Month: September 2024

Një zyrtar në Indi, Kumar Vishwas është pezulluar nga detyra, pasi ka urdhëruar që të thahet rezervuari për të marrë telefonin e tij, i cili i kishte rënë në ujë.

Vishwas, i cili është një politikan, pedagog dhe poet i njohur në Indi, pretendoi se telefoni përmbante të dhëna të qeverisë dhe duhej marrë me patjetër, por ai është akuzuar për shpërdorim detyre.

Ai e humbi telefonin e tij “Samsung” me vlerë rreth 1,200 dollarë në digën Kherkatta, të shtetit qendror indian të Chhattisgarh. Pasi zhytësit nuk arritën ta gjenin, Vishëas pagoi për një pompë nafte që të zbraste rezervuarin, shkruajnë mediet e huaja.

Ai tha se kishte leje nga një qeveritar për të derdhur ujë në një kanal, ku sipas tij do të përfitonin edhe fermerët e zonës. Pompa funksionoi për disa ditë duke zbrazur rreth dy milionë litra ujë.

Por, veprimtaria u ndal kur një tjetër zyrtar i qeverisë erdhi pas një ankese nga departamenti i burimeve ujore. “Ai është pezulluar deri në një hetim. Uji është një burim thelbësor dhe nuk mund të shpenzohet në këtë mënyrë”, tha një zyrtare e qarkut Kanker.

Ndërkohë që Kumar Vishëas ka mohuar që të ketë shpërdoruar detyrën duke pretenduar se uji që ai hoqi nga rezervuari ishte pjesa e derdhjes së digës dhe jo në gjendje për përdorim. Megjithatë, telefoni i gjetur ishte dëmtuar nga ndenja në ujë dhe në kohën kur u nxorr nga rezervuari nuk ishte më në gjendje pune.

Një nga shumë ish-reporteret e televizonit Alpo, më tregoi dramën e saj personale, disa muaj më parë.

“Ai nuk e meriton të jetë pjesë e komunitetin tonë”, – më shkruajti ish-reporterja, S.G, sot një studente e vitit të dytë në master në Tiranë.

Si fillim, ajo më kërkoi t’i ruaj identitetin e saj. 

“E kam pasur ëndërr të isha gazetare, prandaj vendosa të punoja qysh gjimnaziste në Alpo TV”, –

nis rrëf/imin ajo. Prindërit e saj e kishin mbështetur, madje ata kishin bashkëbiseduan me administratorin i televizionit, Aristotel Petro.

Sipas saj, Petro ishte treguar i gatshëm ta punësonte në redaksinë e lajmeve. “Ai kishte një sjellje shumë të çu/ditshme ndaj vajzave të mitura”, – më thotë ajo.

“Në fillim më prekte në faqe. Sinqerisht mendoja se ishte thjeshtë një veprim inkurajimi, por shpejt ai shfaqi anën e tij më të ze/zë”, – më rrëfen ajo. “Ai më shka/tërroj jetën! Ai më lën/doi shumë vetëm sepse unë isha e mi/tur”, – thotë ajo.

Për të, televizoni që administron ishte thjeshtë një karrem për vajzat e mi/tura. “Përmes televizoni ai joshte vajzat gjimnaziste dhe më pas ngopte ep/shet e tij. Ai është i së/murë.

Ai është m/ostër”, – vazhdonte të shkruaj ajo në inboxin tim në facebook.

“E kam njohur personalisht dhe e di se çfarë njeriu është. Këto nga/cmime nuk i bënte vetëm me mua, por me të gjithë shoqet e mia që punonin në Alpo TV”, – tha ajo dhe sakaq shtoi: – “Ai është njeri shumë i keq!”.

Pavarësisht dramës per/sonale, studentja e vitit të dytë në master nuk e ka humbur refleksin e reporteresh.

 SHIKO VIDEON

Anëtarët e grupit “GJ07 Prank”, kanë organizuar një eksperiment social në Gjakovë.

Njëri nga djemtë është veshur si lypës dhe ka hyrë në disa furra buke, ku ka kërkuar ushqim.

Ai është prezantuar si një i varfër i uritur dhe që i duhet një copë bukë.

Si sillen punonjësit e këtyre furrave?

