Lajmet e Fundit
Gjatë orëve të para të mëngjesit Elbasani është përfshirë nga stuhi breshëri dhe shiu të cilat vazhdojnë ende.
Rrebeshet e kësaj periudhe të dëmshme sidomos në bujqësi dhe pemtari.
Mbjelljet e pranverës, por edhe pemët pësojnë dëme të mëdha nga rebeshet e breshërit.
Edhe Tirana është përfshirë nga stuhi shiu dhe breshëri.
Një aksident është shënuar në orët e para të mëngjesit të kësaj të premteje në Tiranë.
Ngjarja ka ndodhur në rrethrrotullimin e Shkozës, ku mësohet se një automjet i Policisë Rrugore ka humbur kontrollin e makinës duke përfunduar në lumin e Lanës.
Nga aksidenti i frikshëm nuk ka viktima, por vetëm dëme materiale.
Në tregun e këmbimit valutor sot një dollar do blihet me 93.2 lekë dhe do shitet me 94.3 lekë.
Monedha evropiane euro do blihet me 100 lekë dhe do shitet me 100.8 lekë.
Ndërkohë franga zvicerane sot në tregun shqiptar do blihet me 102.1 lekë dhe do shitet me 103.1 lekë, ndërsa paundi britanik do blihet me 116.5 lekë dhe do shitet me 117.5 lek.
Dashi
Për pjesën mete madhe te atyre qe janë ne një lidhje, dita do jete bukur dhe pa probleme. Shfrytëzojeni çdo sekonde kur te jeni pranë atij qe dashuroni. Beqaret do kenë një takim te rëndësishëm qe ne orët e para te mëngjesit. Zemra do përjetojë ndjesi te papërshkrueshme. Ne planin financiar do keni disa vështirësi te vogla, por gjithçka do rregullohet me pak maturi.
Demi
Asnjë planet nuk do ndikoje sot ne jetën tuaj ne çift dhe gjithçka do varet nga sjellja ndaj partnerit. Mos u tregoni as kritike, por dhe as mos e idealizoni atë qe keni ne krah. Beqareve do ju ndizet flaka e dashurisë. Me ne fund as ata nuk do ndihen me vetëm. Ne planin financiar nuk do përballeni aspak me momente te vështira dhe kjo fale kujdesit te treguar kohet e fundit.
Binjaket
Dashuria do jete me e privilegjuar se kurrë me pare gjate kësaj dite. Do i kushtoni me tepër vëmendje atij qe keni ne krah dhe do jua plotësoni dëshirat e zjarrta. Beqaret do kenë fat dhe do e gjejnë shpirtin e tyre binjak me shpejt sesa e kishin menduar. Ne planin financiar situata do jete aq e stabilizuar saqë ju mund te kryeni edhe transaksionet qe kishit menduar.
Gaforrja
Debatet me partnerin do jene shume te forta sot dhe disa mund te mendojnë edhe te shkëpusin çdo lidhje. Do keni mendime krejtësisht te kundërta mbi një teme te rëndësishme, por edhe mbi te ardhmen. Beqaret nuk duhet te bëjnë sakrifica ekstreme për te gjetur personin ideal. Lërjani çdo gjë kohës. Ne planin financiar do tregoheni te kujdesshëm me çdo hap.
Luani
Dita e sotme do jete e bekuar nga yjet dhe gjithçka do shkoje ashtu si e kishit menduar. Ne mbrëmje do dilni për një darke dhe do ja kaloni mjaft mire. Beqaret nuk do e ndiejnë shume mungesën e dikujt ne krah sepse miqtë nuk do i lënë për asnjë çast te mërziten. Ne planin financiar nuk duhet absolutisht te tregoheni impulsive sepse do përballeni me probleme serioze.
Virgjeresha
Pas një periudhe jo shume te qete për jetën tuaj ne çift sot do rikthehet dielli dhe alegoria. Bashkëpunimi do jete i forte dhe toleranca gjithashtu. Beqaret ka shume gjasa te dashurohen pas një personin qe ka një angazhim tjetër edhe pse tashme është ne prag divorci. Ne planin financiar duhet te mateni mire para se te kryeni çdo lloj shpenzimi.
