Këngëtari Turjan Hysko ka treguar konkurrentin që mbështet publikisht në shtëpinë e “BBV”.
Bëhet fjalë për aktorin Julian Deda, për të cilin ai tha se ka hyrë në shtëpinë e “Big Brother VIP” në momentin më të errët të jetës së tij, sepse ishte i dërrmuar nga vdekja e të atit, Zef Deda.
Hysko iu bëri thirrje publikut që ta votojnë aktorin, pasi sipas tij nuk do ta fitojë vetëm Juli çmimin e madh, por të gjithë fansat e tij.
“Pse duhet të voton Julian Dedën në ‘BBV’? Mund të rendis shumë arsye por po them vetëm njërën të cilës as ai, as familjarët e vet nuk do ti mëshonin për të fituar pikë! Juli ka hyrë aty në momentin më të errët të jetës së tij! Vdekja e Zefit e ka dërrmuar më shumë sesa e imagjinojnë njerëzit! Juli hyri aty më i dobët se kurrë emocionalisht dhe po del më i fortë falë mbështetjes së njerëzve.
Kur ai thotë më ka marrë malli për publikun tim, nuk gënjen. Njerëzit janë energjia e tij, stamina, forca për të vazhduar përpara. Juli përtej strategut, është një Piter Pan i përjetshëm që tashmë, humbja e Zefit e bëri një burrë më shpirt të butë. Paratë i duhen çdo artisti, por ja i bindur që fitorja për Julin do të jetë fitorja e secilit prej nesh që dikyr, diku është thyer dhe është ringritur më fort se kurrë falë mbështetjes nga ata që na duan! Kështu që ‘zemrat e Julit’ uroj ta mbështesin, votoni dhe gëzoni të gjithë fitoren e tij”, ka shkruar Turi.
Një 63-vjeçar nga Vlora ka treguar historinë e jetës së tij, deri në divorcin me bashkëshorten në vitin 2004, ai thotë se gruaja e tij i ka bërë magji, madje e ka tradhtuar.
Në rrëfimin e tij, ai tha se ka gjetur dyshekun plot me pisllëqe, duke shtuar se gruaja e tij kishte disa lidhje.
Historia e tij ka nisur shumë vite më parë, në periudhën e komunizmit, por divorcin e ka bërë në vitin 2004.
“Unë kam bërë ushtrinë në Himarë. Kisha mamanë vetëm, se vëllezërit e motrat ishin martuar. Erdha në Vlorë dhe u lidha me gruan time. U pleksa, u martova. Por kur u lidha, pashë që poshtë shtëpisë e sillte dikush tjetër. Kam gjetur dyshekun plot pisllëqe. Unë më 1984 jam martuar dhe isha 23 vjeç e ajo ishte 37 vjeçe. Në Vlorë më hidhnin dhe llafe. Ajo kishte disa lidhje. Pas martesës më tradhtonte sërish dhe më 1986 kam shkuar për t’u ndarë. Gjyqtarja më tha se e ke vendin në internim nëse ndahesh, më bëri presion. Më 1994 gruaja shkoi në Greqi. Nuk kisha si të shkoj në Greqi se kisha nënën. U martova me gruan se më bëri magji. Nuk jetonim më bashkë, edhe pse ishim të martuar me letra. Edhe ekonominë e kishim veçmas. Më 2004 jam divorcuar”, rrëfeu 63- vjeçari.
Dorina, një nga mamatë më të famshme në TikTok-un shqiptar, njoftoi pak kohë më parë se do të hiqte çdo video që ka me vajzën e saj të vogël në rrjetet sociale.
Duke arsyetuar vendimin e saj, Dorina tregon e shokuar se pjesa më e madhe e audiencës së saj ishin burra të një moshe të madhe, të cilët ndiqnin dhe ruanin videot e fëmijës së saj.
