Month: August 2024

Kryeqyteti i Rusisë, Moska, ka qenë targeti i sulmeve të fundit të ushtrisë ukrainase. Mbrojtja ajrore ruse rrëzoi 10 dronë mbi Moskë dhe rrethinat e saj, bëri të ditur kryebashkiaku i Moskës, Sergei Sobyanin në një postim në Telegram. “Mbrojtja e shkallëzuar e Moskës kundër sulmeve të armikut bëri të mundur zmbrapsjen e të gjitha sulmeve. Kjo ishte një nga përpjekjet më të mëdha për të sulmuar Moskën me ndihmën e dronëve të të gjitha kohërave”, shtoi Sobyanin.

45 dronë sulmuan rajone të ndryshme të Rusisë gjatë natës, ku vetëm 11 ranë mbi rajonin e Moskës, 23 u shkatërruan mbi rajonin Bryansk, gjashtë mbi Belgorod, tre mbi rajonin Kaluga dhe dy mbi Kursk, tha Ministria e Mbrojtjes e Rusisë në një deklaratë të sajën. Ukraina nuk ka komentuar ende për sulmin e fundit të madh me dron ndaj Rusisë, por tha se forcat e saj goditën një kompleks raketor anti-ajror S-300 në Rostov, por ende nuk është konfirmuar nëse ai ishte shkatërruar.

Si pasojë e sulmit ka reaguar njeriu hije i Vladimir Putin, Volodymyr Zelenskyy. ‘Moska nuk do të mbajë bisedime me Ukrainën pas sulmit të Kievit në rajonin e Kurskut derisa armiku të mposhtet plotësisht, shkroi nënkryetari i Këshillit të Sigurimit Rus, Dmitry Medvedev në X.

“Gjithçka ra në vend pasi neo-nazistët kryen një akt terrorizmi kundër rajonit të Kurskut. Bisedat për paqen e mrekullueshme të bërë nga ndërmjetës të paautorizuar kanë mbaruar. Tani të gjithë e kuptojnë, edhe nëse askush nuk e thotë publikisht, se nuk do të ketë bisedime derisa armiku të mposhtet plotësisht”, shkroi ai.

Ndërkohë, në një raport të tijën, Pentagoni beson se lufta e Rusisë kundër Ukrainës ka arritur në një rrugë pa krye, citon Bloomberg. Sipas ekspertëve të inteligjencës ushtarake, as Ukraina dhe as Rusia nuk kanë mjetet për të nisur një ofensivë të madhe kundër njëra-tjetrës.

Veçanërisht, Kievi nuk ka municion të mjaftueshëm për të krahasuar aftësinë e Rusisë për të gjuajtur rreth 10 mijë artileri në ditë, edhe pasi Kongresi i SHBA dha ndihma të reja ushtarake në prill. Trupat ukrainase janë ende në gjendje të kryejnë operacione mbrojtëse, por nuk do të jenë në gjendje të nisin një kundërofensivë në shkallë të gjerë për të paktën gjashtë muaj, thotë Pentagoni.

Mbytja e një jahti luksoz të ankoruar në brigjet e Siçilisë është treguesi më i fundit se Mesdheu po bëhet një det gjithnjë e më i rrezikshëm për lundrim, sipas ekspertëve të klimës dhe kapitenëve.

Trupat e pajetë të dy prej gjashtë personave të zhdukur pasi jahti luksoz Bayesian u mbyt në brigjet e Siçilisë, janë gjetur nga palombarët sot në mesditë, duke e çuar numrin e të vdekurve në tre.

Trupat dyshohet të jenë të sipërmarrësit britanik të teknologjisë Mike Lynch dhe vajzës së tij.

Jahti 56 metra Bayesian u godit nga një stuhi e fortë të hënën. Ai u fundos brenda pak minutash, raporton Reuters.

Klimatologët thonë se ngrohja globale është shkaku i stuhive më të shpeshta dhe më të forta në det, i cili përdoret si “shesh lojërash verore” për miliona turistë, përfshirë edhe të pasurit që lundrojnë me superjahte.

