Month: August 2024

Një 15-vjeçare ka zbuluar se i ati ka një marrëd.hënie jashtëmartesore me një femër dhe ndjehet në dilemë se çfarë duhet të bëjë.

Ajo është shumë e vogël për tu përballur me këto situata dhe ndihet në faj përt atë që ka zbuluar. Tashmë në kokën e saj lind pyetja më e madhe…Nëse duhet t’i tregojë gjithçka së ëmës.

Historia është shumë pre. këse por rrëfen realitetin e hi.dhur kur një prind nuk merr asnjë përgjegjësi për familjen e tij.

Në lot ajo rrëfen faktin se ka qenë shumë e lidhur me babain e saj, por në të njëjtën kohë ka respekt për të jëmën e cila është një zonjë grua dhe meriton të jetë e dashuruar. 

“Jam një vajzë 15 vjeçe shqipëtare dhe tashmë po përjetoj periudhën më të vë.shtirë të jetës time.Kam 1 muaj që kam zbuluar diçka të tme.rrshme në lidhje me prindërit e mi dhe ekzaktësisht me babain tim, i cili ka qenë edhe mashkulli më shembullor në vizionin tim.

Por, duket se qenkam ga.buar shumë për të pasi ai është një njeri u ulët dhe i paf.ytyrë dhe ka bërë një veprim që as në botën tjetër nuk do tia fal.Babai po tra.dhëton mamin tim, e cila është një grua e devotshme për familjen dhe ska asnjë faj në këtë botë.

Nuk e di se prej sa kohësh vazhdon kjo histori, por një ditë e pashë se po i dërgonte një ze.mër dikujt në telefonin e tij celular.Ishte një veprim i dukshëm nga ana e tij pasi kur po e dërgonte, mesazhin e shoqëronte dhe me një buzëqeshje din.akërie në fytyrën e tij.

Në atë moment babi shkoi në dush dhe i kapa telefonin dhe nuk u mendova dy herë.Duke ia ditur kodin e hapjes, e pash kujt ia kishte dërguar mesazhin dhe ishte një vajzë e cila duhet ti vijë t.urp nga vetja që pr.ish familje.Babi nuk i kishte f.shirë ende mesazhet e asaj dite.

Kisha disa kohë që dy.shoja se kishte diçka, por nuk e dija se çfarë ishte.Dhe për të qenë e sinqertë, nuk kam dy.shuar kurrë tek babai, i cili gjatë gjithë kohës shtirej se po luante rolin e prindit shembullor në shtëpi.I mora në telefon numrin e asaj që ja niste dhe një ditë i rashë pa numër dhe më doli zë femre.

Fliste me dialekt të Tiranës.Babin e kam biznesmen dhe shumë shpesh udhëton dhe në Tiranë shkon pothuajse përditë.Doja ta of.endoja atë që më doli në telefon, por u mpíva dhe nuk po dija se si të veproja. Nuk desha të tregohem e pa-kulturuar.

Kam biseduar me një shoqen time dhe ajo më këshilloi t’i kontrolloja telefonin e tij celular, në mënyrë që të kuptoja sa kohë kishte dhe nëse ishte një çështje serioze.Pr.oblemi është se çfarë duhet të bëj?

Një pjesë e imja thotë t’ja tregoj mamit, një pjesë tjetër thotë të mos shka.tërroj martesën e prindërve…Babin nuk e shoh dot me sy. Nëse ai ndahet me mamin me kë do të jetoj unë? Po vëllai?A do martohet ajo me babin tonë? Po mami do të martohet me burrë tjetër?”, thotë ajo

Dashi

Të lindurit e kësaj shenje do të jenë të përhumbur në reflektime si të karakterit sentimental edhe të atij profesional. Megjithatë i keni të gjitha mundësitë që të shkëputeni nga disa problematika në proces.

Demi

Mund të rigjeni një gjendje lumturie dhe shpërqendrimi total nga problemet. Kjo gjë vlen si për sferën e ndjenjave edhe për atë profesionale, ku gjatë kësaj të mërkure do të shfaqni më shumë besim në vete.

