Month: September 2024

Një nga skandalet më të mëdha të kohëve të fundit ka dalë në pah me shumat e larta të parave të përvetësuara nga Wang Yilin, Kryetar i Bordit të Drejtorëve të kompanisë lider kineze të energjisë PetroChina.

Gjatë bastisjes në shtëpinë e Wang Yilin, u gjetën gjithsej 900 miliardë juanë (rreth 126 miliardë dollarë) në para dhe sende me vlerë.

Pas operacionit të kryer nga Komiteti i Kinës për Inspektimin Disiplinor (CCDI) javën e kaluar, imazhet e publikuara në shtyp zbuluan se 10 kamionë u përdorën për një javë për të transportuar sendet me vlerë dhe paratë e gjetura në bodrumin e shtëpisë së Wang Yilin.

Kjo situatë konsiderohet si një skandal i madh nga shumë njerëz që vënë në dyshim përpjekjet për të luftuar korrupsionin.

Rastet e ryshfetit dhe përvetësimit në Kinë kanë prekur thellësisht strukturën ekonomike dhe politike të vendit për shumë vite. Përveç Wang Yilin, ish-zyrtarët e Partisë Komuniste Kineze (CCP) Bo Xilai dhe Zhou Yongkang kanë dalë gjithashtu në plan të parë me akuzat për ryshfet dhe korrupsion në shkallë të gjerë.

Bo Xilai u dënua me burgim të përjetshëm për ryshfet dhe korrupsion në vitin 2013, ndërsa Zhou Yongkang u arrestua dhe u dënua me burg në vitin 2014 me akuza për korrupsion.

Nga ana tjetër, u raportua se Bai Tianhui, ish-CEO i China Huarong International Holding Limited, një nga kompanitë më të mëdha shtetërore të menaxhimit të aseteve të Kinës, u dënua me vdekje në gjyqin e tij të parë me akuzën për marrjen e ryshfetit “jashtëzakonisht të madh”.

Skandali PetroChina tregon gjithashtu se sa komplekse dhe të thella janë përpjekjet kundër korrupsionit në Kinë. Është e qartë se incidente të tilla nuk kufizohen vetëm tek zyrtarët e nivelit të lartë në shtetin kinez, por kanë një ndikim të madh në të gjithë vendin.

🔴 PetroChina'nın yönetim kurulu başkanı Wang Yilin'i evinin bodrumunda 900 milyar yuan (126 milyar dolar) nakit bulundu.

▪Kıymetli eşyaların ve paraların taşınması için 10 kamyon bir hafta çalıştı. pic.twitter.com/7pxPy3nnhl

— Conflict (@ConflictTR) September 4, 2024

Një lajm i trishtë ka ardhur këtë të enjte. Avokatja e njohur, Domenika Gjeçi, e cila vitet e jetës së saj ia dedikoi drejtësisë ka ndërruar jetë në moshë të re.

Gjeçi ishte një emër i njohur në fushën e avokatisë, profesion të cilin e ushtroi prej shumë vitesh dhe merrej me çështjet penale, duke dhënë një kontribut të çmuar në drejtësinë e vendit tonë.

Lajmin e trishtë për ndarjen nga jeta të Gjeçit e kanë dhënë kolegët, “Avokatët penalistë”, përmes një postimi në “Facebook”.

Postimi i Avokateve Penaliste
Domenika Gjeçi nga të gjithë do të kujtohet për përkushtimin e profezionalizim e saj. Ndarja nga jeta në mënyrë të parakohshme e saj është një humbje e madhe jo vetëm për familjarët, por për të gjithë kolegët e saj avokatë, gjyqtarë dhe prokurorë me të cilët ka punuar përgjatë gjithë këtyre viteve.

Për familjarët humbja e saj është akoma dhe më e rëndë. Domenika Gjeçi jo më larg se tre muaj kishte humbur dhe vëllain.

Deklaratat skandaloze nga shqiptarët e Kosovës po tronditin jo pak shqiptarët e Shqipërisë të cilët u janë gjendur në krah vëllezërve kosovarë, kurdo herë dhe në çdo moment, sa herë dhe ata kanë pasur nevojë.

