Month: September 2024

Pas një karriere të suksesshme prej më shumë se gjashtë vitesh në OpenAI, Mira Murati ka njoftuar largimin e saj nga kompania.

Në një letër të publikuar në platformën ‘X’, Murati falënderoi ekipin për besimin dhe mbështetjen e dhënë gjatë udhëheqjes së saj. Ajo vlerësoi arritjet e fundit të OpenAI, përfshirë lançimet e teknologjive të reja që kanë ndryshuar mënyrën se si funksionon inteligjenca artificiale.

“Unë po largohem sepse dua të krijoj kohën dhe hapësirën për të bërë eksplorimin tim. Për momentin, fokusi im kryesor është të bëj gjithçka në fuqinë time për të siguruar një tranzicion të qetë, duke ruajtur momentin që kemi ndërtuar”, thekson Mira Murati”

Njoftimi i Mira Muratit:

Përshëndetje të gjithëve, kam diçka për të ndarë me ju. Pas shumë reflektimeve, kam marrë vendimin e vështirë për t’u larguar nga OpenAl. Gjashtë vite e gjysmë me ekipin e OpenAl kanë qenë një privilegj i jashtëzakonshëm. Ndërsa unë do të shpreh mirënjohjen time për shumë individë në ditët në vijim, dua të filloj duke falënderuar Sam dhe Greg për besimin e tyre tek unë për të udhëhequr organizatën teknike dhe për mbështetjen e tyre gjatë gjithë viteve.

Nuk ka kurrë një kohë ideale për t’u larguar nga një vend që dikush e çmon, megjithatë ky moment është i duhuri. Publikimet tona të fundit dhe OpenAl shënojnë fillimin e një epoke të re në ndërveprim dhe inteligjencë arritje të mundësuara nga zgjuarsia dhe mjeshtëria juaj. Ne nuk ndërtuam thjesht modele më të zgjuara, ne ndryshuam rrënjësisht mënyrën se si sistemet Al mësojnë dhe arsyetojnë përmes problemeve komplekse.

Ne sollëm kërkimin e sigurisë nga sfera teorike në aplikime praktike, duke krijuar modele që janë më të fuqishme, të rreshtuara dhe më të drejtuara se kurrë më parë. Puna jonë e ka bërë kërkimin më të fundit të Al intuitiv dhe të arritshëm, duke zhvilluar teknologji që përshtatet dhe evoluon bazuar në kontributin e të gjithëve. Ky sukses është një dëshmi e punës sonë të jashtëzakonshme ekipore dhe është për shkak të shkëlqimit tuaj, përkushtimit dhe angazhimit tuaj që OpenAl qëndron në kulmin e inovacionit Al.

Unë po largohem sepse dua të krijoj kohën dhe hapësirën për të bërë eksplorimin tim. Për momentin, fokusi im kryesor është të bëj gjithçka në fuqinë time për të siguruar një tranzicion të qetë, duke ruajtur momentin që kemi ndërtuar.

Do të jem gjithmonë mirënjohës për mundësinë për të ndërtuar dhe punuar së bashku me këtë ekip të jashtëzakonshëm. Së bashku, ne kemi shtyrë kufijtë e të kuptuarit shkencor në përpjekjen tonë për të përmirësuar mirëqenien njerëzore. Ndonëse mund të mos jem më pjesë e OpenAl me ju, unë do të jem ende në këmbë për ju të gjithë. Me mirënjohje të thellë për miqësitë e krijuara, triumfet e arritura dhe më e rëndësishmja, sfidat e kapërcyera së bashku. Mira!

Shqipëria si një vend post-komunist mbart në vetvete shumë mister, sidomos për fuqinë e mbrojtjes.

Në këtë kontekst Inside Story, sjell ekskluzivisht, për herë të parë në publik një hartë që tregon për fortifikimin e Shqipërisë. Kjo hartë e miratuar nga komandanti i kohës Kiço Mustaqi, për shumë vite ka qenë sekret shtetëror.

Ajo, tregon të vërtetën mbi mitet e ngritura për fortifikimin e kufijve. Një prej tyre, lidhet edhe me shtrirjen reale të bunkerëve sipas planit, dhe sipas atyre që ishin fakt në terren.