Binjakët

Do t’iu duhet të merrni vendim lidhur me disa situata gjatë kësaj dite, qoftë me sferën e ndjenjave edhe atë profesionale. Arritja e disa objektivave në jetën profesionale, do ju bëjë që të ndiheni më mirë.

Gaforrja

Mund ta gjeni veten në një periudhë tejet të favorshme, dhe që do ju bëjë të ndiheni mirë. Kjo e mërkurë do të jetë mjaft e qetë, si në sferën e ndjenjave edhe në atë profesionale.

Luani

Do të jeni të përhumbur në mendime gjatë kësaj dite, gjë që do të reflektohet edhe në fushën e ndjenjave. Sa i takon ambientit të punës, duhet të jeni më shumë të përqendruar.

Virgjëresha

Duhet të reduktoni patjetër dozat e ankthit dhe shqetësimet e kësaj dite, pasi rrezikoni shumë. Mundohuni që të përqendroheni maksimalisht si në sferën sentimentale edhe atë profesionale.

Peshorja

Do të jeni të përhumbur totalisht dhe gjithçka për shkak të një stresi të madh në vendin e punës. Megjithatë ndikimi i favorshëm i ndjenjave, do të bëj që të ndiheni të plotësuar në sferën sentimentale.

Akrepi

Do të jeni mjaft të favorizuar nga yjet gjatë kësaj dite. Ekziston mundësia që të keni sukses në çdo sferë të jetës suaj, shkruan noa.al. Fusha e ndjenjave dhe sektori profesional, do të jenë në maksimumin e tyre.

Shigjetari

Mund ti kushtoni më shumë vëmendje partnerit/es tuaj gjatë kësaj dite. Ndërkohë, yjet parashikojnë zhvillime të rëndësishme sa i takon sferës profesionale.

Bricjapi

Do të jeni në kërkim të lidhjeve mes vështirësive në fushën e ndjenjave dhe asaj profesionale. Në fund të ditës do të arrini të rivendosni ekuilibrin tuaj psikofizik.

Ujori

Gjatë kësaj dite do të ndiheni më të zbehtë për shkak të disa konflikteve, si në sferën sentimentale edhe profesionale. Mundohuni që të shfrytëzoni më mirë momentet dhe të gjeni hapësirë për të pushuar.

Peshqit

Kjo e mërkurë do të jetë mjaft e rëndësishme lidhur me karrierën tuaj profesionale. Ndërkohë fusha e ndjenjave, mund të jetë e luhatur në momente kritike.

Armando Broja do të jetë lojtari më i ri i ekipit të sapongjitur në Premier League, Ipswich Town. Klubi nga Suffolk do të nënshkruajë me sulmuesin kuqezi të Chelsea-t, emri i të cilit është përfolur për një kalim te Everton, Juventus, Milan dhe Borussia Dortmund gjatë kësaj merkatoje.

Mediat britanike kanë zbuluar se një marrëveshje është arritur dhe nënshkrimi me Brojën mund të shpallet brenda 24 orëve të ardhshme.

22-vjeçari do t’i japë më shumë forcë dhe potencë repartit ofensiv të Ipswich që përfshin Liam Delap, George Hirst (do të vuajë një dëmtim në gju deri në tetor), Ali Al-Hamadi dhe Freddie Ladapo, i cili ka dalë në shitje.

Broja e kaloi gjysmën e dytë të sezonit të kaluar si i huazuar te Fulham, ku ngeci në stol për shkak të superformës së Rodrigo Muniz.

Në fillim të këtij sezoni numri i tij 19 te Chelsea i kaloi blerjes më të re, Pedro Neto, ndërsa në “Stamford Bridge” pritet të mbërrijë edhe Joao Felix.

Bomberi nga Malësia e Madhe do të bëhet nënshkrimi i 10-të i verës për Ipswich pas Aro Muric, Ben Johnson, Jacob Greaves, Conor Tosnsend, Kalvin Phillips, Jens Cajuste, Omari Hutchinson, Sammie Szmodics dhe Delap.

