Month: July 2024

Laburistët do t’i japin përparësi kërkesave për azil të atyre nga vendet “të sigurta” në përpjekjet për të përballuar numrin e madh të rasteve, pas anulimit të planit të Ruandës.

Sekretarja e Brendshme britanike Yvette Cooper pritet të njoftojë një ndryshim në ligj për të lejuar përpunimin e kërkesave nga emigrantët që kanë mbërritur ilegalisht gjatë 18 muajve të fundit.

Sipas The Times, kjo do të sjellë anulimin e një pjese të Aktit të Migrimit të Paligjshëm të Konservatorëve, i cili ndaloi këdo që arrinte ilegalisht në Mbretërinë e Bashkuar që nga marsi 2023, t’i jepej azil.

Këta persona ishin planifikuar për t’u larguar sipas skemës së dëbimit të Rishi Sunak në Ruandë.

Por laburistët i deklaruan planet e ish-kryeministrit për të dërguar emigrantë në vendin afrikan “të vdekura dhe të varrosura” pasi fituan pushtetin.

Gazeta raporton se ndryshimi i ligjit Laburist do të prekë rreth 101,000 emigrantë që kanë mbërritur në Mbretërinë e Bashkuar me varka të vogla ose rrugë të tjera të paligjshme.

Ata që vijnë nga vende “të sigurta” si India, Vietnami dhe Shqipëria pritet t’u jepet prioritet kërkesave për azil sepse do të jetë më e lehtë për ta që të kthehen në shtëpi.

Kjo është në kontrast me ato nga vende të tilla si Afganistani dhe Siria.

Vetëm 3 për qind e azilkërkuesve nga India janë pranuar kërkesat e tyre, së bashku me 7 për qind të shqiptarëve dhe 46 për qind të vietnamezëve.

Këshilli i Refugjatëve, një organizatë bamirëse me bazë në Mbretërinë e Bashkuar, ka vlerësuar se 70 për qind e emigrantëve të caktuar më parë për deportim në Ruandë do të marrin azil.

Një turiste është kafshuar nga kali në Pallatin Mbretëror në Londër, duke bërë që të humbasë ndjenjat.

Turistja duket teksa qëndron për kamerën krah kalit, një prej atraksioneve turistike të Londrës, teksa pas saj është një pllakatë ku lexohet “Kujdes nga kali, mund të kafshojë apo shkelmojë”.

Në një moment kali kthehet dhe e kafshon turisten në krah. Pjestarët e grupit të saj duket teksa i afrohen për të inspektuar kafshimin, por ajo ndihet keq dhe bie në tokë.

Siç raportojnë mediat britanike, ajo është ka marrë ndihmën e parë dhe i është bashkuar serish grupit të turistëve.

https://www.dailymail.co.uk/news/article-13656601/tourist-faints-kings-guard-horse-bits-arm-posed-photo.html?ico=embedded

Ilnisa dhe Meritoni kanë marrë një hap të madh në marrëdhënien e tyre. Pasi eksperienca në Big Brother VIP mbaroi, ata kanë vendosur të bashkëjetojnë edhe jashtë.

Këtë e ka zbuluar vetë Ilnisa teksa ishte e ftuar në “She’s On Top”, duke pranuar se ajo dhe Meritoni po jetojnë bashkë. Por si po shkon bashkëjetesa?

Ilnisa zbuloi se gjithçka po shkon për mrekulli, por si çdo çift edhe ata kanë zënkat e vogla kur nuk gjejnë gjërat nëpër shtëpi.

Argjira e komplimentoi Ilnisën për pamjen e saj të kohëve të fundit, ndërsa gazetarja tha se gjithçka nis nga brenda, duke konfirmuar se është më e lumtur se kurrë me Meritonin.

Kamerat e sigurisë kanë arritur të filmojnë autorin e masakrës me 3 të vrarë në Memaliaj, i cili ekzekutoi me breshëri plumbash babanë e Andrea Kalemit, Shyqyr Kalemin, kamarierin e lokalit, Gledio Muka dhe klientin Marsel Çela, natën e 20 korrikut.

