Lajmet e Fundit
Disa vite më parë,Noizy u bë baba i një vajze.
Edhe pse lidhja e tij nuk funksionoi, raporti i tij me të bijën është shumë I mirë.
Por pse ai nuk pub likon asnjëherë fotografi të saj dhe flet shumë rrallë për të?
Rreth kësaj, reperi nga Shqipëria ka folur javë më parë në emisionin NIN në Klan Kosova.
Ai tregoi arsyen pse nuk ndan imazhe të saj me ndjekësit dhe shumëçka tjetër rreth saj,karrierës dhe jetës së tij personale.
Për dekada kanë kaluar të paditur poshtë një thesari të vërtetë. Çdo ditë, në kuzhinën ku shpesh herë bënin llogaritë për buxhetin familjar, qindra monedha floriri ndodheshin vetëm pak centimetra poshtë tyre.
Por fati nuk mund të ishte aq i beftë, dhe i shpërbleu. Pikërisht ajo kuzhinë e një shtëpie anonime në Jorkshair, në Britaninë e Madhe, në 2019 ishte në një gjendje kritike, me nevojë urgjente për rikonstruktim.
Punimet në themelet nxorën pothuajse menjëherë detajet e një qypi prej balte, ku ndodheshin 264 monedha ari, disa prej tyre të vjetra katër shekuj. Më të rejat ishin të vitit 1727, dhe studiuesit që u konsultuan më vonë mendojnë se pikërisht ajo është data kur janë groposur, për arsye të panjohura.
Me siguri dihet kush i ka fshehur, pronarët e parë të godinës, Joseph Fernley dhe bashkëshortja Sarah, që sipas historianëve ishin tregtarë të mëdhenj të zonës, kryesisht në hekur dhe qymyr.
Zbulimi i viti 2019 u duk menjëherë i rëndësishëm, dhe tërhoqi vëmendjen e koleksionistëve nga e gjithë bota, sepse një sasi e tillë monedhash, nuk është e lehtë të shitet nga privatë.
Pak ditë më parë, pronarët anonimë të shtëpisë kanë shitur në ankand thesarin për rreth 850 mijë euro, duke i ndryshuar atyre jetën.
Një adoleshente nga Puka po përjeton presionin psikologjik që shoqja e saj po ushtron mbi të.
Vajzës i kërkohet të zërë të dashur, ndryshe shoqja nuk do ta mbajë më mike sepse “është e prapambetur”. Historia shokuese është rrëfyer.
“Jam një 16 vjeçe nga Puka dhe jam nxënëse shumë e mirë në mësime. Jam shumë simpatike.
Nuk kam qenë asnjëherë e lidhur edhe pse një djalë më pëlqen shumë fort. E kam në shkollë.
Unë kam një shoqe të ngushtë që është 17 vjeçe dhe ajo ka patur 2 të dashur deri më tani.
Mua më pëlqen muzika dhe piktura dhe kohën e lirë e kaloj duke u marrë me to dhe shoqen. Ama shoqja është mërzitur shumë me mua, më quan të prapambetur se nuk jam lidhur.
Ajo madje tani që ky djali më ka propozuar më thotë që s’do t’më flasë më ose s’do t’më mbajë më shoqe nëse nuk e pranoj atë djalin në lidhje. Por unë kam frikë.
Nuk jam e vogël e di, por dua t’jem e sigurtë. Më vjen zor të lidhem që tani sepse e di që lidhja s’do shkojë kërkund. Unë shoqen e dua shumë se jemi rritur bashkë. Nuk dua ta humbas sepse ajo vetëm më qorton dhe kritikon për tipin tim që s’jam e afërt me djemtë.
Madje unë as foto në rrjete sociale nuk më pëlqen të hedh, më mirë bëj një pikturë.
Shoqja ka 2 ditë që s’më flet dhe tani jam shumë keq. Çfarë të bëj? Ta pranoj atë djalin për të folur në Facebook? Më jepni një mendim sepse nuk dua ta humb shoqen time…”, shkruan ajo.