Peshorja
Pasioni dhe bashkëpunimi do jene fjalët qe do karakterizojnë ditën e sotme për ata qe janë ne një lidhje. Çdo gjë do shkoje ashtu si ata e kishin ëndërruar prej kohesh. Beqaret do vazhdojnë te mbeten vetëm edhe pse mundësitë për njohje te reja nuk do mungojnë. Financat nuk do kenë tronditje, kështu qe me kujdes mund te shpenzoni pak me tepër.
Akrepi
Ambienti ne jetën tuaj ne çift do jete shume i qete sot. Përfitoni për te folur mbi disa çështje dikur te vështira dhe për t’i zgjidhur ato njëherë e mire. Beqaret do pëlqejnë se tepërmi një shok fëmijërie dhe do fillojnë te ëndërrojnë një te ardhme me te. Mos keni druajte t’ia shprehni atij pëlqimin. Ne planin financiar do ju duhet te hiqni dore nga disa shpenzime.
Shigjetari
Dite shume e qëndrueshme kjo e sotmja për ata qe janë ne një lidhje. Çdo gjë do shkoje me se miri dhe nuk do keni asnjë debat. Vazhdoni ne këtë rruge. Beqaret do vazhdojnë te mbeten vetëm edhe pse nuk do ndalen për asnjë çast se kërkuari personin ideal. Ne planin financiar çdo gjë do shkoje për mrekulli. Përfitoni për te hequr disa para mënjanë.
Bricjapi
Jeta juaj sentimentale do jete e mbrojtur gjithë kohës nga yjet. Do keni një komunikim te mire me partnerin dhe nuk do debatoni për asgjë. Beqaret nuk do kenë një nga ditët me te favorshme. Do lodhen se kërkuari princin e kaltër dhe nuk do e gjejnë dot atë. Ne planin financiar dita do jete e ndërlikuar. Kujdes me çdo hap qe do hidhni.
Ujori
Nëse fantazoni me shume sesa duhet gjate kësaj dite për jetën tuaj ne çift ka rrezik qe te përballeni me zhgënjime te mëdha. me mire qëndroni me këmbë ne toke. Beqaret do kenë ndryshime drastike ne jetën sentimentale, kështu qe duhet te përgatiten. Financat do jene ne një gjendje te qëndrueshme dhe nuk do ju shqetësojnë aspak.
Peshqit
Dëshira për te qëndruar sa me shume kohe bashke dhe për te përjetuar emocione do jete e zjarrte gjate kësaj dite. Partneri do ju përgatisë edhe disa surpriza te mrekullueshme. Beqaret do kenë vetëm mundësi për aventura kalimtare, asgjë me tepër sesa aq. Financat do kenë goxha përmirësime fale një trashëgimie qe mund te merrni nga te afërmit.
Gazeta greke Kathimerini shkruan se kryeministri i Shqipërisë Edi Rama ka marrë përgjigje negative për kërkesën e tij për të vizituar Greqinë, nëpërmjet zëdhënësit të tij, Endri Fuga, por sërish kreu i qeverisë shqiptare ka këmbëngulur ta zhvillojë vizitën.
Fjala është për takime me emigrantët shqiptarë që jetojnë dhe punojnë në Greqi. Sipas artikullit të gazetës greke, autoritetet helene kanë anuluar lejen e dhënë më parë për mbajtjen e takimit në hollin olimpik “Gallatsi”, për shkak se aty mbahen edhe aktivitete të tjera. Më pas, Ministria e Jashtme greke ka informuar ndihmësin e kryeministrit shqiptar, Endri Fuga, që ndodhet në Athinë, se vizita është mirë të shtyhet pas 9 qershorit, meqenëse Greqia është aktualisht në zgjedhjet europiane.
