Ish-shefi i Shërbimeve Sekrete dhe diplomati i njohur, Irakli Koçollari, thotë se Fredi Beleri ka qenë agjent grek.
Duke folur në një program televiziv, ai e lidh këtë me profesionin e Fredi Belerit, hidraulikut që u tha se shkoi në Qipro për të mësuar zanatin.
“Kur dëgjova në këtë kohë njëri nga ata që ishte kandidat dhe tani shkoi u bë anëtar i Parlamentit Europian. Në kohën kur kanë ndodhur këto ngjarje, ai ka qenë duke bërë një kurs hidrauliku në Qipro. E dini çfarë më kujtoi kjo?
Në këtë kohë nuk ka budallenj. Në periudhën e Luftës së ftohtë 1947-60 kur këto vende dërgonin grupe agjentësh në Shqipëri dhe kjo është e provuar, agjentët që ata mblidhnin dhe i trajtonin, për të justifikuar mungesën e tyre në lagje apo opinion gjatë kohës që trajnoheshin, thonin “ka shkuar për një kurs për hidraulik apo për marangoz në Qipro ose në Maltë”. Çuditërisht të njëjtën gjë dëgjova edhe në këtë rast. Një hall i madh e ka zënë kryeministrin grek që shkon te një i dënuar për fyerje të simboleve kombëtare të një vendi fqinj, kryeministri grek ka një hall të madh”, thotë Koçollari.
Dje në Loznicë është mbajtur funerali i policit serb, Nikola Krasmanoviç, i cili u vra nga Faton Hajrizi.
Shumë bashkëqytetarë dhe njerëz nga e gjithë Serbia morën pjesë në ceremoninë mortore, e cila u mbajt në fshatin Jarebicë.
Në funeral mori pjesë edhe ministri i Brendshëm, Ivica Daçiç.
Krasmanoviç u vra mbrëmjen e së mërkurës, ndërsa kolegu i tij Vjekoslav Iliç mbeti i plagosur rëndë kur gjatë një kontrolli rutinë ndaluan një automjet me targa të Tutinës, ku ndodhej edhe Faton Hajrizi, i cili më pas qëlloi Krasmanoviçin dhe Iliçin.
Hajrizi po udhëtonte në Serbi me dokumentet e vëllait të tij, Artani, të cilit ia kishte vjedhë pak para se të arratisej nga Gjermania. Pas vrasjes së oficerit të policisë, Hajrizi ishte në arrati, por u identifikua nga një qytetar, i cili lajmëroi Policinë. Sipas qytetarit, Fatoni e kishte pyetur se cila ishte rruga për në Mal të Zi.
Menjëherë pas telefonatës forca të shumta policie shkuan në vendngjarje, ku dhe ekzekutuan Faton Hajrizin ditën e djeshme. Sipas Policisë, Hajrizi hapi zjarr ndaj tyre dhe ata qëlluan për vetëmbrojtje.
Daçiç gjatë një deklaratë për shtyp njoftoi se kërkoi edhe ekstradimin e vëllait të Fatonit, Artan Hajrizit nga Gjermania.
Ndërkohë ngjarja e ndodhur në Serbi ka shkaktuar reagime në Kosovë.
Sipas Ministres së Drejtësisë në Kosovë, Albulena Haxhiu, Serbia po organizon arratisjen e të burgosurve të Kosovës në territorin e Serbisë. Haxhiu ka bërë thirrje të nis një hetim ndërkombëtar.
Sipas saj, shteti i Serbisë po organizon arratisjen e të burgosurve, paraburgosurve dhe të kërkuarve nga drejtësia e Kosovës, në këmbim të një “ambienti mburojë ndaj pandëshkueshmërisë e ndjekjes penale të kriminelëve nga organet e Republikës së Kosovës”.
“Një mbështetje e tillë është padyshim e qëllimshme, e organizuar dhe e lidhur me qëllimin për të dëmtuar rendin publik, kushtetues e ligjor të Republikës së Kosovës”, ka thënë Haxhiu, pa ofruar ndonjë dëshmi për këto pretendime.
Përveç Hajrizit, i cili ka pasur një histori të arratisjeve nga burgjet e Kosovës, në ditët e fundit në Kosovë është arratisur edhe një i burgosur tjetër, Ujkan Metaj.