“Kjo është një hartë që është ideja e përgjithshme e fortifikimit të brezave të mbrojtjes për të gjithë Shqipërinë. Pra me këtë hartë do të garantohej pathyeshmëria miti i ushtrisë kombëtare shqiptare. në këtë periudhë ku plani ishte 221 145 qendra fortifikimi ku deri në 1983 ishin realizuar 173 371 qendra fortifikimi. Ku nuk kemi parasysh vetëm qendrat e zjarrit por kemi edhe kundra tanket dhe fortifikime te tjera. Pra ajo që është thënë deri më sot që Shqipëria kishte 600 mijë bunker, duke parë dokumentin na çon ekzakt tek shifrat që Shqipëria kishte ku nuk ishin më shumë se 180 mijë fortifikime. Mund të jetë hera e parë që një media publike vjen dhe troket për të parë diçka në dokument dhe për t’ia dhënë opinionit publik ashtu siç është në dokument dhe jo për të hamendësuar mbi fortifikimet shqiptare”, u shpreh Teki Kurti, Arkivi Qendror i FA.

Sot Shqipëria është larg atyre fortifikimeve por, kapacitetet reale mbrojtëse nuk mund të publikohen pasi përbëjnë sekret që lidhet me sigurinë kombëtare. Pikërisht, informacione të tilla synohen nga vende jo mike referuar edhe mjaft rasteve që janë ndaluar apo janë dëbuar shtetas të huaj që janë konstatuar duke fotografuar pranë bazave ushtarake. Një pjesë e madhe e tyre fatkeqësisht sot janë shkatërruar. Por, me zhvillimet teknologjike dhe reformimet e nisura pas viteve ’90-të, riaktivizimi i mjaft bazave nuk është parë i arsyeshëm. Në raste të caktuara, siç do të tregojmë më poshtë, mjaft nga këto asete u liruan për qëllime përfitimi korruptiv nga privatët.

“Në të kaluarën ka qenë mbulimi pëllëmbë për pëllëmbë i të gjithë territorit ndërsa në kushte e sotme me teknologjinë bëhet e mundur që të realizohet transporti i trupave tonë duke qenë të gatshëm në garnizone në çdo pjesë të Shqipërisë ku e kërkon nevoja për mbrojtjen e territorit të Shqipërisë”, u shpreh Aleksander Pando, Drejtor i Shtabit të Përgjithshëm të FA.

https://www.facebook.com/plugins/video.php?height=314&href=https%3A%2F%2Fwww.facebook.com%2Finsidestory.tch%2Fvideos%2F1091946239248370%2F&show_text=false&width=560&t=0

Këngëtarja e famshme greke Marinella është shembur në skenë teksa ishte duke performuar për spektatorët në odeonin Herodesit në Athinë.

Ajo ishte duke performuar këngën e dytë nga repertori i saj, teksa siç u dallua edhe nga pamjet, nuk është ndjerë mirë dhe ka rënë në skenë.

Spektatorët kanë reaguar të shokuar dhe tronditur nga ngjarja. Sipas medieve greke, Marinella është larguar me urgjencë nga skena drejt spitalit, pa ndjenja. Sakaq, koncerti është anuluar.

Marinella

Kyriaki Papadopoulou, e njohur me emrin e skenës Marinella është 86-vjeçe. Ajo ka vizituar Shqipërinë gjatë komunizmit në vitin 1977 si dhe është rikthyer disa herë në periudhën e demokracisë.

Vizita e saj e fundit në Shqipëri, ishte në prill të këtij viti.

%https://twitter.com/koukli12/status/1839014445827412183?ref_src=twsrc%5Etfw%7Ctwcamp%5Etweetembed%7Ctwterm%5E1839014445827412183%7Ctwgr%5E3fcaf307cb87f617bbbce21bc23b9cfccbb2000c%7Ctwcon%5Es1_&ref_url=https%3A%2F%2Fwww.voxnews.al%2Flifestyle%2Fshembet-ne-skene-kengetarja-e-famshme-greke-marinella-dergohet-pa-ndje-i75141

Momenti i rrëzimit në skenë i Marinella-s

Një vajzë 28-vjeçare, e cila punonte si dado për një biznesmen 35-vjeçar në Staten Island në SHBA, është shpërblyer me 4 milionë dollarë pasi punëdhënësi i filmoi disa momente të saj private duke përdorur një kamerë të fshehur të instaluar në një detektor tymi.

Një gjykatë në Manhattan ka vendosur që Michael Esposito dhe gruaja e tij Danielle do të duhet të paguajnë 780,000 dollarë për abuzim emocional ndaj Kelly Andrade nga Kolumbia, ndërsa Esposito do të duhet të paguajë 3 milionë dollarë të tjerë dëmshpërblim.

