Month: September 2024

Pasagjerët në një fluturim të Delta Airlines nga Salt Lake City në Portland të dielën përjetuan momente të tmerrshme teksa filluan t’u dalë gjak nga hunda dhe veshët, duke e shtyrë aeroplanin amerikan të bënte një ulje emergjente.

“Dëgjova ajrin që dilte dhe më pas ndjeva një dhimbje të papritur në veshin tim të djathtë”, tha Jaci Purser për CNN, duke shtuar, “Vura dorën në vesh dhe pashë gjak”.

Purser, e cila ishte në një udhëtim pune, tha se kolegët e saj dhe pasagjerët e tjerë gjithashtu përjetuan probleme të ngjashme: “veshët tanë filluan të na dhembin keq.

Të gjithë rreth nesh shtrëngonin veshët, filluan të rrjedhin gjak, po ashtu edhe disa pasagjerëve nga hundët”.

Kryetari i Dumës së Shtetit, dhoma e ulët e parlamentit rus, tha sot se sulmet e Ukrainës kundër Rusisë me raketat perëndimore do të çojnë në një luftë botërore. Ai tha se Rusia do të përdorë armët bërthamore dhe se përgjigja e Moskës do të jetë e ashpër.

Vychislav Volodin, tha se nëse Perëndimi jep leje për sulme të tilla thellë brenda territorit rus, atëherë kjo do të çojë në një “luftë botërore duke përdorur armë bërthamore”.

“Rusia do të përgjigjet ashpër dhe do të përdorë armë më të fuqishme”, tha

Volodin, një bashkëpunëtor i ngushtë i Presidentit Vladimir Putin, i cili shpesh përcjell pikëpamje në nivelet e larta të Kremlinit.

Deklaratat e Volodin janë një përgjigje ndaj vendimit të Parlamentit Evropian për të lejuar Kievin të godasë objektivat ruse me armë perëndimore. Konkretisht, me një rezolutë që miratoi sot, Parlamenti Evropian bën thirrje për heqjen e kufizimeve që pengojnë Ukrainën të përdorë sistemet e armëve perëndimore kundër objektivave legjitime ushtarake në Rusi.

Rezoluta, e cila u miratua me 425 vota kundër, 131 kundër dhe 63 abstenime, thotë se nëse nuk hiqen kufizimet aktuale, Ukraina nuk mund të ushtrojë plotësisht të drejtën e saj për vetëmbrojtje dhe mbetet e ekspozuar ndaj sulmeve ndaj popullsisë dhe infrastrukturës së saj.

Parlamenti Evropian nënvizon se dërgesat e pamjaftueshme të municioneve dhe kufizimet në përdorimin e tyre rrezikojnë të minojnë përpjekjet e bëra deri tani.

Eurodeputetët po përsërisin thirrjen e tyre ndaj vendeve anëtare të BE-së për të përmbushur premtimin e tyre të marsit 2023 për të dorëzuar një milion raketa në Ukrainë dhe për të përshpejtuar dërgimin e armëve, sistemeve të mbrojtjes ajrore dhe municionit, përfshirë raketat TAURUS.

Ata gjithashtu përsërisin qëndrimin e tyre se të gjitha vendet anëtare të BE-së dhe aleatët e NATO-s duhet kolektivisht dhe individualisht të angazhohen për mbështetje ushtarake vjetore për Ukrainën prej të paktën 0.25% të PBB-së së tyre.

Volodin tha se në Moskë duket se Perëndimi ka harruar sakrificat e mëdha të bëra nga Bashkimi Sovjetik në Luftën e Dytë Botërore.

Ai tha gjithashtu se evropianët duhet të kuptojnë se raketa balistike ndërkontinentale RS-28 Sarmat, e njohur për disa si Satan II, do të merrte vetëm 3 minuta e 20 sekonda për të goditur Strasburgun.