Haxhiu, gjithashtu, e ka dënuar përdorimin e etnisë nga ana e Qeverisë së Serbisë në rastin e vrasjes së policit serb.
“Kjo retorikë e Qeverisë në Beograd është paralajmërim për ngjarje të ardhshme të gatuara në Beograd e që kanë një perspektivë të qartë shoviniste dhe etno-politike”, shkroi ajo.
Thirrje për mospolitizim të rastit ka bërë edhe kryeministri i Kosovës, Albin Kurti.
Sezoni i verës ka nisur dhe VIP-at tanë janë duke shijuar ditët e tyre të relaksit. Por teksa korriku dhe gushti janë muajt e tyre të pushimeve, janë padyshim edhe muaj vendimtarë për karrierën e tyre. Ndonëse sezoni sapo ka përfunduar, tashmë janë në diskutim edhe ndryshimet për sezonin e ardhshëm.
Ndryshime të mëdha duket se do të ketë në shumë sektorë, ku personazhet do të ndryshojnë logo dhe formatin e programeve që kanë bërë deri më tani.
Kujtojmë se këtë vit “Big Brother VIP Kosova” realizon sezonin e tretë dhe një emër tjetër që lidhet me të është ai i Arbana Osmanit, që mesa duket as këtë vit nuk do të iki në Kosovë. Vetë Arbana pak ditë më parë konfirmoi se së bashku me partnerin e saj, Eduart Grishajn do të ishin pjesë e një programi. Moderatorja preferoi të mos jepte detaje as për emisionin që do të drejtojë dhe as se në cilin kanal do të shfaqet.
Flitet se moderatorja do të rikthehet në ekranin e “Top Channel”, për të bërë sërish formatin e dashur për publikun “Dua të të bëj të lumtur”. Megjithatë, një fakt i tillë ende nuk është konfirmuar.
Nga ana tjetër edhe “Përputhen”, flitet se do të bëhet këtë sesion me dy moderatore, ku veç Megit, një tjetër vajzë do t’i bashkohet. Ajo që bie në sy është fakti se disa emisione të anuluar për këtë sesion.
I pari është “Dancing With the Stars”, që për këtë vit nuk do të zhvillohet. Si një nga format më të dashur të publikut, formati i kërcimit është pezulluar për këtë vit, duke qenë se “Big Brother” nis edhe më herët se vitet e shkuara dhe nuk ka hapësirë mediatike për këtë format.
Një tjetër emision që nuk do ta shohim më në ekran është ai i binjakëve Veshaj. Romeo dhe Donaldi duket se e kanë mbyllur eksperiencën e tyre në televizion. Teksa Romeo është duke përfunduar xhirimet me Elvana Gjatën në serialin e tyre “Tenxherja Kapakun”.
Sakaq, një format që do të mungojë në sesionin e ardhshëm është edhe “Love Island”, që vitin e shkuar u realizua për herë të parë në vendin tonë. Nën drejtimin e Luana Vjollcës, ky format duket se nuk mori pëlqyeshmërinë e pritshme, duke bërë që të zhvendoset për në sezonin tjetër televiziv, ndoshta.
Ndërkaq, Luana do të rikthehet në ekranin e “TV Klan” me formatin e saj “Zemër Luana”. Ndërkaq, në ekran do të shohim edhe Marinën. Moderatorja drejtoi për një muaj me radhë formatin “Kampionët”, dedikuar Kampionatit Europian. Tashmë ajo është më se gati që të rikthehet në ekran, në një hapësirë të re mediatike.
Një emër që pritet të rikthehet si moderator, është edhe ai i Roza Latit. Pas eksperiencës së saj në “Big Brother”, duket se prezantuesja ia ka dalë që të bëjë për vete drejtuesit, sa për të pasur një hapësirë mediatike. Por nuk dihet ende se ku do ta shikojmë Rozën, pasi ende nuk janë mbyllur ndryshimet për nisjen e sezonit të ri.
Natyrisht që deri në nisjen e sesionit të ri në shtator, të shumta do të jenë ndryshimet që do të bëhen. Por ndërkohë që gjithçka bëhet gati, ky është fakti i disa prej emrave më të njohura të ekranit.
