Month: May 2024

Kryeministri i Sllovakisë, Robert Fico është në gjendje kritike për jetën pas një atentati me armë zjarri ditën e sotme menjëherë pas mbledhjes së qeverisë pranë Bratislavës.

Fico raportohet se është qëlluar me katër plumba, njëri prej tyre i rrezikon jetën, në pjesën e barkut dhe të gjoksit.

“Sot është bërë tentativa për të vrarë R. Fico. Ai është qëlluar me disa plumba dhe aktualisht ndodhet në rrezik për jetën. Për momentin ai po transportohet me helikopter në Banská Bystrica, pasi rruga për në Bratislavë do të zgjaste shumë. Për shkak të nevojës për operacion urgjent, orët e ardhshme do të jenë vendimtare”, thuhet në një mesazh zyrtar në faqen e kryeministrit në Facebook.

Autori i sulmit me armë zjarri është një 71-vjeçar i cili është arrestuar në vendngjarje, ndërsa motivet nuk dihen ende.

Kryeministri i Sllovakisë Robert Fico, u plagos nga të shtënat me armë zjarri, dhe u dërgua në spital. Incidenti ndodhi në qytetin Handlova, rreth 150 kilometra në verilindje të kryeqytetit, sipas stacionit televiziv të lajmeve TA3.

Një i dyshuar është arrestuar. Nënkryetari i parlamentit Lubos Blaha, konfirmoi incidentin gjatë një seance të parlamentit dhe e shtyu atë deri në njoftimin e mëtejshëm, tha agjencia sllovake e lajmeve TASR.

Ngjarja ka ndodhur para Shtëpisë së Kulturës, ku Fico ka ardhur për t’u takuar me mbështetësit. Policia bllokoi vendin e ngjarjes.

Një reporter i gazetës së përditshme Dennik N, dëgjoi të shtënat dhe më pas pa ndihmën e shpejtë duke e çuar kryeministrin në një makinë.

🚨🇸🇰 FLASH | Celui qui a tiré sur le Premier ministre slovaque Robert Fico, le blessant gravement, a été arrêté.pic.twitter.com/oMgt4rIrQp

— Cerfia (@CerfiaFR) May 15, 2024

Personi që shihni në foto është Aleks Marku, babai i cili hapi zjarr ndaj forcave RENEA nga banesa ku mbante peng 2 fëmijët e tij të mitur.

Pas disa orësh negociata, RENEA hyri në banesë dhe liroi fëmijët, dhe gjithashtu vuri në pranga autorin dhe i sekuestroi armën e zjarrit kallashnikov.

Siaps policisë, Marku nuk rezulton me precedent të mëparshëm penal dhe sipas burimeve bashkëshortja e tij është kthyer ditën e djeshme nga jashtë vendit, ndërsa prej pak ditësh ai ishte zhvendosur në zonën e “Shkëmbit të Kavajës” me dy fëmijët e mitur

Ndërkaq, besohet se ishte nën efektin drogës dhe në gjendje të rënduar psikologjike, ndërsa banesën e kishte marrë me qira për 1 javë me Durrës.

Në deklarimet paraprake 40-vjeçari, është shprehur se i ka marrë fëmijët për t’i mbrojtur, ndërsa policia po verifikon nëse ka pasur konflikte me bashkëshorten e tij gjë që e kanë ccuar Markun në ndërmarrjen e një akti të tillë.
JA ÇFARË NDODHI SOT NË DURRËS

Rreth orës 02:20, Policia e Durrësit është njoftuar se dëgjoheshin të shtëna me armë zjarri, në ambientet e një pallati, në një apartament të lëshuar me qira, pranë zonës së quajtur “Shkëmbi i Kavajës”.

Menjëherë, shërbimet e Policisë kanë shkuar në vendin e ngjarjes dhe nga veprimet e para rezultoi se banesa nga ku qëllohej me armë zjarri, ishte marrë me qira javore, nga shtetasi A. M., 40-vjeç, banues në Lezhë dhe se dyshohej se brenda saj ky shtetas mbante peng 2 fëmijët e tij të mitur, 6 dhe 11 vjeç.