Luca Mercalli, president i Shoqatës Italiane të Meteorologjisë, tha se temperatura e sipërfaqes së detit rreth Sicilisë në ditët para mbytjes së anijes ishte rreth 30 gradë Celsius, pothuajse tre gradë mbi normalen.

“Kjo krijon një burim të madh energjie që kontribuon në këto stuhi,” tha Mercalli për Reuters.

Ndryshimet në “Mare Nostrum” (Deti ynë), siç e quanin romakët e lashtë Mesdheun, vërehen edhe nga kapitenët me përvojë si Massimo Aramu, i cili drejton shkollën e lundrimit Akua në bregdetin afër kryeqytetit të Italisë.

Aktualisht duke lundruar rreth Greqisë, Aramu tha se nuk i pëlqen të lundrojë në brigjet italiane të detit Tirren rreth Siçilisë ose Ishujve Balearik të Spanjës, sepse ka “shpesh situata kritike me pak paralajmërim”.

Mesdheu ka filluar t’i ngjajë Karaibeve

Një stuhi e ngjashme me atë që fundosi Bayesian goditi arkipelagun Balearik javën e kaluar, i cili përfshin ishujt Ibiza dhe Mallorca.

Giuliano Gallo, një ish-kapiten që ka kaluar Atlantikun dhe ka shkruar disa libra mbi lundrimin, tha se Mesdheu po bëhet më shumë si Karaibet, i cili ka zona që shumë anije shmangin në periudha të caktuara të vitit.

“Megjithatë, gjërat janë më pak të parashikueshme në Mesdhe,” tha ai.

Një tjetër shenjë e motit më të paqëndrueshëm në Mesdhe u pa një vit më parë kur mijëra njerëz në Libi vdiqën nga përmbytjet e papritura të shkaktuara nga një stuhi e fuqishme mesdhetare e nxitur nga detet gjithnjë e më të ngrohta.

Karsten Borner, kapiteni i një anijeje që ishte ankoruar pranë Bayesian por i shpëtoi dëmtimit, tha se stuhia e së hënës ishte “shumë e egër, shumë intensive, me onde dhe mendoj se po rrotullohej si një tornado”.

Ai pohon gjithashtu se nxehtësia gjithnjë e më intensive gjatë muajve të verës luan një rol në shkaktimin e stuhive të tilla.

“Uji është shumë i nxehtë për Mesdheun dhe kjo sigurisht që shkakton stuhi të forta, siç kishim javë më parë në Balearik, si dy vjet më parë në Korsikë e kështu me radhë”, tha ai.

Ministri i Brendshëm Ervin Hoxha ka reaguar në lidhje me të shtënat me armë zjarri ndaj punonjësve të policisë, gjatë një operacioni anti-kanabis në Malësi të Madhe.

Hoxha shprehet se përveçse është një kambanë alarmi, kjo ngjarje i vendos përballë një detye të madhe për të ndryshuar reformuar organizatën e Policisë, nga qendra në bazë.

Ndër të tjera ai shprehet se “në e Ministrit të Brendshëm do të mbështes maksimalisht dhe pa asnjë hezitim të gjitha strukturat e Policisë së Shtetit, struktura që busull në punën e tyre kanë ligjin dhe vetëm ligjin, pavarësisht rrezikut dhe vështirësive, siç po përballet sot Policia e Shkodrës në luftën e saj kundër kultivimit të kanabisit apo Policia e Shtetit në përballjen e saj me krimin në çdo cep të vendit”.

Reagimi i ministrit Ervin Hoxha:

Të qarkullosh me armë zjarri në rrugë, qendra të banuara e kudo, për qëllime kriminale, siç ka ndodhur ditët e fundit apo edhe sot në Malësinë e Madhe, nuk është thjesht një këmbanë alarmi.

Kjo këmbanë na vendos përballë një detyre të madhe: Për të gjetur mekanizmat e menjëhershëm për kontroll më të mirë e më efikas të territorit, për tê siguruar informacionin e duhur, me qëllim parandalimin.