“Shtysa filloi nga një video, kur unë dhe vajza kishim bërë një trend TikTok-u dhe numri i personave që e kishin ruajtur atë video ishte shumë i lartë. Kur u futa ke lista e njerëzve që kishin bërë save, një pjesë shumë e madhe ishin meshkuj, burra. Nuk ka sens ta bëjnë burrat. Ku i nxirrja unë fëmijët e mi!”, shprehet Dorina në video teksa i bën thirrje të gjitha nënave të mos ekspozojnë fëmijët e tyre në rrjete sociale.
Padashur dhe paditur, prindërit “influencer” në TikTok dhe jo vetëm bëhen të preferuarit e pedofilëve, të cilët përballen me imazhe dhe video të pafundme fëmijësh.
Edhe pse pamjet mund të mos kenë nota seksuale, ato i shërbejnë më së miri një pedofili, analizon psikologia klinike, Manolita Hida.
“Pedofilët online të cilët qëndrojnë vetëm në stadin e vëzhguesit, nëse nuk kanë akses ndaj pornografisë me fëmijë, fillojnë të “ushqehen” me fotot dhe videot e fëmijëve “influencer” dhe jo vetëm, të cilat gjenden rëndom në rrjete sociale. Këto foto apo video për prindin apo fëmijën mund të mos kenë ngjyresa seksuale, por për pedofilët fëmija është thjesht objekt i cili përmbush nevojat e tij/saj, ndaj në foto ai/ajo do të shohë një imazh i cili ndez fantazitë seksuale. Ndonëse p.sh.: mund të konsiderohet e pafajshme një foto ose një video e fëmijës duke ngrënë ushqim, për pedofilin kjo aktivizon dëshirat seksule duke vendosur zonën e gojës dhe buzëve të fëmijës në plan të parë të fantazisë së tyre. Gjithashtu fotot e fëmijëve lakuriq, ose gjysmë lakuriq, qoftë edhe me rroba plazhi për gjysmën e poshtme të trupit, janë material i volitshëm për një pedofil online. Seksualizimi i veshjeve të fëmijëve, veshja e rrobave që nuk janë normale për një fëmijë, dhe hedhja e fotove në rrjet, i ekspozon gjithashtu ndaj pedofilëve seksualë online”, shpjegon Hida.
Sipas psikologes adresat pretendohen se menaxhohen nga prindërit në një pjesë të rasteve por kjo nuk përjashton as rastet në të cilat vetë të miturit të kenë profilet e tyre, dhe prindërit të dinë pak ose aspak mbi këtë.
Psikologia Hida, tregon për Gazetasi.al se rrjetet sociale mund të kthehen në një parajsë për abuzuesit dhe një ferr për të miturit.
“Rrjetet sociale i ofrojnë pedofilëve online material të lirë, të pacensuruar të cilin ata mund ta shohin, mund ta marrin dhe ta përdorin sipas dëshirës së tyre. Fotot apo videot e hedhura në rrjete sociale mund të merren dhe mund të hidhen në Dark Web më tej, prej pedofilëve online. Nëse më parë interneti ka qenë i kufizuar, dhe në një formë “rreziku” ka qenë jashtë mureve të shtëpisë, tashmë me përdorimin masiv të tij, në rrjete sociale apo kanale komunikimi me video, rreziku është tashmë brenda shtëpive të gjithsecilit nëse nuk ka një kontroll të qenësishëm dhe marrëdhënie prind-fëmijë është problematike dhe jo efektive”, thotë psikologia Hida.
Ajo shton se shkëmbimi apo tregtimi i imazheve online është dhunim i dyfishtë për viktimat dhe riviktimizimi ndodh çdo herë që këto imazhe dhe video shihen. Hida paraqet të dhënat e trishta që raportojnë se 1 në 10 fëmijë abuzohet seksualisht. 78 shtetas kanë qenë të burgosur për vepra seksuale me të mitur deri në dhjetor 2023 në burgje shqiptare.
