Month: July 2024

Jam 55 vjeçe, nga Ferizaj. Që kur isha 20 vjeçe u njoha me tim burrë, me të cilin pastaj u martuam dhe i kemi dy fëmijë.

Por, pas pesë vjetësh të martesës sonë njoha një të ri dhe rashë në dashuri me të.

Njëjtë kishte vepruar edhe im burrë me sekretaren e tij, me të cilën pastaj ishte pesë vjet në lidhje, derisa ajo edhe martohet, shkruan për Portalin tonë “Kosovarja”, Mara, nga Ferizaj.

Kam të kryer Shkollën Normale në Ferizaj. Në kohën time posa mbaroje shkollën menjëherë edhe mund të punësoheshe. Kështu, edhe u punësova mësuese në një fshat të afërm.

Si e re dhe e bukur që isha më shikonin të gjithë rrugës kur shkoja në shkollë, veçmas ata të fshatit ku punoja. Ndërkohë, u njoha me tim burrë dhe shpejt ramë në dashuri.

E, meqë nuk mundnim pa njëri-tjetrin, edhe u martuam, jo me ndonjë dasmë të madhe. Dhe, ditët rridhnin për mrekulli, na lindi fëmija i parë, pastaj i dyti. Por, pas kësaj kohe, gjërat ndryshuan.

Meqë udhëtoja me autobus për në fshatin ku punoja, shihja shpesh një djalë, i cili thuajse më përcillte në çdo hap. Një ditë edhe u detyrova t’i them të mos më ndjekë se unë jam e martuar.

Por, që unë jam e martuar atij as që i bëri përshtypje… Më tha: “S’paraqet pengesë kjo që” dhe eci tutje. Por, shikimet e tij gati një vit rresht bën që unë të filloj të mendoj për të, madje edhe të ndihem në siklet

sa herë që e shihja, e edhe më në siklet ndodhesha kur nuk e shihja: kush është, pse sot nuk erdhi, mos po largohet nga unë…

Këto fjalë që i thashë bën që një ditë edhe ta përshëndesja e para. Ai më përshëndeti dhe u ndal. Shkurt e shqip me tha: “Jam i dashuruar në ty!”.

E, ç’ti thosha unë? Edhe unë e doja, por nuk kisha si t’i thosha. Dhe, meqë heshta, ai e kuptoi se edhe unë e doja… E, ditë pas ditësh, pa hyrë në hollësi, u gjendëm në shtrat së bashku.

Dhe bashkë, sa herë që na jepej mundësia, qemë rrafsh pesë vjet, kur edhe u martua ai dhe u largua nga unë. Mirëpo, as im burrë nuk rrinte më urtë se unë.

Edhe ai, edhe pse nuk e shihja, më thoshin koleget e punës se e shihnin shpesh me sekretaren e tij, meqë ai punonte drejtor.

Por, edhe atij pas disa vitesh “i ikë” e dashura, meqë edhe ajo martohet dhe shkon të jetojë në familjen e burrit, i cili aso kohe jetonte në Gjilan.

Kështu, pas një aventure 5-6 vjeçare, edhe unë, por edhe im burrë, iu kthyem njëri-tjetrit dhe unë më nuk kam pasur aventura të tilla, e besoj as im burrë, sepse kudo që shkonte kërkonte t’më merrte edhe mua…

Bekim Stokaj, nga komuna e Decanit ku ka treguar për jetë private, ku thotë se në jetën e tij ka pasur më shumë se 400 femra.

“I kam pas diku mbi 400 femra në krejt Evropën”, ka thënë ai.“Ja kam nisur karrierën me femra në vitin 1998”, ka thënë ai. 

Ai ka thënë se në Mal të Zi është martuar me 5 gra. “Kam jetuar bashkë me to një vit”, ka thënë ai.

Ai ka treguar se lidhja me këto ka zgjatë një vit, dhe më pas ka shkuar në Gjermani.

Stojkaj që ka dëshirë ta quajnë Maxi ka thënë se rekordin botëror e ka thyer në Gjermani.

“Më ka ruajtur policia gjermane se kam dalë me 70 femrave përnjëherë. Unë jam i barabartë si me Hollywood”, ka thënë ai.

“Për puthje jam njëshi në Evropë, ka ndodh për një ditë i kam puthur 70 femra.

Kur i kam puthur 70 femra për një ditë më ka ra të fikët”, ka thënë ai. 