Superylli i futbollit Kristiano Ronaldo dhe e dashura e tij, Xhorxhina Rodrigez, janë një nga çiftet e ëndrrave në botën e sportit. Së bashku, ata të dy kanë mbi 700 milionë ndjekës në “Instagram” dhe postojnë vazhdimisht foto të lumtura. Siç raportohet tani, një ndarje do t’i kushtonte shtrenjtë Ronaldos.

Luzitani dhe Xhorxhina janë në një lidhje që nga viti 2017. Supermodelja dhe ylli botëror u njohën në vitin 2016 në një dyqan “Gucci” në Madrid, ku ajo punonte si shitëse. Tashmë ata të dy janë çift prej shtatë vitesh. Sipas revistës portugeze “TV GUIA”, ka një marrëveshje kontraktuale që rregullon bashkëjetesën e tyre.

Ndër të tjera bëhet fjalë edhe për faktin se Rodrigez do të kishte stabilitet financiar në rast ndarjeje. Për të qenë më të saktë, nëse dashuria e tyre dështon, Ronaldo do të duhej të transferonte një shumë të përjetshme prej gati 100 mijë euro në muaj te Rodrigez.

Ajo do të bëhej edhe pronare e vilës së Ronaldos në Madrid. Prona prej 950 metrash katrorë ndodhet në një parcelë prej 4000 metrash katrorë, Ronaldo e bleu pronën në vitin 2010 për 5 milionë euro. Klauzolat e dashurisë thuhet se janë vendosur menjëherë pas lindjes së vajzës së tyre të parë Alana Martina.

Së bashku ata kanë dy fëmijë. Ronaldo ka gjithashtu djalin Kristiano Xhunior (nënë e panjohur për publikun) dhe binjakët Eva dhe Mateo, të cilët kanë lindur nga një nënë surrogate. Një gjë është e qartë: pasuria e Ronaldos vlerësohet në rreth 650 milionë euro. Në klubin e tij aktual Al-Nasr në Arabinë Saudite, ai thuhet se mbledh rreth 200 milionë euro në vit, duke e bërë atë futbollistin më të paguar në botë.

Një aksident tragjik u regjistrua të dielën e 18 gushtit në plazhin e Velipojës ku humbi jetën një 19-vjeçar italian. Në lidhje me ngjarjen ka reaguar e dashura e viktimës e cila ka qenë prezente kur ka ndodhur ngjarja së bashku më të vëllanë

19-vjeçari kishte ardhur për pushime me të dashurën e tij dhe vëllain e të dashurës në Shqipëri ndërsa dha frymën e fundit në vendin tonë. Në lidhje me ngjarjen u arrestua vëllai i të dashurës së viktimës.

E dashura e 19-vjeçarit, Giusy Di Tella, njëkohësisht dhe motra e të arrestuarit, Salvatore Di Tella, tha se ata nuk ishin as nën efektin e alkoolit dhe as të ndonjë droge, ndryshe nga çfarë thekson policia. Ajo shtoi se ngjarja ishte thjesht një aksident tragjik, një përplasje e papritur.

“Autoritetet shqiptare kanë lëshuar trupin e të dashurit tim dhe po përgatitemi për t’u rikthyer në Itali, por dua të theksoj fort se ishte thjesht një aksident tragjik, një përplasje e papritur. Ne nuk kishim pirë as alkool e as drogë. Unë, i fejuari im dhe vëllai im kemi qenë gjithmonë shumë të lidhur bashkë”, tha Giusy.

Ajo se ishte së bashku me Nicolan në jet-ski dhe mbrojti vëllain e saj Salvatore, duke thënë se ai nuk kishte asnjë faj, duke akuzuar policinë se kanë dhënë një version plotësisht të gabuar. Sipas saj në Shqipëri domosdoshmërisht duan të gjejnë një fajtor dhe kjo është arsyeja pse ata po kërkojmë ndihmë nga autoritetet italiane.