Michael Esposito me gruan e tij,Danielle

Vendimi erdhi pas një padie të ngritur në vitin 2021 nga dadoja 28-vjeçare pasi ajo zbuloi kamerën e fshehur në dhomën e saj të gjumit në shtëpinë e tyre në Staten Island.

Sipas mediave vendase, në atë kohë, dadoja nga Kolumbia kishte denoncuar në polici se Esposito kishte tentuar të hynte në dhomën e saj kur kuptoi se ajo kishte zbuluar kamerën.

28-vjeçarja shpjegoi në deklaratat e saj se familja Esposito i kishte dhënë një dhomë për të qëndruar ndërsa ajo ndihmonte në rritjen e fëmijëve të tyre. Mirëpo, kur e pa 38-vjeçarin që rregullonte shpesh detektorin e tymit, dyshoi se diçka nuk shkonte. Kështu, tre javë pasi u punësua ajo zbuloi kamerën e fshehtë.

Sipas padisë së 28-vjeçares, kamera e fshehtë ka regjistruar qindra momente të saj gjysmë e zhveshur ose krejtësisht e zhveshur.

Humoriusti i mirënjohur Sejfulla Myftari ndryshe i njohur si Cekja i Beratit i është drejtuar emisionit “Fiks Fare” jo si artist, por si hallexhi.

Ai ka problem me shtëpinë e tij të pushimit që ka në Sarandë, pasi edhe pse nuk jeton njeri ai paguan faturat e ujit mbi 6000 lekë në muaj.

Shtëpinë në Sarandë Cekja e ka prej 22 vitesh, por problemin me mbifaturim e ka kohët e fundit. Ai tregon për “Fiksin” se në dy muaj korrik e gusht faturat e ujit kapin vlerën prej 11.500 lekë pa qenë kush në shtëpi. “Unë duhet të pyes komshinjtë mos ka çarë ndonjëri tubin tim dhe ka hapur lavazh”, shprehet ai me humor.

Më pas tregon se ka bërë kërkesë pranë UKS për ndërrim të matësit dhe ka shlyer gjithë pagesat me vlera të konsiderueshme duke i zeruar ato në korrik të 2024. Por çudia ndodh se edhe pse kishte zeruar gjithçka në UKS ai del sërish debitor. Faturat e korrikut dhe gushtit janë në vlerën 11500 lekë. Ankohet sërish dhe merr si përgjigje që nuk është faji lexuesit, pra nuk ka mbifaturim, por fajin e ka sahati.

“Fiksi” bashkë me Ceken i drejtohen shërbimit të klientit të UKS-së dhe ai shprehet se është në dijeni të problemit, por që matësi i ujit aq ka regjistruar. Ndërkohë që Cekja shpjegon se matësi është ndërruar punonjësi i shpjegon se matja e sahatit të ri pasqyrohet në muajin shtator.

Ndërkohë që faturimet për muajt korrik e gusht janë nxjerrë nga matësi që kanë hequr. I pyetur nga ana e Cekes se pse del debitor kur i ka kryer të gjitha pagesat, punonjësi shpjegon se në matësin që kanë hequr kishte ende metra kub uji të pa lexuara.

Ndërkohë që “Fiksi” dhe Cekja është në zyrat e UKS-së, drejtori i këtij institucioni telefonon gazetaren e Fiksit duke i thënë se nuk është në dijeni, por që problemin do e zgjidhin menjëherë.

Fiksi shoqëron Ceken në shtëpinë e tij të pushimit në Sarandë për të parë matësin e ri. Në shtëpinë e humoristit kontrollojnë për ndonjë rrjedhje të mundshme të ujit që nuk e konstatojnë.

Edhe komshinjtë nuk janë ankuar për ndonjë rrjedhje të mundshme, pra duke u e përjashtuar si fakt. Edhe specialistet e UKS-së që i kanë shoqëruar në shtëpi Ceken nuk shohin rrjedhje dhe së bashku mbyllin çdo saraçineskë në shtëpi.

Pak më vonë, gjatë orarit të furnizimit me ujë, grupi i UKS-së shkon sërish dhe bëjnë filmime të sahatit i cili regjistron konsum, pa patur njeri në shtëpi dhe çdo gjë ishte e mbyllur.

Fiksi rikthehet sërish në Ujësjellësin Sarandë ku kërkon procesverbalet e heqjes së sahatit të vjetër dhe vendosjen e të riut, Si dhe si është e mundur që edhe sahati i ri regjistron konsum.