Policia e Durrësit kërkoi ndihmën e Repartit Special “RENEA”, pasi duhej ndërhyrje e specializuar për të mos rrezikuar jetën e fëmijëve në banesë dhe të punonjësve të Policisë.

Në vendngjarje shkoi Reparti Special “RENEA”, i cili i bëri thirrje 40-vjeçarit që të dorëzohej, por ai vijoi të qëllonte nga dritarja e apartamentit.

Pas disa orësh negociata, nga Njësia e Negocimit e Repartit “RENEA”, dhe me ndërhyrjen e specializuar të njësive të RENEA-s, në bashkëveprim me strukturat e DVP Durrës, nën masa të larta sigurie, u bë i mundur neutralizimi dhe kapja e shtetasit A. M., të cilit në banesë iu gjet një armë zjarri kallashnikov, një krehër me fishekë, si dhe 18 gëzhoja në brendësi të banesës.

Gjithashtu, Policia nxori të 2 fëmijët, të cilët janë në gjendje të mirë shëndetësore dhe po iu jepet asistencë me psikologë.
40-vjeçari është shoqëruar në Polici, për veprime të mëtejshme procedurale.

Për motivet që shtynë 40-vjeçarin në këtë ngjarje, do të japim informacion në vijim.

Novruz Cenaila, polici i cili u vra me një plumb në kokë teksa po shkonte të merrte shërbimin, do të përcillet sot për në banesën e fundit. 28-vjeçari Cenaila kishte vetëm një muaj që ishte martuar, por u vra pas një debati me 23-vjeçarin Azgan Mërnica për radhën e kalimit në rrugën e ngushtë të fshatit Baltëz në Fier.

Në orën 10:00, në Kinoteatrin e qytetit të Fierit do të mbahen homazhe në përkujtim të policit 28-vjeçar. Homazheve pritet t’i bashkohen edhe deputetët e Komisionit të Sigurisë.

Autori i vrasjes, Azgan Mërnica është ende në arratia. Policia ka vijuar me kërkimet, por deri më tani pa rezultat. Mbrëmjen e djeshme kontrollet u shtrinë edhe në Tepelenë dhe Gjirokastër. Dyshohet se ai synon të kalojë kufirin me Greqinë. Mërnica konsiderohet i rrezikshëm, pasi me vete dyshohet se mban armën e krimit.

Në tregun e këmbimit valutor shqiptar sot një dollar do blihet me 92.5 lekë dhe do shitet me 93.5 lekë.

Ndërkohë monedha evropiane euro do blihet me 100.2 lekë dhe do shitet me 100.8 lekë.

Franga zvicerane sot në tregun shqiptar do blihet me 101.8 lekë dhe do shitet me 102.8 lekë.

Ndërsa paundi britanik do blihet me 116.1 lekë dhe do shitet me 117 lekë.

Dashi

Këtë ditë duhet të mendoni që të ndryshoni garderobën tuaj: rrobat që nuk i vishni më dhurojani dikujt që ka nevojë. Përcaktoni se çfarë dëshironi nga marrëdhënia në çift pa u ndikuar nga fjalët e ëmbla. Mos e humbisni vigjilencën.

Demi

Këshilla juaj për sot është të organizoni një udhëtim. Do të jetë për ju gjëja më interesante e ditës. Partneri ka më shumë nevojë që ta kuptoni. Pranoni faljet që dikush ka ndaj jush. Do të jeni shumë konkretë në çdo gjë që do të bëni sot.

Binjakët

Ajo që duhet të bëni sot është t’i jepni rëndësinë e duhur sensacioneve tuaja. Sot do të ndiheni veçanërisht të inspiruar, ndërsa do të merrni vendime të cilat do t’ju ndihmojnë të zgjidhni shumë probleme.

