Month: September 2024

Një shtetas amerikan mori 50 milionë dollarë dëmshpërblim pasi u dënua gabimisht për vrasje, një ndër pagesat më të mëdha të këtij lloji në historinë e Shteteve të Bashkuara.

Marcel Brown, 34 vjeç, u dënua me 35 vjet burg si bashkëpunëtor në vrasjen e një djali 19-vjeçar në vitin 2008 në West Side të Çikagos.

Brown kreu dhjetë vjet burg përpara se të lirohej në vitin 2018 pasi një gjykatë e rrëzoi dënimin e tij dhe prokurorët hoqën të gjitha akuzat kundër tij.

Pas një gjyqi dy-javor, një juri në Gjykatën e Qarkut të SHBA-së në Çikago i dha dëmshpërblim Brown-it, duke gjetur se policia sajoi prova dhe detyroi një rrëfim të rremë prej tij.

Firma ligjore Loevy & Loevy tha se oficerët e mbyllën Brown në një dhomë marrje në pyetje për më shumë se 30 orë, e privuan atë nga ushqimi, refuzuan kërkesat e tij të përsëritura për një telefonatë dhe e penguan të flinte.

Policia gjithashtu e kërcënoi atë me burgim të gjatë nëse ai refuzonte të rrëfente dhe largonte nënën dhe avokatin e tij kur të mbërrinin për ta ndihmuar, tha Loevy & Loevy.

“Unë isha vetëm një fëmijë. Më futën në një strofkë plot me ‘luanë’, nuk u interesuan dhe nuk u penduan”, tha Brown në një deklaratë të lëshuar nga avokatët e tij.

Romeo Veshaj ishte padiskutim një ndër banorët më të komentuar dhe më aktiv në sezonin e tretë të “Big Brother VIP Albania”.

Megjithatë, qëndrimi brenda shtëpisë më të famshme në Shqipëri për më shumë se 3 muaj, i kushtoi jo pak aktorit.

Ai humbi më shumë se 10 kile nga pesha e tij trupore, e cila dukshëm u vu re në pamjen e tij — përfshirë masën muskulare apo detajet në fytyrë.

Mirëpo disa muaj nga mbarimi i programit, Romeo duket se është rikthyer fuqishëm.

Aktori ka postuar një foto në llogarinë e tij të Instagramit ku shihet se ka pësuar një ndryshim për mirë në pamjen e tij, shumë më i shëndetshëm.

Epo ndarja (e përfolur) nga Heidi Baci duket se ka ndikuar në motivimin e aktorit.

Një ngjarje e rëndë ka ndodhur në Florida, ku një 17-vjeçar ka qëlluar për vdekje me th*kë nënën e tij, ndërsa vitin e kaluar kishte vrarë babain.

Më konkretisht, autori është Colin Griffith, i cili mbrëmjen e së dielës së lajmëroi policinë.

Policia ka shkuar me shpejtësi në vendngjarje, por kur i ka kërkuar të përshkruajë atë që kishte ndodhur, ai nuk është përgjigjur dhe ka kërkuar të flasë me një avokat. Dëshmitarët thanë se nënë e bir po debatonin në oborrin e shtëpisë së tyre dhe ai e kapi për flokësh dhe e tërhoqi zvarrë.

Neë York Post shkruan se autopsia e mjekut ekzaminues tregoi se Kathryn Griffith vdiq nga një plagë e thellë me thikë në qafë. Colin Griffith në vitin 2023 kishte vrarë babanë e tij në ditën e Shën Valentinit në shtëpinë e tyre në Oklahoma duke e qëlluar për vdekje pas një debati.

Ai ishte atëherë 15 vjeç.

Sipas asaj që ai ka treguar në polici, ai është futur në qoshe nga babai i tij në dhomën e gjumit të shtëpisë dhe më pas me armë e ka qëlluar dy herë, një herë në gjoks dhe një herë në kokë.

Nëna e Colin pagoi 50,000 dollarë për ta shpëtuar nga burgu, sipas të dhënave.

Patjetër që çdo person që përdor rrjetet sociale është i njohur me personazhin e momentit në TikTok, Hatin.

Hatixhe Brika, e prezantuar si Hati, është kthyer në një fenomen dhe diskutim në tavolinat e shqiptarëve.

Pasioni i saj dhe bashkëshortit të saj për makinat e luksit, zënë një pjesë të madhe të përmbajtjes në videot e saj.

Si një çift aventurier, Hati shpesh herë shfaqej duke drejtuar makinën me shpejtësi dhe videot ku e shtyn partnerin e saj të ngasë mbi normën e lejuar numërojnë me miliona views.

