Month: September 2024

Armando Broja ka parë të shuhet një nga ëndrrat e tij të mëdha. Sulmuesi kërkonte të shembte banesën aktuale, për të ndërtuar një shtëpi të re luksoze, por oficerët e planifikimit të zonës kanë refuzuar kërkesën.

Broja, i lindur në Slou, aktualisht zotëron një pronë në Surrei. 22-vjeçari po përpiqej të shembte shtëpinë e tij ekzistuese për të hapur rrugën për një rindërtim të rëndësishëm. Prona e ëndrrave me pamje të re ishte planifikuar të përfshinte një pishinë dhe një palestër, ndërtesa të cilat morën miratimin nga Këshilli i Bashkisë së Ellmbrixh.

Megjithatë, si pjesë e një rindërtimi për të cilin do të shpenzoheshin 4 milionë paund, ai kishte synuar të trefishonte madhësinë e banesës. Pavarësisht se nuk kishte asnjë ankese nga fqinjët, këshilli i doli kundër.

“Si rezultat i rritjes së konsiderueshme në gjatësi dhe lartësi, konsiderohet se pjesa më e madhe, shkalla dhe masa e propozuar do të tejkalonte shumë atë të shtëpisë ekzistuese që do të zëvendësonte dhe të pronave fqinje,” tha zyrtari i planifikimit Xhozef Kelli për “The Sun”.

“Banesa e propozuar zëvendësuese do të mbushte pjesën më të madhe të gjatësisë së parcelës e cila nuk është në përputhje me strukturën urbane dhe modelin e ndërtesave në peizazhin e rrugës që janë me densitet të ulët në zonën lokale. Edhe pse vendi i aplikimit është një parcelë e gjerë, shtëpia e propozuar zëvendësuese do të ishte joproporcionale, jokarakteristike dhe e papërputhshme në madhësinë dhe pamjen e saj në krahasim me shtëpinë ekzistuese.”

Planet e reja do të kishin parë që banesa e Brojës të rritej ndjeshëm në lartësi dhe gjatësi, ndërsa ai kërkonte të vinte në vend planet për një shtëpi ëndrrash me pesë dhoma gjumi. Megjithatë, Kelli vuri në dukje se: “Zhvillimi i propozuar nuk do të ndikojë negativisht në lehtësitë e banimit të pronave fqinje për shkak të pamjes.”

Broja mendohet se e ka blerë pronën e cila ndodhet pranë fushës së stërvitjes Kobhem të Çelsit, në dhjetor 2023 për 1,8 milionë paund. Tani nuk dihet ende nëse Broja do të propozojë një maket të ri për miratim, apo nëse do të kërkojë një pronë tjetër ku të ndërtojë shtëpinë e ëndrrave të tij.

Shkodranët kanë kujtuar sot 78 vjetorin e kryengritjes së parë antikomuniste në Shqipëri, atë të Postribës. Të pranishëm në këtë aktivitet kanë qenë banorë të zonës, intelektualë të Shkodrës dhe përfaqësues të larta të Partisë Demokratike.

Mirëpo, në një moment atje ka shkuar dhe kryebashkiaku Benet Beci, i cili nuk ka duruar dot të përfundonte as këndimi i himnit kombëtar, sepse banorët kanë nisur të kërkojnë në kor largimin e tij.

“Ik, ik, shporru se nuk ke fytyrë ti”, dëgjohet të thonë në kor banorët, derisa kryebashkiaku socialist vendos të largohet me makinën e tij.

Demokratët e kanë konsideruar si provokim praninë e Benet Becit në këtë aktivitet, për përkujtimin e kryengritjes së parë antikomuniste të Shqipërisë, si përfaqësues të një pushteti që ka persekutuar Shkodrën dhe shkodranët.

Edhe ish-kryetari i Bashkisë Shkodër Bardh Spahia ka reaguar sërish për provokimet e rilindjes në festën e Postribës.