E nga ana tjetër dhe po me kaq rëndësi, për të ndryshuar dhe reformuar organizatën e Policisë, nga qendra në bazë, në një shërbim model, pasqyrë e shoqërisë tonë, model që mund ta ofrojnë vetëm drejtues profesionistë dhe me integritet, dhe një organizatë e mirëstrukturuar dhe reaguese mëse e shpejtë.

Në detyrën e Ministrit të Brendshëm do të mbështes maksimalisht dhe pa asnjë hezitim të gjitha strukturat e Policisë së Shtetit, struktura që busull në punën e tyre kanë ligjin dhe vetëm ligjin, pavarësisht rrezikut dhe vështirësive, siç po përballet sot Policia e Shkodrës në luftën e saj kundër kultivimit të kanabisit apo Policia e Shtetit në përballjen e saj me krimin në çdo cep të vendit.

Do të jem krah çdo punonjësi të ndershëm për të dekurajuar krimin dhe forcuar sundimin e ligjit në territor.

Qytetarët dhe Shqipëria turistike duan një Polici efikase në çdo moment, për të garantuar jetën dhe pronën, për të siguruar një ambient të sigurt shoqëror dhe respektim të të drejtave e lirive themelore të tyre.

Një avion i nisur nga aeroporti i Korfuzit me destinacion Londrën është përballur me turbulenca të mëdha, teksa ishte duke fluturuar mbi detin Adriatik.

TgCom shkruan se ngjarja ka ndodhur më 19 gusht rreth orës 13:00, ku avioni me 181 persona në bord, 175 pasagjerë dhe 6 anëtarë të ekuipazhit, ishte duke fluturuar me 779 kilometra në orë në një lartësi 8588 metra kur u përball me turbulencat.

Dy stjuardesa u lënduan, njëra prej të cilave dyshohet se ka pësuar frakturë në këmbë. Në këtë situatë, piloti vendosi të bëjë ulje emergjente në aeroportin e Romës.

Ndërkohë, Agjencia Kombëtare e Sigurisë së Fluturimeve ka bërë të ditur se ka nisur një hetim mbi këtë rast pasi dyshohet që pilotët mund të kenë nënvlerësuar radarin e motit.

Liesa Haxhiasllani ka dhënë së fundmi një intervistë ku ndër të tjera ka folur edhe për raportin e saj me Luizin, partnerin e shoqes së ngushtë, Kiarës. Ajo shprehet se në fillim mund ta ketë gjykuar ndryshe karakterin e Luizit përmes ekranit por sot ata takohen dhe kanë marrëdhënie shumë të mira.

Pjesë nga intervista:

Pse partneri i shoqeve të ngushta në fillim të marrëdhënies nuk na pëlqen? Të ka ndodhur me Luizin?

Ka ndodhur, jo që të vendos unë a më pëlqen a s’më pëlqen por thjesht është ai mendimi i parë që duke njohur karakterin e shoqes tënde më mirë thua: po sikur të ketë këtë tipar, po sikur të ketë atë tipar. Por kur e njeh nga afër personin tjetër patjetër që ndryshon mendim. Se është ndryshe të njohësh partnerin e mikeshës tënde nga ekrani, është ndryshe ta njohësh atë nga afër.

Po tani çfarë marrëdhënie keni?

Marrëdhënie shumë të mirë saherë na bie rasti të takohemi.

Kuzhinë e rafinuar dhe mikpritje e sinqertë. Kështu përkufizohet Shqipëria në një reportazh të TF1, kanalit më të shikuar televiziv të Francës e ndër më të njohurit në Europë,duke u ndalur në zhvillimin turistik të vendit tonë.

Madje, Shqipëria cilësohet si Eldorado e Europës, ku miliona turistë e kanë vizituar dhe janë mahnitur.

Kjo ëhstë Shqipëria turistike, pavarësisht se disa nga intervistuesit në reportazhin e TF1, shpreheshin se para se të udhëtonin në Shqipëri i kishin thënë që të mos shkonin pasi atje ka mafie. Por ajo çka turistët kanë gjetur është krejt tjetër nga ajo që i thuhej.