Shkrimi i plotë i gazetës greke Kathimerini:
Pyetjet që lindin janë nëse vizita e kryeministrit shqiptar Edi Rama në Athinë do të lejohet më në fund me afrimin e ditëve të së dielës së Shën Thomait (12 maj), kur ai është planifikuar t’i drejtohet një tubimi emigrantësh shqiptarë, anëtarë dhe miq të partisë së tij. Vlen të theksohet se fillimisht tubimi ishte planifikuar të mbahej në stadiumin e mbyllur të Galatsit, por së fundmi Bashkia hoqi lejen që kishte dhënë fillimisht, për shkak të aktiviteteve të tjera që janë planifikuar. Ndaj, mbetet për t’u parë nëse dhe ku do të zhvendoset për zotin Rama, ngjarja për takimin me emigrantët shqiptarë.
Duke qenë se deri dje nuk kishte mbërritur asnjë kërkesë me shkrim si në Ministrinë e Jashtme ashtu edhe në organet e tjera kompetente për vizitën e zotit Rama (qoftë jozyrtare), ende nuk është formuluar hapur asnjë deklaratë synimesh nga pala greke. Z. Rama njoftoi jozyrtarisht synimin e tij për të vizituar Athinën nëpërmjet zëdhënësit të tij konfidencial, Edri Fuga, i cili ishte në Greqi disa ditë më parë. Ministria e Jashtme i bëri me dije zëdhënësit të zotit Rama se nisur nga faza parazgjedhore që po kalon Greqia për shkak të zgjedhjeve europiane, do të ishte e preferueshme që vizita të shtyhej për pas datës 9 qershor.
Që atëherë, ftesa e Athinës është shpërfillur dhe kryeministri shqiptar thuhet se është i vendosur për të realizuar vizitën. Tashmë është absolutisht e qartë për çdo vëzhgues të mirëfilltë se zoti Rama e mori vendimin e tij menjëherë pas përfshirjes së kryetarit të zgjedhur të burgosur të Himarës, Fredi Beleri, në fletën europiane të N.D. Duket se vizita e kryeministrit shqiptar Rama ka edhe simbolikë, pasi më 12 maj bëhet pikërisht një vit nga arrestimi i zotit Beleri.
Por nisur nga atmosfera e ngarkuar me ngjarjet në Himarë, udhëtimi i Ramës mund të nxisë konfliktin e brendshëm politik parazgjedhor, duke e çuar çështjen Beleri në axhendën e debatit publik. Apo edhe të provokojë reagime nga elemente të caktuara në Athinë, gjë që qeveria definitivisht nuk e dëshiron.
Gjithashtu, burime diplomatike në Tiranë dhe Athinë theksuan se vizita e planifikuar mund të ketë objektivisht elementin e shfaqjes së forcës, ku Rama tenton të instrumentalizojë votën në zgjedhjet europiane të dhjetëra mijëra emigrantëve shqiptarë që kanë të drejtën ligjore. për të votuar si shtetas grekë, në përgjigje të kandidaturës së Belerit. Megjithatë, një ngjarje e tillë, edhe nëse Rama i shmang referimet për zgjedhjet europiane, në çdo rast do të përbënte përfshirje indirekte në proces. Nisur nga atmosfera e ngarkuar me ngjarjet në Himarë, udhëtimi i kryeministrit shqiptar mund të nxisë konfliktin e brendshëm politik parazgjedhor.
Fushata parazgjedhore
Kryeministri i Shqipërisë në mënyrë simbolike u kujdes që fushatën e zgjedhjeve të parakohshme në diasporën shqiptare ta nisë nga Athina – do të vijojë me Romën, Milanon dhe Berlinin – duke përjashtuar kryebashkiakun e zgjedhur Fredi Beleri nga kryesia e Himarës dhe nga loja e brendshme politike, ky ishte që në fillim qëllimi i tij. I gjithë gjyqësori (prokuroria) po përfundon hetimet në shkallën e dytë ndaj Belerit.