Një e re në Itali ka humbur jetën tragjikisht pasi u aksidentua katër ditë më parë dhe hetimet e orëve të fundit sugjerojnë se statuja me të cilën u godit fatalisht u hodh nga disa fëmijë duke i shkaktuar vdekjen.

Ngjarja ndodhi të dielën pasdite 15 shtator në Quartieri Spagnoli në Napoli. Chiara Jaconis, 30 vjeçe nga Padova kishte shkuar për të vizituar Napolin.

E reja ishte me të dashurin e saj Livio në Napoli, me pushime, një dhuratë për ditëlindjen e saj të 30-të.

Në një moment fatal teksa ishte duke kaluar në një rrugë të zonës Quartieri Spagnoli, një statujë i bie mbi kokë.

Video e dalë sot tregonin pamjet e çasteve të frikshme.

Dëmtimet që mori ishin fatale sepse pas disa ditësh lufte për jetën në spital, vajza fatkeqësisht ndërroi jetë për shkak të plagëve të rënda.

https://youtube.com/watch?v=axGmWjNGr-U

Hatixhja, personazhi i njohur i TikTokut, ka reaguar pas disa lajmeve në media, lidhur me pasurinë e saj.

Hati dhe bashkëshorti i saj Jashari, një dyshe myslimanësh të devotshëm, janë kthyer në influencerë TikToku duke postuar video shpesh nga jeta e tyre luksoze, udhëtimet dhe makinat e shtrenjta.

Së fundmi ata ishin protagonistë të një lajmi pasi policia u bllokoi makinën dhe patentat, për shkak se udhëtonin me shpejtësi tej normave në rrugët e vendit.

Hatixhja i është kthyer medieve, duke thënë se e bëjnë për vëmendje, ndonëse nuk i ka qetësuar “kurreshtarër” që e kanë pyetur se ku i gjen të të ardhurat.

“Nuk e paskam dit se sa rëndë dhe sa poshtë kanë qenë këto mediat shqiptare për pak shikueshmëri. Kanë një javë që bëjnë emisione për patentën time. Ku i gjen lekët Hatixhja. Na thirrin nja dy ë mençëm në emision që i thonë flisni kundër se kështu bëjmë lajm. Ftesa për emisione pa fund por nuk kam për të ardhur te asnjëri. Merruni me çështje të tjera. Kam jetën time, e pavarur dhe nuk po bëj ndonjë krim, nuk po vras njeri”, thotë ajo në një video të postuar në faqen e saj.

Lideri i militantëve të Hezbollahut me bazë në Liban, Nasrallah ka deklaruar sot se organizata e tij ndodhet në gjendje lufte me Izraelin.

Në një fjalim pak minuta më parë, Nasrallah tha se Izraeli i “kaloi vijat e kuqe” me sulmin teknologjik ndaj Hezbollahut.

Sakaq, forcat ajrore izraelite raportohet se vetëm 15 minuta para se Nasrallah të mbante fjalimin, nisën një fushatë bombardimesh ndaj objektivave të Hezbollahut në disa zona të Libanit.

“Ky akt kriminal është një operacion i madh terrorist, një akt gjenocidi dhe masakre, dhe përbën një shpallje lufte.

Ne morëm një goditje të rëndë, por kjo është gjendja e luftës dhe e kuptojmë se armiku ka epërsi teknologjike, aq më tepër që mbështetet nga Shtetet e Bashkuara dhe Perëndimi.

Kur hyjmë në këtë konflikt, ne kemi jemi betuar për përpjekje, xhihad dhe ne kemi qenë fitimtarë në mënyrë të përsëritur deri më tani”, deklaroi Nasrallah.

Një burrë rreth të 50-ave, ka habitur Greqinë, pasi thotë se nuk mban mend asgjë nga e kaluara e tij.

Se si e ka humbur kujtesën është e paqartë, por mediat greke kanë shpërndarë fotografinë e tij me shpresën se dikush mund ta njohë.