UKS- së në përgjigje të saj shkruan nga verifikimi i bëre nga grupi më 24/09/2024 u konstatua se ujëmatësi vazhdon të regjistrojë konsum, por pa dhënë shpjegim se pse. Gjithashtu ata këshillojnë të kontrollohet linja nga ujëmatësi në drejtim të banesës për të gjetur defekte të mundshme. Defekte që punonjësit e UKS-ë edhe pse inspektuan shtëpinë nuk i gjetën.

Australia ka zbuluar një nga peshqit më të rrallë në botë gjatë një shëtitjeje në rajonin Top End.

Një postim në internet tregon dy burra duke mbajtur në dorë një peshk gjigant.

Bëhet e ditur se peshku i cili noton vertikalisht në thellësi deri në 1,000 metra, njihet edhe si ‘Peshku i Ditës së Kijametit’, dhe si “shenjë paralajmëruese” për ata që e shohin.

Një ekspert tha se krijesa me pamje të lashtë është një kapje e rrallë nga Top End.

“Është hera e parë që kam parë dhe dëgjuar ndonjëherë dikë të kap një peshk të tillë”, tha Alex Julius.

Imazhi ka ngjallur reagime të shumta në rrjete sociale.

Disa pyetën nëse ai ishte krijuar nga Al, ndërsa të tjerë e besuan.

“Sigurisht që është një kalë deti që refuzoi të zhdukej kur bota zhduku dinosaurët”, shkroi një person

Një shtetase afrikane kishte gëlltitur 60 doza (ovula) kokainë për ti transportuar nga Brazili drejt Afrikës së Jugut

Një shtetase afrikanekishte gëlltitur 60 doza (ovula) kokainë për ti transportuar nga Brazili drejt Afrikës së Jugut. Gruaja e cila punonte si korriere droge u arrestua në aeroportin Tambo në Johanesburg. Policia bëri publike në rrjetet sociale pamjet e radiografisë që demaskuan gruan e cila quhej ‘mushka e drogës’

Pas Italisë, stuhitë e fuqishme kanë goditur dhe Francën me qytetin e Kanës që është përmbytur.

Videot e postuara në internet tregojnë rrugët që janë kthyer në lumenj të furishëm. Uji rridhte me aq forcë sa që rryma e tij rrëmbeu makinat.

Fatmirësisht, nuk ka raportime për viktima, megjithëse videot e publikuara në internet tregojnë gjithashtu njerëz që po luftojnë me fatkeqësinë natyrore.

❗️🌧️ #DirectMétéo
23/09/2024 à 09h05 : Cette vidéo ravive de douloureux souvenirs. Voici le quartier de la République à #Cannes(06) ce matin, inondé par le ruissellement lors d’un violent orage. Toutes les vidéos sont dans la page Facebook. #Nice06 #CotedAzurFrance pic.twitter.com/LdtaxFp32t

— Météo Côte d'Azur ☀️ (@MeteoCotedAzur) September 23, 2024

Në vitin 2015, si pasojë e një përmbytjeje, të paktën 19 njerëz vdiqën dhe dhjetëra mijëra mbetën pa energji elektrike.

Në një intervistë për BFM TV, kryetari i bashkisë së Kanës, David Lisnard, njoftoi se do të kërkonte shpjegime nga autoritetet kombëtare.

Administrata e Kanës thuhet se mori një paralajmërim për stuhinë që po afrohej vetëm një orë para se ‘ferri’ të shpërthehej në rrugët e qytetit.

Në episodin e tretë të “Për’puthen” u prezantuan disa nga konkurrentët e tjerë

I pari është Aldo, 23 vjeç, i lindur në Athinë. Në prezantimin e tij në studio ai e cilësoi veten si “hajdut zemrash”, ndërsa bëri përshtypje për vetëbesimin e lartë.

Konkurrenti tjetër quhet Gentian, 24 vjeç, nga Tirana. Ai punon si instruktor fitnesi, ndërsa zbuloi se përse po merr pjesë në këtë reality show. “Kam ardhur sepse isha kurioz për të parë nga afër një eksperiencë televizive si kjo. Vajzat më vardisen goxha”, tha ai.

Dy djemtë bënë një sfidë me litar, ku fitues doli Gentiani. Ai realizoi një takim me Keldën, ku kjo e fundit shprehu pëlqimin për të.