DASHI
Kjo ditë në fund të gushtit mund t’ju sjellë disa sfida delikate në planin e punës, asgjë që nuk mund ta kapërceni me vendosmërinë tuaj të zakonshme. Komunikimi është kyç. Në dashuri mund të shfaqen disa keqkuptime të vogla.
DEMI
Sipas horoskopit të Paolo Fox (e premte 23 gusht 2024), ju pret një ditë reflektimesh dhe mendimesh të mundshme, një situatë që mund t’ju bëjë të bëni disa konsiderata të rëndësishme. Sa i përket punës, tani kërkohet shumë përqendrim. Në dashuri është koha për të bërë një hap përpara.
BINJAKËT
Dita duket dinamike dhe plot mundësi për shumë prej jush. Sidomos në sferën sociale. Takimet e reja mund të jenë të dobishme si në nivelin personal ashtu edhe në atë të punës: shfrytëzoni të gjitha mundësitë. Në dashuri dialogu është çelësi i forcimit të marrëdhënies në çift.
GAFORRJA
Në këto 24 orë mund të ndiheni pak nën presion, sidomos për shkak të përgjegjësive familjare. Përpiquni të qëndroni të qetë dhe të mos mbyteni nga emocionet. Sa i përket punës, duhet më shumë pragmatizëm për të kapërcyer çdo pengesë.
LUANI
Sipas horoskopit të Paolo Fox (e premte 23 gusht 2024), energjia juaj është ngjitëse dhe do të tërhiqni vëmendjen e atyre që ju rrethojnë, si në punë ashtu edhe në jetën private. Mund të merrni propozime interesante që do t’ju lejojnë të shprehni më së miri aftësitë tuaja.
VIRGJËRESHA
Në këto 24 orë do të ndiheni veçanërisht të vëmendshëm ndaj detajeve dhe kjo cilësi do të jetë e dobishme në menaxhimin e punëve dhe çështjeve personale. Në dashuri mund të ndjeni nevojën për siguri dhe stabilitet më të madh; Mos kini frikë të shprehni dëshirat tuaja dhe kërkoni një dialog të hapur me partnerin tuaj.
PESHORJA
Ka ardhur koha për të marrë vendime të rëndësishme, veçanërisht në lidhje me bashkëpunimet dhe marrëdhëniet ndërpersonale. Kur bëhet fjalë për punën, qëndroni të përqendruar dhe mos e lini veten të shpërqendroheni nga mendimet e të tjerëve. Shëndeti është i mirë por shmangni teprimet.
AKREPI
Sipas horoskopit të Paolo Fox (e premte 23 gusht 2024), mund të ndiheni veçanërisht të frymëzuar dhe të gatshëm për të ndërmarrë projekte të reja, veçanërisht në fushën krijuese. Vendosmëria do t’ju bëjë të kapërceni çdo pengesë dhe të dalloheni për aftësinë tuaj për të shkuar përtej pamjes së gjërave.
SHIGJETARI
Në këtë periudhë të çuditshme për marrëdhëniet e dashurisë, duhet të mendoni mirë përpara se të thoni po ose jo. Edhe zemrat e vetmuara do të kenë një avantazh nga fundi i muajit, në fund të fundit Shigjetarit i pëlqen të eksperimentojë, të përfshihet, të ndryshojë rregullat e lojës nëse mërzia mbretëron. Për sa i përket punës, që prej muajit qershor disa projekte janë zvogëluar, nuk përjashtohet mundësia që të ketë pasur nga ata që kanë menduar padrejtësisht se janë lënë mënjanë. Tani do të jetë më e lehtë të ktheheni në lojë.
BRICJAPI
Jeni gati për të dashuruar. Edhe arritja e një kompromisi do të jetë më e lehtë. Po shkoni në një kapitull të ri në jetën tuaj, përfitoni sërish nga kjo situatë astrologjike: nga shtatori do t’ju duhet të mendoni pothuajse ekskluzivisht për të gjitha gjërat që do të duhet të bëni.