Sipas vlerësimeve të qarqeve politike dhe diplomatike në Tiranë, Beleri do të dalë nga burgu brenda muajit gusht. Por jo i pafajshëm dhe i shfajësuar, por me një penalitet, qoftë edhe të vogël, që të mos ketë të drejtë të marrë pjesë në zgjedhjet e reja të mundshme për Bashkinë e Himarës. Informacionet bëjnë me dije se ka mundësi që nënkryetari aktual i votuar nga këshilli bashkiak të mbetet në postin e kryetarit të përkohshëm. Por nëse mbahen zgjedhje, siç ka paralajmëruar Rama, nuk duhet përjashtuar kandidimi i ish-ministrit dhe guvernatorit aktual të Vlorës, Vangjel Tavos, i cili tashmë ka transferuar të drejtat e tij elektorale në Himarë, nga Dropolli.
Duke qenë se nuk do të ketë takime zyrtare, interesi nga vizita e Edi Ramës në Athinë është përqendruar tek fjalimi i tij për shqiptarët e mërguar dhe tek referimet e pashmangshme(?) për marrëdhëniet greko-shqiptare dhe minoritetin grek, me fokus zhvillimet në Himarë. Ndjenja (arrogante) e të qenit “triumfues” në “Betejën e Himarës” do ta shoqërojë Edi Ramën edhe në Athinë.
Çfarë do të ndodhë në të ardhmen?
Megjithatë, çështja e së ardhmes në marrëdhëniet greko-shqiptare dhe fati i minoritetit grek, pas përfundimit të afërt, të paktën në nivel gjyqësor të çështjes Beleris, mbetet e panjohur. Mbetet për t’u parë nëse dhe cilët do të jenë hapat e parë nga të dyja palët, për të zbutur tensionin dhe për t’i kthyer marrëdhëniet dypalëshe në rrugën e rimëkëmbjes.
Konflikti politiko-diplomatik për kryesimin e bashkisë së Himarës i solli marrëdhëniet dypalëshe në pikën më të keqe që nga gjyqi shumë i vlerësuar i pesë drejtuesve të Omonia-s në gusht 1994,. Më pas u desh mobilizimi në prapaskenë i agjentit amerikan (Holbrook – Shifter) për të hapur sërish kanalet e komunikimit dhe për të “shkrirë marrëdhëniet dypalëshe”.
Megjithatë, zhvillimi i gjërave duket se shfajëson ata që janë përgjegjës për menaxhimin e krizës (Giorgos Gerapetritis, Alexandra Papadopoulou) në Ministrinë e Jashtme, të cilët, siç është shkruar, mbështetën – duke mos pasur besim në gjykimin e drejtë në Shqipëri – duke thënë se nevojiten konsultime me Tiranën për lirimin e menjëhershëm të Belerit dhe gjetjen e një personi të përbashkët për kryetar bashkie.
(Balkanweb)
Një prift amerikan është arrestuar për vjedhje pasi Kisha e tij zbuloi “një sasi astronomike të transaksioneve me Apple”, që dyshohet se përdoreshin për të bërë blerje në Candy Crush Saga, loja popullore e smartfonëve.
Mikrotransaksionet janë pjesë e lojërave elektronike prej vitesh, si në rastin e Counter Strike, Fifa apo Fortnite. Megjithatë ekspertët thonë se ato mund të krijojnë varësi njëlloj si bixhozi duke u kthyer në të rrezikshme veçanërisht për fëmijët.
51-vjeçari Reverend Lawrence Kozakai dyshohet se ka shpenzuar më shumë se 40,000 dollarë nga paratë e Kishës së tij për blerjet për videolojëra si Candy Crush dhe Mario Kart Tour.
Prifti u arrestua dhe u akuzua nga zyra e prokurorit të qarkut të Chester, Filadelfia, për vjedhje dhe krime të lidhura me të gjatë një periudhe trevjeçare.
Një nga fenomenet sociale më të diskutuara dhe më të ndjekura në Shqipëri është “Big Brother VIP Albania”. Nisur më 13 Janar në Top Channel, edicioni i tretë i këtij spektakli ka shkaktuar interes dhe debate të mëdha në opinionin publik. Duke kaluar mbi 100 ditë nga fillimi, finalja e këtij edicioni pritet të mbahet më 25 maj, ndërsa tensioni në shtëpi rritet për të fituar çmimin e madh.
