I njohur si i pasur me vitamina dhe si një nxitës për sistemin imunitar, qumështi me çmim të lartë ka lulëzuar gjatë pandemisë së koronavirusit – një kohë kur shumë në Shqipëri po kërkojnë mënyra shtesë për të forcuar shëndetin.
“Kërkesa për qumësht gomari po rritet ndjeshëm” së bashku me infeksionet e virusit, thotë 37-vjeçari Elton Kikia,
menaxheri i fermës së vogël në fshatin Paper, ku rreth një duzinë kafshësh të vogla, me gjunjë të butë, rrotullohen rreth një kullotë e gjelbër.
Kërkesa e lartë është një lajm i mirë për vetë gomarët, stili i tyre i rehatshëm i jetesës në fermë është një pushim i mirëpritur nga rolet e tyre tradicionale si kafshë ngarkesash.
Zakonisht të shfrytëzuar për të mbajtur ngarkesa të rënda dhe për të tërhequr karroca nëpër terrenin malor të Shqipërisë, gomarët shpesh janë subjekt i keqtrajtimit, në formën e rrahjeve, mbingarkesës ose plagëve në pjesën e sipërme.
“Megjithatë është një kafshë shumë delikate, e cila për të prodhuar qumështin e saj kërkon butësi dhe dashuri”, thotë Kikia.
Dy vjet më parë ai la punën e tij si gazetar për të marrë përsipër fermën e familjes, e cila është vetëm një nga dy në vend që rrit gomarë për qumështin e tyre. Me 50 euro për litër,
çmimi i qumështit të tyre është i tepruar në një vend ku paga mesatare mezi arrin 400 euro në muaj. Por frika rreth Covid-19 ka shkaktuar një rritje të fortë interesi.
Ndërsa askush nuk po e markon qumështin si një kurë për virusin, dashamirësit janë të bindur që profili i tij ushqyes –
i cili është afër qumështit të njeriut – ndihmon në forcimin e mbrojtjes natyrore të trupit si dhe të sistemit të frymëmarrjes në veçanti.
Prodhimi i qumështit është gjithashtu një mënyrë për të “mbrojtur” speciet, sipas fermerëve, kafshët e të cilëve ende mbajnë plagët e jetës së tyre të vështirë në të kaluarën. (AFP)
Ata qe janë ne një lidhje do kalojnë një dite me te mire se disa dite me pare. Partneri nuk do i kritikoje për asgjë dhe toleranca do mbizotërojë gjithë kohës. Beqaret do jene shume tërheqës sot dhe do arrijnë te tërheqin vëmendjen e shume personave. Mundësitë për te krijuar një lidhje do jene te shumta. Financat do jene me te kënaqshme kështu qe rini te qete ne këtë plan.
Demi
Do fiksoheni edhe pas disa detajeve te vogla sot ne jetën tuaj ne çift dhe kjo mund te sjelle mosmarrëveshje te njëpasnjëshme me partnerin. Beqaret do jene gjithë kohës ne kërkim, por nuk kane për ta gjetur personin e duhur. Nuk është ende dita me e përshtatshme për ju. Dite problematike për sektorin e financave. Mos bëni gabim as te merrni hua sepse do keni me tepër vështirësi.
Binjaket
Dialogu dhe bashkëpunimi do mbizotërojë gjate gjithë kësaj dite ne jetën tuaj ne çift sot. Do arrini t’i zgjidhni edhe problemet qe keni pasur dhe do shihni me realizëm drejt se ardhmes. Beqaret nuk do tërhiqen aspak nga aventurat kalimtare dhe do qëndrojnë serish vetëm. Konfigurimi i yjeve do jete pozitiv për financat. Te paktën ne këtë plan nuk do keni për çfarë te shqetësoheni.
Gaforrja
Klima ne sektorin e dashurisë do jete mjaft e ngrohte sot dhe çdo gjë do shkoje ashtu si ju e kishit menduar. Beqaret duhet te joshin, por jo te pranojnë çdo lloj propozimi qe do iu behet. Ka disa persona qe pëlqejnë te tallen dhe te luajnë me ndjenjat e te tjerëve. Te ardhurat do fillojnë te rriten ndjeshëm gjate kësaj dite dhe për këtë arsye situata financiare do përmirësohet ndjeshëm.