SHIKO VIDEON KËTU

Dashi

Gjatë kësaj të mërkure do të bëni çdo përpjekje për të zgjidhur një problem i cili ka pushtuar jetën tuaj prej shumë kohësh. Ka shumë mundësi që të largoheni nga çdo detyrim social, madje edhe ato financiare. Megjithatë duhet të dini se nxitimi nuk sjell zgjidhje të frytshme, ndërsa durimi është çelësi kryesor. Mundohuni që të kanalizoni energjitë tuaja në një objektiv të mirë. Mundohuni të mos lëndoni të tjerët.

Demi

Kjo e mërkurë mund të sjellë marrjen e një vendimi të shumë menduar. Duhet të reagoni në mënyrë më të përgjegjshme ndaj situatave me të cilat ju përball jeta. Ka shumë mundësi që diçka urgjente të ndikojë në planet tuaja. Kjo ditë do të jetë perfekte për të rezultuar e suksesshme. Nëse jeni vetëm, mund të zgjidhni që të hyni në një lidhje e cila ju ka dyjëzuar. Megjithatë gjërat nuk mund të shkojnë përpara, nëse nuk i bëni me përkushtim. Këshillohet që të keni më shumë iniciativë.

Binjakët

Kjo e mërkurë do të sjellë në jetën tuaj një ngjarje personale, e cila do ju pengojë që të bëni progres. Mundohuni që të sistemoni gjërat, nëse doni që të shpëtoni nga ndonjë problem serioz. Dinjiteti do të jetë një faktor vendimtar, në një lidhje ku jeni përfshirë. Dashuria është mjaft e favorshme gjatë kësaj dite. Mund të surprizoni njeriun e zemrës, duke planifikuar diçka speciale. Nëse jeni të përshirë në një lidhje, ky është momenti më i mirë për të rigjetur pasionin. Personat që janë vetëm, do të kenë shumë mundësi për të gjetur partnerin/en.

Gaforrja

Gjatë kësaj të mërkure do të shikoni me më shumë vëmendje situatën tuaj, sidomos nga pikëpamja ekonomike. Duhet të ruani qetësinë dhe të mundoheni të kuptoni pikëpamjen e anëtarëve të tjerë të familjes, lidhur me çështje financiare. Është shumë ë rëndësishme që të mos tregoheni kokëfortë në një lidhje. Partneri/ja juaj nuk është në humorin e duhur për kompromise, ndaj mundohuni të jeni më të kuptueshëm. Kjo sjellje mund të përmirësojë jetën tuaj romantike.

Luani

Kur bëhet fjalë për marrjen e vendimeve, do të gjendeni në dilemë mes zemrës dhe mendjes. Gjatë kësaj të mërkure duhet të zgjidhni enigmën. Ndiqni instinktin tuaj dhe në këtë mënyrë do të merrni vendimin e duhur. Familja dhe të dashurit tuaj, kanë nevojë për vëmendjen tuaj, ndaj kaloni më shumë kohë me ta. Ky është një moment shumë i mirë për të planifikuar udhëtime. Parashikohet që të keni një takim të favorshëm me dikë që ju tërheq. Bëni kujdes pasi mund të zhgënjeheni.

Virgjëresha

Gjatë kësaj të mërkure mund të keni problem me lëvizshmërinë, nëse jeni duke bërë një punë të rëndësishme që kërkon transport. Mund të humbni toruan, por kjo gjë është një fazë kalimtare. Kjo ditë do të sjellë një atmosferë tërësisht të re dhe rifreskuese. Ngrohtësia në raportet sentimentale, do të dominojë ditën. Do të keni mundësi për të kaluar më shumë kohë cilësore me partnerin/en. Ata që janë vetëm, mund të kenë një takim special.

Peshorja

Atmosfera e kësaj dite nuk do të jetë shumë pozitive. Duhet të jeni më të kujdesshëm në raportet me njerëzit e ndjeshëm. Ky është një moment ballafaqimi. Mund të jeni të detyruar të përballeni me situata të pakëndshme. Megjithatë do të jeni në gjendje që të merrni vendimin e duhur edhe nën presion, duke i dhënë një kthesë pozitive jetës tuaj. Ata që janë vetëm, nuk do të kenë aspak fat, por do të jenë të përhumbur në kujtime të së shkuarës.

