Month: September 2024

Monedha europiane shënoi nivelin më të ulët historik të regjistruar gjatë muajit gusht. Nga të dhënat në kursin e këmbimit euro humbi 0.49% pikë kundrejt lekut gjatë muajit gusht. Në bazë të dhënave të Bankës së Shqipërisë euro e mbylli muajin në vlerën e 99.65 lekëve.

Nëse bëjmë një krahasim të kursit të këmbimit euro-lek për pjesën e parë të vitit rezulton se monedha europiane është zhvlerësuar ndaj lekut shqiptar me mbi 8% krahasuar me të njëjtën periudhë të një viti më parë.

Agjentët e kursit të këmbimit presin që monedha europiane të qëndroj rreth këtij niveli duke përcaktuar një normalitet të ri. Kjo e nxitur nga flukset turistike në vend si dhe prurjet nga remitancat. Po ashtu të tjerë faktor që kanë ndikuar në shtimin e valutës në treg janë edhe investimet e huaja dhe shitja e pasurive të paluajtshme.

Për të mbajtur të stabilizuar kursin e kembimit euro –lek Banka e Shqipërisë rriti sasinë e eurove që do të blejë në treg për arsye të rritjes së rezervës.Për këtë vit parashikohet që nga tregu të tërhiqet 250-330 milionë euro.

Pertej euros edhe dollari amerikan ka regjistruar nivele shumë të ulëta përballë lekut shqiptar duke u këmbyer me 89 lekë niveli më i ulët i shënuar në 16 vitet e fundit.

Një 41-vjecar shqiptar, ka mbetur i plagosur, ndërsa dy bashkëatdhetarë të tij janë arrestuar në Selanik.

Ngjarja ka ndodhur në qendër te Selanikut ku 41-vjecari shqiptar është plagosur me thikë në shpatullën e majtë.

Policia ka mbërritur në vendngjarje dhe ka transportuar të plagosurin për ndihmë mjekësore, ndërkohë që ka gjetur thikën si dhe 3 gëzhoja arme zjarri.

Hetimi ka zbuluar se autorë ishin dy shqiptarë të tjerë, një 34-vjecar dhe një 36-vjecar. Ky i fundit rezulton person në kërkim në Greqi për trafik droge dhe kalim të paligjshëm të kufirit.

Pas arrestimit të dy autorëve, policia ka ushtruar kontroll në banesën e tyre ku ka gjetur dhe sekuestruar 133.51 gram marihuana dhe 1 celular.

Aktori dhe këngëtar Olsi Bylyku pak ditë më parë konfirmoi romancën e tij të re të dashurisë. Këngëtari postoi një foto krah vajzës misterioze, të cilën e uroi për ditëlindje, por u kujdes që të mos t’i zbulojë imazhin duke e bërë me blur fytyrën e saj.

Se fundmi vetë artisti ka bërë një tjetër postim ,i cili ka ngacmuar akoma më shumë kureshtjen e ndjekësve rreth identitetit të të dashurës së tij.

Çifti siç duket janë duke shijuar disa ditë pushimi në Jugun e Shqipërisë. Në imazhin e postuar ata shfaqen ulur pranë njëri tjetrit duke shijuar bregdetin gjatë mbrëmjes.

Aktori nuk ja ka zbuluar identitetin partneres së tij, por i drejtohet me ‘Amla,’ po ashtu siç titullohet kënga e fundit që Bylyku ka publikuar.

Ai është shprehur se këngën ia ka dedikuar vajzës, që i ka ndenjur pranë në vitin më të vështire të jetës së tij.

Aludohet se biondja misterioze në krahët e aktorit të humorit mund të jetë Denada Lura, gazetarja me të cilën Olsi u përfol para disa kohësh se ishte në një lidhje dashurie. Mirëpo akoma nuk kemi një konfirmim për këtë nga aktori. Denada e ka mbyllur rrjetin e saj Instagram në momentin kur mediat ‘zienin’ se dy personazhet ishin në një romancë dashurie.

Kujtojmë që një vit më para Olsi Bylyku i dha fund lidhjes disa vjeçare me këngëtaren Egli Tako.

Gjatë kohës që kanë qenë bashkë çifti është shprehur se kanë pasur shumë keqkuptime dhe shume toksicitet në marrëdhënien e tyre.

Kiara Tito, e cila pas një periudhe të përkushtuar ndaj familjes, duket se është gati për të rifilluar fuqishëm karrierën e saj në ekran.

Pak ditë më parë, gazetari Bled Mane u shpreh nëpërmjet një postimi se Kiara Tito do të jetë moderatorja e emisionit humanitar “Shqiptarët për shqiptarët” në Top Channel, duke bashkëpunuar me Elvis Naçin.

Ky rikthim në televizion është pritur me shumë entuziazëm, megjithatë, duket se Kiarën në fakt pritet ta shohim në një tjetër program.