Luani
Dashuria e çifteve do shkoje edhe me mire gjate kësaj dite. Nëse kohet e fundit e keni lënë pas dore partnerin tuaj, këtë jave do rregulloni gjithçka. Beqaret me ne fund do arrijnë te krijojnë një lidhje dhe do ndihen te plotësuar. Ai qe do keni ne krah do ketë te gjithë cilësitë qe ju keni kërkuar. Ne planin financiar situata do jete me e qete dhe aspak problematike.
Virgjeresha
Do jeni te parrezistueshem gjate kësaj dite dhe partneri nuk do mundet t’iu qëndrojë larg për asnjë moment. Ne mbrëmje priten momente edhe me emocionuese. Beqaret do jene shume te angazhuar me pune dhe nuk do gjejnë kohet për dashurinë. Ne planin financiar duhet t’i besoni pak me tepër intuitës dhe te ulni shpenzimet. Vetëm kështu situata do jete e qëndrueshme.
Peshorja
Dite mjaft romantike dhe e bukur kjo e sotmja për te dashuruarit. te gjithë planetët do jene ne anën tuaj dhe do ua bëjnë ditën me entuziaste. Shfrytëzojeni sa te mundni! Beqaret do njihen me disa persona interesante, por duhet te marrin kohen e duhur para se te angazhohen seriozisht. Ne planin financiar duhet te merrni hua qe t’ia dilni mbanë.
Akrepi
Ata qe janë ne një lidhje do kalojnë një dite shume te qete dhe pa probleme. Beqaret do jene akoma me te fiksuar pas karakterit te personave dhe jo nga pamja. Do takojnë persona te shumte, por do duhet t’i njohin mire ata para se te hedhin një hap me tej. Ne planin financiar tregohuni te matur dhe mos kryeni asnjë transaksion te pamenduar mire.
Shigjetari
Paqja do mbizotërojë gjate kësaj dite ne planin tuaj sentimental. Edhe ata qe janë larguar paksa nga njeri-tjetrin do rigjejne ngrohtësinë ndërmjet tyre. Beqaret nuk duhet te bëjnë gabim te ngatërrojnë jetën profesionale me atë sentimentale. Ne planin financiar do jene yjet ata qe do iu ndihmojnë te zgjidhni çdo problem. Do keni mundësi te hiqni edhe disa para mënjanë.
Bricjapi
Dite përgjithësisht e animuar kjo e sotmja për te dashuruarit. Nuk do i mbani asnjë inat njeri-tjetrit dhe do tregoheni akoma me tolerante se me pare. Beqaret do e kenë te vështirë te krijojnë një lidhje edhe pse mundësitë për takime nuk do mungojnë. Ne planin financiar do jene te favorizuara transaksionet dhe operacionet e rëndësishme financiare.
Ujori
Do iu mungoje besimi tek ai qe keni ne krah sot dhe here pas here do debatoni me te. Kujdes me fjalët qe do nxirrni nga goja sepse nuk do ketë me kthim ne kohe. Beqaret nuk duhet te joshin vend e pavend sepse përndryshe do krijojnë një opinion te keq tek personat qe i rrethojnë. Ne planin financiar duhet te bëni pak me tepër ekonomi ne mënyrë qe t’ia dilni.
Peshqit
Ata qe janë ne një lidhje do kalojnë një dite shume te qete dhe pa asgjë te veçante sot. Merrini gjerat si t’iu vijnë dhe shfrytëzojeni momentet kur te jeni se bashku. Beqaret duhet ta lënë veten te lire dhe te përfitojnë nga takimet qe do kenë. Financat nuk do jene aspak te qëndrueshme. Kujdes me çdo lloj shpenzimi qe do kryeni sepse mund te rrezikoni shume.
Policia e Spoletos në Itali arrestoi një 42-vjeçar shqiptar pasi goditi me thikë për vdekje një shtetas italian të moshës 28-vjeçare.
Ngjarja e rëndë ndodhi mbrëmjen e 20 Korrikut.
Ngjarja ndodhi mbrëmjen e djeshme të së shtunës, 20 korrik, rreth orës 21.00, në kulmin e një debati të ndodhur në shtëpinë e tij për arsye banale, duket se ka goditur në gjoks me thikë kuzhine, 28-vjeçarin italian, Stefano Bartoli banues në komunën Spoleto, i cili kishte edhe precedentë policie.