Graciano, Erjola, Françeska, Çimi dhe Juli kanë filluar ditën duke analizuar lojën e disa nga banorët e shtëpisë së “Big Brother VIP 3”. Diskutimi ka përqendruar rreth figurës së Meritonit, ndërsa pas tij është diskutuar edhe për Ilnisën, e cila tashmë nuk është pjesë e garës. Juli ka shprehur mendimin se nëse Ilnisa nuk do të ishte lidhur emocionalisht me Meritonin dhe do të kishte vazhduar të luante me të njëjtën intensitet si në fillim të lojës, ajo do të ishte ende në garë dhe qendrimi i Egla-s do të ishte në rrezik.
Baba Vanga ka bërë parashikime të frikshme për vitin 2024, e mesa duket disa prej tyre kanë filluar të realizohen.
Sipas “Mirror”, ndonëse Baba Vanga vdiq më shumë se 25 vjet më parë, gruaja bullgare bëri parashikime që janë duke u konkretizuar edhe sot e kësaj dite. Ndërsa ajo u verbua në fëmijëri, kishte një aftësi për të bërë parashikime në mënyrë të frikshme, mes të cilave edhe 11 shtatorin dhe Brexit .
Një nga parashikimet e saj për vitin 2024 ishte rreth krizës ekonomike të Mbretërisë së Bashkuar, e sipas “Mirror”, këtë vit u pa një rënie e PBB-së me 0.3 për qind më shumë se sa pritej në tre muajt e fundit.
Një tjetër nga parashikimet e saj ka ndodhur, ai që lidhet me kushtet e tmerrshme të motit, pasi britanikët u zgjuan këtë mëngjes pas një nate me stuhi të forta, disa thanë se dukej “si një shpërthim bombe”.
Gjatë natës u raportua se kishte vetëtima të forta, ndërsa bubullimat tronditën shtëpitë e njerëzve, duke i lënë pa gjumë. Ndonëse nuk ka pasur ndonjë fatkeqësi natyrore, Baba Vanga kishte një vizion që këtë vit do të ketë ngjarje të tmerrshme moti dhe fatkeqësi natyrore.
Sipas parashikimit, do të ketë një ndryshim të orbitës që zakonisht ndodh për një periudhë të gjatë. Megjithatë, nëse kjo ndodh për një periudhë të shkurtër, mund të shkaktojë probleme.
Në një deklaratë nga Zyra e Meteorologjisë britanike thuhet: Në zonat e prekura nga stuhia, shiu i dendur i shoqëruar nga vetëtima të shpeshta ka të ngjarë që të bjerë 25 deri në 30 mm në 1 ose 2 orë në disa vende dhe ndoshta deri në 50 mm, si dhe mund të ketë edhe breshër.
Një 40-vjeçare ka tentuar të vetëvritet duke u hedhur në det mbrëmjen e sotme (2prill) në qytetin e Vlorës
Pasi është hedhur, një persona e ka parë dhe ndërhyrë për ta shpëtuar.
Pasi është nxjerrë, 40-vjeçarja është dërguar në spital me shenje jete, por ende nuk dihet gjendja e saj.
Analisti Arjan Curri ka deklaruar se arrestimi i Ilir Metës dhe Monika Kryemadhit është përgatitur nga SPAK, por është shtyrë për shkak të dekonspirimit të lajmit në media.
“Në rastin e Metës kam pasur informacion që është bërë gati arrestimi i tij dhe të shoqes. Unë kisha dy alternative, ose ta thoja me rrezikun me rrezikun që ky operacion do dekonspirohej dhe do shtyhej.
Ngaqë e kam thënë unë dhe Karamuço, personat përgjegjës për ekzekutimin e kanë thënë abort, anuloje. Egziston një rrezik i madh që të perceptophet SPAK në koordinim me mediat, ndërkohë që SPAK i intereson.
Tre herë janë nisur për t’i arrestuar dhe tre herë është shtyrë”- u shpreh Curri.