Pas deklaratës absurde të aktorit Osman Azemi, i cili tha se shqiptarët e Shqipërisë janë xhelozë për ata të Kosovës pasi sipas tij nuk kanë emra të njohur si Rita Ora, Dua Lipa, Majlinda Kelmendi, Xherdan Shqiri e shumë të tjerë, një tjetër figurë e njohur në Kosovë është në të njëjtën linjë mendimi me aktorin.

Së fundmi, video e aktivistit të Vetvendosjes, Rron Gjinovcit po bën xhiron e rrjetit.

Ardit Mancaku e ka takuar Nënë Terezën në vitin 1991, kur ajo vizitoi për herë të parë Shkodrën. Falë angazhimit të saj, Arditi u kurua në Itali dhe arriti të ngrihej në këmbë. Sot 45-vjeç, ai jep kontributin e tij për fëmijët me probleme shëndetësore në qendrën “Shpresa”

5 Shtatori shënon 8-vjetorin e shënjtërimit të Nënë Terezës. Report tv sjell dëshminë e rrallë të një personi që gjithë jetën ia dedikon asaj.

Ai është Ardit Mancaku, një prej personazheve më të njohura në Shkodër, i anagzhuar prej vitesh në projektin “Shpresa”. Mancaku e ka takuar Nënë Terezën 33 vite më parë, kur ishte 12-vjeç dhe familja e kishte brakisur në jetimore, pasi kishte lindur me sëmundjen e nanizmit.

“Unë kam qenë 12 vjeç kur ka ardhur Nënë Tereza tek Qendra e Zhvillimit në Shkodër dhe i kam pas këmbët e kthyera në formë peshku. I kam thënë ‘Nënë Terezë a do më falësh 2 mijë lek të blej një këmbë të reja’. Nënë Tereza më tha se do të shëroj unë me duart e mia. Na ka çuar mua dhe një vajzë në spital në Romë. U shtrova në spital më 5 gusht të 1991. Atëherë Nënë Tereza u ka dhënë bekimin mjekëve. Operacioni i parë ka zgjat 5 orë. Isha i fortë kam pasur kurajo! Kam bërë disa operacione, kam qendruar dy vite në spital”, tregon ai.

Sot 45 vjeç, Ardit Mancaku beson në mrekullitë e Shenjtores Tereza, teksa thekson se është ngritur në këmbë falë lutjeve të saj.

“Nënë Tereza vinte shpesh në spital. Ishte mrekulli e saj që kanë shkuar mirë gjithë ato operacione. Kam dalë nga spitali vitin 1993, kam qarë doja të rrija në spital. Kisha frikë se do më çonin tek familja biologjike. Nuk doja të shkoja atje. Pastaj më kanë çuar në shtëpinë e motrave të Nënë Terezës dhe aty jam takuar me Papa Gjon Palin II, në ’93 dhe ‘94. Nënë Tereza ka qenë nëna ime dhe Papa ka qenë babai im”.

Mban përherë pranë vetes edhe foton e takimit me Papa Gjon Pali II në Shkodër.

“Kjo është fotoja që kam me atë vajzën që shkova në spital. Ajo është birësuar në Itali, ndërsa unë u ktheva. Nënë Tereza për mua ka qenë gjithcka, më ka hap shumë rrugë. Falë saj jam sot tek projekti “Shpresa”.

Arditi Mancaku tashmë jep kontributin e tij në qendrën “Shpresa” në Shkodër. Sipas mësimeve të Nënë Terezës kujdeset për fëmijë dhe të rinj, jetimë e me probleme sociale e shëndetësore

https://youtu.be/ChZcTSeusis?si=mb85OGJn0xwkMyiB

Moderatorja e njohur, Bora Zemani, e nis këtë sezon vjeshte përsëri me një ndryshim në look-un e saj. Me anë të disa postimeve në Instagram ajo ka bërë me dije ndjekësit se tashmë do ta shohim si gjysëm bionde. Mirëpo ajo që ra në sy ishin komentet e fansave që shumica e krahasonin me artiste të tjera të showbizzit.