UJORI
Sipas horoskopit të Paolo Fox (e premte 23 gusht 2024), korriku ka qenë muaji më i rëndë, çiftet që janë ende bashkë në këtë fund gushti pas stresit të përjetuar në atë periudhë janë të fortë. Fëmijët, shtëpia, paratë, shumë mendime por edhe shumë zgjidhje që vijnë tani që Jupiteri është i favorshëm.
PESHQIT
Tensionet nuk kanë munguar, gushti nuk ka favorizuar ndjenjat. Përsa i përket punës, keni marrë përsipër disa përgjegjësi të mëdha për vjeshtën. Nuk do të mungojnë testet midis shtatorit dhe shkurtit. Guxim.
Sulmuesi shqiptar i Kosovës, rrëmbeu skenën në Ligën e Konferencës, teksa në minutën e 17-të, realizoi një gol spektakolar nga jashtë zonës, me fanellën e Kluzh në duelin ndaj qipriotëve të Paphos.
Me një goditje të kalibruar pasi shmangu disa kundërshtarë, Korenica e dërgoi topin në cepin e portës, duke mos i lënë asnjë shans portierit kundërshtar, teksa pjesa e parë u mbyll me rezultatin 1-0, falë golit të 27-vjeçarit.
Vlen të theksohet fakti se Kluzh mbeti me 10 lojtarë në minutën e 40-të, pasi Deac u ndëshkua me karton të kuq./PANORAMASPORT.AL
GOLI I KORENICËS: VIDEO
Grupi sulmues i aeroplanmbajtëses USS Abraham Lincoln ka mbërritur në Lindjen e Mesme këtë të enjte, duke iu bashkuar transportuesit USS Theodore Roosevelt, i cili është vendosur në rajon prej disa kohësh.
Sipas Komandës Qendrore të SHBA-së në platformën ‘X’, “USS Abraham Lincoln” mban avionë luftarakë F-35 dhe F-18 dhe po shoqërohet nga një skuadron shkatërruesish.
Pentagoni dërgoi grupin transportues në rajon në fillim të këtij muaji pas vrasjes së shefit të byrosë politike të Hamasit, Ismail Haniyeh në Teheran dhe operativit të lartë të Hezbollahut, Fuad Shukr në Bejrut.
Izraeli mori përgjegjësinë për sulmin që vrau Shukr, por as konfirmoi dhe as mohoi përfshirjen në vdekjen e Haniyeh. Teherani, megjithatë, kërcënoi Izraelin me “ndëshkim të ashpër”, ndërsa shteti hebre po përgatitet për sulme ndërkufitare.
“Koha është në favorin tonë dhe periudha e pritjes për këtë përgjigje mund të jetë e gjatë”, tha të martën Alimohammad Naini, zëdhënës i Korpusit të Gardës Revolucionare Islamike.
Forcat e Mbrojtjes të Izraelit, nga ana tjetër, kërcënuan me më shumë sulme ushtarake kundër Hezbollahut në Liban, duke shkaktuar frikën e një pushtimi të plotë, ndaj prania e luftanijeve amerikane pasqyron frikën e një përshkallëzimi në Lindjen e Mesme.
Sakaq, SHBA dhe Izraeli janë të shqetësuara se Irani mund të kryejë një sulm të kombinuar ndaj shtetit hebre, duke punuar së bashku me grupe të ndryshme pro-palestineze, duke përfshirë Hezbollahun dhe rebelët Houthi të Jemenit.
Diçka e pazakontë po ndodh në Oqeanin Atlantik dhe shkencëtarët ende nuk mund të kuptojnë se çfarë po e shkakton atë.