Dashi

Një refuzim që do të merrni do ju acarojë së tepërmi. Megjithatë bëhet fjalë për një çështje pune, ndaj bëni mirë të merrni masa. Sa i takon sferës së ndjenjave, mbrëmja parashikohet të jetë mjaft e favorshme.

Demi 

Kjo e martë do të jetë mjaft e mbarë dhe relaksuese, e cila do ju lejojë që të vlerësoni me më shumë kujdes, disa propozime që keni marrë së fundmi. Këshillohet të mos nxitoheni në dhënien e një përgjigje. Mbrëmja do të jetë mjaft e mbarë për tu kaluar me njerëzit që doni.

Binjakët

Mos u tregoni shumë skeptik në raport me një bashkëpunëtorin tuaj, pasi mund të befasoheni nga iniciativat premtuese. Në dashuri, ky është momenti ideal për tu kaluar me partnerin/en.

Gaforrja

Mundohuni të tregoni më shumë kujdes për shëndetin, sidomos lidhur nëse i keni vendosur vetes disa objektiva dhe ju duhen më shumë energji. Këshillohet që të mos përfshiheni në debate tepër të nxehta.

Luani

Mundohuni të mos përqendroheni shumë në debate të kota. Do të jeni kokëfortë dhe impulsiv, ndërkohë që hapet një muaj i rëndësishëm për të ndezur ndjenjat dhe për të bërë një hap të rëndësishëm, në raport me një person që doni.

Virgjëresha

Shmangni tensionet në dashuri ose në familje. Vendosja e një ultimatumi nuk do ju ndihmoni të fitoni një konflikt, ndaj mundohuni të përpunoni strategjitë tuaja. Kjo e martë është mjaft e rëndësishme për të rigjetur qetësinë.

Peshorja

Kjo ditë do ju gjejë të luhatur në sjelljen tuaj. Luhatjet e humorit, mund të shkaktohen nga një situatë jo shumë e këndshme në vendin e punës. Këshillohet që në dashuri dhe familje, të mos jeni shumë agresiv.

Akrepi

Mundohuni të mos rrezikoni shumë në investime, për të cilat nuk jeni të sigurtë. Në këtë moment është e rëndësishme që të gjeni përqendrimin dhe të çoni deri në fund të gjitha projektet tuaja. Kjo ditë ju fton që të tregoni kujdes në dashuri.

Shigjetari

Ky është momenti më i mirë për të kaluar bashkë me familjen dhe me personat që doni. Ka disa keqkuptime të cilat duhet ti mbani nën kontroll, por nga ana tjetër keni qenë shumë të lodhur dhe një përgjigje që do të merrni do ju gëzojë. Propozimet tuaja do të vlerësohen maksimalisht.

Bricjapi

Do të keni mundësi për të bërë disa ndryshime të frytshme lidhur me projektet tuaja. Nga pikëpamja sentimentale, ka disa dyshime të cilat duhet ti zgjidhni para se të hyni në konflikt me partnerin/en, shkruan noa.al. Duhet të jeni të qartë me veten tuaj dhe të bëni një ballafaqim, pa u treguar shumë agresiv.

Ujori

Kjo ditë do të jetë mjaft interesante për të nisur një projekt të ri dhe për të shfaqur më shumë besim në veten tuaj. Edhe në dashuri do të jeni më romantik, ndaj përfitoni nga ky moment për të bërë një arratisje të vogël në çift.

Peshqit

Këshillohet që në vendin e punës mos të jeni shumë të ashpër, pasi një sugjerim i një bashkëpunëtori tuaj, mund të jetë mjaft i vlefshëm. Sigurisht ka disa keqkuptime që kërkojnë zgjidhje, por horoskopi i kësaj dite parashikon mundësi të mira në punë. Në dashuri duhet të jeni më të komunikueshëm

Lirohet nga qelia Sokol Sinomati, i njohur si “Buzderri”. Autoritetet italiane e kanë liruar nga burgu, në me pak se një muaj e gjysmë pas ekstradimit me bujë nga Shqipëria.

Sokol Sinomati është babai i 23- vjeçarit Gëzim Sinomati, i cili u ekzekutua me snajper në ballkonin e banesës se vet në qytetin e Vlorës.

Lajmi është i ditur nga gazetari Artan Hoxha në rrjetet sociale, i cili ka pasur dhe një bisedë me Sinomatin.

Postimi i Artan Hoxhës

Sokol Sinomati, lirohet nga burgu i Viterbos, 6 jave pas ekstradimit.