“Në një foto dukesh si Loredana tek tjetra si Xhensila dhe tek një tjetër si Elvana. Si Bora Zemani askund,” ishte një ndër komentët.

“E ngatërrova me Efi Dhedhes. Se ku me dalin këto piktura sygjerim se marr vesh. Mu dogjën sytë nga plastikoja,” ishte komenti tjetër.

Pa dyshim që kishte dhe fansa të tjerë që e komlimentonin moderatoren për dukjen e re. Javë më parë moderatorja hoqi dorë nga ngjyra e kuqe e flokëve, prej të cilave mori dhe emrin emisioni i fundit që moderoi, “Cherry On Top”.

Por mesa duket Bora nuk është mjaftuar me atë ndryshim dhe ka provuar një tjetër ngjyrë. Edhe pse një nga figurat publike më të kuruara në çdo aspekt, flokët për Borën kanë qenë gjithmonë një mënyrë për të eksploruar. Që nga dalja e parë në ekran dhe deri më tani i kemi parë flokët e saj në ngjyra të ndryshme

Deklaratat e fundit të këngëtares së famshme Katy Perry kanë ndezur mediat rozë, pasi ajo zbuloi në podcastin “Call Her Daddy” se partneri i saj Orlando Bloom ndan punët e shtëpisë dhe në këmbim ajo e shpërblen me seks. “Burri im pastron shtëpinë dhe lan enët, dhe unë e shpërblej me seks,” tha Perry, duke shkaktuar një lumë reagimesh në rrjetet sociale. Disa e kritikojnë për komentin, ndërsa të tjerë imagjinojnë skenën me humor.

Perry shtoi se ndarja e ngarkesës në punët e shtëpisë është thelbësore: “Ndihmoni në shtëpi, ndani ngarkesën, sepse për gratë ajo mund të jetë e padukshme, por shumë e rëndë.” Përveç kësaj, Perry ka tërhequr gjithmonë vëmendjen me stilin e saj provokativ dhe videoklipet me përmbajtje seksuale. E lidhur me Bloom që nga viti 2016, çifti priti vajzën e tyre Daisy Dove në vitin 2020 dhe vazhdojnë të kenë një jetë seksuale aktive, me Perry që më herët e kishte përshkruar aktorin si një “hamshor”.

Këto janë pamjet nga pusi ku Esmerald Balla, në bashkëpunim me shokun e tij Edison Brahaj, hodhi trupin e të atit pasi e vrau me pistoletë. Krimi i rëndë mendohet se ka ndodhur më 11 Gusht, ndërsa 30-vjeçari ka sajuar historinë se i ati ishte larguar me një grua tjetër së bashku me 75 mijë euro, para që u bënë “mollë sherri” mes baba e bir.

Pusi ku trupi i viktimës u gjet ditën e djeshme (4 shtator) ndodhet rreth 1 km larg banesës së familjes në fshatin Shënavlash të Durrësit.

Gazetari Igli Çelmeta raporton se autori i krimit pasi ka hedhur trupin e pajetë në pus ka fshirë çdo gjurmë që mund të çonin policinë tek ai.

Mësohet se 30-vjeçari ka pastruar dhe larë makinën, me të cilën transportoi trupin e babait të tij dhe ka fshirë pamjet nga kamerat e sigurisë që monitoronin banesën.

Para organeve hetimore, Esmerald Balla ka deklaruar se arma e përdour për të kryer vrasjen ishte e të atit. Viktima, Enver Balla mësohet është arrestuar dy herë për armëmbajtje pa leje, por ende policia nuk e ka vërtetuar se kujt i përkiste pistoleta.

Esmerald Balla ishte i papunë dhe merrej me bagëtitë që kishte familja e tij.

Ai jetonte me bashkëshorten dhe dy fëmijët e tyre në një banesë me të atin dhe njerkën. Ndërsa nëna i ka vdekur 5 vite më parë.