Akrepi

Kjo e mërkurë parashikon diskutime lidhur me disa probleme të rëndësishme me të afërmit tuaj. Mundohuni që të jeni sa më të sjellshëm dhe të kuptuar në bisedat tuaja. Nëse nuk arrini që të qetësoheni, mundohuni të përqendroheni aty ku duhet, pa e tepruar. Do të keni nevojë për shumë durim, për tu marrë me partnerin/en tuaj. Kjo pasi edhe probleme më të vogla, mund të kthehen në telashe të mëdha. Duhet të ruani qetësinë.

Shigjetari

Ka shumë mundësi që gjatë kësaj të mërkure të zbuloni një intuitë të mprehtë brenda jush. Do të kuptoni se nuk keni nevojë për asnjë ndihmë nga jashtë, për të përballuar problemet të cilave mund t’iu bëni ballë vetë. Ka ardhur momenti që të bëni një hap mbas në raportet me persona të tjerë, shkruan noa.al. Sjellja juaj agresive mund t’iu hapë mjaft probleme, ndaj bëni kujdes.

Bricjapi

Jeni natyrë familjare dhe kjo e mërkurë do të nxjerrë në pah pikërisht anën tuaj më të përkushtuar. Do të jetë një ditë shumë e ngjeshur për ju, ku do të përballeni me situata mjaft të vështira. Kjo e mërkurë do të zbulojë erdhe arsyen e sjelljes së ashpër të parnterit/es tuaj. Pavarësisht të gjithave më në fund do të rijetoni shkëndija dashurie.

Ujori

Do të jeni të bekuar nga një vizion i jashtëzakonshëm, i cili do të bëjë që të gjykoni siç duhet. Kjo është dita e duhur për të vlerësuar nisma apo investime të reja. Do të jeni në gjendje që të gjykoni persona që i keni pranë. Stresi i punës do të ndikojë shumë në harmoninë e lidhjes tuaj. Nëse jeni vetëm, bëni mirë që të planifikoni një aktivitet relaksues. Kjo ditë është mjaft e favorshme për të sheshuar çdo keqkuptim.

Peshqit

Kjo e mërkurë parashikon një gjuhë mjaft të mprehtë. Por kjo aftësi mund të çojë në zbulimin e pasigurive tuaja, prej nga do të nxirrini një përfundim. Gjithë ata që janë të përfshirë në një lidhje, mund të vendosin për të zyrtarizuar raportin e tyre. Një ndryshim energjie, mund të bëjë që të vlerësoni raportin në një tjetër dritë. Nëse më parë i keni shmangur disa angazhime, kjo e mërkurë është dita e duhur për ti vlerësuar me kujdes.

Vogëlushja është dërguar në spital ku ka nevojë për disa qepje. Rojtari i pyllit vret zogun grabitqar.

Në Norvegji, një shqiponjë e artë ka sulmuar një vajzë 20 muajshe e cila po luante në oborrin e shtëpisë së familjes së saj. Zogu grabitqar u hodh papritmas drejt saj, duke e goditur me kthetrat e saj.

Nëna dhe një fqinj, të alarmuar nga të qarat e vogëlushes, nisën të godisnin zogun grabitqar për të shpëtuar vajzën. Por në fund u desh edhe ndërhyrja e rojtari pylli. Vajza u dërgua në spital: gjendja e saj nuk duket e rëndë, por aksidenti ishte traumatik për familjen dhe komunitetin.

“Shqiponja u shfaq nga hiçi dhe rrëmbeu vajzën tonë më të vogël”, tha babai për mediat norvegjeze. “Mamaja u hodh menjëherë për ta ndihmuar dhe tentoi të largojë shqiponjën, por duhej të luftonte që ta lironte vajzën tonë”, shtoi babai. Kafsha ishte veçanërisht agresive dhe vazhdonte të kthehej, ndërsa gruaja përpiqej të mbronte vajzën e vogël dhe të largohej.

Më pas një fqinj iu ka ardhur në ndihmë dhe ka tentuar të largojë zogun grabitqar me një shkop, por nuk ka mundur ta bëjë këtë për shkak të këmbënguljes së shqiponjës, e cila duket se e ka parë vajzën e vogël si pre. Në fund, një rojtar pylli, Per Kare Vinterdal, mbërriti dhe arriti ta ndalonte kafshën vetëm duke e vrarë. Vogëlushja u trajtua në spital. Kthetrat e zogut grabitqar i shkaktuan disa gërvishtje në fytyrë dhe plagë: njëra prej tyre, në pjesën e pasme të qafës që kërkonte disa qepje. Mjekët që trajtuan vogëlushen konstatuan se gjendja e saj nuk ishte e rëndë. Megjithatë, frika e fortë mbetet.

