Month: July 2024

Kjo është një nga ato historitë, që tregon se sa i dh.u.nshëm ka qenë Sali Berisha, kur ishte në pushtet.

Në qershor të 1995, Fili Çakuli, atëhere gazetar në “RD” dhe kryeredaktor i revistës satirike “Hosteni”, është marrë në mes të natës nga policia në shtëpinë e tij, pasi ishin hapur fjalë se do të botohej një karikaturë e Sali Berishës me dy femra n.u.do.

Më poshtë po sjellim historinë e plotë, nga një shkrimi i “Koha Jonë” më 21 qershor, 1995.

Shkrimi

Dje në orën 1:30 të natës një polic dhe 6 civilë kanë trokitur në derën e gazetarit të “RD” Filip Çakuli dhe pasi janë prezantuar si punonjës të policisë hetimore, e kanë marrë me vete me arsyen “një sqarim i shkurtër”.

Në orët e paradites së djeshme, bashkëshortja e gazetarit duke parë se Filipi nuk po kthehej, e kërkon në Rajonin e Policisë të lagjes Kombinat, ku edhe banojnë. Por as në atë rajon dhe as në rajonet e tjera të policisë së Tiranës, ka marrë përgjigjen e prerë prej tyr.e se “nuk ka asnjë dijeni se është ndaluar gazetari i RD dhe kryeredaktori i revistës “Hosteni”. Edhe në Ministrinë e Brendshme kanë ngritur supet.

Kështu Vasilika Çakuli është detyruar të denoncojë në policinë e Rajonit 2 zhd.ukjen pa gjurmë të bashkëshortit Filip Çakuli. Ndërkohë në orën 9.00 në zyrat e Hostenit janë paraqitur punonjës të SHIK-ut dhe kanë marrë edhe gazetarin e revistës Naim Noka. Të dy kanë dalë nga godina e komisariatit 2 të policisë, në të cilën ndodhen edhe zyrat e SHIK-ut të Tiranës rreth orës 14.00 të ditës së djeshme.

Filip Çakuli është i vetmi nga gazetarët themelues të “RD”që ende punon atje e njëkohësisht është edhe kryeredaktori i revistës humoristike “Hosteni”. Kjo revistë është shquar për humorin e saj pa kufi. Në këtë humor shpesh janë përfshirë edhe figura të larta shtetërore. “Por me sa kuptova më morën për çështjen e një kopertine të Hostenit ku ishte një personalitet i lartë shtetëror”, thotë Çakuli pak çaste pas lirimit.

Rreth 14 orë pyetje ishin vërtitur mbi një kopertinë fantazmë në të cilën sipas informacioneve, ishte Berisha në mes të dy femrave n.u.do dhe që sipas informatorëve, do të dilte së shpejti në shitje. Çakuli e ka mohuar ekzistencën e një kopertine të tillë për botimin që ishte gati dhe aq më shumë siç e servirnin hetuesit. Megjithatë lastrat e numrit që pritej të dilte ndodheshin në zyrat e hetuesve, ndërsa numri ishte bllokuar. Rreth orës 3 të mëngjesit të djeshëm, hetuesit bashkë me Çakulin kanë vajtur në zyrat e “RD”dhe kanë parë me sytë e tyre kopertinën që pritej të çohej në shtypshkronjë për revistën “Hosteni”.

Në këtë kopertinë kishte humor me anë të montazhit fotografik për udhëheqësit e PS duke festuar 4 vjetorin e krijimit të partisë së tyre 50-vjeçare në një shtëpi “të thjeshtë” tiranase. Ndërsa kopertina aq e kërkuar nga hetuesit ishte vërtet Berisha midis dy femrave të zhv.eshura, por ndër të tjera ishte PR dhe tjetra PSD dhe ky montazh ishte menduar që këto dy femra të përdala të personifikonin aleatët e PD. Megjithatë duhet theksuar se kjo ka mbetur thjesht një ide që nuk u realizua. Megjithëse momenti i kopertinës së famshme u sqarua gjatë natës, është pritur ora 9.00 e mëngjesit nga ku është ndaluar edhe gazetari i “Hosteni” Naim Noka.