Autoritetet italiane kane liruar nga burgu, ne me pak se nje muaj e gjysem pas ekstradimit me buje nga Shqiperia, Sokol Sinomatin.

Diten e marte me 9 korrik 2024, 46-vjeçari Sinomati, u lirua nga burgu i Viterbos, prane Romes.

Sinomati, rezultoi se nuk kishte me asnje denim me burgim per te vuajtur ne territorin e Republikes se Italise.

I njohur qe nga femijeria me nofken “Buzderri”, Sokol Sinomati eshte babai i 23-vjeçarit Gezim Sinomati, i cili u ekzekutua me snajper ne ballkonin e baneses se vet ne qytetin e Vlores.

Atentati tipik mafioz, i realizuar nga vrases me pagese ne mbremjen e 7 janarit 2024, vazhdon te jete ngjarja me e rende kriminale qe ka ndodhur gjate ketij viti.

Pas me shume se gjashte muajsh, policia dhe prokuroria nuk kane ende asnje te arrestuar ne lidhje me kete ngjarje duke filluar nga ekzekutoret, organizatoret dhe porositesit e atentatit.

Atentati ndodhi vetem pak dite pasi Gezim Sinomati ishte kthyer nga Belgjika, per pushimet e fundvitit ne banesen e familjes ne Vlore, ndersa babai i tij, Sokol Sinomati ndodhej ne qelite e burgut te Fushe Krujes duke vuajtur denimin.

Sokol Sinomati, nje emer i rendesishem ne fundin e viteve ‘90 dhe fillimin e viteve 2000, ne qytetin e Vlores, u lirua vetem per pak ore nga burgu me 24 prill 2024, duke perfituar falje denimi nga amnistia penale.

Lirimi i tij vetem 4 muaj pasi ishte ekzekutuar i biri me snajper, pritej te prishte shume ekuilibra ne qytetin e Vlores.

Per kete shkak, policia perdori nje vendim denimi te autoriteteve italiane, per ta arrestuar Sinomatin serish, pa e lejuar ate, te mberrinte i lire ne banesen e tij.

Ne momentin e arrestimit, Sokol Sinomati ka qenë në shoqërinë e vëllait të tij, Bernard Sinomati.

Policia njoftoi nje dite me pas zyrtarisht se:

“Ekzekutoi vendimin penal për shtetasin Sokol Sinomataj, 46 vjeç, të cilin Gjykata e Milanos, ne Itali, e ka dënuar me 12 vjet, 5 muaj e 26 ditë burgim, për veprat penale “Organizata kriminale” dhe “Trafik ilegal i emigrantëve”.

U duk i “çuditshem” lirimi per pak ore dhe pastaj ri-arrestimi i Sokol Sinomatit, ndersa denimi nga drejtesia italiane per te, kishte kohe qe qendronte ne arshiven e policise.

Nisur nga situata kriminale ne qytetin e Vlores, rivaliteti i forte dhe beteja e ashper mes grupeve rivale, si dhe nga fakti qe po lirohej nje personazh mjaft i njohur, vetem pak kohe pasi i kishin ekzekutuar per hakmarrje te birin, u gjykua se prezenca e Sinomatit ne qytetin bregdetar mund te rindiste keqazi konfliktin.

Tre dite pas arrestimit, me 27 prill, gjykata vendosi nje mase sigurie me 40 dite burg per Sinomatin, ne pritje te ardhjes se dosjes se tij nga Italia.

Ne fillimin e muajit qershor 2024, 39 dite pas arrestimit, Sokol Sinomati, u ekstradua drejt Italise ne masa ekstreme sigurie, me idene se tashme, ai do te qendronte dhe nje dekade tjeter larg qytetit te tij te lindjes.

Autoritetet italiane, pasi kane verifikuar vendimin e dhene nga gjykata e Milanos, ne adrese te Sinomatit, kane vendosur te marten e kaluar, ta lirojne duke e cilesuar te mbyllur denimin e tij.

Perpjekja per ta mbajtur te izoluar ne burg Sokol Sinomatin, tashme ka deshtuar. Vlonjati 46-vjeçar eshte i lire dhe i motivuar me shume se kurre per shkak te vrasjes se djalit te tij.

Autoritetet shqiptare, te pyetura ne lidhje me kete zhvillim, deklaruan se nuk kane asnje njoftim per lirimin e Sinomatit, sipas tyre ai nuk ka hyre ende ne asnje pike te kalimit kufitar ne territorin e vendit.