“Ikën i përzënë me bisht ndër shalë pa pritur të mbarojë as Himni Kombëtar, mbasi provokoi njerëzit liridashës të Shkodrës e Postribës dhe dha urdhër për arrestime.

Ti shoku Benet ishe aty i dërguar nga partia për të provokuar dhe përdhosur vuajtjet e popullit të Shkodrës, Postribës e Malësisë.

Ti nuk di çfarë është respekti sepse je një pelivan politik që sot përfaqëson persekutorët e Shkodrës dhe Postribës. Ti shoku Benet, përfaqëson narkoshtetin dhe persekutorët e Shkodrës dhe shkodranët po të njohin dita ditës”, shkruan Spahia ne shënimin e tij në facebook.

Kryengritja antikomuniste e Postribës në rrethin e Shkodrës është një nga kryengritjet e para dhe të pakta ndaj regjimit komunist. Me në krye Shaban Haxhinë, pjesëmarrës në Luftën e Koplikut 1920 dhe në rezistencën kundër pushtimit Italian në Shkodër, 1939. Më 9 Shtator kryengritësit sulmuan kazermat e ushtrisë dhe burgun e Shkodrës, me qëllim lirimin e të burgosurve politikë.

Revolta u shtyp me gjak nga ushtria, por jo vetëm kaq. Filluan reprezalje ndaj popullsisë së Postribës, me djegien e shtëpive të fshatit, gjyqe ushtarake, pushkatime, burgime dhe internime pa masë, si një kundërpërgjigje e diktaturës komuniste për kryengritjen.

Tregjet ndërkombëtare të arit të zi u hapën me një rritje të lehtë këtë të hënë, por sërish çmimi i naftës së papërpunuar mbetet në nivelet më të ulëta të dy viteve të fundit.

Më konkretisht nafta bruto në bursën e Teksasit për kontratat e Tetorit shitet me 68.8 dollarë, çmimi më i ulët ky që prej Dhjetorit të vitit 2021, para nisjes së luftës në Ukrainë.

Ndërkohë që javën e shkuar bursa u mbyll me një çmim edhe më të ulët, ku një fuçi naftë u shit në nivelin e 67 dollarëve. E njëjta situatë paraqitet edhe në bursën e Londrës ku nafta Brent shitet sot me afro 72 dollarë, ndërkohë që të premten e shkuar çmimi ra në nivelin e 70 dollarëve.

Edhe për këtë bursë ky është çmimi më i ulët në 2 vitet e fundit. Ekspertët e lidhin këtë situatë më së shumti me vendimin e kompanisë shtetërore të naftës së Arabisë Saudite e cila uli çmimin e arit të zi të papërpunuar për blerësit aziatikë, por edhe me rënien e kërkesës në konsumatorin më të madh në votë, Shtetet e Bashkuara të Amerikës.

Çmimet e naftës së papërpunuar në tregjet botërore pritet që në javët në vijim të japin efekt direkt edhe në tregun e pakicës në vendin tonë, raporton Tv Klan.

Në letër Gjeorgjia fillimisht mendohej si kundërshtari më i lehtë për Shqipërinë, por paraqitjet fantastike të tyre në Europian vërtetuan të kundërtën. Kvaratskhelia me shokë shihen si favoritë në grupin B1, pasi në ndeshjen e parë dhuruan spektakël kundër Republikës Çeke, një ndeshje që e fituan në shifrat 4-1.

Gjeorgjia nuk ka qenë kurrë një rival komod për Shqipërinë, këtë e vërtetojnë edhe statistikat pasi në 15 përballje kemi fituar vetëm 3 herë, ndërsa 8 fitore kanë shkuar për Gjeorgjinë dhe 4 takime kanë përfunduar në barazim.

Shqipëria ka ndryshuar totalisht me Sylvinho-n në stol, një ekip me një potencial të jashtëzakonshëm. Në ambientin kuqezi të gjithë besojnë në një sukses përballë Gjeorgjisë, në fakt edhe kompanitë e basteve besojnë te Shqipëria pasi një fitore e mundshme e kuqezinjve vlerësohet me koeficientin 2,30.