Ndërsa i plagosur në atentat mbeti edhe vëllai i Shyqyri Kalemit, Artur Kalemi.

Sipas identikitit të nxjerrë nga pamjet e kamerave, autori është i gjatë 1.80 centimetra, rreth 40-vjeç dhe i pa maskuar. Ai ka qenë i veshur me pantallona të zeza dhe bluzë të zezë, pa mëngë.

Në momentin kur ka qëlluar ndaj viktimave, autori është ndalur për pak sekonda dhe dyshohet se u ka thënë diçka para se t’i ekzekutonte.

Personi i dytë në timonin e makinës nuk është identifikuar dot.

Një i ri shqiptar është dënuar nga gjykata në Liverpul, pasi u kap në një shtëpi ku kultivohej kanabisi.

20-vjeçari Edison Alzeneli, u arrestua në një banesë në rrugën “39 Winwick Street”, të cilën e kishte përshtatur për kultivimin e lëndës narkotike.

Brenda saj, policia gjeti 321 bimë kanabisi që nëse do të hidheshin në treg, do të kapnin vlerën e 300 mijë paund.

Alzeneli, i cili ka hyrë ilegalisht në Britaninë e Madhe, u dënua me 12 muaj burg.

Njësia për Kontroll të Autostradave në Kosovë ka identifikuar edhe një rast tjetër të garave ilegale në autostradë.

Policia i ka gjobitur shoferët e Ferrarit, Bugattit dhe veturave tjera luksoze.

Ata u dënuan me nga 400 euro secili dhe iu është ndaluar drejtimi i mjetit me veprim motorik.

Vlera minimale se secilës prej këtyre veturave shkon mbi 100 mijë euro.

Çmimet abuzive në bregdetin shqiptar shihen si një ndër arsyet kryesore të dështimit të sezonit turistik gjatë muajit të korrikut.

Të shumtë janë ata që ankohen për çmimin e shtretërve në plazh, apo edhe dhomave të gjumit. Por duket se Himara ka vendosur një rekord të ri!

Në një “sufllaqexhidhiko” të qytetit bregdetar, disa turistë kanë mbetur të shokuar kur u ka ardhur fatura.

Ata janë faturuar plot 40 mijë lekë të vjetra, apo rreth 40 euro për 4 sufllaqe! Një sufllaqe me mish pule në Himarë kushton plot 10 euro, ndërkohë që edhe në vendet më piktoreske të Greqisë nuk i kalon 4, 5 apo 6 euro.

Me një faturë prej 50 euro, me siguri pushuesit do kishin drekuar më mirë nëse do i shpenzonin në market.

Automjeti që shihni në foto, është automjeti i përdorur nga autorët e atentatit me tre viktima mbrëmjen e së shtunës (20 korrik) në Memaliaj.

Makina në fjalë është filmuar nga kamerat e sigurisë, para se autorët të kryenin krimin makabër duke lënë pas tre të vrarë në një lokal, 74- vjeçarin Shyqyri Kalemi dhe dy persona të tjerë të pafajshëm, klienti Marsel Çela dhe kamarieri Gledio Muka.

Kujojmë se automjeti i përdorur nga autorët, tip BMW që u gjet e djegur në fshatin Bejaj të Mallakastrës.

Si ndodhi ngjarja?

Viktima Shyqyri Kalemi ishte ulur në një tavolinë me vëllain e tij, Artur Kalemi, kur është qëlluar me breshëri mbrëmjen e 20 korrikut rreth orës 21:20. Si pasojë e të shtënave kanë humbur jetën edhe dy personat e tjerë, të pafajshëm. Kamarieri Gledio Muka dhe klienti Marsel Çela.

Referuar burimeve policore, nisur edhe nga një rindërtim i ngjarjes, pranë tavolinës ku ndodheshin vëllezërit Kalemi ishte Muka, ndërsa viktima tjetër ishte brenda lokalit, ku edhe e kanë kapur plumbat e qëlluar me breshëri.