Reperi Stresi ka reaguar pas vrasjes së Faton Hajrizit në Serbi.
Stresi ka ndarë një foto nga biseda me video-thirrje që ka realizuar me Faton Hajrizin kohë më parë.
Reperi u shpreh i mërzitur, teksa fajësoi mediat.
“Nuk kam fjal o jaran, me je dhimb në shpirt, këta gazetarët e Kosovës, nuk lan fjalë pa shpif për ty. Se normal këta gazetarët q….. në thob me shkiet, ti vdiqe si burrë, ,më vjen keq jashtë mase, do të presim e do të nderojmë ashtu si e le amanetin një ditë para. I përjetshëm qoftë kujtimi yt jarani jem”, shkroi Stresi në ”Instagram”, përcjell Insajderi.
Një këngëtar brazilian vdiq pasi e zuri korenti gjatë një koncerti live të shtunën, më 13 korrik, në Salinópolis, Pará, Brazil, sipas faqes braziliane të lajmeve Istoé Gente, The Sun and the Mirror.
Ayres Sasaki, 35 vjeç, vdiq menjëherë pasi përqafoi një fans të lagur gjatë performancës së tij në skenë në hotelin Solar në Salinopolis, Brazil. Kontakti mes dy burrave më pas shkaktoi tronditjen e një kablloje aty pranë, duke shkaktuar një goditje elektrike fatale, sipas Mirror.
Është e paqartë pse fansi ishte i lagur, por policia e Salinópolis po heton incidentin
Hotel Solar ka lëshuar një deklaratë të dielën, më 14 korrik, ku sqaron se objekti po bashkëpunon me autoritetet në hetim.
“Ne jemi plotësisht të përkushtuar për të ofruar mbështetje për familjen e tij dhe për të ndërmarrë hapat e nevojshëm. Rikonfirmojmë angazhimin tonë për të bashkëpunuar plotësisht me autoritetet përkatëse për zbardhjen e duhur të fakteve”, thuhet në llogarinë zyrtare të hotelit në Instagram.
Një ngjarje e rëndë është regjistruar në Kinë, ku të paktën 11 persona kanë humbur jetën dhe më shumë se 30 janë zhdukur, pasi një urë autostrade u shemb në Kinën veriore, pasi disa pjesë të vendit u goditën nga shirat e rrëmbyeshëm.
Ura e cila është mbi një lumë, u shemb për shkak të shiut të papritur dhe përmbytjeve në Sangluo në provincën Shaanxi, sipas agjencisë shtetërore të lajmeve Xinhua,e cila raportoi për 11 të vdekur.
Më shumë se 30 persona janë të zhdukur, sipas transmetuesit shtetëror CCTV. Sangluo ndodhet rreth 900 kilometra në jugperëndim të Pekinit. Pesë automjete ishin nxjerrë nga ujërat e lumit.
Eleven people were confirmed dead as of Saturday morning following the partial collapse of a highway bridge in NW China's Shaanxi Province, local authorities said.
The bridge, located in Zhashui County in Shangluo City, collapsed at approximately 8:40 p.m. on Friday due to a… pic.twitter.com/ZLNya3impI
Në internet ka qarkulluar orët e fundit lajmi se Dj Tomcraft ose Thomas Bruckner ka vdekur në moshën 49 vjeçar. Lajmi i trishtë është konfirmuar nga familjarët e tij, duke thënë se producenti muzikor “u nda nga jeta” më 15 korrik.
“Me zemër të rënduar duhet t’ju njoftojmë se babai dhe bashkëshorti ynë i dashur ndërroi jetë dje. Ne do t’ju mbajmë përgjithmonë në zemrat tona dhe do t’ju duam derisa të takohemi përsëri. Familja juaj”, sqaruan familjarët.
Njoftimi për vdekjen e tij përhapi trishtim të pamasë në muzikën elektronike. Tomcraft ishte shumë popullor dhe i dashur nga publiku. Me punën e tij ai arriti të shkruajë historinë e tij në fushën e muzikës, duke arritur disa herë majat.
“Vetmia”, këngë e lëshuar në vitin 2002, e bëri atë të dallohej. Kënga kryesoi listat e Mbretërisë së Bashkuar në 2003, duke forcuar vendin e saj në historinë e muzikës elektronike. Rreth një vit më parë, Dj Tomcraft riktheu këngën, duke krijuar një remix të DJs From Mars.