Rasti ka shkaktuar një debat publik në Norvegji, ku raportohet se brenda pesë ditëve kanë ndodhur katër sulme nga shqiponja e artë. Agresiviteti i treguar ndaj një njeriu nga shqiponja është e pazakontë për specien e saj.

Sulme të tilla janë jashtëzakonisht të rralla. “Shqiponja ishte e vendosur dhe vazhdoi të kthehej pavarësisht përpjekjeve për ta përzënë atë,” komentoi rojtari i parkut. Zogu i madh grabitqar mund të sulmojë një person vetëm nëse ndihet i kërcënuar. Megjithatë, në këtë rast nuk është ende e qartë se çfarë mund të ketë shkaktuar këtë mekanizëm mbrojtës.

Fredi Beleri ka dhënë një intervistë për gazetën greke Kathimerini, duke mos i fshehur qëllimet që politika greke ka në Shqipëri, duke e përdorur edhe atë si vegël për arritjen e këtyre qëllimeve.

Në intervistë, Beleri nuk ka ngurruar t’i quajë shqiptarët si nacionalistë që përdoren nga kryeministri Edi Rama. Ai është pyetur nga gazeta greke edhe për akuzat se është pjesë e ekstremizmit grek, pasi në 1995 u ndalua i armatosur në Greqi, vetëm pak kohë pasi kishte ndodhur sulmi terrorist grek në pikën ushtarake të Peshkëpisë.

Beleri tha se drejtësia e ka nxjerrë të pafajshëm, dhe se në atë kohë ai ishte vetëm 22-vjeç. Beleri dyshohet se është një prej anëtarëve të grupit terrorist grek MAVI, që sulmoi postën në Peshkëpi duke vrarë dy ushtarakë shqiptarë.

Intervista e plotë:

Si ishte burgu? Si u trajtuat nga punonjësit e burgut?

Më trajtuan mirë; shumë mirë, në fakt. Më trajtuan me respekt dhe më dhanë disa privilegje të veçanta, si pesë vizita në muaj në vend të katër. Nuk e di nëse e kanë bërë këtë me dëshirën e tyre apo kanë pasur urdhra nga lart.

Pra, nuk keni ankesa për autoritetet shqiptare, të paktën në këtë fushë?

Në këtë zonë, jo. Por, natyrisht, ata nuk më dhanë kurrë leje që të betohesha si kryetar bashkie dhe më vonuan raportin për lirim pasi kisha vuajtur dy të tretat e dënimit me një muaj e gjysmë. Ata nuk donin që unë të dilja përpara zgjedhjeve të fundit bashkiake në Himare.

Pse nuk ishin të suksesshme përpjekjet e Athinës për të siguruar lirimin tuaj të hershëm?

Unë besoj se zoti Rama ka investuar në të gjithë këtë aferë për t’u treguar nacionalistëve shqiptarë se ka mbajtur një linjë të vendosur me Greqinë dhe nuk do të frikësohet nga askush. Nacionalizmi “shitet” mirë në Shqipëri. Ky ishte në fakt qëllimi i udhëtimit të tij në Athinë [në maj]: t’i tregonte qeverisë greke se ka pushtet, se mund të instrumentalizojë emigrantët shqiptarë në Greqi dhe të shkaktojë probleme. Ai nuk e arriti këtë, por ky ishte qëllimi i tij.

A është e vërtetë që i keni thënë kryeministrit grek Kyriakos Mitsotakis në vitin 2022 se nuk duhet të kandidoni si kryebashkiak i Himarës dhe se në vend të kësaj duhet të paraqitet një kandidat i pranuar më gjerësisht?

Po, gjashtë muaj para zgjedhjeve të majit 2023, i thashë Mitsotakis: “President, nuk do të të funksionojë të kesh Ramën mik dhe unë ta kem atë si rival. A nuk do të ishte më mirë të gjeje një kandidat për kryetar bashkie që është i pranueshëm nga të gjithë?” Unë isha i përgatitur të tërhiqesha [nga gara].

Por Mitsotakis refuzoi?

Mitsotakis e diskutoi me Ramën dhe Rama tha: “Unë jam mirë me këtë; le të vrapojë Beleri.” Ai ishte i sigurt se [kandidati i tij] do të më mundte, kështu që ai nuk donte që dikush të kishte për të ndarë.