Ndërkohë një fitore e mundshme e Gjeorgjisë vlerësohet me 3,10. Deri më tani nga situata në grup Gjeorgjia dhe Shqipëria shihen si dy ekipet më favorite për ta mbyllur në vendin e parë.

Ditët e fundit në rrjet po qarkullon lajmi se dyshja e njohur, Heidi Baci dhe Romeo Veshaj i kanë dhënë fund romancës së tyre.

Çifti që u njohën dhe u dashuruan brenda mureve të shtëpisë më të famshme në Shqipëri, Big Brother VIP, thuhet se nuk janë më bashkë. Shkak për këto dyshime u bë mungesa e urimit publik nga Heidi për ditëlindjen e Romeos.

Një koment për këtë situatë e dha gazetari Ronaldo Sharka. Ai dha mendimin e tij gjatë një diskutimi në “Wake Up” ditën e sotme, ku mes të tjerash u shpreh se nuk e “ha” historinë e ndarjes së çiftit, por e sheh si një përdorim prej tyre për të marrë vëmendjen e publikut.

“Më duken skenare të reja. Romeo ndjek gjithë fisin e Heidit në Instagram. Kur dikush ndahet, prishet edhe me fisin. Nuk besoj që janë ndarë, thjesht i erdhi një ditë lajmi në dorë dhe po e mbajnë të karikuar”, thotë gazetari.

Ndjekësit e Dua Lipës kanë mbetur të habitur pasi këngëtarja publikoi një foto të veçantë nga dushi.

Në foton që u bë virale, këngëtarja e pop-it qëndron në tualet me bluzën e ngritur, duke treguar barkun e sheshtë teksa pozon përpara pasqyrës. Por kjo nuk është arsyeja pse njerëzit kanë nisur të komentojnë…

Një ndjekës shkruan në komente: “Dua zemër, ti nuk paske qenë vetëm në dush.”

Komentuesit të vëmendshëm vunë re një detaj. Në sfondin e fotos në banjë, janë të dukshme shenja gishtash nga avulli mbi xham.

Kjo ka bërë që imagjinata e fansave të shpërthejë, dhe shumë prej tyre po bëjnë shaka duke sugjeruar se këto shenja janë rezultat i aktiviteteve intime në dush.

Intervista tradiconale vjetore e kryeministrit grek Kyriakos Mitsotakis para dhjetëra gazetarëve pas hapjes së Panairit të 88-të Ndërkombëtar të Selanikut dhe fjalimit të tij për vizionin qeveritar deri në vitin 2027, prodhoi edhe dy lajme për Shqipërinë.

Pas një planifikimi dhe kërkese nga autoritetet lokale prej 19 vitesh më në fund ministria e Transportit dhe ajo e Infrastrukturës kanë aprovuar fillimin e punimeve të aksit rrugor Janinë-Kakavia, kaq i rëndësishëm për lëvizjen e mijëra automjeteve çdo ditë drejt dy vendeve

Por interesante ishte edhe pyetja që i është drejtuar kryeministrit grek se cilat janë marrëdhëniet e tij tashmë me Edi Ramën, pas burgimit, por edhe lirimit të Fredi Belerit dhe deklaratës së kryeministrit shqiptar se «marrëdhëniet e Shqipërisë me Greqinë janë strategjike”.

Nga ana e tij Kyriakos Mitsotakis është përgjigjur: “Ne duam marrëdhëniet më të mira të mundshme me të gjithë fqinjët tanë , përfshi edhe Shqipërinë. Kaluam një periudhë të vështirë dhe nuk dua të flas me detaje për rastin e Fredi Belerit. Dua të shpreh kënaqësinë time për faktin që ai ishte me ne në Panairin Ndërkombëtar dhe që kjo aventurë krejtësisht e padrejtë dhe e panevojshme që ai kaloi, më në fund mbaroi.