M’u paraqitën si të SHIK-ut dhe kërkuan të shkoja me ta për një sqarim të vogël”,- thotë Noka. Bashkëpunëtori i Çakulit tregon se e kanë pyetur fillimisht për kopertinën me Berishën midis femrave la.kuriq, pastaj kanë kaluar në pyetje të një karakteri krejt të pakuptimtë. “Më thanë t’i ndihmoja me qëllim që të gjenin atë që u duhej tek Filipi”- thotë për “KJ” Noka. Gjithashtu gazetari është pyetur për miqësitë e Çakulit. “I thashë që gati gjithë qeveria duke filluar nga Kryeministri, janë miqtë e tij”, tregon ai. Por doza e pyetjeve për Nokën ka ardhur gjithnjë duke u shtuar. Ai është pyetur nëse Çakuli ishte agjent i grekëve apo i serbëve?!

Gjithashtu është pyetur për lidhjen e Çakulit dhe revistës “Hosteni” me drejtuesit e gazetës “Koha Jonë”. Ja ç’thotë vetë Çakuli më pas: “Ideja e marrjes ishte sqarimi për një kopertinë të pabotuar të revistës “Hosteni”. Ishte “hapur” llafi se kjo kopertinë fyente një personalitet dhe me këtë informacion, që sipas mendimit tim jo nga policia, por nga SHIK-u, është shtypshkronja “Eurolindja”, u bllokua revista. Ata kërkuan me insistim kopertinën që ishte përgatitur për këtë numër dhe ua dhashë. Kopertina kësaj radhe ishte për socialistët.

Më morën në orën 1.30 të natës duke trembur familjen dhe fëmijët, gjë që m’u duk krejt anormale. Më pyetën dhe për biografinë e familjen, por kryesisht hallin e kishin tek kopertina dhe tërë lënda e “Hostenit”. Meqenëse sipas Çakulit, ata që e morën në mes të natës me urgjencë dhe u paraqitën si të policisë hetimore, ne kërkuam shkaqet e këtij ndalimi nga Prokurori i Rrethit të Tiranës Arben Qeleshi, por ai tha se nuk kishte asnjë dijeni për këtë ndalim. “Policia hetimore varet nga ne, por nuk dimë asnjë gjë për zotin Çakuli”, – tha për “KJ”, Qeleshi dje rreth orës 20.00 të mbrëmjes.

Ky fakt, si dhe ai që tek gazetari Noka janë paraqitur si të SHIK-ut dhe godina që i kanë çuar dhe pyetur, të shpie vetëm tek drejtori i SHIK-ut të Tiranës, tregojnë se ndaj gazetarëve dhe botimeve të shtypit tani fillon dhe dh.una e censura e SHIK. Tani e tutje me sa duket redaksitë dhe gazetarët nuk do të përgjigjen vetëm para hetuesve, prokurorëve e gjykatësve, por edhe para policëve sekretë të cilët nuk dinë të lexojnë mirë gazetat e jo më të kuptojnë humorin e Hostenit.

Kur e kanë liruar, pas 14 orësh ndalimi e një nate pa gjumë, Çakulit i kanë dhënë me vete edhe lastrat e numrit që së shpejti do të dalë, duke e shoqëruar me makinën e tyre deri tek redaksia “RD”.

Κjo është historia e një vajze, e cila është e fejuar, por partneri është mjaft xheloz dhe nuk e lë as të dali… Historia:

Jam e fejuar prej dy muajsh me një djalë. Ma prezantuan djalin fisi im që njihej me fisin e tij. U fejuam me shkesi, le ta themi troç. Unë nuk e njihja më parë dhe ai nuk më njihte. Pasi dolëm dy tre herë për kafe vendosëm të fejoheshim.

Për familjen time ai është një djalë i mrekullueshëm që nuk ka të sharë, por unë po zbuloj që nuk është kështu. Ai dita ditës po më nxin jetën dhe nuk di si ta ndaloj. Ai është shumë xheloz dhe prapanik dhe mendon se femrat nuk duhet të rrinë rrugëve gjithë ditën.