“Dy jet ski-të ishin larg njëra-tjetrës dhe ne nuk ishim aq larg bregut, ndryshe siç raportohet. Unë po xhiroja një video me celularin tim, kur Nicola më tha ta fikja. Në atë moment, pati një përplasje në anën e djathtë të jet ski-së tonë. Vëllai im u hodh menjëherë në det për ta shpëtuar Nicolan dhe e nxori trupin e tij në breg, që më pas u transportua drejt spitalit, aty ku nuk arriti të mbijetonte.

Por dua të ritheksoj se ishte thjesht një aksident tragjik. Vëllai im nuk kishte asnjë faj, madje edhe familja e të dashurit tim thotë pikërisht këtë. Por këtu, në Shqipëri, ata domosdoshmërisht duan të gjejnë një fajtor: kjo është arsyeja pse ne kërkojmë ndihmë nga autoritetet italiane”, tha ajo.

Një ngjarje e rëndë ka ndodhur pasditën e së martës në Prishtinë.

Një grua dyshohet se ka vrarë kunatin e saj me armë zjarri.

Ngjarja raportohet se ka ndodhur në rrugën “Ismet Krasniqi”.

Pas ngjarjes, gruaja është vetëdorëzuar në Polici, shkruajnë mediat e Kosovës.

Trupi i pajetë pritet të tërhiqet për t’u dërguar në obduksion.

Reshje të dendura shiu kanë përfshirë pasditen e sotme qarkun Dibër.

Për shkak të intensitetit të lartë janë krijuar probleme në rrugët nacionale. Ura 158 metra e lartë në fshatin Fshat të Klosit pjesë e rrugës së Arbrit që ndodhet mes tuneleve 3 dhe 4 u përmbyt nga uji i cili vinte nga tunelet 2 dhe 3 të fshatit Shkallë të Xibrit.

Për shkak të sasisë së madhe të ujit dhe bllokimit të shkarkuesve mbi urë u krijua pellg i madh duke vënë në rrezik drejtuesit e mjeteve që vinin nga Tirana në drejtim të Qarkut Dibër.

Probleme në këtë aks rrugor pati edhe më rënien e gurëve kryesisht në bajpasin e Murrizit por edhe në zonën e Xibrit.

Lajmi kryesor i medieve ndërkombëtare gjatë këtyre orëve është zhdukja e një miliarderi britanik në brigjet e Siçilisë në Itali.

Ngjarja është e mbuluar me mister

Miliarderi Mike Lynch, i njohur edhe si ‘Bill Gates britanik’, ishte së bashku me familjen dhe disa miq në superjahtin e tij ‘Bayesian’ kur ai u përmbys gjatë një stuhie të hënën në mëngjes.

Sipas Daily Mail, stuhia ishte e çuditshme, aq sa kapiteni i anijes tha se ata nuk e panë fare se po vinte.

Jo vetëm kaq, por sipas ekspertëve, mbytja e jahtit luksoz ishte diçka e paprecedentë.

Gjashtë persona janë zhdukur nga mbytja e superjahtit, mes tyre miliarderi Mike Lynch, e bija e tij 18-vjeçare dhe Jonathan Bloomer, bosi i një prej bankave më të njohura në bota ‘Morgan Stanley’. Ky i fundit është zhdukur bashkë me të shoqen.

Po ashtu i zhdukur është edhe një avokat i njohur.

Mendohet se ata ishin në jaht për të festuar faktin se Mike Lynch ishte liruar nga akuzat për mashtrim. Pas një viti arresti shtëpiak, Lynch, baba i dy fëmijëve, pretendonte se po jetonte një jetë të dytë.

Por gjithçka u kthye në makth kur jahti u godit nga një fenomen jashtëzakonisht i rrallë natyror në formën e tornados.

Daily Mail shkruan se ekspertët thonë se janë habitur se si u mbyt jahti që duhej t’i rezistonte forcave të tilla natyrore.