Hati dhe Jashari janë ndëshkuar nga policia rrugore për shpejtësi në zonat e banuara.

Hatixhes i është hequr patenta dhe gjithashtu, ka marrë një gjobë prej 20 000 lekë. Gjithashtu edhe bashkëshortit të saj, Jashar Stojkut, i është hequr patenta për 6 muaj dhe është gjobitur me 40 000 lekë.

Gjithçka nisi pasi ata publikuan në rrjetete sociale, momente teksa lëviznin me shpejtësi tejë normave të lejuara në zona të banuara.

Siç duket, miliona ndjekësve të Hatixhes për disa kohë do i mungojnë videot virale nga makinat luksoze dhe aventurat e saj me shpejtësinë.

Njoftimi i policisë:

Bazuar në disa video të shfaqura në rrjetet sociale ku shihet një automjet i cili nuk rregullon shpejtësinë e automjetit duke u bërë rrezik për vete dhe për përdoruesit e tjerë të rrugës, me drejtues shtetasin J.S si dhe shtetasen H.B e cila drejton një automjet me fuqi motorrike më të madhe se ajo e lejuar sipas Kodit Rrugor, specialistët e Policisë Rrugore identifikuan dhe ndëshkuan me masë administrative këta dy shtetas si dhe bënë ndalimin administrativ të automjetit të shfaqur në video.

Policia Rrugore apelon për respektimin e rregullave dhe fton qytetarët të denoncojnë shkeljet në 112.

Stuhia “Atena”, ka goditur një pjesë të Greqisë, duke shkaktuar përmbytje në Athinë dhe në Rodos.

Mediat greke, raportojnë se gjatë kësaj të mërkure një stuhi e fortë shiu ka goditur zonën e Atikës në Athinë, duke shkaktuar përmbytje në rrugë.

Ndërkohë që e njëjta situatë është paraqitur edhe në Rodos, ku disa nga rrugët kryesore janë kthyer në lumenj.

Gjithashtu, mediat raportojnë që edhe përgjatë ditës së premte në Greqi, pritet të ketë një tjetër stuhi të fortë shiou dhe breshëri, e cila do të sjellë në ulje të ndjeshme temperaturash.

Po Shqipëria do të preket?

Edhe në vendin tonë duke nisur nga mëngjesi i ditës së premte, do të ketë përkeqësim të motit, ç`ka do të sjellë rënie të temperaturave me 6-7 gradë celcius.

E premtja e shtuna dhe e diela, pritet të sjellë reshje të forta shiu të shoqëruara edhe me stuhi breshëri dhe shkarkesa elektrike.

Moderatorja e njohur Bora Zemani, pritet së shpejti në ekran me një format të ri, ndryshe nga ku jemi mësuar ta shohim sezon pas sezoni.

Teksa menduam se ishte lënë jashtë top listës së moderatorëve për këtë vit, ishte njëra nga producentet e Top Channel e cila e nënkuptoi lajmin gjatë një “ask me questions” në Instagram.

Thuhet se Zemani do të marrë drejtimin e një ‘Game Show’ i cili pritet të transmetohet çdo të diel në ekran.

Edhe pse vetë Bora nuk ka konfirmuar asgjë, mbrëmjen e djeshme ajo ka postuar një ‘Story’ e cila ngriti dyshimet se provat për projektin e ri mund të kenë filluar.

Kujtojmë që së fundmi moderatorja ka bërë një ndryshim në look-un e saj duke i kthyer flokët në gjysëm bionde. Siç duket kështu do ta shohim moderatoren në ekran, gjatë këtij sezoni.

“Nuk e dija që vajza ishte shtatzënë”, kështu ka deklaruar nëna e 15-vjeçares nga Fratari i Mallakastrës, e cila solli në jetë foshnjën tre ditë më parë në qendrën shëndetësore të fshatit.

E ëma e 15-vjeçares ka refuzuar të marrë foshnjën, duke e braktisur të porsalindurën në maternitet. Në deklarimet e para e ëma e 15 vjeçares ka thënë se nuk do ta mbajë foshnjen, madje ka kërkuar të largohen bashkë me vajzën në shtëpi, duke e lënë vogëlushen e sapolindur në maternitet.

Gjithashtu ka deklaruar se nuk ishte dijeni të shtazënisë së vajzës së saj. Stafi mjekësor ka kërkuar të presin për të dërguar foshnjen në një qendër të posaçme për foshnjat e sapolindura në Tiranë, ku do të qëndrojë 40 ditë dhe më pas nëse e ëma nuk e merr, dërgohet në jetimore.