Ditën e djeshne kanë filluar të qarkullojnë spekulime që sugjerojnë se Kiara mund të zhvendoset në Kosovë për të moderuar edicionin e tretë të “Big Brother VIP Kosova”.

Burime të ndryshme raportojnë se Luizi Ejlli do të jetë producenti i këtij edicioni të ri, duke bashkëpunuar sërish me autoren e njohur Olsa Muhameti. Kjo trio, e cila ka provuar të jetë e suksesshme më parë, duket se është gati të sjellë një tjetër hit televiziv.

Sipas spekulimeve të fundit, Kiara dhe Luizi kanë blerë një shtëpi në Kosovë, një tregues që sugjeron se zhvendosja e tyre mund të jetë më shumë se një thashethem.

Ky vendim do t’i ndihmojë ata të jenë më afër projekteve të tyre të reja dhe të krijojnë një bazë të re për karrierën e tyre në televizionin kosovar.

Sezoni i ri televiziv pritet të jetë emocionues dhe plot surpriza, me Kiara Tito që do të rikthehet në ekran me projekte të reja, të rëndësishme dhe potencialisht të suksesshme.

Për fansat e saj, ky është një rikthim i shumëpritur dhe një mundësi për të parë moderatoren në një dritë të re dhe me sfida të reja profesionale.

Sezoni i ri televiziv është vetëm pak ditë larg dhe ndryshimet këtë herë do të jenë jo të vogla. Ndërsa presim risitë e këtij sezoni, shumë personazhe kanë ngritur dyshime në rrjet se ku mund t’i shohim.

Kuriozitet në rrjet ka edhe për gazetaren Ilnisa Agolli e cila ka treguar më herët ambiciet për të qenë në televizion, ndërsa herë pas here ka folur edhe për projekte në TV, pa ndarë detaje.

Së fundmi, Ilnisa ka postuar një foto në Instastory, duke treguar se mund të vijë me një projekt në sezonin e ri.

Nga ana tjetër, zëra thonë se Ilnisa mund të jetë pjesë e emisionit “Goca dhe Gra”, një emision i cili pritet të rikthehet në TCH pas disa kohësh mungesë, i riformatuar – ndonëse ende nuk është e konfirmuar.

Dyshimet i ka shtuar edhe më shumë vet Ilnisa, përmes një fotoje të postuar së fundmi në Instastory.

Shengyl Ismaili i është përgjigjur një pyetje lidhur me dallimet që mund të ketë mes shqiptarëve të Kosovës dhe atyre të Shqipërisë, përcjell Reporteri.

Sipas saj, s’ka shumë dallimeve mes shqiptarëve të Kosovës dhe atyre të Shqipërisë, por aktorja thotë se ka përshtypjen që të Kosovës i duan më shumë ata të Shqipërisë.

“Kaniher më duket sikur na ju dojmë ma shumë juve, se ju neve. E kam parë sigurisht përderisa po flas. Kur vijnë këtu nga Shqipëri, mikpritjen e kanë shumë lart, por e kam përshtypjen që nuk na doni aq sa ju dojmë ne juve. S’po flas për të gjithë. Por mendoj që ky është dallimi mes neve. Mund ta kem gabim”.

“S’mendoj që kemi shumë dallime. Unë psh. e adhuroj të folurën shkodranqe. Më duket sikur Shqipëria shumë pak na kupton, e unë mendoj që gjuha jonë është shumë e pastër”, tha Ismaili.

“Shqiptarët e Shqipërisë shpeshherë na përceptojnë neve si të palexueshëm, e kjo mka bërë me mendu që s’na doni sa ne juve”, tha aktorja kosovare. /Reporteri.net/

VIDEO

Atëherë kur gjithçka dukej e pamundur, me Brojën që po përgatitej të kalonte një pjesë sezoni si spektator te Chelsea, Everton plotësoi kushtet e klubit londinez, paraqiti ofertën e duhur, dokumentacionin e përshtatshëm, duke bërë zyrtarare transferimin e sulmuesit kuqezi në orët e vona të mbrëmjes. Fabrizo Romano, gazetari i njohur, ka zbuluar edhe detajet e këtij transferimi që vjen si një bekim për Brojën dhe për tifozët kuqezi.

Broja transferohet në formë huazimi deri në përfundim të këtij sezoni me të drejtë blerje në fund të vit për 30 milionë euro, pa asnjë detyrim tjetër. Klubi i Chelsea do të paguajë pagën e Brojës deri sa lojtari të jetë në gjendje të luajë, pas këtij momenti, paga e Brojës do të mbulohet nga klubi i Everton.

Në reagimin e tyre në rrjetet sociale, klubi i Everton bëri me dije se Broja nuk është në gjendje të zbres në fushë pasi vuan një dëmtim dhe do të jetë në dispozicion të stafit mjekësor për t’u rikuperuar sa më shpejtë.

