Month: September 2024

Kryeministri i Hungarisë, Viktor Orban e ka quajtur si “gabim historik”, veçimin e Maqedonisë së Veriut nga Shqipëria, në procesin e integrimit në Bashkimin Europian, teksa vendi ynë përgatitet të hapë kapitullin e parë të negociatave brenda një kohe të shkurtër.

Orban tha gjatë një takimi në Ohër me homologun Hristijan Mickoski, se ky vendim është “dhunim i krenarisë së Maqedonisë së Veriut” dhe se sipas tij, “hap plagë për vendin”.

Orban gjithashtu e ka quajtur si gabim, ngutin që Shqipëria po tregon për t’u bërë pjesë e BE-së.

“Hungaria, si kryetare e Bashkimit Evropian, është e gatshme të ndihmojë në mosmarrëveshjen me Bullgarinë dhe të ndërmjetësojë mes dy vendeve. Është e vështirë të kuptosh pse veçohet Shqipëria. Është e vështirë për një komb ta kuptojë këtë.

Dua të theksoj se krenaria kombëtare është gjëja më e rëndësishme për një komb dhe vendimi i BE-së është pikërisht shkelje e krenarisë kombëtare në Maqedoninë e Veriut. Të krijon plagë, është gabim i madh që nuk jeni anëtar i BE-së dhe është gabim që, Shqipëria po ngutet. Duhet të hapni negociatat me BE-në deri në fund të vitit”, tha kryeministri hungarez në konferencën për shtyp.

Ka ndërruar jetë mësuesja e edukimit fizik, Aurora Hila.

Hila prej vitesh mësonte dhe edukonte brezat në shkollën “Atë Pjetër Meshkalla” në Shkodër.

Lajmin e hidhur e ka bërë me dije shkolla, teksa shkruan se Hila do të kujtohet gjithmonë si një mësuesja që ka dhënë më të mirën për çdo mësim dhe aktivitet.

“Me dhimbje të madhe, mësuam sot për ndarjen nga jeta të prof.sha Aurora Hila, mësuese e edukimit fizik në shkollën tonë prej vitesh.

Do ta kujtojmë gjithmonë ashtu si në këtë foto—e rrethuar nga nxënësit, plot jetë, duke dhënë më të mirën në çdo mësim dhe aktivitet.

E gjithë bashkësia edukuese e shkollës bashkohet në dhimbjen e familjes dhe në lutje. 

Do të na mungosh pafundësisht. Pushofsh në paqe”, thuhet në njoftimin për lajmin e trishtë.

Reperja e njohur, Tayna, ka njoftuar se kënga “Si Ai” është ri-publikuar në të gjitha platformat, përfshirë edhe në YouTube.

Kënga, sekuencat e së cilës u bënë virale në platformën e TikTok-ut, më në fund është rikthyer në platformat digjitale, pasi u fshi javë më parë nga ish menaxheri i saj.

Pas përplasjeve të shumta në rrjetet sociale, reperja dhe ish-menaxheri i saj njoftuan dy javë më parë se kanë shkëputur përfundimisht bashkëpunimin e tyre, duke u pajtuar që “secili të vazhdojë tutje pa pengesa”.

Cilat janë ushqimet që nuk duhet t’i konsumojmë në mëngjes? Çfarë efektesh kanë ato?

Tani pas dy javësh, artistja ri-publikoi hitin e saj në të gjitha platformat sikurse Spotify dhe po ashtu edhe në kanalin e saj në YouTube.

Kënga me klip ka grumbulluar qindra mijëra klikime në vetëm pak orë.

Suksesi i projektit “Si ai” nuk mbaron këtu, pasi blogerja e njohur, Kylie Jenner ka postuar një video të sajën të shoqëruar me këtë këngë.

Një tragjedi familjare ka ndodhur në Britani, ku dy persona janë gjetur të vdekur. Bëhet fjalë për një 12-vjeçar Kaicy Brown dhe gjyshin e tij 66-vjeçar, të cilët u gjetën të vdekur brenda një tende.

Sipas mediave, shkaku i vdekjes besohet të jetë helmimi me monoksid karboni, që besohet të jetë shkaktuar nga një sobë gatimi. Sipas ekspertit mjekësor, testet toksikologjike do të masin nivelet e monoksidit të karbonit në gjakun e Kaicy. Ndërkohë policia ka nisur menjëherë hetimet.