I riu, i shpëtuar fillimisht nga një kalimtar i rastit dhe më pas i transportuar nga personeli shëndetësor nga shërbimi 118 në spitalin lokal, më pas ka ndërruar jetë për shkak të plagëve të rënda që ka marrë.
Bumi turistik që përjetoi Shqipëria një vit më parë, e rriti pritshmërinë që këtë sezon të ketë edhe më shumë turistë.
Sipas të dhënave të fundit të publikuara nga Qeveria shqiptare, nga janari i këtij viti deri në qershor, këtë vend e vizituan 4.5 milionë turistë, ose 34 për qind më shumë se në të njëjtën periudhë të një viti më parë.
Por, ajo që tërhoqi vëmendjen kohëve të fundit, ishte publikimi i disa fotografive dhe videove në rrjetet sociale, që, sipas atyre që i shpërndanë, ishin të plazheve shqiptare me shumë pak njerëz ose të boshatisura.
Për kryeministrin e Shqipërisë, Edi Rama, publikimi i këtyre imazheve është “një sulm i organizuar” për të dëmtuar turizmin shqiptar.
Por, ekspertë të turizmit nuk e shohin ashtu situatën. Sipas tyre, ka disa mangësi që lidhen me shërbimin dhe infrastrukturën, si dhe me rritjen e çmimeve.
Sulm apo dështim?
Në një adresim më 17 korrik, Rama shprehu bindjen se bëhet fjalë për një sulm të organizuar, me qëllim të dëmtimit të turizmit shqiptar.
“Kam folur me krerët e bashkive bregdetare që janë të habitur nga shumë video, lajme e komente të rreme, të manipuluara, të bëra me qëllim e që duan të thonë se këtu s’ka ardhur njeri. Sulmi vjen nga disa anë”, tha Rama, pa specifikuar më shumë.
“Sistemet tona të sigurisë kanë ndezur dritën e kuqe, të sigurisë kibernetike. Ka shumë profile false që përdoren për këtë sulm”, shtoi ai.
Për ekspertin e turizmit në Shqipëri, Leonard Maçi, kjo deklaratë e Ramës është përpjekje për të justifikuar dështimin për të tërhequr turistë.
“Unë do të bëja një krahasim: nëse një njeri ka probleme me një nga organet e trupit, atëherë preken edhe organet e tjera. Pra, kjo vjen nga brenda dhe jo nga jashtë. Ajo që dua të them, është se nuk ka asnjë sulm apo sabotim të huaj”, thotë Maçi për Radion Evropa e Lirë.
“Këto janë teori konspirative për të justifikuar veten, mungesën e kontrolleve sa i takon rritjes abuzive të çmimeve apo mosmarrjes së masave për të përmirësuar shërbimin dhe infrastrukturën”, shton ai.
Sipas tij, një nga arsyet përse turistët zgjodhën Shqipërinë vitin e kaluar, ishin dhe çmimet e lira, që këtë vit janë rritur.
“Çmimet, sidomos në jug, janë rritur në mënyrë joproporcionale dhe të pashembullt. Dhe, pritshmëria ndaj çmimeve të ulëta ka rënë bashkë me reklamën që i është bërë këtij fenomeni. Pra, kemi efektin bumerang. Duhen masa paraprake para se të bësh turizëm, duhet të kesh siguruar njëherë asete dhe produkte, e më pas t’i shesësh”, thotë Maçi.
Problemin me rritjen e çmimeve, kryesisht në jug të Shqipërisë, e pranoi edhe Rama, pak ditë më parë.
Duke iu drejtuar kryebashkiakëve të Vlorës dhe Sarandës, ku raportohen çmime të larta krahasuar me një vit më parë, Rama kërkoi nga ta që të bisedojnë me operatorët turistikë për këtë problematikë.
“Duhet t’u thuhet se kjo është jo vetëm e padrejtë, por është strategjikisht vetëvrasje për vetë ata”, tha Rama në takimin me kryebashkiakët.
Maçi, në anën tjetër, shton se është e patolerueshme që pikërisht në kulmin e sezonit turistik në Shqipëri, kryhen punime në infrastrukturë, të cilat, siç thotë, shkaktojnë trafik dhe ndotje.