SHENJESTRA

Sipas burimeve nga policia dyshohet se shënjestër e këtij ka qenë Shyqyri Kalemi, babai i Andrea Kalemit, të cilit i janë bërë së paku 3 atentate. Një në një ishull të Greqisë, një në burg dhe një në Shqipëri. Po ashtu në janar të këtij viti i bënë atentat në Unazën e Madhe edhe të vëllait Zamir Kalemit në Tiranë.

PISTAT E HETIMIT

Grupi hetimor po heton si një nga pistat e atentatit vazhdimin e sagës së vrasjeve të Aleksandër Sadikaj dhe Edmond Papës. Policia dyshon se Andrea (Adriatik) Kalemi dyshohet të jetë i përfshirë në vrasjen e Edmond Papës në dhjetor të 2022, ndërsa Sadikaj i cili mbeti i vrarë më herët me tritol brenda makinës ishte i afërm i vëllezërve Kalemi.

Thuajse dy javë më parë ishte e vështirë të siguroje për fundin e korrikut apo për gushtin një hotel me çmim ekonomik në Sarandë.

Gjithçka niste nga 60 euro ku i përfshirë ishte vetëm akomodimi, kurse për Ksamilin, çmimi më i lirë ishte 80 euro nata. Çmimet e akomodimit në këtë fillim sezoni u rritën me 25-30%

Por, rritja e çmimeve duket se e uli menjëherë kërkesën, duke nxitur veprimin e kundërt.

Së fundmi ka një fushatë sponsorizimesh në rrjete sociale ku strukturat akomoduese janë bërë aktive me oferta, në një përpjekje për të rifituar pikët që destinacionet po humbisnin nga rritja e çmimeve që ndodhi gjatë qershorit dhe fillimit të korrikut.

Tashmë mund të gjesh për pikun e sezonit, pra pjesa e mbetur e korrikut deri më 20 gusht, hotele në Ksamil që ofrojnë paketa “half board” (dy vakte të përfshira) për 65-75 euro personi.

Kjo do të thotë që në dhomën dyshe të ofruar për një çmim 130 apo 150 euro ofrohet mëngjesi dhe darka, shezlonet në plazh, parkimi.

Më herët edhe problematika e shezloneve u kthye në një temë diskutimi pasi në një pjesë të plazheve çmimet nisnin nga 2 mijë lekë deri në 15 mijë lekë (jo shezlone standarde).

Në Sarandë, një tjetër hotel ofron disa çmime sipas kategorisë së dhomë që do të marrësh.

Oferta i takon datës 26 korrik-28 gusht dhe për një dhomë dyshe çmimi është 75 euro person, për një dhomë treshe 59 euro/person dhe për një dhomë katërshe, 49 euro/person. Në këtë ofertë përfshihet akomodimi, mëngjesi, darka, dhe parkimi.

Ajo që bie në sy është që oferta të kësaj natyre mund të hasësh shpesh në Instagram ose Facebook dhe që janë të sponsorizuara nga strukturat akomoduese. Ky fluks postimesh duket se është shtuar sidomos ditëve të fundit.

Operatorët turistikë raportojnë se numri i vizitorëve në Jug të vendit edhe pse në një nivel të mirë nuk është brenda pritshmërive që kishin dhe për këtë arsye numri i strukturave që po ulin çmimet po shtohet dita-ditës.

Për më tepër po vihet re mungesa e pushuesve vendas të cilët kanë treguar një tendencë për të rezervuar jashtë në vende si Greqia apo Turqia.

Po kështu bregdeti shqiptar po vuan një prezencë më të ulët të shqiptarëve të Kosovës të cilët në njërën anë janë në numra më të paktët si efekt i liberalizimit të vizave dhe në anën tjetër mendohet se edhe çmimet e rritura dhe euro e dobët kanë dhënë ndikimin e tyre./MONITOR

Ditën e sotme, këngëtarja e njohur Bleona Qereti, është paraqitur në Gjykatën e Tiranës.

Ende nuk dihet aryseja se pse është paraqitur në gjykatën e Tiranës, këngëtarja Bleona Qereti.