Me pak fjalë ai nuk më lë të dalë. Diskutojmë gjatë dhe më lë vetëm kur duhet të shkoj te shtëpia e shoqes sime të ngushtë, apo kur duhet të dalë me të. Kjo po bëhet një gjë e padurueshme. Një ditë më telefonoi dhe më pyeti se përse nuk isha bërë e gjallë gjithë pasditen dhe nuk i kisha telefonuar.

I thashë se më kishte zënë gjumi dhe më kishte dalë nga mendja. Nga e gjithë kjo filloi një sherr kot më kot. Një ditë tjetër më tha se përtonte të vinte të më takonte dhe unë duke qenë se nuk do të dilja me të, i thashë nëse mund të dilja vetëm.

Ai filloi të më thoshte se duhet të rrija në shtëpi, ç’punë kisha unë përjashta. Insistova deri në pikën sa ai më tha “bëj çfarë të duash”. Si përfundim nuk dola, sepse kishte shkuar ora 7 pasdite dhe nuk kisha ku të shkoja. Hedh një status në msn dhe më pas fillova të lexoja një libër.

Pas një ore ai më telefonon sërish dhe më thotë. “Mirë? Dole me shoqen tënde?” Unë i përsërita disa herë që nuk dola, por ai nuk më besonte kështu që në nerva e sipër i them: “E di që të them gjithnjë të vërtetën. Nuk dola nëse më beson mirë nëse jo bëj çfarë të duash”.

Ai më përgjigjet: “Sigurisht që do bëj si të dua dhe sot në darkë do të dal”. Unë akoma më e acaruar i thashë që më mirë të dilte mbase gjente dikë më të mirë se unë dhe do t’i qartësoheshin idetë.

Pas pak i ritelefonova prapë dhe i thashë nëse do të dilte, ai me indiferentizëm më mbylli telefonin pa më kthyer përgjigje. Ky është sherri i fundit që kam bërë me të dhe më ka bërë shumë të mendoj.

Kjo nuk është normale, nevrikoset për gjëra kot. Dua të them se edhe ai shpesh qëndron në shtëpi, sepse ia kërkoj unë.

Vetëm nëse më thotë se jam e lirë të dalë kur të dua edhe unë do ta lejoja të dilte. Sinqerisht që ndjehem në një udhëkryq, sepse nuk di si tu them prindërve që ai nuk është djali për mua.

Ata më fejuan me shkesi duke e ditur se ai është një djalë perfekt. Unë kam filluar të ndjej diçka për të, por nuk mund ta shtyj jetën në këtë mënyrë.

Është e tmerrshme. Tani ndjehem pak më mirë që u shfryva shpresoj t’ju mos kem mërzitur, por duhet të flisja me dikë.

Jam 18 vjeqe ndersa i dashuri esht i martuar dhe ka 52 vjet , Kemi plane se bashku me ka then se kur ti mbush 21 vjet do te jetojme se bashku.

Përshëndetje nese ka mundësi ta postoni an onim. Kam shum dëshir qe historia ime të postohet në faqen tuaj. 

“Ndoshta ju do të më par agj yk oni keq, por po ju them që në fillim që s’më ka de tyr ua r për asgjë, unë e dua me gjithë shpirt.

Jam 18 vjeçe dhe kam një lidhje me një burrë të martuar që është 52 vjeç. Ai më do shumë. Edhe unë e dua shumë.

Ai më mban si princeshë. Gruan e tij nuk e do, por e mban për hatër të 3 fëmijëve.

Ai më ka premtuar që kur unë të mbush 21 vjeçe ne të dy do të jetojmë bashkë. Do më marrë shtëpi në Tiranë dhe atje do kemi gjithçka ka një familje moderne.

Sepse unë nuk dua të jetoj më me mentalitetin e deri tashem dmth mentalitetin e Shëngjinit.

