Month: May 2024

Ngjarja e rëndë e ditës së djeshme në Fier, ku mbeti i vrarë 28-vjeҫari Novruz Cenalia, për babain e tij që punonte në sallën operative të policisë së Fierit, kanë qenë moment të tejet të vështira për të.

Babai i të ndjerit, fatkeqësisht mori lajmin tragjik të vrasjes së djalit efektivit të “Shqiponjave”, Novruz Cenalia, gjatë kohës që ndodhej në punë.

28-vjeçari, jeta e të cilit u ndërpre tragjikisht mesditën e së hënës në fshatin Baltëz të Fierit, do të përcillet paraditen e nesërme drejt banesës së fundit.

Por shkaqet për vrasjen e tij me një plumb në kokë në mes të rrugës, janë ende të paqarta.

Shumë pikëpyetje ka për vdekjen e efektivit të “Shqiponjave”, i cili të hënën po shkonte për në punë, kur u qëllua për vdekje me pistoletë nga Azgan Mërnica.

Ky i fundit, vetëm 23-vjeç, u arratis menjëherë pas krimit. Pavarësisht kontrollove të shumta në disa fshatra të Fierit ku dyshohet se ai fshihet, deri në këto momente arrestimi i tij nuk është bërë ende i mundur.

Duket se edhe thirrjet publike si ajo e ministrit të Brendshëm, Taulant Balla një ditë më parë për t’u vetëdorëzuar, kanë rënë në vesh të shurdhët.

Autoritetet hetimore mësohet se kanë sekuestruar kamerat në zonë, në përpjekje për të zbuluar dinamikën e qartë të gjithçka ndodhi një ditë më parë, që çoi në ekzekutimin e Novruzit.

Me dhjetëra persona, kryesisht familjarë e të afërm të autorit të ngjarjes, janë marrë në pyetje.

Nuk dihet nëse ata kanë dhënë informacione të vlefshme për policinë. Policia ka vënë edhe një shpërblim prej 30 mijë eurosh, për këdo që do të japë informacione që do të çojnë në arrestimin e autorit të dyshuar.

Sa i përket arsyeve, pistat janë disa. Policia zyrtarisht insiston se ngjarja ka ndodhur për shkak të një konflikti të çastit. Por, pistë tjetër mbeten dhe ngjarje të shkuara e për pasojë, vrasja mund të ketë ardhur në shenjë hakmarrje apo gjakmarrje.

Si autori i dyshuar, ashtu sikurse viktima rezultojnë të dy me origjinë nga Hasi. Babai i viktimës, efektiv prej vitesh në radhët e policisë para viteve 2000, raportohet të ketë qëlluar për vdekje një person me rrezikshmëri të lartë, gjatë një operacioni policor.

Teksa vetë 23-vjeçari Azgan Mërnica nuk rezulton me precedentë penalë, vëllai i tij ndodhet aktualisht në burg, i akuzuar për vrasje.

Mbetet për t’u sqaruar se cila është arsyeja që 23-vjeçari i mori jetën efektivit Cenalia. Ishte një sherr banal i çastit që e çoi të hapte zjarr në drejtim të uniformës së policisë? Apo ngjarjet e së shkuarës e çuan të qëllonte në shenjë hakmarrje?

Karamuço i ftuar në “Top Story” mbrëmjen e djeshme, është shprehur tepër i pikëlluar për vrasjen e policit 28-vjeçar në fshatin Baltëz të Fierit.

Sipas tij është një gjë shumë e rëndë të shohë një uniformë të shtrirë në tokë me gjak dhe se vrasësi i tij mund të ekzekutohet nga RENEA. Karamuço i prekur shprehet se nuk do donte të paguante taksat për burgun e tij i cili është një kriminel.

Karamuço: Nëse vazhdon të insistojë dhe nuk dorëzohet dhe mban armë në dorë, ai do vritet. Në manualet taktike që përdor RENEA kur vritet një polic, nuk ka negocim, nuk futen negociatorët. O dorëzohu siç ka përmendur ministri i Brendshëm edhe drejtori i përgjithshëm i Policisë ose do të përballesh me fuqinë e armëve që ka në posedim policia e shtetit. Taktikat e RENEA-s është që gjatë natës e lënë të lodhet, është një luftë psikologjike rrethimi, derisa të dorëzohet. Nëse nuk dorëzohet do të veprojë jo forca e ligjit. Na ka pikëlluar shumë sot. Sidomos uniformë e shtrirë në tokë me gjak mua më ka pikëlluar jashtë mase shumë, si të gjithë shqiptarët. Unë jam një taksapagues që nuk dua të paguaj burgun e tyre, këta janë kriminelë.

