Month: August 2024

Pros*titucioni është një fenomen i cili çdo ditë e më shumë po bëhet i pranishëm,

teksa në Itali disa vajza fotografohen në rrugë, ndërsa shihet qartë qëllimi i vajzave si dhe një makinë dhe disa karrige. 

Ka qenë një qytetar, i cili përmes një mesazhi të dërguar në redaksinë të JOQ Albania,

ka vënë në dukje fe/nomenin, ndërsa shkruan se makina është me targa shqiptare dhe se vajzat shesin trupin për pak lekë. 

Qytetari shkruan: Po sh/iten te shkr/etat. Me erdhi inat se kishin parkuar automjetin me targa shqiptare.

Shesin veten per pak leke dhe parkojnë automjetin qe ti shef e gjithë bota. 

Dashi

Parashikohet një ditë mjaft interesante nga pikëpamja sentimentale, ku nuk do të mungojnë takimet e reja. Përfshirja në eksperienca të reja profesionale, do të jetë mjaft e rëndësishme për të rigjetur sigurinë në vete dhe kapacitetet tuaja.

Demi

Do t’iu duhet të përshtateni me ndryshime të ndjeshme në rutinën tuaj, të cilat do të rezultojnë më të frytshme nga sa mendoni, sidomos nëse jeni duke nisur projekte të reja. Kjo e mërkurë do të sjellë rezultate të mëdha. Rikthimi i pasionit është mjaft i mundshëm.

Binjakët

Takime dhe angazhime të ndryshme janë mjaft të favorshme dhe kjo gjë do ju vjedhë shumë kohë, por mos u dekurajoni. Kjo është një fazë me luhatje emocional, ndaj shmangni marrjen e vendimeve të rëndësishme brenda fundit të muajit. Kjo e mërkurë parashikohet të jetë relaksuese, pasi do ju lejojë që të keni më shumë kohë për veten.

Gaforrja

Në vendin e punës nuk duhet të tregoheni negativ, pasi ka disa të reja të papritura të cilat do jenë mjaft të dobishme për arritjen e qëllimeve tuaj. Nëse keni pësuar një zhgënjim në dashuri, ky është momenti ideal për të rikuperuar.

Luani

Mos u tregoni shumë impulsiv dhe të nxituar në marrjen e vendimeve të caktuara lidhur me ndjenjat, pasi shpesh nga frika se mos zhgënjeni, rrezikoni që të shkoni kundër impulseve tuaja. Nëse keni diskutuar me një person të shtrenjtë në jetën tuaj, ky është momenti për të rikuperuar.

Virgjëresha

Duhet të jeni vetja juaj, sidomos në dashuri, ndaj mos ndryshoni vetëm për të kënaqur të tjerët. Intuita juaj e shkëlqyer do të vlerësohet pa masë në vendin e punës. Kjo është një periudhë mjaft interesante dhe e mbushur me të reja të cilat duhet ti vlerësoni, lidhur me karrierën tuaj.

Peshorja

Disa ndryshime që kanë ndodhur javëve të fundit ju kanë bërë konfuz dhe të paqëndrueshëm, por kjo gjë nuk duhet të ndikojë negativisht në jetën tuaj në çift. Puna ecën mirë, por duhet të jeni të gatshëm që të merrni përsipër përgjegjësi të reja, për tu siguruar se projektet tuaja do të realizohen në kohë.

Akrepi

Këshillohet që të jeni më të vendosur dhe profesional. Shmangni humbjen e kohës me diskutime aspak produktive, pasi rrezikojnë që t’iu bllokojnë.

Shigjetari

Mund të merrni një ofertë mjaft tunduese, lidhur me vendin e punës, gjë që do ju lejojë që të zgjidhni disa probleme ekonomike dhe financiare që keni pasur në të kaluarën. Megjithatë ka disa sakrifica të cilat duhet ti merrni në konsideratë, sidomos në dashuri. Këshillohet që të mos jeni shumë impulsiv.