Më blen gjithçka, më çon ku të dua dhe madje tani afër do të bëjmë dhe një udhëtim në Maldive. Nuk ka rëndësi mosha, sepse ai më trajton si një vajzë të madhe.

Një biznesmen rus, i cili u va.rros për së gjalli në Moskë të Rusisë, arriti të telefononte të vëllanë nga brenda varrit e më pas t’i lutet atij që t’i paguante një borxh të vjetër.

41-vjeçari Khikmet Salaev u tërhoq zvarrë për në varrezat e Lyubertsy dhe u va.rros për së gjalli, por iu lejua që të mbante me vete telefonin.

Ai duhej të paguante një shumë prej 410 mijë paundësh britanikë, siç raportojnë mediat ruse. 

I var.rosur për së gjalli dhe nën dhe, 41-vjeçari arriti të telefononte të afërmit. Pasi mori telefonatën,

vëllai arriti të paguante vetëm 16.430 paund si dhe t’u falte atyre automjetin e tij tip BMW-535 në këmbim të lirimit Khikkmetit

Dashi

Do të jeni shumë të organizuar dhe strategjik dhe kjo gjë do ju lejojë që të zgjidhni brenda një kohe të shkurtër të gjithë ato probleme të cilat nuk ju kanë lejuar të arrini një objektiv të përcaktuar. Horoskopi i 4 tetorit, ju fton që në dashuri të jeni më të përkushtuar.

Demi

Kjo ditë do të jetë mjaft konfuze dhe do ju bëjë tejet nervoz, ndaj për këtë arsye është më mirë që të ruani një profil të ulët në punë. Këshillohet që në çështjet e familjes të ruani qetësinë.

Binjakët

Parashikohet një ditë mjaft e favorshme për të zyrtarizuar një raport. Këshillohet që të ndiqni instinktin në vendin e punës, pasi intuita juaj e shkëlqyer do ju çojë drejt suksesit.

Gaforrja

Kjo ditë do të jetë mjaft paqësore dhe relaksuese, megjithatë nuk do të jeni plotësisht të kompletuar. Kjo e enjte do të sjellë mundësi të shumta për të planifikuar me detaje gjithë ato projekte që keni nisur prej kohësh.

Luani

Do të jeni të fortë, karizmatikë dhe të motivuar. Megjithatë kur bëhet fjalë për ndjenjat, prireni që të mbylleni në veten tuaj. Keni frikë të gaboni, të lëndoheni, por kjo situatë mund të rezultojë e rrezikshme. Një histori e bukur mund të lindë, por duhet të gjeni kurajën të bëni përpara.

Virgjëresha

Duhet të jeni më të matur lidhur me situatën tuaj ekonomike, pasi ky është momenti që nuk përjashton të papritura të vogla, me të cilat do të përballeni. Kjo është një periudhë shumë e mirë për të rinovuar një marrëveshje apo për të eksperimentuar në vendin e punës.

Peshorja

Kjo është periudha gjatë së cilës do të jeni më të fortë dhe do të rezultoni fitues, sidomos nga pikëpamja profesionale, ku mund të merrni më shumë përgjegjësi. Duhet të jeni gati të përfshiheni në aventura të reja romantike, pasi sharmi juaj do të jetë maksimal.

Akrepi

Parashikohen ditë të cilat ju shohin mjaft të angazhuar, por mos u druani pasi ky është momenti më i mirë për tu rikthyer në lojë dhe për të çuar përpara propozime të reja në vendin e punës. Në dashuri ka disa zgjedhje që duhet të bëni, të cilat do ju lejojnë që të përkufizoni totalisht një raport.

Shigjetari

Parashikohet një javë e cila do ju lejojë që të merrni lajme të mëdha dhe konfirmime të rëndësishme në vendin e punës. Megjithatë së fundmi mund të provokoni shumë partnerin/en, çka mund të krijojë disa keqkuptime.

Bricjapi

Tashmë që po arrini një objektiv ambicioz, do të rigjeni sigurinë në vete dhe kapacitetet tuaja, shkruan noa.al. Duhet të jeni të gatshëm për tu hapur më shumë në raportin në çift, pasi në mbrëmje parashikohen takime mjaft të favorshme.