Grida Duma: E kuptova qëndrimin tënd, ishte nga më të fortit e mbajtur në studiot televizive.

Ditën e djeshme, një ngjarje tronditëse ndodhi në qytetin e Lezhës, ku 62-vjeçari Arsen Dani, vrau me thikë nënën e tij në Bulevardin “Gjergj Fishta”.

Mësohet se ai ka folur para hetuesve, ku është shprehur; “Kam vrarë 2 mijë vetë s’më beson njeri, vrava nënën time dhe ma besuan”, shprehet 62-vjeçari Arsen Dani i cili një ditë më parë masakroi me thikë për vdekje nënën e tij Gjylije Dani, brenda apartamentit ku jetonin në lagjen “Besëlidhja” të qytetit të Lezhës.

62-vjeçari ka shfaqur probleme të theksuara të shëndetit mendor, ndërsa po mbahet në dhomat e paraburgimit të komisariatit të Lezhës.

Eksperti i kriminalistikës, Artan Rexhepi ishte këtë të martë në “Good Morning Albanians” ku foli për ngjarjen e rëndë të ndodhur ditën e djeshme në Baltëz të Fierit, ku efektivi i “Shqiponjave”, Novruz Cenalia u vra nga 23-vjeçari Asllan Mernica.

Sipas ekspertit Mernica ka qenë së bashku me nënën e tij kur ndodhi edhe ngjarja e rëndë. Ai tha se prania e nënës mund të ketë çuar në degradimin e situatës e mund të ketë nxitur të riun që të qëllojë për vdekje efektivin.

“Mund të ketë qenë konflikt i çasti. Fakti që nëna ka qenë prezente mund të ketë qenë edhe shkak i agravimit të situatës, në kuptimin e një komunikimi banal dhe nëna prezente aty mund ta ketë bërë situatën të pashmangshme. Mund të ketë pasur ndonjë fyerje me ngjyrim seksual, ndonjë sharje. Këto janë hamendësime”,-tha eksperti.

Në tregun e këmbimit valutor shqiptar sot një dollar do blihet me 92.8 lekë dhe do shitet me 93.7 lekë.

Ndërkohë monedha evropiane euro do blihet me 100.1 lekë dhe do shitet me 100.8 lekë.

Franga zvicerane sot në tregun shqiptar do blihet me 101.7 lekë dhe do shitet me 102.7 lekë, ndërsa paundi britanik do blihet me 116 lekë dhe do shitet me 117 lekë.

Graciano Tagani ka shpërthyer keq mbrëmë ndaj Heidi Bacit, duke i thënë se ‘je për turp, s’ke edukatë, s’ke norma’. Madje ai e pyeti se ‘me kë do shtrihesh, me Fationin, me Romeon?’.

Kjo deklaratë e Gracionos është kritikuar ashpër nga përdoruesit e rrjeteve sociale, ku pjesa më e madhe e kanë kritikuar si dicka shumë të turpshme këtë deklaratë.

Lidhur me këtë , ka reaguar edhe Fation Kuqari, ish-banori i BBV3, i cili fillimisht pati një afrim brenda shtëpisë me Heidin.

“Miq dua të flas pak për çështjen, Heidi-Graciano-Romeo, sepse më duket shumë e turpshme që për të kapur prime-n apo një audiencë të caktuar, t’i përmendësh një femre njohjet që ka patur ajo. Të gjithë kemi patur njohje, si jashtë si brenda. Këtu do të thotë që të njohësh një mashkull, je e përdalë apo k*rve. Eshtë krejt normalë që mos të ecë njohja dhe të nisësh diçka tjetër. Dhe për ta cekur, ti thuash tjetrës, që unë nuk kam qenë kurrë në një krevat me Heidin dhe t’i përmendesh se kujt do t’i futesh në krevat për të kapur situatën, pavarësisht se nuk është në dëmin tim po në dëmin e Heidit, mua prap më vjen të reagoj. Dhe jo e e dua atë vajzë si njeri por thjesht më duket një gjë shumë e pahijshme dhe shumë e turpshme që një mashkull ta përdorë këtë lloj gjëje për të kapur prime-n. Shumë e shpifur“, shprehet Fationinë një postim në Instastory.