Për momentin nuk është bërë i ditur shkaku i vdekjes së tij.
Shqiptari i Kosovës, Faton Hajrizi është ekzekutuar dje nga Policia e Serbisë në vendin e quajtur Banja Kovilaça, pasi tre ditë më parë vrau një polic serb dhe plagosi kolegun e tij.
Ivica Daçiç, ministër i Punëve të Brendshme i Serbisë është shprehur se shqiptari i Kosovës fshihej pranë lumit Drina për të gjetur një mënyrë që të kalonte nga territori serb, në atë të Bosnje-Hercegovinës.
Ndërkohë, në komunën (bashkinë) ku ai jetonte ishte planifikuar të zhvillohej një koncert festiv për të ashtuquajturën “Dita e Mërgatës”, në shenjë mikpritje për të gjithë mërgimtarët që gjatë verës kthehen pranë familjeve të tyre.
Dje, në këtë koncert ishte ftuar dhe këngëtari shqiptar Luiz Ejlli, por siç duket ngjarja e trishtë ka bërë që gjithë koncerti të anulohet, shkruan newsbomb.al. Lajmin e ka konfirmuar vetë kryetari i Komunës së Skënderaj, Fadil Nura.
“Për shkak të ngjarjes së sotme të vrasjes në Serbi të bashkëqytetarit tonë, Faton Hajrizi, dhe në shenjë të respektit ndaj familjes së tij të ngushtë, veçanarisht ndaj prindërve, mbrëmja e sontme muzikore në kuadër të muajit “Ditët e Mërgatës” anulohet plotësisht.
Pa gjykuar as edhe një fragment të jetës së tij, Fatoni ka qenë një qytetar i komunës sonë. Aktivitetet e parapara për bashkatdhetarë do të vazhdojnë nga dita e nesërme”, ka shkruar kryetari i Skënderaj, një vendim që është mirëpritur dhe nga banorët atje
Ditët e fundit Shqipëria është përfshirë nga një debat i ndezur mbi ecurine e sezonit turistik të këtij viti.
Një numër gjithmonë e më i madh zërash janë duke artikuluar se sezoni po shkon drejt dështimit, teksa shpesh në rrjetet sociale qarkullojnë edhe pamjet e plazheve bosh.
Por qeveria vazhdon të trumbetojë se Shqipëria po përjeton një bum turistik, që sipas saj dëshmohet nga statistikat e hyrjeve të të huajve në pikat kufitare të vendit.
Por si qëndron e vërteta?
Kapitali konsultoi statistikat e platformës booking për rezervimet e periudhës 1 deri në 15 gusht, që përkojnë me pikun e sezonit turistik në Shqipëri dhe vendet fqinje konkurrentë në fushën e turizmit.
Shqipëria, sipas të dhënave zyrtare nga booking, për periudhën nga 1-15 gusht Shqipëria ka gjithsej rreth 18 mijë prona të listuara në booking.
Nga këto aktualisht janë të lira rreth 4782 prona, të cilat janë të disponueshme për t’u rezervuar.
Për të njëjtën periudhë rezulton se norma e padisponueshmërisë në rang kombëtar është 73 për qind.
Kjo do të thotë se 73 për qind e pronave të listuara në booking nga shqiptarët janë të rezervuara për periudhën 1 me 15 gusht dhe në shifër absolute kjo përkon me rreth 13.3 mijë prona.
Greqia, fqinji jugor i Shqipërisë ka aktualisht të listuara 10457 prona të disponueshme në platformën booking për periudhën 1 me 15 gusht.
Sipas të dhënave të booking, në rang kombëtar Greqia rezulton të ketë një normë padisponueshmërie prej 89 për qind.
Që do të thotë se për periudhën 1 me 15 gusht, Greqia ka të rezervuara 89 për qind të pronave që qytetarët grekë kanë listuar në booking.
Mali i Zi është një tjetër konkurrent direkt i Shqipërisë në tregun turistik. Sipas platformës booking, për periudhën 1-15 gusht Mali i Zi ka aktualisht 2246 prona të lira të listuara në booking. Norma e padisponueshmërisë në rang kombëtar rezulton 83 për qind.