Ujori

Duhet të sforcoheni dhe të kontrolloni impulset tuaja, sidomos nëse në vendin e punës po përballeni me disa çështje mjaft delikate dhe të rëndësishme për karrierën tuaj. Horoskopi i kësaj dite këshillon që të jeni të kujdesshëm dhe të bëni kujdes në familje.

Peshqit

Do të keni një intuitë të mprehtë, e cila do ju lejojë që ta shfrytëzoni në avantazhin tuaj dhe kjo gjë do ju lejojë që të merrni rezultate mjaft të favorshme në vendin e punës. Përfitoni nga koha e lirë, për ta kaluar me personat që i keni përzemër. Orët e mbrëmjes do ju gjejnë më të qetë dhe të relaksuar.

Ndërsa në studion e Top Story po diskutohej për çështjen e Himarës dhe zgjedhjet e 4 gushtit, studiuesi Ardit Bido dhe përfaqësuesi i Fredi Belerit, Skerdjan Dhuli, kanë shpërthyer në ofendime ndaj njëri-tjetrit.

Bido i tha se ai punon për Vorio Eprin, ndërsa Dhuli iu kthye duke i thënë se duhet të lajë gojën para se të thotë diçka të tillë për të.

Por debati ka shkuar edhe më tep më përdorimin e fjalëve fyese, kur Dhuli i tha Bidos, “këllirë”, e ky i fundit kërkoi largimin e tij nga emisioni.

Pjesë nga debati:

Dhuli: Në emisionin e parafundit kam thënë, në këtë studio, kam thënë që unë do ta preferoja kandidatin lab. Këtë e kam propozuar dhe në rrethet tona të diskutimit. Pse e kam propozuar të tillë? Edhe me riskun se mund ta humbisnim atë garë. Çfarë rrezikonte kjo? Rrezikonte që atë garën elektorale ta kthente në një betejë shqiptaro-greke.

Bido: Dhe tani zgjodhët një vorio-epiriotist.

Dhuli: Jo, kjo s’ka lidhje.

Bido: Që mos të kthehet në shqiptaro-greke, të mbështesim Vorio Epirin. Ju të djathtët, konservatorët.

Dhuli: Po mirë mo burrë i dheut, ki durim, duro. Do ta mundim prapë Edi Ramën ne atje, duro.

Bido: Munde me shqiptarë, munde me njerëz që janë patriotë të asaj zone, që kanë treguar se i fitojnë votat. Pse po tenton sot me Vorio-Epir, pse ju sot po mbështesni Vorio-Epirin? Kjo është pyetja.

Dhuli: Kush po e mbështet Vorio-Epirin?

Bido: Ju!

Dhuli: Thirri mendjes se ke ikur fare nga mend e kokës. Ke ikur fare. Thirri mendjes. Zbrit në tokë.

Bido: Ti je krenar që ke nënën Greqi pas? Se për gjithë himariotët po flet ai robi.

Dhuli: Po unë s’jam grek. Ai flet për ata himariotë që ndihen grekë.

Bido: Ai është që deklaroi se 70% e himariotëve janë grekë. Ai që mbështesje ti dhe që mbështet ti.

Dhuli: Ai flet për ata që deklarohen grekë, jo për mua. Po ti s’je i vëmendshëm, se e ke mendjen tek Edi Rama kur flas unë. Beleri që flet tani është Beleri i grekëve, nuk është më Beleri im.

Bido: Pra ai ka 30 vite që punon për Vorio-Epirin, sot gënjen publikun dhe bën fushatë.

Dhuli: Vorio-Epiri është një idiotësi e paimagjinueshme, që çuditërisht vjen në studiot tona dhe me këtë marrin klikime lloj-lloj fantazmash.

Bido: Sot, ju të djathtët, që jeni shumica e opozitës. Jeni më shumë se dyfishi i votave greke në Bashkinë Himarë. Ju sot, opozita, zgjodhët të mbështesnit një person që punon për vorio-epirin. Nuk zgjodhët një himariot, shqiptar apo grek të Himarës që nuk punon për shtet të huaj dhe nuk është anti-shqiptar.