Mesfushori me origjinë shqiptare, Granit Xhaka është nominuar për çmimin prestigjioz të Topit të Artë! Një arritje e jashtëzakonshme për futbollistin i cili zhvilloi një sezon spektakolar me Bajern Leverkusen.
Kjo është hera e parë që Xhaka është pjesë e listës së kandidatëve për këtë çmim të rëndësishëm në futbollin ndërkombëtar.

Ceremonia e ndarjes së “Topit të Artë” do të mbahet më 28 tetor në Paris, ku do të mblidhen personalitete të njohura nga bota e futbollit për të nderuar më të mirët e vitit.
Këtë vit, disa lojtarë të tjerë janë gjithashtu në garë për çmimin, duke përfshirë Vinicius Jr e Jude Bellingham të Real Madridit, Rodri i Manchester City-t, që të gjithë janë konsideruar si favoritë për të fituar ‘Topin e Artë’.

Graniti fitoi Bundesligën me Bayer Leverkusenin pa pësuar asnjë humbje, po ashtu shtoi DFB Pokal dhe Superkupën e Gjermanisë.

Këta janë 30 kandidatët për Topin e Artë 2024

Drejtori i Përgjithshëm i Policisë së Shtetit Muhamet Rrumbullaku ka dhënë dorëheqjen.

Mësohet se këtë vendim ai e ka bërë me dije një ditë para mbledhjes së Ministrit të Brendshëm Ervin Hoxha me drejtuesit e policisë në qarqe dhe departamente.

Deri në zgjedhjen e kreut të ri të Policisë, pozicioni do të mbahet nga zv.drejtori Sokol Bizhga.

Sokol Bizhga më herët deri në vitin 2022 ka mbajtur detyrën e Drejtorit të Forcave Lëvizëse Operacionale, në Departamentin për Sigurinë Publike.

Të premten ministri i Brendshëm Ervin Hoxha pritet të mbajë një komunikim me mediat, për herë të parë që pas emërimit në krye të këtij dikasteri.

Gjithashtu ministri pritet të bëjë publike dhe ndryshime të tjera në kupolën drejtuese të Policisë së Shtetit. Kjo pasi një sërë ngjarjesh kriminale kanë mbetur pa autor.

Një banor tregon: Shumë vite më para, përpara se të emigroja në Itali familja ime ishte e varfër në fakt të gjithë ashtu ishim.

Bashkë me shokët e mi kishim një këshillë nga prindërit që të mos shkonim tek kjo shpellë pasi ishte e rrezikshme edhe e ndaluar të hyje.

Kurioziteti na shty edhe hymë brenda, kishim elekrikë, gurët shpëlqenin gjithandej sikur ishin diamantë.

Ecëm disa metra edhe filluam të mos e gjenim rrugën e kthimit, ishim gjashtë veta na zuri paniku.

Papritur ndoshta nga era apo nga një dukuri tjetër natyrore një fishkëllimë dukej si në filmat horror, nuk po duronim më edhe filluam të kërkonim ndihmë duke ulëritur, ajo dukej si labirint nga ndriçimi i elektrikëve sepse kishte shumë hyrje edhe nënkalime.

Na u desh të kalonim natën aty me tmerr edhe frikë, na kujtohesha legjenda edhe kjo na bënte akoma më nervoz.

Ajo natë ka qenë nata më e keqe edhe e ftohtë e jetës time, në lindjen e diellit gurët shkëlqenin si me magji por ju garantoj se është një mrekulli e

natyrës nese do të kishe fatin ta shikoje me sytë e tu me të vërtetë mahnitëse, falë zotit një bari po pinte ujë pranë burimit që gjendet prarë shpellës edhe ai na shpëtoi.

Sapo na nxori nga shpella ai u zhduk si me magji, u cuditëm të gjithë por kjo ishte një e mirë mes të keqijave. Shkuam në shtëpi edhe kurrë nuk kemi hyrë më brenda në atë shpellë”.

Dikur kjo shpellë më para mendohet se lidhte dy fshatra të rëndësishëm Gizaveshin edhe Librazhd Katund, por sot është e pamundur të kalohet sepse është e bllokuar nga shkaqet natyrore. Në hyrje të saj ndodhet një burim uji i cili të mpinë dhëmbët kur e provon, një mrekulli e vërtetë.