Dy reperët, Stresi dhe Noizy, pasi kanë rregulluar marrëdhëniet mes tyre, tashmë janë kthyer në miq të afërt me njëri-tjetrin.

Sot, me rastin e ditëlindjes së Noizyt, Stresi e ka uruar publikisht mikun e tij përnes një postimi në rrjetet sociale.

“Nuk mund te mendoj për një dhurate më të mirë se miqësia jonë! Gëzuar ditëlindjen”- shkruan Stresi krah videos ku shfaqet duke kënduar me Noizyn.

Kujtojmë se Noizy feston sot ditëlindjen e 38-të. Ndërkohë Stresi është ende në arrati, pasi është në kërkim nga autoritetet në Kosovë.

Stresi akuzohet se është përfshirë në sherrin e disa muajve më parë në një klub nate, ku mbeti i plagosur Tik Tokeri Medi Iseni.

Një person i quajtur Petro në Athinë, dhe që thotë se nuk mban mend asgjë, më në fund mund të ketë gjetur familjen e tij biologjike.

I njohur si Petros Koutsoukis, ai tërhoqi vëmendjen e medieve greke pasi deklaroi se kishte humbur kujtesën dhe nuk mbante mend kush ishte dhe nga vinte.

Në fillim atë e kërkuan sikur të ishte shtetas grek, por më pas, disa dëshmitarë që kishin punuar me të, dhanë informacion se ai ishte shqiptar, i larguar në Greqi 20 vite më parë.

Sot në Athinë ka mbërritur një grua e moshuar shqiptare, që besohet të jetë nëna e tij. Ajo do të japë një kampion ADN-je te autoritetet greke për verifikuar nëse është vërtet djali i saj.

Në pamjet prekëse të publikuara nga mediat greke, dallohet gruaja shqiptare teksa puth dhe përqafon atë që thotë se është djali i saj, të cilin “e njohu menjëherë”.

Sipas dëshmisë së tij, Petro vuan nga amnezia autobiografike dhe për këtë arsye nuk mban mend asgjë nga fëmijëria e tij, përveçse ka disa vezullime.

Gruaja e cila ishte e shoqëruar nga djali tjetër, thotë se është 100% e sigurt se Petro është djali i saj.

Megjithatë, sado i prekur të ndihet, Petro ende… nuk mban mend asgjë, as fytyrat e nënës dhe vëllait të tij të mundshëm nuk i kujtojnë asgjë. Megjithatë, ai ka guximin t’i pranojë si të afërm, derisa të “flasë” gjenetika.

“Jam nënë e katër fëmijëve. Jetojmë në Këlcyrë të Shqipërisë. Në vitin 1990 Petriti u largua nga Shqipëria me të tjerë dhe erdhi në Greqi. Mbajtëm lidhje deri në vitin 1995 dhe më dërgonte letra, ku më thoshte se jeton dhe punon në Kalamatë të Mesinisë. Nga viti 1995 deri në vitin 2001 ka ndërprerë komunikimin, por kam dëgjuar për të nga një bashkëfshatar që jetonte në Ekali.

Kur erdhi djali tjetër në Greqi, e thirri “Petrit” por ai u përgjigj se nuk është Petriti dhe se nuk na njeh. Pak ditë më parë e pamë në televizor duke kërkuar familjen e tij. E kuptova menjëherë se ishte djali im. Nuk kishte ndryshuar që atëherë. Unë kurrë nuk e kisha raportuar djalin tim të zhdukur”, tha ajo për autoritetet greke.

Kreu i PD, Sali Berisha në fjalën e tij përpara protestuesve i ka bërë thirrje të gjithë shqiptarëve, iu bëj thirrje të gjithë opozitarëve të bashkohemi në këtë betejë.

Berisha është shprehur se fillimi i protestave të opozitës në ditët e para të tetorit është fillimi i fundit të narkoregjimit, është fillimi i fitores të opozitës së vërtetë mbi regjimin antishqiptar të krimit, drogës dhe vjedhjes së qytetarëve.

Fjala:

Të dashur miq, fillimi i protestave të opozitës në ditët e para të tetorit është fillimi i fundit të narkoregjimit, është fillimi i fitores të opozitës së vërtetë mbi regjimin antishqiptar të krimit, drogës dhe vjedhjes së qytetarëve.