Edhe Elidon Shehu, psikolog pranë drejtorisë vendore të Policisë së Shtetit, thotë se sipas rasteve të përditshme, dhuna seksuale online strehohet në Telegram dhe TikTok thotë Shehu, me anë të imazheve foto dhe video.
“Mbi 800 raste janë raportuar dhe 50% e tyre janë nga grupet në Telegram. Ka një rritje të rasteve të dhunës dhe në ‘TikTok’. Llogaritë mbyllen nga AKEP pas procedimit dhe vendimit të gjykatës. 85% e këtyre personave përdorin numra të huaj për të hapur llogari virtuale dhe gjurmimi bëhet më i vështirë, por shumica e tyre kapen me sukses”, tregon Shehu për Gazetasi.al.
AKCESK Agjencia Shtetërore për Mbrojtjen e të Drejtave të Fëmijëve gjatë vitit 2022 ka raportuar në Portalin Online 25 faqe me përmbajtje të paligjshme të cilat janë evidentuar në rrjetet sociale dhe youtube
Edhe shifrat mbështesin këtë shqetësim, TikTok një fole për pedofilët. 41% e sulmeve kanë ndodhur në këtë rrjet social, ndjekur nga Instagrami me 26% dhe Facebook-u me 19%.
Të dhënat statistikore nga organizata CRCA tregojnë se fenomeni është i përhapur gjerësisht në rrjetet online të Shqipërisë.
Në vitin 2022, ngacmimi dhe shfrytëzimi seksual online i fëmijëve ishte incidenti më i përhapur në rrjet, ndërsa në 2023-shin vendin ia zuri bullizimi.
Raporti për dhunën online, publikuar nga platforma Isigurt.al tregon se përmbajtjet pornografike të fëmijëve janë sulmi më shpesh i raportuar gjatë 2023-shit, 44 herë. 77% e rasteve janë raportuar nga djem dhe 23% nga vajzat.
Sipas grafikut, me incidente të llojit sexting, mesazhe/foto me përmbajtje seksuale janë përballur vetëm vajza. Po ashtu edhe në incidente me postim të fotove personale apo shantazhe, dominojnë viktimat vajza. Gjithsesi siç thekson CRCA, gjinia nuk është gjithmonë përcaktues i sulmeve.
62% e incidenteve gjatë 2023-shit, janë raportuar nga vajzat, kryesisht të moshës 15-18 vjeç, të ndjekur nga ata të grup-moshave 18-30 vjeç dhe 11-14 vjeç.
Në punën e tij të përditshme, psikologu Shehu thotë se vajzat janë viktimat më të shumta të abuzimit, por ka një rritje dhe të rasteve të raportuara nga djemtë.
Përgjatë vitit 2022 pranë platformës iSIGURT.al janë bërë 150 raportime për 243 faqe. Të dhënat tregojnë se në 46% të rasteve faqet, profilet apo videot e raportuara janë mbyllur, ndërsa rreth 44% e tyre janë ende të hapura online.
Raportimet për dhunë seksuale nga fëmijët përfshijnë burra të grupmoshave 19-24 vjeç, 25-34 vjeç, 55-64 vjeç. Për shkak të mundësive që rrjetet sociale ofrojnë në favor të fshehjes së identitetit, është vështirë të bësh një profil të abuzuesve, por jo e pamundur.
Psikologu Elidon Shehu, krijon identikitin e një abuzuesi. Shehu i ndan në dy kategori sipas moshës.
Të parët janë të rinjtë deri në 22-vjeç që në shumicën e rasteve shfaqin problematika të personalitetit, frustrimit dhe janë të vetmuar. Por këta të rinj, thotë psikologu Shehu jetojnë në një botë virtuale dhe kjo është “arma” e tyre duke nisur kështu një zinxhir vjedhjesh të dhënash, fotografish e rrjedhimisht shantazhim të vajzave të reja.
Tipologjia e dytë e abuzuesve është ajo e një moshe më të madhe, 50-65+ vjeç të cilët kanë pikërisht moshën si “armë”.