Ndërkohë, drejtori i Everton, Kevin Thelwell, u shpreh i lumtur për këtë transferim: “Jemi të kënaqur që arritëm të sjellim Brojën në klub. Armando është një lojtar i ri, por që ka krijuar një eksperience mbresëlënëse. Ne jemi të bindur se Broja ka më shumë potencial për të shprehur”, u shpreh drejtori sportiv i Everton. Pas Vitese, Southampton dhe Fulham, kjo është hera e katërt që Chelsea lë në huazim Brojën.

(BalkanWeb)

Një tërmet, i paraprirë nga një zhurmë e fortë dhe e zgjatur e zhyti në frikë popullsinë e Campi Flegrei mbrëmjen e së premtes 30 gusht.

Një tërmet me magnitudë 3.7 ballë të shkallës Rihter ka goditur jugun e Italisë mbrëmjene sotme. Epiqendra e tërmetit ka qenë 10 kilometra nga Napoli, ndërsa thellësia fokale 2 kilometra dhe ndodhi në orën 21.23, raporton noa.aΙ

Fatmirësisht nuk ka persona të lënduar apo dëme materiale në tërmetin me epiqendër në zonën e Via Pisciarelli.

Por sipas mediave italiane pavarësisht magnitudës së ulët lëkundjet janë ndier të forta pasi thellësia ka qenë e vogël. Për më tepër kohëzgjatja e tërmetit ishte e konsiderueshme.

Dhe, ajo që ka frikësuar edhe më shumë qytetarët e Napolit dhe rrethinat periferike të Pianura, Bagnoli dhe Fuorigrotta ishte zhurma e fortë që i parapriu, duke bërë që shumë banorë të dalin në rrugë.

“Unë jetoj në katin e tetë, e ndjeva fort, dukej sikur lëkundeshim në një anije”, tha një banore.

Ndërkohë para zhurmës është regjistruar edhe një tërmet me magnitudë 1.3, ndërsa pas tërmetit te zona ku u ndien lëkundjet pati një tjetër sërish me magnitudë më të vogël. Gjithsej u regjistruan 7 tërmete në pak minuta.

Të paktën dy persona u vranë dhe 22 u plagosën kur një çati e kishës u shemb në qytetin brazilian të Recife, tha kryebashkiaku João Campos dhe autoritetet në shtetin verilindor të Pernambuco.

Çatia e kishës u shemb teksa po shpërndahej ushqim për nevojtarët dhe më shumë se 60 persona ndodheshin brenda kishës.

Një burrë 54-vjeçar dhe një grua 68-vjeçare u gjetën të vdekur nga ekipet e shpëtimit që shkuan në vendin e ngjarjes.

Mes të plagosurve është një e grua e re shtatzënë, si dhe një fëmijë 4 vjeç. Sakaq, shkaku i shembjes po hetohet nga autoritetet. Panele fotovoltaike ishin instaluar në çatinë e kishës javën e kaluar, sipas një raporti nga faqja e lajmeve G1.

🚨#BREAKING: Roof collapses during food distribution at Morro da Conceição Sanctuary in Recife, Brazil, killing at least two people and injuring others, according to local media reports.

pic.twitter.com/jXkem5SmAa

— R A W S G L 🌎 B A L (@RawsGlobal) August 30, 2024

Të paktën pesë persona kanë mbetur të plagosur me thikë në një autobus në Siegen të Gjermanisë. Mësohet se autore e dyshuar e krimit është një grua.

Autobusi ishte duke qarkulluar në drejtim të një festë në këtë qytet, kur një grua nxori thikën dhe filloi të sulmonte udhëtarët. Të pesë personat e plagosur janë transportuar në spital ku mjekët po luftojnë për jetën e të paktën tre prej tyre. Agresorja, 32-vjeçare është arrestuar nga policia, ndërsa deri më tani nuk mund të thuhet se bëhet fjalë për ndonjë sulm terrorist, ndërsa ende nuk dihet shkaku i sulmit.

Policia pohon se sulmuesja ka qenë nën ndikim të alkoolit, por shpjegime të tjera për motivet nuk ka. Ky është sulmi i katërt me thika në landin e Renanisë Verirore-Vestfalisë (NRW), brenda shtatë ditësh. Në Solingen një terrorist islamik ka vrarë tre dhe ka plagosur tetë të tjerë. Në Moers dhe në Recklinghausen kanë ndodhur po ashtu sulme me thika, ndërsa policia vrau dy sulmuesit. Kujtojmë se sulmi i mbrëmshëm ndodhi pas masave që ka marrë qeveria e Gjermanisë për parandalimin e ngjarjeve të tilla dhe vendimin për dëbimin e personave të cilëve iu është refuzuar azili./BW