Gaforrja

Këtë ditë juve duhet të bindeni që të jetoni sipas mënyrës tuaj dhe jo ndaj asaj që të tjerët duan për ju. Duhet të jeni përherë vetvetja. Në dashuri duhet të çliroheni prej kujtimeve të së shkuarës për të jetuar të lumtur.

Luani

Sot nuk do jetë ditë fort e mirë për ju. Do të keni dëshirë për të ulëritur dhe për të ndalur botën sot! Por a e dini se në këtë mënyrë nuk mund të zgjidhni asgjë! Në marrëdhënien tuaj dashurore duhet të tregoheni më të sinqertë!

Virgjëresha

Të lindurit e kësaj shenje do të jenë shumë me fat sot. Provoni edhe lojra të ndryshme pasi është dita juaj. Kujdes në anën sentimaentale. Vini mënjanë krenarinë dhe sqarohuni një situatë të vështirë me partnerin tuaj.

Peshorja

Nuk po kaloni një moment fort të mirë. Mos u shqetësoni për situatën që po kaloni. Edhe sot ju pret një ditë me stres nga shumë këndvështrime. Gjithsesi ruani qetësinë për çdo gjë dhe mos shpresoni në një ndihmë shumë të madhe.

Akrepi

Në dashuri jeni shumë të hutuar në këtë periudhë. Dedikojini më shumë kohë partnerit. Do të ndiheni veçanërisht të çuditshëm dhe konfuz. Më në fund, paratë që prisnit do t’i merrni.

Shigjetari

Sot do të jeni para shumë befasive. Ditë me shumë të papritura do të jetë kjo e sotmja për ju. Do të jenë tepër nervozë. Por ata që po jetojnë një dashuri të fshehtë do të jenë të lumtur në mbrëmje. Do të takoni miq të vjetër.

Bricjapi

Shtëpia dhe familja do të marrin vëmendjen tuaj. Disa do të shijojnë ftesën e një darke romantike. Idetë që do të keni gjatë kësaj periudhe do të jenë tepër të qarta. Ndaj shfrytëzoni këtë qartësi tuajën për diçka të rëndësishme.

Ujori

Kujdes me marrëdhënien në çift. Mos u besoni t’i rrëfeheni njerëzve të cilët nuk e njohin deri në fund marrëdhënien tuaj në çift. Do të ishte joproduktive! Beqarët më në fund do të shohin pak dritë në qiellin e tyre.

Peshqit

Sot është dita reflektimit për juve. e Gjatë ditës së sotme do të shihni përtej “hundës tuaj” dhe do të kuptoni se bota është e tejmbushur me shpresa dhe raste. Mos jini arrogantë me miqtë.

Gazetarja Anila Hoxha e ftuar në emisionin “Breaking” me moderatoren Dafina Hysa në Top News ka dhënë detaje mbi tragjedinë e Shkodrës ku 39 vjeçarja Alma Arrazi dyshohet se u vetëmbyt në lumin Buna së bashku me 3 fëmijët e saj për shkak të tradhëtisë dhe dhunës së bashkëshortit.

Hoxha u shpreh se e dashura adoleshente e Erdgys Arrazit nuk është marrë ende në pyetje nga policia për shkak të gjendjes së rëndë psikologjike në të cilën ndodhet pas ngjarjes tragjike.

“E dashura e Erdgysit nuk është marrë në pyetje derisa të stabilizohet gjendja e saj. Sepse ajo është në shok. Në dëshminë e parë ajo kishte thënë se nuk e kishte takuar kurrë Almën dhe se Erdgysi i kishte thënë se do ndahej nga ajo dhe do martoheshin bashkë.”- tha gazetarja.

Më tej ajo zbuloi se e dashura e Erdgys Arrazit i cili mbahet i arrestuar për shkaktim të vetëvrasjes, ndodhet në një qendër për gratë dhe se ende nuk dihet nëse do të pyetet në ambientet e Prokurorisë së Shkodrës apo në qendrën ku ndodhet.

