendoni me tepër te ardhmen se bashku. Nga ana tjetër do i kuptoni gabimet qe keni bere dhe do kërkoni falje. Beqaret do kenë takime, por nuk do kenë shume dëshirë te fiksohen diku. Ne planin financiar duhet te mendoheni mire para se te kryeni çdo investim te madh. Situata nuk do jene te gjendjen me te mire te mundshme.

Një 15-vjeçare shqiptare ka humbur jetën në mënyrë tragjike në Livadia, Greqi.

Shqiptarja me iniciale K.B është gjetur pajetë në banjën e shtëpisë pasditen e së premtes. Prindërit e saj thirrën menjëherë një ambulancë, por kur ajo mbërriti ishte tepër vonë.

Sipas mediave greke, 15-vjeçarja kishte shkuar nga Gjermania në Greqi me familjen e saj për të kaluar Pashkët në shtëpinë e prindërve, por fati e ktheu festën në tragjedi.

Policia ka përjashtuar motivet kriminale rreth kësaj ngjarje pasi ka dyshime se 15-vjeçarja ka humbur jetën për shkaqe patologjike.

Megjithatë, për të hedhur më shumë dritë mbi ngjarjen tragjike, autoritetet kanë urdhëruar kryerjen e autopsisë.

Në dëshmitë e tyre, familja e Alma Arrazit kanë deklaruar se Alma dhe Erdgysi prej kohësh kishin probleme në martesën e tyre dhe se 31-vjeçari kishte krijuar një lidhje me një 18-vjeçare.

Madje kohët e fundit Alma kishte parë edhe një video të bashkëshortit të saj në telefonin e tij me 18-vjeçaren.

Sipas familjes së Almës Erdgysi e ofendonte dhe i thoshte të ndaheshin dhe fëmijët t’i mbante ai.

Sipas dëshmive të familjarëve më 2 maj, ditën e ngjarjes tregon Alma ka pirë kafe me kunatën (nusen e vëllait të burrit) dhe kur kanë dalë nga lokali ka parë të shoqin në një makinë me te dashurën 18-vjeçare.

Më pas Alma i ka thënë kunatës të kthehet në shtëpi sepse ajo do të shkonte në Durrës tek i vëllai, por ka marrë fëmijët dhe ka shkuar te ura e vjetër e lumit Buna aty ku kreu edhe aktin ekstrem.

Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse.

Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.

Pas shpalljes së Romeos si finalist, çifti ka qenë më i lumtur se kurrë më parë. Teksa ditën e sotme Heidi ka marrë disa qetësues për disa shqetësimeve të vogla shëndetësore, Romeo e përqafon dhe i puth barkun edhe pse Heidi e kishte problem.

Romeo: E pive ilacin

Heidi: E piva

Romeo: Ma jep ta puth pak barkun

Një çift i të rinjve shqiptarë janë dënuar me brug pasi u kapën duke shpërndarë kokainë në Angli.

Bëhet fjalë për shtetasit Jurgen Kapica dhe Vinjola Geca, të dy 23-vjeç. Ata u vunë në pranga gjatë operacionit të koduar “Sarah Albo”, një pseudonim i përdorur në telefonat e tyre për të komunikuar me klientët.

Policia gjithashtu sekuestroi të paktën 7 telefona, para “cash” dhe qese me kokainë. Kapica dhe Geca shpërndanin kokainë në disa raste të dokumentuara mes korrikut të vitit të kaluar dhe deri në janar të këtij viti, kur edhe u arrestuan.

Një gjykatë në Ipsëich e dënoi Jurgen Kapicën me 3 vite e 4 muaj burg dhe Vinjola Gecën me 2 vite e 6 muaj burg.

Tradhtia e mundshme e Erdgys Arrazit, dyshohet se është një nga arsyet që shtyu drejt vetëvrasjes nënën bashkë me tre fëmijët e mitur, në lumin Buna, Shkodër.