Temperaturat sipërfaqësore të Oqeanit Atlantik kanë rënë ndjeshëm në muajt e fundit, në kundërshtim me tendencat e ngrohjes globale që kanë arritur nivele rekord gjatë vitit të kaluar.
Sipas të dhënave nga Agjencia Kombëtare Oqeanografike dhe Atmosferike (NOAA), temperaturat e sipërfaqes së Atlantikut filluan të ftohen në maj. Kjo rënie e papritur e temperaturës ka bërë që ujërat e Atlantikut tani janë një ose dy gradë më të ftohtë se normalja për këtë periudhë të vitit.
Oqeanet janë të ndjeshëm ndaj ndryshimeve të shumta të motit gjatë vitit, ndaj kjo lloj luhatjeje është disi e pritshme. Megjithatë, ekspertët parashikuan se temperaturat e Atlantikut do të rriteshin, pjesërisht për shkak të ndryshimeve klimatike të shkaktuara nga njerëzit dhe pjesërisht për shkak të një modeli kompleks të motit të njohur si El Nino.
El Nino do të thotë ngrohje e sipërfaqes së oqeanit ose temperatura që janë mbi mesataren. Që nga marsi 2023, Oqeani Atlantik regjistroi temperatura të larta rekord, të cilat kryesisht i atribuoheshin një El Nino të fortë gjatë 2023 dhe 2024.
Por tani El Nino i Atlantikut duket se është në rrugën e tij për t’i lënë para kohe vendin ekuivalentit të tij më të ftohtë, La Nina.
La Nina është fenomeni i kundërt i karakterizuar nga temperatura jashtëzakonisht të ftohta të oqeanit. Edhe pse La Nina zakonisht pritet të fillojë në shtator, ky tranzicion i papritur tashmë po i shqetëson shkencëtarët.
Të dyja këto fenomene të motit janë jashtëzakonisht komplekse dhe i nënshtrohen ndikimeve të tilla si erërat tregtare, ngrohja diellore dhe reshjet, gjë që e bën të vështirë parashikimin e tyre. Megjithatë, rënia e papritur e temperaturës së Atlantikut dhe kalimi i tij i mundshëm në La Nino i ka lënë ekspertët pa një përgjigje të qartë. “Ne kaluam një listë të mekanizmave të mundshëm, por deri më tani asgjë nuk përshtatet,” i tha New Scientist Frans Philip Tuchen, një student postdoktor në Universitetin e Majamit.
Këto ndryshime të paparashikuara ngrenë shqetësime për ndikimet e mundshme mjedisore. NOAA paralajmëron se ndryshimet në modelet e El Nino dhe La Nina mund të ndikojnë në reshjet e shiut në kontinentet fqinje.
Nëse Oqeani Atlantik do të kalojë plotësisht në La Nina është ende duke u parë nga afër. Nëse kjo ndodh, parashikimet klimatike për zonat përreth mund të ndryshojnë ndjeshëm deri në fund të vitit.
Nga janari i vitit që vjen do të na duhet që përpara se të udhëtojmë në vendet e Shengenit, të marrim një konfirmim on line në sistemin Etias nëse mund të udhëtojmë.
Ky rregull i ri shoqërohet edhe me një pagesë prej 7 euro për person dhe leja është e vlefshme për 3 vite. Shqipëria është një nga 60 vendet në gjithë botën që kanë të drejtën e lëvizjes së lirë pa viza në hapësirën Shengen.
Kjo është harta e vendeve dhe me ngjyrën jeshile, përfshi edhe Shqipërinë dhe vendet e Ballkanit Perëndimor, hyjnë në sistemin e ri të lëvizjes.
Po si do të funksionojë? Bashkimi europian e ka planifikuar prej kohësh këtë sistem të ri që bën një menaxhim më të mirë të hyrjes në kufirin e bashkimit europian. Sistemi do jetë aktiv në janar të vitit 2025 dhe për gjashtë muaj do jetë një periudhë prove.