Më lejoni të them edhe një herë se marrëdhëniet, duke parë imazhin e gjerë, pra marrëdhëniet midis Greqisë dhe Shqipërisë, që ne duam të jenë shumë të mira, kalojnë nga respektimi i të drejtave të pakicës kombëtare greke të Shqipërisë.

Çështja e të drejtave pronësore nuk ka dalë asnjëherë nga axhenda jonë. Ajo po rikthehet dhe ajo që ne do të bëjmë është të sigurojmë, me ndihmën edhe të Fredi Belerit në Parlamentin Europian, që të drejtat pronësore të bashkatdhetarëve tanë në Shqipëri të respektohen plotësisht.

Dhe do të thoja se ky është një kusht i domosdoshëm që Shqipëria të vazhdojë të ecë në rrugën e saj europiane”. /tpz

Narin Güran, 8-vjeçarja e cila dyshohet se është vrarë nga xhaxhai i saj, u gjet e vdekur në shtratin e një përroi pranë fshatit Dijarbakır, 19 ditë pasi u zhduk.

Trupi i vogëlushes ishte futur në një thes, mbuluar me gurë dhe me degë pemësh që të mos gjendej.

Funerali i 8-vjeçares u mbajt ditën e sotme, ndërsa Narin u përcoll për në banesën e fundit nga të afërm, pasi prindërit, vëllezërit, 4 xhaxhallarë të saj, si edhe e shoqja e xhaxhait, që dyshohet se autor i krimit, u vendosën në pranga të policisë.

Narin Güran u zhduk në provincën lindore të Diyarbakırit më 21 gusht dhe u zbulua vetëm një ditë më parë, më 8 Shtator, brenda në thes rreth dy kilometra larg fshatit ku ajo banonte.

Pas gjetjes së kufomës së 8-vjeçares, u arrestuan 24 persona mes të cilëve nëna, babai si edhe dy vëllezërit e saj më të mëdhenj.

Një i dyshuar, i cili u vendos në pranga pasi u konstatua se kishte shkuar me makinë në përroin ku u zbulua kufoma dhe që punonte për xhaxhain e vogëlushes, Salim Güran, ka rrëfyer detaje nga ngjarja shokuese.

I arrestuari ka deklaruar se Salim Güran “erdhi me automjetin e tij dhe më dha trupin e Narinit të mbështjellë me një batanije”.

Ai ka shpjeguar se e kanë futur trupin në një thes së bashku me kryeplakun e fshatit dhe më pas ky i fundit është larguar.

“Unë e mora thesin dhe e çova në përrua”, tha ai. Xhaxhai i viktimës, njëkohësisht edhe kryetari i fshatit, Salim Güran është arrestuar më 2 shtator lidhur me zhdukjen e Narin Güran, pasi mostrat e ADN-së në automjetin e tij përputheshin me ato të 8-vjeçares.

Nga rezultati paraprak i autopsisë të kryer nga një ekip ekspertësh prej 14 personash, në trupin e pajetë të Narinit nuk u konstatuan shenja të dukshme dëmtimi nga sende të mprehta apo armë.

Sipas raportit, nuk mund të bëhej asnjë vlerësim në lidhje me kohën e vdekjes së vajzës.

Ndërkohë mësohet se nga autopsia është konstatuar se kishte thyerje të gjurit në këmbën e majtë.

Mësohet se Narin i janë marrë 91 mostra gjatë autopsisë dhe disa mostra janë dërguar në Institutin e Mjekësisë Ligjore të Stambollit.

Shqipëria po bën mjaft mirë nën drejtimin e Sylvinhos, ndërkohë që në Kosovës nuk mungojnë deklaratat e “xhelozisë” nga analistë, të cilësuar si të tillë.