Kjo problematikë, sipas tij, është një tjetër arsye që sivjet numri i turistëve do të jetë më i ulët.
Asaj i shton edhe, siç thotë, mungesën e pjesëmarrjes së Shqipërisë me atë që ofron, në panairet ndërkombëtare.
Rezerva për shifrat e turistëve
Besnik Vathi, një operator turistik në Shqipëri, thotë se ka rezerva në lidhje me shifrat që i deklarojnë institucionet shqiptare për numrin e turistëve.
“Ne i raportojmë hyrjet në kufi, e që nuk janë të gjithë turistë”, thotë ai.
“Në mesin e tyre janë edhe turistë, edhe ata që quhen vizitorë të së njëjtës ditë… E, për shkak të rëndësisë që po merr Aeroporti i Rinasit për rajonin, janë me qindra mijëra udhëtarë nga Kosova, Mali i Zi apo Maqedonia e Veriut që e përdorin atë, për të kapur fluturime direkte, pasi krahasuar me vendet e tyre, janë 3-4 herë më lirë”, thotë Vathi.
Sipas tij, duhet parë nëse ata që hyjnë nga një kufi tokësor, dalin brenda orësh apo qëndrojnë.
“Nëse nuk raportojmë në këtë mënyrë, vihet në dyshim saktësia sa u përket shifrave të turizmit”, thotë Vathi.
“Nëse u referohemi hyrjeve nga Kosova”, thotë ai, asnjëherë nuk është saktësuar se sa prej tyre janë pushues në Shqipëri, e sa e shfrytëzojnë territorin e Shqipërisë për të kaluar në Mal të Zi.
“Mund të jenë edhe qytetarë me pasaporta zvicerane apo gjermane, që mund të futen në Shqipëri nga kufiri me Malin e Zi, të kalojnë dhe të shkojnë në Kosovë, ose anasjelltas. Dhe ne, me këtë mënyrë matjeje, i llogarisim si turistë të huaj, e në fakt duhen klasifikuar si vizitorë transit”, thotë Vathi.
Më pak a më shumë kosovarë?
Kryeministri shqiptar, në takimin me kryebashkiakët, tha po ashtu se pretendimi i disa ekspertëve të turizmit se shtetasit e Kosovës e kanë “braktisur” Shqipërinë, është i pabazë.
“Nga janari në qershor janë 1.7 milion hyrje të qytetarëve të Kosovës ose 25 për qind më shumë se vjet”, tha Rama.
Por, edhe për këtë çështje, ekspertët ndajnë një mendim tjetër.
“Institucionet shtetërore thonë se në gjashtë muajt e parë të këtij viti kanë ardhur 1.7 milion turistë, ndërkohë që popullsia e Kosovës është 1.6 milion banorë. Nuk mund t’i llogarisësh si turistë, sepse duhen ndarë udhëtarë, turistë, vizitorë…”, thotë Maçi.
Vathi, në anën tjetër, pret të ketë rritje të numrit të kosovarëve që do të hyjnë në Shqipëri, por turistët, sipas tij, do të mbeten në nivelet e një viti më parë ose më pak.
“Numri i kosovarëve, nëse do t’i qëndrojmë kësaj metodologjie, do të ketë rritje, për shkak se liberalizmi i vizave [për Kosovën] dhe çmimet e ulëta që ofron Aeroporti i Rinasit përmes linjave ‘low cost’, u japin atyre mundësi të kalojnë përmes territorit tonë, për të shkuar në destinacionet që zgjedhin”, thotë Vathi.
“Pra, do të kemi më shumë udhëtarë kosovarë, por nuk mund ta them të njëjtën gjë për numrin e turistëve kosovarë”, thekson ai.
Gjatë vitit 2023, Shqipëria regjistroi një numër rekord turistësh – prej 10.1 milionësh.
Për një raportim të Radios Evropa e Lirë më 23 qershor, Mehdi Olluri nga Lipjani i Kosovës, që kishte zgjedhur Shëngjinin e Shqipërisë për të pushuar, tha se krahasuar me një vit më parë, çmimet janë më të larta.