Nderkohe, ne nje komunikim direkt me Sokol Sinomatin nepermjet telefonit, ai deklaroi se:

“Prej te martes se kaluar jam i lire. Autoritetet italiane komfirmuan se nuk kam asnje denim me burg per te kryer.

Me vjen keq per ata qe u munduan me te gjitha menyrat, te me mbanin te izoluar ne burgjet italiane, por tashme jam i lire dhe nuk kam asnje pengese ligjore per t’u kthyer ne qytetin tim, prane familjes sime”.

Sokol Sinomati, shkeli ne qytetin e Vlores vetem per pak ore, diten e 9 janarit 2024, per te marre pjese ne ceremonine mortore te djalit te tij, i shoqeruar ne kushte te larta sigurie nga 100 police.

Ai u arrestua per here te fundit jashte vendit, ne vitin 2021 në Belgjikë. Në fund të vitit 2022, u ekstradua në Shqiperi dhe qendroi ne burg deri ne fillimin e qershorit te ketij viti, kur u ekstradua drejt Italise.

Xherdan Shaqiri ka thënë se është koha për t`i thënë lamtumirë kombëtares së Zvicrës.

“Shtatë gara, shumë gola, 14 vite me ekipin A të kombëtares së Zvicrës dhe momente të paharrueshme. Koha që t’i them lamtumirë kombëtares”, ka shkruar Shaqiri në rrjetet sociale.

Futbollisti ka falënderuar të gjithë për mbështetjen, duke theksuar se do të mbeten kujtimet e bukura nga kjo përvojë.

Shaqiri ka kaluar në të gjitha grupmoshat me Zvicrën, ndërsa debutimin me ekipin e parë të ‘Helvetikëve’, ai e kishte bërë më 3 mars 2010. Në 125 paraqitje me Zvicrën, Shaqiri ka shënuar 32 gola, ndërsa ka bërë 34 asistime.

Gjithashtu Shaqiri mban rekordin si lojtari i parë që ka shënuar në gjashtë turnetë e mëdha të fundit.

Sieben Turniere, viele Tore, 14 Jahre Schweizer A-Nationalmannschaft und unvergessliche Momente. Es ist Zeit, mich von der Nati zu verabschieden. Tolle Erinnerungen bleiben und dafür sage ich euch allen: DANKE, MERCI, GRAZIE, FALEMINDERIT. 🇨🇭❤️… pic.twitter.com/qT9OoQK79x

— Xherdan Shaqiri (@XS_11official) July 15, 2024

Kryeministri i Greqisë Kyriakos Mitsotakis, u takua sot me Fredi Belerin, i cili ka marrë leje nga burgu në Shqipëri, për t’u betuar si eurodeputet i Greqisë në Parlamentin Europian në Strasburg.

“Shpresoj që së shpejti do të dilni përgjithmonë nga burgu, që ky kapitull i dhimbshëm të përfundojë më në fund për të gjithë ne, në mënyrë që të vazhdojmë dhe të shohim përpara”, i tha Mitsotakis Belerit në fillim të takimit të tyre.

“Ne gjithashtu kemi çdo arsye për të kërkuar një Shqipëri që … i afrohet Evropës, duke iu përmbajtur rreptësisht angazhimeve të saj evropiane. Mendoj se ky është një qëllim i përbashkët për të cilin ne të gjithë duam të punojmë”, tha ai.

“Unë besoj se sundimi i ligjit, e drejta për të zgjedhur dhe për t’u zgjedhur, nuk janë të vetëkuptueshme në vendin ku jetojmë. Unë dua të ndihmoj me këtë,” i tha Beleri Mitsotakis gjatë takimit të tyre, sipas një transkripti të lëshuar nga zyra e kryeministrit grek.

“Të ndihmojmë pakicën etnike greke të qëndrojë në shtëpinë stërgjyshore, por edhe që ky shtet të afrohet dhe të bëhet anëtar i familjes evropiane”, tha Beleri.

Pas ngjarjes së ndodhur në Tiranë ku është gjetur i plagosur rëndë Rigels Kaso, kanë folur familjarë dhe fqinjë të 42 vjecarit.

Nusja e xhaxhait të 42-vjeçarit tha se Rigelsi nuk ka kërkuar asnjëherë lek për borxhe dhe sipas saj ai mund të ketë shkuar në Tiranë për furnizime për punën e vet.