Ish-futbollisti Blendi Memaj, me vetëm 200 minuta në karrierë, tashmë në rolin e analistit sportiv në Kosovë, ka bërë së fundmi një deklaratë ku “thumbon” cilësitë e Jasir Asanit. I ftuar në emisionin “Kampionët” në Kanal10, Memaj bën krahasimin mes Asanit dhe sulmuesit të Kosovës Edon Zhegrovës.

“Nëse sot e bëjmë një krahasim me Kombëtaren e Shqipërisë e ke një Jasir Asani i cili po shfaq një formë të jashtëzakonshme. Tani, ta marrësh Jasir Asanin dhe ta krahasosh me Edon Zhegrovën … as këpucët s’mund t’ia lidhë. Zhegrova është një nivel i jashtëzakonshëm. Edhe Kosova, për nga kualiteti individual është më lart se Shqipëria”, është shprehur ndër të tjera Blendi Memaj.

Një tjetër deklaratë skandaloze nga Kosova, që ndërkohë po vuan së tepërmi në drejtimin e Kombëtares, por dhe jashtë fushave “analistët” vijojnë me “perlat” e tyre qesharake. Askush nuk i diskuton vlerat e edon Zhegrovës, që po shkëlqen te Lille, por nuk mund të ulet poshtë një futbollist si Asani, që i ka dhënë shumë një Kombi si Shqipëria.

E reja e cila u dogj me benzinë nga ish-bashkëhsorti, Melisa Trëndafili, në një intervistë për “Shqipëria Live”, nga ambientet e QSUT, rrëfeu historinë e plotë.

Ish-bashkëshorti i saj, Bledar Trëndafili vijon të jetë i fshehur, që nga ngjarja e e 31 gushtit ku nëna e dy fëmijëve Melisa Trëndafili u dogj me benzinë.

31-vjeçarja është shumë e tronditur nga ngjarja makabër dhe ka deklaruar se po vuan nga ankthi.

“Jam shumë keq. Po kthehesha nga puna, më gjeti tek rrugica e shtëpisë, ndaloi dhe nuk e pash që kishte benzinë. E kishte futur shishen tek xhepi. E nxori dhe më hodhi çakmakun, ishte fqinja ajo që fiku me ujë zjarrin. AI erdhi dy ditë më parë, takoi fëmijët, u ulëm në një park lojërash, ishte i qetë. I thash për fëmijët duhet të kemi komunikim. Ditën e dytë nuk folëm më , të tretën pastaj erdhi e bëri.

Po presim të shikojmë si janë plagët. Di vetëm që do të rri gjatë në spital. Plagët i kam tek duart më shumë sepse jam munduar ta fik zjarrin me duar, barkun dhe kofshët. Kam temperaturë dhe më ka nisur ankthi. Nuk fle dot, trembem. Më del imazhi i tij para syve, kam frikë edhe për fëmijët. Kam 10 vite që njihem me të. Ai e ka ndërruar emrin, E ka pasur Bledar Trëndafili dhe tani e ka Elton Trëndafili edhe vjet në nëntor unë po sëmuresha shumë shpesh sepse jetonim në Tiranë, kishim punë tonën.

Sëmuresha prej stresit, i flisja për mirë, që shiko se kemi familje, ai nuk po bënte asnjë ndryshim dhe unë u sëmura më shumë dhe aty vendosa të shoh fëmijët dhe veten time. Familjarët e tij kam kontaktuar sepse kam marrëdhënie të mira. Ata më mbështesin, kanë bërë çmos që ai të ndryshonte por nuk e bëri. Gjatë sezonit punonte në Sarandë. Kemi ndërruar shumë shtëpi. Unë nuk kam asgjë. Kur kisha punën këtu në tiranë, që ma hapën njerëzit e burrit, ai ma shkatërroi. Më ka ndihmuar tashmë familja ime, që nga nëntori. Punoj ku të mundëm. Ai më ka lënë shumë keq me sigurimet”, tha ajo për ‘Top Channel’.