Ju keni shprehur synimin tuaj për t’iu drejtuar Gjykatës Evropiane të të Drejtave të Njeriut për vendimet e autoriteteve shqiptare në lidhje me burgosjen tuaj. Çfarë shpresoni të arrini?

Unë thjesht nuk mund ta lë të shkojë këtë; Kërkoj drejtësi, qoftë edhe me vonesë. Siç e dini, Gjykatës Evropiane i duhet shumë kohë për të dëgjuar një çështje dhe për të nxjerrë një vendim. Ekzistojnë dy nivele shtesë në sistemin e drejtësisë shqiptare, Gjykata e Lartë dhe Gjykata Kushtetuese. Unë do të shkoj në Strasburg pasi të përfundojë procesi. Ajo që dua është që ata të mos guxojnë kurrë të bëjnë të njëjtën gjë me një person tjetër.

Çfarë kishin për t’ju thënë eurodeputetët e tjerë kur shkuat për herë të parë në Strasburg si “i ri”? Çfarë tha kolegu juaj eurodeputet i Demokracisë së Re, Vangelis Meimarakis?

Meimarakis ishte më i ngrohtë me mua, por të gjithë eurodeputetët grekë, nga të gjitha partitë, ishin shumë mikpritës dhe të etur për të më ndihmuar dhe për të ofruar këshilla.

Do të hapni një zyrë në Himarë?

Unë jam eurodeputete për Greqinë, kështu që zyrat e mia do të jenë në Athinë, Janinë dhe Bruksel.

Cila është axhenda juaj?

Unë nuk kam një axhendë timen. Unë jam një eurodeputet për Republikën Helenike, për Demokracinë e Re dhe për Partinë Popullore Evropiane (EPP) – ky është kuadri im i referencës. Unë jam pjesë e katër komisioneve të Parlamentit Evropian dhe do të bëj gjithçka që mundem, së bashku me bashkëpunëtorët e mi, për të mbrojtur interesat kombëtare.

A nuk janë çështjet kryesore të pakicave në dosjen tuaj?

Si anëtar i Komisionit për Çështjet Ligjore dhe të Drejtat e Njeriut do të jem i përfshirë në çështjen e shkeljeve të të drejtave të pakicës etnike greke në Shqipëri, në mënyrë që të mund t’i ndihmoj shqiptarët të bëhen anëtarë të plotë të familjes evropiane, që është diçka. kjo kërkon që ajo të mbështesë acquis evropiane. Një Shqipëri evropiane duhet të sigurojë që ne do të trajtohemi si të barabartë në vendet ku kemi lindur dhe jemi rritur. Me gjasë do të jem edhe unë pjesë e delegacionit që merret me lidhjen Bashkimi Evropian-Shqipëri.

A jeni gati të keni kontakte me qeverinë në Tiranë?

Sigurisht; Unë nuk do të veproj sipas tekave të mia. Unë kam folur gjithmonë me të gjithë. Unë kurrë nuk kam pasur problem me askënd. Ajo që më bëhej ishte një padrejtësi dhe çnderim i madh. Ata më penguan të bëja betimin tim dhe të merrja detyrën. Por kjo nuk do të më pengojë të jem sa më objektiv dhe të promovoj marrëdhënie të mira.

Megjithatë, shumë në Shqipëri ju akuzojnë se jeni nacionalist, se përfaqësoni palën ekstreme greke, pjesërisht si pasojë e arrestimit tuaj në vitin 1995 në Greqi, pranë kufirit me Shqipërinë, me armë në makinë. A mendoni se mund t’i bindni këta njerëz se jeni një njeri i moderuar?

Unë isha 22 vjeç në atë kohë; ishte 30 vjet më parë. Çështja ka kaluar nëpër të gjitha nivelet e sistemit të drejtësisë greke dhe është gjykuar tre herë të tjera në Shqipëri, dhe unë jam shfajësuar në secilin prej këtyre proceseve. Nuk e di se çfarë lloj kulture juridike na lejon të vazhdojmë t’i referohemi një incidenti të vitit 1995, kur ka kaluar një karrierë prej 30 vitesh.

A planifikoni të ngrini çështjen e të drejtave pronësore në Himarë gjatë kohës që shërbeni në Bruksel?

Sigurisht. Pronësia është një e drejtë themelore e njeriut, ajo është në thelb të të drejtave të njeriut. Pa pronë nuk mund të ketë rritje, asgjë.