Që do të thotë se në Mal të Zi janë të rezervuara 8,3 nga 10 prona të listuara në booking për periudhën 1-15 gusht.
Italia, fqinji perëndimor i Shqipërisë rezulton se ka një normë rezervimesh prej 86 për qind për periudhën 1 me 15 gusht. Italia ka ende 42 mijë e 985 prona të disponueshme për rezervim në platformën booking gjatë kësaj periudhe.
Italia është një superfuqi turistike, e cila pret mesatarisht rreth 60 milionë turistë në vit.
Maqedonia e Veriut nuk hyn tek destinacionet më të nxehta të turizmit. Vendit i mungon vija bregdetare, por ai konkurron në treg me disa atraksione turistike liqenore.
Sipas të dhënave nga booking, Maqedonia e Veriut rezulton të ketë një normë rezervimi prej 79 për qindësh, ndërkohë që ky vend ka ende 786 prona të disponueshme për rezervim në periudhën 1 me 15 gusht.
Kroacia, kampioni i padiskutueshëm i turizmit në vendet fqinje me të cilat Shqipëria konkurron është Kroacia. Shteti ballkanik ka një normë rezervimi prej 96 për qind të pronave të listuara për periudhën 1-15 gusht, ndërkohë që ka ende të lira rreth 4352 prona.
Kroacia është një vend, i cili kohët e fundit po ndërmerr politika për të dekurajuar flukset turistike për shkak të problemeve me mbishfrytëzimin e burimeve, por edhe efekteve anësore që turizmi shkakton për banorët lokalë.
Megjithatë Kroacia mbetet kampionia e padiskutueshme e turizmit në rajon, të paktën sipas platformës booking duke shënuar normën më të lartë të rezervimeve, ndërkohë që Shqipëria mbetet e fundit në grup duke rrezikuar eliminimin nga Champions League siç thotë kryeministri./Kapital.al
Gazetari Artan Hoxha ka zbuluar detaje në lidhje me hetimet e rihapura për çështjen e “21 Janarit”.
Hoxha foli në lidhje me një material nga protesta e 21 Janarit, duke thënë se atë e ka parë vetëm familja e Aleks Nikës, i cili u vra në tubimin e para 13 viteve.
Sipas tij disa njerëz të tjerë kishin shkuar më parë në familjen e Nikës dhe i kishin thënë se një tjetër person u kishte vrarë djalin.
Ai zbuloi se personi në fjalë kishte qenë një i besuar i ish-kryeministrit Sali Berisha, por nuk ishte përgjegjësi për vrasjen e Aleks Nikës.
Hoxha nënvizoi se materiali do t’i vendoset në dispozicion vetëm SPAK nëse do të kërkohet.
“Ata që kryen 21 Janarin ishin kujdesur të fshihnin provat. Pasi kam siguruar materialin e kam identifikuar nëse është origjinal. Për shkak të kontaktit me familjen e Aleks Nika, kisha një detyrim qoftë edhe moral që t’i shpjegoja babait të Aleksit që kishte një material të ri.
Disa njerëz kishin shkuar më para në familjen Nika dhe i kishin treguar një foto të një personi tjetër, me detyrë komandant i rëndësishëm në gardë në 21 janar dhe u thanë djalin ua ka vrarë ky. Kjo ishte e rrezikshme, sepse flasim për një familje me traditë dhe origjinë nga veriu. Kjo mund t’i shtynte drejt hakmarrjes nëse s’do kishte veprim nga drejtësia. U thashë që informacioni nuk ishte i vërtetë.
Personi në fjalë ishte njeri i besuar i Berishës, por nuk kishte lidhje.
Unë dhe familjarët e Aleksit kemi folur në Prokurorinë e Tiranës dhe nuk kam pasur asnjë moment besim te prokuroria. Ndaj nuk e kam dorëzuar materialin. Kemi rënë dakord edhe me familjen që materialin e dorëzojmë vetëm në SPAK. Në momentin që do më thërrasë SPAK do e vë në dispozicion. 21 Janari nuk mund të hetohet për atë që ka ndodhur, por duhet një hetim shterues”, u shpreh ai ne News24.