Dhuli: Ti s’e kupton këtë, se s’ke lidhje me atë zonë fare. Flet në ajër kot.

Bido: S’kam unë lidhje me atë zonë?

Dhuli: Belerin kryetar bashkie e bënë shqiptarët, s’e bënë grekët. Kam thënë që oligarkëve që iu shërben ti, do t’iu shembet trau i Kakomesë. Është premtimi i parë që duhet të shembet.

Bido: Unë s’mbështes asnjë parti. Unë jam kundër vorio-epiriotistëve si ty.

Dhuli: Kujt i thua vorio-epiriotist ti? S’mund të më thotë vorio-epiriotist e të dalë kaq kollaj.

Bido: PD mbështet një irredentist

Dhuli: Për ty të mundësh Ramën është tradhti

Bido: Ore kujdes gjakun e paraardhësve të ty se po punon për Vorio-Epirin

Dhuli: Unë punoj për Vorio Epirin? Më ke flet mo?

Bido: Me ty që mbështet kandidatë të Vorio Epirit

Dhuli: Ti dëgjo këtu, ti këllirë laj gojën kur të më thuash mua për Vorio Epirin

Bido: Si the mo? Me kë po flet? Tani ti do çohesh do ikësh nga emisioni se nuk më flet mua në këtë mënyrë

Dhuli: Legen, qepe gojën se nuk jam shoku jot.

Dy zjarrfikës kanë humbur jetën në itali teksa po shuanin një zjarr.

Aksidenti ndodhi pasditen e së mërkurës së 17 korrikut në komunën Nova Siri, në rrethin Cozzuolo, ku një zjarr shpërtheu mes bimësisë.

Siç raportohet dy policët tentuan të shpëtonin një familje, shtëpia e së cilës ishte e rrezikuar nga flakët. Por ata ranë nga një shkëmb dhe u përfshinë nga flakët.

“Dy zjarrfikës nga Komanda Matera humbën jetën pasditen e sotme nga një zjarr në pyll teksa po kryenin punën e tyre, punë që çdo ditë bën të mundur sigurimin e jetës së shumë njerëzve dhe mbrojtjen e mjedisit. Një tragjedi e papritur që trondit gjithë familjen e zjarrfikësve. Nuk ka fjalë për të përshkruar vuajtjet që ndien çdo zjarrfikës në këto rrethana dramatike. Shprehim ngushëllimet dhe ndjenjat tona të afërsisë me familjet e kolegëve tanë të rënë në aktivitetet e shpëtimit,” thuhej në deklaratë.

Shpërthimi në derën e motrave Nikolli në Elbasan ku u lëndua një 29-vjeçar dhe u shkatërruan disa apartamente është një krim ende pa autor.

Por, Alda Nikolli është e bindur se pas këtij krimi fshihet Nuredin Dumani. Ajo tregon se me të penduarin e drejtësisë kishte krijuar një marrëdhënie prej 2 muajsh, krisja e të cilës pasoi me kërcënime.

“Nuredin Dumanin e kam njohur nëpërmjet kunatit tim Amarildo Xhanejt, që ndodhet në burgun 313. Mendova që donte të njiheshim, por paska pasur qëllim të na përdorë si mua dhe motrën time Xhovanën. Unë nuk e dija që Nuredini kishte të dashur jashtë, Mirjetën. E cila më kërcënoi, më tha më fakto që flet me Nuredinin. Kur ja faktova me një voice, 5 minuta më vonë Nuredini më mori në telefon dhe më kërcënoi. Më pas bllokoi adresat, më la të qetë dy ditë e pastaj veproi”, tregon ajo.

Ajo tregon se Nuredin Dumani pasi dështoi nga tentativa për të dëmtuar statusin e të penduarit të drejtësisë të Amarildo (xhanej) Nikollit nga të dhënat që merrte nga kunata e tij pasi kjo e fundit iu drejtua SPAK duke treguar komunikimet me të, ai veproi hapur në burg.