Dhe në fakt, sot, pas shumë ditësh kërkime, duket se personi në fjalë është shqiptar.

Një shqiptar në Greqi ka njoftuar autoritetet vendase se e njeh “Petron” pasi kanë punuar bashkë. Për televizionin “Mega” ai ka thënë se e njeh Petron pasi janë rritur bashkë në një lagje në Shqipëri.

“Emri Petros Koutsoukis (Petro Kucuqi) është i njohur. Ai ia erdhi në vitin 1992 këtu për të gjetur më lehtë një punë në Greqi”, tha personi i dytë që e njohu.

“Ai tha se ishte i birësuar dhe jetonte në Mesini. Fliste çuditërisht, kishte theks. Dyshuam se ishte nga Epiri. Jam i sigurt se është ai, thjesht është më i shëndoshë sot. Nuk është 44 vjeç. Është mes 49 dhe 52 vjeç”, tha shqiptari.

Për zbulimin e identitetit të Petros tashmë është angazhuar edhe Interpoli në Greqi.

Shqipëria renditet në vendin e shtatë në botë për çmimin më të shtrenjtë të naftës.

Shqipëria renditet e shtata nē botë sa i përket çmimit të naftës. Në klasifikimin që bën organizata Global Petrol Prices, qytetarët në vendin tonë e paguajnë këtë produkt me lirë se në Zvicër, Monako, Islandë e Hong Kong, dhe më shtrenjtë se rajoni, Bashkimi Europian dhe gjithë pjesa tjetër e globit.

Tregu global sot është i stabilizuar, dhe çmimi mesatar i naftës në mbarë botën ka arritur në 108 lekë për litër, ndërsa në Shqipëri, pikat e karburanteve e tregtojnë 177 lekë.

Ndryshimet në çmime ndërmjet shteteve, reflektohen për shkak të raporteve me prodhimin, tregtine dhe taksat, pasite gjitha vendet kanë akses në tregjet ndërkombëtare, por më pas të gjitha vendosin taksa të ndryshme. Si rezultat, çmimi me pakicë i naftës është i ndryshëm.

Kujtojmë se në bursën europiane, një fuci naftë po tregtohet në këtë periudhë për 70 dollarë, duke regjistruar vlerat më të ulëta që nga viti 2022, kur tregu i lëndëvë djegëse u trondit pas nisjes së luftës Rusi-Ukrainë.

Në Orellana të Ekuadorit pati një moment tensioni dhe pasigurie. Kishte një tentativë për vrasës në një ndeshje të ekipeve amatore midis skuadrave të Nuevo Coca dhe Chimborazo. Ndeshja po zhvillohej në fushën e Guadalupe Larriva, në El Coca.

Nëntë minuta pas ndeshjes hyri në fushë një motoçikletë, me dy burra, të cilët donin të qëllonin me armë. Gjithçka u kap nga një transmetim live, amator.

Në sfond dëgjohen të shtëna armësh dhe britma. Lojtarët vrapuan për t’u strehuar dhe një nga burrat e armatosur mund të shihet duke vrapuar drejt “presë”, që supozohet se ishte pjesëmarrës në lojë. Gjithçka ndodh nëpër fushë dhe direkt në kamera.

🚨#Orellana Ya no estamos seguros en ningún lado, hoy en medio de un campeonato interbarrial de fútbol, jugadores y familiares fueron sorprendidos por un intento de sicariato, en el Barrio Guadalupe Larriva, Pdte. @DanielNoboaOk ministra @Palencia3Monica y el Plan Fénix?? pic.twitter.com/9NjWiiFjma

— Mariuxi Sánchez Sarango (@MariuxiSanchezS) September 15, 2024

Pas disa të shtënave dhe duke mos kryer vrasjen, vrasësi kthehet në motoçikletë, ku priste shoferi dhe ikin në të njëjtën mënyrë siç erdhën. Teksa iknin, qëlluan dhe disa herë në ajër, por nuk kishte viktima. Ndeshja u pezullua./La Voz/

Këngëtari grek Konstantinos Argiros rikthehet sërish në Shqipëri, por kësaj radhe ndryshe. Ai ndodhet në Tiranë për të bërë provat për koncertin e tij më të fundit që do të mbajë në Londër, të cilin e quan kyç për karrierën e tij. Për këtë moment të rëndësishëm ai ka zgjedhur të shoqërohet nga një orkestër shqiptare.