Jeni në zotërim të një studimi të vitit 2011 të financuar nga Asambleja Parlamentare e Organizatës për Siguri dhe Bashkëpunim në Evropë (OSBE), e cila paraqet më shumë se 2000 tituj pronësie në Himare. Pse nuk e keni bërë publike? A planifikoni t’i dorëzoheni Parlamentit Evropian?

Nuk është një raport sekret. OSBE-ja e dërgoi në ambasadat e huaja, në shtetin grek dhe në bashkinë e Himarës. Në fakt e mora nga bashkia. Është një dokument publik. Dhe sigurisht që do ta dorëzoj në Parlamentin Evropian. Gjithashtu po mendoj ta dorëzoj në prokurorin e posaçëm të korrupsionit të Shqipërisë, SPAK, ku thuhet se ka një përpjekje të vërtetë për të luftuar korrupsionin. Pra, ky raport tregon qartë se pjesa më e madhe e titujve të tokës janë të falsifikuara.

A thua se raporti paraqet një hartë të vlefshme se kush zotëron çfarë, me prova, ndërkohë që aktualisht është duke u hartuar një hartë tjetër bazuar në falsifikim?

Pikërisht. Ky është sekreti i përbashkët: se falsifikimi ka ndodhur.

Ka zëra se në Himarë po vijojnë investimet, se ndërtesa të reja vijojnë të shfaqen. A ka ndonjë të vërtetë në to?

Ka. Dhjetë licenca janë lëshuar vetëm muajin e kaluar dhe asnjë nuk ka të bëjë me pronën në pronësi të një lokali. Këta janë investitorë të ardhur nga fusha të tjera.

Tirana ka pohuar se ju jeni në pararojë të një përpjekjeje greke për të fituar kontrollin e bregdetit jugor të Shqipërisë, në mënyrë që, në kombinim me Korfuzin përgjatë rrugës, Greqia të ketë një zonë kontrolli në Shqipëri. Si përgjigjeni?

Pretendimi se unë jam një lloj kali i Trojës në një strategji greke të turizmit është thjesht qesharak. Është një pretekst i bukur mbi të cilin mund të ndërtohet një narrativë nacionaliste. Nuk do të gjeni asnjë euro investim grek në Himarë apo në frontin bregdetar ku banon minoriteti grek. Nuk jam i lumtur për këtë, por është e vërteta – dhe nuk është aspak lajkatare as për ne grekët.

Duket se çështja e Himarës do të mbetet një gjemb në marrëdhëniet greko-shqiptare.

Ka dy gjëra që janë të panegociueshme: e drejta jonë për pronën e të parëve tanë dhe e drejta jonë për vetëvendosje.

A ka një çështje të vetëdeklarimit?

Nuk keni dëgjuar për skandalin e regjistrimit? Omonoia [partia e Bashkimit Demokratik të Minoritetit Grek] kishte shpallur bojkot të regjistrimit të popullsisë në vitin 2011, i cili na vlerësonte në rreth 26,000. Në regjistrimin e fundit, të cilin ne nuk e bojkotuam, numri ynë [vlerësohet] në më pak se 25,000. Do të thosha se në Shqipëri ka rreth 40 mijë grekë etnikë dhe në bazë të ligjit mund të kishim përfshirë edhe ata që jetojnë jashtë Shqipërisë. Për shembull, pothuajse 250,000 janë në Greqi.

Dhe mund të ishin përfshirë në regjistrimin shqiptar?

Sigurisht. Thuaj që jetoj në Himarë, por gruan dhe fëmijët i kam në Athinë. Unë kam të drejtë t’i numëroj si pjesë të familjes sime. Megjithatë, numri ynë [i vlerësuar] arriti nën 25,000. Si ka kuptim kjo.

Sa grekë jetojnë sot në Himarë, sipas regjistrimit të popullsisë?

Në zyrën e regjistrimit të Himarës janë të regjistruar 30 mijë persona dhe 8 mijë prej tyre janë regjistruar në regjistrim. Sa prej tyre janë grekë dhe sa shqiptarë do të zbulojmë në nëntor. Edhe pse regjistrimi përfundoi nëntorin e kaluar, të dhënat për secilin rajon ende nuk janë bërë të ditura.

Pse vonesa?