“Alehandro Group”, një nga kompanitë më të mëdha shqiptare të tregtimit të verërave, me seli në Tiranë, por e njohur ndërkombëtarisht, po sjell një vlerë të shtuar në të gjithë zonën e Ballkanit.

Sipërmarrësja me origjinë shqiptare, Erjola Braha, apo siç njihet në rrethet e enologjisë si “gruaja e verës”, po sjell biznesin e saj italian të verërave në Shqipëri.

Pas krijimit të Alehandro Group, Erjola Braha është sot një grua me një përvojë njëzet vjeçare, një ambasadore e dhjetëra ekselencave të verërave kombëtare dhe të huaja. Kjo edhe falë partneriteteve të konsoliduara me disa nga prodhuesit kryesorë në botë, si Château Lafite Rothschild, Edmond Rothschild, Louis Roederer, Ornellaia, Marchese Mazzei në Villa Sandie dhe të tjerë.

Në një intervistë për Forbes Italia, Erjola ka treguar se ka promovuar një sërë Masterclassesh në vendet më të mira në Tiranë, Vlorë dhe në pjesën tjetër të vendit për të përhapur kulturën e verës dhe ndërgjegjësimin se i ashtuquajturi “stili italian” mbetet një filozofi me vlerë të madhe.

Ajo ka prezantuar teknologji të reja informacioni dhe sisteme të qëndrueshme për të përmirësuar shpërndarjen dhe promovimin e verërave, duke e bërë Alehandro Group një shembull inovacioni në këtë sektor.

Po ashtu, Erjola ka treguar se një ëndërr e saj po realizohet tashmë, pasi është pranë hapjes së një akademie për trajnimin e të rinjve në sektorin e verërave.

Operacioni: PPT

Tashmë nuk ka dyshim se Shqipëria ndodhet para një lufte hibride shumë të sofistikuar që synon shkretimin e turizmit. Agjencitë inteligjente kanë zbërthyer një plan që vepron prej vitesh, por që u bë publik vetëm gjatë 48 orëve të fundit.

Agjentura ruse në bashkëpunim me atë serbe dhe të një vendi tjetër që për momentin nuk është bërë publik, gjatë viteve të fundit, ka vënë në zbatim operacionin e koduar PPT (plazhet pa turistë). Raportohet se këtij plani i është bashkë ngjitur se fundmi edhe Greqia, që siç dihet, mban ende në fuqi ligjin e luftës!

1- Agjentë të maskuar si turistë

Sipas raporteve të besueshme të SHISH, agjentë të huaj të infiltruar si turiste gjatë dy tre viteve të fundit kanë folur me pronarë hotelesh, veçanërisht në Jug të Shqipërisë, Vlorë, Sarandë, Ksamil duke u qarë hallin për çmimet e ulëta. Shumë lirë! Gjynah! Këtu është me mire se në Maldive. Parajsa mbi tokë! Mos u bëni budallenj rrisni çmimet! Dhe..ne që fjalën e të huajt e dëgjojmë me shumë se fjalën e prindit rritem çmimet pa e ditur se po bëheshim bashkëpunëtorë të armiqve tradicional të Kombit shqiptar, që historikisht na kanë hapur varrin.. me duart tona.

2- Biznesi i Shezlongëve

Të pakënaqur me sabotimin e hoteleve, agjentura ruse në bashkëpunim me atë serbe kanë penetruar deri në qeveri dhe veçanërisht në ministrinë e Turizmit për të nxitur me ligj një biznes krejt të veçantë të pa dëgjuar në pellgun e Mesdheut dhe në historinë botërore të turizmit. Ata kanë nxitur, mbështetur dhe sponsorizuar biznesin e shezlongjeve- janë mbi 1400 biznese të shezlongjeve nga Velipoja në Ksamil. Operacioni “Pikaso” (Le të ketë shezlongë,” po le të jenë më të shtrenjtë se një vepër e Picasso!) ka vite që është në zbatim. Hapesirat e plazheve krahas hoteleve u janë dhënë individëve që nuk kanë asnjë aftësi tjetër veç aftësisë për te thithur si magnet idetë e armiqve tanë.