Bricjapi

Jini të qetë lidhur me karrierën tuaj aktuale, pasi lodhja e akumuluar mund t’iu ngadalësojë, shkruan noa.al. Në dashuri nuk duhet të jeni të ndrojtur, pasi takimet janë mjaft të favorshme.

Ujori

Ka disa mundësi premtuese për gjithë ata që kanë dëshirë të rikthehen në lojë dhe të rifitojnë siguri. Së fundmi keni qenë shumë dembelë dhe të shkëputur dhe për këtë arsye duhet të përvishni mëngët. Horoskopi i kësaj dite sjell mundësi të mira, për të mbyllur një çështje që keni nisur prej kohësh.

Peshqit

Jeni shumë kokëfortë, sidomos në dashuri, por disa keqkuptime duhen trajtuar me kujdesin maksimal. Pasi në të kundërt rrezikoni që të ushqeni tensione të rrezikshme për stabilitetin e raportit tuaj.

Autoritetet në Greqi kanë arrestuar një 44-vjeçare në Tripoli të Greqisë nën akuzën e zjarrvënies së qëllimshme, në një kohë kur vendi po përballet me një situatë të jashtëzakonshme për shkak të zjarreve.

Gruaja dyshohet se ndezi dy zjarre në ditët e fundit, të cilët dolën nga kontrolli dhe dogjën një sipërfaqe të konsiderueshme me shkurre, por rrezikuan dhe banesat pranë.

Por ajo që e bën të veçantë këtë histori, është që gjatë marrjes në pyetje gruaja e ka pranuar se i ka ndezur zjarret me qëllimin e vetëm që të vinin zjarrfikësit, pasi siç tha ajo kishte shumë dëshirë që të flirtonte me ta.

Kjo gjë i ka çuditur autoritetet të cilët kanë ngritur akuzat për 44 vjeçaren që tashmë rrezikon një dënim të rëndë, por edhe gjobë.

Një ngjarje e paprecedentë është shënuar gjatë një dasme në Greqi ditën e djeshme në Pirgos, ku po zhvillohej një ceremoni martesore, e cila është kthyer në arenë boksi.

Mediat greke raportojnë se gjithçka ka nisur në momentin, ku gjatë ceremonisë së kurorëzimit nusja i ka shkelur këmbën dhëndrit. Gjë kjo që s’i ka pëlqyer aspak dhëndrit dhe ka goditur me shuplakë nusen.

Menjëherë kanë reaguar të afërmit e nuses të cilët kanë nisur të dhunojnë dhëndrin. Dasmorët e tjerë kanë vrapuar në panik për të dalë nga kisha, ndërsa në vendngjarje kanë shkuar edhe forcat e Policisë.

Dita më e bukur për çiftin është kthyer në një makth dhe nusja për shkak të situatës ka humbur ndjenjat dhe është dërguar në spital. Në spital është dërguar edhe një nga të ftuarit pasi ka marrë disa goditje gjatë përplasjes.

Nusja ka deklaruar se ajo nuk është qëlluar kurrë më parë nga bashkëshorti i saj.

“Nuk më ka goditur kurrë në fytyrë. Kur unë i shkela në këmbë, ai hoqi kurorat, më shtyu në shpatull dhe u largua nga Tempulli i Shenjtë”, tha ajo.

U duk se një marrëveshje për transferimin e Armando Brojës te Ipswich kishte dështuar, por për momentin duket se tratativat vazhdojnë.

Detaje zyrtare nuk janë zbuluar, ndërsa Chelsea dhe Ipswich vazhdojnë të jenë në bisedime për mbylljen e një marrëveshje.

Në lidhje me këtë, së fundmi ka folur edhe trajneri i Ipswich, Kieran McKenna, i cili konfirmoi bisedimet dhe deklaroi se nuk duhet të aludohet për problem në vizitat mjekësore, përderisa nuk ka njoftim zyrtar për këtë.