Rregullat janë të qarta. Çdo person mbi 18-vjeç duhet të aplikojë duke futur të dhënat e tij të pasaportës dhe në e-mail do marrë një njoftim konfirmimi së bashku me një kod që është unik dhe që nuk duhet humbur. Leja e dhënë kushton 7 euro për person, për të gjithë të miturit nën 18 vjeç dhe të moshuarit mbi 70 vjeç përjashtohen nga pagesa. Nëse ndryshoni pasaportën, apo emrin duhet bërë aplikim nga e para sepse leja jepet për dokumentin e udhëtimit.
Koha e qëndrimit sërish është 90 ditë ndërsa kjo leje nuk do të heqë kontrollet në kufi, sërish çdo vend i Shengenit në kufi do kërkojë dokumentet shtesë për udhëtimin dhe ka të drejtën e refuzimit të hyrjes. Aplikimi duhet bërë shumë kohë para planifikimit të udhëtimit, ndërsa korrigjimi i të dhënave në sistem, nëse aplikimi është bërë gabim zgjat për 30 ditë.
Në listën e vendeve që do hyjnë në sistemin e ri, përveç vendeve të Ballkanit dhe Shqipërisë janë edhe shtetet e bashkuara të Amerikës, Kanadaja apo Britania e Madhe por edhe shumë vende të tjera në të gjithë botën.
Një krijesë e rrallë e quajtur ‘peshku i ditës së gjykimit’ u zbulua nga snorkelistët në brigjet e Kalifornisë Jugore.
Peshku rrem me 12 këmbë, i cili duket si një gjarpër i madh deti, ishte i ngordhur kur u gjet dhe u soll në breg në La Jolla Cove më 10 gusht. Kjo gjetje i shokoi shkencëtarët detare, ku Instituti Scripps të Oqeanografisë në një postim në Facebook u shpreh se takimi me një krijesë të tillë është shumë e rrallë. Që nga viti 1901 deri më tani vetëm 20 peshq të tillë janë parë në Kaliforni.
Në fotot e publikuara, krijesa detare e gjatë duket si një gjarpër në sipërfaqen e oqeanit. Krijesa e çuditshme kishte një shkëlqim argjendi me njolla gri dhe të zeza përgjatë shpinës dhe shirita të kuq si flokë që i rriteshin nga balli.
Kjo krijesë njihet si peshku i ditës së gjykimit sepse në disa zona të botës, këto krijesa shihen si pararojë të lajmeve të këqija, veçanërisht fatkeqësive ose shkatërrimit, sipas Ocean Conservancy.
Sipas legjendës, nëse shihni një peshk rrem, është një shenjë paralajmëruese nga fuqitë më të larta se fatkeqësitë si tërmetet do të ndodhin së shpejti. Në Japoni, thuhet se 20 peshq të tillë dolën në breg pak para një tërmeti shkatërrues në 2011.
Grupi i entuziastëve të detit, me ndihmën e Grantit të Detit të Kalifornisë dhe anëtarëve të Shërbimit të Peshkimit të Administratës Kombëtare Oqeanike dhe Atmosferike, kontaktuan rojet e shpëtimit për ta çuar peshkun në një strukturë të NOAA. Atje, shkencëtarët do të kryejnë një nekropsi për të provuar të përcaktojnë shkakun e vdekjes së krijesës.
Një ngjarje e rëndë ka ndodhur në zonën e Lodit në Itali, ku një afrikan ka goditur me një çekiç pas koke një taksist shqiptar.
Mediat italiane shkruajnë se pasi arriti në destinacion, për të shmangur pagesën prej 80 eurosh të tarifës, 25-vjeçari afrikan nxori çekiçin dhe sulmoi 40-vjeçarin shqiptar, i cili për fat të mirë reagoi shpejt duke dalë menjëherë nga makina.
Kamerat e taksisë dhe dëshmia e një banori, i cili ka dëgjuar britmat dhe ka dhënë informacion, kanë bërë të mundur arrestimin e autorit.