Me këtë rast ju bëj thirrje të gjithë shqiptarëve, iu bëj thirrje të gjithë opozitarëve të bashkohemi në këtë betejë. Beteja për qeverinë teknike, beteja kundër terrorit dhe dhunës ndaj opozitës.

Është betejë për dinjitetin e çdo shqiptari të ndershëm. Është betejë për interesin kombëtar të shqiptarëve, betejë për interesin e Shqipërisë.

Shqipëria me burgje politike.

Shqipëria me të burgosur politikë.

Shqipëria me farsë elektorale.

Shqipëria me drejtësi të kontrolluar nga diktatori.

Shqipëria e qytetarëve të plaçkitur gjer në palcë nga regjimi. Shqipëria e kodeve mafioze.

Është Shqipëri jo e shqiptarëve. Është Shqipëria, jo vend i bekuar i tyre, por vend i mallkuar i tyre.

Ndaj kush e ndien veten shqiptar të bashkohemi me guxim. Guximtare dhe guximtarë është koha juaj, është ora juaj, është ora e fitores, e shqiptarëve.

Ndaj dhe ke të ngrihemi ne si viganë, le t’i dëshmojmë Europës dhe mbarë botës se para se të votojmë me duart tona, do të votojmë me gjokset tona, do të votojmë me këmbët tona, do të votojmë me guximin tonë, do të votojmë me triumfin tonë, do të votojmë me fitoren tonë.

Rrofshi ju, rroftë Shqipëria!

Fitore, fitore, fitore!

Aktori i humorit, Bes Kallaku, i cili ka qenë shpesh i përfolur si një kandidat i mundshëm për të hyrë në “Big Brother VIP”, duket se këtë herë do të bëhet realitet. Sipas Besi pritet të jetë një nga banorët e edicionit të tretë të “Big Brother VIP Kosova”. I njëjti burim bën të ditur edhe një emër tjetër si konkurrent të reality show-t: Anetta Beri — modele.

Sa i përket Besit, nuk ka ende një konfirmim zyrtar nga vetë ai, apo produksioni, por burime të afërta me Kallakun kanë deklaruar se bisedimet mes tij dhe produksionit kanë përfunduar me sukses dhe ai pritet të jetë një prej emrave të mëdhenj që do të hyjnë në shtëpi.Ky informacion është bërë publik nga shokët e tij, të cilët kanë lënë të kuptohet se Kallaku ka dhënë përgjigje pozitive.

Edicioni i tretë i “Big Brother VIP Kosova” është shumë i pritur nga publiku dhe do të jetë interesant të shihet nëse humori dhe karizma e Bes Kallakut do të sjellin një dinamikë të re në këtë spektakël të njohur

Reperi i njohur, Noizy feston sot 38-vjetorin e lindjes. Miq, kolegë dhe fansa i kanë uruar ditëlindjen Rigles Rajkut.

Mirëpo urimi që ra më shumë në sy ishte i reperes, Loredana. Ajo ka publikuar një foto krah Noizyt dhe shkruan: “Gëzuar ditëlindjen, Zin! Ti je shoku im përgjithmonë. Të dua shumë!”

Dy reperat sollën bashkëpunim e tyre të parë së bashku “Heart Attack” dy vite më parë. Afërsia e tyre nxiti aludimet për një romancë mes Loredanës dhe Noizy-t.

Por dyshja kanë treguar se janë vetëm miq shumë të mirë, ndërsa reperja shijon lidhjen e dashurisë me futbollistin, Karim Adeyemi

Salsano Rrapi, i cili ka qenë për shumë vite një figurë kryesore në moderimin e “Portokalli”, duket se mund të mos jetë pjesë e këtij sezoni. Në spotin e fundit të publikuar për spektaklin, mungesa e tij ka ngritur dyshime tek publiku, duke nxitur spekulime mbi largimin e tij nga formati.

Këtë vit, bashkë me Nevina Shtyllën, Kiara Tito është bashkuar si bashkëmoderatore, por pyetja që mbetet është nëse Salsano do të zëvendësohet nga dikush tjetër apo nëse Nevina dhe Kiara do të vazhdojnë të drejtojnë programin bashkë.

Pavarësisht spekulimeve, mbetet për t’u parë zyrtarisht në fillimin e sezonit të ri nëse Salsano Rrapi do të jetë ende pjesë e trupës së “Portokalli”.

VIDEO