15-vjeçarja ka kryer lindjen në qendrën shëndetësore të fshatit e asistuar nga infermierja dhe mjeku. Por, pasi shfaqi probleme shëndetësore dhe u dërgua bashkë me foshnjen e sapolindur në maternitetin e Fierit.

Mësohet se nëna dhe foshnja, që lindi 2.3 kg, tashmë gëzojnë shëndet të mirë. E marrë në pyetje nga policia, e mitura ka deklaruar se ka kryer marrëdhënie seksuale me dëshirë me një 31 vjeçar dhe se kishte ngelur shtatzënë. Ky i fundit është shpallur në kërkim nga uniformat blu.

Ajo u ka treguar efektivëve të policisë foto të djalit me të cilin kreu marrëdhënie, si dhe identitetin e tij, por nuk la dhënë sqarime të hollësishme duke kërkuar kohë për t’u qetësuar. E mitura jeton me të ëmën, vëllain 19 vjeç dhe gjyshin në Fratar të Mallakastrës ndërsa i ati është emigrant në Greqi. Nëna e 15 vjecares mungon në pjesën më të madhe të kohës pasi punon si kujdesetare për një të moshuar.

Në datën 4 shtator, u publikua lajmi se SPAK kishte filluar një operacion të rëndësishëm arrestimesh. Ky operacion dështoi atë ditë, por u finalizua tre ditë më pas me arrestimin e të shumë kërkuarit, Marklen Hakaj. Për të mos patur dekonspirim, SPAK, mbajti informacionin të fshehtë nga pjesa dërrmuese të anëtarëve të RENEA-S, ndërsa në Policinë e Shtetit askush nuk e dinte drejt kujt drejtohej ky aksion. Pas arrestimit, Marklen Haka, në momentin që ishte në oborrin e policisë së Tiranës, koinçidoi me vet drejtorin e Tiranës Tonin Vocajn. Pamjet filmike të këtij momenti të regjistruara nga mediat, tregonin se Marklen Haka diçka i tha Tonin Vocajt. Media spekuloi sikur Haka e kishte sharë dhe ofenduar me fjalor vulgar Vocajn, është informuar nga dëshmitarë okularë të këtij momenti dhe ka mësuar se në fakt, Marklen Haka nuk e ka fyer Tonin Vocajn, por e ka shantazhuar atë në mënyrë mafioze, shkruan Hashtag.

“Mos u mërzit, se pas meje ti e ke radhën”, kjo është faza ekzakte që Markelen Haka i tha Vocajt gjatë përballjes. Ndërsa mbetet e paqartë se çfarë ka pasur në mendje Marklen Hakaj me këtë frazë drejtuar Vocajt. Por kush është Marklen Haka? Marklen Haka, 33-vjeçari i cili shpëtoi nga një atentat që iu bë në Nikël dy vjet më parë u arrestuar me 6 Shtator. Marklen Haka nuk është një emër i panjohur për Policinë e Shtetit. Në skedarët e policisë ai rezulton i arrestuar disa herë për vepra të ndryshme penale, ndërkohë që ka qenë objektiv i dy sulmeve me armë. Ai i shpëtoi edhe një atentati në vitin 2019, ku mbeti e vrarë halla e tij, 50- vjeçarja Shpresa Basha, e cila mbrojti nipin me trupin e saj. Ndaj të riut u qëllua me 100 plumba, ndërsa Haka kishte vetëm dy muaj që ishte liruar nga burgu. Mariglen Haka ka përfunduar për herë të parë në pranga kur ishte 20 vjeç, i dyshuar për një vepër të rëndë penale, atë të vrasjes. Ai u arrestua më 29 qershor të vitit 2011, i dyshuar nga Prokuroria e Tiranës si autori i vrasjes së biznesmenit N.Z, mbrëmjen e 13 qershorit të po atij viti, në një nga baret tek ish-Blloku në kryeqytet.

I shoqëruar pas ngjarjes, i arrestuari Mariglen Haka ka mohuar vrasjen dhe ka pohuar se nuk ka qenë në Tiranë ditën e ngjarjes. Megjithatë, Haka u la i lirë pas disa muajsh, pasi nuk u arrit t’i faktohej vepra penale, për të cilën ishte arrestuar. Më 12 shtator të vitit 2018, Mariglen Haka u arrestua bashkë me të atin e dy persona të tjerë, në operacion e bujshëm, gjatë të cilit forcat speciale rrethuan Niklën dhe disa fshatra të tjera të Krujës, duke shoqëruar dhjetëra persona, por që arriti të gjente vetëm disa armë pa leje. Në lidhje me këtë arrestim, Haka u dënua me 1 vit heqje lirie. Me një vendim të datës 9 prill 2019, Gjykata e Krujës e dënoi Hakën me 1 vit e gjysmë burg, por me gjykim të shkurtuar ai u dënua përfundimisht me 1 vit heqje lirie. Dënim që e përfundoi në korrik të 2019.