“Aktualisht adoleshentja gjendet në një qendër për gratë për shkak të trajtimit që po merr dhe gjendjes së shokut. Nuk është vendosur ende nëse do të pyetet në ambientet e prokurorisë apo prokurori do të shkojë në qendrën për gratë”- shtoi Hoxha.

Ndërsa mes të tjerash, zbuloi se do të rimerret në pyetje Erdgys Arrazi.

Gazetarja Anila Hoxha e ftuar në një emision televiziv ka dhënë detaje mbi tragjedinë e Shkodrës ku 39 vjeçarja Alma Arrazi dyshohet se u vetëmbyt në lumin Buna së bashku me 3 fëmijët e saj për shkak të tradhëtisë dhe dhunës së bashkëshortit.

Hoxha u shpreh se e dashura adoleshente e Erdgys Arrazit nuk është marrë ende në pyetje nga policia për shkak të gjendjes së rëndë psikologjike në të cilën ndodhet pas ngjarjes tragjike.

“E dashura e Erdgysit nuk është marrë në pyetje derisa të stabilizohet gjendja e saj. Sepse ajo është në shok. Në dëshminë e parë ajo kishte thënë se nuk e kishte takuar kurrë Almën dhe se Erdgysi i kishte thënë se do ndahej nga ajo dhe do martoheshin bashkë.”- tha gazetarja.

Më tej ajo zbuloi se e dashura e Erdgys Arrazit i cili mbahet i arrestuar për shkaktim të vetëvrasjes, ndodhet në një qendër për gratë dhe se ende nuk dihet nëse do të pyetet në ambientet e Prokurorisë së Shkodrës apo në qendrën ku ndodhet.

“Aktualisht adoleshentja gjendet në një qendër për gratë për shkak të trajtimit që po merr dhe gjendjes së shokut. Nuk është vendosur ende nëse do të pyetet në ambientet e prokurorisë apo prokurori do të shkojë në qendrën për gratë”- shtoi Hoxha.

Ndërsa mes të tjerash, zbuloi se do të rimerret në pyetje Erdgys Arrazi.

Një ngjarje e tmerrshme ka ndodhur në Stajkovc të Shkupit, ku vëllai ka vrarë vëllain dhe kunatën.

Sipas mediave në Maqedoninë e Veriut, ngjarja ka ndodhur gjatë ditës së sotme në orën 12:00, ku policia ka gjetur me lëndime të shumta në trup dhe në kokë dy bashkëshortët V.K 64-vjeç dhe S.K 57-vjeçe.

Gruaja ka humbur jetën në vendngjarje, ndërsa bashkëshorti i saj ka humbur jetën në spital, ku ishte dërguar për ndihmë mjekësore.

Ndëkrohë disa minuta më vonë poolicia ka gjetur të plagosur me shenja thike në trup edhe L.K vëllai i V.K, i cili është dërguar gjithashtu për ndihmë mjekësore në spital.

Dyshohet se L.K ëhstë autori i dyshuar i vrasjes.

Edhe pse kanë kaluar 24 orë nga vrasja e efektivit të policisë në Fier, Novruz Cenalia, ende nuk ka asnjë gjurmë për autorin e dyshuar, shtetasin Azgan Mërnica.

Kontrollet e policisë tashmë janë shtrirë edhe më gjerë, pasi autori ka dyshime se është larguar drejt Gjirokastrës apo Tepelenës.

Burime nga policia e Fierit bëjnë me dije se një person i ngjashëm me autorin është pare ne Gjirokastër.

Autoritetet po verifikon informacion e marrë dhe për ketë ka lajmëruar policinë e Gjirokastrës. Policia ngre dyshimet se personi mund te tentoje të kaloji kufirin. Ndërkohë kontrollet vijojnë ne fshatin Pojan. Kontrolle po behën ne stane, në tunele etj.