“Jam nusja e xhaxhait të Rigelsit, kam 36 vite që e njoh që fëmijë, djalë shumë i mirë, si për shoqërinë, si për ne. Nuk e di çfarë i ka ndodhur, në televizion e mora vesh. Nuk e di me detaje. Rigelsi merrej me kompjuterat, ka qenë në Itali, nuk flasin keq për atë djalë, shumë i respektuar. Historinë pse i ndodhi kjo nuk e di. Këtu nuk ka patur asnjë zënkë. Nuk e di pse ishte në Tiranë, para 3 ditësh ishte në Bilisht, ai nuk merret me alkool, nuk ka pisllëqe, puntor. Ka shkuar për punën e vet, furnizim. Nuk e di për borxhe, nuk na ka kërkuar ndonjëherë lek për borxhe”, tha Burbuqe Kaso.

Nga ana tjetër, fqinji i Rigelsit tha se ai nuk ka patur asnjëherë konflikte.

“E njoh shumë mire e kam në pallat. Është shumë djalë i mirë në çdo anë. Merrej me punë private, me kompjuterat, elektrike, instalime. Punoi ca kohe ne futbolli tani merrej me punë private. Në Tiranë nuk di gjë. Këtu nuk ka patur asnjë konflikt. Ishte frikacak”, deklaroi fqinji.

Rigels Kaso per një periudhë të gjatë ka punuar në klubin e futbollit Devolli, madje ka përfunduar disa kurse pranë sektorit të garave në FSHF përfshi këtu edhe atë të analistit.

Në të njëjtën kohë Kaso ushtronte një aktivitet privat në qytetin e Bilishtit, kryesisht me riparime televizoresh dhe kamerash sigurie.

Shkencëtarët kanë gjetur një tunel nën sipërfaqen e Hënës.

Zbulimi i rrallë duket se konfirmon spekulimet e shumta rreth shpellave që mund të shtrihen nën sipërfaqen hënore.

Tani shkencëtarët kanë gjetur atë që duket të jetë një shpellë nëntokësore. Kjo shënon herën e parë që studiuesit kanë konfirmuar një shpellë të aksesueshme, me gjasë një tub i lënë nga llava që ka rrjedhur nën sipërfaqen e Hënës.

Të dhënat në fakt u mblodhën në vitin 2010, si pjesë e misionit të vazhdueshëm të NASA-s për Orbituesin e Zbulimit Hënor.

Por vite më pas, studiuesit i ri-analizuan ato të dhëna me teknika të reja të përpunimit të sinjalit, dhe zbuluan se kjo sugjeroi se ekzistonte një “përçues i shpellës nëntokësore”.

Puna është botuar në një srudim të ri, “Dëshmi radari të një kanali të shpellës së aksesueshme poshtë gropës Mare Tranquillitatis”, në revistën Nature Astronomy.

Vëllezërit e famshëm Veshaj, Donaldi dhe Romeo kanë shijuar pushimet në bregdetin e Shqipërisë, të shoqëruar nga partneret e tyre, Bora Zemanin dhe Heidi Baçin.

Dy çiftet e dashur për publikun kanë postuar shpesh në rrjetet e tyre sociale, duke treguar kohën e mirë që kalojnë nën shoqërinë e njëri tjetrit.

Bora dhe Donaldi kanë preferuar të mos publikojnë foto bashkë, ndryshe nga Heidi dhe Romeo, të cilët postojnë momente romantike për ndjekësit e tyre.

Në disa nga fotot e postuara nga ky i fundit, shihen dy kunatat të cilat qeshin me Romeon, ndërsa Donaldi qëndron pas kamerës.

Një 23 vjeçar shqiptar ka humbur jetën ditën e djeshme, pasi prindërit e kishin lënë vetën në makinë për orë të gjata, e si pasojë të temperaturave të larta i riu ka ndërruar jetë.

Ngjarja ka ndodhur në Amarinthos të Evias në Greqi. Petrit dhe Vezire Elezi 56 dhe 48 vjeç nga Durrësi, kanë gjetur brenda automjetit të tyre, të lënë të parkuar dhe të pasiguruar jashtë banesës, djalin e tyre Skerdi Elezi 23 vjeç, i cili ishte pa ndjenja.Ai është transportuar në spital rreth orës 12:00 dhe në orën 23:37 ka ndërruar jetë.

Në orët e para të mëngjesit të sotëm, policia greke ka arrestuar dy prindërit Petrit e Vezire Elezi me akuzën se kanë lënë të pafuqishëm djalin e tyre, i cili vuante nga një çrregullim neuropsikologjik, konkretisht autizëm.

Gjithashtu është urdhëruar kryerja e autopsisë së viktimës.