Ylli me origjinë shqiptare Rita Ora, në një intervistë të dhënë së fundmi ka rrëfyer detaje rreth karrierës, jetës personale dhe lidhjes së saj të pandërprerë me vendlindjen, Kosovën.

Ajo u shpreh se prindërit e saj kanë sakrifikuar shumë për të rritur fëmijët e tyre. Artistja ka treguar se nëna e saj është psikiatre ndërsa babai sipërmarrës në fushën e gastronomisë.

“Prindërit e mi kanë sakrifikuar shumë për ne. Mamaja ime, e cila është psikiatre, dhe babai im, një sipërmarrës në fushën e gastronomisë, duhej të mësonin një gjuhë të re dhe të rindërtonin jetën e tyre nga fillimi. Mamaja është shumë, shumë kosovare me theksin e saj, me ushqimin. Unë gjithmonë jam rreth saj”- tha Rita.

Pavarësisht suksesit të saj të madh në botë, Rita nuk e ka harruar kurrë prejardhjen e saj, madje e ka përmendur shumë herë me krenari të madhe Kosovën.

“Unë nuk e di se çfarë ka në ujin e Kosovës, por jam shumë krenare për të gjithë yjet e mrekullueshëm të pop-it që kanë dalë nga Kosova”, tha ajo për ‘Time Out London’.

Ajo është kthyer shpesh në Kosovë për të mbështetur projekte humanitare dhe në vitin 2019, u emërua Ambasadore e UNICEF-it në Mbretërinë e Bashkuar pas vizitës së saj për të parë punën e UNICEF-it në rajon.

Një ish-finaliste e Miss Zvicrës u mbyt për vdekje dhe u copëtua në mënyrë të egër nga i shoqi, i cili më pas i “pastroi” mbetjet e saj në një blender, zbuluan zyrtarët zviceranë. Kristina Joksimovic, 38 vjeç, u gjet e vrarë në shtëpinë e saj në shkurt në Binningen, pranë qytetit të Bazelit në Zvicër.

Burri i saj 41-vjeçar, i cili përmendej vetëm si “Thomas” në raportet e mediave lokale, u arrestua, por kishte apeluar për lirimin e tij, i cili u refuzua të mërkurën nga gjykata federale e vendit në Lozanë, pasi ai pranoi se e ka vrarë gruan. Vendimi, i cili nxori në dritë detaje të reja të tmerrshme rreth vrasjes, tha se hetimi në vazhdim ka zbuluar “indikacione konkrete të një sëmundjeje mendore” në këtë rast, sipas gazetës zvicerane BZ Basel.

Trupi i therur i Joksimoviqit u zbulua natën e 13 shkurtit. Burri i modeles dhe babai i dy vajzave të tyre pranoi se ai e vrau atë në mars, por tha se ishte mbrojtur, pasi ‘ajo e kishte sulmuar më parë me thikë’. Megjithatë, ekspertët mjekësorë nuk gjetën prova të vetëmbrojtjes dhe identifikuan shkakun e vdekjes së saj si mbytje. Trupi i Joksimovic më pas u copëtua me thikë dhe gërshërë kopshti, sipas një raporti të autopsisë të marrë nga media. Disa nga pjesët e trupit të saj më pas u copëtuan me një blender dore dhe u tretën në një përzierje kimike, sipas raportit.

Thomas u arrestua një ditë pasi trupi i saj u gjet, fillimisht duke u thënë hetuesve një muaj më parë se ai e kishte gjetur të vdekur dhe e kishte copëtuar trupin e saj në dhomën e tyre të lavanderi në panik e sipër. Thomas tregoi “një nivel dukshëm të lartë të energjisë kriminale, mungesë ndjeshmërie dhe gjakftohtësie pasi vrau gruan e tij” dhe u përpoq ta mbulonte atë, thanë prokurorët në përditësimin e së mërkurës.

Prokurorët zbuluan gjithashtu se ai e kishte mbytur gruan e tij më parë. Një ish-partner gjithashtu pretendoi se një herë e kapi mbretëreshën e bukurisë nga qafa dhe e përplasi kokën e saj në një mur. Joksimoviç u kurorëzua në konkursin Miss Veriperëndimor i Zvicrës dhe në vitin 2007 ishte finaliste për Miss Zvicra, sipas 20 Minuten. Më vonë ajo drejtoi biznesin e saj si trajnere në pasarela dhe mentoroi modelin Dominique Rinderknecht për konkursin Miss Universe në 2013.