Video Player

Presidenti i PL-së, Ilir Meta në prokurorinë e Tiranës. Gazetarja Klodiana Lala, teksa ka siguruar një foto të Metës para institucionit të organit të akuzës, mëson se ai po pyetet nga Prokurori Ndini Tavani.

Siç shihet nga pamjet, Meta shfaqet i qeshur, ndërsa në prokurori ka hyrë i vetëm.

Gazetarja Lala raporton se Meta po pyetet në lidhje me kallëzimin për serverin në Partinë e Lirisë, ku është denoncuar vjedhja e tij.

(BalkanWeb)

Dashi

Asgjë për t’u veçuar gjate kësaj dite ne jetën tuaj ne çift. Merrini gjerat si t’iu vijnë dhe mos mendoni për te ardhmen e largët. Beqaret do kenë shume besim tek vetja e tyre dhe do arrijnë ta bëjnë për vete personin qe do pëlqejnë. Situata financiare do filloje dalëngadalë te përmirësohet. Do keni mundësi te kryeni te gjitha shpenzimet e nevojshme.

Demi

Dialogu do mbizotëroje gjate gjithë kësaj dite ne jetën tuaj ne çift. Do flisni hapur për gjithçka me partnerin dhe do i zgjidhni edhe dosa pengje te se kaluarës. Disa mund te marrin edhe ndonjë vendim te rëndësishëm. Beqaret do kenë një dite te zakonshme dhe pa asgjë te veçante. Ne planin financiar Plutoni do ju beje me te kthjellet dhe nuk do ju lejoje te gaboni.

Binjaket

Nuk do tregoheni aspak tolerante me atë qe keni ne krah sot dhe marrëdhënia ne çift nuk do jete aq e mire. Beqaret do jene shume te suksesshëm ne dashuri dhe me ne fund do ndihen te plotësuar. Personi mund te jete i shenjës se peshores ose akrepit. Ne planin financiar duhet te tregoheni me te kujdesshëm se kurrë sepse po e tepruar sot do keni probleme te mëdha.

Gaforrja

Yjet do ju ndihmoje te afroheni me tepër me partnerin sot dhe te kaloni sa me tepër kohe bashke. Do keni mundësi te flisni për gjithçka pa pasur druajtje. Beqaret nuk do mund te kenë mundësi te krijojnë një lidhje serioze. Sot vetëm ndonjë aventure mund te fillojnë. Ne planin financiar nuk rekomandohen shpenzime te jashtëzakonshme.

Luani

Mos ja vini ne çdo moment ne dukje partnerit defektet qe ka sepse do e mërzitni tej mase atë dhe mund te keni edhe debate. Askush nuk është perfekt e aq me tepër ju. Beqaret do vazhdojnë ëndërr te kërkojnë dashurinë e madhe, por pa fat. Ne planin financiar mos kërkoni te fitoni para menjëherë sepse do bëni gabime te pafalshme.

Virgjeresha

Do jeni me tolerante ne çift dhe do keni me tepër besim nga personi qe keni ne krah. Dita do jete e me e bukur dhe e mbushur me emocione te mëdha. Beqaret do jene te fokusuar tek puna dhe miqtë dhe nuk do i kushtojnë rëndësi jetës sentimentale. Ne planin financiar është momenti i duhur për te filluar ndonjë strategji strikte. Vetëm kështu mund ta stabilizoni situatën.

Peshorja

Beni mire te mos tregoheni shume autoritare gjate kësaj dite ne jetën tuaj ne çift sepse mund te lindin probleme te mëdha me partnerin. Secili duhet te mbaje vendin e tij. Beqaret do njihen me një person serioz dhe realist. Lidhja juaj do jete mjaft e qëndrueshme. Financat do jene disi me te qëndrueshme se disa kohe me pare. Do shpenzoni me qetësi për ato qe ju duhen.