Pa e kuptuar zyrtarët tanë duke menduar se bëjnë mrekulli kanë bërë marrëzi! Tani, çdo pushues duhet të paguajë nga 10 deri në 100 euro për të qëndruar në hije! Nga informacionet e një shërbimi partner perëndimor mësohet se agjenti që ka dhënë këtë ide i është lidhur pension i përjetshëm.

3- Supermarketet

Agjenturat e huaja me një plan të mirëmenduar kanë shtrirë tentakulat e tyre edhe te Autoriteti i Konkurrencës dhe Agjencia Kombëtar e Ushqimit duke bërë te mundur që djathi në supermarket tona të jetë më i shtrenjtë se në Paris, sallami më i shtrenjtë se në Romë dhe buka më e shtrenjtë se në Gjermani. Kështu, tregtaret shqiptare janë bërë bashkëpunëtor të pavetëdijshëm në këtë komplot të madh, duke ofruar mallra me çmime aq të larta sa turistët të mendojnë 12 herë para se të futen sërish në supermarketet tona.

4- Uji i zi/bardhë!

Agjentët e huaj me metoda të sofistikuara, vijon raporti i SHISH, kanë bindur autoritetet të mos bëjnë asnjë progres në trajtimin e ujërave të zeza dhe furnizimin me ujë të pijshëm. Impiantet e trajtimit të ujerave të zeza te ndërtuara dhe vënë në funksionin para 10 vitesh nuk punojnë ndërsa ka një plan të detajuar që premtimi i lashtë për ujë të pijshëm 24 orë të mbetet gjithë jetën premtim. Operacioni “rubinetat e thata” është në veprim prej 33 vitesh dhe parashikohet të mbyllet në vitin 2124!

5- Rrugë të florinjta

Megjithëse ka zëra se agjenturat e huaja në bashkëpunim me agjentët lokal kanë rritur kostot e ndërtimit të rrugëve, në dorë të SHISH ka rënë një email me subjekt: “te mësojmë kosovarët”

Në tekst thuhet se Kosova ka ndërtuar dy prej autostrada e me të mira në rajon, por kosovaret nuk janë mësuar të paguajnë në rrugë, sepse qeveria në Prishtinë nuk pranon të vendose tarifa. Është detyrë e Shqipërisë, që përmes tarifave në rrugë në monedhën që ata përdorin (euro) të mësojë shqiptarët e Kosovës se si paguhet, ndërkohë që vozit në rrugë. Objektivi është që udhëtimi me makinë të bëhet me i shtrenjtë se udhëtimi me avion.

6- Goditja e madhe

Së fundi, në një goditje spektakolare, agjentët e huaj në bashkëpunim me krimin e organizuar shqiptar dhe atë ndërkombëtar kanë zhvlerësuar euron. Euro e dobësuar është garanci shtesë që të ketë sa më pak të huaj dhe shqiptare të Kosovës. Bashkëpunimi për këtë pikë shtrihet sa nga drejtoria e pastrimit të parave aq edhe te sistemi i drejtësisë dhe ai bankar.

7- Greqia

Raporti vëren se veçanërisht pas çështje Beleri, Greqia, që vjet kapi 36 milionë turistë, është hedhur në sulm për të dëmtuar sezonin turistik në Shqipëri. Është dora greke (pavarësisht se nuk ka prova) që Shqipëria po telendiset këto ditë nga UNESCO për Butrintin, Beratin, Gjirokastrën.

***

IKështu të dashur lexues nëse shikoni ndonjë të huaj që pi koktejl në Jug, buzëqesh me pamje të lumtur dhe thotë sa lirë është këtu me siguri është agjent rus, serb ose grek. Nëse këto fjalë i thotë ndërkohë që plazhi është bosh, me siguri është poliagjent që po shijon rezultatet e operacionit PPT (plazhet pa turistë).