Shehu e quan “manipulim moshe” taktikën që përdorin këta abuzues për t’ju afruar fëmijëve, të cilët i ndjejnë si nipërit e mbesat e veta. Për shkak të moshës edhe prindërit manipulohen thotë psikologu Shehu. Në shumicën e rasteve ai tregon se abuzuesit e këtij grupi kanë një status social të lartë, me punë dinjitoze dhe të ardhura të konsiderueshme.
Psikologia Hida tregon se pedofilët veprojnë në komunitet dhe aty ku ka një pedofil ka një grup pedofilësh.
“Të dhënat tregojnë se një pedofil seksual, nuk është asnjëherë i vetëm, qëndrojnë në grupe dhe komunitete të tyret, dhe shpërndajnë materialet online. Në jo pak raste në Shqipëri, viktimat e abuzimeve seksuale kanë qenë të filmuara dhe imazhet janë përcjellë në mjete të tjera komunikimi, duke rritur numrin e abuzuesve. Pra, për një abuzues online, imazhi grafik nuk është më i mjaftueshëm, videoja të cilën kanë, nuk është më e mjaftueshme, ndaj ato kalojnë tek viktima e tyre dhe kryejnë aktin seksual. Në këtë formë, nga pedofil online kthehet në pedofil offline”, tregon psikologia Hida.
Hida tregon strategjinë e një pedofili, hap pas hapi.
“Pedofilët online mund të jenë persona të njohur ose jo për fëmijën dhe familjen e fëmijës, por ajo për të cilën sigurohen më së miri është që në asnjë moment të mos tregojnë identitetin e tyre të vërtetë pa siguruar atë çka duan. Një pedofil online i cili përpiqet të vendosë kontakt me fëmijën, synon të fitojë besimin e fëmijës. Pedofili online mund të marrë një identitet tjetër përballë fëmijës, të shtiret sikur është dikush tjetër, derisa besimi të jetë fituar, të shtiret se pëlqen të njëjtat gjëra që pëlqen dhe fëmija, mund të përgëzojë fëmijën për aspekte të ndryshme, mund të tentojë të japë dhurata, dhe pasi të jetë vendosur marrëdhënia pedofili online do të tentojë ta orientojë bisedën nga seksi. Fëmija mund të vendoset në pozita të atilla në të cilat i dërgon foto apo video pedofilit online, i cili nga ana tjetër, mund t’i përdorë për ta detyruar që të kryejë edhe veprime të tjera ose që ta takoj. Një ndër kërcënimet më të shpeshta mbetet frika se do t’i tregohet të tjerëve e veçanërisht familjes. Kjo e mban fëmijën të lidhur ndaj pedofilit online” tregon plot detaje psikologia duke theksuar se një pedofili i mungon insajti (të kuptuarit e sjelljes së tyre dhe se si kjo sjellje prek dhe dëmton të tjerët, në këtë rast fëmijën) mbi sjelljen e kryer prej tyre.
Në përfundim të analizës së saj, psikologia klinike, Manolita Hida retorikisht pyet: “Ende mendon se është gjithçka në rregull nëse e ekspozon fëmijën tënd në rrjet?!”./Si
Ashtu si në çdo puntatë edhe mbrëmjen e djeshme në “Cherry on Top” në Top Channel nga Bora Zemani, do të ketë të ftuar disa nga personazhet e showbizit shqiptar.
Ndër të ftuarit ka qenë edhe ish-banorja e “BBV3” Françeska Murati, e cila u eliminua shumë pranë finales. Gjatë qëndrimit në shtëpi Françeska është komentuar shumë për veshjet e saj të shtrenjta dhe gjatë promos së publikuar dëgjohet se shprehet se bie në sy vetëm nga veshja.
Bora: A je e pasur t’i Françeska?