Bashkëpunimi me orkestrën shqiptare ai e nisi në koncertin që mbajti në Pallatin e Kongreseve në Janar të vitit të shkuar, dhe do ta vazhdojë edhe në skenën më prestigjioze muzikore në botë, në “Royal Albert Hall”, ku do të jenë më të në skenë rreth 30 instrumentistë shqiptarë.

“Jam shumë i lumtur që kthehem në Tiranë. Vitin e kaluar mbajtja një koncert të Pallati i Kongreseve, nga ku kuptova që ju keni instrumentistë të shkëlqyer, ndër më të mirët në botë dhe për këtë koncert kyç të karrierës time në Albert Hall nuk mund të zgjidhja një skuadër tjetër”, thotë këngëtari.

Një ëndërr e bërë realitet është ky moment për artistin grek, këngët e të cilit janë shumë të dashura edhe për publikun shqiptar, ndërsa zbulon çfarë do të ketë në repertorin e asaj mbrëmjeje. Por pas këtij momenti, një tur nëpër botë e pret artistin Konstantinos Argiros, i cili nuk e përjashton që veç orkestrës së tij të shoqërohet edhe nga instrumentistë shqiptarë.

Mjeku kardiolog Altin Veshti ka qenë i ftuar në emisionin Opinion.

Ai ka thënë se diagnozat me sëmundjet  e zemrës, në moshë të re janë shtuar dhe këshilloi kryerjen e aktivitetit fizik për të mbajtur një zemër të shëndetshme.  

Në rastin e ish deputetit Gerti Bogdani, i cili humbi jetën ditën e djeshme nga një arrest kardiak, ai tha se nuk e ka parë konkretisht kartelën, por ekzistojnë 4 hipoteza se çfarë mund të ketë ndodhur.

“Ekzistojnë 4 hipoteza që një person mund të pësojë vdekje kardiake. I pari që duhet të them është infarkti i miokardit, pra infarkti është mbyllja e njërës nga arteriet e zemrës dhe zemra ka 2 arterie dhe ajo zonë që nuk merr gjak praktikisht fillon e ul funksionin. Fakti që ai ka filluar të ketë marrje fryme, do të thotë që ana e majtë e zemrës, pra ventrikuli i majte, ka filluar të mos furnizohet mirë me gjak dhe ndërkohë ka ardhur duke u mbyllur në mënyrë totale. Në momentin që mbyllet komplet arteria nuk është se ndalet zemra, siç mendon populli, por ndërhyn një aritmi malinje. që bën që zemra mos të tkurret më, por vetëm bën një lëvizje që nuk arrin të pompojë. Kjo ndodh shumë e shpejt dhe është e vështirë të ndërhyet. Shpesh herë na ka ndodhur ne që edhe në repart të jesh nuk arrijmë dot t’i çojmë në sallë dhe t’i shpëtojmë. E dyta është ajo që ne e quajmë diseksioni i aortës ose çarja e aortës. Por kjo jep një dhimbje të menjëhershme sikur të ngulet një thikë një gjoks. I treti është tromboembolia pulmonare, pra që të mbushen mushkëritë me trombë, 2 arteriet e mëdha dhe mbushja në mënyrë masive e bën që të pamundur jetën e pacientit. I katërti është një aritmi që ndodh tek futbollistët që nuk mendoj që është rasti i tij. Janë këto futbollistë që duke luajtur rrëzohen në që quhet aritmia e ventrikulit të djathtë”, tha mjeku