“Me Armandon kemi folur. Klubi është në bisedime me Chelsea-n, por unë nuk jam në dijeni se çfarë ka ndodhur në 24 orët e fundit. Po zhvillohen negociata dhe të shohim së çfarë do të ndodhë para të premtes. Probleme në vizitat mjekësore? Nuk duhet të flitet për ndonjë thashethem tjetër, derisa diçka të konfirmohet zyrtarisht.”

I pyetur nëse është optimist se transferimi i Brojës do të realizohet, McKenna u shpreh: “Të jem i sinqertë, unë jam optimist për të mërkurën në mbrëmje.”

Fillimisht u raportua se Chelsea dhe Ipswich kishin rënë dakord për transferimin e Brojës, në huazim për një sezon, me detyrim blerje për 30 milionë euro, nëse sigurohet mbijetesa.

Shtetet e Ballkanit Perëndimor pritet që të kërkojnë të përjashtohen nga detyrimi prej 7 eurosh për të hyrë në zonën Shengen.

Qytetarët e Ballkanit Perëndimor, Britanisë së Madhe si dhe Moldavisë dhe Ukrainës, do të duhet të paguajnë tarifën e vizës prej 7 euro për të hyrë në zonën Shengen.

Kjo do të vlejë edhe për qytetarët e vendeve të tjera që nuk kanë nevojë për viza për të hyrë në BE, si ShBA-ja, Australia dhe Kanadaja.

Leja do të zgjasë për tri vjet, ose deri në skadimin e afatit të pasaportës. Udhëtarët nën moshën 18 vjeç dhe mbi 70 vjeç do të përjashtohen nga pagesa.

Udhëtarët do të duhet të japin informacion personal në internet, si adresën dhe punësimin, si dhe dosjen penale dhe informacionin e kontaktit në vendin e destinacionit. Shumica e kërkesave pritet të miratohen brenda pak minutash, por disa vendime mund të zgjasin deri në 72 orë. BE-ja ka konfirmuar po ashtu vendimin qe më datë 10 nëntor të nisë funksionimi i sistemit të hyrje-daljeve (EES) për vendet e zonës Shengen.

Sistemi ETIAS do t’u kërkojë pasagjerëve të ofrojnë të dhëna biometrike si shenjat e gishtërinjve dhe imazhet e fytyrës në kufi.

Kjo është pjesë e masave që synojnë ta bëjnë më të vështirë hyrjen e kriminelëve apo terroristëve në BE me pasaporta false.

Sezoni i ri në ekranin më të dashur të shqiptarëve nis plot surpriza dhe të papritura.

Moderimi i emisionin investigativ “Fiks Fare” këtë sezon i është besuar dy figurave shumë të dashura të publikut shqiptar, Julian Deda dhe Xhemi Shehu.

Julian Deda, finalist i Big Brother VIP 3 rikthehet pas disa vitesh në ekranin që e bëri të famshëm përmes spektaklit më të madh të humorit në Shqipëri “Portokalli”.

Ai u kthye në një prej aktorëve më të dashur të shqiptarëve me grupin “The SHBLSH”, ndërsa batutat e tyre nuk mungonin bisedave të tavolinave. Gjatë edicionit të tretë të Big Brother VIP, patëm mundësi të shihnim të gjithë dritëhijet e aktorit gjatë më shumë se 4 muajve. Juli arriti t’i shkonte deri në fund rrugëtimit të tij plot emocione, duke u renditur i dyti.

Krah Julian Dedës do të jetë Xhemi Shehu, e cila rikthehet pas shumë vitesh në emisionin ku nisi karrierën e saj disa vjeçare në televizion.

Moderatorja ka qenë një ndër velinat e para të ‘Fiks Fare’. Ajo e nisi karrierën e saj në televizionin më të madh shqiptar në vitin 2003, për të vazhduar më pas si moderatore në emisionin “E diell” dhe spektaklin e humorit “Portokalli”. Pas një pushimi disa vjeçar në televizion, ajo u rikthye sërish në Portokalli në rolin e moderatores, ndërsa këtë sezon do ta shohim në një pozicion krejt tjetër nga sa jemi mësuar.