Françeska: Zemra ime unë bie në sy vetëm nga veshja
Bes Kallaku dhe Xhensila Myrtezaj janë në qendër të vëmendjes së mediave rozë. Pas publikimit të këngës së Besit ‘Mosmirënjohja’, të gjithë jemi sy e veshë për të parë se çfarë reagimi do ketë Xhensila, pasi përflitet se teksti lidhet me historinë e tyre.
Por e kundërta po ndodh. Xhensila vijon jetën e saj normalisht, me koncertet, fëmijët e madje duket se nuk ka në mendje të reagojë.
Kujtojmë se Besi ka publikuar projektin e tij më të ri në bashkëpunim me këngëtaren Eli Malaj. Përmes një postimi në Instagram ai thekson se ky teksti është “tekst shpirti” gjë që duket se nënkupton se mund të jetë një mesazh për këngëtaren.
“Nga mosmirenjohja, une ta ktheva shpinen, a do mbash mekatin-a do bësh viktimën…”, thuhet mes të tjerash në tekstin e këngës.
Dijonisi pas rihyrjes duket se ka trazuar “ujrat” në “Ferma VIP”. Pas flirteve të shpeshta me Baby G, ai ka bërë një deklaratë të papritur, i ka shprehur ndenjat Diteas.
Teksa fillimisht mes dyshes pati një sërë batutash, ku Dijonisi i tha Diteas se do i gjente një burrë, më pas ai i ka shprehur ndjenjat.
Dijonisi i tha se ka rënë në dashuri me blogeren që prej fillimit, e ndërsa Ditea e mori këtë deklaratë me të qeshura dhe e quajti këtë një shaka.
Pjesë nga biseda:
Dijonis: Kam që ditën e parë që kam krijuar një farë pëlqimi për ty. Që në momentin që të kam parë ty, jeta ime ka ndryshuar komplet.
Ditea: Si ka mundësi, si ndryshoi kështu?
Dijonisi: Jam i dashuruar me ty.
Ditea: Si e kuptove këtë?
Dijonisi: Energjia jote më bën të ndihem mirë, sa herë të shoh emocionohem.
Ditea: Prandaj u ktheve ti?
Dijonisi: Ma bëj hallall që nuk ta kam thënë më parë.https://www.instagram.com/reel/C7UqGULoSlv/embed/captioned/?cr=1&v=14&wp=961&rd=https%3A%2F%2Fshqiperia-ime.com&rp=%2Fjam-i-dashuruar-me-ty-dijonisi-ben-deklaraten-e-forte-per-ditean%2F#%7B%22ci%22%3A0%2C%22os%22%3A1048%2C%22ls%22%3A199%2C%22le%22%3A1032%7D
Kozeta Caushaj është 56-vjeçarja me origjinë nga Shqipëria që humbi jetën në një aksident tragjik mbrëmjen e së mërkurës në lagjen Bellocchi, Fano, Itali.
Ka qenë rreth orës 23:00, kur Kozeta Caushaj, banuese në zonën e Fanos prej më shumë se një dekade, është përplasur dhe vrarë nga një makinë.
Ajo që e bën edhe më dramatike historinë është fakti se në momentin e përplasjes gruaja mbante për dore mbesën e saj 13-vjeçare e cila mbeti e padëmtuar.
Të dyja, falë klimës së butë dhe stinës së pranverës, kishin bërë një shëtitje jo shumë larg shtëpisë dhe po ktheheshin kur për fat të keq ndodhi aksidenti tragjik.
Shqiptarja ka ndërruar jetë para syve të saj disa qindra metra larg shtëpisë së tyre.
Makina Smart që i përplasi drejtohej nga një 49-vjeçar italian, i cili u ndal menjëherë për të dhënë ndihmë, por s’kishte vlerë.
Trupi i pesëdhjetë e gjashtë vjeçares ka qenë në dispozicion të organeve të drejtësisë, në pritje të autorizimit për varrim.
Një fëmijë ka gjetur trupin e pajetë të 21-vjeçarit Fabjol Iraliu, i cili humbi jetën mbrëmjen e djeshme në autostradën Rrogozhinë Lushnje në fshatin Konjat.