E drejtë? Pse vonesa? Të dhënat nuk kanë nevojë për përpunim. Ata janë gati. Por ata kanë njoftuar vetëm numrin e përgjithshëm të popullsisë, e cila zyrtarisht u tkurr me rreth 440,000 krahasuar me vitin 2011. Unë besoj se numri real është ndoshta rreth një milion dhe e them këtë sepse është e pamundur të gjesh punëtorë. Kemi mungesë masive të fuqisë punëtore, prandaj rroga mujore vitin e kaluar ishte 400 euro dhe tani është 1000 euro.

Vangjel Tavo, një grek etnik, përfundoi duke u zgjedhur kryetar i Bashkisë së Himarës. Ju e kishit mbështetur rivalin e tij. Pse Tavo nuk mund të arrijë konsensusin e nevojshëm për të adresuar problemin?

Nëse kjo është ajo që ata donin, ata duhet të kishin telefonuar dhe sugjeruar që Tavo të ishte kandidati konsensual, por nuk e bënë. Rama vendosi papritur një mëngjes se Tavo ishte greku i mirë dhe ne në Omonoia jemi grekët e këqij.

A thua se ka përçarje brenda komunitetit grek? Se grekët nuk mund të bashkohen as në Shqipëri?

Ne nuk jemi të bashkuar askund në botë. Çfarë lloj grekësh do të ishim nëse do të ishim të bashkuar?

Jam dakord me ty!

Shikoni, zoti Tavo është një bredhës politik. Ai ka bërë një punë në çdo parti politike shqiptare, do të shkojë kudo kur të jetë në interesin e tij personal. Nuk e kisha sharë publikisht Ramën deri në arrestimin Tavo e ka akuzuar si hajdut dhe se ka blerë vota kundër tij. Dhe se ai zuri vendin e tij në vitin 2022 në Gjirokastër.

Po, por Tavo thotë se e gjithë kjo është në favor të tij sepse dëshmon se ai nuk i përket asnjërës palë.

Kur po thotë Tavo të vërtetën? Kur akuzoi Ramën për veprimtari të paligjshme dhe se i rrëmbeu karrigen apo tani që është me të? Gjërat që kam për të thënë për Ramën nuk janë asgjë në krahasim me atë që Tavo ka thënë për të.

Një ngjarje tragjike ka ndodhur në fshatin Klos, ku një 22-vjeçar ka humbur jetën ndërsa ishte duke punuar me linjën kabllore të internetit.

Sipas informacionit të parë, Dorjan Peci dyshohet se ka rënë aksidentalisht në kontakt me energjinë elektrike, duke shkaktuar vdekjen e menjëhershme të tij.

Ngjarja ndodhi rreth orës 11:40. Peci po punonte me kabllot e internetit kur ndodhi aksidenti fatal. Grupi hetimor është duke punuar në vendngjarje, nën drejtimin e Prokurorit, për të zbardhur rrethanat e plota që çuan në këtë tragjedi.

Hetimet janë në vazhdim për të përcaktuar saktësisht shkakun e incidentit dhe për të siguruar që të gjitha aspektet e sigurisë janë shqyrtuar.

Një lajm i bujshëm ishte ai i ndarjes së Luana Vjollcës nga Krenar Çoçaj disa javë më parë.

Menjëherë pas ndarjes, moderatorja bëri një postim në Instagram ku krahas disa fotove të saj, shkroi: “Sot asnjëherë s’mke ra n’mend”.

Prej asaj kohe Luana ka qenë mjaft aktive në rrjetet sociale, ndërsa shpesh ndante momente nga pushimet e saj me ndjekësit.

Mirëpo tashmë që pushimet kanë mbaruar, duket se Luanës ka filluar t’i bjerë ndërmend sërish ish-i i saj, Krenari — të paktën këtë na la të kuptojmë moderatorja me postimin e fundit.

Që pas ditëlindjes, Luana nuk kishte publikuar asnjë Instastory apo postim, mirëpo së fundmi Luana është rikthyer. Ajo ka shpërndarë një postim të një faqe të quajtur “Mentalityway”, në të cilin shkruan: “Është mirë të zhdukesh deri sa të ndihesh sërish vetvetja”

Asambleja e Partisë Socialiste përçoi një model demokracie për Shqipërinë. Kështu u shpreh analisti Frrok Çupi, i ftuar në ‘Ora e Fundit”.

Ai theksoi se në këto tre dekada, ka qenë aty, për të shëruar plagët e Shqipërisë, të cilat ia ka shkaktuar vendit keqqeverisja e Partia Demokratike.