Por në një kthesë të jashtëzakonshme të ngjarjeve, mbytja e jahtit erdhi pasi një partner në biznes i miliarderit britanik humbi jetën në mënyrë misterioze.

Stephen Chamberlain u plagos për vdekje nga një makinë teksa po vraponte të shtunën në mëngjes.

Chamberlain, bashkë me Lynch, kishin arritur të fitonin gjyqin kundër tyre për mashtrim.

Policia tha se nuk ka asgjë të dyshimtë për rastin në fjalë.

Ekipet e shpëtimit thonë se operacioni i kërkimit është i komplikuar. Jahti gjendet 50 metra poshtë sipërfaqes së ujit dhe praktikisht çdo gjë duket e padëmtuar.

Por janë pikërisht mobiljet që po pengojnë përpjekjet për të hyrë brenda.

Mendohet se të zhdukurit kanë ngecur brenda kabinave kur nisi stuhia e fortë.

Ndërkohë, 15 persona janë shpëtuar, mes tyre edhe gruaja e miliarderit britanik.

Kërcënimi i jashtëm për Gjermaninë është më evident se kurrë. Alarmin e ka ngritur Gjenerali i ushtrisë gjermane, Michael Giss. Në një intervistë për median e njohur gjermane, Die Welt, ushtaraku i lartë gjerman dhe shefi i shtabit të komandës së Hamburgut, theksoi se kërcënimi më i afërt ushtarak për Gjermaninë është pas pesë vitesh dhe vendi agresor pritet të jetë Rusia.

“Pas përfundimit të Luftës së Ftohtë dhe ndarjes së Gjermanisë, ne donim mbi të gjitha të shijonim “dividentin e paqes” për 30 vjet dhe dukej se ishim “të rrethuar nga miq”. Në Gjermani, ne jemi ende kilometra larg nga perceptimi i një rreziku të jashtëm këto ditë, krejtësisht ndryshe nga, për shembull, njerëzit në shtetet baltike ose Poloni. Por, ora ime e brendshme si ushtar po funksionon dhe më thotë se pas pesë vitesh do të duhet të jemi mjaft elastikë për t’i bërë ballë një kërcënimi të jashtëm ushtarak”, tha Giss.

Pas sulmit të Rusisë ndaj Ukrainës në shkurt 2022, Bundeswehri gjerman filloi të zhvillonte “Planin Operativ të Gjermanisë” në mars 2023, versioni i parë i dokumentit sekret, i cili është rreth 1000 faqe i gjatë, është i disponueshëm që nga marsi 2024. Si pjesë e strategjisë së NATO-s, Gjermania duhet të bëhet e aftë për luftë dhe mbrojtje.

“E gjithë Gjermania duhet të bëhet gati për luftë. Kjo është një detyrë kryesore e përgjithshme për politikën, Bundeswehr-in, biznesin dhe shoqërinë në kuptimin më të gjerë. Bëhet fjalë gjithashtu për infrastrukturën kritike dhe veçanërisht në Hamburg edhe për funksionin e portit për funksionimin e aleancës dhe për mbështetjen e NATO-s. Për shkak të vendndodhjes së saj gjeografike në Evropë, Gjermania është vendi ku po zhvillohet marshimi, vendi përmes të cilit njësitë e NATO-s marshojnë drejt krahut lindor”, u shpreh Shefi i Shtabit të Ushtrisë gjermane për Hamburgun.

Aktualisht, 16 shtetet federale në Gjermani po kontribuojnë me skenarët dhe rrethanat e mundshme për planin operacional të Gjermanisë.

Rreshje të shumta të shiut shoqëruar me erë te fortë kanë përfshirë fshatrat e Bashkisë së Devollit.

Rreshj të shumta janë regjistruar gjithashtu në qytetin e Bilishtit.

Nga stuhia ka pasur shkëputje të herëpashershme të energjise elektrike.

Momentalisht pa energji elektrike ka mbetur vetëm fshati Vidohovë.

Nje grup pune i OSSHE po punon per rikthimin e energjisë elektrike.