“Ka rritje të [çmimeve të] ushqimeve në dyqane, në restorante, e gjithashtu edhe banesa është më e shtrenjtë se vjet”, tha ai. /REL
Pas Alvaro Moratës, Milani është hedhur në sulm për një tjeter sulm, për të kompletuar ofesnivën kuqezi. Ndërkohë në skenë së fundmi ka dalë sërish emri i Armando Brojës.
“Caughtoffside.com”, se drejtuesit e Milanit, do të ishin të interesuar për një marrëveshje huazimi, e cila do të bënte të mundur transferimin e Brojës në Milano, për t’u vënë nën urdhrat e Fonsekës.
Kjo mund të jetë një tjetër marrëveshje mes Milanit dhe Çelsit në vitet e fundit: i pari që u rivitalizua nga kuqezinjtë ishte Fikaio Tomori, për të vijuar më pas Olivier Zhiru, Kristian Pulisiç dhe Ruben Loftus-Çik. Të gjithë këta futbollistë kanë arritur të lenë gjurmë duke bërë paraqitje të kënaqshme.
Broja gjithashtu mund të ndjekë hapat e ish-shokëve të tij të skuadrës për të rifilluar një karrierë që ka ngecur paksa mes huazimeve dhe dëmtimeve. /PANORAMASPORT.AL
Çmimet e biletave nga dhe drejt Rinasit kanë shënuar rritje të ndjeshme për muajin gusht, një tendencë kjo që ndodh gjithmonë në këtë periudhë të kulmit të sezonit të verës, për shkak të kërkesës së shtuar nga emigrantët, por edhe të turistëve. Nga një kërkim në operatorët me kosto të ulët rezulton se për të ardhur nga Milano në Tiranë në datën 10 gusht, bileta kushton midis 130-190 euro, me Wizz Air.
Kthimi në 12 gusht nga Tirana në Milano është më i lirë, në 35 euro, teksa një biletë vajtje-ardhje kushton deri në 225 euro. Më lirë kushton Ryanair, me 108-150 euro nga Milano në Tiranë, ndërsa nga Tirana në Milano duhen nga 43 deri në 60 euro, me biletën më të lirë në të dy drejtimet që kushton rreth 150 euro. Nga Roma drejt Tiranës, po në të njëjtat data, bileta me Wizz luhatet nga 130 në 175 euro, ndërsa kthimi është shumë më i lirë, me 25 euro.
Biletat nga qytetet italiane për të Rinas janë shtrenjtë në gjysmën e parë të gushtit për shkak të fluksit të lartë të udhëtarëve për në Tiranë, një pjesë e madhe e të cilëve janë emigrantë. Ndërsa kërkesa për fluturime nga Rinasi drejt qyteteve italiane është më e ulët, duke bërë që biletat të jenë të lira.
E kundërta ndodh në gjysmën e dytë të gushtit, teksa emigrantët kthehen në vendet ku ata jetojnë. Nga Milano mund të vish në Tiranë në datën 24 gusht edhe me 10 euro, ndërsa për të shkuar nga Tirana në Milano bileta arrin deri në 250 euro, me Wizz Air.
Me Ryanair, nga Tirana në Milano në datën 24 gusht bileta kushton nga 225 në 332 euro, ndërsa nga Milano (Bergamo) në Tiranë mund të vish në datën 24 me 17 euro. E njëjta gjë ndodh dhe me Romën. Nga Roma në Tiranë, bileta është 15 euro në datën 24 gusht, ndërsa nga Tirana në Romë arrin në 145 euro. Të shtrenjta janë dhe destinacionet e tjera në gjysmën e parë të gushtit. Një bileta vajtje-ardhje me Barcelonën kushton të paktën 260 euro, me Wizz Air.
Për të udhëtuar nga Tirana në Berlin në datën 14 gusht, bileta kushton 320 euro. Nga Tirana në Paris, në datën 17 gusht, çmimi arrin në 305 euro, ndërsa për tu kthyer në datën 20, biletën e gjen me 20-30 euro. Edhe operatorët e tjerë kanë çmime të shtrenjta në gusht. Një biletë drejt Vjenës dhe anasjelltas për datat 17-19 gusht me Vjenën, përmes Austrian Airlines kushton minimalisht 250 euro.