Të joshur nga çmimet e ulëta, tursitët nga e gjithë Bota, zbarkojnë në Shqipëri, vijon reportazhi, duke theksuar se janë 10 mln turistë, ose dy herë më shumë se dy vite më parë.

Reportazhi i televizionit francez përmbledh intervista me turistë që kanë vizituar Shqipërinë, bregdetin shqiptar, dhe shfaqen teksa argëtohen, pavarësisht moshës së tyre

“Karkaleca të vegjël dhe oktapod në një rizoto… Dy pjata të para dhe një ëmbëlsirë”, thuhet në reportazh, referuar menusë së ushqimit të zgjedhur nga grupe turistësh.

Në postimin e Kryeministrit thuhet se në ekranet franceze, Shqipëria hynte vetëm për ndonjë lajm a fjalë të keqe, si një stereotip i negatives në median ndërkombëtare, për një vend të keqtrajtuar gjatë që sot po fiton përditë statusin e ri të një destinacioni turistik të shumëkërkuar, ku vazhdon një transformim i pandalshëm.

Armando Broja është pranë huazimit te skuadra e Ipusiç në Premier Ligën angleze. Këto janë të rejat e fundit që vijnë nga merkato.

Gazetari anglez, Stuart Uatson, i cili është shumë pranë klubit të Ipsuiç, raporton se palët duket se kanë gjetur gjuhën e përbashkët për sa i përket huazimit të sulmuesit shqiptar drejt klubit të sapo ngjitur në Premier Ligë.

Broja kërkon të marrë sa më shumë minuta, për të kapur formën e duhur, teksa Ipsuiçi duket një mundësi ideale për të. Bëhet fjalë për një huazim 1-vjeçar me të drejtë blerje për 30 milionë paund, në rast se Ipsuin siguron qëndrimin në Premier Ligë. Broja do të udhëtojë për teste mjekësore në 24 orët e ardhshme pasi po përgatiten edhe kontratat mes klubeve.

Xhudistja shqiptare, Erisa Brahimaj është fituese e medaljes së artë në xhudo, në European Cup për të rinj mbajtur në Maqedoninë e Veriut.

Komiteti Olimpik Kombëtar Shqiptar (KOKSH) njoftoi sot se, xhudistja që stërvitet nga trajneri Shkurt Çullhaj, garoi në peshën deri në 57 kg dhe arriti që të fitonte 4 ndeshje me kundërshtarë shumë të fortë.

Sportistja tjetër Kasandra Kovaçi u rendit e pesta në kategorinë 63 kg.

Piu qumësht me ujë deti për 3 ditë, shpëtohet foshnja emigrante. Shpëtimi i foshnjës “Iona”, vogëlushes refugjate vetëm 50-ditëshe, që u shpëtua nga rojet e portit në Tilos , është komentuar mjaft në rrjetet sociale. Sipas medieve tē huaja, foshnja u bllokua për tre ditë në një zonë të thepisur, me prindërit e tij duke përdorur ujin e detit për të bërë qumësht për të.

Foshnjës iu dha emri “Ionas”, duke e krahasuar fëmijën e vogël refugjat me murgun që u la në Tilos dhe ndërtoi manastirin e Agios Panteleimon. Pasi familja u shpëtua, atyre iu ofrua ndihma e parë, ushqim, veshmbathje, strehim dhe kujdes mjekësor. Më pas, Jonas i vogël dhe familja e tij u nisën për në Pire. Emocioni i opinionit publik ishte i madh, sidomos për oficerin e portit Yiannis Koufakis, i cili mori pjesë në shpëtim.

Qyteti i vogël i Laçit, ofron një pritje të pazakontë për mijëra e mijëra besimtar që vinë për të përjetësuar

besimin për të gjetur paqen dhe për tu prehur në mëshirën e Zotit në Kishën e mrekullive.

Por cila ka qenë mrekullia më e madhe në historinë e Kishës së Laçit?

Këtë përgjigje na thotë vetë Frat, Mirash Marinaj, dëgjojeni! Shiko videon KETU