Investigime për t’u ardhur në ndihmë qytetarëve shqiptarë dhe për të çuar deri në fund të drejtën, ky sezon i “Fiks Fare” do të jetë tejet i ngjeshur./TCH

“Ku ka zë nuk është pa gjë!” Kështu është një fjalë e urtë popullore e cila së fundmi është vërtetuar sërish! Që këngëtari Endri Prifti dhe gazetarja e njohur Ola Bruko janë bashkë, është “vulosur”.

Çifti po shijojnë historinë e tyre të dashurisë dhe këtë ka vendosur më në fund ta tregojë vetë Endri. Në llogarinë e tij në Instagram, korçari i serenatave ka postuar një foto me partneren e tij, Olën.

Përveç një urimi për ndjekësit, foton Endri e ka shoqëruar dhe me disa “emoji” me zemër. E sigurisht në koment edhe gazetarja ia ka kthyer, duke konfirmuar kështu edhe historinë e tyre të dashurisë.

“Nje jave te bukur , me shendet e shume dashuri ju urojme te gjitheve, e di qe eshte e marte”, shkruan ai.

Epo të themi dhe ne të drejtën, “sytë zemra”  na bënë kur i pamë! Si shumë prej ndjekësve e ne s’na mbetet gjë tjetër veçse t’ i urojmë çiftit më të ri jetë të lumtur!

Bashkëshortja e Ardian Nikulajt, biznesmenit të cilit u vra në ambientet e lokalit të tij më 19 maj 2023, ka treguar për mediat britanike pritjen e shtetasve të huaj që organizuar vrasjen e të shoqit, në hotelin e tyre disa ditë para ngjarjes.

Vera Nikulaj ka rrëfyer për Daily Mail, se familja e saj kishte pritur padashur autorët e akuzuar për vrasjen e të shoqit si mysafirët e tyre të parë në hotelin e tyre të sapohapur.

E ulur pranë tavolinës ku u qëllua i shoqi, bashkëshortja e Nikulajt, Vera, mes lotësh ka treguar se për shkak të gjakmarrjes ata ishin të kujdesshëm ndaj kërcënimeve nga shqiptarët, por asnjëherë nuk dyshuan se britanikët mund të përfshiheshin në një sulm.

Ajo tha se së pari në hotel pa Bridgeman, të cilën e kanë ndihmuar të merrte një makinë me qira.

“Ajo vazhdoi të bënte kontakt me sy me Ardianin. I thashë, unë flas anglisht, si mund të të ndihmoj? Ajo kërkoi të merrte me qira një makinë dhe Ardiani ia rregulloi”, ka treguar ajo.

Sipas rrëfimit të saj, një ditë më pas ajo është shprehur se kanë darkuar familjarisht në restorantin e hotelit, dhe ngjitur me tavolinën e tyre ka qenë dhe Bridgeman me një nga burrat britanikë të përfshirë në ngjarje.

“Ajo donte të paguante me një kartë krediti, por nuk funksionoi. Ardiani i tha kamarierit ‘mos u shqetëso, do t’i paguaj unë’. Ata erdhën tek ne dhe falënderuan Ardianin që pagoi për drekën e tyre”, ka treguar Vera Nikulaj.

Po ashtu, djali i Nikulajt, 14-vjeçari Luisi, ka treguar se ka parë Simpson në tavolinën e pishinës që ishte përballë restorantit ku babai i tij më vonë do të vritej dhe se ka ngrënë në të njëjtën tryezë me të.

“Të nesërmen po haja me të në të njëjtën tryezë. Unë isha duke ngrënë fasule dhe Simpson tha: ‘më lejoni ta provoj këtë ushqim tradicional shqiptar’. Ai mori lugën e tij dhe filloi të hante fasulet nga pjata ime. I thashë nënës se burri duket pak i çuditshëm, por Ardiani tha ‘mos u shqetëso bir, ai është vetëm një turist, nuk duhet të shqetësohesh për të’”, ka treguar 14-vjeçari.