Hyrja e operatorëve me kosto të ulët, fillimisht Wizz Air dhe më pas Ryanair ka ulur ndjeshëm çmimet e biletave të avionëve gjatë viteve të fundit. Në periudha jo pik, çmimi i tyre varion edhe në më pak sesa 20 euro një drejtim. P.sh., për dhe nga Milano në fund të shtatorit mund të gjesh biletë vajtje-ardhje me 30 euro, si me Wizz Air ashtu dhe me Ryanair.
Gjithsesi, gushti nuk i shpëton asnjëherë “fluturimit” të çmimeve të biletave, që arrijnë në disa raste nga 150-300 euro në një drejtim. Operatorët e tregut rekomandojnë që blerja e biletave të mos lihet asnjëherë në momentet e fundit, sidomos në periudhën e verës.
Të dhënat nga Tirana International Airport (TIA) bëjnë të ditur se për 5 mujorin e parë të vitit, WIzz Air zë peshën më të madhe të tregut të fluturimeve sipas numrit të pasagjerëve, me rreth 60%. Në vend të dytë është Ryanair me 23%. Më pas renditet Air Albania me 3.3% e ndjekur nga Lufthansa me 2.5%, Pegasus 2%, Austrian Airlines 1.9%. Sipas TIA, për periudhën janar-maj nga dhe përmes Rinasit udhëtuan rreth 3.7 milionë pasagjerë, me rritje 67% në krahasim me të njëjtën periudhë të një viti më parë.
Një aksident ka ndodhur në liqenin e Vaut të Dejës, ku një 54-vjeçar teksa po lundronte me Jet Ski bashkë me dy vajzat e tij të mitura, është përplasur me një shkëmb.
Policia bën me dije se nga përplasja kanë mbetur të lënduar 54-vjeçari dhe vajzat 12 dhe 13 vjeçe.
Ata mësohet se janë transportuar në spital, dhe ndodhen jashtë rrezikut për jetën.
Vau i Dejës/Informacion paraprak
Në liqenin e Vuat të Dejës, në afërsi të fshatit Mazrek, shtetasi T. D., 54 vjeç, duke lundruar me një mjet lundrues Jet Ski, bashkë me dy vajzat e tij 12 e 13 vjeçe, dyshohet se është përplasur me një shkëmb dhe për pasojë është dëmtuar vetë dhe 2 vajzat e tij (jashtë rrezikut për jetën)
Grupi hetimor vijon punën për sqarimin e plotë të rrethanave të rastit.
Gangsterët që vuajnë dënimin në burgjet britanike kanë pohuar se kanë paguar oficeret femra të burgut deri në 2000 paund për seks në qelitë e tyre të burgut.
Akuzat kanë dalë në dritë pas një sërë mesazhesh mes të burgosurve dhe ish kriminelëve në një bisedë në TikTok të transmetuar nga një qeli burgu, shkruan The Sun.
Një ish-i dënuar shqiptar pohoi: ‘Ne shqiptarët kemi bërë seks me oficere burgu për 2000 £.’
“Shqiptari Eugert Merizaj, i cili po vuan dënimin me 32 vite burg për rolin e tij në vrasjen brutale me armë gjahu të një rivali të drogës, mburret se kishte “kishte lidhur një gardiane me një tjetër të burgosur”, shkruan The Sun.
Ai pohoi gjithashtu se është përpjekur që të shmangte takimet për të kryer marrëdhënie seksuale me stafin e burgu me qëllim për të mos i shtuar vitet e dënimit, thuhet në investigimin e medias britanik.
Merizaj foli edhe sesi gardianet femra i kanë hyrë në dhomën e tij për ta zgjuar për mëngjes dhe kanë kontrolluar dhomën e tij.
Këto akuza të reja pasojnë videon tronditëse të publikuar në qershor, e cila pretendohet se tregon një oficere femër burgu në HMP Wandsworth duke bërë seks me një të burgosur në qelinë e tij.
Linda De Sousa Abreu, 30 vjeç, është akuzuar për marrëdhënie seksuale me një të burgosur në burg.
Ajo u paraqit në Gjykatën e Magjistraturës Uxbridge, ku iu dha një lirim me kusht dhe do të paraqitet për një seancë dëgjimore për pranimin e fajësisë dhe menaxhimin e çështjes më 29 korrik në Gjykatën Isleworth Crown.