“Asambleja kishte një nivel shumë modelar për demokracinë. PS në këto tre dekada, ka pasur kualitetin që sapo ka renduar dhe ka djegur partia tjetër, PD, ka ardhur për të kuruar dhe për të shëruar plagë. Nuk kishte shtet, por shteti ishte bashkuar me të keqen dhe me vrasjen. PD edhe pse ka dalë nga qeverisja, edhe pse populli nuk e voton kurrë më, sot e kësaj dite”, tha ai.

Ai komentoi edhe skuadrën e drejtuesve politikë të PS në Tiranë. Analisti theksoi se shtimi i dy emrave të tjerë, konkretisht Elisa Spiropalit dhe Ogerta Manastirliut, krahas Veliajt, nuk do të thotë që kemi të bëjmë me një mosvlerësim të punës dhe përpjekjeve të kryebashkiakut të Tiranës , por sipas Çupit kjo qasje tregon se kryeministri ka shtuar vëmendje në qark, pasi Tirana përbën 1/3 e popullsisë.

“Veliaj është vlerësuar akoma më shumë nga kryeministri. Kryeministri i ka kushtuar vëmendja një zone elektorale. Që ka mbi 30 deputetë dhe doemos ngarkesa nuk mund të mbetet tek një person i vetëm. Nuk ka asgjë të përbashkët dhe as se ka pasur në mendje Edi Rama se kush ndodhet në Fier. Fieri në mënyrën më normale dhe më të vlefshme, Fieri është një qytet m shumë e rëndësishme dhe është zona e tretë dhe është një zonë socialistësh”, tha ai.

Ai komentoi situatën në PD dhe faktin që SPAK pritet të mërkurën t’i komunikojë zyrtarisht akuzën për korrupsion ish-kryeministrit Sali Berisha.

Sipas tij, nuk përjashtohet fakti që SPAK t’i shtojë akuza të tjera Berishës, për shkak të sjelljes pasi nuk e ka respektuar masës së sigurisë “arrest shtëpie”

“Berisha nuk ka mendje as te lista e hapura as lista te mbyllura. Ai nuk e ka fare mendjen tek zgjedhjet. Ai Berisha luan me të vetët në mënyrë hipokritët, të vetët luajnë në mënyrë hipokrite me Sali Berishën. Berishës mund ti shtohen akuza të tjera nga SPAK. Ajo familje është në prag të burgut”, tha ai.

Pamjet e një aksioni të RENEA-s në Lungomare në Vlorë, paraditen e 9 gushtit janë publikuar së fundmi nga gazetari Artan Hoxha.

Në video duken disa efektivë të RENEA-s, të maskuar dhe të armatosur, disa të veshur civilë, që futen në restorantin e një hoteli, duke shkaktuar panik te turistët, ku kishte fëmijë dhe gra.

Në video duket sesi disa fëmijë futen poshtë tavolinave, ndërsa personat e tjerë të pranishëm largohen të tmerruar.

Sipas informacioneve paraprake, bëhet fjalë për një operacion ku është kërkuar ndërhyrja e RENEA-s. Është një operacion që është bërë më 9 gusht nga forcat taktike të RENEA-s.

I gjithë operacioni ndodh për 50 sekonda.

Në raste të tilla ndërhyhet kur ka një person me rrezikshmëri të lartë, por nuk ka informacione kush ka qenë objektivi i efektivëve.

“Lajmi që u dha në media flet për ndërhyrjen në orën 10 të paradites, nuk u arrestua askush dhe aty ka vetëm turistë, kur këto operacione bëhen në mbrëmje. Kur RENEA i bën vetë këto operacione mundohet të shmangë përballjen me civilët. Nuk ka patur informacion të saktë. Një pjesë e këtyre efektivëve kanë qenë me të shkurtra. Njerëzit në lokal janë gra, fëmijë, familjarë. Këto operacione bëhen kur ke informacione të sakta dhe jo kur ka turistë.

Mirë u bë gjithë kjo, po për çfarë e bënë? Nëse 2-3 hoteleve në qendër të Tiranës u futesh kështu, nuk u shkon njeri me. Me aq shumë qytetarë që ndodhen aty për pushime, pasojat nuk dihen. Ky është operacion që nuk pati sukses”, tha gazetari Artan Hoxha.

Video Player