Në ditën e tretë të qëndrimt në hotel, gruaja e Nikulajt ka treguar se Simpson pasi mbaroi picën dhe birrën e tij në restorant, mori tabakanë e tij dhe u përpoq ta sillte në ambientet ku punonin stafi dhe familja, por siç tregon ajo, Adrian Nikulaj i ka thënë ‘mos u shqetëso, lëre në tavolinë, je me pushime”.

“Simpson ishte shumë kurioz të dinte se çfarë kishte pas perdes”, është shprehur Vera Nikulaj.

Sulmuesi i dyshuar Ruben Saraiva, një banor britanik i lindur në Portugali, u pa gjithashtu duke u përgjuar në një shkallë afër vendit ku u vra Ardian Nikual, disa ditë para ngjarjes.

Sipas Daily Mail, fëmijët vendas raportuan se kishin parë “një burrë të çuditshëm duke përgjuar gjatë gjithë kohës”.

Kujtojmë se një gjykatë në Britani ka pranuar kërkesën e autoriteteve shqiptarë për të ekstraduar Edmond Haxhinë dhe tre persona të tjerë, të cilët akuzohen për vrasjen e biznesmenit Ardian Nikulaj, raporton News 24.

Gjykata e Westminster ka vendosur në favor të ekstradimit në Shqipëri të Edmond Haxhinë, Thomas Mithan, Harry Simpson dhe Harriet Bridgeman. Ndërsa mësohet se britaniku Steven Hant nuk do të ekstradohet pasi vuan nga një sëmundje e rëndë.

Haxhia dhe personat e tjerë britanikët kanë të drejtë ta apelojnë vendimin në Gjykatën e Lartë britanike. Edmond Haxhia akuzohet nga prokuroria Lezhë se ka qenë organizatori dhe financuesi i vrasjes së Ardian Nikulajt.

Në aktakuzë prokuroria e Lezhës thotë se katër britanikët e tjerë udhëtuan nga Anglia në Shëngjin për ta mbajtur viktimën nën vëzhgim e më pas i çonin informacion Ruben Saraivës i cili e goditi për vdekje me 6 plumba Nikulajn.

Ndërkohë portugezi Ruben Saraiva që dyshohet si ekzekutori i Nikulajat u ekstradua në Shqipëri me 31-dhjetor të vitit 2023, pas vendimit të Gjykatës së Marokut e cila pranoi kërkesën e autoriteteve shqiptare.

Biznesmeni Nikulaj u vra në ambientet e lokalit të tij me 19 maj 2023 në Shëngjin sapo u ul në një nga tavolinat në ambientin e brendshëm.

Vrasësi u koordinua nga shtetasit e tjerë deri në momentin që kreu ekzekutimin. Pas ngjarjes të gjithë personat u larguan nga pikat kufitare.

Vrasja e biznesmenit Ardian Nikulaj ishte në vazhdën e zinxhirit të hakmarrjes që familja e viktimës kanë me një fis tjetër, konflikt ky që ndër vite ka prodhuar shumë viktima.

Disa komuna në provincën e Avellinos në Itali janë goditur nga një stuhi e fuqishme gjatë orëve të pasdites së të martës.

Sipas mediave italiane, moti ndryshoi në pak minuta, ku dielli i la vendin reve të tejmbushura me shi, të cilat sollën erë të fortë e reshje me intensitet të lartë, duke shkaktuar përmbytje.

Situata më e rëndë ishte në Baiano, ku termocentrali Via Libertà u zhyt nën ujë. Shumë persona u shpëtuan nga zjarrfikësit. Ndërkohë, rruga që përshkon qytetin në Mugnano del Cardinale u kthye në lum duke marrë para makinat e parkuara.

Fatmirësisht, deri tani nuk ka pasur raportime për persona të lënduar nga kjo çmenduri e motit.

https://streamable.com/e/9feqgg?quality=highest