Një tjetër vajzë u prezantua sot. Ajo është Eneada, e cila aktualisht është studente, 21 vjeç dhe merr “statusin” e konkurrentes më të vogël në këtë edicion. “Kam ardhur për t’u martuar, nuk dal që këtu pa u martuar. Prindërit nuk ishin darkord, donin që të mbaroja njëherë universitetin”, u shpreh ajo.Redjoni, 23-vjeç, me origjinë nga Korça, punon si IT. Ai vjen në “Për’puthen të gjej gjysmën e tij, a është ajo Eneada, këtë do ta zbulojmë në episodet në vijim.

Emarta dhe e mërkura janë ditët kur avionët në Evropë fluturojnë, mesatarisht, më të zbrazët dhe kur çmimet e biletave janë më të ulëta. Për herë të parë, Courier ka zbuluar se si rezervimet dhe numri i udhëtarëve ndryshojnë çdo 24 orë. Të dhënat dalin nga analiza e dokumenteve të brendshme dhe konfidenciale të rreth 10 linjave ajrore tradicionale dhe me kosto të ulët.

Midis “faktorit të ngarkesës” dhe tarifave

“Faktori i ngarkesës” së fluturimeve, pra përqindja e vendeve që kompanitë arrijnë të shesin në çdo fluturim individual, është një element i rëndësishëm për llogaritë dhe ndikon në përcaktimin e çmimit. Sa më i zbrazët të jetë avioni afër nisjes, aq më shumë rritet shansi për të kapur një biletë të lirë. Duke qenë se, siç llogarit IATA (shoqata ndërkombëtare e linjave ajrore), në shtatë muajt e parë të këtij viti shkalla mesatare e frekuencës së avionëve në Evropë ishte 83.5%, kjo do të thotë se një pjesë e mirë e avionëve udhëtojnë shpesh plot.

Programimi

Por ka rrugë të cilat – pjesërisht për shkak të vëllimeve të ulëta, pjesërisht për shkak të frekuencave të shumta ditore, pjesërisht për shkak të periudhës – jo gjithmonë e mbyllin ditën me të gjitha vendet e rezervuara. Një tregues i parë i flukseve në Evropë mund të merret duke parë lëvizjet e planifikuara nga transportuesit. Në javën 7-13 tetor 2024, sipas të dhënave të ofruara për Courier nga platforma e specializuar Cirium, fluturimet brenda-evropiane të linjave tradicionale dhe me kosto të ulët, luhaten gjatë javës.

Fluturime të planifikuara

E hëna dhe e premtja janë ditët me numrin më të madh të nisjeve të planifikuara (mbi 12 mijë). E shtuna dhe kombinimi e martë-e mërkurë janë ato me më pak fluturime të planifikuara. Edhe pse për transportuesit tradicionalë e shtuna është dukshëm kulmi minimal, njerëzit historikisht lëvizin pak. Për transportuesit me kosto të ulët diferenca me të martën dhe të mërkurën është shumë minimale. Kurba e lëvizjes daton të dielën, kur një pjesë e madhe kthehet në shtëpi ose udhëtojnë për arsye pune ose studimi.

Llogaritë e brendshme

Por kjo është vetëm një pjesë e historisë. Pjesa tjetër është në tabelat – ose ato të shkruara me dorë, siç bën çdo ditë CEO i Ryanair, Michael O’Leary – të operatorëve me shitje ditore. Duke parë normat mesatare të vendeve të zëna – nga vera 2023 deri më sot – vërejmë se të martat dhe të mërkurat, pavarësisht se janë ditë kur ka më pak fluturime, kompanitë e transportit po luftojnë për të shitur të gjitha vendet. Për tradicionalet fluksi zbret në 79% (të martën) dhe 78% (të mërkurën). Ndër linjat me kosto të ulët, të cilat kanë faktorë ngarkesë më të lartë, arrin në 89% dhe 87%, ndërsa të hënën dhe të premten është 94%.

Lakoret e çmimeve

Këto të dhëna ndikojnë edhe në luhatjet e çmimeve. Duke marrë periudhën 30 shtator – 6 tetor si javë analize, në linjat e Italisë, Veri-Jug, një fluturim arrin çmimin më të ulët të martën dhe të mërkurën. Ndërsa çmimet më të larta mesatarisht janë të premteve dhe të hënave. Kjo është pa disa karakteristika specifike territoriale, të tilla si ngjarje sportive dhe muzikore, të cilat mund të bëjnë që numrat të ndryshojnë ndjeshëm. Shqip/ Noa.al