Dyshohet se për shkak të shpejtësisë së madhe me të cilën drejtonte mjetin humbi kontrollin dhe pasi u përplas me barrierat e hekurit makina përfundoi në oborrin e një banesë.
Trupi i të riut u gjet 30 metra larg vendit ku ndodhi aksidenti. Për të gjetur trupin në vendngjarje kishte shkuar dhe e ëma dhe babai i të riut.
Në momentin kur nëna ka gjetur të vdekur djalin u ndje keq dhe ra në tokë duke humbur ndjenjat për një moment.
Policia zhvilloi kontrolle gjithë natën por nuk arriti që ta gjente trupin e të riut, i cili ndodhej vetëm 30 metra larg makinës së shkatërruar.
Ai tha se pas takimit me deputetët ishte nervoz dhe sipas Karamuços, para një jave kryeprokurori Dumani është ndjekur nga dy makina nga pas.
“Unë e pashë edhe dje edhe ishte pak i axhituar, nervoz, ka një trysni nuk e shfaq por e vuan shumë. Para një jave Dumani është përndjekur nga 2 makina mbrapa ku kanë dashur ta fotografoin se ku po shkote, atij i është dashur që të leërë një makinë jashët edhe me të blinduarën është futur brenda. Ai është personi më i kërkuar në Shqipëri e shihet me lup çdo ditë”-u shpreh Karamuço.
Nga ana tjetër analisti Arjan Curri tregoi edhe mesazhet kërcënuese që sipas tij kanë ardhur në adresë të kryeprokurorit të SPAK, Altin Dumani.
“Dumani ishte i trembur dje, ne jemi edhe specialistë të trupit, unë pashë një Duman të trembur. Unë kam informacion se mbas publikimit të fletave të arrestimit të 50 vetave, Dumani ka marrë një kërcëmin në telefon me tekst që ‘ti edhe 4 vite ke, por mua do me kesh gjithëmonë nga mbrapa’. E ka marrë këtë mesazh nga një numër me prejardhje nga Dubai, një numër një përdorimshëm edhe ky numër nuk ekziston më.
Fëmijët e Dumanit janë në Shtetet e Bashkuara, janë studentë edhe jeta e tyre është e mbyllur edhe bashkëshortja e tij vete i viziton , Dumani ka pikë të dobët se është familjar, baba. Problemi i tij është se çfarë do bëhet me mua kur të mbarojë mandati ne jemi pa strehë. Vetëm nëse Dumanin e marrin Shtetet e Bashkuara i japin një strehim atje, po të tjerët”-u shpreh Curri.
Vajza 15-vjeçare e cila akuzoi të ati se ka abuzuar seksualisht me të prej 4 vitesh ka tërhequr denoncimin.
E mitura ka deklaruar se ka mashruar dhe gjithçka e ka bërë pasi babai i saj, Bledar Rako i ka gjetur në telefon bisedat me një shok.
“Nuk është e vërtetë që babai ka abuzuar seksualisht me mua. Gënjeva pasi më gjeti disa biseda në telefon me një shok”,- ka thënë ajo.
Veprimi i vajzës vjen pasi gjykata e Durrësit ka dhënë masën e sigurisë “arrest në burg” për 48-vjeçarin.
Rako ka mohuar akuzën ndërsa e bija, e cila ka bërë denoncimin pas rrëfimit te psikologia e shkollës, ka treguar më herët se është kërcënuar që të mos tregonte.
Ndërkohë edhe nëna e saj pretendonte prej se e bija po mashtronte, nga akti i ekspertimit ka rezultuar se ndaj 15-vjeçares nuk ka pasur akt të marrëdhënieve seksuale.
Ndërkohë avokati i 48-vjeçarit ka deklaruar se lidhur me kërkesën për urdhër-mbrojtje, edhe vajza edhe nëna e saj kanë deklaruar se nuk ndihen të kërcënuara.