Akrepi

Te dashuruarit do kenë një dite te mbushur me risi dhe kënaqësi. Shfrytëzojeni çdo mundësi qe do ju jepet për te kaluar kohe me partnerin. Beqaret do bien ne dashuri me shikim te pare dhe kështu do ju realizohet dhe ëndrra e madhe. Te ardhurat do kenë goxha përmirësime nga disa dite me pare, kjo fale strategjisë te mire qe ju keni ndjekur.

Shigjetari

Debatet ne çift do jene te shumta gjate kësaj dite dhe nuk do arrini dot te shihni qarte drejt se ardhmes. Me mire qëndroni pak kohe larg atij qe doni për te menduar. Beqaret do jene me fat dhe do hedhin hapat e para drejt një lidhjeje te qëndrueshme. Planetët do ua qartësojnë mendimet ne planin financiar dhe do e dini mire sa te shpenzoni qe situata te mbetet e qëndrueshme.

Bricjapi

Marrëdhënia ne çift do filloje te përforcohet gjate kësaj dite dhe do e shihni më me optimizëm te ardhmen. Nuk do i mbani aspak mëri tjetrit për gabimet e bëra. Beqaret nuk do kenë as sot fat ne dashuri dhe do mbeten vetëm. Jupiteri do ju ndihmoje ta përmirësoni pak nga pak situatën financiare. Mos u nxitoni për asgjë sepse gjithçka ka kohen e vet.

Ujori

Yjet do ndikojnë negativisht sot ne jetën tuaj ne çift dhe nga momenti ne moment atmosfera mund te behet shume e zjarrte. Kujdes me ato qe do thoni e do bëni. Beqaret me mire te qëndrojnë edhe sot vetëm dhe te mos kërkojnë dike sepse do lëndohen se tepërmi. Ne planin financiar duhet te përballeni me vështirësitë jo t’i anashkaloni ato.

Peshqit

Marrëdhënia ne çift do jete me e ngrohte gjate kësaj dite. Do i harroni te gjitha mosmarrëveshjet qe keni pasur dhe do mendoni me tepër për te ardhmen. Beqaret do kenë shume nevoje për dike ne krah, por as sot nuk do kenë mundësi ta gjejnë atë te duhurin. Financiarisht, maturia dhe mençuria do ua stabilizojnë menjëherë situatën.

Aktorja e njohur amerikane, Halle Berry po bën xhiron e rrjetit me një postim të fundit në Instagram.

Në Ditën Ndërkombëtare të Nënës, Van Hunt, i cili ka qenë çift me aktoren Hollywood-iane vitet e fundit, ka postuar një foto të saj në ballkon.

Në foto, Berry pozon topless me shpinë të kthyer nga rruga dhe kamera. Hunt jo vetëm që zgjodhi të postonte foton, ai nuk mbuloi as zonat intime të partneres së tij.

Në komente, disa e lavdëruan atë për admirimin e tij për Halle Berry. Por shumë reaguan, si për postimin e tij për Ditën e Nënës, ashtu edhe për faktin që ai nuk mbuloi të pasmet e zhveshura të Berry-t. Nuk kanë munguar komentet edhe kundër aktores, e cila kohët e fundit po pozon gjithnjë e më shpesh e zhveshur.

Një vajzë adoleshente është përdhunuar në grup nga 12 të mitur të moshës nga 11-16 vjeç, në një rast që ka tronditur Belgjikën.

Sipas mediave lokale, 14-vjeçarja është abuzuar nga grupi i djemve në 3 raste, nga 2 deri në 6 prill.

I dyshuari kryesor, i dashuri i vajzës, mendohet se e ka çuar të dashurën e tij në një pyll të Kortrijkut dhe aty e ka përdhunuar në sy të shokëve. Më pas, ia ka dhënë “borxh” atyre që të abuzonin seksualisht me të, ndërkohë që më i vogli, një djalë 11-vjeçar, u la për të bërë rojen.

Policia ka arrestuar 10 të mitur deri tani, të gjithë me origjinë nga Afrika.

Pas abuzimit, prokurorët thanë se i dashuri e ka dërguar edhe dy herë të tjera vajzën në vendin e krimit, ku është abuzuar sërish nga djemtë. Sipas prokurorëve, “kush më pak e kush më shumë”, të gjithë kanë abuzuar seksualisht me 14-vjeçaren.

Sipas policisë, djemtë edhe e kanë regjistruar me celular përdhunimin, me videot që janë shpërndarë më vonë në Snapchat.