Në lidhje me këtë dyshim, vëllai i Erdgys Arrazit, në një prononcim për media, është shprehur se në dijeninë e tij nuk ka patur lidhje jashtëmartesore, ndërsa shton se edhe ‘sikur të ketë patur edhe 20 lidhje ai veprim nuk është asnjëherë i justifikueshëm sepse është një ngjarje e rëndë’

“Unë nuk e di se ka patur një lidhje tjetër vëllai po sikur të ketë patur edhe 20 lidhje ai veprim nuk është asnjëherë i justifikueshëm sepse është një ngjarje e rëndë. Në dijeninë time nuk di të ketë patur lidhje jashtëmartesore”, tha ai.

Çfarë thuhet nga prokuroria për këtë pistë hetimi:

Prokuroria e Shkodrës thotë se “deri në këtë faze janë krijuar dyshime të arsyeshme bazuar në prova se Erdgys Arrazi, si rrjedhojë e dhunës psikologjike të vazhdueshme ndaj bashkëshortes së tij, shfaqur në formën e ofendimeve të vazhdueshme dhe tradhtisë bashkëshortore, duke prekur rëndë dinjitetin e saj, ka shkaktuar vetëvrasjen e Alma Arrazit e cila në gjendje të rënduar psikologjike dyshohet të jetë hedhur në lumë bashkë me tre fëmijët e mitur.

Në këto kushte është kryer ndalimi i tij, si i dyshuar per kryerjen e veprës penale “Shkaktimi i vetëvrasjes” parashikuar nga neni 99 i Kodit Penal.

Vijojnë hetimet me qëllim këqyrjen e të gjitha pamjeve filmike të kamerave përreth vendit të ngjarjes me qëllim zbulimin e itenerarit të Almës dhe fëmijëve të mitur, vijon pyetja e personave që kanë dijeni për ngjarjen dhe kryerja e hetimeve të tjera me qëllim për të grumbulluar të dhëna të nevojshme lidhur me zbardhjen e plotë të rrethanave të faktit penal dhe për individualizimin e përgjegjësisë penale”.

Çmimi i naftës në tregun vendas e ka nisur javën me ulje, ku një litër naftë tregtohet 5 lek më pak, konkretisht nga 189 lekë që ishte në 184. Të njejtin trend ka ndjekur edhe benzina e cila këtë javë shitet 183 lekë për litër nga 188 që ishte.

Kjo është hera e parë që çmimet e karburanteve ndryshojnë për këtë vit që nga dhjetori i vitit të kaluar, ku çmimi i naftës pësoi rënie me rreth 10 lekë për litër. Megjithatë krahasuar me muajn maj të vitit të kaluar, aktualisht nafta shitet me një çmim 8.2% më shtrejntë.

Situta gjeopolitike e tensionuar nga konfliktete e ndryshme në Lindjen e Mesme si dhe lufta Rusi-Ukrainë, janë ndër faktorët kryesorë që kanë sjellë luhatshmëri në bursat ndërkombëtare të karburanteve përgjatë viteve të fundit.

Java për naftën BRENT ka nisur me një çmim tregu 83.5 dollarë në bursë, nga gati 90 dollarë që sihtej një muaj më parë.

Çmimet e naftës BRENT në Europë dhe West Texas Intermediate në SHBA, të cilat shërbejnë si referencë për çmimin e arit të zi në bursat ndërkombëtare, ranë respektivisht me 7% dhe 6.8%.

Sipas ekspertëve dhe operatorëve të tregut, rënja mund të lidhet me uljen e normës së interesit në rezervat federale në SHBA si dhe faktori gjeopolitik.

Armëpushimi i mundshëm i biseduar mes lëvizjes islamike të Hamasit dhe shtetit izraelit gjatë takimit të fundit në Kairo të Egjiptit, mund të kenë sjellë për spekulatorët e tregut një dritë jeshile për tregtimin e naftës, duke bërë kështu një parashikim më pozitiv për të ardhmen dhe në kontratat respektive.

Megjithatë asgjë nuk është e sigurt për tregun e luhatshëm të arit të zi. Nga ana tjetër Arabia Saudite këtë fillim jave shtrenjtoi çmimin e naftës së papërpunuar, e cila do të dorëzohet në qeshor. Shteti arab reflektoi një mosbesim në situatën në Lindjen e Mesme, dhe një frikë për zgjerim të konfliktit përtej kufijve aktual, duke kërcënuar kështu një nga rajonet kryesore të prodhimit të naftës.